دهاليز القدر الفصل الحادي عشر 11 - بقلم نهى

دهاليز القدر

للكاتبة
Nuha-d-h

عمار واني هناك بالعمرة فكرت اشتري لزوجة المستقبل زهراء طقم ذهب واتصلت على ياسر وكلتلة لايشتري ذهب لخطيبته اني راح اجيب وياي طخم ذهب وسلمت عليهم بس مع الاسف ما الحك على الخطوبة لان الاخ كلش مستعجل
اخذت نوال وياي لمول كامل هناك بس ذهب وشلون تصاميم تفتح باب الگلب اخذت للحجية محبس ضخم بس شذرة زركة
ولامي اشتريت الهة امتوت يعني (اساور تكون متينة وعددهن اثنين)
ونوال اخذلتله سوارت ٦وولشيخة هم ست سوارات نفس تصميم نوال لان ذيج تغار ونحسة
واسيل والبنات البقية كلمن على فد سوار فرفشة
بس اما اميرة گلبي فهاي غير اشتريت الهة طقم
متكون من كلادة وتراجي ومحبس وسوار بس فخمات
وحتى خطيبة ياسر اخذتلهة هم مثلة ثاني نفس المحتويات بس غير موديل
واشتريت لمريتي ام عيون الحلوة محبس بي خضرمة عن العين
والله اخاف عليهة حتى من عيوني خاف تحسدهة
ونوال تضحك علية وتدعي الله يجعلهة من نصيبي شيخنا والله كلفنا عليك انت خطية. وهواي صرفت علينا حتى ما اخذت الك شي
عمار -لا اني اخذتلي مدالية ذهب للسيارة بحرفZو
وجبت لابوي وجدي وعمامي واولاد عمامي سبح من احجار العقيق الاصلية الثمينة ورجعنا للفندق بعد ثلاث ايام نرجع للعراق كملنا مناسك العمرة. وشفت البسمة على وجه نوال خطية احس بيهة مظلومة بس كون ربي يقدرني واعوضهة عن حرمانهة
عمار بحنية-نوال ما بنفسج شي كولي
نوال-ياشيخنا هذا الدلال كله وتكلي ما ناقصج شي والله اني كلة بجاهك اطلع وافرح واتونس وما خال بنفسي شي وماحسستني بيوم بالنقص ولا يوم فرقت بيني وبين شيخة لا وبعد تعاملني احسن من شيخة روح الله يرضى عنك وييسر امرك ياابن عمي وسندي بالهدنيا هاي

زهراء بيوم الخطوبة راح نعقد سيد
ونكطع مهر
ونسوي حفلة بسيطة كعدت من الصبح كلي نشاط وسبحت وتريكت وبدلت واجة علية مثنى هو وزينب واخذنا للصالون وهناك حفيت وسوولي تنظيف بشرة ونزلولي شعري ما قبلت يسون تسريحة ردت شي بسيط حتى ياسر يشوف شعري على الطبيعة وسويت ميك اب بسيط بس اتفنن بعيوني
الحلاقة -خل اسويلج وشم يصير لصق
زهراء -بكيفج
-راح اخلي على الساق لان البدلة بيها فتحة على طول الساق فهنا راح اخلي
-رتبتلي الوشم
ولبست الفستان كان كلش مرتب وبسيط لونة زيتوني
وبي دلعة نازلة من الاكتاف ويصير طويل
وبي فتحة من گدام توصل لمنطقة الفخذ
والحلاقة خلت وشم على ساقي كان شكلة فراشة
ولبست حذاء كعب عالي وشعري خليتة على صفحة
ولبست تاج بسيط نازك

وخلصنا واجة علينا مثنى وورجعنا للبيت امي شافتني ضلت تصلي على محمد
وباستني ودمعت عيونهة وكالت يمة الله يوفقج ويفرحج
واجة وراهة بابا خطية حسيت الدمة صارت تلعب بعيونة بس ما وكعت رحت عليه وحضنتة وهو باسني من راسي
بنيتي الله يستر عليج طالعة لعابة
وزينة فرحانة ولابسة نفنوف وردي بسيط بس طالعة تجنن

لحضات واجو عماتي يصيرن بعمر زينب وبعمري حبابات ومتزوجات وبنات خالتي يصيرن نفسهن حموات زينب اختي وجوارينا هههههههه واجت ام خليل بس هلمرة ما جابت جناينهة وام احمد هم اجت واني اتذكرت طالبتهة فلوس
وبعدين اجة ياسر واهلة و عمامة واولاد عمامة وعماتة ونسوان عمامة واسيل هم اجت بس ما جابو بقية الجيش لان البيت يقبط اذا جابو بناتهم ماشاء الله كلش هواي وشيخة مرت عمار ما اجت لان حامل بشهرهة بس مرت اخوهم محمد اجت صدقة شلون حلوة ونازكة وكلش حبابة بعمر زينب اختي ٢٨سنة
طبعا الكل يسألني على عمر ياسر عمرة٢٦سنة
والمفاجئة الحلوة من اجت صديقتي تبارك وكعدت تهلهل وطشت على راسي جكليت فديتهة كلش فرحانة بية اكو وحدة من بنات عم ياسر تصير اخت شيخة بس تكلب بعونهة وتباوع لبيتنا وتفر بيدهة الظاهر بيتنا ما عاجبهة
اسمهة رشا
شكلهة حلو بس حيل مغرورة وشايفة نفسهة حتى ما اجت سلمت علية
كعدت واجت الحجية باستني واني بستهة من راسهة وايدهة وام ياسر حضنتني وهي فرحانة
وكعدت بنصهن
بعدين صاحلي بابا وكلي بابا زهورة لبسي عباتج ونقابج وتعالي اوكفي ورة باب بالاستقبال طبعا ما احجيلكم من اجو اهل ياسر وعمامة الشارع انسد من السيارات وحتى الاستقبال ما شالتهم نصهم كعدو بالباب مالت الشارع مثنى خطية طلعلهم كراسي وكعد وياهم لان بيتنا كلش صغير بعد ما اجة بابا واخذني اني وكفت خلف الباب وكعدت اسمع صوت السيد واني اردد واره بصوت ناصي من المستحة ونوب سمعت صوت ياسر يردد ورة السيد والحمد لله تم العقد واني دخلت يم النسوان وصارت الهلاهل والديجي والبنات يركصن وتبارك تصفك وتهلهل
كان احلى يوم بحياتي

ونوب دخل علينا ياسر وكعد يمي واني مدنكة راسي من المستحة وياسر بصوت ناصي ولج شطالعة هسة من اكوم اكلج كدامهم اكو واحد يلومني
يعني تتحارشين بية كوة بهاي سوالفج وتكليلي عفية اسكت لاتحجي والله استحي
زهراء اني خدودي صارت طماطة من الخجل
ياسر بصوت اقرب للهمس -هسة بالله منين ابدي من الخدود لو من الركبة لو من الصدر
شفتة نزل عيونة على جسمي وشفتة شهك -ولك بوية سلمان الحكني هاي بنت جابر ناوية علية اليوم ولج شنو هذا وهو يباوع عالوشم
ولج والله جنيتي على نفسج اليوم

اني دخلت وجنت ناوي ما احرجج بس من شفتج بهاي البدلة وبسوالفج مال الوشم ودلعة الفستان لا هسة انتي التتحارشين اليوم شي يفكج مني
زهراء واني ارجف وبصوت ناصي -لا عفية والله بعد ما اعيدها والله التوبة بعد كلة اطلعلك بعباتي والبركع
ياسر ضحك بصوت عالي -اخ بوية بطني
اجت ام ياسر - كافي بسبسة يالله لبس الابنية الحلقات والذهب حتى تطلع يم الرياجيل
للكاتبة
Nuha-d-h
زهراء اقترب مني ياسر مستغل الموقف على يلبسني الذهب اول شي لبسني الحلقة ونوب شال كلادة ذهب كلش حلوة واقترب مني وحوط ركبتي بثنين ايديه على اساس يريد يسد الكلادة هو ظال متونس يشم بركبتي
وبصوت ناصي قريب على اذاني -افيييييش ولج شنو هالريحة ولج شنو ملمس جسمج ادري حرير لو مرمر
اني كلبي كام يهتز صار رجاج
وصدري كام يصعد وينزل بالنفس خلصنا تلبيس الذهب وباسني من راسي وطلع يم الرياجيل واخذنا صور سوية وية امة والحجية وخواتة وهم اخذنة صورة وية ماما وزينة وزينب ونوب اتصورت وية صديقاتي
ورة ساعتين خلصت الحفلة وراحو الناس وخطية زينة وزينب وبنات عمو نبيل اثنين اجو وية عمو نبيل كعدو ينظفون البيت من الهوسة دخل بابا علية بالغرفة
بابا-بابا زهورة رجلج يريدج بالاستقبال
اني كمت ولبست عباتي وشالي ومشيت ورة بابا دخلني على ياسر
وبابا وطلع وسد الباب وراه
اني هنا اتمنيت اركض ورة بابا واكلة لاتعوفني لوحدي وية هذا والله ياكلني
درت وجهي على ياسر
اشوفة خربان ضحك علية
للكاتبة
Nuha-d-h
ياسر -هههههههههههههه خرب عشيرتج سويتيهة صدك ولبستي عباية اشو تعالي اقتربي مني
زهراء بصوت ناصي -ما ماريد اهنا واكفة احسن مرتاحة
ياسر -ههههههههههههههه من احتركت عشيرتك ياسر هاي البزونة وين جانتلك
اني مدنكة وما حسيت عليه من اتقدم علية وسحبني عليه اني هنا الحمد لله صار عندي شلل ما اكدر انطق اي اكلمة بس ارجف
للكاتبة
Nuha-d-h
والاستاذ الحمدلله استغل سكوتي ونزعني العباية والشال واقترب مني واني اهز براسي بمعنا لا وارجع ورة وهو يتقدم وصار باب الاستقبال بضهري وهو اقترب مني ودنك راسة بمستوى ركبتي وشمهة
ياسر بهمس -اخ يابة امي شكد داعيتلي
رفع راسي اقترب مني وباس شفايفي يمة احس اكو فراشات بمعدتي يرفرن وسحب شعري وشمة
ياسر بهمسة مثل همسة العاشقين -ديري بالج تكصين شعرج
ورجع باسني من شفايفي بس هلمرة اقوى اني بس ارجف وذايبة بحضنة اتمنى ماتخلص هاي اللحضات
اوف هسة الواحد الا لازم يسوي عرس وهوسة وينتظر
عيب ولج زهيرة ثگلي همزين الگلب محد يسمعة جان انفضحت ههههههه
للكاتبة
Nuha-d-h
ياسر ثكل النفس مالتة وعيونة صارت حمرة وشوي اشو هذا نزل على ركبتة بالكاع عبالك جاي يركع كدامي بس ما افتهت شيريد بس كمزت من مد ايدة وكام يتلمس مكان الوشم الي موجود بفخذي دنك عليه وباس الوشم يمة اجيت اوكع من طولي والله هذالو ابقى بعد وياه ساعة احتمال ما اطلع ابنية من الاستقبال
شوية وسمعت الباب اندك اني كمزت وابتعدت عن ياسر عبالك مسوية جريمة وياسر كوة سحب نفسة من يمي وابتعد بس عيونة تريد تاكلني
قبل لا افتح الباب واطلع
ياسر - زهراء الاسبوع الجاي عرسنا فدبري امورج وحضري شغلاتج هذا الاسبوع ترة بعد ما اتحمل جنت مصبر نفسي لان ما ضكت حلاوت حضنج بس هسة من ضكت طعم شفايفج لا بعد طلع الامر عن سيطرتي ما اكدر اصير شهم اكثر من هيج زهراء -براحتك الي يرحك سووي
للكاتبة
Nuha-d-h
ياسر بصحكة-يسألني ليش تحبهة وميت بهواهة من رحت الف فدوات لبنت جابر
زهراء طلعت من الاستقبال ورحت لغرفتي كبل وشفت نفسي بالمراية يمة شعري مخربط ومهوس وشفايفي مورمة وركبتي بيهة حمار وصدري يريد يطلع
عزة العزاني همزين محد شافني بهذا شكلي يبوي والله عيب
اوف بس عودك شنو والله احساس يجنن يمة گلبي احمدك يارب ياسر صار رجلي وحبيبي

للكاتبة
Nuha-d-h
يتبع