رواية داويتني فأحببتك الفصل الثاني عشر 12 - بقلم HaboOoshy

الشعور اللي صدق ما أحبه ؟ اعرف شي ما كان ودي ادري عنه

بعد ثلاث ساعات
الكل كان نايم ما عدا البنات
كانوا مختارين غرفه من الغرف كانت بعيده عن الغرف الباقي ومطفين النور ومشغلين اضاءة خفيفه وحاطين لهم فيلم رعب وماخذين لهم فشار وحلويات ومرتبين لهم الوضع

نوف: يالله متحمسه للفيلم ههههههه
ريم: تعالوا ...ساره مرت اخوي ماجت
ليلى : ههههههه ولا بتجي ...اخوك يوم كامل ما شافها
ريم: هههههه ...اوكي نبدأ عجل
"ولما شغلوا الفيلم "
"رن جوال ريم يعلن وصول ريم ...فتحته وكانت مبتسمه لما قرأتها اختفت ابتسامتها "
"هلا ببنت الخاله ....واحشتني
أنا عارف إنك في منتجع ؟؟؟ قريب راح أوصل
انتظرني طيب
بسام "

نوف تقربت منها : ريم فيك شي
ريم مدت لها الجوال
نوف حطت يدها على فمها علشان تمنع شهقتها وبدأت تهدي ريم وبحيث لا احد يحس إليهم
" بعد تقريبا ربع ساعه"
فجاءة وبدون سابق إنذار
انطفأ الفيلم وانطفأت الإضاءة
البنات صرخوا
ريم خافت وقالت في نفسها: لا يكون بسام هو اللي مسوي هالحركه
"وطلعوا برا الغرفخ واتجهوا للمبنى اللي فيه أهلهم وهم يمشوا سمعوا صوت كلاب "
نوف بخوف: يمه ...صوت كلاب
جمانه: سرعه خلونا نروح داخل
ريم بخوف: صوت الكلاب قاعده تقترب
هبه: خايفه
"فجاءة وتطلع الكلاب لهم من ورا الحوض"
صرخوا البنات بس سكتوا لما سمعوا صوت ضحك
راحوا البنات ورا الحوض وشافوا الشباب وهم ميتين من الضحك "
هبه: يعني انتوا اللي طفيتوا النور علينا وطلعتوا الكلاب
فهد وهو ميت من الضحك : ههههههههه اييي
"جو الكلاب كرمكم الله ووقفوا عند الشباب"
سلمان : نرد مقلبكم هههههههههه
ريم: نحيسين خربتوا علينا
نوف: وخوفتونا
جمانه تكلم خالد: ومسويين نفيكم بعد نايمين
خالد:ههههههههههههههه
"قطع عليهم صوت جاي من برا "
سلمان: وشو هذا الصوت .
محمد: جاي من برا ..بروح اشوف " وراح "
نوف: ع العموم راح نردها لكم وبتشوفوا
سلمان: هههههه نشوف
"رجع محمد وفي يده باقه "
محمد: شنو هالحركات با بنت عمي ريم
ريم : على ايش؟
محمد: صديقتك جايبه لك باقه تبارك لك بالعيد هههههه
"و مد لها الباقه واخذتها ريم وقلبها يدق بقوه ....اخذتها كانت الباقه تدل ان صاحبها ذوق وأبو الذوق بعد أخذت الكرت وقرأته "
"كل عام وانتي بخير يا ريومة قلبي ...كنت حابه أشوفك بس ماسمحت الفرصه
أحبك
صديقتك بسمه "
ريم مرتبكه وبابتسامه: هذي صديقتي بسمه
"ومشت عنهم وهي متجهه لغرفتها وفي هالاثناء وصلتها رساله في جوالها ...فتحتها وكانت متوقعه انها من بسام
" ها يا بنت خالتي عسى بس عجبتك الباقه ...سامحيني ماقدرت أوصلها لك بنفسي هههه..الجايات أكثر ان شاء الله "
تجمعت الدموع في عيونها مو عارفه كيف تتصرف

اما عند الباقي
نوف حست أنها من بسام
سلمان: عجل احنا ما احد يذكرنا بشي ههههههه
خالد: بس بصراحه نِعم الصديقه وصلتها لحد هنا ههههههه
نوف: أقول لا تغيروا الموضوع عن مقلبكم هذا
هبه: احمدوا ربكم ماااحد سمعنا واحنا نصرخ بسبب العوازل كان سويناها لكم سالفه
سلمان: لحظه لحظه يا بنت عمي ..تذكرين السنه اللي راحت
البنات ماتوا من الضحك
جمانه: خلاص بكذا تصافينا هههههه
فهد: ايي تقريبا هههههه
................................
بعد شهر واسبوعين
• بدأت الدراسه
• خالد وجمانه باقي أسبوعين على موعد زواجهم
• فهد فعلا تغير صار ما يسهر كثير وقلل من الدخان وصار يدرس ويشتغل في نفس الوقت ..طبعا اخوه خالد مارضى ان يشتغل بس هو أصر
• ريم كانت مستانسه بتغير فهد بس في نفس الوقت متضايقه من رسايل بسام ومو عارفه كيف تتصرف
• ام جمانه من ذاك اليوم وهي موصيه أبو جمانه ان يرجع يكمل بحث عن ولدهم لان مازال عندها أمل إن عايش
• تحدد زواج بشاير وعبدالله وراح يكون بعد شهر من زواج جمانه وخالد

........................................

يوجعني قلبي كل مَ ذكرت
أنك مو لي

في الجامعه
البنات كلهم في نفس الجامعه
بس التخصصات تختلف

"جالسه في الكفتيريا تنتظر بنت عمتها تجي ....وسرح بالها للموقف اللي مستحيل تنساه وكأنه صاير أمس مع ان صاير من اكثر من شهر ...خلونا نرجع معاها "

(كان في ذاك اليوم... الشباب عازمين البنات علشان الفوز اللي فاوزه لما سووا السباق ...بعد ما راحوا المطعم ...طلبوا البنات ان يتسوقوا .... وفعلا الشباب اخذوهم لاحد المجمعات ...وانتشروا كلهم
في إحدى محلات العطور
..... يكلم نفسه: ماادري ليش تذكرتها الحين ....بأخذ لها واحد من هالعطور ... بعطيها وياه لما نملك ان شاء الله ههههه ...اللي يشوفني ان خطبتها الحين ههههه بس حتى لو بأخذ لها عطر وبخبيه ...بس انا مااعرف لذوق البنات ...اوف مافيه احد من بنات عيلتنا ...."لف في المحل يشوف ولفت نظره وحده من بنات عمه ... توجه لها "
....: بنت عمي
لفت له هبه : هلا
...: زين طلعت مو غلطان ههههه
هبه: ههه ...آمر سلمان
سلمان وهو مستحي: ابغاك تختاري لي عطر من ذوقك
هبه: مااعرف للذوق الرجالي
سلمان: لا ..ابغى نسائي
هبه وهم يتوجهوا للعطور : لاختك ريم يعني ؟
سلمان :هههه بصراحه لا
هبه استغربت : لمن يعني ؟؟
سلمان : يصير ماتعرفي ؟
هبه حست على نفسها: لا ...بس علشان عمرها واحدد العطر اللي يناسبها
سلمان: عمرها 20
هبه استغربت أكثر
سلمان: عارف انك مستغربه ...بس بقولك وابغاه يكون سر بيني وبينك ....انا احب بنت خالتي رهف ...وان شاء الله اذا خلصت دراسه راح اخطبها ...بس الحين ذكرتها وقلت بأخذ لها هديه
هبه وقلبها يعورها : انتوا على علاقه يعني ؟
سلمان بسرعه : لا طبعا ....ولاتدري ان أحبها
هبه: امممم
سلمان : هذا الكلام مايطلع يا بنت عمي ...انتي اول وحده تدري بعد فهد
هبه غصبت الابتسامه: ان شاء الله ولا يهمك ...يلا خلني اختار لها
سلمان :هالله هالله فيه
هبه / هههه ان شاء الله )

رغد: هبه ...هبه
هبه انتبهت لها: هلا
رغد:وين رحتي ؟
هبه تنهدت
رغد: خلاص يا هبه السالفه صار لها تقريبا شهر ..انسي السالفه
هبه تجمعت الدموع في عيونها: مو قادره مو قادره
رغد حضنتها ولما حست أنها هدأت بعدت عنها
رغد ابتسمت : هبه ابغاك توعديني والحين بعد أنك تنسيه ...الله بيعوضك باللي احسن منه ان شاء الله
هبه بحزن: بس ابدا ماتوقعت ان يحب لا وبنت خالته بعد
رغد: وش قلنا ..خلاص انسيه انسيه
هبه بابتسامة ألم: خلاص اوعدك
رغد:وعد رجال هههههه
هبه: ايي وعد رجال هههههههههههه
رغد: ها كيف الدراسه ؟
هبه:اتجننن ....تعرفي يعني ان عشقي الهندسه
رغد:الحمدلله انك انقبلتي فيع
هبه:الحمدلله
رغد: وين البنات غريبه ماجو ؟
هبه وهي تشوف جمانه وريم ونوف : جوا
جمانه وريم ونوف: سلام عليكم
هبه ورغد: وعليكم السلام
جمانه وهي تحط راسها ع الطاوله : نعـــــسانه
نوف: أككيد من السوالف مع خالد البارحه
ريم: مسوي تعويض عن الشوفه
جمانه: هههه ايي ..ايي ما ابغاه يشوفني ما باقي على العرس غير أسبوعين
هبه: والله احسن شي انكم سويتوه في الاجازه ...مو مثل بشاير
جمانه: ايي احسن لي بعد ...صحيح وين بشاير؟
هبه: عندها محاضره الحين
نوف: وكلمتيهم يعطونك إجازه علشان لما تسافروا لان الاجازه أسبوع بس ماتمدي
جمانه: ما رضوا ...احنا عرسنا بداية الاجازه وسفرتنا أسبوع ونص تقريبا " بابتسامه " بس وعدني خالد بسفره ثانيه
البنات: اووه هههههههههههههه
.........................

في الليل
بيت أم خالد
ع العشاء
(كان الكل موجود )
ام خالد: يمه فهد فيك شي ؟؟
فهد: لا يمه بس مرره نعسان ..اليوم صار ضغط عليي الدوام والجامعه
خالد: انا قلت الك مو لازم تشتغل انا راح اساعدك بعدين
فهد: لا لا ابغى اعتمد على نفسي شوي
خالد: براحتك
نوف:خالد ....اليوم جمانه كانت شوي وتنام علينا ههههه تقول مسهرها انت البارحه
خالد:ههههه ماعليكم منها هي اللي تبغى تسولف
نوف:ماندري من نصدق ههههه
خالد:ههههههه
فهد وهو واقف : تصبحوا على خير
الكل: وانت من اهله
نوف: احس مو حليوه شخصية فهد كذا هههههه
ليلى :بتتعودي عليه هههههههه
.....................................
في لندن
كانوا يسبقوا بساعتين عن السعوديه
تركي: يمه وش فيه وجهك ...احسك تعبانه
ام تركي: لا يا يمه بس مانمت البارحه زين
تركي: لا يا يمه تعب النوم غير
ام تركي بابتسامه: يا دكتور تركي لا تطبق دراستك عليي ههههه
تركي ابتسم وقام متوجه لغرفته
ام تركي:تركي ...مابتأكل لك شي
تركي: لا يمه مو مشتهي عليي اختبار ..وابغى اراجعه عدل
ام تركي:الله يوفقك يا يمه
" دخل تركي غرفته ورجعت ام تركي لحزنها "
ام تركي تكلم نفسها : الى متى ؟؟ السالفه صار لها 24 سنه وانا كل يوم اتعب اكثر واكثر ...المفروض ماأبين الى أحد
تصنعت الابتسامه وقامت لغرفة ولدها
ام تركي : تركي تبغى اسوي لك عصير برتقال
تركي: لا يمه مشكوره
ام تركي:طيب انا طالعه بروح لأم أحمد اجلس معها نسولف
تركي:ايي غيري جو
......................................
......: الحين انت لمتى بتضل كذا ؟
......: ههههههه
......: ليش تضحك
......: خلني أخلص خطتي وبعدين أقولك ههههههه
......................
اليوم اللي بعده
الصباح
في كلية سلمان وفهد
سلمان: فهيدان الشباب يسألوا عنك ..متى بتجي الديوانيه
فهد: امممم أتوقع في الويكند راح أمرهم ...الحين ما يمديني
سلمان:هههههههههههههههه
فهد:وش فيك ؟
سلمان:حتى طريقة كلامك تغيرت ...ودي أعرف سبب هالتغير
"طبعا اللي كان يدري بسالفة أختبار أبو حسن لفهد بس أهل فهد وريم "
فهد بابتسامه: بعدين راح تعرف
سلمان :ههههه طيب ...يلا المحاضره لا تروح علينا
فهد: يلا
.........................................
في الشركه اللي فيها خالد
...: أستاذ خالد ...المدير طالبك
خالد: طيب
"توجه خالد للمدير"
خالد:السلام عليكم
المدير:وعليكم السلام ...تفضل أستاذ خالد
جلس خالد مقابل المدير : آمر أبو نايف
أبو نايف: انت متى راح تبدأ إجازتك ؟
خالد:بعد أسبوع ان شاء الله
أبو نايف:طيب عادي تأجلها ..صايره مشكله في فرعنا لندن وانا مابقدر اسافر..وانا صراحه مااثق في احد غيرك
خالد:بس انا مأخذ اجازه علشان زواجي ... وانا اعتز بثقتك فيني بس يعني اسف أبو نايف مابقدر اسافر
أبو نايف:ألف مبروك يا ولدي ...بس متى زواجك ؟
خالد:الله يبارك فيك ...تاريخ واحد الشهر الجاي
أبو نايف:واحنا اليوم تاريخ 17 يمديك تروح وتجي وراح تكون كل تكاليف الرحله على الشركه
خالد: متى راح تكون السفره .
أبو نايف:بعد يومين...وقت ما تحل المشكله تقدر ترجع
خالد:طيب عطني الى الليله افكر
أبو نايف:ان شاء الله ورد عليي بأقرب وقت.... واذا رحت راح ينضاف الى راتبك هالشهر نسبة 40 بالمئة وتالي تقدر تكمل إجازتك
خالد:ان شاء الله على خير ..عن إذنك
"وطلع خالد وراح مكتبه "
خالد: اووف وش هالسالفه دي ...وش يوديني لندن انا
"دق جواله وكان محمد"
خالد:اتصلت في وقتك هههههههه
محمد:حاس فيك انا ههههههه ....وش فيك ؟
خالد:توني جاي من عند المدير وطالب مني أسافر لندن
محمد:متى ؟ وزواجك ؟
"وكملوا سوالف"
.......................................
عند البنات
(كان اللي قاعد في الكافتيريا جمانه وبشاير وريم ويسولفوا عن تجهيزات الزواج وريم مستمعه لهم )
بشاير: احسني مرره مزدحمه ومايمدي ان اروح السوق او شي ..الله يسامح عبدالله المستعجل
جمانه:هههههه ...طيب ع الأقل كان سويتوه في هالاجازه اللي راح تجي ؟
بشاير: احنا ماحددنا الا قبل شهر ونص تقريبا واذا جت الاجازه بأكون مو كل شي جهزته
جمانه:ايي عدل كلامك ...متى محاضرتك ؟
بشاير: الساعه عشر ...وانتي ؟
جمانه وهي تشوف الساعه : بعد نص ساعه
سكتوا شوي ...مرت من قدامهم بنت كانت منزله راسها على جوالها
ريم انتبهت لها وقالت بصوت مرتفع شوي : جواهر ؟
لفت لها جواهر وعرفتها وسلموا على بعض
ريم: اعرفك جمانه بنت عمتي ..بشاير بنت عمي
جواهر: هلا فيكم تشرفنا
ريم: انتي من متى في هالجامعه ..اول مره اشوفك ؟
جواهر: من بداية السنه بعد ماترتبت أمور النقل وكذا وحتى انتي اول مره اشوفك ههههههه
ريم وهي تكلم بشاير وجمانه: هذي جواهر بنت صاحب ابوي
بشاير وجمانه: تشرفنا
بشاير: احس وجهك مو غريب ...انتي شنو تدرسي ؟
جواهر: تمريض
بشاير: عفوا على السؤال بس أي شعبه هههه ؟
جواهر: 3
بشاير: هههههه يعني معاي ...ولا مره تكلمنا مع بعض
ريم: سبحان الله شهالصدفه
جواهر: ههههه الحين تذكرتك
ريم: يلا زين علشان تتعرفوا على بعض هههههههه
"بعد مرور دقايق"
جواهر: استأذن الحين بس عندي شغله قبل لا يبدأ الكلاس مع السلامه
البنات: مع السلامه
جمانه: شكلها طيوبه
ريم: مرره حليوه شخصيتها مع ان قعدت معاها بس مرتين او ثلاث ...تذكروا ذيك المره لما قلت اليكم ان شفت صديق اخوي وحليو وعلقتوا عليي ...ههههههه
جمانه وبشاير: ايي هههههه
ريم :يصير أخوها ولا تؤامها بعد
جمانه :جميلين التؤام دائما
بشاير : الله يرزقك بتؤام
جمانه/ لا طبعا هههههههه استغفر الله ل
رن جوال ريم يعلن وصول رساله فتحتها وهي متضايقه لانها تعودت على الرسايل منه

"صباح الفل يا ورده
لمتى ماراح تردي عليي ؟ يرضيك كذا تعذبيني ..ترى أقدر أسوي اكثر من كذا ...حدك الى الليله الساعه 8 اذا مارديتي علي راح تشوفيني في غرفتك
بسام "
ريم تجمعت الدموع في عيونها
بشاير مستغربه : ريم فيك شي
ريم حست لهم ومسحت دموعها :هههه لا ....غريبه كل البنات في محاضراتهم ههههه
الا بجية نوف
نوف : السلام عليكم
البنات: وعليكم السلام
ريم وقفت علشان لا احد يحس لها : عن اذنكم بنات ...نلتقي في بريك الغذا ..باي
البنات: باي
جمانه: وش فيها ..فجاءة تضايقت
بشاير : الله اعلم ..نوف متى محاضرتك
نوف: بعد ساعتين "ومدت لجمانه كيس " هذا هديه من خالد ويقولك لا تفتحيه الا اذا كنتي بروحك وانتي تكلميه بعد
جمانه اخذت الكيس: هههه اووكيه "وقفت" خلاص ماباقي على محاضرتي شي ...قود باي
بشاير ونوف: قود باي
"قامت جمانه عنهم ودقت على خالد ورفعه وكانت داخله كلاس فاضي "
خالد: اكيد وصلتك الهديه
جمانه:ههههه ايي مشكور
خالد:طيب شفتيها علشان تشكريني
جمانه:لا ...بس اكيد راح اشكرك
"و بدأت تفتح العلبه وجتها صدمه "
"بعد ثواني"
خالد:الووو ...وينك "بابتسامه" فتحتيها صح
جمانه بصدمه : خالد
خالد: هههههههههههه هذا راح تلبسينه لي ليلة زواجنا ...طيب؟
جمانه: قليل ادب "وسكرت الخط "
خالد:هههههههههههههههههههههههههه توقعت بتسوي كذا
................................
العصر
........: انت تدري بإن اللي تسويه اختك خطأ؟
........: أي ادري بس شنو اقدر اسوي واذا هي كانت تبغى كذا
........: بس هذا مايرضي الله أبدا
........: خلاص كلميها يمكن هالمره تقتنع
..............................
بيت أبو حسن
(كام الموجود في الصاله حسن وزوجته مع ام حسن )
ام حسن : ماعرفتو بنت والا ولد ؟
ساره : لا لسى خالتي
حسن : ولا راح اقولك يمه اذا درينا هههههه ...خليها مفاجاءة
ام حسن : افا
ساره : ماعليك منه خالتي ..راح نقولك اكيد
ام حسن : شفت كيف..زوجتك احسن منك
حسن : هههههه "تقرب من ساره وصار يهمس لها وهي تبتسم خجل "
جت ريم وانتبهت لهم : اعتقد عندكم غرفه وتقدروا تتغزلوا ببعض
حسن: هههه لا خلاص خلصنا ...يلا سارونه علشان اوديك بيت اختك قبل لا اروح للشباب
ساره: طيب ...عن اذنكم
"وراحوا "
ريم: يمه ماجى سلمان؟
ام حسن: لا لسى ...تبغي منه شي ؟
ريم: لا بس أسال عنه
ام حسن :انا بروح ارتاح لي شوي ..دايخه شوي "وراحت غرفتها "
ريم تكلم نفسها/ انا راح أقول لسلمان وخلاص ...مااقدر اتحمل اكثر
"وبعد مرور ربع ساعه دخل سلمان وبيده كتبه "
سلمان: سلام
ريم:وعليكم السلام
سلمان:ريوم حطي لي غذا حدي جوعان
ريم:طيب بس اممم "وصارت تفرك يدينها ببعض بتوتر"
سلمان استغرب: ريوم فيك شي ؟
ريم:صراحه ايي ....امم مو عارفه كيف اقولك
سلمان:اخدي راحتك تكلمي
ريم:انت اقرب لي من اخوي حسن ..لذلك حبيت اقولك
"مدت لع الجوال على اخر رساله وصلتها ...اخذ الجوال سلمان باستغراب وقرأ"
سلمان بعصبيه: من هذا بسام ؟
ريم وهي منزله راسها: بسام ولد خالتي
سلمان انصدم : ومن متى هالرسايل ؟
سلمان:تذكر لما رحت بيت خالتي في رمضان و ....
"حكت له السالفه كامله وكل الرسائل اللي وصلتها وهي تبكي "
سلمان حضنها: طيب ليش ما قلتي لي من البدايه ...ليش خليتيه يتمادى
ريم:ماتوقعت السالفه بتوصل لكذا" بكت "
سلمان: خلاص اهدي وانا اوريه هال؟؟؟؟
ريم:انتبه لنفسك منه
سلمان وهو يفكر : ولا يهمك ...راح يشوف شغله والليله بعد ...بس زين منك إنك قلتي لي والا كنت راح ازعل منك
"ابتسم لها وريم ردت له الابتسامه"
.......................................
بيت ام خالد
(خالد كان توه جاي من الدوام ...راح لغرفته وبدل ملابسه وقبل لا يطلع من غرفتهدق على جمانه للمره المئه ولا ردت عليه)
خالد: هههههههههههههه ماتخيلت الموقف محرج لهدرجه
"نزل لأهله تحت وبدأت يتغذا مع فهد اللي كان من شوي بعد جاي من الكليه "
خالد: شخبار الكليه؟
فهد:فوق التمام الحمدلله
خالد:الحمدلله "يكلم امه " يمه جايني شغل في لندن وع الاغلب باروح
ام خالد: متى ؟
خالد: الرحله بعد يومين
فهد:وزواجك ؟ ما باقي عليه شي
خالد:راح ارجع قبل ان شاء الله ..وانا الحمدلله مخلص كل اموري
ام خالد: احسها صعبه يمه ..زواجك باقي عليه تقريبا 13 يوم
فهد: شغل مهم يعني ؟
خالد: هو صاير مشكه في فرع الشركه اللي بلندن والمدير يثق فيني فرشحني ان اروح انا ومتى مااخلص المشكله اقدر ارجع
ام خالد: براحتك ياولدي
...............................
بيت أبو عبدالعزيز >>صاحب أبو حسن
جواهر: يمه ....يبه اكتشفت اليوم ان ريم بنت عمي أبو حسن معاي في الجامعه
ناصر : من متى بدأت الدراسه وتوك تكشفي هههههههههه
جواهر بنظره يعني خير: ترى الجامعه كبيره
ناصر: زين هههههههه
ام عبدالعزيز: ماشاء الله وشو تخصصها ؟
جواهر: تصميم
أبو عبدالعزيز: كم عمرها ؟
جواهر: اللي فهمته منها انها 19 بتدخل 20
أبو عبدالعزيز : ماشاء الله
ام عبدالعزيز: صراحه البنت ادب واخلاق ...عبدالعزيز وش رايك اخطبها لك
عبدالعزيز لف لهم لان كان يشاهد: تخطبي لي أنا ؟
ام عبدالعزيز: ايي انت ...انت في سن زواج ..والوظيفه عندك ..تستقر أحسن
أبو عبدالعزيز: والنعم والله ان أخذ بنت صاحبي واخو دنيتي
عبدالعزيز: طيب ..افكر وارد عليكم
ام عبدالعزيز: ان شاء الله
...............................
بيت أبو جمانه
(كانوا كلهم جالسين في الصاله)
ام جمانه: ووشو اخر الاخبار ؟
أبو جمانه: ان شاء الله خير ..لا تحاتي يا أم جمانه
(رن جوال جمانه)
رغد: لمتى راح يرن جوالك ..ردي وفكينا
حطته جمانه سايلنت : ارتحتي
رغد: ايي ههههههه
جمانه انتبهت ان بعد ماسكر خالد جى بعدها رساله
فتحت الرساله وكان فيها
"هلا جمانه ...ردي عليي ...وحبيت أقولك إني راح اسافر بعد يومين "
استغربت جمانه ووقفت : عن إذنكم
وراحت غرفتها ودقت على خالد
خالد: هلا باللي يستحو
جمانه ساكته وفيها الضحكه
خالد:جمون وش رايك فيه ...لونه حلو صح
جمانه بحيا: خالد هههههههه
خالد: يرضيك كذا ماتردي علي ..وتتعبي قلبي الولهان
جمانه:لا طبعا بس وشو اسوي بقلة أدبك
خالد:هههههههههههههههه ......عجبني واخذته ...يعني في رايك اخذ لي بنت من الشارع علشان تلبسه لي
جمانه:علشان اقتلك
خالد:هههههههههههه ياعيني على اللي يغارون
جمانه حست بالاحراج وحبت تغير الموضوع:ووشو سالفة السفر اللي بعد يومين ؟
خالد:جايني شغل في لندن ومضطر ان اروح ..وقبل الزواج راح ارجع
جمانه:ضروريه يعني
خالد:صاير مشكله في الفرع هناك ...وانا شفت ملف المشكله وحسيتها بسيطه فإن شاء الله مااتاخر
جمانه:طيب ..مايصير تحلها هنا ؟
خالد:لا مايصير...ليش راح اوحشك
جمانه بحيا:ههههههه
خالد:جمانه متى راح اشوفك والله قلبي ولهان يبي يشوفك
جمانه:قول له ماباقي شي على زواجنا يتحمل
خالد:يقول مايقدر
جمانه:هههههههههه
سكتوا شوي
خالد:تدري جمون خفت لما تشوفي الهديه ان تزعلي او شي او تجيك حاله انك تبكي
سكتت جمانه
خالد:جمون انتي معاي ؟
جمانه:ايي معاك ...خالد
خالد:عيونه
جمانه:ابغى اشوفك الليله
خالد:وأخيرا رحمتي قلبي
جمانه:ههههه فيه شي راح أقوله لك ومهم للغايه ومايصير على التلفون
خالد بجديه : خلاص اوكي ..الساعه كم تبغي أمر عليك
جمانه:اممم 8 ونص .تمام ؟
خالد:طيب
جمانه:بس ماابغى اتاخر كثير ...بكره عندي اختبار
خالد:في هذي مااضمن لك ههههههه
جمانه تمثل العصبيه:هههههه
خالد:ههههه خلاص ولا يهمك ..كل شي لا دراستك
جمانه:ههههه طيب
......................................
في لندن
(تركي كان قاعد في غرفته ويكلم خاله سيف )
تركي: وما وافقت ؟
سيف:ماادري ...انا بس سمعت أخوي يكلم امي ويقول لها ان فيه ناس خاطبينها ..فما ادري رفضت او لا
تركي:تتوقع بترفض ؟
سيف:ماادري بس أتوقع أي هههههههههه
تركي:ليش ماتكلمها وتقنعها ان توافق
سيف:انا مالي شغل في هالامور هي عندها عقل وتقدر تفكر وهي عارفه انك ماتحبها ولا شي
تركي:اوكي
سيف:شخبار دراستك ؟
تركي: الحمدلله تمام
سيف: وين اختي ..؟ امي تبغى تكلمها
تركي بصدمه: يعني لما كنت تكلمني من شوي..جدتي كانت جنبك
سيف:هههههههه لا لا تختف ..انا الحين رايح لها
تركي: تمام " وطلع من غرفته وعطى امه الجوال "
.............................
بيت أبو محمد
في غرفة بشاير
هبه: انتي مجنونه ...كيف بتقولي اليه
بشاير:لازم يدري ...مو معقوله مايدري طول عمره ..ولازم أقوله قبل الزواج
هبه:مالي شغل فبك
بشاير:اكيد مالك شغل ههههههههه
"سكتوا شوي الا بدخول محمد اخوهم "
محمد:هلوو صبايا
بشاير وهبه: هلوو
محمد: ها كيف الدراسه ؟
بشاير: مثل الفل
هبه: وانت تعرف خواتك كيف شطار ههههههه
محمد:احم طالعين على اخوكم
هبه: ياااي يالواثق هههههه
محمد عطاها نظره : عندك شك ؟
هبه : لا طبعا هههههههه
محمد: بما أن انا رايق اليوم فحبيت أطلعكم
بشاير: للأسف يا اخي العزيز غدا يوجد لدي اختبار ولا بد أن أذاكر جيدا
محمد:حسنا ماذا عنكِ يااخت هبه ؟
هبه: انا لا يوجد لدي شي واستطيع ان اذهب معك
محمد:حسنا ...شكرا لك ِ يااختي هههههههههههه...ابدا مايناسب عليكم
بشاير وهبه:ههههههههههههههه
................................
نهاية البارت
توقعاتكم
• عبدالعزيز هل راح يخطب ريم او لا ؟
• سلمان وش راح يسوي مع بسام ؟
• جمانه هل فعلا راح تقول لخالد شي ؟
• هبه وبشاير وشو الشي اللي هبه مانعه بشاير ان تقوله ؟ ولمن ؟
• سلمى وخطبتها هل راح تتم ؟
• خالد وسفرته
أسرار كثيره راح تنكشف في البارت الجاي كونوا في الانتظار