رواية احببت متعلمة الفصل الخامس 5 - بقلم علياء محمد

مين دي اللي بتروح الجامعة؟ بابا. مين يوفاء؟ بصراحة كدا مليكة بتتعلم من وراك. وانت كنتِ عارفة؟ لا والله، دا أنا لسه عارفه امبارح. ولما انتي عرفتي مقولتيليش لي؟ يبابا. انتي اسكتي خاااالص، كلامك لسه جاي. وصحيح بتروحي الجامعة إزاي؟ كنت بقول إني راحة عند خالي وبعدين أروح الجامعة. آه يعني خالك يعرف؟ أيوا، بس والله هو ملوش ذنب. عجبك كدا يوفاء؟

قولتلك في حاجة بين بنتك وأخوكي، قعدت تقولي مفيش، بس دا بيعتبره أبوها وهو بيحبها، عجبك كدا. أيوا يبابا، عجبني وعجبني أوي إنك عرفت عشان مبقتش قادرة أخبي أكتر من كدا. وصحيح، أيوا خالي مش يعتبر أبويا، لأنه وقف جنبي أكتر منك، دعمني وخلاني أتعلم بسببه. الناس هتقولي المتعلمة، هتقولي الدكتورة مليكة، مش هتقول الجاهلة مليكة! انت لي مش قادر تشوف الدنيا بعيني!

ليه مش قادر تشوف إن انت مفروض تفتخر بيا عشان هبقي دكتورة، مش تفتخر إني جاهلة! وإنك خلتني أسمع كلامك وسمعت التقاليد بتاعتكوا. يعني مأخدتش بالك لما يوسف قال إنه بيحب متعلمة! وإن حبيبته متعلمة مش شبهي جاهلة! يبابا أنا معملتش حاجة غلط، ويمكن الغلط إني مقولتش ليك، بس مش الغلط إني بتعلم. مليكة انتي ليه مش راضية تفهمي إن دي تقاليد عندنا في العيلة؟ مش عاوزة أبقى من العيلة! يعني غلطي إني اتولدت في مكان مش بيحب تعليم المرأة!

بابا أنا هروح الجامعة وهتعلم وهبقى دكتورة، عاوز تفتخر بيا وتقول لناس إني بدرس براحتك، مش عاوز بردك براحتك. اتفضل يا يوسف يا ابني. شكراً يعمي. أمال فين باباك يا يوسف؟ بابا تعبان شوية، بس هو موافق وقالي أجي أنا لوحدي. تمام، روحي يا أم انجي نادي للعروسة. بجد مش مصدقة يحياتي إننا قاعدين مع بعض دلوقتي، وإننا خلاص هنتخطب. بس احنا مش هنتخطب! نعممم، دا إزاي يعني!

احنا هنكتب الكتاب على طول، والمأذون معايا دلوقتي، بس محتاج موافقتك عشان باباكي يوافق. أنا طبعاً موافقة. موافقة على إيه يبنتي. بص يابا يوسف عاوز كتب كتاب على طول. بس يا ابني أنا مش مستعد. يعمي هات انجي بشنطة هدومها ومتشغلش بالك انت. والله يا ابني انت جدع أوي. تسلم يعمي، أنا عندي شقة كاملة بالجهاز، يعني العروسة تيجي على طول بالهدوم بتاعتها وخلاص، يعني النهاردة كتب الكتاب، وآخر الأسبوع يبقى الفرح. بس بدري أوي.

يعمي أنا بحب انجي ومقدرش أقعد دا كله من غيرها، دي كانت حلمي وما صدقت إن خلاص هحققه. بارك الله لكما وجمع بينكما في الخير. طب أهدي يا مليكة طيب. يمريم بقولك بابا عرف كل حاجة، مش عارفة إيه رد فعله وهيسبني أروح الجامعة ولا لا. طيب اهدي طيب، وإن شاء الله عمو هيوافق. طب سلام، عاوزة أستريح شوية.

ياترى بابا هيوافق ولا لا، أنا عارفة إني غلطت عشان اتعلمت من وراهم، بس هما السبب في كدا، لو كانوا سابوني أتعلم براحتي مكنش كل دا حصل! يوووه أنا هنام وبكرة نشوف، بس يخسارة معرفتش أروح الجامعة انهاردة، كان مفروض أسلم البحث، يلا مش مشكلة، أنا أصلاً شكلي مش هروح الجامعة تاني ههه.