تحميل رواية «فضيحة في بيت كبير الصعيد» PDF

رواية فضيحة في بيت كبير الصعيد الفصل الثالث والاخير

روحية بصت لبنتها هالة وشر عيونها باين وكالت

روحية

اخرسي يا بت واجفلي خشمك دا واصل انتي خابرة أمك زين ومستحيل تفوت جلم قمر اللي ادهولي امبارح في الدار واصل اني رايحة اتفرج واشفي غليلي من بت سيد اللي كانت شايفة نفسها علينا والبلد كلها كانت بتحلف بجمالها وأدبها واديكي شايفة أهي اتفصحت من ليلة دخلتها وبدر

الهلالي كسر راسها ورمى جثتها برا الدار

هالة وجفت جبال أمها وعيونها لمعت من الفرحة والشماتة وجالت

هالة

يعني صوح يا اماي الحديت اللي بتجوليه دا يعني قمر غارت من السرايا وبجت فاضيه جولي انك بتتكلم جد مش هزار

روحية ضحكت بانتصار ولفت الشال على راسها وشالت الصينية وجالت

روحية

وأكتر من اكده عاد بس اني لازمن اروح السرايا عند بهية واعرف منها الفولة الكبيرة واشوف بدر الهلالي اللي كان هيموت عليها هيعمل إيه عاد بعد ما شرفه اتمسخ في الطين واصل خليكي اهنه لحد ما ارجع واشفي غليلي وغليك

وفعلا روحيه بتاخد بعضها وبتمشي بره دار والحقد مالي جلبها

وفي الوقت دا في سرايا الهلالية بدر كان قاعد في المندرة والوجع باين على وشه وعيونه منمتش واصل من امبارح ودخل عليه غفير من غفر السرايا وقال

الغفير

يا بدر بيه في ناس من كبار البلد برا وعايزين يدخلوا يباركوا ليك ويهنوك بالدخلة جولت الهم إيه عاد

بدر وجف وبص للغفير وعيونه كانت بتطج شرار وزعق فيه بجوة وقال

بدر

جولهم بدر بيه مش اهنه ومش جابل حد واصل والي هشوف رجله عتبت السرايا الليلة دي مش هلوم الا نفسه غورو من جبال وشي عاد

الغفير جري من خوفه وبدر رجع قعد على الكرسي وحط يده على راسه والافكار عمالة تودي وتجيب فيه ومش جادر يصدج ان جمر البنت اللي عشقها من صغره تطلع اكده

وفي نفس الوقت عند زينب في بيتها قمر صحيت من النوم وعيونها كانت منفوخة من كتر العياط وبصت حوليها واول لما شافت الغرفة البسيطه افتكرت كل اللي حصل وامبارح وجلم بدر اللي علم على وشها وجلبها ودموعها نزلت تاني من الوجع

وفي الوقت دا دخلت عليها زينب الي واول لما شافتها اكده جربت منها وقالت بوجع

زينب

يا ست البنات كفاياكي عاد دموع وجعتي جلبي عليكي والله العظيم الدنيا ما مستاهلة وانتي جمر وزين شباب البلد يتمنوا نظرة من عيونك دي كفايه تطفيعا

قمر مسحت دموعها بعنف ووجفت وجالت بنبرة كلها تحدي وكسرة في نفس الوك

قمر

خلاص يا زينب الدموع دي كانت امبارح بس اني من الليلة دي مش هبكي على حد واصل وبدر الهلالي اللي داس على شرفي وكسرني هعرفه مين هي جمر واني مستحيل هسكت على حقي واصل

زينب بصت ليها بخوف وقالت

زينب

ناوية على إيه يا قمر بدر واعر وجو ومحدش في البلد يجدر يجف جباله واصل والكل بيعمله الف حساب

قمر بصت من الشباك وعيونها مليانة غضب وجالت

قمر

يجف جبال الكل الا اني يا زينب اني قمر بت سيد اللي ابوه عاش ومات في خيره والايام بيناتنا يا بدر وهتشوف قمر هتعمل فيك إيه عاد

وهتشوفي بنفسيكي اني كل الي عاوزاه مش عاوز اي حد يعرف اني انا اهنه سمعتي

زينب بحزن

حاضر يا ست البنات لو ده هيريحك انا هعمله لك بس كفايه حزني بالله عليك لحد كده

واول لما زينب بتقول كده قمر بتبص ليها بحزن وبتسكت

وفي الوقت ده عندي روحيه بتدخل الدار وهي شايله الاكل وبتتسم بابتسامه خبث

واول لما بهيه بتشوفها بتقول

بهيه

خير يا روحيه اللي جايبك الصبح بدري كده وعاوزه مين

روحيه

وه وه يا ستي بهيه كلامي اللي انت بتقوليه هو انت ناسيه ان بنتنا حدكم وان من الواجب والاصول اني الاكل الفطور يكون من عندنا علشان كده جايباه وجايه

امال فين قمر معقول لسه نايمه لحد دلوقتي

هو بيدخل بدر في الوقت ده واول لما بيسمع كلام روحيه قال بحده

بدر

الكلام ايه اللي انت بتقوليه يا ستي انت قمر سابت البيت وجت حداكم

روحيه

الكلام اللي انت بتقوله ده يا سي بدر لا طبعا احنا ما شفناش بدري من الاخر مره شفتها فيها امبارح انت متاكد من الكلام ده ولا انت بتقول اي كلام وخلاص علشان امشي من اهنه

بدر قرب من روحية وعيونه جادت نار وجبض على إيده بجوة وقال بصوت رعد

بدر

أني مبجولش حديت ماسخ واصل يا روحية والكلمة اللي بتطلع من خشم بدر الهلالي بتكون كيف السيف جمر مش ف الدار من ليلة امبارح ولو عرفت إنها حداكم في البيت ولا مخبينها عليا ليكون حسابكم واعر معاي واصل فاهمة ولا لاء

روحية صوتت وحطت يدها على صدرها بتمثيل وخبث وقالت

روحية

يا مري يا مري يعني البت طفشت في نص الليل وسابت سرايا الهلالية طب راحت فين عاد والبلد هتقول إيه علينا واصل يا فوتك يا سيد يا أخويا لو كنت عايش وشفت بتك عملت إيه في شرفنا وشرف العيلة الله يسامحك يا جمر

بهية أول ما سمعت حديت روحية دمها غلي وبصت لبدر وجالت بزعل وشمتانة في نفس الوكت

بهية

سمعت يا ولدي سمعت بعينك حديت الناس اللي لسه هيبتدي ومش هينتهي واصل أني جولتلك البت دي عرتنا وخرجت برا طوعك من أول ليلة والحمد لله إنها غارت وبانت على حجيجتها جبل ما تجيب لينا العار أكتر من إكده نا مش فاهمه كيف سكت على حالك لما عرفت اللي كانت بتعمله ولسه كنت سايبها على ذمتك لحد دلوقتي

بدر زعق فيهم هما الاتنين بعلو حسه وقال

بدر

بس عاد جفلوا الحنك ده واصل مش عايز أسمع حس واحدة فيكم وروحية تاخد صينيتها وتجلب وشها من اهنه والحديت ده لو طلع برا الدار دي وسمعته في البلد أني هجطع لسان اللي يجوله سامعين ولا لاء

روحية خافت من شكل بدر وهيبته وشالت صينيتها بسرعة وجالت وهي بتنسحب لورا

روحية

حاضر يا سي بدر حاضر أني ماشية أهو ومستحيل هطلع كلمة من خشمي واصل الله يكون في عونك يا ولدي على البلوة دي دي دعوه واتدعت عليك والله

ولسه جايه روحيه علشان تمشي بوقفها بدري وبيقول

بدر

استني يا روحي انا عاوز افهم وانت ازاي عرفتي بالكلام اللي وصل لي

واول لما روحيه بتسمع كده بتتوتر وبتقول

روحيه

انا سمعت كده شويه كلام علي جمر ولما جيت امبارح وشوفت الي حصل جولت الكلام وصلك دي كل الحكايه

اول لما بدر بيسمعك اكده قال بشك

بدر

مشي من اهنا يا روحيه وعلى الله اعرف حد عرف بلي حصل اهنه وجتها ما تلوميش الا نفسك سمعتي

اول لما روحية بتسمعك اكده بتجري من السرايا وهي هتموت من الفرحة ومشت في طريقها لبيتها علشان تبخ سمها وراحت لهالة بنتها وأول ما دخلت الدار جالت بضحكة رنت في البيت

روحية

ابسطي يا هالة ابسطي يا بتي جمر طفشت وسابت السرايا وبدر بيدور عليها وعيونه بتطلع شرار والبلد كلها الليلة دي هتعرف إن بت سيد جابت العار لأهلها انتي متعرفيش اني مبسوطه ازاي

هالة صقفت بفتنة وفرحة وجالت

هالة

صوح يا اماي يعني خلاص جمر راحت عليها وبدر مستحيل هيرجعها تاني وبجت فاجدة شرفها قبال الخلق كلهم امتي بجاااا بدر يبص ليا ةيجي يتجدملي ساعتها امنياتي تكون اتحججت كلياتها

روحيه

هانت يا بنيتي هانت وهتشوفي بنفسك واناي بتتزفي علي ولد الهلاليه ونكون الكل في الكل

وساعتها محدش هيجدر يجف في وشنا

وفي الوقت ده عند بدر اول لما روحيه بتمشي بهيه بتقرب منه وبتقول

بهيه

بقول لك ايه يا ولد بطني البنت دي ما بقتش تنفعك انت لازم ترمي عليها لمين اللي زي ديت ما كانش ينفع ان انت تتجوزها

بدر

مش وقت الكلام اللي انت بتقوليه ده يا اماي لو سمحتي

وبالذات نحسس ان في ملعوب بيتلعب ورايا وان جمر في بيت عمها

بهيه

كلام ايه اللي انت بتجوله ده انت اكيد بتهزر وطالما الموضوع كده ليه مرات عمها جايه وخبت ان هي موجوده

بدر

انا هروح دلوقتي هناك وافهم هو ايه اللي بيحصل بالظبط

وبيروح بدر سايبها وبيمشي وساعتها بقى هي بتقلق عليه وبتروح وراه لما بتخافي اني بدر ممكن يتهور ويعمل حاجه غلط

وفي الوقت ده عند روحيه بتلاقي الباب بيخبط ولما بتروح علشان تفتح بتلاقيه عثمان

روحيه

قريه عثمان اللي جايبك ان شاء الله وعاوز ايه مننا ايه

عثمان

بقول لك ايه طريقه الكلام اللي انت بتتكلمي معايا ديت ما تجيش معايا واللي انا عاوزاه انا جايه عشان اخذ حقي منك ولا انت ناسيه ان انت مش اديتي لي جزء من الفلوس اللي اتفقنا عليها

روحيه

وانا قلت لك الباقي لما بدري يطلق جمر ولحد دلوقتي ما طلقهاش مش صح الكلام ده

عثمان كشر في وش روحية وجرب منها بخبث وقال بصوت واطي

عثمان

لا يا ستي مش صح واصل إحنا اتفقنا على الفضيحة وخراب البيت واديكي جولتي البت طفشت وبدر طردها يعني الملعوب نجح وزيادة يبجى آخذ فلوسي كاملة الليلة دي وإلا والمصحف الشريف أروح لبدر الهلالي وأجول له على كل حاجة ومن أولها وخليه يعرف مين اللي لفق التهمة لمراته وباع له الحديت الماسخ

وشوفو بجاعقابكم هيكون ايه

روحية وقفت في مكانها وخافت من كلام عثمان وراحت سحباه لداخل الحوش بسرعة وقالت وهي بتتلف حولين نفسها

روحية

وه وه جلع رقبتك يا عثمان واكتم خشمك دا واصل الحيطان ليها ودان جولتلك الفلوس هتوصلك بس اصبر عليا يومين لحد ما المية تمشي في مجاريها وبدر يرمي عليها اليمين واصل

هالة خرجت من الأوضة على صوتهم وأول ما شافت عثمان جالت بدلع وخبث

هالة

إيه يا سي عثمان جرا إيه عاد مالك واجف وجايد نارك كديه ليه ما تصبر على أمي شوية وإحنا عمرنا وكلنا عليك حاجة واصل ده إحنا حبايب والي جاي كتير.

عثمان

عفارم عليكي يا ست هالة بتفهمي في الأصول بس أني مبردش حديت ماسخ أني راجل بياع كلام وفعل وعاوز فريشاتي الليلة دي جبل بكرة وبدر الهلالي لو شم خبر باللي عملناه مش هيرحم حد فينا واصل فاهمين ولا لاء

وفي الوقت دا بدر كان جرب من دار روحية وكان ماشي وعيونه بتطلع شرار من الغضب والشك م

لحد لما بدر وصل جبال باب دار روحية ولمح الباب موارب وسامع صوت حديت في الحوش وقف ورا الباب وااصدم لما سمع صوت عثمان من جوه وهو بيقول

عثمان

بجولك إيه يا روحية أني اللي لفت الملعوب ده وخليت بدر يصدج إن جمر خانته وشرفها ضاع يعني لولاي كان زمانها ست السرايا الليلة دي وانتي وبنتك برة الحسبة واصل فخلصيني وهاتي الباجي لجل أغور من البلد دي واصل

أول ما بدر سمع الكلام ده الدنيا لفت بيه والأرض مالت من تحت رجليه وحس بخنجر اتغرس في جلبه وعرف إن جمر بريئة وإن كل اللي حصل كان ملعوب من روحية وعثمان لجل يكسروه ويكسروا جمر ودموعه نزلت من الندم والوجع وبص للباب وزقه برجليه بجوة هزت الدار كلياتها ودخل وعيونه حمرا كيف الدم وزعق بصوت زلزل المكان وقال

بدر

يا ولاد الكلب بقا بتلعبوا بالهلالي وتدنسوا شرف مراتي وبت عمي يا فجرة موتحم كلها هتبقي الليله

روحية صرخت وحطت يدها على راسها من الخضة وقالت

روحية

يا مري يا سي بدر اهدي بس انت فاهم الموضوع غلط

عثمان بخوف

همه السبب همه الي دفعو ليا وخلوني اعمل اكده

وساعتها بدر مبيسمعش منهم وبيروح مقرب من عثمان وبيفضل يضرب قيه

وساعتها بهيه بتدخل بتتصدم من الي شافتو

بهيه

يا مري اهدي يا ولدي الراجل هيموت قي يدك

بدر

ما يموت ولا يروح في داهيه الي زيو مينفعش يعيش همه السبب الي كسرو فرحتي وفرحت جمر

بهيه

هدي حالك وكل الي انت عاوزو هينخل مش اكده

بدر بيقوم وبيسمع الكلام وقال

بدر

لولا انكم حريم كنت شوفت صرفه معاكم بس اعملو حسابكم زين لو مهملتوش البلد خلال يومين مترجعوش تندمو في الي هعملو فيكم

وبيرزح واخد عثمان وبيحبسو

وبيقضل يدور بعدها علي جمر وبتعدي الايام وزينب بتدخل علي قمر وجالت

زينب

كفاياكي عاد جسوه ووجع جلب بدري من ساعت الي عرفو وهو حالو اتشجلب علي التخر ومش سايب مكان في البلد يدور عليكي فيه كفاياكي عاد

قمر بصت لزينب وعيونها لمعت بالوجع والاشتياق اللي كانت مخبياه ورا جساوتها وجالت بصوت مخنوج

قمر

تفتكري يا زينب بعد كل اللي حصل ده وجلم بدر اللي علم على وشي وجلبي ينفع أرجع بالساهل إكده أني كنت مستنية يظهر حجي قبال البلد كلياتها والحمد لله الحج ظهر وبان والكل عرف إن جمر شريفة وطاهرة بس جلب بدر اللي هان عليه يصدج فيا العار هو ده اللي واجعني جوي

زينب جربت منها ومسكت يدها بحنان وقالت

زينب

يا ست البنات بدر مغلطش لوحده الملعوب كان واعر وشيطان روحية وعثمان كان يهد جبال وبدر كان عميه العشق والخوف عليكي والبلد كلياتها شايفة كيف حاله بجى يصعب على الكافر من ليلة ما مشيتي ارحمي جلبه وارحمي جلبك يا جمر لجل أبوكي الله يرحمه

قمر سكتت ودموعها نزلت وعرفت إنها مش جادرة تبعد أكتر من إكده

وفي نفس الوقت الباب خبط بجوة وبتروح زينب تفتح بتلاحيه ب بدر وعيونه كانت دبلانة والوجع مالي ملامحه وأول ما شاف جمر جباله رجليه مشالتهوش ووجع على ركبه قبالها والدموع مغرقة وشه وقال بنبرة هدت جدران الأوضة

بدر

سامحيني يا جمر سامحيني يا بت عمي ويا تاج راسي والله العظيم الغضب والعمى هما اللي عملوا كديه فيا أني كنت ميت من غيرك والبلد كلياتها ملهاش عازة في عيوني وانتي مش فيها اضربيني واجتيلني بس بلاش تبعدي عني واصل انا من غيرك كيف الغريب

واول لما قمر بتلاجي اكده جلبها بيوجعها عليه ةبتروح نازله لمستواه ومسكت يده ودموعها نازلة وجالت

قمر

وجف يا بدر وجف يا ولد الهلالي جمر مستحيل ترضى تشوفك مكسور كديه واصل الجلم وجعني صوح بس كسرتك دي واجعاني أكتر وعشج أبوي ليك وعشجي أنا مستحيل يخليني أهملك واصل

بدر مسك يدها وباسها بلهفة وشوق وفرحة هزت كيانه كلياته ووجف وأخدها في حضنه بجوة وكأنه بيرجع روحه اللي تاهت منه وقال

بدر

أوعدك يا قمر عمري ما ههملك تاني واصل والي باقي من عمري كله هيكون عوض ليكي عن ليلة الوجع دي وهشيلك فوق راسي قبال الكبير والصغير في البلد لحد ما الكل يعرف إنك ست السرايا وست جلب بدر الهلالي كمان

قمر ابتسمت وسط دموعها وحست إن الدنيا ضحكت ليها من تاني والوجع كله اتبخر في حضن بدر اللي عاهدها يحميها ويعوضها وخرجوا مع بعض من دار زينب والبلد كلياتها كانت واجفة تتفرج على بدر الهلالي وهو ماشى وراسه مرفوعة وبيدور بمراته السرايا من تاني والكل بيحلف بحبهم وعوض ربنا ليهم بعد الصبر والوجع

الي شافوه

ومن وقتها وهمه خدو عهد علي بعضهم وبيعيشو اسعد ايام حياتهم