رواية داويتني فأحببتك الفصل الثامن 8 - بقلم HaboOoshy

أحدهم يعلم ...
أنني لن أنساه أبدا
وأن أبعدنا الفراق سيبقى في أعماق قلبي

بعد يومين
في الليل
بيت أبو محمد
في الصاله
(البنات يسولفوا مع امهم )
بشاير : يمه ماتحسي ان الحفله قريبه مره
ام محمد: الا وقتها ممتاز قبل العيد وسوالف الجامعه
هبه/ ايي عدل كلام أمي
بشاير: بس باقي عشرة أيام مرره قريب
هبه: لا تحاتي بعد شوي بنروح مع البنات السوق علشان عزيمة ليلة بكره ومنها ندور لك فستان بعد
بشاير: وبعدين وش هالواسطه الا بيطلعوا نتايج التحاليل
ام محمد: مالك شغل
هبه:هههههههه
بشاير: بلا ضحك وقومي غيري ملابسك قبل لا يجي سواق بيت عمتي
هبه: هههههه اوكي
........................
بيت ام خالد
(البنات جالسين ولابسين عباياتهم ينتظروا السواق ويروحوا السوق)
خالد وهو نازل من فوق: لسى مارحتوا؟
نوف: تأخروا علينا
خالد: اوكي...اهم شي ما تتأخروا دام إنكم بترجعوا مع السواق
ليلى : ما شاء الله احنا قبيله ما ينخاف علينا هههههههههه
خالد/ حتى لو ههههههههه
نوف: خلاص تعال الينا انت ههههه
خالد وهو طالع: اوكي بمر عليكم
"طلع وكان ينتظره محمد في السياره "
محمد بمزح: ليش جاي بدري
خالد:هههههههه نزلت وسولفت شوي مع خواتي شوي هههههه
محمد: ايي صاير هاليومين ساحب عليي
خالد: افا ههههههههه يتهيأ لك
................
....: خلاص خلاص بديت استجن الظاهر ...ايي اكيد من حبه صرت أتخيله في كل مكان ...ياربي أعيني وخليه يفكر فيني او يحس فيني
......................
بعد ساعتين
عند البنات في السوق
(كانوا كلهم يمشوا مع بعض ويلفوا ع المحلات)
بشاير:بديت اتعب خلونا نرتاح شوي
ريم: خلينا نروح الكافتيريا ..أني خلصت أموري
نوف وهبه : بنجي معاكم
(راحوا هبه وبشاير وريم ونوف الكافتيريا وباقي البنات كملوا تسوق )
رغد:بنات ساعدوني في الاختيار بديت أمل وأتعب
ليلى : انتي ذوقك صعب هههههههه
جمانه:اني اللي مايعجبوني الفساتين أخذت لي اثنين
رغد: اييي ماادري وش فيك هالمره ههه
ليلى : مالك شغل في مرت اخوي
جمانه:ههههههههه
ليلى : رغدووه اختاري بسرعه ترى اعتقد شوي وبيتصل خالد ونبغى نروح نأكل لنا شي هههههههه
جمانه: ليش؟ ماقال لي
ليلى : يخاف علينا مايبغى السواق ههههههه
جتهم صرخة رغد : بنات شوفوا هذا
جمانه: رغدووه نزلي صوتك فضحتينا
رغد لفت ولقت كذا واحد يطلعوا فيها ....فانحرجت
ليلى : ههههههه ...بس بالصراحه يستاهل الصرخه جمييل مره
رغد: صحيح ...خلاص بأخذه ...بخليه لحفلة بشاير
جمانه: طيب شنو بتلبسي ليلة بكره في العزيمه
رغد: عندي فستان ناعم من زمان شريته ومالبسته
ليلى : اوكي تمام
(دفعت رغد الحستب وهم طالعين جمانه صدمت في بنت )
البنت : اسفه ما كنت اقصد
جمانه رفعت راسها لما سمعت الصوت متفاجاءة وابتسمت
كانت بتمشي البنت بس وقفتها جمانه: بسسمه
لفت بسمه وباستغراب: تعرفيني ؟
جمانه وبفرح استغربوا منه ليلى ورغد: ايي اكيد عرفتك ..انا جمانه..جمانه ..نسيتيها ؟
(بسمه من سمعت الاسم شهقت وراحت تركض بعيده عن جمانه ...حاولت جمانه تلحقها بس مافيه فايده )
ليلى : تعرفيها جمانه ؟
جمانه بزعل الدنيا: ايي اعرفها
رغد: مو هذي بسمه اللي كانت معاك في ثانوي
جمانه: هي نفسها
رغد: بس وش فيها استغربت وهربت بسرعه
جمانه بضيق : ماادري ماادري ..خلونا نروح للبنات تأخرنا عليهم
,,,,,,,,,,,,,,,,,,,,,,,,,,,,,,,,
في الديوانيه
سلمان: وطبعا كلكم معزومين مع اهاليكم
فهد / ورجاءا بلا هبالكم هناك هههههههه
الشباب: هههههههههههه
ريان : مرره وحشه لفارس
فهد: تلاقيه الحين متونس هناك وناسينا بعد
ليث: ههههههههه مايسويها
جاسم: شباب وش رايكم في سباق بالسيارات
سلمان تضايق: لا ماابغى
فهد: انا سيارتي ماتساعد
ليث :انا معاكم تحمست ههههههههههه
,,,,,,,,,,,,,,,,,,,,,,,,,
عند البنات
البنان/هههههههههههه
ريم: جمانه وش فيك . متضايقه من احد
انتبهت اليها جمانه: ها ..لا ولا شي
نوف/ مااكلتي شي ؟ صحنك مثل ماهو
جمانه/ لا مافيني شي بس تعبت وي
"رن جوال جمانه"
جمانه: هذا خالد...الوو
خالد:هلا بأحلى الوو ...وحشتيني
جمانه:هلا خالد
خالد استغرب:فيك شي ؟
جمانه: لا سلامتك
خالد: متأكده
جمانه:اييي
خالد باستغراب: طيب أنا انتظركم عند بوابه اثنين
جمانه:اووكي ثواني وطالعين
خالد:مع السلامه
جمانه:مع السلامه ....يلا بنات خالد برا
(جهزوا حالهم البنات وطلعوا وفعلا شافوا خالد واقف ينتظرهم ركبت جمانه قدام والبنات ورى )
خالد:ما شاء الله عليكم كل هذا في ثلاث ساعات
نوف: ههههههه افا عليك اخوي ..احنا بنات كل ماخليتنا اكثر كل ماشرينا اكثر
البنات:هههههههه
خالد: انا عازمكم على سحور ..اتصلوا الى اهاليكم خبروهم
ريم: ولد عمتي نبغى مطعم أكله لذيذ
خالد: ولا يهمك
نوف: بس نتسحر من الحين ؟؟
خالد: الساعه وحده الا ربع الحين ..بنروح وعلى مايوصل الطلب ..لا تخافي مابتجوعي بكره هههههههههه
البنات :هههههههههه
جمانه:خالد
خالد:عيونه
البنات : نحن هنا هههههههههههههه
خالد:تصدقوا نسيتكم ههههههه ....آمري جمانه
جمانه:مااقدر اروح معاكم ...اذا ممكن توديني البيت
خالد حس بصوتها ان فيها شي "تقرب منها ": فيك شي ؟
جمانه:لا بس
خالد قاطعها: بنات من اللي مزعل جمونتي
نوف: جمونتك مااحد مزعلها ههههههه
رغد: الا تضايقت من صديقتها اللي ماعرفتها
جمانه: ما عليك منها
خالد: عجل بتروحي معانا ...والا اكنسل السالفه كلها
هبه: ايي كل شي ولا جمون
نوف: يرضيك يا جمانه تروح علينا الطلعه
ليلى : يرضيك اتزعلي اخوي
جمانه باندفاع ماحست اليه: لا طبعا مااقدر
البنات:هههههههههه
انحرجت جمانه
خالد: ماعليك منهم هههههه
...............................
بيت ام زياد (خت ام حسن )
سمر/ رهف ماتحسي ان ريم مختفيه من اخر مره جت الينا
رهف: ايي وحتى لما عزمتها ع الفطور اول امس ماحبت اتجي
ام زياد: اختي تقول من رجعت من ذاك اليوم وهي متغيره
سمر: ايي خالتي كلمتنا اذا صار شي هني بس قلنا اليها لا
ام زياد: بس الحمدلله رجعت الحين لطبيعتها
بسار : هو صار اليها موقف مع وحده من صديقاتكم ؟
سمر: لا بالعكس مرره حليوة كانت الجلسه
بسام بتمثيل : غريبه
في نفسه"يعني الحين مااعتقد ان راح اشوفها مره ثانيه ...بس لا هالجسم وهالطول مااراح يصير لغيري بس لي والأيام بينا يا ريوم"
...........................

كان جالس مع شلته وما خذتنهم السوالف
........: حيا الله العريس
...........: هههه لسى باقي أسبوع تقريبا على كلمة عريس
...........:وشفت العروسه ..؟
...........:هههههه لا انا مارضيت أشوفها خليها مع الحفله
...........:لانك غبي هههههههه
...........: انا كذا والا كذا بأخذها
...........:اووه من وين متعرف عليها يا عبود ؟
عبدالله : افا يانوافوه انا خويك وتعرفني
نواف: هني المشكله إني اعرفك هههههه
عبدالله/هههههههه
رائد:أقول بلا هدره وتعالوا العبوا معانا
عبدالله: جاي لك وبكسر راسك بعد ههههههههههه
رائد: يلا نشوف هههههههههههههه
..............
في سيارة سلمان
سلمان: انا ابغى افهم وين رحت أنت وريان
فهد:ولا مكان
سلمان:فهيد انا اعرفك...... وين طست اعترف
فهد:ولا مكان ....بس وصلني البيت راسي بينفجر
سلمان:وراسك بينفجر ....فهيدان عيونك بعيوني
حط فهد عيونع بعيون سلمان
سلمان:رحت فحطت صح
فهد:هههههههههههههههههههههههههههههههههههه
سلمان: قلت لك إني اعرفك
فهد:جربت ولأول مره طلعت السالفه حممماس
سلمان:احلف عاد ...ماتخاف على روحك انت ماتذكر وش صار في .."تذكر وسكت "
فهد باستغراب: في من ؟
سلمان:خلاص ولا شي انزل وفكني
فهد:باقي شوي ع البيت كمل معروفك
سلمان بدون ولا كلمه وصله للبيت ونزل فهد وهو مستغرب بس قبل لا ينزل
فهد:دامك مو راضي تقول ..بخليك الحين بس مصيرك بتقول لي
سلمان بدون نفس : يصير خير
......................
في المطعم
(كان خالد وجمانه في كبينه بروحهم و البنات في كبينه بروحهم)
كبينة البنات
ريم: والله خالد ما جابنا المطعم علشان سواد عيونا
نوف:هههههههه اييي علشان جمانه
ليلى : لا تحطوا في ذمتكم على اخوي ههههههههه
بشاير : احمدوا ربكم بس هههههههه
رغد:بنات اتركوا هالسالفه ..لو سمحتوا ليلة بكره نبغى كشخه مابعدها كشخه كان وحده الحريم تعجبوها ونفتك منكم
ليلى : احلفي عاد
ريم بغرور مصطنع: اني عن نفسي بكشخ مو من مستواي اطلع مو حلوه
البنات:ههههههههههههه
"كبينة خالد وجمانه"
(خالد جالس ويتأمل جمانه اللي كانت منزله راسها )
خالد وهو حاط يده على خده ومتكي على الطاوله : متى راح يرفع القمر راسه
جمانه بحيا: اذا انت نزلت عيونك عني
خالد:هو أنا اقدر
جمانه:خالد ههههههههههه
خالد:عيونه وقلبه
جمانه بحيا/ هههههه
خالد:الحمدلله شكله تحسن مزاجك
جمانه ابتسمت
خالد وقف
جمانه رفعت راسها:وين بتروح
خالد:وأخيرا رفعتي راسك هههههه
جمانه/ههههه
خالد:ثواني وراجع
جمانه :طيب
جمانه بعد ماطلع خالد جلست تفكر بينها وبين نفسها : مااتوقع انها ماعرفتني الا عرفتني ونص بس ليش سوت نفسها ماتعرفني ,,انيخلاص لازم اشيلهم من بالي والحمدلله عندي اهلي وخالد يقدروا او بمعنى اصح قدروا باهتمامهم وحبهم لي ينسوني شوي من ذيك الأيام آآآه على ذيك الأيام بس ان شاء الله هذي الأيام وبقرب خالد راح تصير أحلى وأحلى وإن
"قطع عليها نداء خالد لها "
جمانه بابتسامه/ هلا
خالد:وين رحتي صار لي ساعه انادي عليك لهدرجة وحشتك "غمز لها "
جمانه: هههههه لا بس سرحت شوي
خالد:اكيد في البنت اللي شفتيها في المجمع
جمانه/اممم تقريبا ..بس خلاص ماعليك شلت السالفه من بالي
خالد:طيب اذا حابه تتكلمي ترى انا موجود
جمانه ساكته
خالد: ماراح أغصبك بس حطي في بالك شي ان انا دائما راح أكون مستعد ان اسمعك ....طيب ؟
جمانه بابتسامه: طيب
...................................
مرت الساعات وجى وقت العزيمه
في المزرعه اللي بتكون فيها العزيمه
جهة الحريم
بشاير: ريمووه ما شاء الله ماتوقعت معارفكم لهدرجه
ريم :صراحه حتى اني مستغربه هههههه
هبه: بشاير بشاير
بشاير لفت لها: هلا
هبه: شوفي اهل عبدالله هناك
بشاير :احلفي
هبه: شوفيهم هناك
بشاير شافتهم : أقوم اسلم يعني
ليلى : وش رايك يعني ...اكيد تقومي
"وقامت بشاير وهي مستحيه "
نوف : يضحك شكلها وهي مستحيه هههههههههه
هبه: بلا مسخره على اختي ههههههه
ريم: بنات بنات
لفوا لها
ريم :شوفوا ذيك البنت اللي داخله مع أمها ..اول مره اشوفهم
ليلى : يمكن من أصحاب أبوك
ريم: ايي يمكن
نوف/ بس بصراحه البنت جميله
هبه : ايي ملامحها هادئه
ريم : وش فيكم ع البنت اتركوها ههههههه
......................
"عند الرجال"
كان الحضور جدا كبير
سلمان: ما شاء الله الحضور واجد
محمد: اييي ماشاء الله معارف عمي واجد
خالد: يالله عقبال مانشوف حضور عرسك
سلمان: ههههه ان شاء الله
فهد: اووه هذا ناصر
سلمان:شكله معاه أبوه ..خلنا نروح نسلم عليهم
"توجهوا لناصر وأبوه وبعد السلام "
أبو ناصر : وين الوالد حاب اشوفه
سلمان : لحظه بشوفه "وراح "
ثواني وكان سلمان مع ابوه
أبو حسن : وين هو أبو صاحبك
سلمان وهو يأشر : هذا هو
أبو حسن انتبه لصبع ولده يأشر على من ووقف منصدم
..................................
نهاية البارت الثامن