فقيرة وأحببني سياسي الفصل الثاني عشر 12 - بقلم روجمان

الحظ الفكر لعب دورة قبل يوم من كطعت المهر ندكت الباب واجتي امراة وياها ولد اثنين وبنيه طبعا مشايفه هيج ناس اني بحياتي صدك عبالك اجانب و دخلووو للقصر طبعا الولد شباب يعني يمكن يطلع عمرهم واحد ١٨ سنه واحد يمكن ١٦ والبنيه ١٤سنه لان هووو كلي ابو قصي انتي نفس عمر بتي انما المراة دكولون مو مثلنه حلوة الشعر اصفر العيون ملونه طويله لبسها يخبل والذهب مالتها يعني مختلفه عنا كلتلي منو انتي كتلها اني الخدامه الجديدة مناك جتي

هيفاء وسهام هذني الخدامات الي بالبيت ويايه سلموو كلولها مدام حمدلله على السلامه كلتلهم وين سالم كلولها مدام ماموجود طالع الولد والبنيه كالو تعبانين نريد نرتاح رح نصعد نرتاح صعدو فوك وهي ورة شويه كالت يله حضررر الاكل علما شويه ارتاح سبحان الله مبين عليها العز والفلوس خوما مثلنه المهم اجه ورة ساعتين ابوقصي عينه تجدح نار باوع عليه محجه ويايه صعد فوك اسمع صوت عالي من فوك بس خفت اتقرب حتى اسمع كلت خاف يشفوني صار الغدة

كعدو على الاكل علاقتهم باردة بلا حياة يحجون بثقافه واتكيت كله وياكلون بالجطل والسجين ويحجون رسميات دكولون مياته ورا الغدة مرته صعدت تريد ترتاح لان دكول تعبانه من الطيارة الله يساعدني النهار كله اخدم المهم جان يصيحني ابوقصي كلي ياسمين تعاي دخلنه لغرفته المكتب سد الباب وجان يحصرني على الباب ولزك بيه كلي مشتاقلج ولووو اني ضايج لان زواجنا رح يتاخر شويه علما يروحون كلتله اني هم مشتاقتلك كلي تحبيني كلتله اي كلي اريد اسمعج

دكولين احبك سالم اني خجلت خدودي صارت حمرة هوو يبتسم كلي اموت على خدودج كلي يله كوليلي كلتله احبك سالم ضحك كلي احس نفسي وياج طفل ابد مافديوم مرت مرة بحياتي هيج تحرك عواطفي وثيرني وتحرك الرجوله الي بداخلي وضحك كلي انتي ملكتيني كلي اني طلكت نور وبقت بس ام قصي اشوف شلون ارتب الوضع كلتله اي داطلع جان يكمشني كلي ياسمين اني اخاف الزمج اخاف عليج من نفسي انتي مثل الكزازة الشفافه الي بس واحد يكمشها تتوسخ واني هيجي اشوفج فااخاف

اكمشج ومن اول يوم شفتج عاهدت نفسي انوو مااكمشج الا بالحلال وابتسم واني داموت باانفاسه يمه من اشوفه ادوخ مااادري شيصير بيه ومن يحجي ماااكدر انطق بعد بكلمه اظل ساكته اريد بعد احجي حجايتين ماااكدر المهم انو عائلته ظلووو ومرته كامت تنام بغرفته واني الغيرة اكلتني احس نار وشابه بيه اكول هسه كمشته هسه نامت على يدة شلون نومني يطلع الصبح واني مااانام اخاف اكله انت تنام يمها لحد الان اخاف منه معا العلم اعرف انوو هووو ضعيف من

اتجاهي بس شسوي ساكته وبعد كم يوم صارت عركه كلش قويه لمت مرته هدومها وطلعت هي والجهال وظل هوو يومين ميحجي ويايه ابد و بعدها سافر ل لمانيا ورجع ورا اسبوع بس رجع فرحان اول مدخل اجه عليه كلي يله امشي نزوج ودز على ابويه واخوتي وداني لاام صالون جانت بوكتها محد يفوتلها بس نسوان المسئولين كلبت خلفتي سوتني مرة طبعا هو يحب شعري مقبل اكصه او اغير لونه القاضي الي عقدنا صديقه يصير ورجعنه للبيت تغدينه وياااهلي وبعدين السايق وداهم

وهووو طول هاي المدة كاعد على نار ميت يريد بس يكمشني ههههه واني كمت احبه كلش وكلت خلي شويه احرك دمه وادلع عليه ههههه فدوة لعمرة كلي يله كلتله اي كلش تعبانه اريد انام كلي صدك تحجين كلتله اي والله تعبانه وصعدت فوك ونمت وهووو جوة كاعد صاير نار نقهرت عليه بس اريد احرك اعصابه شويه

ورة شويه جان يجي مكدر اني سويت نفسي نايمه نزع سترته ورباطه وشمرهن جان يكول والله لوتتعلكين اليوم اخذج اخذج لج اني داموت حسي بيه واني كاعدة وادلع خبلته هو جبير واني صغيرة وحس ويايه احساس انوو بعدة صغير  فدوة لكلبه ولووو هو حلووو  ميبين عليه العمر ظليت فترة كلش مرتاحه وسعيدة بس يافرحه ماتمت صار السقوط ومكدر يبقى هزمووو جماعه يعرفووو وطلع لالمانيا اني بقيت فترة بيت اهلي بعدين هم رتبلي ودز عليه وجابني يمه و من استقريت هناك جبت اهلي كلهم وصارلي ١٥سنه عايشه وياابو قصي صارووو عندي اربع ولد منه ماعندي بنوته اريد وحدة اصير حبيبه

حياتي صارت حلوة كلش بعدالمعناة والفكر والضيم والخدامه بالبيوت حبيت واحد بكد ابويه عشت وياه احلى شعور مجنت  عايشته حبيت تفاصيل يومي وياة الله يخليلي ولدي ويخليلي ابوقصي الغالي اشتاق للعراق رغم قساوة الايام الي عشتها بي بس يظل وطني خلصت قصتي واتمنى انكم دائما يكون عدكم هدف وامل بالحياة قصتي حقيقيه تحياتي ومحبتي واحترامي لكل انثى صابرة وقويه ومكافحه مع تحياتي الكاتبه ـ روجمان