رواية دخيلة بنت الشيوخ ... ااجزاء الرواية موجودة في تطبيق دريمي هنا فقط ٥ اجزاء الفصل الخامس بقلم نورا ناصر

اسيل ..
سمعت رافد يحجي بالتليفون ويصيح .. كمت من الفراش ورحت وراه .. جان بالممر خلص مكالمه يريد يدخل .الغرفته. كتله .. رافد
دار عليه كال شكومج من الفراش روحي ارتاحي
انت وين رايح وليش جاي تصيح بالتليفون
اريد اخذ حقج
لزمته من زنده لاارافد عوفه
ليش اعوفه تخافين عليه
لا مااخاف عليه ماكو شي هو بالنسبه الي هسه انه اخاف عليك انت
ليش تخافين عليه
انه حظي عاثر . منو اتعلق بي اخسره
هه تتعلقين بي ليش انت متعلقه بيه مااصدك
اي بس خايفه اتقرب منك لااخسرك
واذا خسرتيني
اول وحده راح تضيع هي انه
ليش لان انه احتويتكم مو
لا رافد انت ماجاي تفهمني ..
ولاراح افهمج بس انه رجال ومااسمح لاحد هيج يسوي بمرتي كائن من يكون وانت مدام على ذمتي انت محسوبه عليه ..
بس هيج
شلون يعني
رافد لاتروح ..
رايح بعد مااروح اخذج نروح البغداد .. تشوفج دكتورتج ماشي
هزيت راسي ودنكت وابجي .. مسح دموعي وكال شبيج هسه ..
كتله ماكو شي .. تقرب مني خله ايده ع الحايط .. وصرت بينه وبين الحايط .. كال هذا حب لاسنه ولاسنتين .. من عشرين سنه مالازم اسكت
وظل يمسح دموعي .. ضحكت كتله 20سنه يعني شكد جان عمري بوكتها ..
يمكن يوم ..
جنت تحبني من عمري يوم ..
مااعرف بس هم كالوا الك وانطبعت بالي بس ماحضيت بيج .. عرفت تحبين وخلص هه لاتقلبين عليه المواجع من اتذكر اضوج حييل .. وهسه راح اتأخر .. لازم اروحله هذا السافل واخذ حيفي منه .

ضحكت كتله زين بس فدوه ارجعلي .. بعد شعري وره اذني .. وكال اكيد وخله شفته على راسي اول مره يبوسني .. حسيت بحنانه ماردته يروح لو متزوجين من الاول ماجان هذا صار ..

راح طب لغرفته.. ورحت انه للغرفه .. باوعت لوجهي زين جنت حلوه هه مرتبه حواجبي ووجهي لان دوام كليه جبرني اهتم بنفسي .. بس بقيت بالاسود نذرت من يرجعلي مابي شي .. انزعه واللبس الوان ..

رحت للكنتور وطلعت السبحه ورحت وكفت يم باب غرفته .. انتظرته علما طلع .. من الغرفه

كتله . راح تروح يعني مصمم ع هالروحه
اي مصمم اخذلج حقج ..
اخذتلك شي تحمي نفسك بي
لتخافين عليه
خليني اجي وياك رافد ..
ههه ولج وين ترحين ابقي هنا ماراح يصير شي لتخافين ...
هاك هي السبحه بقيهه وياك بقت حسره بگلبي انطيكياهه بسس
هه بس شنو يعني انت اشتريتيهه الي
صدكت بحجي روان ..
يمكن اي يمكن لا .. وهسه خليني اروح تره بداخلي نار نار اريد اروح لاتلهيني
ابتسمت وهو اخذ السبحه وراح مشيت وراه وكفت بالباب .. وشفته دخل بسيارته وحرك وراح .
بقيت بقلق .. عليه. خفت عليه ..
رجعت دخلت ..

رافد ... وصلت للمكان الي اتفقنه عليه جان ع الشط ومابي احد مكان معزول .. انه اعرفه واعرف شكله وشايفه من كبل .. اول ماوصلت للمكان .. شفته واكف بصف سيارته ..
نزلت من السياره .. ورحت صوبه من شفته نار صعدت براسي اريد املخه بس هو جان هادئ اول ماوصلت اله ماشفت منه ردة فعل .. كتله واجهني رجل لرجل بدون اسلحه ..
كال خوش .. نزعت الستره وبقيت بالبدي ..
اول ماهجمت .. ضربته بوكسي .. كتله هي مال ابوي المات بسبب ابوك ..
ايلول .. بعد ماضربني رجعته اله البوكس وكتله ابوك هو الكتل ابوي .. بالاول .. بس انت اخذت مني حبي

رافد .. ضربته بوكس ووكعته بالكاع كتله جانت هي الي كبلك .. ونزلت عليه ضرب . وظلينه نتضارب ..
الى ان تعبنه ونمنه ع الكاع نجر نفس .. كل واحد نايم ع ظهره بصف الثاني .. باوعلي كلي هسه صرنا متعادلين ياابن خالي ..
جاوبته متعادلين
ايلول ..انتجيت على عكسي كتله انه اعتذر ع السويته بزوجتك .. بس كلبي عصرني من كتله زوجتك .. كملت كلامي .. كتله تره ابن عمي جابلي رقمها وشوفني رسائل تتوسل بي يطلع ابوها .. واكو ادله بان اسيل هي الواشيه بامي .. انه ماصدكت بداخلي وتاكدت من الرقم هو رقم اسيل بس مامتاكد اذا جانت هي .. الي تراسل جعفر لان اسيل ماتسويهه وتدمر حياتهه ..
رافد ... اصلا هي مامهتمه لابوها بالسجن وتكول هذا جزائه لان هو قاتل .. وتليفونها دوم شامرته ماتلزمه الا للضروره ..
ايلول .. لازم اكو من يستخدم تليفونها .. بالبيت لازم تديرون بال .
رافد .. ضحكت
ايلول .. شبيك
رافد ..هسه جنه متضاربين وتالي تصافينه
ايلول .. الظفر مايطلع من اللحم
رافد .. رغم الدم والثار البينه احنه جييل واعي .. ماعلينه .. بالمشاكل القديمه .تقربت منه. لزمته من ياخته كتله مااريد تتعرض المرتي بعد ..
ايلول .. وعد مااتعرض الها واتمنالكم كل الخير
وانه غلطت واعتذر منكم وراح ارجع لابن عمي واخلي يكشف كل شي من صدك واريد اعرف منو وره هي السالفه ..
رافد .. وانه هم. لازم اعرف من يستخدم تليفون اسيل ويحجي بالنيابه عنها ..
طلعت من يمه ورحت لسيارتي .. وحركتها وطلعت ..
بالطريق .. دك تليفوني .. باوعت اسيل .. ضحكت خايفه عليه .. جاوبتهه هاا اسيل
انت وين
جاي مسافة الطريق ..!
اوك ..
وصلت للبيت .. اخذت كلينكس .. مسحت الدم الي بوجهي ..ونزلت من السياره .. جانت اسيل تنتظرني
يم باب الاستقبال ..
من شافتني اخترعت .. وجهي مزورك وبي دم .. كالت
هاي ليش هيج رافد ..
شنو شبيج
مو كتلك ماتسوه .
شنو شايفتني واخلي مرتي تنهان واسكت لووو
لو شنو رافد احجي ...
ماكو شي خليني ساكت
طبيت للبيت .. كتلهه منو يستخدم تليفونج غيرج
طنكرت وماتحجي .. تريد تطب .. جريتهه من ايدهه موجاي احجي وياج احجي منووو
ماادري شمعرفني ..
شبيج ولج ..
انت ماادري شلونك رافد تبقى تشك بيه
مااشك بيج
ليش .. انت من تكعد تسولف وي جنات مااشك بيك ابد هاا ..
اي لان ماتغارين عليه .. لان ماتحبيني ..
خوش رافد ..
تريد تروح لزمتها من ايدهه منو جان يراسل بتليفونج منو جان يحجي وي هذا الي اسمه جعفر مو جاي اسألج ماتحجين
ع صوتنه اجوا امي و روان
شافتني امي هيج تفاجئت كالت خير شبيك رافد ..
ماكو شي يمه لاتشيلين هم .. درت على روان كتلهه انت جنتي تخابرين احد بتليفون اسيل ..
كالت لا والله مالزمته ولامره هو كله بيد جنات
اي يعني جنات جانت تخابر منو بي
ماادري بس مره سمعتها تكول الباسم ابن خالي تكله شوكت يخابر جعفر اريد ارجع التليفون
وانت ليش ماحجيتي ليش ماگلتي ..
ماادري ماافتهمت عليهه ..
درت على اسيل كتلهه خابري جنات تجي نستفسر منهه ..
امي كالت ليش شصاير بعد تره والله مااتحمل ..
كتلهه يمه ماكو شي .. انه رايح للغرفه ارتاح ..
باوعت لاسيل بخزر .. وطبيت للغرفه رحت سبحت وطلعت .. ماادري ليش من اشوفها هيج خايفه يتصورلي خايفه على ايلول مو عليه .. مشطت شعري ولبست .. وتمددت ع الجربايه .. بقيت افكر بيها هي تعبانه وانه لازم اعذرهه .. شويه وانفتحت الباب وطبت. .

أسيل ..
اعرف بشنو يحس وانه عاذرته عباله بعد احب ايلول بس العكس من تركني ايلول وشفته وي زوجته كلشي انتهى بقت بس ذكريات وكل همي هسه رافد .
وشون اكسر الحاجز الي بينه واتقرب اله. لان متاكده يحبني .
رحت بدلت الاسود ولبست نفنوف نيلي بي طوبات بيضه ناعمه .. وربع ردن .. فتحت شعري .. مشطته شلت منه نص والباقي مفتوح .. بس بقيت خجلانه اروح اله .. كعدت افكر بطريقه .. اي هو وجهه مجرح رحت اخذت معقم .. ولاصقات جروح
.. وصلت الغرفته يم الباب شفت امي .. كالت الله يهديج يمه
كتلهه يمه انه مخبله .
لا الله يهديج الرجلج ييمه انه شريد
ان شاءالله بقيت واكفه خجلانه هي حست بيه ظلت تضحك وراحت .. دكيت الباب كال تفضلوا ..
دخلت عليه .. بس بين الضايجه من شكه بيه وبين خجلانه منه وهم متحمسه اتقربله كلشي مخربط بيه
بقه امدد ماتحرك .. رحت وكفت يم راسه .. كتله. . رافد ممكن نحجي
كال شنو اكو حجي
نحجي عن ايلول
مايحتاج
لايحتاج باع من تركني ايلول ومااسوه شي الخاطري
انجرحت كلش والجرح صعب .. حسيت اكو جزء من مشاعري اتجاهه تغيرت من تزوج بسرعه هم .. من شفته بكربلاء وي زوجته ماحسيت بشي اتجاهه بس ذكريات وماالها قيمه .. ابد ياريت تفهمني رافد ..

خلصتي ..
اي .. خليت الاشياء ع الميز وكمت .. اريد اطلع كال تعاي .. عصبت كلش كتله مايحتاج ماالك ثقه بيه طلكني مدام مابينه شي .. الحد هسه ..
اريد اطلع طفر من الجربايه .. واجه سد الباب وصار ع الباب يمنعني من الطلعه .. كتله وخر
كال طالعه حلوه اليوم ..
بقيت اباوعله ومخنزره عيوني .. كرصني من خدي ومن خشمي گال شنو رأيج بعد مانخلص .. نسوي حفله نعلن عن زواجنا
كتله صار النه اشهر احنه متزوجين
ليش مايحق الي افرح .. بزواجي مثل العالم
لااكيد يحق الك بس انت تدري وضعنه شلونه
ميخالف حفله على كدنه .. زغيره
ماشي .. يله وخر خليني اطلع ..
لاابقي يمي اريدج ..
يمه شتريد
ولج شبيج لاتخافين اريد اسولف وياج
زين جايه ..
رحنه كعدنه ع الجربايه وبقينه نسولف ونضحك تمنيت انه اله من زمان .. بس كلشي جان مقدر ومكتوب ..
كال بس خليني انام بحضنج نعست ..
سكتت كال مااسوي شي ..
كتله يله .. خله راسه بحضني وظليت اللعب بشعره ونام .. طلعت من الغرفه .. رحت للمطبخ امي جانت بالمطبخ .. باوعتلي وضحكت كالت ع الخير ..
كتلها يمه ماصار شي تره .. سمعت صوت خالتي .. ام جنات ..كتلهه هي منو عدنه
خالتج وجنات اجو
هي يمته اجن
كبل شويه.. المغرب وصلن
شبسرعه .. لو جنات سمعت برافد هنا واجت ..
عيب اسيل عيب هالحجي ..
اروح اواجهه انه .. جرتني امي كالت تعاي عيب توهم جايين
ختولي مااستحت هيج تسوي بيه
عوفي رافد يتصرف فشله من خالتج
يمه بسببها جان رحت بالرجلين دعوفيني ..
رحت طبيت عليهم سلمت .. على خالتي ..
ومن وصلت الجنات .. ماسلمت عليها كتلهه ليش جنات هيج تسوين بيه ..
صفنت بوجهي .. ظلت تمتمت .. كالت شبيج .. اسيل خيرج
هذا منو جعفر الي تراسلينه بأسمي ..
ماكو هيج شي اسيل .. شبيج منو جعفر مااعرفه انه ..وكعدت وجهه ظل ينطي الوان وتوترت
اجت يمي خالتي خيرج اسيل .. شنو صاير
كتلهه خاله جنات تراسل واحد بتليفوني وباسمي
كامت جنات ظلت تصيح جذابه امشي اروح يمه شنسوي اجينه اذا يهينون بيه
كلتلهه خالتي خل نفتهم بالاول انت شمصخمه
كالت مامسويه شي .. وماعدهه دليل عليه
نطت روان من يمها كالت .. جذابه جنات تتذكرين من بالليل . تخابرين باسم تكليله يمته يدز جعفر ع فون اسيل
اسكتي انت زعطوطه نسيتي من اسيل كتلتج وانه لحكتلج هسه جاي تذبين جذب عليه
اختي وتريد مصلحتي .. وانه راضيه ..
سكتي ام الولد بيج خير مو كتلتج اسيل علمود تحجين وي ولد
وانت ماتحجين وي باسم غراميات وتدحسين برافد وتحجين وي جعفر ..

اسيل .. اجت امي وعله الصوت .. بس وكفت روان وياي مااتوقعتهه ابد .. بس فرحت كلش ..
وكعد رافد .. وخالتي لزمت جنات وظلت تضرب بيهه ع ضهرها . كلتلهه اشوفج هاليام وي باسم شنو ترديلج رجل .. راح تخزيني .. كولي شصخمتي احجي ظلت تبجي جنات وانهارت .. وحجت
كالت باسم ابن خالي خابرني وكال اريدج بشغله ..
وشنو تردين انه حاضر .. كتله خوش .. كلي بس مو هسه من اكلج كتله ميخالف ماعبالي .. هيج والله ظل يدزلي رصيد .. ومن اروحلهم يخلي بيديه كله 25الف ويجيبلي هدايا وساعات وانه محرومه من هيج شغلات طاوعته .. وبيوم خابرني كلي اريدج تصيرين قريبه على اسيل .. .. وتاخذين تليفونها وفهمني شنو احجي وي جعفر .. سألته ليش كال ..
احسن اسيل رفضتني وفضلت رافد عليه تستاهل هيج يصير بيها والله هذا الصار ..
ام جنات ..
ليش ولج بشنو قصرت وياج انه هيج تغدرين بخيتج مو جاي نجي ناكل ونشرب هنا ..

جنات ..
يمه الشيطان شسوي.. غواني يمه وانت تدرين بيه شكد احب هالسوالف ..

اسيل ..
بعدهه هدأ الوضع وخالتي .. اصرت تاخذ جنات وتروح بالليل كالت فشلانه منكم .. كللهم رافد راح اوصلكم ..
راح للغرفه يبدل رحت وراه . ويا كتله باع توصلهم وتجي مو تظل تسولف وي جنات ..
هههه ولج تغارين عليه
خلي اروح وياك
يلا امشي
لاانتظرك هنا راح اسوي العشه ..
راح يوصلهم وانه بقيت اسوي العشا امي كل شويه تتحلطم .. وضاجت على خالتي .. كلش ..
كتلها هي خالتي تعرف بته غلطانه انت على شنو ضايجه ..

أيلول ....
بهالفتره رتبت البيت وعدلته ونقلت اغراض الشقه كلهن اله .. وترخصت من ابوي وامي وطلعت ..
البيت جان 100متر بي غرفتين نوم وحده النا وحده العمتي ام انسام ...
خابرت انسام كبل كم يوم يحضرون شغلاتــــهم رحت عليهم بعد مااحضروا كل شي اخذتهم ورحنه للبيت
كتلهه يلا نسمه دخلي برجلج اليسره
ههههه اليسره لو اليمنه
ماادري المهم دخلي ..
ظلوا يضحكون ودخلنه كالوا البيت مريح بس عمتي كوه عليها كالت انه شسوي جايه وياكم انتم زوج وزوجته تردون تاخذون راحتكم ..
كتلهه عمه انت من ريحة امي .. لاتكولين هيج ..
اووف هاله والله ماجاي اكدر انساهه شون بيه
الله لاينطي الي جان السبب ..
هاا صدك ايلول احنه عدنه مفاجأه الك .
شنو خير .. عمه
اي كل الخير ابني .. نسومه حامل ..
صدك والله .. رحت بوست ايدهه وراسهه الف مبروك كتلهه ..
انسام .. فرحان انت ايلول
اي طبعا شون لعد ..
فرحت بأبني وحسيت بالاستقرار .. وتعلقت بانسام كلش ماشفت منها شي موزين قايمه بواجبي مطيعه وصبوره جانت دائما تكلي انت كلشي بالدنيا.وماعندي غيرك ابد .. وانه هم ماعندي احد اقتنعت بان احنه نكمل بعض ..
بعدهه بايام خابرني رافد جاوبته ..
الو هاا رافد شلونك
بخير .. تره جعفر هذا تذكرته ياما جان يجي هنانه بس ماافتهمت شنوو سالفته وهسه عرفت هو متفق وي ابن عم ابوي .. حتى يضربون حجرين بحجر من جهه ياذون اسيل وينتقم منها باسم لان رفضته ومن جهه يردوك تاذيهه حتى يكدرون ينتقمون منك لذلك سوو هيج واسيل ماالهه دخل لا بالوشايه ولاا باي شي
اعرف جعفر الواشي بس ماجنت اعرف باسم اله دخل بالموضوع هم ..

لاا اله دخل ..
قريبا راح انتقم منه جعفر صبرت عليه هواي
شتسوي
اشرب من دمه ..
انت متزوج مو
اي
عندك اطفال
ان شاءالله بالطريق
ليش توصخ ايدك بدمه القذر وانت متزوج وجايك طفل وهم يردون الحجه عليك
نار بگلبي ماتطفه ماادري شسوي
ماسامع بالمثل الي يكول فرق تسد ..
اي
اي بالضبط خلي نفرق بين جعفر و باسم ونخليهم واحد ينتقم من الثاني نارهم تاكل حطبهم ..
شلون ..
انت روح على جعفر وكله باسم اعترف عليك بان انت الواشي .. وانه اروح لباسم وابو واكللهم جعفر يكول على باسم خلاني احاجي بت خاله واسوي وياهه علاقه واشوه سمعت اسيل ونخليهه تكب بينهم للستار .. ونسويهه عشاير بينهم .. وبهيج واحد راح ينتقم من الثاني
والله يادكتور رافد .. انت فعلا ذكي
ايلول عمره الانتقام ماجان شجاعه بالعكس اعتبره جبن انه وضعف
اي صح مثل ماتكول نارهم تاكل حطبهم .
يله ايلول روح سوي الي عليك .. وانه اسوي الي عليه في امان الله ..
الله وياك ..

رافد .. رحت لاسيل كتلها راح اروح لبيت خالتج جنات لازم تساعدنه حتى نوكع بينهم
اي اروح وياك وانه احجي وياهه
ولج شراح احجي وياهه انه وراح اخذهه تروح لبيت خالج .. جاسم
لا مااروح هناك انه اضوج انقمت ..
زين انه رايح هسه
اسيل .. لزمته من ياخته كتله هاا دير بالك تحجي وياهه زايد بس بخصوص القضيه هي خوش ..
لزم ايديه وباسهم كال احبج يمته تصيرين الي
انه الك وين رايحه
اريدج تصيرين الي بطريقه مميزه ..
باي طريقه انه الك من اول مانولدت انه الك
ياروح الروح انت اخلص شغلت باسم وبعد مااتحمل بعدج عني
يلا عود خلصها .
يلا رايح ..
راح رافد .. اجت امي كالت بيش يريد يورط روحه .. رافد ليش تخلينه ..
كتلهه قابل طاكته على ايده هو يريد هيج وبعدين لاتخافين عليه .. هو ذكي ويعرف شون يتصرف ..

ايلول ...
رحت الجعفر وافتعلت عركه ويا كتله باسم هيج هيج حجه عليك وتضاربنه وبس اريد انتقم كتلته من كل كلبي اجو خوانه وابوي وفاككونه .. حسيت بنفسي شويه ارتاحيت بس نار بكلبي منه ماتطفه .. ودائما اتذكر كلام رافد .. وافكر بانسام وبالطفل اذا كتلته وسيلت دمه راح يهدرون دمي. وتنظلم انسام وابني .. بقيت انتظر رافد شراح يسوي ..

رافد ..

رحت الجنات وحجيت وياهه كدام امها كتلهه انت تدرين هم ورطوج .. اريدج ترحين تكولين لخالج بان جعفر تحرش بيج .. وخلي يسووها عشاير ..
امها كالت غصبا عليهه تروح .. وتكول الخالهه على كل شي ..

كتلهه اي كليله جعفر تحرش بيه كلي باسم كلي هي بت عمتي الك وشماتريد سوي بيهه .. وظلي ابجي وكولي باسم استغلني .. حتى ينتقم من اسيل .
هي اذا تردين تكفرين عن ذنبج .. لان اذيتي اسيل بدون ماتاذيج ..
كالت خوش .. خذيتهه البيت خالهه .. وسوت الكلتلهه عليه ..
خالهه جاسم عصب وراد يكتلهه لان ماعنده رجال يغلط ومايحسبه غلط وكال انه شيخ اذا رحت كاومتهم راح اجيب سمعه عليه .. شكلك بت اخت الشيخ هي اخلاقها .. ولا حاجه باسم ولااي شي طبعا ابد بس لو بنيه جان حاسبهه ..
عفت الشغله وخابرت ايلول .. كتله دير بالك تسوي شي غلط عوفهم كلهم .. الله هو المنتقم واحنه مؤمنين واكيد هو ينتقم النه
كال خوش
رحت لاسيل كتلهه نسوي حفله نعلن ارتباطنه
اسيل ماردت حفله ولااي شي بس انقهرت عليه هو عاجبه
اجرنه قاعه .. وعزمنه اهلنه لبست بدله بيضه كصة الحوريه مفتوحه من فوك بدون اكمام .. وسوينه حفله هادئه وبسيطه .. وزفونه للفندق .. وصرنا زوج وزوجه .. جنت نايمه ع ايده كلي اريدج ترحين لابوج تشوفينه ..
لا رافد مااريد
لج هذا ابوج وتره تعبان ..
شوكت ينعدم
صدك تردينه ينعدم
لا بس جلي اسئل ..
تدرين احكام الاعدام تتاخر واصلا عايش بحاله كلش سيئه .. الخاطري روحي زوري
ماشي الخاطرك زين وامك رافد ..
شبيهه
ماتريد تروح تزورها هم
لا
ليش
مااعرف عنها شي من سنين
بعدهه يوم ثاني رجعنه للبيت ..وره ايام رافد اصر نروح للسجن ورحنه وشفت ابوي شلون تعبان ومنهار كتله ليش هيج يابه ليش دمرتنه بسبب حقدك دنك راسه وظل يبجي احسه مكسور . كال دمرني انتحار ميس لو مامسوي هيج جان حافظت عليهه
كال ياريت يعدموني انتظار الموت متعب كلش ..
قهرني وظليت ابجي ..

ايلول ..
مرت ايام .. مره رحت لبيت ابوي اشوفه هو وامي وبينما جنت كاعد .. سمعت هوسه وصياح وعياط ..
طلعت سالت شنو كالوا جعفر مسوي حادث سياره هو وصديقه ومات .. تفاجئت
بعدهه عرفت صديقه .. هو باسم .. اجت الي افكار بان هذا مو حادث وانما متضاربين بيناتهم واحد يريد ينتقم من الثاني .. فرحت من كل كلبي الله انتقم الي
ماصدكت .. خلصت ايام الفاتحه وخابرت رافد
كال باسم مشلول ومايتحرك .. اثناء علاجي اله
كال جنه بالسياره رحتله اوهمته اريد اشوفه كصديق بس رحت حتى اتعارك ويا لان خان الثقه .. اكتشفت هو هم محضر نفسه يريد يكتلني وتعاركنه بالسياره ونكلبت بينه ..
رافد كال هذا هو العين بالعين والسن بالسن والله ماضيع تعبنه .. مو بس هم يمكرون ويمكر الله والله خير الماكرين ..
احتفلنه بالانتصار الله اخذ حقنه منهم وخلصنا
بعدهه ولدت انسام .. وجابت ولد سميته تمار لرد المعروف والجميل لهذا الرجل العظيم الي تخلى عن عادات وتقاليد باليه واحتواني
كتله اريد بعد واحد اسمي سجاد وبنيه اسميهه هاله
كالت مابيه بعد هو هذا وشفت الموت بي
كتلهه ماعليه اريد بعد
ضحكت كالت خلي يتسجل مدرسه يله
كرصتهه من خدهه جانت الفرحه فرحتين ..

اسيل ..
من كلولي باسم انشل عرفت انه هي عدالة الله .. خلي يدفع ثمن الالم والعذاب الي شافته ميس وهو جان يتفرج عليها وماحرك ساكن ..
بعدهه عرفت بان انه حامل طلع بيه بنت ردتها ميس بس امي مقبلت كالت تنقهر رافد رادهه انتظار
يكول بقيت سنين انتظرج ..
مره جنه ببغداد وصدفه شفنه ايلول وانسام من بعيد جنت باخر شهر الي بالحمل .. وانسام على ايدهه ابنهه شفتهم من بعيد .. بس وباوعت لايلول شلون فرحان بابنه .. باوعلي وباوع ع بطني خليت ايدي عليها . . ومشيت بدربي وي رافد
اما ابوي ينتظر حكم الاعدام بس متعذب يريد ينعدم حتى يرتاح ..
ويوم عن يوم رافد يزيد اهتمامه وحبه مو بس بيه حتى يهتم بامي واختي مثل كبل واكثر
رافد هدية الله اليه ..
قد يبعد الله عنا من نحب ويعوضنا بمن نحتاج ونتمنى ..
انتهت ...