رواية دموع القمر الفصل الرابع 4 - بقلم عائشة الكيلاني

رواية دموع القمر الفصل الرابع

مختار رفع ايديه بثبات و ضغط على الزناد لكن ضربه في الهواء ليالي حطت ايديها على راسها و بقت بتعيط بانهيار و رعب قالت بصوت مرتعش و رجاءا:- كفاية ابوس ايدك ارحمني انا والله العظيم ما ليا ذنب ولا اعرف انت بتتكلم عن اي او هما اذوك ازاي حاا ارجوك مشيني من هنا اعتبرني بنتك

مختار بغضب و هو بيرمي المسدس على الارض:- ااااخرسييي كفاية

ضرب الكرسي برجله سكت شوية بصلها و قال بهدوء و تحذير:- انا همشيكي من هنا بس لا شوفتني ولا تعرفيني فااهمة

ليالي هزت راسها بمعنى موافقة:- حاضر لا شوفتك ولا شوفتني

مختار بص لى الحارس بتاعه بامر:-

وصلها لحد البيت سامع متمشيش غير لم تتاكد انها دخلت بيتها

الحارس:- بس يا مختار بيه ازاى بنت عدوك بين ايديك و تسيبها عادى اومال احنا خطفناها ليه

مختار بغضب و جنون:- اانا الى اقول تبقا ولا تمشي فااهم

بص ليها:- و انتي خمس دقائق و تكوني اختفيتي من قدامي

ليالي بصتله بخوف لكن في ثانية كانت اختفت من قدامه الحارس راح وراها مختار ضرب الكرسي برجله نزل على الارض ببطء اتنهد بوجع صمت طال دقتين:-

اااااااااااه

اما في العربية ليالي سندة راسها على الازاز حاسه انها تايهة غمضت عيونها:- هما اهلي رموني بجد هما كمان رموني طب هونت عليهم يسبوني لدينا تلطش فيا ولا ممكن يكونوا ماتوا و اكون يتيمة بجد... انا واحدة مجهولة الهوية... طب عايشة اعمل اي اي دوري في الدنيا... يارب صبرني على الى انا فيه

اما عند مختار كان مسك صورته مع مراته بوجع:- روحتي و اخدي روحي معاكي.. انا انتهيت يا سيلينا

فلاش

سيلينا مربعة ايديها بقلق و لخبطة سبت ايديها و اتجهت له قعدت على الكرسي الى قصده:-

مختار بلاش الصفقة دى

مختار سند ايديه على المكتب:- ليه يا ست سيلينا اي الى مش عجبك فيها

سيلينا بصتله بخوف ممزوج بحب و حزن:- انت عارف انى بحبك.. مختار انا و انت ملناش غير بعض و بنتنا الى يا علم هتجي بخير ولا ، انا مش مطمنة لشركتك مع دياب و ممدوح عارفه انهم..... مختار من الاخر كدا يا تلغي الصفقة دى يا تنسني لانهم نويلك على غدر انا مفترية مجنونة تقول اي

مختار حط ايديه على ايديها:- بلاش العصبية دى ... انتي لا مجنونة ولا مفترية انتي ست العاقلين ممكن تروقي شوية

سيلينا:- بتحبني

مختار:- معرفتش الحب الا معاكي يا ام شادية

سيلينا:- ممم الى هى حماتي الله يرحمها.... مممم انت حب امك زى ما انت عايز بس بنتي انا مش هسميها شادية لانه قديم انت عايز بنتي تتعقد

مختار:- لحظي ان لسانك طول و بعدين ليه بتقولي بالمفرد دى بنتي انا كمان

سيلينا:- طبعا يا روحي مقولتش حاجة بس انا الى حامل و انا الى هيطلع عيني في سهر و برد.... و بلاش ام فلانة دى انا نقيت الاسم هسميها قدر أو ايلول

مختار سكت

سيلينا بحماس:- لا استنا هنسميها يارين على اسم يارين بنت عم ريان بطلة زهرة الثالوث لا لا استنا هسميها فيروز

مختار:- حلو برضو

سيلينا:- لا يا مختار هنسميها

مختار:- اطلع برا يا سيلينا و لم ترسي على اسم ابقي تعالي

سيلينا قامت و قفلت له الاب توب و خرجت

باك

بعد وقت في فيلا الجارحي

منيرة:- طب ما ممكن تكون عند صاحبتها

كملت بخبثة:- او مع عشيقها بلاش بوليس استني شوية الغايب حجته معاه

رؤوف مكنش مركز مع امه الباب خبط راح يفتح الباب كانت ليالي الى باين عليها التعب و الرعب بصت لرؤوف حضنته كانت عايزة تعيط تنهار لكن مينفعش تبين ضعفها و وجعها قدام حد حتي لو كان جوزها و حب عمرها ريماس وشها بقا شاحب اتجمدت مكانها ازاي رجعت ازاى عايشة

فلاش

راحت لمختار البيت الى عبارة عن تراب و غابة

ريماس:- عرفت ان حضرتك بدور على بنت عدوك

مختار:- اطلعي برا

ريماس بهدوء:- اهدى عليا يا باش انت شكلك بتكره ممدوح و حقك انا جاية اطفي نارك و اقولك معلومات عن بنته

مختار بسخرية و غضب:- و انا لم اخد معلومات اخدها منك انتي

ريماس بثبات و مكر:- ولا ليه لا مختار بيه اكتر حاجة توجع ممدوح هى بنته و ليك عليا اسلمها ليك

مختار:- و دا لله و الوطن

ريماس:- انى اخلص منها و احرق قلبه ها امشي ولا نتفق و طبعا اهم حاجة عمولتي

مختار:- و انتي بقا تقربيله اي

ريماس:- ابقى الشغالة الى بنته اذيني و جاه اليوم الى اخد حقي منها

باك

رؤوف بعدها عنه:- انتي كويسة ... كنتي فين و ليه قفلة تليفونك و مال وشك

ريماس قربت عليها حضنتها و هى بتعيط بتمثيل الخوف:- قلقتني عليكي الحمدلله انكي بخير يا حبيبتي انا كنت هتجنن عليكي

منيرة كانت بتبص لريماس بتركيز او اكن حاسها انها مش بتحب ليالي بالليل في اوضة رؤوف كانت سندة ايديها على السور و بتبص على القمر و هى سرحانة:- يا تري انا مين اهلي مين انا شبة مين شبة امي ولا ابويا طب هما رموني ولا سبوني غصب عنهم كان نفسي اشوفهم نفسي اقعد معاهم و احكيلهم على الى وجعني و على قسوة الدنيا عليا

رؤوف قفل الباب بصلها باستغراب و قلق اتجه ليها حط ايديه على كتفها:- ليلة

ليالي فاقت من سرحانها لفت له :- حاا.. انت هنا من امتي فزعتني

رؤوف بصلها بهدوء و قلق ممزوج بحب حط ايديه على خدها:- مالك يا حبيبتي حاسك متغيرة من ساعة ما جيتي و متقوليش كويسة لانى حفظك اكتر من نفسك

ليالي بابتسامة:- ولا حاجة يا حبيبي كنت بفكر فيك و في حياتنا الى جاية

بصتله و سالته بتردد:- هو لو ربنا رزقنا بطفل و موت يعني و ملحقتش اشوفه هتربيه ولا هترميه لشارع

رؤوف حط ايديه على بؤها الفكرة نفسها رعبته انها تبعد عني قال بهمس:- اسكوتي يا ليلة..... بلاش كلام كتير

ليالي:- خايف عليا

رؤوف قبل ايديها:- لو مخوفتش عليكي هخاف على مين انتي مراتي حب عمري و بنتي و كل حاجة ليا.. لو ربنا رزقنا بطفل ف محدش هيربيه معايا غيرك

ليالي:- ربنا يخليك ليا

رؤوف:- و يخليكي ليا يا عمر رؤوف...

رؤوف حضنها ضوء القمر كان منور ليهم تاني يوم في الشركة

ريماس بابتسامة و واقفة على الباب:- صباح الخير

رؤوف رفع عينيه لكن استغرب لم شافها:- صباح النور يا ريماس اي الصدفة دى

ريماس دخلت و قعدت قدامه و بتلعب فى الورق:- لقيت نفسي زهقانة قولت اجي ادردش معاك شوية بيم اننا شركاء

رؤوف بصلها بهدوء غريب او مش طيقها:- و انا اسيب شغلي و ادردش معاكي بتاع اي اختي مثلا

ريماس قامت مشيت بخطوات ثابتة:- لا بس اخت مراتك

رؤوف بسخرية:- ااه صحيح

وقفت وراه و سندت على الكرسي بتاعه

اما في مكتب دياب

دياب قام بعصبية:- اانت مش موت اي الى جابك

مختار بابتسامة باردة:- اي رايك في الفاجاة دى حلوة بس شكلك زعلان انا قولت انك هتفرح انى عايش و هربت من مكيدة تانية

دياب بضيقه:- عايز اي

مختار اتجه بخطوات ثابتة قعد على كرسي المكتب حط رجل على رجل:- حلو مكتبك و دا كسبتها بتمن التهريب و غسل الاموال مش كدا

دياب بحادة:- اطلع برا و الا

مختار بيصفر ببرود:- ماشاء الله حلو رؤوف ربنا يباركلك فيه و تشوف عياله ... هسيبك بس هقولك حاجة واحدة... بنتي فين

دياب بغضب:- و انا اعرف منين عايز بنتك ف هى في التربة ممكن ممدوح يدلك عليها بنتك ماتت مع المدام الله يرحمهم

مختار قام خنق دياب بايديه و رفعه:- دياااب بلاش تختبر صبري انطق بنتي فين

دياب وشه ازرق مش عارف ياخد نفسه مختار رمه على الارض:- تمام بنتي ماتت... انا دلوقتي هخرج اقول لرؤوف جبته منين.... الا صحيح هو انتوا مش بتخلفو اومال دا مين.. ابن ملجأ

دياب وشه اتغير و اتجنن قام:- دا انا اقتلك

مختار بابتسامة باردة و سخرية:- يبقا انا صح انا هروح اقوله انك كداب و انك مش ابوه و انه ياحرام ملوش اهل

اما في مكتب رؤوف

رؤوف نفخ بضيقه:- ياريت تمشي لانى مش فاضي

ريماس مدت ايديها في شعره و بقت بتلعب فيه:- تو هفضل اتفرج عليك شكلك حلو اوي و انت بتشتغل

رؤوف قام بغضب:- بقولك انا مش بعمل حساب لحد اطلعي برا لزعلك

ريماس حاوطت رقبته بدلال:- تمام همشي بس هرجع تاني

ريماس خبطت رجليها في الكرسي و حطت ايديها على راسها:- اه

رؤوف:- خير

ريماس:- مش عارفه مالي الدنيا بتلف بيا و كمان اتخبطت في الكرسي انا مش شايفة حاجة

احطت ايديها على كتفه رؤوف شالها و هى سندت راسها عليها و حاوطت رقبته في نفس الثانية ليالي فتحت الباب شافت رؤوف و ريماس ووووو