رواية ضحية طيش الفصل الرابع عشر 14 - بقلم Khalek Poetess

غده:ماشا الله كلكم اسمائكم حلوه وانتو حلوين ..ماتدرس يا طلال
طلال :الا باولى..بس ملوك ما يدرس لانه صغير
غاده:اذا كبر بيدرس ..عندكم اخوان ثانيين
طلال:ايه عندنا بس ماجو لانهم بيقعدون عند ماما
غاده:وماما ليه ماجت
طلال:بابا قالها لا عندي شغل
ضحكت على براءة طلال:هههه ياحبي لك اكيد اصلا انا لو سافر سلطان ما اسافر معه لانه بيروح يشتغل
طلال:وتقعدين بلحالك
غاده:ايه عادي عندي ولدي عبودي
طلال:عندك بنات
غاده:لا عندي ولد بس..انت عندك خوات
طلال:لا ما عندي..(وبعد تفكير بسيط) ماما تقول كانت عندي اخت اول بس ماتت
ضاق صدر غاده وهي تسأله :الله يرحمها ..كبيره ولا صغيره؟!
طلال يفكر:امم مدري امي تقول غدو اكبر منا
فز قلب غاده حطت يدها على صدرها حست بالم قوي ماتدري ليه سالته بتردد:
اسمها غادة؟!!!!
طلال ببراءة:ايه امي تقوله وابوي بعد...تراهم يحبونها مرررره
غاده بخوف وارتجاف: متى ماتت؟
طلال بكل براءه:من زمان ماتت بالبر
غاده كانت تحاول تتمالك نفسها تبي تتأكد اكثر:وش اسم ماما ياحبيبي
طلال:نوره
غاده وهي تعتصر بألم :وبابا
طلال:عبد الله ال.....
نطت ساره من مكانها تركض.. الشي اللي خوف الاولاد ..كانت تركض متجهه للمجلس وهي تصيح ..سمع سلطان صياح وطلع من المجلس لكن مالحق يطلع لان غاده كانت واصله لباب المجلس..مسكها سلطان بخوف وهو يحاول يطلعها وابوها نزل راسه مصدوم من الحرمه
غاده تصرخ وهي تطالع جوا المجلس وتحاول تفلت من قبضة سلطان :فكككككننننيييييي .....
سلطان يصرخ عليها:بسم الله عليك وش فيك انجنيتي يا عنود لا تفضحيني
لكنها استمرت تحاول تفلت منه وهي اطالع الرجال اللي جالس يوم لمحته وتأكدت ان اللي تشوفه حقيقه مب حلم صرخت صرخة وصلت للافاق ومن قوة الصرخه تركها سلطان بخوف من صرختها ومن الكلمه اللي قالتها ...........
(يبببببببببببببببببببببببببببببببببببببببببببببببب بببه)لكن ابوها ما ناظرها كان مصدوم من اللي يسمعه كان يستغفر بصوت عالي...لكن غاده كانت وافقه بمكانها مب قادره تتحرك تبيه يرفع راسه عشان تتأكد اكثر قالت مره ثانيه وبصوت اقوى:يبببببببببببببببببببببه انا غاااااااااااااااااااااده..غااااااده بنتك...حبييييييييييييييييييييييبتك...يبببببببببببب ه
رفع راسه بدهشه من اللي سمعه ...يوم ناظر اللي وافقه شاف نظر عينه ..شاف بنته الغاليه ..حياته ..اللي طول السنوات يدعي الله انه يجمعه بها شافها تبكي بحرقه ..كل اللي سواه بذيك اللحظه انه خر لله ساجد...طاحت عالارض يوم تأكدت انه ابوها.. مب قادره حتى تمشي صارت تحبي عالارض وهي تنشج بصوت عالي ...قام من السجود وهو يركض ناحيتها وينادي باسمها:غاااده يالغاليه ...غاده يا نظر عين ابوها
رفعت يدها لابوها مثل الطفل الصغير اللي يطلب من احد يشيله .. خلالالاص مافيها حيل ابد انها حتى تتحرك..طاح ابوها على ركبه وهو يبكي وضمها لصدره بكل حنان واشتياق الابوه....بكت عيون غاده وبكت عيون ابوها وبكت عيون ذاك الانسان المتجمد عند الباب بكت عيونه دم من اللي يشوفه..لانه هو السبب اللي فرق بينهم..ظلو على حالهم وقت طويل الين بعدها ابوها عنه وهو يقول:الحمد لله على سلامتك يالغاليه..الحمد لله اني لقيتك..ربي ماخيبنا ..ربي اجاب دعواتنا
وش صار لك طمنيني فدييييت روحك
كانت غاده تبكي ومنهاره بحظنه مب قادره ترفع راسها ...
بعد ماهدت روحها شوي..قامت تقص له انها ظاعت بالبر وقعدت الى المغرب ومرت سياره كان فيها سلطان واهله ..ماحبت تقول لابوها الحقيقه خلاص سامحت سلطان وتبي تستر عليه ..قالت انها راحت معه هو واخته وانها عيت عليهم انهم يرجعونها للبيت لانها ماتبي احد يتهمها بشي الناس ماراح يرحمونها ولا يرحمونه بعيونهم وبالسنتهم وان سلطان تزوجها وجابها هنا.قالت له انه مريحها ومسعدها...فرح ابوها وحمد الله انه لقاها ماكان مقتنع باللي قالته كان حاس انه شي اكبر بس سكت ولا قال شي ..شكر سلطان على اللي سواه وطلب منهم انهم يرجعون معهم لكنها عيت قالت لا مابي احد يدري عني بس ابيك تجيب امي واخواني عندي ولحد يدري انكم لقيتوني وافق ابوها لانه يدري ان الناس راح تتكلم عليهم ..
كان سلطان يناظر غاده بكل حب وامتنان كان وده ينطق اسمها.. االله مااااحلاه...شافت اخوانها مره ثانيه وضمتهم لصدرها وهي تبكي درت ان امها تعبت بعدها وتأثرت غاده وبكت ..لكنها فرحت يوم درت انها حملت عقبها وجابت ملوك..وحمدت الله انها اجتمعت بهم..
بعد فتره قامت عشان تجهز العشا ..دخل وراها سلطان..كانت معطيته ظهرها كانت تردد بصوت مسموع:يااارب لك الحمد..اخيرا يارب اكتملت فرحتي..احمدك يارب واشكرك ماخيبت دعائي..
فرح لها سلطان وحمد الله انها الحين ارتاحت راحه تامه..كان واقف ويتاملها وهو مبتسم:غاااااده
التفتت عليه مستغربه:هااه
سلطان يضحك وهو يقرب منها:هههه خلاص من اليوم ورايح انتي غدو...عنود هذي انسيها انتي غاده بنت عبد الله ال.... وحرم سلطان بن عبد الرحمن ال...
غاده :هههه الحمد لله (وتنهدت)الحمد لله اللي لم شملي باهلي
ضمها سلطان لصدره بكل حب وحنان وحط راسه على راسها:والحمد لله اللي رزقنياك زوجه ولا كل الزوجات..

الحمد لله...
(*تمت*الروايه )