تحميل رواية «فأذا جن الليل» PDF

                   بسم الله الرحمن الرحيم 

في يوم من الايام كانت هناك طفله صغيره او بالاحرى مسمى طفله وليست طفله بسبب الاشياء التي حدثت معها وانستها طعم الطفوله من ضرب مبرح واهانه وتحرش الى اخره ...وعندما كبرت ف وقعت في مصيدة الحب الذي كان تارة دواء لها وتارة اخرى وجع يفوق الدواء بسبب الم الخيانات وتصرفات زوجها الامعقوله حتى تنصفها الحياة

..... فأذا جن الليل

///الكاتبه بنين عباس///

المرأه..... هي نصف المجتمع

للمرأة قيمتها في المجتمع، حيث إن

صلاح المجتمع كله يبدأ من صلاح

المراة لما لها من فضل عظيم في

تربية وتنشأة الجيل القادم المره تريد أن

تعيش في ظل رجل وليس في ذل رجل

المرأه مصدر كل شي  .....

المراة كالمظله لا يمكن ان تعتني بك الا عندما تضعها

فوق راسك....

ايلين : يحجي وياي واني ماحجي ولا اجاوب اخير شي سحبني الحضنه وكال

سرمد  شبيها نظر عيني ضايجه منو مضوجها

ايلين :دفعته عني ووخرت من حضنه كتله

لشوكت حاجيني لشوكت لشوكت اشوفك تحجي وي غيري ولازم اسكت واتحمل بحجة شنو يابه ميحبهن وتقضية وكت اني شنو موقفي بحياتك وين حبك التحجي عنه. واشوفك يمهن شي ويمي شي گلبي صخر لو شنو تعبت والله تعبت م اريدك بعد وخلي كلمن يعيش حياته بعيد عن الثاني

سرمد: رجعنه النفس الموضوع وكل ظنج اعوفج واخليج تكملين حياتج عادي وبعيد عني انتي خبله شنو لج انتي هذا النفس الاتنفسه حياتي بدونج عدم والقران لو مجرد بس تخيل اتخيل تبعدين عني اتهستر وابقه قلق وخايف وترديني اتركج بسهوله انتي متطلعين منا الا بموتي وحتى لو متت هم تبقين

اتمناء تعجبكم روايه ❤🖤

يتببع...

///الكاتبه بنين عباس///

لا تنسوا تصويت انطوني ريئكم

بسم الله الرحمن الرحيم

///الكاتبه بنين عباس///

فأذا جن الليل....... بارت الاول

لا تحب المرأة، إلا الرجل القادر على حمايتها

......

في يوم من الايام كانت هناك طفله صغيره او بالاحرى مسمى طفله وليست طفله بسبب الاشياء التي حدثت معها وانستها طعم الطفوله من ضرب مبرح واهانه وتحرش الى اخره ...وعندما كبرت ف وقعت في مصيدة الحب الذي كان تارة دواء لها وتارة اخرى وجع يفوق الدواء

كانت الطفله ايلين تمتاز بقوة الذاكره وعدم نسيانها للمواقف والاحداث

نرجع بالذاكره ال2006عندما كانت تبلغ من العمر 6 سنوات

ايلين : جنت العب وي ابن عمو سعد وبنت عمو علي بالترك او المنور

مازن : خلي نلعب لعبة اني دكتور وانتن المرضى وتجني اعالجن

قبلنه ومجان بالنه شي مجرد اطفال ونلعب بنص اللعبه وكال

مازن : خلي نغير باللعبه شويه عود من تجن اعالجن واختار وحده بيجن واتزوجها

ايلين : اني ماحب هاي اللعبه راح ابطل موحلوه ماما متقبل العبها

مهند: لا مابيها شي هي لعبه حلوه

حوراء: يي تعالي ايلين نلعب ماعليج مبيها شي خلي نشوف منو يختار اكيد يختارني هههه

مهند : لا اني اختار ايلين ماريدج انتي

حوراء: ليش شبيه اني

مهند:ايلين احلى منج وابيض منج انتي سمره طوخ

ايلين : مازن عيب تحجي هيج حجي ح اكول الامك عليك

انتبهت الحوراء زعلت وعافتنه وراحت بقينه نلعب طوبه اني و مهند شويه وجتي

امي جرتني من ايدي وشمرتني بوسط الصاله وبقت تضرب بيها واني اصرخ جوه ايدها اريد اعرف ليش نضربت احاول افتهم شسويت كلما اريد احجي تضربني اكثر ع صوت بجي وصراخي التمو كلهم وم احس الا امي راحت حمت الخاشوكه وجتي طبعتها بفخذي احس روحي شاطت واني بعدني طفله بقيت بس ممطوله وانازع من الالم جتي بيبي دفعتها مني

ام علي: شبيج تردين تخبلين الطفله غير تفهمينه

شمسويه وتضربينها كل هالضرب

ام ايلين: الحيوانه تروح لمهند تكوله تعال خلي نلعب انت تشوفني وتنعجب بيه وتزوجني منين عرفت هالسوالف بعدها بطول الذراعه ومفتحه عينها ع هالسوالف

ام علي: وانتي شمدريج هي هيج تريد تلعب وهيج حاجيه سمعتيها انتي

ام ايلين : لا حوراء اجت كالتلي

ام علي: صاحت بصوت عالي حورا و مهند راح احسب لتلاثه اذا مالكيتكم كدامي وحگ ابو خيمة الزرگه انهيكم بالصونده بنفس اللحظه اجو يركضون ثنينهم

مهند: هاا بيبي

حوراء :هاا بيبي شكو صحتينه

ام علي: مهند ايلين صدك كايلتلك خلي نلعب انت تحبني وتزوجني

مهند : لا بيبي اني كلتلها وهي مقبلت كالت امها متقبل

ام علي: تعاي ولج حويره الصخله الزريكه اليوم افصم (اكسر)ظهرج شنهي الدور تجذبين عيني عينك بقت

تضرب بيها بالعوده

دخل عمو علي وصاح

علي: هاي شكو شصاير وهو يشوف بيبي تضرب ببنته

ام علي :صاحتله تعال ي علي تعال يبچري ( اول ولد

الها) تعال شوف الزعطوطه هاي شمسويه

علي: ها يمه خيرج شبيها حوراء

ام علي : ولك يمه سوتلها سالفه عله هالمسيجينه جي

ماتحجي ولك ي علي يوز (زوج) بتك من هسه مفلفله عله (الريل) وسولفتله السالفه

ايلين : اباوع العمو بيبي تسولف وهو وجه صار احمر وعيونه حمر طفر لزم بته من اذانها وبقه يضرب بيها ماتحملت اشوفها بهالمنظر رحت حاجيته واني ابجي

ايلين:فدوه عمو عوفها لتضربها خطيه فدوه دفعني وكلي

علي :وخري عني عمو خلي اأدب هالادب سز الضاهر ماعرفت اربيها

رجعت عليه وكتله

ايلين : عمو فدوه فدوه راح تموت عوفهه بعد ماتعيدها مو حوراء بعد ماتعيدينها صاحت

حوراء: يي بويه والله ماعيدها والله

بطل يضربها بس بقه لازمها من اذنها ويحجي وياها بعصبيه ومخنزر عليها كلها

علي : وحك الحسين اذا سمعت بيج جايبه طاري هاي المواضيع لو عايدتها الا اذبحج تفهمين لو لاا

طفرت مرت عمو علي

زينب : وكالتله كافي خبلت البنيه جا هيج تسوي بيها كدام الجهال

باوع عليها وخازرها كاللها سكتي انتي وماعليج فهمتي لو لاا. وعافها وطلع

يتببع.........

///الكاتبه بنين عباس///

المرأة ذون طابع الطفولة وما فيه من

رونق وصفاء تصبح مسخا لا يطاق

اتمناء تعجبكم روايه

أريد منكم تصويت + انطوني رايكم ب الأحداث

عدد كلمات 604

بسم الله الرحمن الرحيم

حب طفوله ما تغيره الايام هو اصدق شعور ❤

الحب حب طفوله الحب الي مستحيل ينتهي 🖤

///الكاتبه بنين عباس///

......................فأذا جن الليل

بارت ثاني ....

بيوم من الايام عمتي تخربط رحنا نشوفها كلنه

عمامي ونسوانهم و جهال كلهم كلمن وعالئته

احنا بعد ما تعشينه رحنا امي و ابويه كعدو

ويا عمامي و عماتي و والي كاعدين يمهم

اني رحت العب ويا جهال عمتي و عمامي

طفله و ما احب اكعد ويا الاكبار و اسمع سوالفهم

كاعد العب و اجتني ايه بنت عمتي كالت

ايه : ايلين تعالييي خلي نوكف على درج نحاجي بهاء

(بهاء وحسين اخوان ايه ) على مود الاشاره جاي يسوي بيها رحت وياها وكل بالي نوكف على مود الاشاره

بنص الدرج واجه حسين

حسين : ايلين تعالي فوك نشوف بهاء

ايلين: ماشي

ف اني ك طفله مجان ببالي شي صعدتت ويايه

جانو هم عدهم طابقين صعدنه للطابق الثاني وجان مبي ضوه ودنيا ليل يخوف راد ينزل حسين وكتله

ايلين : وين رايح حسوني انتظرني

حسين: لتخافين اجيب شي اضوي بي واجي كلشي ماكو هنا هسه اروح ع السريع واجيج نتظري

ستوه نزل وبقيت خايفه اني واتلفت شويه وحسيت احد حاوطني من ورا وكعدني بالكاع بحضنه وخله ايد ع حلكي سده بيها وايد مثبتني بحضنه

من الخوف كمت م اعرف شاسوي بس ادفع واريد اصيح ماكدر التفتت واشوفه

بهاء : لتخافين راح نلعب اني وياج لعبه حلوه

واني ابجي وادفع بي اريد يعوفني ماكو والنوب كام يبوس بيه ويسوي حركات بجسمي تلعب النفس

اريد اخلص منه ماكو اخير شي عضيته قوي

وخر ايده متأذي كمت اصيح وكتله

ايلين: والله اكول الامي عليك يلا عافني كالي

حسين : بس تحجين اذبح امج واخليها تموت

(بهاء جان عمره 15 سنه واني 7 سنوات )

نزلت جوه اركض لكيت حسوني واكف ع الدرج هو بنهاية الدرج وايه ببدايته يشوفون خاف احد يصعد حتى يجون يكلوله اني شفتهم واني ابجي وامسح

بدموعي تفلت عليهم وكلتلهم

ايلين: رب العالمين راح يدخلكم النار لان جذبتو عليه جنت طفله وعقللي مجان يستوعب هالامور نزلت ركض كعدت يم امي وخايفه ارجف ما مستوعبه شي

شافتني امي كبل حضنتني وكالتلي

ام ايلين : اسم الله يمه شبيج منو وياج شو وجهج اصفر وتبجين منو ضربج احجي يا يمه

ردتت احجي خفت تضربني مثل مضربتني قبل كم يوم من سالفة حورا و مازن بقيت ساكته وهي تحجي

ايلين : لا بس جنت بره وطفرت عليه بزونه

ام ايلين : و خفتي هيج من بزونه

ايلين : خلي نرجع للبيت ضجت كالت

ام ايلين : انتظري شويه ونروح فشله من عمتج تونه اجينه

الحد ما اجت حورا بنت عمو علي

حورا : كومي شبيج خلي نلعب شويه ونروح

ايلين : كمت وياها بقيت واكفه يمها شويه وشفت بهاء نزل اول مشفته كمت ارجف ورحت ركض الامي كلتلها

ايلين: فدوه ماما خلي نروح تعبت كلش

شافتني ارجف كالت

ام ايلين: امشينه يلا نروح هسه

كامت لبست عباتها هي ومرت عمي ورحنا

رجعت للبيت بيومها للصبح بس افكر بهالشي الصارلي لزمتني نفضه وصخنت اشتعلت نار نمت ورا مطلعت الشمس كعدت لكيت امي تسويلي كمادات وتقره ع راسي

ام ايلين : شبيج يمه وضعج ماعاجبني متعين امج عوينه صابتج كلتلها

ايلين: ماما حضنيني بردانه

واني على بالي ينعاد موقف اخذتلي اسبوع اني اكلي قل وم العب وكل شويه اصيح امي حتى انام بحضنها

واذا صحتها وتأخرت عليه اتهستر واشبع بجي منا لمن تحضني يلا بيبي كل شويه تجيني تحاول تشاقيني وتلعب وياي ماكو

ام علي : ولجج فصعونه كومي لعبي ويا جهال

ايلين : اشرتلها براسي معنا مريد اكوم

مازن : ولجج تعالي لعبي ويانه غميضان

حورا : واني احسب وانتو لبدو هاا

ايلين : ما أريد العب روحو انتو لعبو

مازن نجيب ملاعيب هنا نلعب كلنه

حورا : واني هم اجيب ملاعيب ولعبات ملاتي

ايلين : صرخت بيهم مااااريد العبب روحوو

حورا : طبج مرض لا تلعبين هو هذا سرمد كال روحو

ايلين : جنت طفله واخاف انضرب اذا حجيت هذا موقف دمرني ودمر ثقتي بنفسي الحد ماكبرت

واني اخاف ابقه وي اي احد بوحدي اخاف من كل رجال اشوفه كمت اخاف حتى من ابويه واتخيله هم هيج يسوي بيه استغفر الله من كثر مصارت وياي هيج مواقف ضليت بس الافكار سيئه تجي بالي تدمرت نهائيا

يتببع..........

///الكاتبه بنين عباس ///

عدد الكلمات 665

هااا شلونهه البارت عجبكم انطوني رايكم 🥺

حبايبي الحلوين أريد دعمكم تصويت ممكن 🥺

بسم الله الرحمن الرحيم

لم أختر قدري

ولم أرسم طريقا لي

فكنت أنت قدرى ملكتني كلي

أحببت جنونك .. مشاعرك.. غموضك .. حنانك

يشاركني طيفك بكل لحظه فرح تحتويني

اراك باشراقة شمس .. بضوء قمر

بقطرة مطر .. بلون زهر

بنغمة وتر . بقصيدة شعر

صدفه جمعنا القدر .. يا أعذب قدر

///الكاتبه بنين عباس///

فأذا جن الليل

..........بارت ثالث

مره جنت رايحه البيت خالو احبهم ودائما اروح الهم

جنه نلعب وحجه كرار ابن خالي

كرار : ولكم تعالوو نلعب طووبه كلنه

ايلين : اني كمزت وصحت أيييي نلعب

سرمد : وانتي ولد وتلعبين طوبه نجبيي

ايلين : وانته شعليك العب ويا كرار

كرار : شعليك بيها تلعب بفريقي

سرمد : طفر عليه وعاط بوجه كاله خاب

نجب شنو تاخذ ايلين وياك

كرار : وانت شعليك بيها بت عمتي وبكيفي واريدها وياي تلعب

سرمد : انت اثول هاي عوبه كلشي ماتعرف تلعب تخسرك بسرعه

ايلين : انجبب لا تكول عوبه لا اكول الجدو عليك

سرمد : نجبي لا اموتج لا تغلطين فهمتي

ايلين : اعرف العب غير هسه اكسركم تكسر

كرار : خطيه تريد تلعب ما تخسرني عوفها

سرمد : ولك اثول خليها تجي وياي اخليها حارس

كرار : اذا هيج خوش خليها حارس وياك

ايلين : مااريد العبب بعد بكيفكم وين تخلوني

سرمد : اذا تتحركين من مكانج اكسر رجلج عاد اني هنا خنست وبقيت بمكاني

ايلين : أييي ما اتحرك بس عوف شعري حباب

سرمد : عفيه شعرايه كلبي

ايلين : ضلينه نلعب وآخر شي احنا فزنه على كرار

بقيت يم بيت خالو ابو سرمد ثاني يوم الظهر جنت العب بالحديقه وشفت سرمد طالع صحت علي

ايلين : سرمد وين رايح

سرمد : تجين وياي نشلع نبك

ايلين : أييي اجيي وياك

سرمد : ماشي روحي كولي الامج وتعالي

ايلين: لاا تقبل وياك عادي

سرمد : ابتسم و كالي جاا تعالي

طلعنه والبيت الي بصفهم عدهم شجره بيها نبك

صعدنه فوك بالسطح يمها بس ماكدر الوح اني شافني صافنه وكالي

سرمد : راح اطفر اجيبلج من ذنيج النبكات مبينات حلوات كلش

ايلين : راد يطفر كتله سرمد حباب عليك الله خلي اطفر وياك

سرمد : نجبي وابقي لاتتكسرين ويكولون سرمد كسرها وشيخلصني

ايلين: كتله والله ماكول اكول اني طحت بس خلي اطفر وياك احب اغامر لاتخليها بنفسي

سرمد : صفن عليه شويه وكال يلا تعاي امري لله

كعد كعده وسد اديه ثنينهن وكال

سرمد : يلا بسرعه صعدي ع اديه ابقي كاعده ع الحايط خلي اعبر حتى اعبرج عبر وهم كعد وخله اديه ونزلت عليهن كمنه نشلع نبك ونتشاقه واحد يشمرع الثاني شويه ونسمعلج واحد صاح

ابو وسام : ولكم هاي شتسوون هنا

ايلين : لازم خشبه بايده جبيره ويريد يضربنه بيها

اني كبل ختلت بظهر سرمد واكله

سرمد : سرمد فدوه شسوي راح يكتلنه ويكللهم علينا

وهو يكرص بيه ويكلي

سرمد : سكتي دوختيني شكد تلغين

واني كل شويه احجي ويا الحد ما عاط بيه وكالي

سرمد : خرب لشتج سطرتيني

ابو وسام : يغلط ويصيح علينه ويتقدم يريد

يضربنه اخير شي كاله

سرمد : خلي حجيك من زلمه الزلمه

ابو وسام : النوب عليه الزعاطيط ربيي

سرمد : زلمه غصبا ع شاربك

ابو وسام : نجببب لكك زعطوط اصبرلي

خلي اشوف الزلمه شيسوي هسه من الزمه بالخشبه هاي

سرمد : كاله اوكف خلي تعبر وشتريد تسوي سوي

سرمد: تعاي عبري يلا

ايلين : ما اعبر الا وياك كرصني وكال

سرمد : نجبي وعبري بسرعه. عبرني وبقه هوه

بقيت منتظرته ع الدرج لحد م اجاني ضاربه بالخشبه ع ظهرة هو طافر من عندده النوب رجع عليه

جرني من اذني كال

سرمد : ام عطوب كفيلج العباس اذا رحت المكان بعد وكلتي اروح وياك الا انتف شعرج هسه لو ما انتي

جنتي وياي جا هسه طافر اني وماخليت هالشويب يطكني هيج ع ظهري وهو ابو الراهي عليه

ايلين : انيي شعليه كله منك انته

سرمد : اياا حقيره نوب من وراي

ايلين : اييي وكعدتت ابجيي

سرمد : هسه شبيج تبجين ما احجي بعد بس سكتي

ايلين : خايفه يكول ماما علينا و تكتلني

سرمد : ابتسم وكال ام دمعيه اني وياج لا تخافين

ايلين : اكولك شيي بس ما تضحك عليه

سرمد : كولي ام دميعه

ايلين : احب المغامره والاستكشاف مو بايدي

سرمد : اييي واني طايح بيها من وراج

ايلين : ليشش انته شعليك

سرمد : مو انتي شعرايه كلبيي

ايلين : شنو شعرايه كلبي

سرمد : بعدج صغيره من تكبرين تعرفين

ايلين : رجعت البيت ضليت العب ويا حورا

و مازن ليل الكل كعد و خوالي يلعبون بلي

واحنى جلبنه إلى نكعد يمهم و نباوع عليهم

ضلو يلعبون وخلص الكيم الكل طش من صاله

الي راح يجيب حلويات والي راح يغسل وكل مكان

بقى وسام اخو سرمد جبير سرمد يصير ابن عم امي

رحت يمى وكتله

ايلين : وساام خلي العب وياك كيم حباب

وسام : تعالي كعدي بصفي واخليج تلعببن

ايلين : اجيت وكعدتت بصفه لزمت الايده وردتت العب

بس ما حسيت إلى وسام سحبني يمه و باسني بقوه

ايلين : وخرر مو عيب سوي هيج حقير

وسام : اشش لا تحجين ولجج اموتج

ايلين : إلى اكول الخالو عليك هسه من يجي

وسام : ههههه بس تكليله يكتلج و يكول الامج وبعد

ما بخليج تلعبين ويا احد ولا تجين هناا

ايلين : ردتت احجي بس دخلت مرت خالي و جهال

اني طلعت ابجي من البيت وأمسح دموعي شفت سرمد واكف يم باب شافني ابجي نصدم واجه علي

سرمد : تعااليي وييين رايحه

ايلين : لا تجي يمي روح

سرمد : تعاليي ولجج نجبي احجي شبيج

ايلين : وخخررر لااااا تجيي يميي روح يلااا

كلكمم اكرهكم ما احبكمم كلهم ضليت ابجي

مختنكه كلشش من شافني هيج سحبني

يمه ولزمني من ايدي وكال

سرمد : شبيج يحيلي منو وياج احجيلي

ايلين : حبااب عوفني اروح الامي أريد انام

سرمد : نجبي و تعالي نتمشى اني وياج مادام كلهم

ملتهين وتحجيلي شبيج

ايلين : ضلينه نتمشى وكف يم محل اشترالي

جبس وعصير سميري انطانياهن وكال

سرمد : يلا سولفيلي شبيج يحيلي

ايلين : اخوك

سرمد : شبيي ويا اخو منهم

ايلين : ضليت ابجي وخليت ايدي

ع وجهي سحب ايدي وكال

سرمد : احجي ولا تخافين يروحي

ايلين : تروح تحجي ماما و تكتلني

سرمد : نجبي لا جابتني امي اذا طلعت سالفتلج

ايلين : أحلف ما تكول امي عليه

سرمد : وداعت عيونج ما احجي بس سولفيلي

ايلين : عيبب تحجيي هيجج

سرمد : ياابه بطلت بس سولفي شلعتي كلبيي

ايلين : اخوك وسام سوه حركات مو زينه

وكفني بنص طريق ولزمني من اجتافي

و هو مخنزر و عاكد حواجبه وكال

سرمد : مثل شنو حركات مو زينه

ايلين : باسني منا و اشرت ع شفتي

ردتت اسويها اشرلي وكال

سرمد : لاا تكملين عيبب و هو عيونه صايرت نار

ايلين : لزمني من ايدي بقوه وكال

سرمد : امشيي اوصلج للبيت

ايلين رجعني للبيت وصلني للباب وكال

سرمد : بعد باب ما توصلينه إلى أحد وياج

وما تتحركين ولا طلعين وحدج فهمتيي

ايلين : كتله خوش شافني دخلت للبيت وراح

ام ايلين : هاا يمه شو وحدج اجيتي

مو كتلج لا طلعين إلى واحد وياج

ايلين : ماما سرمد اشترالي وصلني من دخلت راح

ام ايلين : ها زين عبالي وحدج همزين

سرمد خايف عليج

ايلين : ماما حنام اني

ام ايلين : روحي يماما فرشتلج نامي

ايلين : رحت غسلت ونمت ...

كعدت صبح محد بلبيت كمت غسلت

لكيت ريوك ع ميز كعدتت اتريك شوي و دخلت ماما

ام ايلين : ييماا صابه ولد اندري

ايلين : شكوو ماما شبيج يا ولد

ام ايلين : هذا سرمد بارحه متعارك ويا وسام

وضاربه و صايره هووسه وهسه وسام طالع من بيت

ايلين : رجف كلبي بس لا صاير شي بنفس وقت

فرحت و زعلت فرحت لين سرمد اخذ حقي

ونفس وكت زعلت تعارك ويا اخو بسبي

سكتت وما حجيت ماما ايي شيي

مرت ايام سرمد ما يجي ولا يسئل

عليه كم مره رحت البيتهم ورتت احجي

ويا بس هوه يعوفني و يكوم ولا يسمعني

نقهرت كلش هوه الاوحيد الي ما يسويلي

شي ولا يضوجني اثق بي وما اخاف ابقى

ويا حتى وحدنا داما يهتم بيه و يدافع

عني وما يخلي أحد يضربني ابددد

ايلين : هااي طفولتي عانيت هوواي

بس سكتت وما حجيت الأحد غير

سرمد لين هوه يأخذ حقي بس

اكو بنات ما يحجن وسبب هذا

شي يخسرن هوواي وتدمر طفوتهن

يتببع......

///الكاتبه بنين عباس///

هااا شلونه بارت حلوو لااا

لا تنسون تفاعل نيااتي احبكم وايت وايت

لا تحب المرأة، إلا الرجل القادر على حمايتها ❤🥺

عدد كلمات 1236

بسم الله الرحمن الرحيم

ماعوفك بعد ماخذ عهد عالروح

وأقبل لو حطب عالنار ترميني

أتنفس هواد بزحمة الدخان

وأكولن هم يحن كلبه ويطفيني

مو ثوب وينزعك جسمي حتى ارتاح

ولا كل يوم طبعي بثوب تليني

مادور مت عزة نفس وياك

بس ينجاب طارى اسمك يبيني

محتاجك حبيبي بكثر ما محتأج

واحد يفتهم حجيي ويحاجيني

...... بارت رابع

///الكاتبه بنين عباس///

ايلين : مرات الايام والشهر وسنين وكبرت هذيج طفله

الجانت بعمر سبع سنوات صارت صف سادس ابتدائي

الي صارت تستحي تطلع وتلعب بعد ويا أصدقائها

ام ايلين : ولججج يمه كومي راح صير ب ثمانيه

ايلين : فزيت وباوعت ساعه ب سبعه ونص فركت عيني وكلت

ايلين : صباح النور ماما

ام ايلين : صباح النور يمه يلا كومي ما ضل وكت

ايلين : كمت غسلت و غير ملابسي ولبست ملابس

مدرسه نزلت صبحت ع الكل وطلعت مدرسه

وصلت ولتقيت بصديقاتي دخلنه لصف وهيج

من درس درس لحد ما خلصنه سلمت ع صديقاتي

ورجعت للبيت تعبانه تغديت و نمت ما كعدتت إلى

العصر نزلت والكل جان موجود

ام ايلين : يمه حظري روحج رايحين نزور كلنه

ايلين : منو راح يروح ويانه

ام ايلين : هم كلهم كلمن بسيارته

ايلين : هااا صدك شوكت يعني نروح

ابو ايلين : خلي اخابر ابو سرمد وانشوف شوكت يطلع

ايلين : خابر بابا وتفق وياهم شوكت يطلعون اني كمت احظر روحي وامي ضلت تحظر كملت نزلت ضليت

انظف وياها صعدت لبست ملابسي و فوكاهن عبايه

اخذت جنطتي ونزلت يمهم بابا خابرهم وكلهم احنا طالعين وهم طلعو ويانه طريق طويل خليت راسي

ونمت لحد ما وصلته راحو الكل يزور اني كعدتت

بقينه للعصر ورحنا كربلاء زرنا وكملنه ورحنا نرتاح

ليل كالو نروح للكاظم عليه سلام وبعدها نروح سامراء فرحنا كلنه بعدها زرنا كاظم عليه سلام

وطلعنه سامراء الكل راح يزور واني منتظرتهم

و كاعده اباوع ع زورار و ع ناس و أجواء زياره

واني كاعده اسمع صوت واحد ع بالك يتعارك يكولي

سرمد : عيني من رخصتج بس كاعده ع جنطتي اريدها

ايلين : انطيته جنطه وما حجيت شي

سرمد : مشكوره

ايلين : بقيت ساكته ومدكنه كال

سرمد : الظاهر خرسه الاخت وخله وراح كعد مقابيلي

ايلين : اشو هذا اجه وكعد مقابيلي ف واحنه كاعدين اجه خالي يصير زوج اخت سرمد كالي

منتظر : هاا لولوه كاعده بوحدج دلعي جان

ايلين : كتله راحو يزورون وبقوني يم الغراض كال

منتظر : سلمتي ع سرم. اني بقيت صافنه طفر سرمد من يمه كال

سرمد: اكلك منتظر هي هاي منو كاله

منتظر : اتغشم روحك ولك كاله

سرمد : باوع علي وكال لا والقران بس

صدك ماعرفتها منو هاي

ضحك خالو منتظر وكاله

منتظر : ولكك هااي ايلين شبيك ما عرفته

ايلين : اباعلك الوجها بقه ينطي الوان وبس فاتح عيونه وشويه وكمز ع بالك منتول كاله

سرمد : كول غيرها يمعود هاي شبسرعه كبرت

بقه يضحك خالو وكاله

منتظر : مثل ما انت كبرت هيه هم كبرت

ايلين : يماا واني مدري شصار بيه من عرفته

هو سرمد نفسه كل شويه ارفع راسي اريد اباعله والكا عيونه عليه وانزل عيوني ع السريع وهو من يشوفني انتبه عليه يسوي روحه ميشوفني بعدها

الكل خلص زيارته كعدو يسولفون اني شويه

وكمت اريد اروح للمغاسل ف رحنه اني وحورا بت عمو علي انتبهت سرمد جان واكف قريب و يخابر

مرينه من يمه وصاح

سرمد : لكفتك ولك بعد شيخلصك مني شويه والظاهر الجان يحاجي استغرب ليش يكوله هيج

سرمد : نجب يخوي مو عليك

ايلين : بقيت صافنه شعنده يحجي هيج شويه وسحبتني حورا وكالت

حورا : امشي ولج شعندج صفنتي جنج ابو صابر

من دخلنه للتواليت كالت

حورا : ولج شنو هذا سرمد شصاير غير يطك بالكاع

ايلين: كلتلها يي ولج شفتي الفلك متغير 180 درجه وين راح ذاك ع بالك مبدلينه كالت

حورا : بس تدرين ولج عيونه ماطاحت من عليج من جنه كاعدين لحد ماكمنه

ايلين : كلتلها شسويله قابل افكس عيونه واكوله لاتباوع اجت موحده دخلت يمنه للحمامات وسكتنه

رجعنه كعدنه يمهم ولكيت سرمد جايبلهم كلهم موطه ويوزعلهم كلهم انطاهم موطه بالحليب بس من

وصل يمي طلعلي ام الككو

سرمد : الاعرفه عنج تحبين بس ام الككو

ايلين : هاا

سرمد : بعدج لو بطلتي وغمزلي

نطت اختي الصغيره من يمها وكالتله

يليا : لا بعدها تحبها كلشش

ايلين : انطانيها و هو يضحك وكال راوئ

سرمد : اييي اني هم احبهاا من زمان

ايلين : رفعت عيني اله و هو يباوع

ستحيت ونزلت راسي وكتله

ايلين : شكرا

يتببع...........

///الكاتبه بنين عباس///

اتمنى تتفاعلون بروايتي 🥺

بسم الله الرحمن الرحيم

في المدرسة يعلموننا الدرس ثم يختبروننا ..

أما الحياة فتختبرنا ثم تعلمنا الدرس .. قد تقصر الحياة

وقد تطول .. فكل شيء مرهون بالطريقة التي نحياها بها ..

ولكل واحد منا هناك ضعف وقوة ..شجاعة وجبن .. صمود

واستسلام.. نقاء وقذارة .. فالمخلص يقاوم والغادر يستغل

الفرص لينا منا ...

فأن كنا انقياء لانعرف خبئهم سنعاني منهم كثيرا..

///الكاتبه بنين عباس ///

.... فإذا جن اليل

بارت الخامس

ايلين : انطانيها و هو يضحك وكال ايليا

سرمد : اييي اني هم احبهاا من زمان

ايلين : صحكت ع كلماته شو هذا صاح

سرمد : سد حلكك ولك منا عالم ضحكتك

جيب تايهه لا اكسر سنونك بحلكك هسه

شوي وصاح عمي مو وياك سطرتني الله وياك

ايلين : رفعت عيني اله و هو يباوع

ستحيت ونزلت راسي وبقى يمشي ورانا

حورا : ولجج هذا خبلتي

ايلين : منو خبلت شبيج

حوراء : ولجج هذا سرمد يمشي ورانا

ايلين : لا مو هو ويانه ليش يراقبنه

حوراء : دنجبي هذا وقع بلحب نظره االاوله

ايلين : ولجج لحد يسمعج يا حب هذا سكتي

سكتت واجن زينب و مريم بنات عمي التفتت شفته

مخنزر و يباوع علي خفت من نظراته جيت اروح امي

لزم جهاز و سوى روحه يخابر وتقرب من يمي

سرمد : خطي شعرج بنت كلبي

ايلين : رجف كلبي من كلماته عدلت حجاب

و كعدت يم امي لتمينه بنات وضلينا نسولف

لحد ما اجى خالو مرتظى و عمو علي و بيبي

علي : شنو يلا ما نرجع بعد شعدكم

مرتظى : شعدهم بعد صار ثلاث ايام ما شبعتو

ام علي : هو اكو واحد يشبع من جنه

زينب ام حوراء : هو راح نلحك ع بيت

علي : عندي شغل بعد ما اكدر غير مره نجي

ام علي : انشاء الله يمه نجي ونزور

ابو ايلين : حجيه اجيبج بقرب وكت

ام ايلين : انشاء الله يلا خلي لم اغراص

ايلين : تحظرو ولمو غراض اخذوهن لسيارات

راحن بنات لحمامات وامي وياهم بيبي بقيت

منتظرتهم قريب ع سيارات وحدي بقيت كاعده

سرمد : شعندج كاعده هناا وحدج

ايلين : فززتني هو هيج

سرمد : عذريني يابه ما قصدي بس ليش كاعده

ايلين : ماما و بيبي وبنات راحن حمامات هسه يجن

سرمد : وليش ما رحتي وكفتي يمهم واكفه هنا وحدج

ايلين : ما ادري بعد هسه اروح الهم

سرمد : وكفي ولج ليش مستحيه مني اكولج شي

يوميه افكر بيج و اكول كبرت لو بعدها هذيج طفله

الي تدبج على كلبي جانت مخبلتني بسوالفها وبرائته

ايلين : هو يحجي واني ميته من الخجل واكمت اعرگ ومدنكه م ارفع راسي إلى اببد

سرمد : بس رفعي راسج خلي اشوفج قبل لا نروح ومامعلوم شوكت اشوفج بعد

ايلين : بقه يلح حتى ارفع راسي ورفعت راسي شويه وشفته عيونه تتنقل ع وجهي كله وصاح

سرمد : بويه اول مره اشوف تفاح لبناني هالكد حلو جنت اسمع بي بس هالمره شفته ع الحقيقه

سرمد : لاتكطعين بيه رحمه الاهلج

ايلين : بقيت فاهيه بس اباوع علي

سرمد : اني راح اروح هسه قبل لايجون وتصيرلنه سالفه بس اوعدج مو الاخيره وهاي امج اجت يلا باي

والنوب اجو ورجعنه كلمن بسيارته بعد مرت الايام

ايلين : يوم من الايام كعدت من الصبح ع المعزوفه الجميله صوت نبع الحنان وهي تعيط بينه تكعدنه

ام ايلين : كومن ولجن يلاا اليوم معزومين وجدجن خابر من الصبح يريدني اساعدهم وانتو لهسه نايمات

ايلين : هااا صدكك ايي كايمه كومي غزوله

غزل : اهوو هم عزايم و هوسه

ام ايلين : نبجي و كومي يلا لا ضلين فاهيه

ايلين : شكد فاهيه كومي عزلي وياي الغرفه

غزل : ايي انتي تكيفين ترحين الحب موجود

ايلين : نجبي معليج انننن لا تغارين مكو بجماله

غزل : ايي مو هو مدري منو خلي احظر روحي احسن

ايلين : بما انو امي الجبيره اكبر وحده بخوالي فا دائما يحتاجونها بكل شغله صغيره وجبيره وبكل مناسبه يعني ينطبق عليها مثل بكل عزه بطامه بعد ما كملت

الغرفه فا هم مسوين عزيمه جبيره وجايبين ذبايح

وخبصه كعتتنا ورحنه ركض وحده تدفع بالثانيه منو تكمل اول حتى متحصل رزاله ناشفه من الصبح من الوالده

ايلين : اننييي اول اخلص

غزل : لا انييي انتي وراي

ايلين : طيري من اكمل يلا انتي

ايليا : كاافي تتعاركن خلي اخلص اني وانتن وراي

ايلين : خببب نجبييي آخر وحده انتي

غزل : ليش مو انتي اخر وحده تلحكين و غمزت

ايلين : عاابت اني حلوهه ماكو داعي امدح بروحي

غزل : الله على ثقه كلش زايده هلايام هههه

ام ايلين : ولجننن كاافي خبصتن البيت

خبص دهر صابجن

ايلين : كملنه وكالمعتاد اني الي مأخرتهم بكل طلعه وتصير الزراله من نصيبي ههههه

ام ايلين : ولجج يلااا ايلين فضيها ساعه

سوده كتلج تعالي بيها صار ثلاث ساعات

وما مخلصه شتلعت ما تكليلي

ايلين : ماما بس حجابي وهاي هيه

غزل : هو حجاب ما يرادله هلكد حبيبتي

ايليا : يلا راح نتخر شسالفه

ايلين : بس حجابي عدل لو لا خلي اشوفه سريع

ام ايلين : ولججج انتي راح جلطيني امشي

ايلين : ماما خلصت خلصت والله بس دقيقه

ام ايلين : انتي ما يفيد وياج بس كتل نزعت شحاطه وصرخت

ايلين : ياااااا ماما عليج الله خلصت بعد

ام ايلين : مو كتلج بس كتل ينفع

وياج الله يساعد الياخذج جلطي

غزل : الله يساعدك يا سرمد ( صوت ناصي )

ايلين : اششش لا تسمع ماما

غزل : هههه سكتت

ام ايلين : امشن لنتأخر وابوجن يعيط بينه النوب ويتعكر مزاجنه ومن وراج ورا حجابج الف مره رجعتي

ام ايلين : وهي تمشي وتصيح تاليتي موتي ع ايدج

ترديني تجلطيني انتي

ايلين : اسم الله عليج يمه عمري قبل عمرج انشاء الله

ايلين : بيت جدو قريب علينه بعد شارعين تقريبا

فا مرات نروح مشي ومرات سياره رحنه مشي الهم واحنه نمشي واشوفلج ذيج الشوفه الي ترد روحح

الي متربع بخيالي ليل و نهار يسرح و يمرح

ببالي بكيفه واشوفه كبالي التفتت غزلى اختي

تعرف بينه اني ويا مسولفتلها كلشي صار وياي

ايلين : و اشوف ذاك الطول وذيج الهيبه والنوب تشيرت نيلي نص والجكاره صفح بحلكه ويساعد وي خوالي واني عاد منا شلوني

ايلين : عليج الله كرصيني وكليلي ثكلي ايلين عيب وضلي رزلي بيه بلكي ضميري يشتغل وكرامتي

غزل : العوبه نزلي عينج فضحتينه انتي ويا ذاك فاتح عيونه وحلكه وانتي ع باله بغير عالم

ايلين : صدكك عليج الله هيج ممبين عليه

غزل : بس تصفنين وين الله وكون توكعين هسه بالشارع كدام امة محمد ويصير الضحك عليج بفلس حتى تبطلين خفه و تستحين شويه

ايلين : وصلنه يمه وجان ياكل امي اكل بالسلام ع بالك مفاركها سنين

سرمد : هلاا والله بنت عمتي الغاليه مشتاقلج

شلونج اخبارج امورج احوالج

ام ايلين : الحمد الله بخير انته شلونك اخبارك

سرمد : الحمد الله من شفتج صرت بخير

ام ايلين : انشاء الله دومك بخير داخله اني

سرمد : تفضلي فوتي فوتي

ايلين : دخلت امي واحنه وراها واني بقيت اخير ،

وحده خله ايده ع كلبه ويباوع ليكدام حتى لحد ينتبه ويحجي همس

سرمد : بويه والعباس توني تنفست وردتلي روحي

ايلين : اني من سمعته طفرت طفره اجيت اوكع

لا يلكفني واحد من خوالي و اروح بيها وكتلي

يصير رفس برجلين هههههه

سرمد : ع كيفج يابه ما ناكل بشر احنى

ايلين : دخلت سلمت على الكل وضلينا نشتغل

ويا بنات و خلاتي رحنه كعدنه اني و حوراء مريم

غزل ب الاستقبال ويا خوالي و اهلي دخل بهيبته

سرمد : يلاا كومو بسرعه خلي نكمل شغلنا

علي : كاله هاا مو مساع تصيح مابيه حيل ولحد يصيحني ع شي شتغير هسه

سرمد : بويه اجتني جرعه مال واهس وتفائل ليش ماتخلي الواحد يشتغل براحته

خالي منتظر : ومنين اجت هاي جرعه مال واهس

سرمد : ابتسم و باوع علي و كال .....

يتبع........

عدد كلمات 1132

اتمنى عجبكم البارت

لا تنسون تتفاعلون تصويتكم يشجعني ريكم مهم

الكاتبه بنين عباس

حسابي انستا ul__baneen

......................................................................

شكلك شعتذرلك.. قصرت وياك

جرحتك يا ترف انه شكثر خـجلان

انت القدرت جرحي وعشت وياي

انت النشفت دمعي وصرتلي احضان

انت الفيرتني ورجعتلي الشوك

وانت الفتحت كلبك الي بستان

زعلتك صدك .. بس والله ما مقصود

ابريني الذمه باجر ورانه حساب

                  بسم الله الرحمن الرحيم

اريد اوصف جمالك حاير منين

من شعر السرح لو من الايدين

يالعطرك ورد ومكحل العينين

يالكلك ترافه وناعم الخدين

يا أبيض كطن يالحاجبك سيفين

ربك من عسل سواك مو من طين

سحرت الناس كلهه معدل الزين

ماظنك بشر جاوبني انت منين

جمع بيك الإله الوصف مال اثنين

شمس بالكون وحده وانت شمسين

/// الكاتبه بنين عباس  ///

بارت سادس

علي :  هاا مو مساع تصيح مابيه حيل ولحد يصيحني ع شي شتغير هسه

سرمد :  بويه اجتني جرعه مال واهس وتفائل ليش ماتخلي الواحد يشتغل براحته

خالي منتظر : ومنين اجت هاي جرعه مال واهس

ابتسم و باوع علي و كال ..

سرمد :  بويه ارتاحيت هسه ارتاحيت اجتني نسمه بارده

خالي منتظر : وليش احس هاي نسمه

وراها شي وغمز ال سرمد

سرمد : انتتت انجذبب معليك

علي : ولكك ما مرتاحلك اكو شي

خالي منتظر : لا يابا ضاهر الاخ واكع ومحد سمه علي

سرمد : شبيكمم كتلكم واهس و بطلت ما اساعد

علي : كعددد ما ساعد شنوو

خالي منتظر : ايي من زمان وتعالي يا نسمه بارده

سرمد : ولكك انت ما تلصم لو تريدنه نحجيي

خالي منتظر : لا ياباا اكفيني شر سكتت بعد

سرمد : من بدايه وهيجج صير حباب يا اخي

ايلين : طول ما هم يحجون الك صافن ويضحك

عليهم واني جنت طايره بعالمي وما ادري وين وصلو

اباوع عليهم وبقو يتداهرون ويتشاقون بينهم

الحد م اجه وقت العشه وتجمعنه بالمطبخ حتى نحظر مواعين وغيرها اجتني حورا و غزل كالو تعالي نساعدهم رحت وياهم المطبخ جان متروس اقارنه

عماتي و خلاتي ولدهم بناتهم واني دخلت ولكيته مجتمع وياهم اول مدخلت كبل رفع عينه وخزرني

ايلين : اني كبل دنكت وسويت نفسي م اشوفه

اجه يمي حتى ياخذ غراض

سرمد : يحجي من بين سنونه كالي راح اتحرك اني منا قبل لا التفت كون ما  المح ضلج هنا بالمطبخ فهمتي لو لاا

ايلين : سويت نفسي م اسمع وبقيت افتر و ساعد وياهم التفت ولكاني بعدني فتح عيونه ع وسعهن

ورفع حواجبه وبقه يخنزر بيه واني عادي ولاكانما  اشوفه و حورا و غزل خربانات ضحك على غيرته

اخير شي صاح بصوت عالي بالمطبخ

سرمد : يا محمد الصبر الصبر

ايلين : واني اضحك عليه من جوه ليجوه

غزل : ولجج الولد راح ينجلط طلعي

حوراء :  لاا ولجج ابقي وين بلا يوصل

غزل : لحد ما هو يجي يطلعا او يشمرها برا

حوراء : مو بعيده علي يسويها

ايلين : بقى يباوع ويخنزر  ويشر عود طلعي برا

اني اغلس و ادور وجهي هنا قريت ع روحي سلام

شويه وصاح

سرمد : يلاا بويه ولا وحده تبقه بالمطبخ 

شني وكفتجن بيناتنه

منتظر : وين خليهم هنا يساعدن

سرمد : لاا خلنه احنه نكمل شغل

علي : شنكمل ما تكلي ابقو ابقو

سرمد :  لاا خلينه احنه نكمل يلا بسرعه تحركن

زينب :  ياا وين تندل الغراض انت

سرمد :  انفش المطبخ نفش واطلعهن بس تحركن وطلعن انتن رحمه الوالديجن

ام علي : يااا شمالك اليوم خليهم بنيات يساعدن

سرمد : لاا ماكو داعي احنه كلنه نساعد خليهم يدخلن

ايلين : شويه وصاحني ابن عمي يحبني هم ويتخبل من عنده سرمد

مهند : لجج ايلين

ايلين : هاا صحتني

مهند : ايي ولجج ميتت عطش ماي فدوا عيونج

قبل لا طلعين

ايلين : ايي تدلل هسهه اجيبلك

مهند : ما يدلل عليج ظالم

سرمد : هسهه انننيي اجيبلك ماي

سرمد : ويلاا ما طلعين انتيي شلزكتي هنااا 

ايلين : طلعت من المطبخ والتهو هم يصبون العشه ورا العشه صاحني ابن عمي كالي

مهند : تعاي صبيلي جاي

ايلين : ايي لحظه

ايلين :  جيت اصبله ودخل سرمد للمطبخ صاح

سرمد : هاي شكو هنا

مهند : كال عادي  تصبلي جاي عندك اعتراض شنو

سرمد :  بويه نسوان هنا تريد تاخذ راحتها شنو سوايتك  هنا وهو الوجه محتقن والعيون حمر من العصبيه على ساعه ينفجر

مهند : احترم نفسك سرمد ولتشوفني ساكتلك كل شويه شامر حجايه ومغلس بمزاجي

مهند : سوالفك ذني بطلهن مو عليه تمشيهن

سرمد :  يي بلا سوالفيش تعال سولفلي

ايلين : مهند  اخذ الجاي وطلع بدون ميجاوبه

اجاني سرمد  وجرني عليه وقرب وجها ع وجهي

سرمد :  وحق علي اذا الكاج معتبه باب المطبخ ضربني ع رجلي وكال ذني اكسرهن فهمتي اكسرهن الج

ايلين : سحبت ايدي منه وخرت عنه كتله

ايلين:  بس وخر من يمي اول شي ليدخل احد علينا  ويفتهمنه غلط

سرمد : كلهاا راح تفهم بس انتي ما تفهمين

عليمن احجي هيج

ايلين : لااا ما افهم وما أريد افهم وخرر يلا من يمي

وثاني شي منو انت وتحاسبني ابويه اخويه ابن عمي خطيبي زوجي ترا مهند  الي قبل شويه طلع يكدر يحاسبني ع وكفتي وياك مو انت تجي تحاسبني فهمت لو لا يلا وخرر خلي اطلع

سرمد :  ولج ايلين  صايره تطولين السانج عليه

ايلين : ما طولت لساني عليك

سرمد : بس ميخاالف اعبرها الج هالمره

ايلين : ليش يابا اكو بعد مره

سرمد : مو كتلج لسانج صاير طويل

ايلين : طلعت لساني وكتله شوف مو طويل

ضحك وكالي

سرمد : بس بعدج على خبالج القديم

ايلين : يعني هسه اني مخبله

سرمد : لاا يابا حشاج من خبال

سرمد :  تردين تعرفين انتي منو

ايلين : كتله يي بلا منو انني

باوع عليه بنظرات ما عرفت افسرها

حجه بصوت ناصي وقريب علي

سرمد :  انتي شعراية كلبي وروحي من هالدنيا كال عرفتي هسه منو وغمزلي ويضحك

ايلين : مدري شصار بيه عركت وبقيت

اتلفت بمكاني وخليت وشردت من المطبخ

اسمع بس ضحكه ويصيح وراي

سرمد جا وين راح السان طويل

ايلين : اسمع كلماته وضحكاته واحس نفسي

طايره مو بهذا العالم ابببد كلماته متروح من بالي

شعرايه كلبيي وأخيرا عرفت شنو هاي كلمه

يتببع..........

//الكاتبه بنين عباس//

هلوو نيااتي شلونكم مشتاقتلكم كوومه والله

انتو اهلي انتو عالمي الحلو الي احبه الي وعشقه

كل ما ازعل او اضوج اجي افرغ همي يمكم

بس هلايام كاعد اقصر بحقكم وحقي هم

كاعد امر بضروف صعبه كلشش تعبانه

نفسيتي اطلب منكم طلب اذا تخرت

ب تنزيل بارت اعذورني وهم بطلتنه

عدها ضروف وانشاء الله تنحل

لا تنسون انطوني رايكم ب  الاحداث

وهاا شجعوني بتصويت وكلماتكم الحلوه

الحياه مستمره لا تتوقف .. 🖤❤

                 بسم الله الرحمن الرحيم

نتعثر كثيرا في حياتنا .. لكن عثراتنا لاتسقطنا ..

تخيب آمالنا.. تنهار أحلامنا.. نفشل.. تعترضنا حواجز

نعجز عن تجاوزها.. ندخل متاهات.. نضيع في منتصف

الطريق.... نتمنى شيئا بقوة لكنه لا يحدث .. نبذل

جهدا كبيرا لكننا لا ننجح.. لكننا لاننهار نقف من جديد

لأسترجاع ماخسرنا .. حتى لو اقدارنا نحتتها الظروف

سنستمر بالمقاومة والنهوض ..

ونفهم حكمة الله في غلق الابواب .. هو بذلك يفتح بابا

أحسن وأوسع وأنسب..

هي الثقة بالله التي تجعلنا لا نحزن، لا نتحسر، لا نيأس..

الثقة بأن الأبواب التي تغلق .. هي في الواقع تغلق لأجلنا

ورحمة بنا.......

فإذا جن اليل

..............بارت 7

///الكاتبه بنين عباس///

ايلين : مدري شصار بيه عركت وبقيت

اتلفت بمكاني وخليت وشردت من المطبخ

اسمع بس ضحكه ويصيح وراي

سرمد جا وين راح السان طويل

ايلين : اسمع كلماته وضحكاته واحس نفسي

طايره مو بهذا العالم ابببد كلماته متروح من بالي

شعرايه كلبيي وأخيرا عرفت شنو هاي كلمه

ايلين : مشت الايام واجه محرم وخلص واجه وقت الخدمه والمشايه وعدنه حسينيه ع طريق المشايه بعيده عن بيوتنه نعوف بيوتنه ونروح نخدم من تخلص المشايه الي ع طريقنه وتقرب الاربعين نرجع لبيوتنه

و سرمد  السنه يخدم ويانه رحنه وبدينه ننضف ونفرش ونحضر الغراض الي ب حسينيه  سرمد  كل شويه يجي شايل شي بيده وكل شويه وصاح

سرمد :  كواهن الله خادمات

رد الكل علي  : كوالله حيلك

سرمد  : يابه محتاجين شي

ردتت علي زينب مرت علي

زينب : لا يمه سلامتك ما محتاجين شي

سرمد : بويه التتعب خلي تستراح

لاتعب روحها كلش

حجت ام علي

فدواا الخدمت ابا عبد الله هيالنا كاعد نخدم

سرمد : مجورين انشاء الله

ام علي : بس لو هاي فصعونه تكعد ترتاح

سرمد : منيه هاي فصعونه

ام ايلين : ايلين مريضه

حجه هو متوتر

سرمد : شبيها مريضه اخذها مستشفى

ام ايلين : فلاونزه تروح وعدها

علاج ماكو داعي بعد ناخذها

سرمد : ها زين لا تعب روحه

ام علي : ما ينخاف عليها خليها كاعد

تخدم وترتاح كل شوي خليها سباعيه

ام ايلين : ايي مرتاحه

ايلين : صادفت بوقتها اني مريضه ف اشتغل

واروح اكعد شويه وارجع اشتغل وهكذا مرتاحه

اخدم وما اتعب دزيت واحد من الولد ع مي حتى اشرب علاجي شفت طفل صغير صحت علي

ايلين :  فدوا ما جيبلي مي من هناك

الولد : ايي هسه اجي واجيب

ايلين : انتظرت الولد يجي وماكو و غلس ما جاب

شويه واني كاعده واشوف ايد نمدت وبيها كاستين مي

باوعت ولكيته سرمد ياوع نظرات كلها حنيه

وحب رغم اخجل منه وما اعرف شلون دره

سرمد :  اذا تردين شي بس كلليلي لو دزي واحد عليه

ايلين : هزيت راسي معنى فهمت رد علي

سرمد : معليج بذول الكواويد

ايلين : صفنت ع كلمته وستحيت ارد علي

سرمد : ومو تبقين تودين الرايح والجاي

انتبهي مره ثانيه

ايلين : ابتسمت بوجها وكتله مشكور

سرمد : باوعلي وابتسم وكال خايبه اندار فدوه الهالابتسامه وهالوجه

ايلين : اني من مستحاي كمت من الكرسي واريد امشي واسحك ع طرف العبايه وعثرت وكعت

يبووو ع حظي وين اودي  وجهي من الفشله والنوب كدامه خرب حظيي الغبر اي والله

هو كبل فز وطفر يمي اجاني لزم ايدي من ورا العبايه وكال

سرمد : كومي بويه كومي هيه هاي سوايه تسوينها

سرمد : تستحين غطي وجهج لو سوي نفسج متشوفيني

ايلين : اني اسمعه يكولي هيج وغطيت بنص هدومي من الفشله رغم واني صغيره ابد ما استحي منه بس

هسه ما اعرف نفسي اببد حتى سلام استحي اسلم

عيوني غوركن بالدموع وكتله

ايلين :  وخر عني اصلا اني معثرت بس ردت اشوف

كالي و هوه يبتسم ويباوع علي

سرمد :  شتردين تشوفين بلا الكاع سيراميك لو مرمر

ايلين : حرت وحيرته وياي كمت ابجي واضحك

بنفس الوكت و هو صافن بوجهي وصاح

سرمد : دخيلك يالحسين تخبلت البنيه

الله يهديج بجاه مشاية الحسين

ايلين : ستوني ردت ارد عليه وكامو يصيحون باسمه

كبل التفت عليه وكالي

سرمد :  امشي دخلي جوه ليشوفونج واني

راح افتر من الباب الثاني

يتببع.......

/// الكاتبه بنين عباس///

بنين : تعبانه وما اكدر اكتب هواي اعذروني

وما أريد اكتب بلبارت طويل ما اريد تكون بارتات

قصيره اتمنى تتفاعلون و تنطوني ريكم بلقصه

                  بسم الله الرحمن الرحيم

المرأة كالقهوة الساخنة في يوم بارد ممطر .. تشعرك

بالدفئ والطمأنينة والراحة .. لكن ان أهملتها أصبحت

باردة .. حتى في مشاعرها ..

طبيعة المرأة منذ ولادتها تمر بمراحل متعددة ..

المرحلة الاولى .. الطفولة واللعب والبحث عن حضن

داف ..

المرحلة الثانية .. هو الدلال والدلع للكسب القلوب ..

اما المرحلة الاخيرة فهي النضج والبحث عن الحنان

والعشق في قلب احدهم .. والانتقال من بيت والديها الى

بيت معشوقها وشريك حياتها ..

\\الكاتبه بنين عباس\\

  فإذا جن اليل ......بارت 8

كبل التفت عليه وكالي

سرمد :  امشي دخلي جوه ليشوفونج واني

راح افتر من الباب الثاني

ايلين : طلع من حسينيه واني رحت

اخدم نسوان الي موجدات والي يجون

الايام خدمه مستمره ولاجواء حلوه

محبين الامام الحسين و زواره ننسى

كل هموم ونفكر بس بخدمت أهل بيته(ع)

وهذا شي ما كان يمنع سرمد من شوفتي

وبتسامته الي تنطي الدفى و الامان بحياتي

مره واني جنت اخدم بزوار و ازوع دخل وكال

سرمد : ايلين عيني كلاس ماي من يمج

ايلين : رغم اكو هواي كراتين ماي برا طلب منا

ستغربت هزيت راسي إلى بدون كلام و رحت

جبت الماي وانطيته اخذه مني وعيونه ما شالهن

عني ستحيت ودخلت مطبخ ويا

نسوان ساعدهم بقه كل شوي

كلما يشوفني يذبله حجايه لو يباوعلي

ويبتسم واني من خجلي ما اعرف شسوي غير انهزم

وهذا جان اسرع شي اسوي من اشوفه رغم اعرف

بكلبي هاوي من طفوله من يتقرب مني ما اعرف شيصير بيه كلبي يدك بسرعه وكنهه  دمام والكل

يسمع دكاته احب اكون قريبه منه بس معرف

شنو هذا الحساس وليش هيج احب قربه

ومره اني كاعده بالمطبخ مال الحسينيه واجاني كرار  ابن خالو صاحني

كرار : ايلين أريد احجي وياج بشغله

ايلين : رحتله كتله ها كرار شتريد

كرار : كال عندي شغله وياج

ايلين :  و شنو هاي شغله كولي

كرار : اذا واحد يحبج حب صادق وناوي

ياخذج تقبلين بي

ايلين : اني ع بالي يتشاقه ضحكت وكتله

ايلين :   يي ومنو هذا سعيد الحظ الي يريد

ياخذ الاميره ايلين  بعظمتها

صفن بوجهي والنوب كال

كرار : جاي احجي صدك ولج سرمد  يحبج ويريدج

ايلين : اني بقيت بس صافنه حتى م ارمش

ورحت بتفكيري الغير عالم

رجعني صوت كرار وهو يكلي

كرار :  هاا شكلتي

ايلين : كتله شو متستحي جايني هيج

عينك عينك وتكولي

ايلين : غيرتك وين ع بت عمتك المفروض تلطمه ع حلكه من يكولك هيج مو توكف ويا و تجي تكلي

صدك ضجت من سرمد  ومن تصرفه هذا بوقتها

وخليت ورحت منطيته جواب كرار رغم حاول

يحجي بس ما قبلت اسمع اي تبرير منه

للعصر دنحضر للعشه وصارو عدنه زوار هوايه

حتى الزلم اجت تساعد ويانه علمود نلحك

وكل طاوه نكلي بيها من ذني الكبار كلش جنهن

طشت واني جاي اكلي ع طاوه وشفت احد اجه وكام يطلع المستوي من الطاوه

رفعت راسي واشوفه سرمد  يباوعلي بخزره وعاكد حاجبه

شويه ودنك يريد يطلع وحجه من بين اسنانه

سرمد :  تردين يلطمني ع حلكي بسيطه

ايلين : اني فتحت عيوني مصدومه شبسرعه

وصله الحجي بقيت احجي بكلبي ايا جلب ياكرار بسيطه اني اعلمك صايرلي ام زكي ياخذ حجي ويودي

من حركة كلبي وصدمتي شمرت عجينه مال كباب قوي بالطاوه وبوقتها هو جان ماد ايده يريد يطلع من الطاوه والزيت جان يغلي ف كبل طفر دهن هواي ع ايده هو كبل صاح

سرمد :   اخخخ  وكام ينكت بايده

ايلين : امي شافت شلون ايده صار بيها من شمرت العجينه كامت تلطم وراحتله تركض

ام ايلين : يمه دهر صابج ايلين ما شفتي

ايلين : ما قصدي والله

ايلين :  امي تجيب معجون مال اكل وتخلي ع ايده

وتصيح

ام ايلين : يمه راح الولد من ورا الفاهيه

يمه شاكول لاهلك لو صايرلك شي وهو يكللها

سرمد : شسالفه مصار شي يابه قابل

طفل يحاجي امي ويبتسم ومن

تصير عينه عليه يخزرني

ايلين : واني منا ماخذتني الخوفه منا

حجايتي عليه ومنا هسه احترك من وراي

خرطت العافيه بقيت ارجف رجعت كلتله امي

ام ايلين :  عليك الله امسحها بوجهي فاهيه بنتي ادري بيها صفن بوجهي وكاللها

سرمد :  لايابه تمون هالفاهيه وصافن عليه وناسي الناس الملتمه عليه

ايلين : كالتله امي وهي تباوع عليه و علي

ام ايلين : شنو

فز  من صفنته  وكاللها

سرمد :  لا عادي عادي مصار شي تنسي

ايلين :  امي انتبهت عليه يباوعلي وحست اكو ان بالموضوع وشافت الموجودين شلون كامو يباوعون كبل عاطت بيه وكلتلي

ام ايلين:  امشي لج كملي بسرعه يلاا

ايلين : خليت ورحت واني جنت م اعرف مشاعري اله بضبط  حب لو اعجاب وبهالموقف مثل ميكولون من احترك ندليت مكان كلبي وين  وعرفت كل هاي مشاعر

هي حب صادق ونقي من طفوله وهيه عرفته زين

سرمد بعدها خله وطلع من المطبخ ورا

مخلصنه العشه ووزعنا وكلها طشت

دزيت طفل ع كرار ابن خالو واجاني

كرار : هاا شكوو

ايلين :  ولو جلب انت بس ميخالف

كرار : طيح الله حظج اي والله وشريده

ايلين :  عليك الله شلون صار سرمد

كرار : وانتي شعليج بسرمد

ايلين :  خاب احجي شلون صار

كرار : متأذي وايده متأذيه كلش

ايلين : عزاا كله من مني

كرار : وهسه عرفتي مو كلتلي

روح الطمه ع حلكه

ايلين : روح شوفه شلون صار

وتعالي بسرعه منتظرتك

كرار : انتو شنو عايفيني مراسل الكم

ايلين :  قبل ليجي احد ويشوفني هنا واكفه

راح بسرعه وقبل ليجي اجه مهند ابن عمو علي وشافني واكفه هنا اجه سألني

مهند :  شعندج هناا

ايلين :  يمه روحي روحي كلت هاهيه صار كتلي عمل شعبي توترت كلش وبقيت ادعي بس كون ميجي كرار هسه ويشوفه مهند كتله

ايلين :  هااا منتظره حمودي اخوي

يتببع........

هااا شلونكمم شلونه البارت عجبكم

أييي طبعاا يعجبكم غير تعبت

والكم سبع فدواات تعب

أريد من تقرون البارت ما تنسو تصويت

وتعليق الحلو ترا ريكم يهمني كلش

//الكاتبه بنين عباس//

عدد كلمات 867

                  بسم الله الرحمن الرحيم

مرة من المرات قرأت مقولة لـ ( نزار القباني )

الحزن يحفر التجاعيد على بشرة المرأة، فتذهب إلى

أخصائي في فن التجميل ( فيشدشدها ) وتستعيد عشر

سنوات من عمرها ..

بينما الحزن يحفر التجاعيد على قلب الرجل،

فيخسر عشر

سنوات من عمره ، ذلك لأن جلدة القلب غير قابلة

للخياطة

والتفصيل والترقيع والتعديل ..

حزني ماجعد بشرتي ولا كبرها بس جعد قلبي

و شاب قبل ان اشيب

//الكاتبه بنين عباس //

فإذا جن اليل ... بارت 9

مهند :  شعندج هناا

ايلين :  يمه روحي روحي كلت هاهيه صار كتلي عمل شعبي توترت كلش وبقيت ادعي بس كون ميجي كرار هسه ويشوفه مهند كتله

ايلين :  هااا منتظره حمودي اخوي

مهند :  خلي يجي ولتبقين واكفه هنا حاجي وبسرعه دخلي فهمتي لو لاا كتله

ايلين :  ماشي

خله وراح شويه واجه كرار كتله

ايلين : خاب احجي بسرعه احاجي واتلفت

وارجف خايفه لا يجي مهند

كرار :  يكول كلشي مبيه صرت زين ولتخافين

ايلين : هاا صدك الحمد لله زين

اثناء ماديحاجيني كرار رفعت راسي واشوف

مهند  واكف مقابيلي بالمطبخ وخازرني

يمه راحت روحي

كمت احجي وي نفسي صخام الصخمج ايلين  هسه

يسويلج سالفه هسه يروح يكول الابوي عليه  وكمت

اكرص بنفسي ومحاسه اجه مهند  باتجاهنه

وكمت اسوي الكرار حركات بعيوني حتى ينتبه

وميجفص بشي كدام مهند هو كبل لكف الاشاره

والتفت على مهند اجه يمنه وكال

مهند :  شعدكم هناا

ايلين : هاا

مهند : وانتي ولج مو ع اساس منتظره حمودي

اني كبل طفرت وكتله

ايلين : يي بعدني منتظره بس كرار جاي يحاجيني

اروح اجيب تشيرته يريده مخلي يم امه

وهو صدك كلالي

مهند :  روحي جيبي التشيرت يلا دخلي

كدامي حجاها بنتره ويخنزر

مهند : واذا اسمع لو اشوف لو المح جاي للمطبخ

هناا  ومحد موجود وبالليل متلومين الا نفسج

واني عندي حجي وي امج اشوف شلون

تخليج تطلعين بعد هيج وكت برا

كرار :  ع كيفك ابو الشباب ترا مجانت تسوي شي

شفتها واكفه وكلتلها ع التشيرت لتعظم الامور وترا

الواكفه يمه ابن خالها مو واحد منا منا ولا واكفه

يم هتلي حتى هيج تكب فهمت احترم نفسك

مهند : وشنو انت عاجبتك طلعتها بالليل ومحد

موجود وبس الزلم موجوده هيج وكت

راد يجاوبه كرار وسمعو صوت سرمد  جاي

باتجاهم ويكللهم

سرمد :  هاي شكو شصاير هناا شبيكم

التفت عليه مهند وكبل عاط بيه

مهند :  امشي دخلييي لججج شعندج

بعدج واكفه هناا

ايلين : اني كالي هيج واني شغلت محرك

بيب بيب واشرد اخوي عامر

لاكيت حورا بالمغاسل شافتني

رحتلها الطم واازلغ بخدودي كلتلها

ايلين :  ولج لحكي جيت اندفن هنا اليوم

جتني تركض كالت

حوراء :  شبيج ولج احجي خوفتيني

ايلين : سولفتلها السالفه كبل ضربتني

ع كصتي وكالت

حوراء :  هذذا المطي المدد بعقلج شوكت تطلعينه

حوراء : لو شايفج ابوج هسه شيسويلج غير يكطعج وصل ويسويج باجر تكه وكباب للزوار

ايلين : شسوي خفت لا صاير شي بيده وكلت

الكرار يطمن علي بس هذا مهند اجه وصار الصار

حوراء : هسه شنسوي خاف يكول

ايلين : ما ادري والله

شويه واحنه جاي نسولف ونسمعلج

كبت العيطه رحت اركض واشوف

اشوف امي وخالاتي وعماتي والنسوان كلهن

يباوعن من باب المطبخ الثاني الي يصير

ع الغرفه مال الجاي مال الزلم اشوف

امي تبجي وتلطم  ونسوان يمها

وساده الباب هي وخالتي وميخلني اشوف

اريدداشوف اريد اوخرهن كل شويه ودافعاتني

متحملت دفعتهن كل قوتي وطلعت صرت مقابيل الزلم

واشوفلج ابويه وولد شاب ابن واحد خادم بالموكب

يتعارك ويه ابويه وصايره بالسجاجين والحدايد

جاي هذا الولد للموكب سكران وكايم يفلش بغراض

الحسينه والكراتين مال كاسات المي كام يشككهن

ويذبهن بلكاع ودنيا ملتمه يمه و ابوي شايفه هيج

ومتخبل كاله

ابو ايلين: لا احترمت هذا المكان ولا احترمتنه

وطارده من الحسينيه

هذا سكران وتخبل شلون ابوي هيج حاجا. وطرده

ضرب ابويه وابوي لزمه كطعه وصار وحاد يضرب

بالثاني والنوب شفته هذا الولد اجه يركض للستوته

مالته وطلع منها سجينه ويصيح اليوم الا اكتلك

والزوار التمت عليهم وجانو الخدام اكثرهم طالعين

يجيبون مي ومن ضمنهم مهند و سرمد  وكرار

والنوب استلمو علاوي  اخوي وحسوني

ابن عمو علي يصير اخو مهند بالحدايد وع ظهره

حمودي : وخرر ابو العرك وخرر إلى اموتك

علاوي : تضرب ابويه ولكك 

وهذا عافهم واجه يركض ع السجينه وراح

يركض دفع ابويه بالكاع وراد يضربه

ايلين : اني شفت ابوي هيج وتخبلت

كمت اصرخ وابجي والطم

ومن شفته راد يضربه شفت طابوكه

يمي بالكاع واشيلها واحمسه براسه

كبل لزم راسه متأذي ركضت بسرعه شفت

خالي بس مو الح يصير ابن عم امي كاعد

قريب ع قاعة النسوان يسولف وي

مرته وميدري شصاير برا القاعه رحتله

اركض حتى اصيحه وي مجاي اركض لاكتني

حورا لان هي بقت بالمغاسل تغسل ملابس

معبالها هيج صاير شافتني ابجي واركض

كبل وكفتني لزمتني من اديه وشافت حالتي هيج

بدون متفتهم السالفه شننو ولا اي شي بقت

تصرخ وتلطم وتصيح

حوراء : ولج شكو سولفيلي شبيج تبجين

ايلين : وخرري بعدين و عفتها ورحت اركض

وصلت يمه كتله

ايلين :  فدوه خالو الحك بسرعه

هو كبل كام وصاح بفزع

خالو يوسف : شبيج ولج احجي شكو صاير

ايلين :  ابوي تعارك هو و حسين ابن سيد

هو عافني وراح يركض بسرعه

اني بعدد رجليه ميعينني اتحرك ولاشويه

كعدت بالكاع ع التراب وبقيت ابجي والشهكه

احسها تطلع من نص صدري

ماكو دقايق مرت واشوف خيال صار

يمي غطه عليه رفعت راسي واشوفه ابويه واكف

ودشداشته مشكوكه من يم صدره وكله تراب

واني نهاريت صوت البجي ماله يمكن كل

الموجودين سمعو من زلم ونسوان

هو كبل كعد يمي وحضني كالي

ابو ايلين : كافي بعد ابوج اني يمج

ايلين : خفت عليك

ابو ايلين : تخافين علي من واحد زعطوط

ابو ايلين :  هذا اني كلشي مبيه ليش

تسوين بروحج هيج جا مو صرتي سباعيه

وشكيتي راسه شبيج هسه تبجين

ايلين : يحاجيني ويضحك واني ضامه

راسي بصدره واشهك وخر راسي من

صدره وباسني بكصتي كام وكومني وياا

وكام يمشي وحاضني ورحنه بين

القاعتين كلها ملتمه زلم ونسوان اقاربنه

وجانو جايين البقيه سرمد و  مهند  وغيرهم

يتببع.........

//الكاتبه بنين عباس//