دهاليز القدر الفصل الثامن عشر 18 - بقلم نهى

دهاليز القدر

للكاتبة
Nuha-d-h
زهراء
بيوم من الايام واني رايحة للمدرسة هم شفت هذا الرجال بالدرب طبعا هذا الرجال سببلي رعب واحس بي متقصد ياذيني
بس هلمرة زودهة كام يمشي وراي على طول الطريق بس اني متت خوف وكمت امشي على السريع حتى عبالك اركض
دخلت للمدرسة وبغرفة المعلمات نزعت البركع وشافتني ست فوزية عمت ياسر -شنو شبيج زهرة اشو وجهج اصفر
زهراء-لاخالة مابية شي بس شفت جلب بالطريق وخفت منة

تبارك رفعت راسهة وباوعتلي ورفعتلي حاجبهة باستفسار بمعني صاير شي
اني باوعتلهة واشرتلهة بعيوني ان تطلع قبلي حتى احجيلهة هي خطية افتهمت علية وطلعت واني نزعت عباتي وصفطته هي والبركع وخليتهم بعلاكة وحضرت جدول الدروس
وطلعت وراهة بالساحة
زهراء-لحكي علية تبارك
تبارك -شبيج ولج احجي شصار
زهراء-تعرفين الرجال الي حجيتلج عنة ذاك اليوم
تبارك -اي ولج شبيه
زهراءبرجفة-ولج اليوم مشى وراي طول الطريق وصلت للمدرسة وهو وراي
تبارك -عزة بعينة ولج هو بعدة لحد هسة يراقبج كل يوم

زهراء-اي والله بعدة لحد هسة بس اني ماعلية بي
تبارك -لاغلطانة ولج عوبة هسة يعتبر سوكتج علامة رضى و ان انتي قابلة باللي جاي يسوي وياج
زهراء-لا والله ماقابلة اصلا ميتة خوف وما اعرف شنو اسوي وانتي تعرفين بية بهيج مواقف اموت بدمي وانخرس
تبارك بتفكير-اني لو منج احجي لياسر عن هذا الرجال واخلي يشوف شغلة وياه لان الموضوع مينسكت عنة
زينب-ولج اخاف هذا ياسر ما يتفاهم وهمة هنا مو مثلنا ايدهم والسلاح والطلايب خية نوب يروح رجلي يتعارك وياه وتصير طلابة من وراي ويكولون تكاتلت الوادم من وراهة
تبارك -صايرة تحجين مثلهم زهيرة
زهراء-اي غير عشت وياهم وعرفت اطباعهم
تبارك - زين روحي احجي وية اخوه عمار انتي مو دائما تكولين عمار احسنهم ان هو شهم ويعرف يتصرف بحكمة
زهراء-لايمة والله استحي خطية هو ابد مايخلي عينة بعيني دروحي وهو اصلاً هسة مسافر للامارات بعدة هو ونوال طولو هلمرة كل مرة يروح ويرجع بسبوع بس هلمرة غير طول
على حظي اخذ وياه خالة نوال
والله لو هي موجودة عاد جان علمتني شسوي لان هي اعرف مني بطبايعهم وشنو لازم الوحدة تتصرف بهيج موقف
تبارك -والله اني لو بمكانج اروح احجي لياسر والي يصير يصير لان هاي سالفة ماينسكت عنهة وخصوصا انتو هنا بقرية عرب وهنا هاي السوالف ماتعبر على الوادم مو مثلنا هناك عادي صارت عندنا هاي الحالات
الشباب تترصد للبنات

زهراء-والله خايفة ياتبارك وما اعرف شتصرف اتمنى نوال موجودة كون
رجعت للبيت بحلة المدارس وهم اشوف هذا واكفلي بالقران لو ما الخوف كاتلني والله انزع قندرتي واضربة على راسه بيهة
رجعت ودخلت للبيت وشفت شيخة لوحدهة بالبيت هي والحجي والحجية وام عمار والشيخ سلمان ابو عمار رايحين يأدون واجب بفاتحة مو بعيدة عنا هنا قريبة
اني رحت وصعدت لشقتي وبدلت ملابسي ونزلت وصبيت غدة وية شيخة وكعدنا نتغدة اني وشيخة والجهال والحجي والحجية
ياسر اليوم شوية يتاخر بالمستشفى
خلصنا غدة وكعدت اصب جاي للحجي والحجية وهمة كعدوا يسولفون على ايام زمان شكد جنت احب سوالفهم وحكمهم تجنن بس شيخة من يخلص الغدة تروح تاخذ بناتهة وتصعد لشقتهة
واني بقيت يمهم هم انتضر ياسر وهم اونسهم خطية كبار بالعمر ويضوجون
خطية جدي الحجي يفرك بركبة ويكول- عجزنا والله
الحجية -احجي عن نفسك يالعجيز اني بعدني بحيلي
زهراء وهي تضحك على حجيهم -ههههههههههههههه والله ياجدي الحجية قصفتك
الجد-سكتي سكتي والله ماكو عجيز الا انتي اشو بالليل تكضيهة علية كلة تونين براسي
زهراءخربانة ضحك عليهم-😂
شوية واجة ياسر دخل علينا
ياسر كعد يمي -ضحكونا وياكم
الجد-والله يابوية دورولي مرة هاي البصفي عجزت
الجدة-يا يا فلك طرك يعواد نوب فريتهة علية جا منهو الجان ستوة يون من ركباته
وهاي الفرخة شاهدة
زهراء-اي جدي كول اريد اتزوج مرة ثانية مو تذبهة براس الحجبية
الجدة -اي يمه عاش حلكج تعالي احبنج من كصتج
ياسر وهو يضحك -لا لا عوفو مريتي لاتخربون اخلاقهة
انتىواناس وكحين حجيكم كلة مشفرات
كومي كومي زهراء صبيلي غدة احسنلج من سوالف المسلسلات التركية الكاعدين كبالج نور ومهند
الجد والجدة بحجابة وحدة -كوم كوم ول منا ملعون ابن الملعون لابارك الله بيك
ياسر طفر من يمهم وصعد الدرج وهو يضحك

رحت للمطبخ وسويت غدة وياسر نزل اتغدة بالمطبخ على الميز وكعد يسولفلي عن يومة بالمستشفى
ياسر -الباجر يجي عمار من السفر هو ونوال
ابوي عزم ربعنا من السلف واحتمال يذبحون ذبايح
الباجر ما اوصيج اريدج اتشدين الهمة لان شيخة مابيهة خير بالعزايم واجانت العزايم كلة براس نوال
وامي تعبانة اريدج ترفعين راسي الباجر
زهراء-صار ٺــڊٍلََُلََُؖ من بطن عيني
ياسر وهويباوع عليه -تسلم عيونج يم عيون حراكة كلي شوكت نتلاكة
زهراء-هههههههه كلبتهة غنية كمت تغني مثل اسيل
اسيل دخلت -شبيهة اسيل
ياسر-مابيهة شي بس يكولون دازين عليج برنامج ذة فويز يردونج تغنينلهم
زهراء
اسيل بدلع -ما اعرف اشوف افكر انتظرني اشوف جدول اعمالي يسمحلي ان اروح اغني لولا والا اكلك روح احجي وية مدير اعمالي الشيخ سلمان عواد
هو يحددلك موعد
ياسر -اي صدك خلي اشوف بالله الشيخ سلمان واكلة بنتك تريد تغني وتفضحنا بالسلف علمود يصير كتلج عمل شعبي
زهراء وهي تضحك-ماعيلج بيه اسولة يغار من صوتج لان مايعرف يغني
ياسر وهو يسحب زهراء من ايدهة -افى انة ما اعرف اغني تعالي صعدي وياي فوك خلي اغنيلج واشوف منو احلى صوت صوتي لو صوتهة
زهراء بضحك -طبعا انت شي اكيد صوتك احلى
اسيل -ايا خاينة بسرعة بعتيني من صارت بيهة غرفة
زهراء دخلنا للغرفة
-يالله غنيلي حبيبي
ياسر -تعالي هناك بالغرفة اغنيلج
والله اذا بعد عالجرباية مو بس اغنيلج اكوم حتى اللحن
زهراء بخجل-ياااااسر عيب استحي
ياسر -والله عيارة منو التستحي اشو كل يوم مخبلتي بسوالفج يوم تركصين يوم شموع معطرة الغرفة ويوم تلبسين المخرم واني خطية لاحول ولا قوة وهسة جاية تكولين استحي عيب يبنت جابر شلعبتي بحوالي

وسحبني لحضنة وخلة شفتة على شفايفي وجر شالي من شعري ونومني على السرير ورفع ايدية فوك راسي ولف الشال على ايدية حتى بعد مابتحركن وسحب ثوبي ونزعنياه
واني بغير عالم
ياسر -اليوم انتي اسيرتي واني سجانج اليوم الي حق التصرف بعقابج
زهراء وهي ذايبة بغير عالم -حبيبي شنو الجرم مالتي حتى تعاقبني عليه ليش اني مو حبابة وحلوة
ياسر-جريمتج ان انتي حرامية سرقتي گلب ابن الناس وخليتي ملكج وماكلتي هذا خطية طبعا ياسر يحجي ويبوس
زهراءبدلع -لعد انت هم حرامي على الاقل اني بس سرقت گلبك الا انتى سرقت گلبي وروحي واخذتني من اهلي موحرام عليك
باس شفايفي بحنية ونوب نزل لصدري شمه ووووووو
....................
كعدنا العثر واجيت انزل قبل ياسر بس شفت ياسر گام قبلي من السرير انتبهت عليه لازم راسه
زهراء-شنو شبيك ياسر
ياسر-ما اعرف صارلي اسبوعين راسي يفتر دايخ
احتمال الاذن الوسطى عندي خلل بيها
-اي غير دكتور يعالج. الناس وهو مريض
التفت عليها - منو المريض ولج
خوش دتعاي خل اراويج منو المريض
......................
زهراء
واني اليوم طلعت من وكت من المدرسة لان عندنا عزيمة اليوم عمار ونوال يرجعون من السفر وبطريق الرجعة من الدوام وهم شفت هذا الصكط اتعرضلي بكلام زبالة مثلة كلت اليوم ما راح اسكت واحجي لعمي وياسر عليه واليريد يصير خل يصير بعد ما اتحمل
دخلت البيت
سلمت عليهم محد رد السلام
واشوف الوجوه كلها. مكلبة وتباوع علية شخيةوابتسامة غريبة على وجهة
-اي شرفت العفيفة
اسيل باوعتلي ودارت وجهة ماردت السلام حسيت بيهة كلش ضايجة مني
هناك واسمع عمتي بصوت عالي صاحتني -
زهرااااء تعالي

اني ما ادري ليش انقبض گلبي وحسيت اكو مصيبة راح توكع فوك راسي
دخلت لكيت ام عمار وست فوزية والحجية الجبير بغرفة الحجية كاعدات والوجوه ما تتفسر دخلت وام عمار قفلت الباب وما احس الا اجتني ضربة على وجهي عبالك طابوكة مو ايد وجرتني من حجابي وكطتني تكطع ودفعتني بالكاع وظلت ترفس بية
اني ما شلت لا ايد ولا رجل ما اعرف شنو السالفة وليش انضربت وشنو شصاير اريد واحد يفهمني ماكو بس اسمع غلط عمتي علية واسمع صوت الحجية تكول لاحول ولاقوة اا بالله هذا بلاء والله بلاء

للكاتبة
Nuha-d-h
يتبع
بنات اتحفوني بتعليقاتكم