رواية أحببت معلمة ابنتي الفصل الثاني عشر 12 - بقلم امولة

استيقظت آية كالعادة، ارتدت ملابسها المكونة من بنطال جينز باللون الأسود وبلوفر باللون الرصاصي، ورفعت شعرها على هيئة كعكة وكوتش أبيض. استعدت للخروج. أوقفها صوت جاسر المتثائب: "راحة فين باللبس ذا؟ آية: "راحة الحضانة. مالو لبسي؟ جاسر: "الجو برد، خشي البسي حاجة تقيلة." آية: "اتقل من كدا؟ جاسر: "آه." آية: "لا طبعًا مقدرش. الجو بدأ يحر." جاسر: "لا يلا انجزي." آية: "طب المرادي بس." جاسر: "طب ارفعيها شوية على كتفك الباين ده."

آية بابتسامة: "اهو مرتاح كدا." جاسر: "اه." آية: "يلا سلام." جاسر: "بتخلصي امتى؟ آية: "عالساعة 2 كدا." جاسر: "خلاص، هبقي أعدي عليكي آخدك." آية: "ماشي." خرجت متجهة للحضانة. استيقظ مراد وارتدى بدلة باللون النبيتي الغامق ذو جرافت باللون الكحلي وقميص أبيض. دلف الأسفل، وجد ملاك ومحمد ورائد بانتظارهم. مراد: "هو أنا صاحي متأخر أوي كدا النهاردة؟ رائد: "لا، إحنا اللي صاحيين بدري." مراد وهو يشد الكرسي ويجلس: "واشمعنا بقى؟

رائد: "هجيب الدبلة لخطيبتي." مراد: "اطفح." رائد: "والله إني مهزق جوي." ملاك: "هههه، عارف نفثكم." مراد: "ملاك." الجميع في صوت واحد: "عيييييييب." ملاك: "ثوفت يابابي، حافظين كلامكم." مراد: "يلا عشان أوصلك في طريقي." ملاك: "ماثي... بابي." مراد: "اممم." ملاك: "أنا قررت قرار." مراد: "عملتي إيه يعني؟ ملاك بتأكيد: "قررت قرار." مراد: "قولي يا فيلسوفة عصرك، قررتي إيه؟ ملاك: "أنا هنادي مس آية يا ماما." مراد: "كح كح كح كح."

رائد وهو يناوله مياه: "امسك نفسك كدا.. اشرب." مراد: "ليه يا ملاك؟ ملاك بوجه حزين: "يابابي كل زمايلي عندهم ماما بتحبهم، وأنا ماما مس بتحبني، بث مس آية بتحبني، فهقولها يا ماما." مراد: "لا يالوكا، مينفعش." ملاك: "مينفعش ليه يعني؟ مراد: "كلي وانتي ساكتة. قولت خلاص يبقى خلاص." ملاك وهي تنزل من على الكرسي بطفولة: "ثبعت خلاص." مراد: "يلا.. وانت يا رائد تيجي الشركة عادي ومتعشليش دور العريس دا." رائد: "حاضر يا محطمني."

مراد: "بتقول حاجة؟ رائد: "بقول حاضر." مراد: "ماشي. يلا يا ملاك." ملاك: "يلا ياخويا." في عمارة إسراء. تحديدًا بيت إسراء. في غرفة سارة وإسراء. كانت إسراء تاخذ الغرفة ذهابًا وإيابًا، وأمامها سارة تمسك بالهاتف غير مبالية لها. سارة ومازال نظرها على الهاتف: "يوووووووه، حولتني كني بقى." إسراء وهي مازالت تمشي وتأكل تضافرها: "يعني أنزل الشركة ولا أنزلش.. بس لو نزلت هيقول نازلة تشوفني، ولو منزلتش هيقول خايفة مني. يادي الـ...

وانتي سيبي الزفت ده وانصحيني كدا." سارة: "أنا من رأيي حطي راسك على المخدة ونامي، ومتصحيش غير وانتي نازلة تجيبي الدهب." إسراء: "حلوفة انتي وأفكارك." سارة وهي تهز كتفها: "براحتك." إسراء وهي تغطي نفسها بالبطانية: "تصبح على خير." سارة: "عشان تعرفي بس قيمتي أنا وأفكاري.. ها، هتخديني معاكوا؟ إسراء وهي تزيل الغطاء من على وجهها وتخرج لسانها: "لا." قالتها ووضعت الغطاء مرة أخرى عليها.

سارة: "على فكرة مش بمزاجك انتي.. وبابا موافق." إسراء: "كان جوازي ولا جواز أبوك؟ سارة: "لا دا كدا هبت منك على الآخر. طب تعااااااالي." قالتها وهي تزيل الغطاء من على إسراء وتمسكها من شعرها، وإسراء تصرخ: "الحقووووووني." أتت فاطمة راكضة على هذا الصوت: "مايل بختك انتي سافرتي بلد خواجات تجيلي آكلة لحوم. انزلي يابت من على أختك... انزلي." في الحضانة.

وصلت آية بسيارتها، وكذالك مراد بملاك التي شاورت لآية من الزجاج، فرأتها وأشارت لها هي الأخرى. في سيارة مراد. مراد: "انزلي يلا يا لوكا." ملاك: "ثلام." مراد: "ثلام." آية. هبطت من سيارتها وانخفضت لملاك التي ركضت لها فحملتها. آية: "اوبااااح.. إيه العسل ده يا لوكا؟ ملاك: "دانتي اللي ثكر يامس." آية: "هههه، ثكر مرة واحدة؟ ملاك: "اه." آية: "طب يلا.... ها، عملتي ال homework؟ ملاك: "اه وحفظت كمان." آية: "شطورة."

وكان يراقب ذلك الموقف مراد من سيارته، كيف لأحد أن يكون بهذه الطيبة؟ كيف يمتلك أحد مثل هذا القلب؟ هل هي هكذا مع الجميع؟ هل تسامح الجميع هكذا؟ حقًا أنها اسم على مسمى! أنها حقًا آية! في بيت آية. ارتدى جاسر ثيابه المكونة من بدلة كاروهات باللون الرصاصي ذو كرڨت باللون الأسود وقميص أبيض. استقل سيارته ونزل لعمله. في طريقه ليري كيف تسير أحوال النقل وأشياء خاصة بالعمل. في الشركة.

دخل مراد الشركة، وجد الجميع يجري في الطرقات والجو يبدو متوترًا. مراد: "في إيه؟ أحد الموظفين: "مدير شركة جواهر جاي النهاردة يا فندم." مراد: "وايه لزمته الجو ده؟ الموظف: "يافندم دي شركة مهمة جدًا لا يستهتر بها." مراد: "كله مكانه." لقال جملته الأخيرة بصوت عالي، ثم دخل للمكتب واتصل برائد. رائد وهو يدخل المكتب: "إيه الدوشة دي يا مراد؟ مراد: "تقب وتغطس تعرفلي من مدير شركة جواهر دا." رائد: "حاضر." ثم خرج من المكتب.

عاد رائد بعد قليل وفتح الباب دون طرق ودخل وهو ينهج قائلاً: "الحق." مراد بقلق: "إيه؟ رائد: "صاحب شركات جواهر." مراد: "ماله؟ رائد: "يبقى...