رواية دخيله بنت الشيوخ الفصل الخامس 5 - بقلم اوسار

#دخيله_بنت_الشيوخ
بارت 5.....
بقلمي نوره ...

الشيخ تمار ..
انت شنو من مره انت شسويتي بحالج بحال اهلج بحال الولد الورطتي وياج فوك ما عليه يتحمل غلطة ابو يتحمل غلطتج ..

هاله ...
كمت على رجليه وكفت كباله .. يااشيخ انه مااريد ملامه وحجي منك.. انه ادري او واعيه على الي سويته واعرف هجمت بيوت واذيت بشر بس انه جنت موحاسه بشي غير بحبي اله .. ورفضي لابن عمي انه الي راح اعيش ويا مو اهلي اليردوني اتزوجه لذلك ردت الوي اذانهم واتزوج الي احبه انه مو الي يحبونه هم ..
وهسه قرر انت ياشيخ القرار الك .. تريد ابقى هنا لو اشوفلي مكان

شنو من گوه عندج وبعدج گويه عگب كل الي سويتي
انه ادري اذا عشيرتج دروا انه ملفيج راح يصير بحر من دم بينه وبينهم

جا انت ماقصرت وياي وانه مااريدكم تتأذون من وراي انه اطلع منا احسن

ووين ترحين الموت مطاردج بره بكل مكان ..
تبقين هنا بس لازم اخلي عليج شروط ..

وهي ؟!

تصيرين ادميه وماتخطين بره البيت ابد
ونسواني تحترمينهم ..وخاصة صفيه مااريدج تلوعينهه

ياشيخ انه مالي غرض بيهه هي الي تندك بيه
عبالهه انه حاطه عيني عليك وراسمه عليك

ههههههههه شنو من مره انت شون جريئه
وتكدرين تحجين هيج كبالي

ااانه ماكلت غير الحك هي مرتك هيج ظنهه
بيه وروح اسئلهه .. انه شكلت وهو هيج تعجب ...

ماحاجه اسئلهه بس راح اجيبهه هنا تعتذرين منها وتبوسين راسها وغذا تردين تظلين هنا لازم تحترمينهه

ياشيخ تمار بس افهمني .. انه مااعليه بيها
ادري انه هنا غريبه ولازم الغريب يكون اديب
بس مااتحملها اتهيني وانا بنت شيوخ

دمج حامي يبت الشيوخ .. ادري راح تصير مشاكل
الها اول ماالها تالي بس مجبور اتحملج

لا مامجبور وشنهو الجابرك بالله

صيحي صفيه خل تجي ..

خوش .. طلعت من يمه وافكر بكلامه شنهو الجابره يبقيني هنا وانه بنظرهم عار ناهبه ومتزوجه واحد ابو عار  وحامل بابنه
رحت ادور على صفيه شفت بناتهه مدري بنات حمديه الشيخ عنده بس بنات .. وانه من دوختي مااميز بنات حمديه عن صفيه وهم الشيخ معلمهم الكل يكول يمه سواء مرت ابوها لو امها تكللها يمه .. كتلهه وين امج صفيه كالت بغرفتها كتلها روحي صيحيلهه كليلهه الشيخ يريدج كالت روحي انت صيحيلهه كتلهه ولللج كدامي روحي يلا وخزرتها
كالت يمه عيونج يخوفن وراحت
رجعت يم الشيخ ..اول مادخلت باوعتله بعيونه  كتله هسه تجي
ظل يباوعلي مستغرب .. شبي هذا هاا يمكن نسيت اكله .. شيخ ..
بقيت واكفه .. وهو كل شويه يباوعلي .. ويدور
طبت صفيه شاده راسها خطيه الكله جانت قويه مني احسن  حتى اتوب وماتندك بيه
كالت امرني شيخ .. عيوني الك
انه من هيج ماردت اتزوج شيخ .. ردت واحد اعيش ويا اكله حبيبي اشاقه ويا .. اتعارك ويا امد اله لساني احسه صديقي مو خدامه اله . وكله شيخي وشيخ .. مثل صفيه ..
الشيخ تمار .. يلا هاله بوسي راس عمتج صفيه واعتذريلها وان شاءالله ماتتكرر مااريد مشاكل وحده تتجنب الثانيه خوش

هاله ..
تنهدت خليت ايدي على بطني وحاجيت ابني من داخل روحي .. كتله يوليدي نريد نعيش لازم .. نتحمل. . ونتنازل عن كبريائنه  جا شنسوي ..
كتله . ولو انه ماغلطانه لان ام خلود (صفيه)هانتني وتهمتني وهي كدامج ام خلود وكدام الشيخ انه لاراسمه عليه ولا مخليه بالي يمه انه بت شيوخ والعشك الي مره وحده ..عشكت زوجي ابو ابني وبعد مالي واهس اعشك غيره  وهذا راسج ابوسه بس دليني مكان الكله مالتي وين قصدي مكان اليوجعج وين .. انطتني راسها ابوسه .. بوسته غصبا عليه مامقتنعه بس اريد سكف يحميني ويسترني وماعندي غير الشيخ تمار ..
الشيخ ..و هسه حبايب ومااريد اسمع مشاكل بعد .. هاا ام خلود شكلتي ..
امرك ياشيخ الي تامر بي .. انه حاضره

طلعنه انه وصفيه من الديوان جرتني صفيه كالت جاا انت خابصتنه بت شيوخ وبت شيوخ وينهم اهلج .

خيه شسوي انه اهلي .. طاح عليهم صاروخ وكلهم ماتوا وانه لاحني طشار من هالخرابه الصارت ابيتنه وتهسترت تخبلت وطلعت هايمه على وجهي بالشوارع وامااعرف احد ..

يوو والله قهرتيني .. الله يعينج والله انه اطلب السموحه منج والله ماعبالي هيج انت يله ميخالف خيه ..

مرت الايام وانه متحمله شسوي الدنيا افترت بيه ..
وعوكست وياي مو ذيج هاله بت الدلال والعز لا غير لازم اتحمل غصبا عليه اطب للمطبخ وانضف واهتم بالحجيه الخبله من انام تشمر عليه .. شكو شي يمها وغير الحمال موتني وثگل ابطني وهذا كله بصفحه وتفكيري باهلي بصفحه .. شصار وياهم شصار ويا سجاد ابوي شون ويا عنده قلب شون راح يتحمل ..
اكضي الليل بجي واعظ اصابع الندم علي سويته شنو انه ماجنت صاحيه واسوي هيج .. شون كدرت هيج اسوي ابجي بحركه وبونين مسموع ابجي ندم وماادري شراح يصير بيه .. وبأبني وشصار بسجاد بجيت بجيت سمعت صوت بره الغرفه كلت اطلع اشوف منو .. طلعت ..

الشيخ تمار ..
مرات ارجع متاخر من الديوان او اكعد بالليل .. ماايجيلي نوم .. تعديت

ع غرفة امي .. سمعت صوت بجي عرفة هاله جاي تبجي .. قهرتني كلش عرفت متندمه ع سواتها
بس مايفيد الندم ..
شويه وطلعت من الغرفه بيدهه الفانوس البيت ظلمه كهرباء ماكو .. باوعتلها عيونها ورمانه وحجت بصوت بي بحت بجي .. كالت
شيخ تمار هذا انت
اي تردين شي
اي والله بصراحه جمايلك مغركتني بس عندي طلب

تعجبني هاله شون قويه وتحجي بلا تردد وجريئه كتلهه كولي
انه مااتحمل كلش راسي راح يطك من التفكير اريد اعرف اخبار اهلي .. شصار منهم شصار ويا سجاد بلكي تطرشلهم واحد يعرف عنهم
تدللين بس تخلص الحرب هي وادزلهم احد لان الناس كلها شارده من بيوتهه وخاصة المناطق القريبه من الحدود الايرانيه
اخخ يهالحرب ماناويه تخلص صارلها 8سنوات ماظل شاب مثل الورد ماخذته
تخلص ان شاءالله تخلص يكولون اكو اتفاق ويبين هالايام بس هاله سؤال
تفضل ..
اذا يرجع بيج الزمن تسوين الي سويتي مره ثانيه ..
لا والله مااسوي واتصرف بعقل وارضى بنصيبي مدنكه واحجي وابجي
لالا يبت الشيخ مايوم حجيتي ودنكتي راسج ظلي قويه ومدام انت متندمه ع السويتي ماتكدرين تغيرينه بعد فكري بلي الجاي افضل ..
لازم يجي وكت والواحد يحس بضعف مثل حالي هسه لو يصح بيدي ابجي دم بس مايفيد هيج ويرجع الزمن .. وارجع هاله عزيزة ابوي مااصدك ..
ترجعين عزيزه بس مو عزيزة ابوج روحي نامي والله كريم وكافي بجي فكري بابنج وفكري برحمة الله الي وسعت كل شي
والنعم بالله تصبح على خير
وانت من اهل الخير .. 

طبيت للغرفه .. وافكر بكلام شيخ تمار .. شكد حلو معقوله الله كاتبلي ايام حلوه .. مااظن ..

مرت الايام وخلصت الحرب .. رحت للشيخ وذكرته يطرش احد لاهلي كال ماناسي انه ..

جنت كاعده بالمطبخ .. اجت وحده من البنات .. كالت ابوي الشيخ يريدج كتلهه خوش رحت اله للديوان
اشرلي كال كعدي .. كعدت .. وكلبي كارصني اجتله الاخبار من اهلي ..
سمعي هاله هالشي انت لازم مستعده تسمعينه من زمان ..
كول شيخ كول وخلصني .. حجيت بشهكه وبجي ولطمت على رجليه ..
هو كام من مكانه .. واجه يمي .. كال بس على كيفج انت تعرفين هالشي صاير من زمان
بس كول كتلوا اباوعله وعيوتي كلها دموع ..
كال اي كتلوا واحد من اخوانج كتله وانسجن ومحكوم عليه بالاعدام ..
وابوج حالته خطره بالمستشفى بقسم الانعاش وواحد من اخوانج مفقود ماادري شهيد  بالحرب
شهكت بجي دمرت عائلتي كلها حطمتهم سالته منو من اخواني بالسجن
كال ماادري ..
اخخخ يايمه شسويت بعمري رحت طبيت للغرفه وانحب وابجي سجاد بسببي مات انه شكو عايشه بعد هم لازم اموت ..
واله اخوي هم بسببي ينعدم وابوي بسببي بالانعاش انه مااستاهل اعيش انه اريد اموت .. لازم اموت رحت لبست فوطتي .. وطلعت .. من الغرفه صفيه متعجبه عليه شبيج وشنو كلج الشيخ .. حتى هيج اتخربطتي كتلها ماكو
رحت ادور علي كالوا طلع
كعدت الوب والوب روحي بزعت انه الجم دوب ابقى هيج واتاني الموت يجي الي اذا مو اخواني يكتلوني ويلاد عمومتي مايسكتولي وخايفه ع الشيخ تمار وعشيرته انه لازم مااورطه ومااريد الي ابطني يجي للدنيه .. وهم يلاكي المصايب كدامه ويعيش بحيره
بقيت كاعده يم باب الديوان .. اجت صفيه
ها خيرج شبيج
اريد الشيخ وينه
ماملاحظه كعداتج وحجياتج وي الشيخ كثرانه هالايام
جتي حمديه كلتلهه صفيه تركيهه المره مفجوعه باهلها تركيهه
شو هي من اجت الهسه مفجوعه باهلها ماافتهمنه شنو الي تغير كبل شويه
يامره عوفيهه حامل وتعبانه
وانه هم حامل وتعبانه جا شنو هي ربها وحد
يا عزا صفيه هم حبلتي ردود ولج بتج توها 9اشهر عمرها
اي الشيخ يريد ولد جا شسوي
اي هسه انت حاجزته الج لو يجي يمي جان جبتله الولد
وين يجي يمج انت كبرتي حمديه كبرتي ولاجاي تهتمين بروحج ولاشي كلش هو يريد المرتبه والسنعه

هاله. ... انه مدري اضحك على سوالفهن مدري ابجي على حالي كعدت يمي حمديه كلتلي شبيج
جابولي خبر رجلي اكدولي مات
صفيه .. انت هسه ملازم يشوفج الشيخ لازم تكعدين بالعده
لطمت وجهي اكعد بالعده اكعد بالصخام اكعد بالكبور بس خلشوف الشيخ واحاجي ..
حمديه .. صفيه خيه عوفيها مايصير هيجي
هاله .. ولج صفيه اتعوفيني لو ناويه على عمرج اليوم ولج انه راح اطلع منا اروح للكبور بس مااطلع هجي لااشوه وجهج يلا اطلع
يمه يمه تهدد عبالهه تايهه .. موليه من وجهج بوومه بس تلطم
بعد طول انتظار اجه الشيخ اول مااجه رحتله للديوان انه وحمديه .. ساندتني ..
هو شاف حالتي اتفاجأ .كال . خيرج شبيج .. شبيهه حمديه
هي تحجيلك شيخ
كتله شيخ تمار انه اريد اروح الديرتي ..
صدك تحجين ترحين للموت برجليج
ياشيخ انه مااستحق الحياة انه لازم اموت
اتقي الله وذكري .. مايصير تسوين هيج الله يوصينه بان مانرمي نفسنه بالتهلكه
لا انه ولاابني النه مستقبل ابو مات هسه راح يبقى بدون اب بدون جنسيه بدون مدرسه محد راح يعترف بي .. خلي نموت انه ويا انسلم روحنه الهم
هم 

انه ارتاح وهم انت واهلك ماتتأذوون
لايظل بالج هلي كل شي عليه انه اسجله باسمي وبإسم حمديه اصيله وبت اصول .. بت عمي واعرفها

حمديه لازمتني من ايدي وتشد عليهه وتباوعلي عيونهه مدمعه وحسيته فرحت بالمدح من الشيخ كالت اي اي شي انه حاضره اله

كتله بس ابني يبقى الي انه .. امه

طبعا انت امه لعد شنو مانحرمج منه احنه .. لايظل بالج
طمني كلامه مثل كل مره .. رحت للغرفه بس هي الحركه الي بكلبي ماتطفيهه كلمه لو اي شي
مرت الايام لزمت عده ماخليت اي رجال يشوفني .. ابني كبر ابطني بس خايفه لايغدروني وياخذون وليدي
بس هم عايزين جهال شوعدهم خير من الله
بس كلهن بنات خايفه لااجيب ولد ويطمعون بي
كضيت ايامي بالتفكير وراحة البال مسلوبه .. مني

مرت الاشهر بسرعه وبيوم حان موعد ولادتي وولدت ولد .فرحت بي بس حسيت الشيخ فرحان اكثر وهم اخذ اسمه زادت فرحته
. اختاريت اله اسم ايلول على الشهر الي نولد بي حبنه انه وسجاد ..بس انحرمت من ان اسمي باسمي جان شي يقهر كل ما تدخل عليه حمديه اخذه بحضني .. تكلي لاتخافين مااخذه ..
كبر ايلول .. وصار عمره اشهر .. تمنيت صفيه تجيب ولد حتى يصرفون نضرهم عن ابني بس جابت بنيه

بليله  رضعت ايلول .. ونومته واخذت ملابسه اغسلهم بالنهار مايخليني بس يبجي ..
كمت غسلتهم وطلعت شريتهم ..
ورجعت للبيت .. طبيت بالمطبخ جنت جوعانه ارضع واجوع .
حسيت طب وراي واحد .اللتفت  شفت تمار
سد الباب وراه .. بسرعه سحبني اله جنت قريبه منه حوطني بايدينه .. وتقرب عليه اكثر وگلي احببج هاله وقرب وجهه الوجهي يريد يبوسني ..
يتبع ..
هلاو .. بنات اني اكتب وانزل رأسا مو كاتبتهه من قبل ولا كاتبه بارت وضامته عليكم واكو بنات يكولون منين نقلتيهه من اي كتاب مانقلتهه من اي كتاب سامعتها من امي قبل وهسه طخت عندي وجاي اكتبها بعد ماشفت ظاهرة هروب البنات بالعراق منتشره وصارت حاله كدامي بسبب وبدون سبب للاسف ..
وبعد كملي كملي كملي يابه والله اكمل ونبي اكمل وعلي اكمل 😂بس التفاعل قليل ميشجع
وهي الكملي اكرها ناقشو القصه فلسوها اتوقعوا حتى لو جذب 😂اهم شي مااشوف م تم كملي
هي الملاحظه الجماعة الفيس والكوكل
الوتباد فديتهم حلوه تعليقاتهم يستاهلون انزللهم اول ناس 😘
ويوميييا بارت