فقيرة وأحببني سياسي الفصل الاول 1 - بقلم روجمان

اني بنت من عائله فقيرة جدا يعني يوم ناكل ويوم لا وامي كومه مخلفه جهال مع العلم اني الجبيرة وعمري ١٢سنه وعندي ست اخوة بعد صغار جابتهم واحد فوك الثاني و ابويه يشتغل عماله وامي صحتها شو على غفله كامت تدهور واحنا ماعدنا نوديها دكاترة وهي ماتقبل دكول مابيه شي خلي الفلوس ياكلون بيه الجهال احسن للعلم اني ماااداوم مدرسه وصلت خامس ابتدائي وبطلوني كالو المهم تعرفين تكتبين وتقرين اني شكلي اشبه ام ابويه عكس اخوتي عبالك مو بتهم

الي يشوفني وياهم يكول هاي موبتكم ام ابويه يكولون اصلها تركيه جانت حلوة بيضه عيونها صفر اني هم بيضه وعيوني صفر بس شعري اسود مثل امي وبعدني صغيرة وناعمه ممبين جسمي يعني بعدني طفله واخوتي شكلهم يختلف عني كلش المهم انو امي بدت اازيد وضعيتها وتتعب كلش وكامت متكدر تشغل بس نايمه مدكوم وكمت اني بدالها اطبخ واداري اخوتي وكمت كلشي اسوي بابا ماعندة احد هو جان وحيد اهله وامي ابوها مستشهد وامها مرة جبيرة وعميه متباوع وعايشه بيت

ابنها اخووو امي وخالي خطيه هم فكر وبيبي يمه عايشه وهم عندة كومت جهال يعني ماعدنا احد بابا كام اداين من صديقه فلوس واخذ امي للدكتور فحوصات ومااادري شنووو كالوله عدها سرطان ولازم عمليه واحنا ماعدنا ناكل والدكتور كله ترة حتى اذا سويتلها عمليه هم فترة ويرجعلها رجع ابويه مكال شي ظل ساكت نسئله يكول مابيها شي جم يوم وصير زينه بس انتو دربالكم عليه لتخلوها اصير عصبيه والله كريم ابويه جان مختصر الكلام ماعندة امل منتضر امي تموت

واحنا مندري بهاي الفترة اختي الاصغرمني هم بطلت من المدرسه واخويه هم احنا نوصل خامس ابتدائي ابويه يبطلنه احنا تلاثه منداوم اني واختي واخويه بقت اختي وحدة داوم واخوتي تلاثه يداومون بعد فترة وابويه طمس بالدين لان يشتري لاامي ادويه ويداين منا ومنا ورة تقريبا اربع اشهر من مرض امي ماتت لان المرض جان منتشر اظاهر وراحت امي وابويه القهر كتله وراسه بيض خطيه واحنا سبع نفرات براسه وقهر امي واهل الدين كلسع واجاين عليه ورا امي بكم

يوم تمرض ابويه ونام بالفراش ظلينه اسبوع ميتين من الجوع والدنيا شته وباردة متنه جوارينه انقهرت علينه كلتلي ليش متشتغلين كتلها خاله شستغل كلتلي هسه اشوفلج شغل ورا كم يوم جتي كالت بيت اختي كاعدين بمنطقه راقيه كلش حراس بمزرعه وابو المزرعه يريد خدامه هو ممتواجد كل فترة يجي هو يشتغل بالدوله طبعا هذا الحجي قبل السقوط بفترة كصيرة كلش كلت لاابويه كال شلون مشلون كلتله لعد نموت من الجوع والله وقنعته وثاني يوم رحنه ودتني المرة

خطيه ورحنه لبيت اخت المرة ام محمد ودتنه للبيت ماشفت صاحب البيت شفت بنيه طلعت حلوة كلش ولابسه لبس مشايفي بس بالمجلات مجنه مثل هسه تلفونات وانترنيت بس من دخلت القصر وشفت الاثاث والتحفيات حسيت نفسي عايشه بغير عالم كلت معقوله اكو ناس هيج عايشه واحنا ميتين من الجوع حمدت الله على نعمت الصحه بعد ماشفت امي وشلون تمرضت وماتت كلت بكلبي الحمدلله كلتلي تعاي انتي الخدامه الجديدة كلتلها اي كلتلي صيحيلي مدام كلتلي تعرفين اطبخين اي

اعرف كالت زين منا وغادي انتي ومنى تنظفون وطبخون ومااريدكم تتدخلون بشي ومن يجي ابوو قصي مااريدة يشوفكم اوك كتلها ميخالف مدام كالت رح تعلمج منى على كلشي يله روحي دخلي للمطبخ طبعا المزرعه على مد النظر والقصر صاير بالنص والمزرعه كلها حرس وكرفان بالشارع ومحد يفوت للشارع اذا ميحققون وياة ابوقصي الي هو اسمه سالم مسؤول بالدوله كلش جبير فبيته موكلمن يجي يدخل بي حتى اني راحو سئلو عليه بالمنطقه يله شغلوني وهسه حاليا صارلي اسبوع

اشتغل يمهم اروح بس الجمعه يم اهلي هم اروح اشتغل وانطيهم اسبوعيتي وثاني يوم يجيني السايق يرجعني صارلي اسبوعين يمهم والباشا مابين يصيحو الحرس سيدي لان من يحجون ويا المدام يكلولها سيدي وسيدي عندي فضول اشوفه هههههه طبعا اليوم صادف عيدميلادي صرت١٣سنه المهم العصر صاحتنه المدام كالت اني رح اطلع ابات يم اختي وباجر ارجع كتلها اي مدام راحت وصادفت روحت منى يم اهلها بقيت وحدي كملت شغل صارت بالتسعه دخلت انام وجان اسمع صوت البوب

والحرس يتراكضون يكولون سيدي اجه اني خفت مشايفته شرح اكله شسوي والله كمت دخلت للمطبخ سويت نفسي اشتغل

#الكاتبه #روجمان