فارقتك منذا زمن الفصل الثاني 2 - بقلم فاطمه الضاوي

القصه فارقتك منذا زمن

فجريه وسمعت بطروك واحس اروح تتنسط اعله ممشاك كلي وين الكاك واسمع علومك ويا ناشد انشده عليك ويكلي شصار بيومك وكون عزرائيل ياخذني كبل يومك

بقلمي
الكاتبه فاطمه الضاوي

........................
فزيت على اثر حلم بلحلم ابني جانو يضربون بي وجان ضعيف وجسمه نحيل رايحه خدوده الحلوه وشعره الشكر المجعد جانو حابسي بغرفه ضلمه ويضربون بي جان يعيط بابببببببببا وينكككككك تعال الحكني ويعيط من الضرب مال الحزام الينزل على جسمه ويبجي ويصيح بأسم ابو كبل فزيت كمت اعيط وابجي خفت صدوك يأذو خاف ابو ماموجود وتستغل الفرصة مرته وتأذي اتنفس بسرعه عبالك جنت اركض كمت من الجربايه رحت غسلت بلحمام ونزلت جوه البيت سنطه اذا اذب الابره تنسمع رحت المطبخ فتحت الثلاجة طلعت بيض وجبن وقشطة ومربه جزر المفضلة عندي قليت البيض وخدرت الجاي وكعدت اكل خلصت اكل صعدت الغرفتي رحت طلعت ملابس لبست قميص طويل الحد الركبه لون ارجواني فاتح وابنطرون ابيض وحذاء فلات ارجواني وشال هم نفس الون وجنطه بيضه وساعه بيضه خلصت تبديل رشيت عطر واخذت سويج السياره وقفلت البيت وطلعت المستشفى وصلت المستشفى دخلت كبل رحت المكتبي لبست الاب كوت ونزلت عندي عملية جان اسمع صوت دكتور عزت يصيحني
- دكتورة افين افينن
رحت يمه- نعم دكتور
دكتور عزت -عندج عملية ولادة موو
- نعم عندي ليش محتاج شي
- لا بس اسال اذا خلصتي اريد بس اشوفج تحاليل منار البارحه موكلتيلي خل تسوي تحاليل سويتهن اجيبهن تقريهن
- إي جيبهن بس اخلص عملية اقراهن
- تمام مشكوره
-العفو هاذه واجبي
- اخذي راحتج عطلتج عن شغلج
-لاعادي دكتور يله اني اروح
عفته ومشيت اليوم سكرتيرة ماكو رحت اشوف العمليات العندي عندي بنيه عمره ١٥سنه وحامل بتوم وهيه ناعمه وقصير كلشش نوب ومشكل عده ضغط الدم وسكر
رحت عليهه دخلت الغرفتهه سلام عليكم
المريضه وامه -وعليكم السلام
- هها جاهزه العملية ندخلج
- اي دكتوره
- تمام راح اصيح الممرضات يجهزنه اشوفج بغرفة العمليات لاتتوترين ولاتخافين توكلي على الله
- مشكوره دكتوره
- دخلت العمليات وخلصت العملية الحمدالله العملية نجحت وخبرت اهلهه مشه اليوم بلعمليات وشغل خلصت طلعت البيت نزلت فتحت الباب رجعت دخلت السيارة البيت نوب سديت الباب طبيت البيت هدوء رحت سبحت وكفت كدام المرايه اباوع على شعري النازل لونه الاشقر
اذكر شلون جان يفرش شعري على المخدة ويشم بيه
نفضت الفكار البراسي لميت شعري ونزلت صليت الضهر ورحت المطبخ طلعت الاكل من المجمده جدر باميه وتمن البارحه طبختهن اكلت وخلصت غسلت المواعين ورحت الهول شغلت السبلت وكعدت اكل فواكه شويه وغفيت على التخم فزيت على صوت أمي تصيح
الام- افين افين اكعدي الساعه بثنتين ونص اكعدي
فزيت على صوته- يمه توني نمت شبيج تصيحين
الام -مشتاقتلج واجيت اشوفج
- اني هم مشتاقتلج ليش متجين شنو ميخلوج
الام - لا بس انا تعبانه واخوج ابنه مريض البارحه أخذته المستشفى هوه ماعده ياخذه دكتوره على احسابه تدرين يشتغل عماله هم متكفيه هوه عنده خمس جهال والبيت يريد ياممه
افين - ها الله يرزقه اذا تردين انطيج اني وانتي اخذي ولاتكولين اني انطيتج كولي انتي عندج فلوس واخذتي
الام - لا ميحتاج عود اذا ماطاب اجي اخذ منج انتي شلونج
افين -الحمدالله على الله
الام - تغديتي لولا
افين - اي تغديت البارحه سويت باميه وضميته بالثلاجة حتى اتغدى بيه يمه -انتي متغدايه
الام- ايً تغديت
افين- خوش بلعافية
الام - الله يعافيج يايممه ريم اختج متعاركه ويه رجله ماينطيه مصرف يستلم الراتب يضمه بلخزنه ماينطيه
هدوم ماعده هيه وجهالهه
افين -يمى كتلج اني اساعده بس جانهم حاقدين عليه اخوتي ترى مامسويتلهم شي اني وصار اني ماعليه بيه تتهمتوني ببذنب مامسويته
الام- كافي يايمه اني ادري بيج بريئه وهاي تهمه ذبوه عليج الاتنقهرين اهتمي بنفسج وبشغلج يايمه ربج يعوضج ويرحم بحالج وكون تلكين أبن الحلال اليسعدج
افين -يمه لو اموت مازوج ترى لاتنسين ابني الاخذو مني مستحيل ازوج بعد كلبي تاب من العشك واني اريد ابني اريده يرجع الحضني والله ماريد شي بس اشم ريحته والله مشتاقله هاذه روحي
الام-يايمه انسيه ابوه ماينطي الج شكول بس الله يرحم بحالج ويطفي النار البكلبج انشاللة تشوفي
افين -انشالله يايمه بلكت اشوفه اني رفعت على شاهين قضية بلمحكمه علمود الحضانه
- الام- هاي القضيه الالف ترفعيه وشاهين يهدد المحاميه ويعوف القضيه ليش ذبين فلوس روحي انتي حاجي بلكت يقبل هوه يحبج ويعزج روحي احجي ويا واتفاهمي ويا
افين- ماكدر اروحله الله كريم
الام - الله كريم
-كمت رحت المطبخ احضر فواكه وكنافه اني مسويته وفطاير أمي تحبهن حضرتهن وخليتهن يم امي كعدنه ناكل
افين- يمه اني اريد ازور ترحين الكربلاء وياي
الام- اي اروح صار هواي مزايره
افين -خوش لعد من اروح اكولج ونروح سويه
الام- خوش
افين -ضلت امي لليل وراحت هيه تجيني دوم بس مرات تكطع متجي ميخلوه اخواني همه ميدرون انو هيه تجيني
رحت صليت صلات اليل ونوب صعدت فوك الغرفتي غسلت وجهي واسناني بدلت ونمت كعدت الفجر صليت رجعت نمت وكعدت لدوام الصبح رحت تريكت وطلعت الدوام بديت بشغلي نفس الروتين رجعت بدلت وصليت وتغديت خلصت كعدت بلهول دك مبويلي المحامي فتحت خط - الو هلا ستاذ
-هلا دكتورة اريد اكولج اني بعد ماكدر الزم القضية مالتج اعذريني
افين - حالك حال الباقين عموما مشكور الله وياك
-اعذريني مكدرت اكمل الله وياج
- افين سديت الخط وتمددت على التخم غفيت حتى لا افكر فزيت ورى ساعه كمت بدلت وطلعت العيادة خلصت شغلي دك عليه ابو مهيب عازمني على العشى ابو مهيب جان شيخ مال عشيرة ال**** وعايش بنجف جان لازمه على عهد ابو من مات ابو اخوته تعاركو ويا علمود الورثه لان ابو سجله نصه باسمه فهمه تهمو انو هوه ضاحك على ابو ومخلي سجل الملاك بسمه فهوه عاف كلشي الهم تنازل عن المشيخه والملاك وعاف النجف واجه البغداد واني تعرفت على مرته بلمام الكاضم عليه السلام وصرنه صديقات بيومه شفته تبجي وبطنه الحلكه بلكوه تتنفس وحجتلي كلشي حتى من ولدت اني ولدته بنته روان هوه عنده من رسيل ،روان ،وسما، وعلي ،وجاد ، ومن زوجته التوفت ،مهيب ،ومهاب ، كبار عمرهم ٢٥ سنه توم همه وصلت البيت نزلت دكيت الباب طلع مهيب سلمت عليه ودخلت الصاله -السلام عليكم
ابو مهيب ورسيل - وعليكم السلام
رسيل - بوس شلونج اخبارج ليش متمرين مشتاقتلج بذاته
افين- اني هم والله مشتاقتلج بس عندي شغل تدرين بيه
ابو مهيب- تفضلي بويه اكعدي
افين -زاد فضلك مشكور
طبت رسيل جايب السفره كمت افرش وياهه ردت انقل مواعين ماقبلت- رسيل اكعدي لاتكومين اني انقل لاتعبين نفسج انتي تعبانه بشغل شنو جايبتج تشتغلين اكعدي
- شبيج متعبانه خلي اساعدج
- لامتكومين
- راحت جابت صينيه ومهيب يخلي بسفره هوه وابو خلصو نقل كعدنه ناكل
رسيل- هها افين عجبج الاكل لولا
افين - ايً يعمري طيب عاشت ايدج
رسيل -بلعافية
ابومهيب - افين شسويتي ويا المحامي
افين- والله خابرني اليوم يكولي ماكدر الزم القضيه بعد
ابو مهيب- ليش
-افين -شاهين هدده بلتاكيد
ابو مهيب - استغفر الله شراح سوين هسه
افين- مادري
عفتهم وكمت غسلت ورجعت
- رسيل- افين ليش كمتي كلشي ماكلتي
افين- لا الحمدالله شبعت قبل لا اجي اكلت والله
- رسيل- بلعافية
-كامو غسلون ونشالت السفره جابو الجاي وبقلاوة قدمو
افين -ابو مهيب انت تعرف شيخ ياسن ابو شاهين انتو اصدقاء بلكت دكك عليه وتكوله اشوف ابني
-ابو مهيب -خوش هسه ادك عليه انشالله يقبل
افين -مشكور اكون ممنونه الك
ابو مهيب- شهل حجي بويه انتي بتي بس وكفتج وياي من اجيت من النجف وفتحتيلي بيتج وخليتيني اكعد بي تكفي وتوفي انه الممنون الج يابه
افين -هاذه واجبي عمو انو اساعدك
ابو مهيب -جا انه هم واجبي اساعدج مثل ماساعدتيني ربج يقول بسم الله الرحمن الرحيم
( وما بلحسان الاالحسان) صدق الله العلي العضيم
واني هسه ادك عليه
-مشكور
ابو مهيب - اني شكلت عوفي الشكر
رسيل- متكدر اذا متشكر
-هههه بعد ماشكرك
- ايً احسن
دك على أبو شاهين وانفتح الخط
ابو مهيب- سلام عليكم ابو شاهين شلونك
ابو شاهين- وعليكم السلام الحمدالله وانت شلونك ولدك شلونهم
-الحمدالله يبوسون راسك والله رايدك بسالفه وكون ماتردني الوداني عليك غالي ماريد تفشلني جدامه
شاهين ابو شاهين - ابشر من عيوني
ابو مهيب - والله اني ودتني عليك ام مختار حرمت شاهين قبل تريد تشوف ابنه والبت رفعت على شاهين كومه قضايه وتفشل لان شاهين يهدد المحامي يعوف القضيه وصار سنين محرومه من ابنه شوكت تشوفه مو الولد سجل مدرسه وامه مايعرفه وماشايفه شلون يبو شاهين ارحم بحاله هاي ام كلبه نار على ابنه انت هسه بضميرك تكدر تفارك واحد من ولدك
- ابو شاهين - لاوالله ماكدر اموت انه اذا واحد منهم يسافر كلبي يكوم يوجعني وكلساع اكوم ادك عليه والله هاذه هوه شاهين سمع حجيك يريد يحجي ويا
شاهين- شلونك عمي
-ابو مهيب- هلأ يبعد عمك بخير وانت شلونك ابنك شلونه
شاهين -الحمدالله بخير عمي انت منين تعرف ام مختار
أبو مهيب -اعرفه من زمان واني وديتله المحامي وانت مهدده اجتني كالت عمي المحامي بطل من القضية شاهين مهدده اني مليت اريد اشوف ابني بلكت دك على ابو شاهين واذا ماقبل حاجي شاهين واذ هم شاهين ماقبل نخطف الولد
شاهين -ههههه تخطفه علمود اموته تجي تشوفه راضي اني بس بشرط ترضى بشرط اشوف ابنه ماترضى ماتشوفه تنساه وتنسى عده ولد اسمه مختار
ابو مهيب - شنو الشرط يابعد عمك
شاهين- اني اكلله الشرط اذا يمك انطيه المبايل احجي وياهه لوتنطيني رقمه احاجيه
- ابو مهيب- باوعلي
- انطي رقمي
-ابو مهيب- بويه شاهين راح ادزلك رقمه وحاجيه بس بهداي ويه البنيه اذكر ايمكم الحلوه والعشره خليه بعيونك يابعد عمك لاتضلمه تراهه الدنيه ضلمته لاتجي انت هم تضلمه
شاهين - لا انه ماضلمه مرا ضلمته بعد ماضلمه لوشيصير هاي مرتي وام بيتي وام ابني مانسى وكفاته الحلوه وياي تاج اخليه على راسي هاي ام مختار
ابو مهيب -خوش يابعد عمك انت حاجيه راح اردلك رقمه سجل ********077
شاهين -مشكور عمي
ابو مهيب - هاذه واجبي تدلل اخذ راحتك
شاهين - الله وياك عمي
-بويه انتي هم من يحاجيج لاتعصبين ولاتصيحين بهداي قنعي واقتنعي بشرطه الخاطر ابنج جاي يكبر بدونج عاد بعده زغير يكدر هسه يتعود عليج من يكبر يحقد عليج ويكوم يكرهج ارضي شماجان شرطه
افين -خوش والله لويريد روحي راضيه اهم شي ابني والله مرايده شي غير ابني راضيه بكلشي علموده
ابو مهيب- انشالله تشوفين ابنج
افين -انشالله عمو اني اترخص منك الوقت تأخر لازم اروح البيت
رسيل -توج اجيتي
افين -والله تعبانه اليوم عندي مستشفى وشغل عود بعدين اعوضج بطلع
رسيل -الله يساعدج خوش
افين - يله تصبحون على خير
رسيل وابو مهيب - وأنتي من اهل الخير
- طلعت وصلت البيت سبحت وطلعت خليت غسول الوجي ونوب خليت ماسك وردي وخرت الماسك خليت الشفايفي هم ماسك وردي يسوي الشفايف ورديه خلصت غسلت ورطبت اديه ونمت كعدت الصبح نزلت فتحت الثلاجة بيه نواقص خلي اروح السوك اليوم ماعندي دوام رحت بدلت ولبست عبأ راس ونزلت اخذت السويج وصعدت بالسيارة
رحت السوك اشتريت سمج ودجاج ولحم وطماطه وخيار وبرتقال وتفاح وموز وبطيخ وخوخ......الخ
خلصت رجعت كعدت اعزل بلمسواك واغسل المخضر والفواكه طلعت سمج وتبلته وطبخت التمن وشويته بلحديقه البرى عندي حديقه جننن جبيرى ومكان السياره رحت الشوايه شغلته وخليت السمج رحت غسلت شفت الحديقه لاز تتنضف هيه مابيه شي بس يرادله شويه تنضيف الحديقه وهيه حلو بيه شتلات مال ورد خلصت تنضيف رحت غسلت وعقمت ايدي رحت قلبت السمجه استوت صبيت تمن احمر مسويه خليتهن كفيت ارداني وبديت اكل بلخاشوكه خلصت شلت المواعين وغسلتهن وغسلت البيت ومسحت الطاوله مال التخم ودخلت الاستقبال جبيرر كلش نضفته وغسلت ونوب بخرت وغير بردات البيت وغسلتهن خلصت تنضيف صعدت سبحت سويت شيره شويه طالع شعر بجسمي خلصت رطبت جسمي بدلت برموده ورديه وكيمونه ورديه شعري ضفرته وخليت ميكاب شويه
ونزلت لكيت مبايلي يدك باوعت رقم غريب نسيت شاهين قبل رفضت جان يدك من جديد فتحت خط
- الو
شاهين - الو هلا ام مختار شلونج اخبارج امورج
افين- هلا ابو مختار الحمدالله وانت شلونك
شاهين- الحمدالله انتي منين تعرفين ابو مهيب
افين- اعرفه صار هواي اني مرته صديقات شاهين خليني اشوف مختار حرام عليك والله مشتاقتله كلبي جاي يوجعني اريد اشوفه ارحم بحالي موماخليت شي ماسويته علمود اشوفه
- شاهين- اتشوفي اي راضي بس بشرط ارجع اعقد عليج يله تشوفي وانتي بكيفج اذا مارضيتي عمرج كله بعد ماتشوفي ويكبر ويكوم ميعرفج واذا زوج انتي مويمه واذا تخرج متحضرين احلى ايام حياته متشوفيه اذا تردين رجعي واخليج تعيشين ويا أسألج سؤال الله عليج بيوم ضيكت خلكج اذيتج كدرت خاطرج طكيتج نقصت عليج بحاجه ماحبيتج جاوبيني صحيح غلطة وياج وعمي راسج ابوسه واذا تنطيني حلك هم راضي ههههه
افين - شاهييين اكعد راحه يعني خليني اشوفه اله نعقد
شاهين - ليش انه ماعجب حضرتج شو بنات الديرة ساحلات رواحتهن ومامنطيهن وجه وانتي الروح منطيه الج والكلب والعقل رديلي كلبي وعقلي وروحي يله خاف بالج احد خاتون
افين - شاهين موشرط بالي احد لو احب والله اني هاي السوالف متهمني اصلن وعادي ابقى العمر كله مازوج
- يعني هسه مراضيه ترجعين على ذمتي
- خليني افكر بس خليني اشوف مختار عليك الله
- كتلج تشوفي اذا عقدنه تردين تفكرين بكيفج
- تمام افكر واردلك الجواب
- يلا استأذن منج يردوني عندي شغل اذا حتاجيتي شي خابريني خوش لا يردج اله السانج
- مشكور الله وياك
سديت الموبايل وكعدت افكر سرحت الذيج اليام الحلوة فزيت على دكة الجهاز جانت رسيل فتحت خط
-هلا افين شلونج
-هلأ رسيل الحمدالله وانتي شلونج
- الحمدالله اكولج خليي نطلع اني وياج ضايجه نروح لسوق نشتري ملابس وغراض محتاجتهن
- اي والله اني هم ضايجه اجيج نروح
- تعاي هلأ بيج
- كمت بدلت لبست عباتي ونزلت اخذت سويج السيارة وطلعت البيت رسيل وصلت نزلت دكيت الباب طلعت شلونج
-الحمدالله
- يله امشي رحنه السوق نزلنه دخلنه محل ملابس شفت فستان محجبات كريمي كلش عجبني رحت كدرته
رسيل - حلو عليج اخذي
افين -هوه راح اخذه
- طلعنه من المحل رحنى محل احذيه اخذت حذاء اسود عجبني واخذت حذاء رياضي ابيض رحنه محل ملابس بيت اخذت تراكات تلاثه واحد وردي وبي ابنيه واخذت تراك برموده بنفسجي خط ابي من البجامه وكتابه بيضه طلعنا اخذنه اكسسوارات وماسكات وغسولات شامبوهات الخ......
-طلعنه من السوق رحنى ناكل موطه اخذنه موطه وكعدنه على مصطبه المكان حلو جان موجود عوائل هواي
رسيل - افين قبلتي بعرض شاهين لولا
-كتله افكر واردلك خبر
رسيل - ارضي الخاطر ابنج
- هوه مابيدي شي اله ارضه علمود مختار
رسيل - اي وهوه انتي تقولين جان يحبج ومداريج بس غلط من طلكج واتزوج مو
- اي والله جان يخاف عليه حيل ويحبني
رسيل - وانتي متحبي
افين - لا بس معزته بقلبي
رسيل -علينه بس معزه ومن تحجين بيه عيونج تلمع من العشق
- كافي رسيل سدي الموضوع
رسيل- اي نهزمي سديت الموضوع
- امشي نروح تأخر الوقت
رسيل - اي امشي تعبت افترينه هواي تعاي تعشي يمي
-لا ماكدر تعبانه والله خليه بعدين
- تمام بكيفج
- وصلته ورحت البيت نزلت بدلت وسبحت نزلت أسوي اكل قليت كبه وبورك بجبن ولحم مثروم وطماطه وسويت فنكر بتيت وطلعت خوخ من الثلاجه وكشرته وجبت الخلاط خليت ماي شويه وشكر وخوخ خلطتهن صبيتهن بكلاص وخليت قصبه وخلصت قلي خليتهن على الطاوله وكعدت اكل خلصت غسلت المواعين وصعدت فوك رحت فرجت أسناني واجيت انام نضربت رجلي بلميز وكعت صورى مال عرسي اني وشاهين كمت ابجي دموعي عشره عشره واناشغ مثل الطفل ليش حبيبي عفتني وتخليت عني ها موتدري ماكدر بدونك شبكت الصور وكمت ابجي بصوت عالي ورفعت الصورة اباوع عليه شلون طالع حلو وفرحان بتسامه شاكه حلكه وعيونه الحلوه تلمع من الفرح عيوني كامت توجعني من البجي كمت غسلت وطلعت الصورة من الاطار وحضنته غفيت من التعب كعدت على صوت الجرس يندك والباب رحت غسلت وجهي بسرعة ونزلت اباوع من الكامره هاي مره بس ماشفت وجه فتحت لبست جادر صلاة وفتحت الباب
- سلام عليكم خاله
- وعليكم السلام اتفضلي خاله محتاجه شي
- اي بس اريد افوت الحمام
-تعاي تفضلي فوتي ابوع طبت الحمام وطلعت شالت عن وجه سبحان الخلقه شايله جماله ماشالله شبهت عليه بس ماذكرته
- شكرا دخلتني جانت بعمري لو ازغر مادري كتله تعاي طبي
- لا شكرن اروح
-عليج الله طبي اضيفج والله محد موجود طبت البيت رحت جبت عصير بثلاجه بارد وكيك وكنافه خليتهن كدامه متريكه حبيبه لولا
- لا مامتريكه
- لعد اسويلج ريوك ماطلعين اله تتريكين
- مشكوره لاتعبين نفسج
- العفو واجبي هوه ريوك ماتعب لاتخافين شنو اسمج ماعرفتيني
- غنى اسمي
- ضليت صافنه عليه شنو اسم ابوج
- غنى ياسين محمد
- انصدمت من سمعت اسم ابوه هاي غنى اخت شاهين لا مستحيل
- انتي اخت شاهين مو
- اي ماعرفتيني ليش
- لج صايره تخبلين ماعرفتج ضعفانه
- اي سويت حميه علمود اضعف
- منين اندليتي بيتي
- شاهين جابني اشوفج
- لعد ليش ماطب
- خاف انتي ماترضين
- بعده بلشارع
- اي بلسيار
- اوكفي ابدل وصيحي خوما يبقى بلشارع
- خوش
- نزعت عباتي جنت لابسه كيمونه ماروني وبرمود هم ماروني
- خليج هيج بهاذه لبس حتى اخوي ياكلج والله
- هههه لو اموت خلي ابدل واجيج صعدت بدلت ونزلت كتله روحي دخلي راحت صاحته دخل لابس دشداشه سوده وشعر مصفف يلمع وطوله وهيبته دشداشة تلوكله دنك راسه- شلونج ام مختار
- الحمدالله وانت شلونك مختار شلونه
الحمدالله مختار بخير يبوس راسج
اباوع عليه فهيت صار سنين ماشايفته ذكرته احنى بلباب واكلت الولد بعيوني
- احم اتفضل ادخل الديوان
- زاد فضلج بويه
دخل رحت لحكتني اخته
- غنى راح اسوي ريوق ترى
- اي حبيبه سوي اعذرينه اجينه بهيج وكت بس البارحه اجينه وملكيناج واحنى فدشويه نروح البصرة
- ها توصلون بسلامه سويت بيض وكيمر عرب طلعت وجبن هم وزيتون وخبز وعسل ومربه وقشطة هم رحت وديت الصينيه هوه باوعلي ودنك راسه طلعت جبت الجاي ورجعت اتفضلو اكلو البيت بيتكم همه كعدت على الصينيه ياكلون
- شاهين- ليش تعبتي نفسج واعذرينه اجينه بوقت مومناسب
- لا بلعكس هلا بيكم بس اني اليوم نايمه هواي البارحه منمت من وكت وجنت طالعه
- نوم العوافي
- دك مبايلي جان بصفي مخليته شاهين كبل باوعلي هوه واخته فتحت خط
هلا دكتور
- هلا دكتوره اليوم تفتحين عيادتج
- اي افتحه ليش
- بس اريد احجز يمج اليوم منار عده وجع وهيه بسابع
- تمام جيبه اخاف تقلصات
- مادري راح اجيبه
- تمام جيبه
- سديت الخط وكملت اكل خلصنه شلت الصينيه غسلته وحضرت عصير وكيك رحت قدمت الهم
شاهين-افين فكرتي شنو قرارج
- تمام موافقة
شاهين - هاذه هو اليوم نعقد
-ليش مستعجل
شاهين -ليش متردين اتشووفين ابنج اني مامستعجل
- لا اريد اشوفه بس انت حاجي اهلي
شاهين - لاتخافين اني محاجيهم بقيتي بس انتي
- تمام خلص نعقد اليوم. وتخلي مختار يمي متاخذه وياك البصره مو
شاهين- لا ماخذه يبقى يمج اني جبته حتى تشوفي واتشبعين منه
- لو اموت ماشبع منه هاذه روحي اكو واحد يشبع من روحه
شاهين -لايروحي محد يشبع من روحه
-دنكت راسي وسكتت خجلت من عنده شلون ارجعله ومرته موجوده اخخ ياكلمة مرته تزرف كلبي من اكوله بس مابيدي شي
شاهين - افين فدشويه انروح الاهلج ترى حتى نعقد وتصالحون
-تمام اروح بس ماصلحهم بس اسلم ونعقد ونطلع مستحيل كلبي يحن الهم بعد السوه بيه
شاهين - ذول اهلج سندج حرام عليجج
- لا مو سندي اني سند النفسي وهمه موحرام عليهم آجي ادك بابهم ويطردوني وبقية بشارع ماكالو بنيه شابه شلون نعوفه بلشارع تنخطف يعتدون عليه
-اشك حلكه يلوصل يمج ومحمد اموته وترى اني وديتلج عمي مابقيتي بلشارع
- لعد من وديت عمك ليش صار شكيت بيه موتدري بيه لو اموت ماخونك وماحب غيرك والك اني مو على ذمتك وما باوعت على غيرك لو ازوجت
شاهين - افين الصار صار واني جنت تعبانه والرسايل تجيني موتتني والله ومنا حنان الله ياخذه سحورته داكتني بيه هيه واخته الس***فوكاه هاذه الك***خلاني ليلي مانامه واني ادري بيج تربيتي ماتعوفيني هسه منكدر نغير شي خلينه نعيش عمرنه الجاي ياعمري انتي
-لاتحاول تتغزل ترى ماحبك
شاهين - اي عادي اني احبج لو حتى ماتحبيني
- إي خوش لاتحجي احبج وماعرف شنو
شاهين -شعليج اني احبج لوتخافين تضعفين كدامي
- غير يكعد على شنو اضعف كدامك هاي قبل جنت اضعف هسه لو اموت ماضعف كدامك
شاهين- خوش انتي مره لاضعفين اريد اشوف هاذه الخشم جم يوم وينكسر واشوفج نايمه بحضني
- تحلم والله تكسر خشمي وانام بحضنك
شاهين - خوش يصير خير نتحاسب بعدين
- اي ليش لا نتحاسب
شاهين- افونه تهيري وساعه واجيج الكاج مخلصه خوش مو الكاج حتى مامبدل ثوبج اني طالع خوش
- تمام الله وياك تجي تلكاني مبدله
شاهين - غنى تبقين هنى مو
غنى- اي ابقى
شاهين -جا خوش شوي وامر الجن
- طلع شاهين واني وغنى صعدنه فوك دك موبيل غنى راحت تخابر رحت حضرته فستان وردي وطلعت شال وردي وبي ابيض وحذاء عالي ابيض وجنطه بيضه وساعه هم بيضه رحت طلعت
- غنى اني بس راح افوت الحمام واشويه واطلع خوما اضوجين بوحدج
غنى - لا عادي حبي روحي اسبحي
- تمام حبي رحت سبحت طلعت لكيته كاعده تلعب بجهازه -ها غنى خوما تئخرت عليج
غنى-لايعمري ماتئخرتي شنو اسم الشامبو ريحته طيبه
- هسه انطي الج عندي منه اثنين
غنى - لا عمري مشكوره بس اسمه
- والله عندي منا علبتين اخذي وحده
- خوش ماكلج لا مايرد الكريم اله البخيل
- هسه اجيبه واجي رحت طلعتله واحد جديد عندي مامستعملته وانطيته اله جاي امشط
غنى - افين شعرج ابد لاتكصي
- لا ماكصه لو اموت
غنى- اي احسن
- تعاي ننزل ناكل حلويات اني وياج اني جعت وانتي مجعتي
غنى -اني اكلت بس انتي لتهيتي اتباوعين لشاهين تردين شبعين عيونج
- عزه اني هيج مفضوحه ندرت عليه لا اني مباوعت لشاهين
غنى- ابد مباوعتي بس اكلتي اخوي بعيونج
- خوما شافني
غنى - شاهين مادري بس بلتاكيد لاحض شلون تباوعين عليه
- يله امشي خلي ننزل نزلنه ناكل
-غنى شاهين صار عنده اطفال من حنان
غنى - ذبحووهه ماتت

لاتنسون التصويت على البارت

شتكولون شلون انذبحت وليش ومنو ذبحه