رواية فصلية الشيخ حسن الفصل التاسع والعشرون 29 - بقلم 👑princess👑

" آلديرهَ المآبيهآ حسّك طآفيّه بخدهآ السٓوالف
___________________________________
فصلية الشيخ حسن

نور : احمد ماقبل يروح عيبت علية 😛 ورحت اني بس مترددة اخر شي فتح الباب وفتت هو جان يحجي ويا بابا فتت لا سلام ولا اي شي رائسن كتلة الجهال اليوم يباتون عندي كال

الشيخ حسن : لا ماكدر اعوفهم

نور : وليش يمة ماتكدر تعوفهم اني امهم ومن حقي اشوفهم ويباتون يمي مو بكيفك

الشيخ حسن : جاي احجي بس ابوهة و امهة قاطعوني

ابو نور : شيخ عوفهم بس اليوم وباجر تعال اخذهم هية هم حقهة

ام نور : اي بعد امك عوفهم بس اليوم

الشيخ حسن : سكت شوية وكال
ماشي بس لخاطركم راح ابقيهم لا ماكدر اردكم

ابو نور : مشكور ماتقصر

الشيخ حسن : جاا اني اتوكل

ابو نور : وين تروح اليوم تبقى هنا

الشيخ حسن : لا والله ماكدر اروح يم صديقي وباجر اجي الصبح على الجهال

ابو نور : شوف شيخ اني صح جنت ضدك بس من عرفت الحقيقة وطلعت برائت نور اني هسة وياك بس ماكدر اجبر نور انو ترجع بس نكول انشالله تقبل وترجع الك وهسة ماتروح تبقى اهنا وازعل عليك اذا رفضت

الشيخ حسن : ماتقصر ابو نور وانشالله تقبل
ولخاطرك ابقى اهنا

ابقيت بيت نور خلوني جوة بالغرفة خاصة للخطار ضليت شوية بس ماجاني نور كلت اطلع للحديقة اشتم هواء وارتاح واشرب جكاير طلعت فتحت الباب شفتهة وكلت همزين طلعت .....

نور : بس وافق انو الجهال يبقون يمي اني رائسن طلعت من الستقبال رحت للجهال ضليت العب وياهم اني واحمد وهمة فرحانين شوية راح احمد ورجع كال

احمد: نور

نور :كتلة هاا
كال

احمد : رجلج راح يبقى اهنا

نور: كتلة ليش اني مزوجة ومادري

احمد : ههههه يلة عمي الشيخ حسن راح يبقة اهنا يبات

نور : ليش يمة بغداد مابيهة فنادق لو ماعندة اصدقاء هنا

احمد : شبيج نور شنو هل حجي احترمي هو ضيف

نور : 😑😒

احمد : عابت شلون عيوني اروح انام احسن

نور : راح احمد وبدلت للجهال لان هو جايب وية اهدوم لالهم واني هم بدلت ورحت للجرباية نمت بالنص واخد منا واحد منا صارو الجهال ضليت اسولف وياهم وحجيت قصة الهم ونامو اني ماجاني نوم كمت نزلت جوة للحديقة رحت كعدت على المرجوحة وغمضت عيوني واول ماغمضت اجة الشيخ حسن ابالي اوف ربي ليش بعدني احبة اي احبة كل الي صار وياي مانقص من حبي ولو شوية ضليت اتذكر كل لحظة من جنت اني ويا اوف مشتاقتلة كد رحمت الله بس ماكدر اسوي اي شي لان كبريائي مايسمح اوف فزيت من صفنتي وتفكيري على صوتة وهو يكول

الشيخ حسن : شفتهة ماعدة على المرجوحة رحت عليهة وكتلة

شلونج نور

نور : باوعت علية كلت بداخلي شلوني واني ماشايفتك صار خمس سنوات اوف باوعت علية بكل برود وكتلة

زينة لان انتة مو بحياتي

الشيخ حسن : اهاا
شوكت كلبج يحن علية

نور : ماعندي كلب علمود يحن عليك كلبي مات من يوم الي شكيت بية واني احلفلك انو مو اني بس ماصدكت

الشيخ حسن : متندم بكد شعر راسي لان ما صدكتج بس كل الصوج بابوية لان ماكال من البداية

نور : لاذب غلطك على شخص ثاني انتة لو تحبني جان ماصدكت وثقيت بية

الشيخ حسن : نور صدكي اي واحد يشوف الي اني شفتة جان موتح بلحظتهة

نور : اي لعد ليش ماموتتني مو احسن

الشيخ حسن : نور تدري ليش ماسويت هيج

نور : اي بالله ليش

الشيخ حسن : لان اعشقج

نور : ضليت ساكتة نوب كمت كتلة تصبح على خير

الشيخ حسن : كتلة ارجعج ارجعج لو يضل اخر يوم بعمري وانتي من اهلو

نور : ضحكت بداخلي ورحت صعدت للغرفة طلع بابا من الغرفة مالتة كال نسيت اكلج اليوم خابرت صديقي مدير بالمستشفى ..... كتلة عليج وكال باجر تجي للمستشفى وانشالله يصير خير كتلة ليش اني اريد اطور روحي برزحي ماريد واسطة كال مو واسطة بس هو جان يدري بيج ادرسين طب ومن قبل كال اريد بنتك من تكمل دراسة تشتغل بالمستشفى هسة تروحين لو لا بس عيب اني كتلة انشالله باجر تجي كتلة ماشي تصبح على خير رحت طبيت للغرفة ونمت بنص الجهال ونمت

كعدت ثاني يوم كعدت الجهال وبدلتلهم وبدلت الية لبست هيج

وشعري سوينة ذيل احصان وخليت مكياج ونزلت اني والجهال لكيت الشيخ حسن وبابا وامي واخوية كاعدين بالمطبخ على الميز كلت صباح الخير اباوع على الشيخ حسن باوع علية من فوك ليجوة وعيونة من العصبية صارن حمر بس ماهتميت كعدت الجهال واني اكلت شوية وكمت لان تاخرت على المستشفى بوست الجهال ودعتهم وهمة هم بوسوني
كلت البابا اريد سيارة اروح بيهة كال اخذي سيارة مال امج بين ماشتريلج كتلة ماشي صح اني جنت اسوق من جنت بالامارات ودعت الجهال مرة ثانية وطلعت اخذت السيارة ورحت للمستشفى شفت المدير حباب وصرت اشتغل بالمستشفى بس مو من اليوم لا باجر اول يوم الية طلعت من المستشفى ورحت جبت شغلات للجهال وملابس والعاب و رجعت للبيت بسرعة على امل الجهال بعدهم ماريحين وصلت شفت الشيخ حسن جاي يركبهم بالسيارة طلع مارايح من الصبح لان طلع عندة شغل عاف الجهال يم اهلي وهسة اجة ياخذهم اني بسرعة طبكت السيارة ونزات منهة ورحت الهم ركض واني شايلة الغراض انطيتهم الغراض وبوستهم انقهرت لان راح يروحون صح ماصار اهواي يمي بس تعودت عليهم بسرعة جان كال الشيخ حسن ....

الشيخ حسن : اريد اكلج شي هل مرة جبتهم بعد ماجيبهم تريدين رجعي الية وشوفيهم 😎

نور : شنو شنو مو هو بكيفك جهالي وشوكت ماريد اشوفهم مو بكيفك 😡😠

الشيخ حسن : اي بكيفي 😏 جهالي وبكيفي تريدين رجعي الية وشوفيهم

نور : 😡😬😠 مو جهالك جهالي اني الي حبلت بيهم اني الي شلتهم تسع اشهر اني مو انتة 😡

الشيخ حسن : بس بالاخير همة جهالي 😌
وهسة تاخرت وراي طريق مع السلامة

نور : اوف والله الاسبوع الجاي اجيب الية الجهال

الشيخ حسن : من سابع المستحيلات

نور: نشوف 😤

الشيخ حسن : انشوف 😏 ركب السيارة ونطلقت للعمارة

نور : راح وراحت روحي ويا الجهال ضجت حيل دخلت للبيت واني معصبة وضايجة حيل

مرة اسبوع وكلت اليوم يجي يجيب الجهال كعدت من الصبح واني كلي حماس وطاقة اليوم اشوف جهالي كمت حظرت روحي ونزلت جوة شوية واندك الباب ردات اطلع بس بابا ماقبل طلع

هو اني ضليت اراقب الباب شوكت يدخلون الجهال شو محد دخل رحت للاستقبال شفت الشيخ حسن وعمي وعمتي

الصراحة شتاقيت العمتي اهواي اوف نسيت كلشي ورحت عليهة شبكتهة وضليت ابجي مادري ليش وهية هم خطية ضلت تتعذر مني لان ماصدكتني وعمي هم اعتذر

وطلبو انو ارجع وياهم بس ماقبلت ضلو يلحون و كالو مو علمود شي بس علمود الجهال لان خطية تربو خمس سنوات من دون ام خلي هسة يعيشون وية امهم

ضلو يحجون ويقنعون اخر شي اذت قراري انو ارجع بس علمود جهالي مو علمود شي ثاني بس شرطت عليهم انو الشيخ حسن مالة دخل بية ومايتقربلي

اباوع على الشيخ حسن رافع حاجبة انو ماعجبة حجي بس ماهتميت جان كال عمي كلشي الي تريدي يصير وانتي وزوجج بعد الزواج اتفاهمو كتلة ماشي جان كال الشيخ حسن

الشيخ حسن :جاا اذا هيج اروح اجيب الشيخ
(مستعجل الشيخ ههه) علمود نعقد

نور : وليش مستعجل ماريد هسة اريد اسوي حفلة

الشيخ حسن : بداخلي شتعلو اهلج بنت الاوادم اني الج بس خلي نعقد كتلهة
ادلل الي تريدي يصير باجر انشالله

نور : ماشي باجر
راحو اهل حسن ماقبلو يبقون علمود باجر يجون اني رجعت مو علمود شي بس على مود الجهال اتعلقت بيهم حيل ( جاي تقنعين روحج :الكاتبة )

اجة ثاني يوم هسة حالين الساعة 3:30 راح يوصلون اني بدلت لبست فستان هيج شكلة

هو مرة وحدة ازوج قابل كل يوم خليني افرح شوية وشعري هم مثل الي بصورة

شوية واجوي دخلت عمتي والبنات حيل شكد مشتاقتلهن بوستهن واجتي مرت اخو حسن هم سلمت علية وعمتي اصلي على النبي وتكول حليانة اكثر من قبل كتلهة تسلميلي يروحي انتي الاحلى واجوي الجهال يركضون شبكوني واني هم شبكتهم بوستهم جان تكول عشق

عشق : لك فهد شوف احنا شكد محظوظين راح نحظر عرس ابونة وامنة

فهد : اي  والله محظوظين
صدك ماما يعني راح تجين تعيشين يمنة هناك بالعمارة

نور : اسمع حجيهم وبتسم واكول اكو شي بيهم يشبهني هو اللسانهم ههه نفس اللساني كتلة اي يروح امك راح اجي اعيش يمكم اهناك

جان عمتي كالت يلة يمة اجة الشيخ رحت كعدات ورة الباب و عقدنة اني وحسن شوية وفات الشيخ حسن بهيبتة لالرادين ابتسمت اجة كعد يمة كال

الشيخ حسن : اي واخيرا صرتي الية مرة ثانية الا اطلع ضيم الخمس سنوات بيج اني الج

نور : باوعت علية هيج 😒😞 كتلة صدك اريد اكلك شي

الشيخ حسن : اي كولي شنو

نور : اريد غرفتي نفس غرفت الجهال الي ينامون بيهة

الشيخ حسن : 😒 مو هوة بكيفج

نور : اي بكيفي 😌

صدك همة جابو ذهب وياهم اجة لبسني الذهب البسني الكلادة وباسني من ركبتي اني رجفت كتلة بعد لا تتقرب علية هيج كال بكيفي ولبسني التراجي وباسني من ورة اذني كتلة اني شكتلك كال واني كتلج بكيفي جان عمتي صيح حبهة ولك حبهة ولا تخاف من امهة هو كال لا عمي ماخاف شوفو جان باسني قريب على شفتي شكد مايستحي كال يلة هم يالة ورانة طريق طويل كتلة انتة ليش مستعجل كال

الشيخ حسن : كاب مستعجل عليج غير

صحت على امي يلة يمة هم يالة

نور : عابت كمت رحت للغرفة مالتي اني لامة ملابسي من البارحة بالليل لبس هيج لان هو كايل لعمتي البس شي مستور كلت بداخلي بدات رحمة الله هيج يصير شكل الفستان

نزلت ودعت اهلي ركبت ويا والجهال ويانة وتجهن للعمارة
..
..
..
..
..
..

بعد مرور سنة

نور :حبيبي كافي جتي تبززني

الشيخ حسن : كومي ولج الساعة 9:30 حومي جنج دعبلة انتي وبطنج

نور : لا دكول دعبلة وبعدين هيج صرت كلة من ورة ابنك غير
صباح الخير

الشيخ حسن : صباح النور والفافية وصباح العسل وصباح الورد على اجمل امراة شافتهة عيوني .

نور : يمة فدوة لعيونك ❤😙 تدري شكد احبك
بكد الكون وبكد رحمة الله انتة حبيبي وروحي وعمري انتة النفس الي يصعد وينزل بية ❤

الشيخ حسن : يروحلج فدوة حبيبج وتكومين لو بعد ماخليج طلعين غير الساعة 12

نور : ههههه لا لا راح اكوم كمت سبحت وبدلت ونزلت جوة صبحت على الكل .......

نور : بهاي السنة صخ بالبداية ضليت معاندة بس بعدين ضعفت كدام حبي لشيخ حسن وتقبلتة وهسة اني حامل علية خمس اشهر والجهال سجلو صف اول ومتعبيني خيل ثنينهم نفس الصف ....

وهنا تخلص قصتي وعشت ويا حبي وحياتي وشيخ كلبي حسن وجهالي الي همة عشق وفهد وشهم جبت وسمينة شهم .......

النهاية .

🚧🚧🚧🚧🚧🚧🚧🚧🚧🚧🚧

هلو شلونك ❤😙

خلصت القصة مالتي وانشالله نالت عجابكم و حبيتوهة ❤
بس اريد منكم التصويت ومتابعت الحساب

باي يروحي ❤😙