دهاليز القدر الفصل الخامس وثلاثون 35 - بقلم نهى

دهاليز القدر
دهاليز القدر
للكاتبة
Nuha-d-h
عمار

من سمعت حجي صديقي وية ابوي واني احس بروحي بركان يفور
من قهري ماظل عندي صبر طلعت من الديوان ورحت على المطبخ وشفت زهراء ماموجودة
سألت امي گالت صعدت فوك
رحت سويت الدرج شبختين من ورة الحرة البصدري اليوم الا اخليهة تحرم تعبر عتبة الباب الا اكسر رجليهة الفاهية كاعدة تستعرضلي گدام ربعي
دفعت باب الشقة

زهراء
صعدت لشقتي بعد ما عفت علاوي عند خالتي حتى اسبح لان متت من الحر سبحت وطلعت من الحمام لافة المنشفة على جسمي وجاي اروح للغرفة
شفت باب الشقة انفتح قوي ودخل عمار للشقة عبالك اعصار من الغضب

زهراء وبخوف
يمة هذا ليش هيج عصبي بالله هسة اشوف اني شسويت من مصيبة هلمرة
لان الحمدلله بالفترة الاخيرة صرت اسوي المصايب واني ما احس على روحي

زهراء بشهكة انتبهت على شكلي بالمنشفة
جنت لافتهة على جسمي بس المشكلة المكشوف اكثر من المستور يعني يادوب مغطية جسمي

عمار
دخلت على زهراء بالشقة
ردت اطيح حظهة
ماشوف الا زهراء طالعة ولافة جسمهة بالمنشفة وضاغطتهة گوة على جسمهة بحيث عاصرة صدرهة عصر ومنگد العصرة يريد يطفر ويكمز من المنشفة

اخ الله دخلت حتى اطيح حظهة
اشو اشوفني انة الطاح حظي

دخلت وسويت نفسي ما منتبه عليها ومامهتم بشوفتهة وهي بطرك المنشفة
اتقدمت بتجاهة وكملت عصبيتي عليهة

زهراء وهي لازمة المنشفة حيل تخاف توكع
عماروهو عصبي وضاع عليه سبب الغضب
هل هو من ورة صديقة لو من ورة زهراء الواگفة گبالة بطرك المنشفة
يعني المنشفة محوطة جسمهة وماكو شي على جسمهة غير المنشفة يعني المنشفة اخير من عندي
اخ الله صرت اتمنة اصير الهة منشفة

اعاين عليهة ترجع للخلف وتعض بشفتهة من الارتباك
واتذكرت شلونً عضت شفتهة گبال ربعي
ادري بيهة مطفية وفاهية ومو متقصدة ان تعض شفتهة بس هي بتصرفاتهة وردود افعالهة مثل الطفلة
عمار بغضب-هسة ارتاحيتي من شافوج ربعي وتعالي
اگلج انتي و تاليتهة وياج تبقين فاهية ومطفية

زهراء وهي ترجع للخلف ورجعت عضت شفتهة
زهراء بخوف -عمار والله العظيم مادري راح يدخلون زلم علينا لو ادري يجون بهيج وكت والله لو تنكلب الدنيا ما اطلع برة. لان ادري بيك ماتقبل نطلع
زهراء بتوسل عفية حبوبي والله اسفة واخر مرة تصير
عمار اني عاينت عليهة
شلون رجعت مرة ثانية عضت شفتهة وانة اتخبلت ما ضل عقل براسي گبل هجمت عليهة

اقتربت منهة وسحبتهة حيل علية والتصق جسمهة على جسمي- اليوم احرك عشيرتج ولج ليش تعضين بشفتج جدام ربعي
اشو دتعالي خن اعض شفتج حتى توبين بعد تعضيهة
زهراء بخوف رافعة راسهة للاعلى وتنظر لعيون عمار بتوسل
دنك عليهة والتقت الشفاه بشغف العاشق الذي يكابر
حس بحرارة فمهة الممتلئ
وتذكر شلون عضت شفتهة
جر شفتهة بين اسنانة وعضهة

زهراء انتبهت عمار اقترب مني وحضني
واني صرت مثل المسافرالجان بالغربة وعاد لوطنهة
هذا احساسي واني بحضن عمار
حسيت علية عضني من شفتي وسحبهة لداخل شفايفة واني هنا خربت ودخت ونسيت الزم المنشفة و وگعت من علية
اني گبل نظرت لعيون عمار

وهو شهك من شاف جسمي وبعدها

(التقت العيون و اصبحت الافعال هي التي تقول
وغادرهم الكلام فلم يعد يريد ان يصبح بينهم كالعذول
ولم يكن للحديث مكان بينهما )
((هذه الكلمات من ضمن گتاباتي لخواطري حبيت اشاركم بيها))
وووووووووووووووو

زهراء
بعد فترة شفت نفسي نايمة على السرير لوحدي ولوما اثر لمسات عمار على جسمي مطبوعة مثل الختم جان گلت اني جنت احلم بعمار
ليش تركني وراح ليش ماضل نايم بحضني ليش

زهراء تحجي مع نفسهة
شتتوقعين يزهراء
من رجال انهانت كرامتة وانتي دستيهة وگلتيلة ان هو ضعيف امام حضنج
وهسة بأستسلامه امامج وخضوعه لحضنج يعتبر فعلا ان هو ضعيف وراح يكره نفسة على ضعفة امامج
زهراء وبحسرة -يا رب اهدي الي
وبقيت الليل كلة سهرانة للصبح مانمت

عمار
من رحت بالليل لشقة زهراء وانة عصبي وشفتهة

بلحظتهة انة فعلاً. استسلمت احبها ومجنون بيها
وماكدرت اقاوم شكلهة المغري واني مشتاقلهة وعصبي عليهة وفصرت افرغ عصبيتي بحضنهة على شكل شغف وشوق
وفعلا اثبتت كان كلام زهراء صحيح انة ضعيف امامهة ومن اقتربتلهة واخذتهة لحضني وسافرنة سوية لعالمنة الخاص بينّا اني وياهة بوقتها جنت اسعد انسان وانة بين احضانهة هناك واني بذاك عالمنة

لكن من رجعت لارض الواقع من رحلتي وياهة
شعرت بالندم واستحقرت نفسي على ضعفي وتنازلي امامهة

وما گدرت ابقى بعد ثانية وحدة بحضنة لان اذا بقيت راح اخسر
كبريائي واحترامي لنفسي وساعتهة راح اكره نفسي على ضعفي

زهراء
يوم ثاني نزلت وشفت عمار كاعد علريوك وية اهلة
وكادعدة بحضنة رسل وبالجهة الثانية كاعد علاوي يدفع برسل حتى تگوم من حضن عمار

شفتة شلون حط كل واحد على صفحة من حضنة
اخ الله ياحضنة الي بارحة جنت نايمة بي اوفف

باوعت عليه حسيت ما يريد يخلي عيونة بعيوني حسيت بي يتهرب مني
زهراء وبحسرة-اوف اوف

شيخة -هاشخيرج تنافخين من الصبح شني ما عاجبينج
زهراء -صباح الخير عليج شيخة
شيخة وبقهر-منين يجي الخير اذا واحد يصبح بهيج وجه لوحدة حرامية باگت ذهبي و محد اخذلي حقي منهة لحد هسة
شيخة تحجي وهي تعاين على عمار -
اشو ما اعرف صارت الوادم و لاتحلل ولاتحرم

عمار وبزمخة عالية وهو يگوم علي حيلة على شيخة
-شيخة سدي حلگج لا اجي اكسر سنونج شوفي انتي اخر وحدة تحجي عن الحلال والحرام
لاتجربين حظج ترة كلشي انكشف وعرفت منو بايگ الذهب
شيخة بغضب -شقصدك يبن عمي
عمار-تفهمين قصدي يشيخة والحرامي تعرفينة كلش زين منو
شيخة. بهت لونهة
عمار -والله اذا سمعت تصيحين على زهراء وتكليلهة حرامية يكون اخر يوم الج بالبيت فاهمة
عمي ابو سلمان -على كيفك وية بنت عمك اعذرهة تراهة مو شوية عليهة و ذهبهة انباك منهة وتعاين عالسارق گاعد گبالهة ومحد يحاسبة
وعاين على زهراء وخزرهة
عمار هو التفت على ابوه
-شوف بوية اخذ بنت اخوك واكعد وياهة وخل تحجيلك شلون حاكت الخطة وباگت ذهبها وخلتها براس زهراء
وخلتنا كلنا نشك بيها
التفت عليها والشاهد على كلامي اخوج هشام والسالفة النقال الي سويتيها ترة معبرت علية ووصلت لعندي
لان ربج يمهل ولايهمل

رجعت باوعت لابوي
-بس مع الاسف طلعت ملفي لبيتك عگارب

زهراء
گلبي گام يرجف وعيوني ظلت تصب احس رحمة الله شكد واسعة ربي احمدك واشكرك لان نصفتني
حبيت دفاع عمار عني على الرغم ان هو ضايج مني على البارحة
حسيت بجسمي گام كلة يرجف
اني بساعتهة بهت لون وجهي واحس اذني صارت بيهة صوت وماحسيت من ووكعت واغمي علية
عمار
شفت زهراء شلون صار وجهة اصفر وانصدمت من
انة هنا انخمط گلبي عليهة وبسرعة ركضت عليهة وظليت اصيح عالبنات حتى يجيبون الهة عبايتهة وبرگعهة وخطية شفت اسيل ركضت تجيب غراض زهراء ونوال هم ركضت تلبس عباتهة حتى تجي وياينة للمستشفى

زهراء فتحت عيوني وشفت عمار ونوال واكفين على راسي واني بغرفة بالمستشفى

نوال- مبروك خية زهورة طلعتي حامل ولج عوبة غير تحجين
زهراء بفرحة -والله ما ادري بروحي حامل وهسة سمعت منج
درت وجهي على عمار شفتة يبتسم بوجهي عرفت ان هو قابل بحملي وما ضايج

نوال -يالله خية راح يوصل دورنا ندخل علسونار لان الدكتورة كالت سوي سونار وتعالو حتى اتاكد من وضع الجنين
ودخلنا ع السونار ونمت على السرير ورجف جسمي واتذكرت من كنت بهيج لحظة واني حامل بعلاوي ابني واني مصدومة من خبر حملي وهسةاحس بنفس الشعور
واخذت الدكتورة تفحصني وتكتب بالورقة مالت الكشف وماحجت شي النا
وام السونار

انطتنا الورقة وكالت روحي لدكتورتج هي تفهمج
اخذ عمار مني الورقة واخذنة اني ونوال للدكتورة وسلمهة الورقة
اني كعدت علىً الكرسي المقابل ونوال وعمار بقو واكفين

الدكتورة وهي تباوع على ورقة السونار وتحجي -
شوفي ماما هسة انتي بنهاية الشهر الرابع وسوائل المحيطة بالطفل تٌـٌـمـــام ووحجم ووضع الطفل زين
ونوع جنس الطفل ولد يعني جايكم ولد ان شاء الله
بس ديري بالج طلع عندج فقر دم بالتحاليل
شنو ما منتبهة لاكلج

هي تحجي واني اباوع على عمار
عمار بلهفة -دكتورة عيدي شگلتي شنو نوع جنس الجنين
الدكتورة وهي تباوع لعمار بعتب - نوع الجنس ولد
بس ترة ولد بنية اهم شي تٌـٌـمـــام الخلقة

عمار يحجي ما شايلتة الكاع من الفرحة
اقترب مني وباسني من راسي وكال الف مبروك
ي ام ياسر
حسيت الدمعة گامت تلالي بعيونة
اباوع لنوال دمعت من الفرحة
فكمت اريد نطلع حتى نرجع للبيت
صاحو هو ونوال بصوت -وين وين على كيفج امشي شوية شوية
زهراء ببتسامة -اهوووو اشتغلت رحمة الله
رحنا بالسيارة للبيت

نوال -سودة علية صارلج اربع اشهر حامل وماتدرين بنفسج ادري شنو ما حسيتي انقطاع الدورة او نساوة فدشي منا منا
زهراء بضحكة -والله كلشي ما اعرف اشو ذاك حملي حملت وانة بالغيبوبة وكلشي ما افتهمت منة وهذا حملي هم اربع اتشهر التهيت بمشاكلي وعلاوي ما انتبهت على روحي
عمار وبكل جرءة- اي كملي
وابو علاوي حيل حامي وبسرعة حبّلج

زهراء تعالو دورهة ماتلكونهة من المستحة
نوال بضحك -والله ماتكعد راحة
عمار -نوال ما اوصيج عينج عليهة
وصلنا للبيت
وانتشر خبر حملي اني حامل بولد
وعمتي ظلت تهلهل وتطش علية جكليت من الفرحة وكعدتني يمهة
وتگلي ماتتحركين بعد يمة وبعد شتردين طلبي مني انة يمج موجودة
الجدة -اي يمة شتردين شتشتهين طلبيه من خالتج
وانة خلي علية الي يضوجج ويزعلج انة اعلمة شغلة
رفعت عصتهة وتأشر على ابنهة الشيخ سلمان

والشيخ سلمان ماجنة الصبح هو زفني وقهرني علريوك
اجة وباسني من راسي -مبروك بوية ارجو السموحة عذريني بوية انة مثل ابوج سامحيني لخاطر هالشيبات

الجدة -امشي ولي عنها يالشويب تريد تقشمر البنية بهلجلمتين

زهراء
خبر حملي بالولد كان الة تأثير كلش جبير على عمي الشيخ سلمان وكأنه صار بطاقة الائتمان الي عند قلب الشيخ سلمان

الجدة -هَـا يمة عمار شفت طلع كلامي كلة صح مو گلتلك الفرخة ولادّة اولاد

وووصل خبر حملي بالولد لشيخة
وهي هنا جن جنونهة ما عرفت شتسوي من القهر وتباوع عليهم شلون ي
يهتمون بية
وبعد مرور خمسة ايام على خبر حملي
زهراء
بحزن
عفية عمة ترة انة مو معوقة ترة انة حامل يعني انسان عادي حالي حال النسوان الدكتورة كالت عادي اتحرك واشتغل مامنعتني من شي
خالة و انتو ماتخلوني اتحرك ولا اسوي شي والله هيج اختنك
زهراء قررت اخوفهة
ترة خالة هم مو زين هيج عالطفل هو هم يريد يتحرك يفتر وياي يشم هوى
العمة بسذاجة
-يايمة عمة عيني عليه كومي كومي روحي تمشي شوية و خلي الوليد يشم هوة
زهراء
هههههههه والله ياخالتي اشكد تحب احفادهة وصايرين نقطة ضعفهة
وشوية شوية رجعت لحياتي الطبيعية بس دايرة بالي على روحي على كيف اتحرك واشتغل بالمعقول

شيخة بقهر
شلون استفرد بيهة هاي بالله واختلي بيهة
من بوم الي عرفو بسالفة الذهب وهمة تصرفهم اختلف وياي بس ااااخ
هسة جا همة غير يعوفهة تطلع من الشقة وتنزل
وهاي عمتي الحرباية مگابلتهة وگاعدة عبالك ماكو غيرهة حامل بالعالم
والله وجان شيخة تسمع زهراء تحجي وية الحجي الجبير

زهراء- سودة علية جدي خطية مشتهي سمج شوي
جا غير اصيرلك سمج شوي اليوم
نوال-لعد هذا هوة غدانا اليوم على زهراء سمج شوي
موتنسين سوي حساب عزام وهشام وصديق عمار
ترة يجون على الغدة

رحت فتت علمطبخ و طبكت التمن وخليتة عالنار يتهدر ونوب حضرت الطرشي والخضرة والزلاطة
وحضرت الحشو مالت السمج
حوراء-عمة خليني اثرم الزلاطة وياج
زهراء بخوف عليهة-لا حبيبتي حورة خاف تجرحين صبعج
حورة-جا شوكت اشتغل مثل النسوان الكبار كلشي ماتخلوني اسوي
زهراء ببتسامة -ولايهمج تعاي ساعديني وشيلي وياي صواني السمج خلي نشويه

رحت صعدت فوك لشقتي اجيب الاحرام مالت الصلاة
ولبست جواه بجامة برمودة حفر
لان اموت من الحر من ورة التنور واني حامل

زهراء ابتسمت وهي جاي تلبس احرام الصلاة و واتذكرت عمار باول يوم من عرف بخبر حملي تذكرت شلون من دخل علية للغرفة وشايل بيدة علبة بيهة خاتم ذهب وعليه خضرمة لبسني الخاتم وباسني من راسي
عمار-ابقي لابسة هذا المحبس حتى يبعد عنج العين

اني بوكتهة طرت من الفرح بس يافرحة ما تمت

طبعا عمار بعد ما اقترب علية من بعد اخر مرة
صحيح هو فرحان وطاير اكثر مني بالحمل لكن بعدةالحاجز موجود بيني وبينة
يالله شكد راسة يابس

كملت لبس الاحرام مالت الصلاة ونزلت جوة عالمطبخ وشفت شيخة جانت برة بالحديقة ودخلت للمطبخ وعاينت علية وراحت للصالة

اني
رحت عالصواني مالت السمج حتى هم يالله ابدي اشوي
زهراء-يالله عمة حور تعالي وياي بس شيلي صينية وحدة.
اخذنا الصواني وصفيناهن قريب عل التنور وسمعت صوت الزلم بالديوان
حوراء -ها عمة نشوي لو بعد

زهراء بصوت ناصي -حورة عمة نصي صوتج منا الزلم عيب الرياجيل يسمعون صوتنا

يتبع
دهاليز القدر
للكاتبة
Nuha-d-h-