دهاليز القدر الفصل الرابع وثلاثون 34 - بقلم نهى

دهاليز القدر

دهاليز القدر
للكاتبة
Nuha-d-h
زهراء
رحت ركض ورة عمار قبل لايدخل على شقة شيخة
زهراء-عمار لحظة
عمار والتفت على زهراء وجمد بمكانة من شافهة حس هاجت نار بصدرة وحن لشمة حضنهة اخ الله لوتدرين مشتاقلج بكد رحمة الله - زهرة گولي شتردين

زهراء وبدلع -عمار اريد اشوف اهلي لان من سافرت لليوم ما رحت لاهلي واريد ترجعلي نقالي

عمار وهو يقترب منهة ويسحبهة من ايدهة ويجرهة على شقتهم -اي وشنو هاي الحلاوة اشو محلوة على فراگي

زهراء ذابت بين ايدة -هَـا لا بس شوية سمنانة
زهراء تحجي وية نفسهة
ولج شبيج يالعوبة بسرعة نسيتي نفسج بحضنة ولج موهو هذا نفسة الي اتهمج بالبوگ

اصحي على نفسج ولاتضعفين گدامة

دنگ عمار على رگبتهة وشمهة -افيششششششش ولج مشتاقلج بكد رحمة الله
زهراء وهي تدفعة من صدرة - لا عمار وخر عني لاتقترب مني

عمار بعناد-ليش بوية صارت بينا كخة
زهراء- انت شنو من وكاحة شايل يعني متهمني بسرقة الذهب وجايني هسة تگول مشتاقلج ليش اني مو الحرامية الاخذت ذهبكم

عمار -هَـا وانتي هسة معدلة نفسج ومرتبتهة بس علمود تگولين اريد اروح لاهلي اي جان حجيتي واحنا جوة
بالصالة
لو ردتي تغريني وتجيبين راسي وبعدين تنبذيني وتبعديني عنج علمود اعرف ان اني خسرت نعمة حضنج
صحيح كلامي يزهرة لو لا
گولي ان انتي هذا جان هدفج علمود تغذين غرورج على حساب كرامتي

زهراء وبقهر -اي انتة ماتكدر تستغنة عن حضني واعرفك من عيونك ماتكدر تبعد ايدك عني وهسة اثبتلك

واقتربت منة وجرتة من ثوبة وخلت شفتهة على شفايفه
ودفعتة على القنفة وصعدت فوكة وظلت تشم بصدره هنا عمار فقد وداخ بيهة
ووجرهة ودار هو فوكهة وشمهة من صدرهة ورفع ثوبة
واخذ يتلمسهة من فخذهة وكعدت ايدة تصعد بلمستة على طول ساقهة
زهراء وهي ذايبة بين ايدة وابتسمت بغرور ان هي وكّعت عمار وثبتت ان هوة ضعيف امامه
زهراء دفعت عمار من صدرة -لا عمار وخر عني لاتكمل اني بس ردت اثبتلك انت تضعف بحضني

عمار والنفس يصعد وينزل بقوة - شوفي يزهرة انة مو جاهل تقربيني منج شوكت ما يعجبج وتبعديني شوكت متحبين
تراه النفس عزيزة يبنت الناس وهذا گلبي اليهواج ويهوة حضنج اكصة واذبة للجلاب
الا الكرامة يزهرة الا الكرامة

كام عمار من حضن زهراء وهو يعدل ثوبة بغضب
عمار -شوفي يزهرة انة مو ظالم مثل ما حجيتي ستوج
لا ترة انة رجال اوزن الامور بعقلي قبل گلبي وبية طبع من اسوي شغلة اسويهة بيني وبين نفسي
اما عن موضوع الذهب انة ماناسي وانة بمعرفتي اعرف شلون اطلع السارق
وانة من شفتج شلون تحجين وية ابوي بذاك اليوم عرفت بوكتهة انتي ما سارقة واقتنعت ببرائتج من عيونج
تراني اعرف البشر من عيونة وطباعة ما صرت شيخ لوما املك هاي الصفات
وانة هسة ماحجيت هذا الحجي عملود تتكرمين و تعطفين علية وترجعيني لحضنج الثمين
يزهرة ترة سوايتج داست على كرامتي مع الاسف
شوفي ينت الناس منا ورايح انسي شي اسمة عمار
وطلع عمار من شقة. زهراء وهو يحس اكو سهام تنبت بصدرة وية كل شمت هوة وراح لشقة نوال. للحضن الحنون
زهراء
من طلع عمار
من شقتي حسيت بالندم ياكلني
وان اني استعجلت بالحكم على عمار

محسيت بنذالة الموقف الي سويتة
وكعدت اراجع كل المواقف وشفت عمار ما اتهمني اتهام مباشر بالسرقة و من حجيت وية ابوه حسيت بي صدگني و رزل شيخة على كلامهة وياي وحجة وية اهلة وطلب منهم يحترموني

واني بشنو جازيتة جازيتة بالنذالة والانحطاط والغرور
اي
لان جان بوكتهة احس عمار كسرني من اخذ شيخة وسافر وعافني والغيرة هي الخلتني اخلط بين المواقف
صارت عندي مشاعر متضاربة غيرتي من شيخة وقهرتي من الاتهام اجتمعت لتولد هذا الموقف الي صار وخلة عمار ينسحب من حياتي
اخ اني شسويت ضيعت عمار من ايدي كلة من عندي

مرت الايام
عمار
جاني هشام وحجة وياي بموضوع اخت زهراء زينة و
وطلب مني اتوسطلة عن المرة حتى يتقدم لزينة على سنة الله ورسوله
عمار-ولك انت شنو شفت منهة حتى تخبلت عليهة هي مرة وحدة بالمستشفى ولمحتهة خطف شبيك اتخبلت
هشام وهو يلزم گلبة -اخ ولك شتحجي يعمار ولك يامستشفى ولك جا غير الله سلّطني عليهة بيوم المهر مال عزام ووشفتهة على الطبيعة HD

عمار ضربة على كتفة -ولك انت شدخلك على بيتنة وبيتنة كلة حريم

هشام بضحك-لاولك جا غير الله خردلك
عمار باستفهام -شلون بالله علمني انة شوكت تخردلت

هشام -شوف يولد العم. انة بيوم الي اتصلت علية شيخة من نقال رشا اختي وكالت عمار اخذ نقالي وياه حسبالة نقالة
(لان عمار وشيخة ونوال كلهة ايفون نفس الموديل واللون اشتراهم مرة من دبي )
وكالت جيبة الي محتاجتة اريدة
والله عاد انة اخوك شفت نقالك الي هو نقال شيخة يمي علقنفة بصفي كمت اخذتة لشيخة وكالت انتظرني يم باب الصالة وانة بوكتهة شفت الغزال الصادني

عمار وهو بالة مو يم هشام -اي هشام كمل
هشام -بعد شكمل علگت گلبي بهواها شردت البنية وهي خايفة مني

-لا كمل بعد النقال شنو صفت سالفتة

-اي واجت شيخة واخذت نقالهة وكالت انتظرني خلي انطيك نقال عمار توديه الة وراحت وجابتلي نقالك وهاي هي
هشام بتسائل
-اي صدك ليش تسأل على سالفة النقال
عمار -مو هسة احجيلك بعدين اذكرك بالسالفة

-وهسة شنهي تتوسطلي عند عمك وتخطبلي لو اروحن اسويلكم مصيبة ترة انة مخبل وتعرفني زين
-ان شاء الله يصير خير
عمار
كعد يجمع ليش شيخة شتسوي بنقالي
عرف عمار منو ورة السرقة وانتضر يكعد وية شيخة ويخليهة وتحجيلة حتى لو بالقوة هي شلون وبأي طريقة كدرت توصل للذهب

زهراء مر على موقفي وية عمار يومين وهو مايحط عينة بعيني ولا يعاين علية

واني يوم عن يوم اذبل واحس نفسي جسد بدون روح
وبنفس الوقت اشوف عمار موبس ابتعد عني حتى عن شيخة كام ميقتربلهة رغم هي تحتار شتسوي علمود تقترب منة
واني يحظي فلست حتى من محاولتي بقربي منة

والله الحب عجيب امرةً
مرة يكون نعمة على صاحبة وسعادة
ومرة يكون داء يفتك بصاحبة

والله حتى كرهت نفسي اشوفة شلون يلعب وية علاوي ويبوس بي ويشيلة والله كمت اغار من ابني اتمنى اني بمكانة وهيج يحضني
حسيت على واحد لكزني بخاصرتي درت وجهي وشفتهة نوال
نوال-الحلو وين صافن
زهراء وبتعمد-صافنة على رجلي وابني
وشفت عمار جمد وتوقف بحركتة وية علاوي
ونوب شفتة كام واخذ علاوي وطلع

عمار صار هواي يصدني واني اريد اموت من القهر

زهراء -نوال اريد اگلّج شي
نوال-گولي خية اسمعج
وحجت زهراء لنوال عن الي سوتة وعن صدهة لعمار وعن كلشي

نوال وبشهگة-عزة العزاج يالعوبة انتي شسوتي شصخمتي
انتي شمالج الله گالبج من دون امة محمد كلة تمشين بالمگلوب
زهراءوبحسرة-اعرف روحي غلطانة وانا ماسولفتلج حتى تظلين تحجين علية وتلوميني كليلي شسوي حتى يرجعلي عمار والله بعد ما اكدر اتحمل جفاه وياي

نوال -ولج عمار. زعلة ثكيل خصوصا وية اليحبههم
بس ما دام يحب فراح يكون اكو مكان بگلبه للغفران لان اليحب يسامح بس يحتاج لج صبر فصبري عليه حتى لو صدج
تراه يجرب معزتة وقدره عندج
فتحملي
زهراء -اندعيلي حبوبة الله يهديه الي ويحننة علية
نوال -كومي امشينا للمطبخ والله نسيتيني اليوم يجي عزام خطيب اسيل علعشا هو وابو علمود يحددون يوم العرس كومي سويلنا من ايدج الحلوة فد كيكة طيبة
حوراء بنت شيخة-اي عمة زهراء عفية سويلنا كيكة
زهراء ببتسامة من عيوني
بس خلي اكوم اخبز ترة هسة العجين اختمر
حوراء بتوسل-عمة زهورة حبوبة علميني شلوون اسوي الكيك
زهراء -صار من عيوني اعلمج واني وياج اسويهة
بس خل اخبز

زهراء-حورة عمة بس روحي شوفيلي علاوي شجاي يسوي اخاف منة من يخنس الكاه مسوي مصيبة

حوراء -هسة عمة

زهراء -رحت شنكت العجين وحضرتة ورحت اخبز

دخلت اسيل للمطبخ وشافتني شايلة صينية العجين
اسيل -هَـا راح تخبزين خوش راح الزملج الغلك مالت التنور
رحنا وكعدنا نخبز
اسيل وهي تضحك -اليوم راح يجون عمي وعزام ويحددون يوم العرس
زهراءوهي تخبز-بالمبارك عليج خية لعد هم يالله ندور على بدلات ونحضر من هسة
اسيل -اي ولج بس كون الحك احجزلي بدلة اوصي عليهة من كويت لان تحتاج وقت يالله توصل
زهراء- عفية اسولة شوفيلي وياج بدلة على مقاسي تصير حلوة
اسيل بضحك- دروحي ولي انتي صايرة شسمنج وتردين بدلة
زهراء بشهكة-عزة بعينج يالعوبة انة سمينة جا انتي شنو
اسيل بضحك-انة فيل لابس عن الشقة صدك صدك اانتي شوية سمنانة وصايرلج كرش ينراد تشترين كورسيه ههههههه وعمار اخوي يكره المرة عندهة بطن

زهراء بقهر وتحجي بنفسهة
هو عمار يعرف وين الله خالقني حتى ينتبهة على بطني والله اموت قهر اذا يخرب جسمي
زهراء-ولج خايبة اسيل خن نسوي رجيم منا لحد عرسج ونشوف منو بالله تضعف الاول وتخسر وزن انة لو انتي
اسيل وبحماس -اي يالله خية عليهم عليهم
بس هَـا من باجر نبدي اليوم فري لان عزام موجود عيب ههههههه
زهراء-اهوو جا مادام كلتي من باجر ابدي معناهة ايس يعبيس ماكو رجيم

نوال-جا شنهي ماخلصتن خبز ورانة ليل نهار يالله فضنهة وخلصن

دخلت اسيل واخذت الصينية والمعجنة مالت الخبز للمطبخ
واني كعدت بالگاع الم بالخبز لان جنت ناشرتة على وصلة قماش حتى ما يعرك الخبز
واني الم بالخبز
شفت دخلو زلم من باب الشارع احنا تنورنا يصير ركن على صفحة قريب على السياج مالت الحديقة فباب الشارع يكون قريب علتنور اني من اطلع للكراج او اخبز البس محرم مال صلاة كامل احسن واستر
فكاعدة بالكاع ودخلو الزلم وكمزت وشلت الخبز وظليت مصنمة ما اعرف وين اودي وجهي شفت عمار وياه عمي و ثلاث رياجيل ما اعرفهم ماشايفتهم لان ولد عم عمار كلهم اعرفهم بس هذولي يمكن ربعة
بس عودك شنو واحد بيهم اكلني بعيونة واني غديت ماي
واشوف عمار عيونة صارت جمر من الغضب وعاين علية بخزرة

زهراء
اي اني شعلية شبيدي غير جنت اخبز شنو قابل جنت منتظرتهم يجون وخبزت والله يارب ماعندي حظ وية هالرجال الله يسلطة علية بكل المواقف الغبرة
رحت اخذت الخبز وفتت جوة للمطبخ وكعدت انشرة ونوب اجت حوراء شايلة علاوي
حوراء-عمة بدلت هدوم علاوي لان شفتة مبلل روحة
زهراء شفتهة خطية مغيرة ملابس علاوي خطية بدون تنسيق ولا مرتب بس انعم الله عليهة من بدلت للولد

دخل عمار وبخزرة وهو ما يحجي وياي نظرة بتجاه نوال

عمار-نوال بعد اذا عندنا عزيمة محد بعد تطلع تخبز برة لاقبل جية الخطار ولابعدهة دبروا اموركم باللي عندكم سامعات او ارجع عيد
شيخة بدلع -صار ابن عمي ٺــڊٍلََُلََُؖ

زهراء
اني دنكت وسكتت ماحجيت شي
عمار وبزمخة -سمعتن لو اطْرشيتن
زهراء كمزت من مكاني من صوت عمار عرفت الكلام كان موجه الهة
زهراء هي تحجي سريع-اي اي صار صار بعد محد تطلع نوب خزرني وطلع

عمار
وانة بالديوان اتصلو علية ربع جايين من بغداد ومايندلون السلف واتصلو علية حتى اطلعلهم واجيبهم لبيتنا
فرحت جبتهم واجيت اني وابوي والولد
وبدخلتنا للبيت شفت زهراء كاعدة بالگاع تلم الخبز
لابسة محرم مالت الصلاة وجان لونة كحلي الاحرام
شفتهة وهي كاعدة وخدودهة صايرة حمر من حرارة التنور والعيون بيهة لمعة اشوفهن ذبلانات هاي الايام
وحتى ذبولهن زادهن جمال
جان. شكلهة يجنن وهي كاعدةة بالگاع وانتبهت على واحد من الربع ركز بشوفتهة
انة انجنيت واباوع عليهة شلون اتفاجئت بينا من دخلنا وظلت لامة شفايفهة وتعض بيهن من الاحراج
اني بوكتهة احس روحي صعدت للسما ونزلت ما اعرف شسوي
من حركت گلبي رحت للمطبخ وحجيت وية نوال بعد ماكو خبز بيوم العدنا خطار

زهراء كملت وسوينا اني وحور كيكة
وشيخة كلساعة تحجي على حور
شيخة -شنو حبوبة ست زهراء كعدتي تشغلين بنتي عندج خدامة
حوراء-لايمة انة طلبت من عمة زهراء تعلمني شلون اسوي الكيك
شيخة -اعرف بس انة احجي على علاوي شنو تخليج انتي تبدلين ملابسة وهي شبيهة مگرمة ماعندهة رجلين ما تلبس ابنهة لو تعودت على خدم
نوال -اهوو اشتغلت رحمة الله شلون بيج شيخة انتي ماتعبين من المداهر
شيخة -لاخية ما اتعب ماتشوفيه ماخذة الرجال بس الهة وحتى ماگام يوصلني من ورة هاي ام السحورة ما اعرف شسوت للرجال وخبلتة وخلت ما يعاين بوجهي
زهراء اباوع على شيخة تحجي وفاتحة حلكي
هههههههههه والله لو تدري بعمار حتى ما يشتهيني بعيشت الله
ظليت اهز بيدي شحجي وياهة

خلصت الكيكة وسويتهة قطع وغلفتهة وحضرت ترمز جاي مهيل و خليتهن على الميز وطلعت شفت علاوي يلعب وية بنت عمار رسل الصغيرة مكعبات فعفتهم وانطيت خبر لعمتي حتى تخلي عينهة عليهم وصعدت فوك حتى اسبح لان جسمي كلة عرق من ورة الخبز
و دخلت للحمام اسبح

عمار
واحنا بالديوان
صبينا العشا ودخل علينا عمي ابو عزام ووعمي ابو هشام وهشام وربعي وكعدنة نتعشة وبعدين
قدم محمد الجاي واني اخذت منة استكان الجاي وجان صديقي يحجي وية ابوي واحنة نسمع سوالفه
واني اشرب بالجاي وسمعتة يحجي وية ابوي
صديقي-عمي طلبتك گول تم
ابوي الشيخ سلمان-اذا اكدر عليه ف تم

صديقي -عمي صوبتني گمرتكم من اول دخلتي لبيتكم وراح اطمع بكرمك واطلب ايدهة على سنة الله ورسولة

عمار انة جنت اشرب بالجاي وسمعت كلام صاحبي احس الجاي طلع من خشمي وشركت على هاي حجايتة بالعباس لوما صاحبي وبديواني وببيتنا جان تتوطيت ببطنة وفرشتة بالكاع وسويتة مداس
الشيخ سلمان ظل يضحك على كلام الولد -والله بوية جان ودي بس البنية الشفتهة مرت عمار
صديق عمار بمستحة -السموحة عمي السموحة
الشيخ سلمان -بس لاتضوج عندهة اخت تشبهة طبق الاصل مامتزوجة تحب اشوفهة الك حتى اخطبهة الك
الولد بفرح -اي والله عمي ياريت والله احبكم واريد من ديرتكم مرة مثلكم صاحبة واجب وكرم
هنا هشام هو الي شرك بالجاي وطلع الجاي من خشمة من ورة حجي عمة الشيخ سلمان والولد
هشام وبصوت عالي -عمي عن اذنك ترة البنية مخطوبة واني خاطبهة شنهي عمي شمالك جانسيت

الشيخ سلمان مستغرب-شنهي بوية شوكت صار هذا الحجي
هشام -جا انت مادريت انة خطبت البنية
الشيخ سلمان -وانة وين عنكم شو مادريت
هشام يريد يلزكهة وعمة لطش
-عمي انت جنت ويانة بس جنة مشربينك منوم فما حسيت علينا من خطبنا ماتشوف انت ما تتذكر هههههههههههه

عمار وهشام اثنينهم على فد كلمة-والله بنات جابر
بهذلتن احوالنا

دهاليز القدر
للكاتبة
Nuha-d-h
اتمنى لكم قراءة ممتعة

يتبع