رواية فصلية الشيخ حسن الفصل السادس والعشرون 26 - بقلم 👑princess👑

                           ضاكت
      حيل لاصبح يحلها . ولا يحلها الليل
__________________________________

فصلية الشيخ حسن

بعد مرور شهرين

نور : بهاي الشهرين مرت اجمل ايام حياتي و يا الشيخ حسن مدللني دلال ❤😍 بس مريم من درت ضاجت حيل و صارت اخبث من قبل و الشيخ حسن مرات اليلة يم مريم يعوفهة و يجي يمي و اني صح اغار علي بس ادوس على كلبي واكلة روح يمهة ماريد صير مشاكل من وراي بس هو شيقنعة مايقبل
و طبعا اني يوم عند يوم يزيد حبي لحسن و هو هم كام يعشقني

الى ان اجة اتعس يوم بحياتي و هو خلصنة غداء و اني غسلت الماعين ونظفت المطبخ وصعدت فوك الشيخ جان كاعد بالهول هو  و عمتي شوية و سمعت صوت مريم تكول و صيح و صوت طبة قوية

مريم : نور لا لا نور الله عليج بنتي مالها شغل لا تشمريهة عاااااااااااا شمسسسس

نور : نور اني سمعت هيج و طلعت بسرعة شفت شمس جاي توكع على الدرج نزلت و راهة جتي اكمشهة بس مالحكت عليهة

اجة الشبخ حسن شاف بنتة و شاف اني واكفة على الدرج هو تخبل ضل يصيح و يغلط و يسب شال شمس وركض بيهة

اجتي علية مريم كتلتني كتلة غسل و لبس وصيح و تكول انتي وكعتي بنتي

و كولهة والله مو اني و هية تكلي لا انتي اني شفتج هية تضرب بية و عمتي و البنات بس يباوعن علية تكول مصدكات

رحت على عمتي كتلة عمة اني بنتج صدكين اني اسوي هيج ضلت بس تباوع علية وتبجي اني اتخبلت ضليت ابجي واصيح و اكول و الله مو اني و علي مو اني ليش محد يصدك ضليت هيج لليل

اجة الشيخ حسن عيونة يطلع منها شرار اجة علية كتلني كتلة و ضل يشيل براسي و يضرب بي بالكاع و يكول اريد اسوي بيج مثل ماسويتي بنتي تتدرين صار بيهة عدهة    فطر براسهة ويمكن تموت

واني ابجي و اكلة حسن اني حبيبتك صدكني مو اني الي وكعتهة هو يكلي مو اني شفتج واكفة على الدرج وتباوعين عليهة شلو توكع وبعدبن قابل مريم جذب طيح حظي نوب

كال ماريد و حدة حاولت تكتل بنتي بيتي هسة اوديج لبيت اهلج اني تخبلت كتلة لا حسن فدوة و الله مو اني والله بيش احلفلك وداعتك انتة اغلة شي بخياتي و داعتك مو اني ليش محد يصدكني حباب  حسن والله مو اني ضل يضرب بية

نوب صاح على اختة كال الهة جيبي عباية راحت جابت واجتي انطتهة الة خلاهة علية وسحلني سحل وخلاني بالسيارة  

و كال الاخو ابقة بالمستشفى منا الى ان اجي من بغداد و ركب السيارة ومشة بس مشة كل سرعتة واني احجي ويا

و اكول حسن والله مو اني الي شمرتهة والله مو اني ماصدك بحبيبتك نور هو ضربني على حلكي و كال اشش ماريد اسمع صوتج افتهمتي لو لا اشش و لا كلمة

اني ضليت بس ابجي و ادعي  على الي جان السبب ورة ساعات و صلنة لبيت اهلي اخذني جر ودك الباب مال عرك فتح الباب بابا شمرني علية

و كال هاي بنتك ورقة طلاكهة توصلهة خلال اسبوعين اني تخبلت شنو يطلكني كتلة لا حسن فدوة و الله مو اني والله ليش ماصدك عاد بابا كال هاي شمسوي بانتي وضل يصايحون هو وحسن  عاد حسن

كالة على كلشي بابا كلة اني لو اشوفهة بعيني اجذب عيني واكول نور ماسويهة ترباتي واثق منهة و خلاص بعد احسن رجعتهة راح حسن واني

ضليت شابكة بابا واكلة بابا و الله مو اني ليش محد يصدكني كال سكتي بعد ابوج وكلبة سكتي ناس ماتستاهل تنزل دموعج عليهم كافي روحي سبحي و رتاحي وناميلج شوية

اجت ماما من شافتني خترعت كال هذا يا ظالم سوة بيج هيح اني من شفت ماما زدات بالبجي و رحت حضنتهة و ضليت ابجي اخذتني و سبحتني وبدلتلي و حجيت كلشي لهلي و ضليت ابجي الا ان استسلمت للنوم بحضن ماما بس شنو نايمة و اناشغ من البجي

بعد مرور اسبوعين

نور: يوم المحكمة لان قبل يومين حسن رفع قضية طلاك اني رجعت لبست مثل قبل لان اهلي شوية قنعوني بس مانسيت حسن و لا حبة الحسن لبست هيج

  و رحت للمحكمة و يا ماما وبابا بس اخذت الطريق كلة بجي وصلنة دخلنة للمحكمة شفتة كاعد باوع علية نظرة مال عدو مو تكول اني الي جان يصيحلهة مريتي حبيبتي لا تكول واحد حاقد علية عدوتة

اني بالكوة سيطرت على دموعي كعدت شوية وصاحو باسمنة رحنة طبينة اني ويا سئلة القاضي شنو سبب الطلاك كلة هيج ماريدهة وهية اصلا فصلية واريد اطلكة اني من سمعت هيج كلت على شنو ضايجة علي اذا على كلبي ادوس على كلبي

كلي وانتي شنو عندج كتلة ماعندي شي اني بعدني صغيرة واريد اكمل دراستي وازوج الي احبة على شنو باقية عندة هو رجال شكبرة شايب واني بعدني صغيرة اني هم اريد اطلاك كال القاضي اذا ثنينكم مصرين هذا هو طلاكنة طلعت اجتي ماما كالت ها بعد امج كتلة

ههففف خلاصت جان حمل على كلبي (مادري ليش هيج كلت مع العلم زاد حملي ) اجتي ماما كالتلي الف مبروك عليج الطلاك بعد امج لا ضوجين

كتلهة لا على شنو اضوج على شخص ماصدك بية وماعندة ثقة بية هم بس اني كلة جذب محد يدري بالي بكلبي 💔😔 والدمعة بالكوة مسيطرة عليهة طلعت من المحكمة وكعت الدمعة وضليت ابجي واكول الماما والله ماكدر بدونة ليش طلكني 😢😭💔

ضليت اباوع علي وهو هم ركب بالسيارة ضل يمشي بيهة بس هو يباوع علية ضل يباوع علية وكنو هاي اخر مرة نشوف بعض صارت عيني بعينة

فجاء دخت وكعت بالكاع بعد مادريت بروحي غير اني بالمستشفى فتحت عيني كتلهة هاي اني ليش اهنا عاد اجتي ماما

كالت بعد امج بنيتي الصغير   والوحيدة راح صير ام ❤ اني نصدمت كتلة ماما تحجين صدك لو جذب كالت بعد امج و كللهة صدك اني ماكلكم مافرحت لا اجذب عليكم بس ضليت ابجي من الفرح وعلى مصيبتي

بعد مرور فترة الحمل

نور : وصار على حملي تسع اشهر بس شنو شلعان كلب الحبالة بهاي التسع الشهر ماكلكم نسيت حسن لا بس تناسيتة شوية تغيرت نفسيتي اني ماخليت اهلي يكلون الحسن على حبالتي يعني حسن مايعرف على الجهال اي صدك بية بنية ولد تؤم اليوم صارت عندي كلوك رحت للمستشفى دخلت غرفة عمليات وبس جبت نمت بعد مادريت على روحي كعدت لكيت امي تبجي كتلة شبيج يمة كالت

هاا يبعد امج يل ماعندج حظ شكلج  وشحجي
كتلة كولي حبابة جهالي بيهم شي كالت لا لا تخافين مابيهم شي الحمدالله بس .. ..   ......

🚧🚧🚧🚧🚧🚧🚧🚧🚧🚧

هلو شلونكم حبايبي❤😙

اسفة اسفة اسفة لان تاخرت بس والله صارت ضروف ماكدرت اكتب بيهة وارجع واكول اسفة يروحي انتة❤

باي ياعمري ❤