تحميل رواية دموع ليان بقلم منال كريم pdf

يوم العيد الكبير

كانت ليان مع جدها في الملاهي و بيتعامل معها كأنها طفلة مش شابة عندها ٢٠ سنة

ليان بسعادة: شكرا يا جدو على كل حاجه أنا بحبك اوي

الجد ابراهيم: أنا بحبك اكتر يا ليان

ليان بحزن: أنا مش عارفة من غيرك كنت عملت ايه ، بعد وفاة بابا و ماما اتجوزت و نسيت أن عندها بنت.

ابراهيم: ربنا يرحم ابوكي ،و أمك معملتش حاجة غلط هي اتجوزت..

ليان بحزن: انا مش عايزة اتكلم عنها يا جدو.

طبطب على كتفها و قال: عندك حق سيبك من الكلام و خلينا ننبسط بالعيد

ليان بغناء: العيد فرحة و اجمل فرحة مع اجمل جدو في الدنيا.

و قضت ليان يوم جميل مع جدها، و رجعوا البيت.

ليان: اه يا رجلي مش قادرة اقف على رجلي.

ابراهيم: طبعا مش هتقدري تقفي على رجلك من كتر اللف و اللعب كأنك عيلة صغيرة..

ليان: مانا لسه صغيرة يا جدو، و من حقي العب براحتي

ابراهيم: ربنا يفرحك يا حبيبتي.

قام ابراهيم و قال: أقوم انا ادخل ارتاح شوية…

مسكت ليان أيده و وصلته الاوضة.

و هي كمان دخلت اوضتها علشان تعبانة…

/////////////

تاني يوم الصبح

دخلت ليان اوضة جدها و هي بتقول: أنت لسه نايم يا جدو ، يلا علشان الفطار

مفيش رد، قربت منه و قالت: نومك تقيل يا جدو.

قعدت جنبه و تحرك فيه و بتقول: يا جدو، أنت كويس صح

مفيش رد، أترعبت و صرخت و هي بتقول: جدو قوم علشان انا من غيرك مش هعرف اعيش

طلبت الإسعاف و راحوا المستشفى..

////////

في المستشفى

ليان بخوف: طمني يا دكتور

الدكتور: الحالة مش مستقرة ،ربنا يستر.

ليان بدموع: يارب يقوم بالسلامة، انا خايفة من غيره.

قعدت طول اليوم في المستشفى و بعدين مشيت علشان ممنوع مرافق ..

//////

دخلت الشقة بحزن و ضياع و نزلت دموعها و قالت: ليه كده يا جدو تسبني و أنا مليش غيرك، مش هقدر اعيش من غيرك..

عدت الايام و لسه ابراهيم في المستشفى ،و حياة ليان وقفت، لحد ما فى يوم صحيت من النوم على رنة التلفيون،بصت على الرقم و كان رقم الممرضة

ردت بخوف: جدي كويس صح.

ردت الممرضة بحزن: للاسف جدك مات.

صرخت ليان و هي بتقول: لا جدي لا يمكن يسبني هو عارف اني مليش غيره بعد وفاة بابا..

الممرضة: اخر كلمة جدك قالها ليان.

انهارت ليان من العياط

////////////

بعد ما انتهت إجراءات الدفن و العزا

كانت ليان نايمة في اوضة جدها و تفتكر كل الذكريات اللي عاشتها معاه.

دخلت صاحبة عمرها،جميلة و قالت:

ليان في حد عايز يشوفك

ليان : مش عايزة اشوف حد..

جميلة: دي امك

قامت ليان بفزع و قالت: هي جاية ليه؟

جميلة: اكيد جاية علشان تقف جنبك

قالت ليان باستهزاء: و هي امته وقفت جنبي، مش بعد ما ابويا مات ،اتجوزت و سبتني أنا و راحت ربت ولاد جوزها.

طبطت جميلة على كتفها و قالت: معلش اخرجي ليها

قامت ليان و خرجت مع جميلة

كانت قاعدة امها و جنبها جوزها و معاهم شبابين، قامت زينب و قالت: ليان عاملة ايه يا حبيبتي

ليان: مين حضرتك.

زينب: انتي مش عارفاني أنا ماما.

قعدت ليان و قالت ببرود: معلش مش فاكرة ،امي اللي اعرفها سابتني من سنين و قتها كنت طفلة صغيرة لما ابويا مات، و اللي اسمها امي بسرعة اتجوزت واحد تاني و ربت ولاده.

زينب: انا طلبت من جدك تجي تعيشي معايا و هو رفض.

ليان: عنده حق أنا لا يمكن اعيش مع حد غير ابويا..

زينب: بلاش نتكلم في اللي فات ،انا جاية النهاردة علشان اخدك تعيشي معي

ليان: انا مش هسيب بيت جدي

زينب: جدك الله يرحمه مات و مينفعش تعيشي هنا لوحدك..

ليان: أنا عشت سنين من غيرك و عادي اكمل حياتي لوحدي

زينب: ما كفاية وجع قلب و اسمعي الكلام.

نزلت دموع ليان وقالت: قلبي انا اللي موجوع حضرتك مش قلبك انتي.

و اخيرا اتكلم جوز زينب ( عبدالرحمن)و قال: يا بنتي امك بتحبك،و خايفة عليكي

ليان بعصبية : بعد اذن حضرتك محدش طلب رأيك

مراد ابن عبدالرحمن الكبير، رد بعصبية: اتكلمي بأسلوب احسن من كده.

بصت ليان على زينب و قالت: انتي جاية و جايبة معاكي محاميين يدافعوا عنك.

قبل ما زينب ترد رد، ابن عبدالرحمن الصغير( شريف):ماما زينب مش متهمة علشان تحتاج محاميين

كلمة ماما كسرت قلب ليان، امها حرمتها من حنانها و ادته لحد تاني،

قالت ليان بوجع: هما دول اللي سبتي بنتك الوحيدة علشانهم، خلتيني أنا يتيمة اب و ام ، بقيتي ليهم ام و هما عندهم اب، خدوا الحنان اللي انا اتحرمت منه..

زينب: من غير كلام كتير يلا معايا

ليان: قولت لا

زينب بأمر: الشقة دي بأسمي و لا نسيتي كان ابوكي اللي يرحمه كتبها بأسمي و انا بعت الشقة و كده مفيش مكان تروحي فيه إلا عندي

ملقتش ليان رد غير كلمة واحدة: انا بكرهك.

/////////

و ليان راحت على بيت زينب لأن ملهاش مكان تاني..

كانت قاعدة في الاوضة ، خبط الباب و قالت: اتفضل

دخل عبدالرحمن و معه صنية أكل و قال و هو بيضحك: جبتلك أكل طالما مش عايزة تاكلي معانا

ليان : شكرا لحضرتك بس انا مش جعانة

قعد عبدالرحمن قصادها و قال: لو قولتلك انا حاسس بيكي هتصدقيني.

ضحكت بسخرية و قالت: لا مش هصدق، علشان محدش في مكاني، لو فعلا حضرتك حاسس بيا كنت طلبت من مراتك تسأل عليا مش هقولك اعيش معاكم، بس على الاقل مجرد سؤال.

عبدالرحمن: عندك حق يا ليان، و مش هقدر اقولك غير امك بتحبك بجد.

ليان: تسمع عن مقولة الحب أفعال مش اقوال

عبدالرحمن: اسمع و اسمع كمان عن مقولة اعطي نفسك فرصة تعرفي زينب بجد

ليان: متأخر اوي

عبدالرحمن: في مقولة تانية بتقول، انك توصل متاخر احسن ماتوصلش خالص و زينب وصلت متأخرة و مده أيدها ليكي

ليان: خليها تسبني ارجع بيتي يمكن اعرف اسامحها

عبدالرحمن: زمان كانت هي مطمئنة عليكي مع جدك،دلوقتي مينفعش..

ليان مردتش و هي الحقيقة مش قادرة تتكلم، فهم عبدالرحمن و قام من مكانه و قال: منورة بيتك يا بنتي.

و خرج و هي مردتش عليه، نزل تحت كانت قاعدة زينب مع الشباب ،جريت على عبدالرحمن و سألت بلهفة: ها اتكلمت معها.

عبدالرحمن: الموضوع مش سهل عليها، اصبري عليها يا زينب

عيطت زينب و قالت: انا عارفة أنه صعب تسامحني

عبدالرحمن: حقها الصراحة

مراد: بلاش كلامك ده يا بابا احنا بنهون عليها

عبدالرحمن: انا بقولها الصراحة علشان تكون

مستعدة للي جاي ،الوضح أن ليان نفسيتها تعبانة و كمان عنيدة.

شريف: صدقيني يا ماما هي اللي خاسرنة ام جميلة زيك، و هي تطول اصلا.

كانت نازلة ليان بصنية الاكل و قالت: معلش عيد كلامك تاني

الكل بص عليها و قامت زينب ناحيتها و سألت: عايزة حاجة يا حبيبتي

حطت الصينية على الترابيزة و شاورت على شريف و قالت: عايزة الشخص ده يكرر كلامه

محدش رد عليها، قالت هي: انا اللي خسرانة ، طيب مانا فعلا خسرانة و قولت اني اطول تكون دي امي، ليكون في معلوماتك انا مطولش علشان هي فعلا مش أمي هي أمكم انتم ،اتكلم كلام صح او اسكت خالص

اتعصب شريف و قال: اتكملي بطريقة احسن من كده.

عبدالرحمن بصوت عالي: اخرس يا شريف

و بص على ليان و قال: تعالي اقعدي معانا.

مردتش عليه و طلعت الاوضة تاني

جز مراد على أسنانه و قال: بنت قليلة الأدب

عبدالرحمن بحدة: عيب كده يا كبير يا عاقل

مراد : انا اسف بس هي مستفزة

و طلع اوضته هو و شريف

و زينب منهارة من العياط، طبطب عبدالرحمن على كتفها و قال: انتي غلطتي زمان لما سبتي بنتك و دلوقتي لازم تحاربي علشان ترجع ليكي..

//////////

في اوضة ليان

نائمة على السرير و حضنه صورة جدها و باباها، و هي بتعيط و قالت: انتوا ليه مشيتوا و سبتوني لوحدي،و انتوا عارفين اني بخاف صح، عملتوا فيا كده ليه، انا مش مبسوطة هنا و حاسه اني مخنوقة.

فضلت ليان تعيط لحد ما راحت في النوم

//////////////

تاني يوم الصبح

صحيت ليان على خبط الباب ،ردت بنوم : مين

ردت زينب من برة و قالت: انا يا ليان.

اتعصبت ليان من صوتها و سالت: عايزة ايه

زينب: عايزة اتكلم معاكي ،ممكن تفتحي الباب.

ليان: و انا مش عايزة

خرج مراد من أوضته و شاف زينب و هي وافقة قدام باب ليان وباين عليها الحزن، مشي ناحية الاوضة بغضب، و خبط على الباب بعنف و صرخ: البيت ده بيت ماما زينب مش بيتك علشان تتحكمي فيه، و لم صاحبة البيت تطلب منك حاجه نفذي الامر

زينب: اسكت يا مراد لو سمحت الحكاية مش ناقصة

زعق مراد : يا ماما البنت دي مدلعة و عايزة تاخد على دماغها

في الوقت ده كانت لبست ليان و فتحت الباب و اتكلمت بقوة: ومين هيديني على دماغي، اوعي تكون أنت.

زينب: حقك عليا يا حبيبتي هو ميقصدش

ليان: و حتي لو يقصد عادي، و بعدين يا استاذ اظن انك كنت حاضر و عارف اني جيت هنا بالغصب

و ارتفع صوتها و هي بتقول: يعني انا لا عايزة البيت و لا أصحابه و لا عايزة اعيش هنا.

خرج عبدالرحمن و قال::في ايه على الصبح

ليان: اه معلش واضح اني عملت ازعاج ليكم ،و علشان كده انا بطلب من المدام صاحبة البيت ترجع بيتي ليا و تسبني أمشي من هنا

زينب: انا عايزة اعوضك عن الماضي

ليان : هتعرفي

نزلت دموع زينب و قالت: اوعدك اعمل المستحيل علشان ترضي عني

ضحكت ليان ضحكة وجع و قالت : تمام، يلا نبدا، و انا عندي خمس سنين صحيت من النوم على خبر وفاة بابا.

و انهارت من الدموع و كملت: لقيت الكل بيقولي أن بابا في الجنة و مخافش علشان ماما هتفضل معايا

و شاورت بايديها و قالت: و بعد سنة بالضبط ،عرفت أن امي مشيت ،سألت راحت فين ،قالوا اتجوزت علشان هي لسه صغيرة، الجملة دي اتحفرت في دماغي و صرخت ،انا كمان صغيرة و عايزة ماما ،بس ماما مجاتش.

عبدالرحمن لما لقي زينب و ليان منهارين، قال: كفاية لحد كده.

مسحت ليان دموعها بعنف و قالت: ليه كفاية ليه في حاجات كتير ، مثلا لما كل اصحابي عندهم أم و انا لا ،لما كنت محتاجة أسأل على حاجات خاصة بيا، عارفة كنت بسأل مين ،جدو ،انا بكرهك ،فاهمة بكرهك و عمري ما احبك

وقعت زينب من طولها، جري عبدالرحمن و الشباب عليها ،خدوها و دخلوا الاوضة، و ليان واقفة زي ماهي..

خرج مراد و قال بعصبية : مبسوطة دلوقتي ،انتي ايه معندكيش قلب

و كمل بتهديد: لو ماما حصل لها حاجة موتك على أيدي.

ردت ليان ببرود: الواضح أنك أنت اللي معندكش عقل، أنت سمعت أنا قولت ايه، و ده ميجيش نقطة في بحر من اللي عشته، انا مش عايزة اقعد هنا، اطلب منها تخليني امشي من هنا علشان انا بكرهها و بكرهكم كلكم.

رفع مراد أيده بغضب و ضربها بالقلم..

رواية دموع ليان الجزء الثاني 2 بقلم منال كريم

دموع ليانرواية دموع ليان الحلقة الثانية

رفع مراد أيده علشان يضرب ليان لكن وقفه صوت عبدالرحمن اللي خرج من الاوضة و قال بغضب: انت اتجنتت يا مراد نزل ايدك بدل ما أعلمك الأدب من أول و جديد.

نزل مراد أيده و كمل عبدالرحمن بتحذير: مراد ملكش دعوة ب ليان أنت فاهم.

و بص علي ليان بندم و قال: حقك عليا يا بنتي

دخلت ليان و قفلت الباب من غير رد

و قال مراد: انا اسف يا بابا و أتحرك على اوضته

و قال عبدالرحمن: الايام اللي الجاية مش سهلة خالص، ربنا يستر..

//////////

بعد شوية خرجت ليان من البيت على الجامعة لانها مش عايزة تقعد في البيت

////////

في الجامعة

جميلة: كل ده حصل

ليان: انا مستغربة الست دي و الناس اللي معها،مستغربين من معاملتي معها، هما مش فاهمين

جميلة: ممكن اقول حاجة يا لولو

ليان: لا

جميلة: يبقي اقول، اولا كان لازم تتطمني عليها، ثانيا حاولي تنسي

ليان: حاضر ،هدوس على الزار و انسي، بلاش انتي اللي تقولي كده، انت عارفة كل حاجه.

جميلة: و علشان عارفة بقولك حاولي ، انتي محتاجة لامك

ليان برفض: مش أمي ،و سيبك بقي ،بعد ما نخلص المحاضرة نروح الدار..

جميلة: حاضر و ربنا يهديكي…

///////////

بعد الجامعة

رحت ليان مع جميلة دار ايتام و كان معاهم هدايا كتير

كانت جميلة ماسكة كاميرا و تصور ليان و هي تلعب مع الاطفال كأنها طفلة صغيرة.

سالت طفلة من الاطفال، اسمها لمار: مالك يا ليان

ليان: مالي يا مرمر

لمار: شكلك زعلانة

ليان: حصل شوية مشاكل كده المهم، يلا نلعب

لمار: ماشي هنلعب ايه

قالت ليان بصوت عالي: انا هجري و اللي تمسكيني فيكم يا بنات لها هدية كبيرة عندي

فرحت البنات و جريت ليان و هما وراها ،و قضت ليان يوم جميل معهم.

/////////

رجعت البيت بليل ،كان الكل متجمع على السفرة و معاهم زينب

عبدالرحمن: حمد لله على السلامه يا ليان

ليان: شكرا

عبدالرحمن: مش هتقولي لماما الف سلامة

ليان بكراهيه: بس انا مليش ام ،أنا أمي ماتت

اتعصبت زينب و قالت: حرام عليكي بقي يا ليان، انا تعبانة و مش متحملة كلامك ده، كنت منتظرة افوق القكي جنبي.

ضحكت ليان و قالت بطريقة كوميدية: بتحطي نفسك في موقف بايخة، أقعد جنبك ليه، فكرني كده انتي أمت قعدتي جنبي، و طالما انتي اللي اتكلمتي

و بصت على الكل و قالت: اسمعوا انتوا كمان ،اصل انا لا يمكن اقبل اكون الشريرة في القصة، و انا عندي عشر سنين ،تعبت اوي ،جسمي بقي يغلي من كتر الحرارة ،جدي جري بيا على المستشفى ، و الدكتور قال لازم حجز ،جدي قال انا اللي هبات معها ،الدكتور رفض علشان عنبر ستات و انتي عارفة احنا ملناش حد، شوفت يومها نظرة ضعف و عجز في عينه و بقي مش عارف يعمل ايه، دخل العنبر و بقي حرفيا يتذل ل الستات اللي في العنبر علشان يخلوا بالهم مني، و دفع فلوس للممرضين ، و هو فاضل طول الليل قاعد في الشارع على الرصيف في عز البرد، و انتي هنا بتربي ولاد جوزك.

ليان مكنتش بتعيط عادي دي كانت منهارة و دموع غزيرة لدرجة الرؤية مشوشة

زينب بحزن: جدك اللي رفض اني اخدك، قال بنت ابني متتربش عند راجل غريب..

ليان: انتي فاكرة بكده اجيب الغلط على جدو ،حتي لو قالك كده، كنتي اتمسكي بيا ، حتي لو هفضل معه كنت تعالي زورني من وقت لتاني ،بس انتي رمتني وراء ضهرك،و انا متأكدة سبب رجوعك ليا هو مصلحة و غير كده مكنش يفرق معاكي بنتك الوحيدة.

و طلعت ليان الاوضة

عبدالرحمن بعتاب: مصصمة توجعي قلبك و قلبها، سيبي الأمور تاخد وقتها.

زينب بدموع: انت عارف أن معنديش وقت

لاول مرة مراد و شريف تصعب عليهم ليان من اللي شافته.

مراد بحزن: انا اسف يا ماما، بس محدش يقدر يلؤم ليان أنها مش قادرة تسامح…

عبدالرحمن: مش وقته يا مراد.

طلع مراد على اوضته و فضوله خلها يقف قدم اوضة ليان، و سمع صوت شقهات مكتومة

زعل عليها و قرر يقف جنبه و يتعامل معها كويس..

////////////

عدي كام اليوم و العلاقة بين ليان و افراد البيت زي ماهي…

///(//

كانت ليان راجعة من الجامعة، و قبل ما تدخل البيت ، وقفت مكانها و هي بتشوف عبدالرحمن و زينب.

عبدالرحمن : اضحكي بقي يا زوزو يا قمر

زينب : اسكت بقي انت فايق اوي

عبدالرحمن: اللي معه قمر زيك لازم يفوق و يروق..

ضحكت زينب و ليان كانت واقفة تتفرج عليهم و هي مضايقة و غيرانه و هي شايفة امها مع حد تاني غير ابوها..

كان راجع مراد و شاف ليان واقفة قدم البيت استغراب و قرب منها و سال:مالك يا ليان.

انتفضت ليان و مسحت دموعها و قالت: مفيش و ملكش دعوة بيا.

و خرجت من البيت ،بص مراد و اتوقع انها زعلانة علشان شافت امها مع ابوه في وضع رومانسي..

خرج مراد وراء ليان اللي كانت ماشية في الشارع و هي منهارة و مش عارفة تروح فين…

فضلت ماشية لحد ما وصلت للمقابر..

قعدت قدم قبر ابوها و جدها، و لسه مراد وراءها..

قالت ليان بحزن: انا تعبانة اوي من بعدكم، صحيح أنا ملحقتش اعيش معك يا بابا، بس من بعد وفاتك و الدنيا باظت ، و باظت اكتر بعد وفاة جدو،انا حاسة اني لوحدي في الدنيا دي.

و كأنها سمعت صوت حد بيقولها: و أمك

ردت على نفسها بعصبية: فين أمي ،جات بعد ما جدو مات، هي الأم بالكلام ، انا مش مجنونة و لا عايزة افضل حزينة ، انا تعبت من حياتي، نفسي اموت و ارتاح ..

قرب مراد منها و قال بهدوء: كفاية يا ليان

اتفزعت ليان بخوف و قالت بعصبية : أنت بتعمل ايه هنا؟

مراد بهدوء: اهدي يا ليان متخافيش..

ليان بدموع: انت جاي وراي ليه.

مراد: علشان خايف عليكي

ليان: خاف على نفسك و ملكش دعوة بيا..

مراد: طيب قومي نمشي علشان القعدة هنا غلط

ليان بعصبية: قولتلك ملكش دعوة بيا ،امشي لو سمحت..

قعد مراد على الارض و قال: مش همشي الا معاكي…

بصت على مراد و قالت: ده مراد يا بابا ابن جوز ماما اللي ربته هو و أخوه و رمتني انا يتيمة اب و ام.

مراد بحزن: صدقني ماما زينب بحبك و ديما كانت تتكلم عنك.

ليان بحزن : عندك حق الحب بالكلام ..

مراد: يلا نرجع البيت يا ليان.

مشيت ليان بعصبية و هو وراءها ،ضحك مراد و قال: انا في الاول مكنتش

طايقك

سالت ليان بفضول : و دلوقتي

و قبل ما مراد يرد سمعوا صوت حركة في المقابر بصت ليان بخوف و قالت: عفريت

مراد: أو حرامي ايهما أقرب

و فجأة بص مراد بذعر لما شاف اللي وراء ليان.

….

رواية دموع ليان الجزء الثالث 3 بقلم منال كريم

دموع ليانرواية دموع ليان الحلقة الثالثة

و قبل ما مراد يرد سمعوا صوت حركة في المقابر بصت ليان بخوف و قالت: عفريت

مراد: أو حرامي ايهما أقرب

و فجأة بص مراد بذعر لما شاف اللي وراء ليان.

قالت برعب: هو في ايه يا مراد

مراد كان بيان عليه الخوف،لدرجة أن ليان أتاكدت أن ظهر لهم عفريت و قالت بدموع: ناس كتير قالت بلاش اعيط في المقابر و انا غبية

قولتي و مراد ساكت ثم انفجر من الضحك، فهمت ليان أن ده مقلب من مراد،سالت بعصبية : أنت جيت وراءي ليه.

قال و هو يبتسم: خوفت عليكي اوي.

و رغم أنها كانت متغاظة من المقلب ،ضحكت من غير رد، و مراد شاف أن يكسب ثقة ليان و بعدين يقنعها تسامح امها..

رجعت ليان مع مراد البيت و الكل استغراب أنهم جاين مع بعض

شريف: ايه اللي لم الشام على المغربي

مراد: ملكش دعوة يا خفيف..

عبدالرحمن: ايه رايك تتغدي معنا النهاردة..

قبل ما ليان ترد ،رد مراد و قال : أكيد هي موافقة.

بصت على مراد و هي بتضحك…

و لاول مرة من وقت ما جت ليان البيت قعدت معاهم على السفرة و كانت زينب بتص عليها و نفسها تتكلم معها بس مراد شاور لها مش وقته..

//////////

بعد ما طلعت ليان اوضتها

سالت زينب بلهفة: انا مش فاهمة حاجة ، ليان متغيرة النهاردة

مراد: و انا راجع من الشغل ، لقيت ليان واقفة قدم البيت و كانت منهارة لما شافتك انتي و بابا تتغزلوا في بعض..

عبدالرحمن: احترام نفسك يا ابني.

ضحك مراد و قال : حاضر..

زينب: كمل يا مراد

مراد: مشيت من البيت لحد المقابر و رحت معها ، المهم يا ماما بلاش تتكلمي مع ليان ،احنا لازم نتعامل معها بهدوء

شريف : كلام مراد صح،ليان معذوره.

الندم و الحزن ياكلوا في قلب زينب و تدعى ربها بنتها تسامحها.

قال مراد انا عندي خطة و لازم نمشي عليها

زينب بلهفة: قول بسرعة

مراد: عايزك تتكلمي ديما على ابو ليان و قد ايه كان شخص كويس، بس من غير ما هي تعرف انك قاصدة تعملي كده قدمها.

زينب: يعني ايه من غير ما تعرف.

شريف: مراد قصده مثلا تكون ليان نازلة ،تاخدي أنتي الاشارة و تبدي تتكلمي عنه.

بص مراد على أبوه و حاس أنه غيران على مراته..

قال مراد: انا عارف أنها صعبة عليك يا بابا مراتك تتكلم عن زوجها الاول ،بس الاهم هي ليان، انا باكد ليكم أنها بتعاني من اكتئاب حاد

عبدالرحمن: اعمل اللي انت شايفه صح ،المهم مصلحة البنت

زينب: متشكرة يا عبدالرحمن

عبدالرحمن: تشكرني على ايه، دي اقل حاجه اعملها علشانك.

و اتفقوا الأربعة يحاولوا أن ليان تسامح زينب..

//////////

تاني يوم الصبح

كان شريف مستني ليان تخرج من اوضتها، اول ما خرجت من الاوضة، بعت رسالة ل مراد و قال:

استعدوا ليان نازلة.

شاور مراد اللي كان في المطبخ ل زينب علشان تبدا.

قالت زينب: عارف يا عبدالرحمن أن محمود الله يرحمه كان شخص كويس اوي.

عبدالرحمن: كلمني عنه

وافقت ليان تسمع كلامهم و هي مستغربة أن زينب تكلم عن محمود..

قالت زينب: الله يرحمه كان انسان محترم و طيب ،و عارف ربنا ، عمره ما زعلني.

و بدأت زينب تحكي عن موقف ل محمود و ليان تسمع كلامهم و هي مبسوطة أن امها لسه فاكرة ابوها.

في الوقت ده خرج مراد من المطبخ و قال: كيكة الفراولة جاهزة يا ماما، بس ايه المناسبة

زينب: النهاردة عيد ميلاد ليان

فرحت ليان جدا و هي كانت ناسية عيد ميلادها أساسا

كلهم كانوا شايفينها بس متجاهلين وجودها علشان يثبتوا ل ليان أن زينب فاكرة كل حاجه تخصها.

نزلت ليان و بصت عليها زينب و قالت: صباح الخير يا حبيبتي.

ردت ليان لاول مره: صباح النور

قال عبدالرحمن: كل سنة و انتي طيبة يا لولو

ليان: و حضرتك طيب.

مراد: كل سنة و انتي طيبة

ليان: و انت طيب شكرا على الكيكة

قال شريف و هو نازل من على السلم : و انا بقي زينت الجنينة علشان نحتفل

سالت ليان بصدمة: احتفال

زينب: طبعا يا حبيبتي لازم نحتفل بعيد ميلاد اجمل بنوتة في العالم

اتجمعت الدموع في عين ليان و قالت: شكرا لحضرتك..

زينب: انا ماما يا ليان

مردتش ليان و قال مراد : يلا نخرج نشوف شريف عمل ايه

///////(///

في الحديقة

كانت متزينة بشكل جميل

مشيت ليان على ممر من ورد و حاسة أنها ملكة

كان الاحتفال بيها على أكمل وجه،حست بالفرحة.

ليان بسعادة: انا مش عارفة اشكركم ازاي على الحاجات الحلوة دي

زينب بحب : لو نطول نجيب ليكي نجمة من السما هنعمل

بصت ليان في عيون زينب و نفسها تعرف سببب تغير زينب معها..

مراد كان معه مسدس مياة رش عليها ،صرخت بعصبية و هو جري و هي تجري وراءه و هي بتضحك من قلبها…

زينب بصت عليها بابتسامة و قالت : ربنا يفرح قلبك يا حبيبتي ، تفتكر ممكن ليان تسامحني يا عبدالرحمن..

عبدالرحمن: أن شاء الله ،احنا هنمشي على كلام مراد و زي مانا شايف كلام مراد جايب نتيجة

اتجمعت الدموع في عيون زينب و قالت: انا خايفة اموت قبل ما تسامحني

بص عبدالرحمن عليها بغضب و شد أيدها و دخلوا جوة.

اما ليان لسه بتجري و مراد وراها،لحد ما حست بتعب ،و قالت: خالص كفاية مش قادرة اجري تاني

مراد: افهم من كده انك رفعتي الرايا البيضا.

قعدت ليان على الارض و قالت: أيوة أنا جبت أخرى

قعد مراد قصادها و بص عليها بإعجاب : تعرفي أن ضحكتك حلوة اوي

ليان بخجل: شكرا

قرب منهم شريف و قال: اتفضلوا الكيك و العصير اياك يتمطر..

ضحكت ليان و قالت:شكرا

شريف : العفو يا ستي، انا ليا طلب عندك.

ليان: اتفضل.

شريف: مش عايزك تكوني زعلانة مني.

تنهدت ليان بحزن و قالت: صدقني يا شريف، أنا مش زعلانة من حد و لا عايزة أزعل من حد ، أنا عايزة أعيش في وسط عيلة انا طول عمري وحيدة…..

صعبت ليان عليهم و قال مراد: و احنا يا ستي يشرفنا و يسعدنا ،نكون عيلتك…….

شريف: أنا بعلن نفسي أنك اختي

ليان : تعرف طول عمري نفسي يبقي عندي أخوات

غمز شريف و قال: ايه يا مراد مش هتعرف ليان أنها أختك..

اتوتر مراد و قال: ملكش دعوة يا خفيف

شريف: حاسس بحاجة كده جاية في السكة..

اتكسفت ليان و قامت.

زعق مراد و قال: انت اتجنتت يا شريف..

شريف: انت حبتها

مراد: مش عارف أنا محتارة ،معقول أحبها بالسهولة دي ..

شريف: مش لازم

الحب ياخد وقت طويل ، و على فكرة هي كمان مرتاحة ليك و ده بيان..

مراد بسعادة:بجد

شريف: بيان عليه

بص مراد مكان ما كانت قاعدة و هو يضحك..

////////////

عند عبدالرحمن

قال بعصبية: زينب مش عايزك تتكلمي عن الموت تاني ،انتي أن شاء الله هتخفي و تبقي كويسة

نزلت دموع زينب و قالت :: المرض اتملك مني أنا عايشة بس علشان بنتي تسامحني..

عبدالرحمن بحزن: لازم تتمسكي بالحياة علشاني و علشان الولاد و علشان ليان لازم تعويضها عن كل اللي فاتت…

زينب بحزن: نفسي ليان تكون جنبي في المنحة دي.

عبدالرحمن: أن شاء الله ، انا حاس بحاجة عايزة اقولك عليها.

زينب: خير

عبدالرحمن: اظن أن مراد بيحب ليان

ضحكت زينب و قالت: ياريت ده يكون بجد، دي تبقي فرحة عمري لما ابني يتجوز بنتي.

عبدالرحمن: يعني موافقة على النسب بينا..

زينب: سبيني افكر

ضحك عبدالرحمن و زينب بصوت عالي

عدى اليوم و الكل كان مبسوط و سعيد…

////////

بعد اسبوع

الساعة واحدة بليل

كانت زينب تصرخ من الالم، الكل صحي على صوتها

///

في الاوضة

مراد: احنا لازم نروح المستشفى

زينب بتعب: لا عايزة أموت في بيتي.

دخلت ليان الاوضة على الكلمة دي.

و سالت بخوف: في ايه؟

و بصت على زينب و سألت: حضرتك كويسة.

رغم أن زينب تعبانة ، ابتسمت لما شافت ليان و قالت: الحمد لله يا حبيبتي..

شريف: انا طلبت الدكتور و هو على وصول

زينب: قولتكم أنا كويسة،هاخد مسكن و ارتاح..

عبدالرحمن بعصبية: بلاش عند..

بعد شوية وصل الدكتور و عبدالرحمن فضل معها

قدم الاوضة

ليان: هي بتعب ديما كده.

محدش رد عليها.

سالت تاني: حد يرد عليا، هي مالها..

مراد: اهدي يا ليان ،هي كويسة، متخافيش عليها..

شاورت على نفسها و قالت بعند : انا خايفة عليها، لا أنا مش خايفة عليها.

و دخلت اوضتها ،بس وقفت وراء الباب علشان تسمع كلامهم و تعرف زينب مالها….

خرج الدكتور ،و سال مراد: طمنيي يا دكتور

الدكتور: انا قولت يا مراد لازم تتحجز في المستشفى.

اتصدمت ليان و تسال نفسها: هي حالتها خطيرة للدرجة دي

مشي الدكتور و دخل مراد و شريف عند زينب و يحاولوا يقنعها تروح المستشفى.و ليان في اوضتها محتارة و مش فاهمة حاجة ، عايزة تروح عند زينب و جواها حاجة منعها و في الاخر قررت تروح عندها.

خبطة خفيفة على الباب و استنت أن حد يرد

عبدالرحمن: تعالي يا ليان.

دخلت ليان بتوتر و قالت باحراج: اسفة على الازعاج

زينب: متقولش كده يا حبيبتي ،تعالي هنا جنبي.

مشيت ليان خطوتين و فقت و سالت: أنا سمعت الدكتور بيقول أن لازم تروحي المستشفى ،انتي مالك.

ابتسمت زينب أن ليان بتسال عليها ،فردت دراعها و قالت: تعالى جنبي يا ليان.

قعدت ليان جنبها و قالت: ردي عليا

زينب بابتسامة: أنا بقيت كويسة لما شوفتك..

نفخت ليان بضيق و قالت: حد يقولي في ايه

عبدالرحمن بحزن: بصراحة زينب تعبانة شوية و لازم مستشفى و هي رفضت، قولي انتي يمكن تقبل.

بصت ليان على زينب و قالت: طالما الدكتور قال لازم تروحي يبقي اسمعي الكلام..

زينب: لو هتكوني جنبي و تسامحني عن اللي فاتت هروح المستشفى

ليان: هكون جنبك.

زينب بحزن: و مش هتسامحني

مردتش ليان فقال عبدالرحمن:سيبي الايام تحل كل حاجه يا زينب.

ليان: اونكل عبدالرحمن عنده حق.

ضحكت زينب و قالت: هسمع كلامك يا حبيت ماما..

خرجت ليان من الاوضة و مراد وراءها

ليان: مراد

مراد: نعم.

ليان: هي ما

و مكلمتش ليان كلمة ماما.

ضحك مراد و قال: طيب كملي الكلمة.

ليان: من فضلك يا مراد رد عليا.

ظهر على مراد ملامح الحزن و قال: ماما زينب عندها سرطان و الحالة المتأخرة

اتصدمت ليان و قالت: علشان كده ماما رجعت ليا و عايزني اسامحها قبل ما تموت…

مراد: صدقني يا ليان ماما بتحبك اوي

نزلت دموع ليان و قالت: بتحبني ،طيب ازاي و هي رجعت ليا علشان حالتها متأخرة. و خايفة تموت و ذنبي في رقبتها، مش علشان أنا بنتها الوحيدة ،هي الست دي بتعمل فيا كده ليه، قولها اني عمري ما اسامحها، خليها تموت و ذنبي في رقبتها.

….

رواية دموع ليان الجزء الرابع 4 بقلم منال كريم

دموع ليانرواية دموع ليان الحلقة الرابعة

نزلت دموع ليان و قالت: بتحبني ،طيب ازاي و هي رجعت ليا علشان حالتها متأخرة. و خايفة تموت و ذنبي في رقبتها، مش علشان أنا بنتها الوحيدة ،هي الست دي بتعمل فيا كده ليه، قولها اني عمري ما اسامحها، خليها تموت و ذنبي في رقبتها.

زعل مراد عليها و ميعرفش ازاي بالسرعة دي وقع في غرامها، و بص على عيونها و قال بحب:

_ليان انتي جميلة اوي، و مش عارف ازاي بالسرعة دي بس انا حبيتك اوي.

بصت ليان على الأرض بخجل و وشها احمر..

كمل مراد و قال: ايه يا لولو معندكيش رد…

جريت ليان على اوضتها و هي قلبها بيدق.

و مراد يضحك عليها..

اول ما دخلت الاوضة حطت ايديها على قلبها، و محتارة في كلام مراد و كمان محتارة تعمل ايه مع مامتها.

قعدت على السرير و رنت على صاحبتها جميلة، ردت عليها و قالت: ازيك يا لولو

ليان: الحمد لله يا حبيبتي ،عاملة ايه

جميلة: الحمد لله انتي عاملة ايه

ليان: أنا مش كويسة خالص.

جميلة: مالك بس

ليان حكت لها عن مرض امها و كمان على كلام مراد…

جميلة: سيبك من كلام مراد دلوقتي ، علشان أنتي نفسيتك مش مظبوطة ،المهم دلوقتي خليكي مع أمك يا ليان..

ليان بحزن: بعد كل اللي حصل

جميلة: الدنيا مش مضمونة يا لولو ،صدقني لو خسرتي امك هتندمي دي اخر حد فاضلك في الدنيا…

ليان: أنا لما عرفت انها تعبانة حسيت اني خايفة عليها

جميلة: هي امك يا ليان ،خليكي جنبها يا ليان ، أمك مستنية كلمة منك علشان تبدأ العلاج

ليان: حاسة أن لسه قلبي مش مسامح.

جميلة: الايام هتخليكي تسامحني..

ليان خدت نفس و قالت: تمام اقفلي انا عرفت اعمل ايه.

جميلة: و انا كمان عرفت

قفلت ليان مع جميلة، و خرجت من اوضتها على اوضة زينب

كانوا الكل متجمعين و يحاولوا يقنعوا زينب تروح المستشفى

دخلت ليان و قفت قدم زينب و قالت: لو طلبت منك تتعالجي هتوافقي.

زينب بحزن: انا ظلمتك يا ليان و ده عقاب ربنا ليا علىشان كنت أنانية

انهارت ليان من العياط و قالت: و لو رفضتي العلاج هتكوني أنانية للمرة المليون، اتعالجي علشان انا مليش غيرك بابا و جدو ماتوا و سبوني لوحدي ،انتي كمان عايزة تسيبني ده منتهى الظلم ليا.

زينب بدموع: انا مستهلش انك تسامحني.

ليان: لا تستاهلي علشان انتي ماما.

كانت أول مرة ليان تقولها، انهارت ليان و هي بتقولها و انهارت زينب اول ما سمعت كلمة ماما.

صرخت زينب بدموع: تعالي في حضني يا قلب ماما.

جريت ليان عليها و انفجروا الاتنين من العياط و الكل كان متأثر..

/////////(/

تاني يوم كانوا كلهم في المستشفى

كانت زينب في اوضة الفحص

و الكل وقف برة، وصلت جميلة ،قالت ليان: سمعت كلامك اهو.

جميلة: عملتي الصح انتي ملكيش الا أمك يا لولو

ليان : انا بجد نفسي ماما تخفف.

جميلة حضنتها و قالت: هتخف أن شاء الله يا حبيبتي

عبدالرحمن: طالما انتي معها باذن الله هتخف

قرب مراد من ليان و همس لها: شكلك تحكي لصاحبتك كل حاجه

ليان: ايوة،مليش غيرها اصلا.

مراد: و قالتك ايه على كلامي لكي.

بصت على الأرض بكسوف و قربت جميلة اللي كانت تسمع كلامه و قالت: قولتها أن نفسيتك مش مظبوطة فبلاش تشغلي بالك و تفكيرك باي حاجه دلوقتي

مراد: كلامك صح يا انسة..

فضلوا شويه و خرج الدكتور اللي قال إن زينب هتبدا في العلاج الكيميائي ،كان ممنوع أن حد يدخل معها.

ليان: ممكن اسالك على حاجة

الممرضة: اتفضلي

ليان: ينفع تتدخلي لماما تلفيون و اتكلم معها فيديو كول علشان اهون عليها الالم

ضحكت الممرضة و قالت : أنتي ليان

ليان: أيوة

الممرضة: مامتك مش بتكلم غير عنك، و على فكرة فكرتك حلوة…

و دخلت الممرضة تلفيون و قالت ليان: ماما عاملة آيه

زينب حاولت تدرى الالم اللي حاسة بيه و قالت: الحمد لله

ليان: انتي عارفة ان في فترة قصيرة جدا حبيتك.

زينب بدموع: و أنا بحبك اوي يا لولو

ليان مسحت دموعها و قالت : ايه رايك احكي ليكي عن طفولتي

زينب بلهفة وشوق: ياريت

و بدأت ليان تحكي بطريقة كوميدية عن المصائب اللي كانت تعملها و هي صغيرة و زينب كانت تضحك من قلبها، و الكل مبسوطة أنها تعمل كده

/////((((

عدى خمس شهور و لسه زينب في المستشفى

و كل العيلة كانت أكبر داعم ليها، و نفسيتها كانت كويسة بسب وجود ليان معها في كل خطوة.

و ديما كانت جميلة مع ليان علشان تدعمها و في الوقت ده اعجب شريف بيها

مراد: انت واثق من مشاعرك

شريف: واثق جدا، أنا شوفت فيها بنت جدعة وافقة جنب صاحبتها،و كمان جميلة اسم على مسمى

مراد: ربنا يقدم لك اللي في الخير ،نطمن على ماما زينب و يبقي الفرح التلاتة.

شريف بمرواغة: اول فرحة أن ماما تخف، و التانية اتجوز جميلة ،التلاتة ايه بقي.

مراد: بلاش استعباط انت عارف اني بحب ليان من اول نظرة

شريف: طيب مانا عارف و حاسس

فجأة سكتوا عن الكلام لما لقوا حركة غريبة جوة اوضة زينب

سال مراد : في ايه حضرتك

مشيت الممرضة من غير رد

شريف بصوت عالي: حد يعرفنا في ايه

صحي عبدالرحمن اللي نايم وهو مفزوع و سال بخوف : في ايه يا ولاد

مراد بخوف: مش عارفين يا بابا، ربنا يستر

خرجت الممرضة ، سال عبدالرحمن : في ايه

الممرضة بحزن للاسف قلب المريضة وقف و الدكتور يحاول يعمل إنعاش بس فرصة النجاة قليلة

جت ليان مع جميلة و هما جايبن اكل من الكافتيريا

الحاجات وقعت من ليان مجرد أنها تتخيل أن حصل حاجه ل زينب كان صدمة لها، جريت عليهم و سالت: ماما كويسة صح.

نزلت دموع عبدالرحمن ، اتخضت ليان و سالت : حضرتك بتعيط ليه ماما كويسة، هي لا يمكن تسبيني لوحدي

مراد بحزن : اهدي يا ليان أن شاء الله هتبقي كويسة.

صرخت ليان و هي بتقول: ماما ،ماما انتي سامعني صح، مينفعش تسبيني لوحدي انا مليش غيرك، كل اللي بحبهم ماتوا ،دلوقتي أتاكدت أن العيب مني مش من حد فيكم، بابا و جدو و انتي مش عايزين تعيشوا معي، أنا الحظ السي ليكم.

قربت جميلة منها و خدتها في حضنها و قالت: بلاش الكلام ده يا حبيبتي

ليان بدموع: ماما عايزة تبعد عني تاني بعد ما قربت مني هو وعدتني أنها مش هتسبيني ، ماما قومي يا ماما أنا محتاجة حضنك مش هعرف اعيش من غيرك ،انتي قولتي متخافيش يا ليان أنا عمري ما هسيبك

قعدت ليان على الارض و جميلة جنبها و رفعت عيونها لفوق و قالت: يارب ،يارب انا مش هستحمل أن حد يموت تاني، يارب انت قادر على كل شيء.

جت الدكتور المخصوصة عن زينب ،جريت ليان عليها،و قالت بانهيار : ابوس أيدك الحقي ماما

الدكتورة: أن شاء الله بس سبيني ادخل عندها.

دخلت الدكتورة و كان الكل في حالة انهيار

ليان تعيط في حضن جميلة اللي هي كمان منهارة من العياط

يعدي الوقت عليهم بصعوبة و الكل يدعي لحد ما خرجت الدكتورة و قالت: الحمد لله النبض رجع تاني بس الحالة مش مستقرة هتفضل في العناية المركزة.

قربت الدكتورة من ليان اللي قاعدة على الأرض و قالت: أن شاء الله هتكون كويسة علشان عندها بنت جميلة زيك

انهارت ليان و قالت: يارب، علشان مش هعرف اعيش من غيرها

الدكتورة طبطت على ليان و مشيت ،قرب مراد منها و قال: كفاية يا ليان حرام عليكي نفسك

بصت عليه و قالت: انا خائفة ماما تروح مني

مراد بدموع: أن شاء هتبقي كويسة علشان احنا من غيرها هنضيع..

زعق عبدالرحمن و قال: انا مش عايز حد يعيط ،ليه الدموع زينب كويسة و مش هتسبنا انتوا فاهمين

افتكرت ليان حاجة و رجعت فلاش باك قبل ما زينب تروح المستشفى

////////((

فلاش باك

دخلت زينب عند ليان وقالت: عايزة اتكلم معاكي يا لولو

ليان: اتفضلي يا ماما

مدت زينب ايديها بصندوق و قالت: ده ليكي

ليان: في ايه

حضنتها زينب و قالت بدموع: انا بحبك يا ليان

و خرجت زينب من الاوضة ،فتحت ليان الصندوق كان كله صور ليان و ل ابوها و ل جدها و ل زينب و رسالة مكتوبة فيها:

_ليان انتي عارفة أنا اللي اختارت اسمك و قتها محمود الله يرحمه قال ايه الاسم الغريبة ده بس انا تمسكت بالاسم و قولت ده معنى الاسم الليونة، النعومة، الرقة،قالي براحتك، انا مهما أعمل او اقول هكون مذنبة، سامحني يا حبيبتي ،انا تجوزت ابوكي صغيرة و لما مات الكل قاللي لازم اتجوز علشان لسه صغيرة و ده الاحسن اتجوزت عبدالرحمن أبن عمي ،طلبت من جدك اللي يرحمه اخدك معي بس هو رفض و قال،بنت ابني متربش عند راجل غريب،في البداية كنت بسال عليكي و بعد كده انشغلت عليكي، عارفة ان ام مش مثالية علشان كده ربنا حرمني اكون عندي اولاد غيرك، انا ممكن أموت و خايفة اموت و انتي زعلانة مني، عارفة يا لولو أنا بقول أن ربنا حرماني من الخلفة و المرض ده عقاب على أفعالي معاكي،سامحني يا ليان.

////////////

عودة

ليان بدموع: سامحتك يا ماما بس ارجعي علشان خاطر بنتك الوحيدة..

///////////

بعد مدة طويلة

و اخيرا تعافت زينب من المرض و بعد فترة اتعمل فرح كبير ل مراد و ليان و شريف و جميلة .

في اوضة ليان

دخلت زينب و قالت : بسم الله ما شاء الله قمر يا لولو.

ليان بتوتر: بجد انا حلوة يا ماما

زينب: احلى الحلوين يا قلب ماما.

قربت زينب منها و قالت: مسامحني يا ليان.

ليان: أيوة مسامحكي يا ماما و اللي فات مات خلينا نفكر في دلوقتي

زينب: طيب زعلتي اني طلبت من مراد تعيشوا معانا في نفس البيت

ليان: بالعكس فرحت جدا علشان اشبع منك و كمان اعيش مع صاحبة عمري في نفس البيت، انا بحبك اوي يا ماما

زينب : و انا بحبك يا قلب ماما،جاهزة علشان عبدالرحمن هيدخل ينزلك

ليان: جاهزة

////////

نزلت ليان مع عبدالرحمن و جميلة مع باباها

و ابتدأت حفلة الزفاف اللي كانت و لا اروع و بقت ليان عندها عيلة كبيرة و عاشت معهم في سعادة و كان العوض لها عن كل سنين الحرمان

و خلفت تؤام سمتاهما محمود و زينب

و جميلة خلفت عبدالرحمن

//////////

على العيد الكبير

كانوا متجمعين في الحديقة و هما يدبحوا ضحية العيد و يكبروا و يهللوا و قضوا يوم جميل…

و عاشوا في تبات و نبات………..

تمت