فقيرة وأحببني سياسي الفصل السابع 7 - بقلم روجمان

طبعا احداث هوايه صارت اني صارلي سنه اشتغل يم بيت ابوقصي صار عمري ١٤سنه كام يتغيرشكلي كام يصير احلى قبل جنت ماعندي جسم هسه صاير حلووو جسمي وسمنانه لان صراحه عند بيت ابوقصي اكل جنت قبل ميته جوع و اهلي هم من شتغلت ارتاحووو وجنت حتى اوديلهم اكل من الاكل الي يبقه واوديلهم لحم ودجاج وهماا خطيه جانووو مياكلون قبل بحيث كمت اروح اوديلهم اكل يكفيهم اسبوع وانطيهم فلوس الي اخذها بالشغل وارجع وهسه وضعيت اهلي احسن شويه وابويه رجع

يشتغل توسلت عليه كلتله رجع اخوتي للمدرسه و وافق ورجعووو اخويه واختي وكمت حتى من مدام نور تنطينه الهدوم القديمه اروح اوديها لااهلي اكوو خياطه يمهم اودي الهدوم من اروح اصغرهن وترتبيهن واخذهن شكرت الله انووو شويه وضعيت اهلي تحسنت لان سودة عليه جانوو ميتين من الجوع اذكرر من يجي الشته نتغطه كلنا اني واخوتي بطانيه وابويه وامي بطانيه ودكوم امي تغطينه بالهدوم و بالوصل فوك البطانيه حتى ادفينه الحمدلله هسه شويه احسن وضع اهلي

بس اكول ياريت لو امي موجودة بس الله يرحمها ولمن ارجع للقصر الي من دخلته لحد الان الكل يخافون يحجون ويشتغلون بخوف من ورة ابوقصي مع العلم انووو صارلي سنه مشفته اذى احد بالعكس كلهم الي يشتغلون يمه يحبووو بس هو اله هيبه يمكن لهذا السبب يخافون منه مجنت اشوفه هوايه كلش قليل وخلال هاي السنه سافر مرتين ل لمانيا يم عائلته وحسب كلام منى ادكول ابوقصي كام يجي هوايه للمزرعه قبل مجان يجي هوايه كلش قليل مرت ايام واني نفس شغلي متغير

شي واشتغل من الصبح لحد منام بحيث ادمرت بس مجنت الي دخل بالحرس يعني مااسويلهم شي جانت منى متكفله بيهم اتاري طلع ابو قصي منطي تعليمات من اول يوم شافني انووو مااطلع اخدم الحرس واني مجنت ادري مجرد انوو منى كلتلي سيدي يكول معليج بالحرس مطلعين ابد الهم

يتبع. ...