رواية دموع القمر الفصل التاسع 9 - بقلم عائشة الكيلاني

ليالي وقفت لفت وشها ليها و هى مصدقها انها ندمانة

ريماس بدموع و هى بتوجه المسدس على ليالي و ايديها على الزناد ضغطت عليه:- سامحيني يا اختي انى غلطت في حقك كتير

ليالي حطت ايديها على راسها و بتصرخ صوت الرصاصة لكن اتفجت ان سليم مسك ايد ريماس و ضرب الرصاصة في الهواء ريماس بتحاول تزق ايديها:- سبني اقتلهااا سيبي ايدي

سليم كور ايديه التانية و زقها على الارض بغضب و حادة شد منها المسدس:- هاتي بقا دا علشان معوركيش بعد كدا متعملش مصيبة انتي مش ادها المرة دى عدت على خير و هعمل نفسي مش واخد بالي لكن المرة الجاية اوعدك انتي و البيه هتكونو في الزنزانة و كله بالقانون

بص لرؤوف بسخرية و ابتسامة مستفزة:- لم صاحبتك يا بيه و امشو من هنا... صح احب اقولكم ان الخناقة الى حصلت متسجلة صوت و صورة و ممكن اخدها و اعملكم محضر تعدي في وسط شارعنا ها تتكلو على الله ولا اخلي اهاليكم يدورو على محاميين

رؤوف بص له بغضب و احتقار و بعدين بص لى ليالي:- ماشي يا ليالي ماشي

ليالي ربعت ايديها:- و ماشي ليه اتفضل اشرب شاي.. بس مفيش سكر ولا شاي اعملك كركدية علشان اعصابكم و دمكم الى اتحرق

رؤوف مسك ايد ريماس و ركبو عربيته و اتحرك ليالي اختفت ابتسامتها و اتجهت لى الفيلا فتحت البوابة و دخلت و جنن جنونها فتحت الباب و دخلت رزعته

فريال بقلق:- مالك يا ليالي و اي الزعيق و الصويت الى كانوا بره دول

ليالي بعصبية:- ممكن تسبيني لوحدي.. محدش ليه دعوة بياا سبوني في حالي

طالعت جري على اوضتها قفلت الباب بالمفتاح و سندت راسها عليه و كلام رؤوف و اتهامه ليها بيرن في ودنها حطت ايديها على راسها بعصبية:- اخررس بقااا عايزين مني اااي سبونيي في حالي حرام عليكم

اتجهت لمرايا بصت لنفسها و شعرها:- انا هنهي كل حاجة دلوقتي

فتحت الدرج اخدت المقص و قصت شعرها و اكنها بتمحي ليالي القديمة بتمحي البت الضعيفة الى بتسامح و تسكوت و تنسا مسحت دموعها و لمت شعرها الى في الارض حطيته على التسريحة و فتحت الباب كانت عاليا و فريال مصدومين من شكلها

ليالي بابتسامة:- هتفضلو واقفين كتير ولا اي حكايتم ادخلو

فريال عينيها بين ليالي و شعرها:- قصيتي شعرك يا ليالي

عاليا بعتاب مرح:- حرام عليكي كان شكلو حلو و هى طويل

عاليا قعدت على السرير و ربعت رجليها:- بس تصدقي لم قصتيه بقيتي شبه امك الله يرحمها

ليالي بابتسامة خفيفة:- الله يرحمها و دلوقتي همحي ليالي من الدنيا كلها... بابا كان بيقول ان امى كانت كلها ثبات و قوية و تمشي بلاد لو عايزة انا بقا هعمل زيها مش هتاثر بحد أو اى حاجة و من بكرا هروح الشركة و هدير كل حاجة... بصفتي ليالي مختار النجار

بصت لفريال الى فاتحة بؤها بدهشة من طريقة كلامها و شعرها:- و انتي بدل ما بقلك ساعة واقفة كدا روحي هاتي الصبغة و ساعديني ولا انتوا بتتفرجو بس

فريال هزت راسها:- خمس دقائق و هكون جيت

فريال خرجت من الاوضة جري و رجعت بعد شوية و هى معاها الحاجة ليالي رفعت راسها بقت بتبص لصورة امها في الحقيقة لم قصت شعرها بقت شبة سيلينا اوى بس الفرق بين الاتنين ان سيلينا عاقلة و ذكية عكس بنتها تماما اما عند في فيلا الجارحي

منيرة بعصبية:- يعني اي عايزها بعد ما عملت فيها كدا هى لعبة يا ابني

رؤوف قام بعصبية و جنون:- هرجعها يعني هرجعها

منيرة بابتسامة حزن:- طول عمري كنت بحاول اجيبلك الى انت عايزاه لدرجة انك بقيت واحد متملك و قاسي انت ازاى بالجحود دا يعني طلاقتها من غير ما تسمعها و دلوقتي عايزاها انت فاكر نفسك مين فوق يا رؤوف فوق و اعرف انت مين و هى مين دى مش البت بتاعت زمان دى بنت مختار النجار يعني لو جاه في باله يقتلك.. مش هيكدب خبر و يعملها اانا خايفة عليك ف فوق يا افوقك بطريقتي

رؤوف بصلها بهدوء مخيف ؛- هتعملي اي هتضربيني ولا هتمنعيني من السفر زى ما كنتي بتعملي زمان

منيرة صرخت بوجع في وشه:- ما كفاية بقا هو انت محدش مالي عينيك كل حاجة تعوزها لازم تكون تحت رجلك و لم تزهق منها ترميها فوق بقا و اعرف انت مين و هى مين ااه اتسجن بس اسمه زى الطبل مجرد ما بيتقال بيحصل دجة و رجة ابعد عنها و احترم رغبتها

منيرة طالعت اوضتها قفلت الباب بالمفتاح و بتمسح دموعها ازاى رؤوف بقا كدا ازاي مخدتش بالها منه و من انانيته و تحكموا دقات قلبها سريعة و خايفة من الموجهة الى وراها من سنين اما عند ريماس ف هى في التواليت رفعت راسها بهدوء و ارتياح غريب شكلها مكنش بيقول انها طبيعية ر شالت كيس المخدرات في شطنتها تاني و خرجت مسكت السجارة و ولعتها طبعا مبقتش مدمنة من يوم و ليلة لا هى من بدري على الحال دا بس محدش واخد باله

اما في فيلا مختار

عاليا رمشت عينيها بذهول:- دى نفس الى في الصورة انتي شبة تماماً

فريال:- بس عينيكي اوسع من عينيها شوية

ليالي بزهق:- وسعو بقا و اوعي من وشي

ليالي خرجت من الاوضة و هى مبتسمة و بتتوعد لرؤوف تاني يوم في شركة مختار في مكتب ليالي

ليالي بصت لمنصور أو سليم:- و انت اي حكايتك شوية حارس شوية محامي و دلوقتي مديري و امبارح مقاتل كل الشغلانات ماشاء الله

سليم رمش عينيه بتركيز:- قصدي شعرك يا مجنونة

ليالي بابتسامة مستفزة:- صباح الخير بقلنا ساعات و لسه واخد بالك دلوقتي صحيح الاهتمام مبيطلبش

سليم حط رجل على رجل:- والله انا مديرك الى المفروض تقوليله كدا جوزك او طليقك

ليالي نفخت بضيقه:- بس متقولش جوزي دول جوز جزم بعيد عنك الا قولي يا رامو

سليم:- لا اخلصو انا مش فاضي لى جنانكم دا .. اسمي سليم على فكرة

ليالي مسكت القلم بقت بتلعب بيه:- عاليا و فريال اختاروا ليك ادهم و بابا اختار.. منصور و انا مرة عن نفسي اختارلك حاجة رامو

سليم بابتسامة باردة:- على كدا انتي سيبال الهبلة الى تعمل المصيبة و انا الم وراها

ليالي بابتسامة:- يا سوسو

سليم:- يا لولو

ليالي:- طب اكتر اسم حبيتو من دول اي

سليم:- ولا واحد منهم

ليالي حطت ايديها على خدها :- سو كيوت انت و اساميك

الباب اتفتح و كانوا المواظفين ليالي قامت بفزع و بعض الحادة سليم قام بعصبية:- انتوا ازاى تدخلو كدا

موظفة واحد:- معلش يا مستر ادم احنا بس قولنا نسلم عليك و نقولك ليك وحشة

موظفة اتنين بابتسامة:- بقلنا كتير مش بنشوفك و اهو تحل لينا قضية بس مش دلوقتي

موظفة تلاتة:- و بعدين يا مسيو احنا جايين نقولك كل سنة وانت طيب و بخير علشان عيد ميلادك قرب

سليم:- مم عيد ميلادى الى عدا بقله تلات شهور

موظفة اربعة:- زياد الخير خيرين يا مستر هههه

سليم ضرب ايديه في المكتب:- بقولك اي منك ليهم انا مش اهبل علشان تعملوا المسلسل اللاهبل الى زيكم

موظفة خمسة:- في اي يا مستر روق بصراحة احنا جايين نتفرج اقصد نسلم على مدام ليالي بنت مختار بيه

موظفة سته:- و منها نستاذنك في اجازة

ليالي بحادة و ثبات:- ليه ان شاء الله

السته بصوت واحد:- علشان عندنا حالة وفاة

نرمين بتمثيل الحزن و العيط:- اختيي يا ميس ليالي وقعت من البلكونة و دلوقتي العزاء بتاعها

كلهم بقو بيعيطو بصوت عالي

سليم بحادة و غيظ:- بسسس

ليالي قعدت ببرود:- لا الف سلام عليها... الحركة دى شوفتها كتير اوى اوى و عملتها كتير و بعدين هى اختك كل شهر تموت يا نرمين تو قوليلها تهدى على نفسها شوية و يلا كل واحدة على شغلها و الرغي الكتير مش بحبه... هنا مفيش اجازة غير لم احنا نحدد امتي و ليه يلا

سليم بابتسامة:- نرمين انتي هتمثلي انتي اصلا ملكيش اخوات غيري الدور علشان منزهقش و نخلي كل الشغل فوق دماغك ... يلا كل واحدة على مكتبهاا

الموظفين خرجو و قفلوا الباب ليالي قعدت و هى هتموت من الضحك عليهم :- بيعكسوك يا سوسو

سليم قعد:- اقدملك شيلة الضايعين كل يومين واحدة تدخل بدور الغلبانة و عايزة إجازة

ليالي بضحك:- بس دمكم خفيف اوى

سليم قام:- عرفتي نظام الشغل و الشركة اسيبك انا

ليالي مسك ايديها:- رايح فين و سايبني

سليم:- رايح مكتبي الى هو جانب مكتبك ركزي و كفاية رغي

سليم اتجه لباب فتحو و خرج ليالي قعدت على مكتبها سندت ايديها على المكتب و هى بتفكر بابتسامة و هدوء غريب في سليم و تصرفاته عد اسبوع كان مفيش حاجة اتغيرت فى شركة الجارحي و مكتب دياب

دياب:- انت عايز اي يا مختار

مختار بثبات:- والله انت الى عايز مني.. شوف يا دياب انا مستعد اسدد كل الى عليك بس تقولي مين الى قتل مراتي

دياب بهدوء و تهرب:- ممدوح والله ممدوح الى قتلها حاولت.. انقذها و أبعده عنه بس معرفتش قتلها زى ما قتل مراته

مختار بابتسامة سخرية و بغضب مداري:- صدق طبعا من غير ما تحلف هو انا تايه عن اخويا الى وقف جانبي كتير اوى

دياب و برجاء:- بس ابوس ايدك رؤوف ميعرفش حاجة بلاش تقوله انه مش ابننا

مختار:- دى بقا لو عرفت تبعده عن بنتي

مختار قام فتح الباب و كان البوليس الى كان سامع كل حاجة من خلال التسجيلات الى مختار مسجلها ليهم بعد ما اتفق مع البوليس

الظابط:- معانا امر بالقبض عليك في قتل سيلينا الحسيني ... شريك اعترف عليك بكل حاجة

دياب بص حواليه بصدمة و قال بغضب و جنون:- كدب كدب انا معملتش حاجة ..

بص لمختار بغضب و حقد:- بتبعني يا مختار

مختار بوجع و كره:- مانتوا ياما بعتوني يا دياب ولا نسيت

رؤوف جاه دخل المكتب و شاف العساكر و هما بيحطو الاسارو في ايديه ووووو