فصلية الشيخ حسن الفصل الحادي وثلاثون 31 - بقلم A I M

وحك صوت اليشبه راحتي اشتاكيت
وعيني تريد وجهك وين اوديها
_________________________
فصلية الشيخ حسن

الشيخ حسن : ضليت الليل كلة افكر بنور وبلي سويتة وياهة كلت لازم ارجع نور لازم ارجع حبي وحبيبتي نور رحت شفت الجهال بوستهم همة الي راح يخلوني اصبر على فراك نور لانهم قطعة منها نمت بصفهم ..

ثاني يوم

الشيخ حسن : كعدت ثاني يوم الصبح قرارت اروح لبغداد لنور علمود احجي وياهة واقنعهة تسامحني وترجع وياية

طلعت لبغداد ورحت على بيت نور وصلت دكيت الباب ماكو مرة مرتين دكيت هم ماكو رحت على جوارينهم سئلتهم كال الرجال سافرو فترة ويرجعون اني ضجت حيل بس كلت ميخالف نصبر رجعت للعمارة

ومرت فترة تقريبا اسبوعين وهم رجعت لغداد ورحت على بيت نور واني كلي امل انو اشوفهة اليوم وصلت ودكيت الباب طلع ابوهة من شافني تغير معاني وجهة كال هلا محتاج شي كتلة هيج تتصرفون ويا الضيف الي يجيكم كال اني زيادة مني كتلك هلا بس لان ضيف كتلك تفضل دخلت للستقبال وكتلة اريد ارجع نور هو كال

ابو نور: ههههه حلوة هاي هيج فجاء تريد ترجع نور
مو هوة بكيفك اطلك ونوب ترجع تكول اريد ارجعهة

الشيخ حسن : ابو نور اني اعتذر منك بس جان سوء فهم و........حجيتلة كل الي سوتة مريم

بس ماقتنع وماقبل يرجع نور الية كتلة ماطول هية حامل وطلكنة يعني الطلاك باطل واني اريد مرتي اريد ارجعهة بس ماقبل

تعصبت وضليت احجي هو هم تعصب وكال نور مو بالعراق نور طلعتهة خارج البلد

اني نصدمت كتلة وشلون تخليهة سافر وهية مرتي
كال مو مرتك طليكتك صرت اعصاب

وطلعت من البيت لان اذا ابقى يمكن اسوي شي اتندم علي مرت فترة واني ماخليت شخص ما دزيتة على ابو نور حتى ارجع نور الية بس ماكو فايدة ومرت سنة وسنتين

وصار اعمار الجهال 6 سنوات واني مادري شي عن نور بس ولا مرة فقدت الامل انو نور ترجع الية ودائما الجهال يسئلوني على امهم واشوفهم الصور مال نور ويكولون وينهة اكلهم مسافرة فترة وترجع الى ان اجة اليوم الي صار شفت بي ........

انروح لنور نشوف شنو صار وياهة بهاي الخمس سنوات

نور : من سافرات راحو وياي اهلي ضلو تقريبا سبوعين ورجع ضليت ابجي عليهم بس الي صبرني اخوي وحزام ظهري احمد جان الي سند بكل خطوة اخطيهة

وخطية جان دائما يجي يعتذر مني ويكول كل الي صار بيج من وراي واني اكلة لا هذا مصيري وقدري فلا تلوم روحك درست كلية طب

بس والله ولا دقيقة بحياتي نسيت بيهم جهالي الي من لحمي ودمي دائما ابجي بسكوت عليهم ودائما احجي وية اهلي واسئلهم عليهم مرة بابا دزلي صورهم هو ماخذهن الهم من بعيد من راح للبصرة شفتهم فدوة الكلبهم شكد حلوين و كلولي على حسن انو يريد يرجعني الة بس اني ماريد ارجع

مرت فترة واليوم حفلة التخرج مالتي بس ردات بهذا اليوم اهلي وياي بس ماكدرو يجون 😢 المهم حضرت روحي ورحت للحفلة وبنص الحفلة شفت ماما وبابا واخوية طبو للقاعة اني من فرحت رحت ركض تكول طفلة وشافت اهلهة بس حقي يعني خمس سنوات ماشايفتهم فرحت حيل خلصت الحفلة ورجعت للبيت واهلي وياي واليوم نمت بنصهم ههه مشتاقتلهم حيل ضلو يومين وبابا كال

ابو نور : نور بعد ابوج اني اريدج ترجعين ويانة صدكي مانكدر على فراكج واني كلبي قلقان طول مانتي اهنا حتى اخوج يرجع ويانة وماريدج ترفضين طلبي شكلتي

نور : تروحلك فدوة نور ادلل ارجع وياكم وهم اني اريد ارجع شوكت ترجعون

ابو نور : فد سبوع ونرجع

نور : اوك لعد اني انام لان نعست نمت

ومرت السبوع واليوم نرجع للعراق
لبست هيج

وتوجهن للمطار طول ماني بالطيارة افكر يعني هم راح اختنك من الهواء هناك مثل قبل هم راح اذكر كلشي صار وياي ضليت افكر وافكر الى ان نمت على جتف احمد ماحسيت بروحي الا لمن احمد كعدني وكال وصلنة كلبي رجف من كال وصلنة اخذت نفس وكمت من مكاني حنى انزل اول ما حطيت رجلي على الكاع نزلت دمعتي واخءت نفس طويل وذبيتة مال واحد ارتاح نفسين طبعن ارتاح هذا هوى بغداد اوف شكد ارتاحيت كلت بداخلي ها يا بغداد رجعتلج ❤ ماكدرت على فراكج اخذنة سيارة البيتنة وانب ضليت اباوع على شوارع بغداد تكول اول مرة اشوفهة مو تكول صار خمس سنوات ماشايفتهة وصلنة لبيتنة رحت لغرفتي هية هي نفس ماعفتهة نمت وكعدت العصر ويا اهلي سوالف وضحك اندك الباب كتلهم اني افتح كمت واني اضحك مادري بلي راح اشوفة ......

الشيخ حسن : اني كل هل فترة مائيست من نور اليوم قرارت اروح لغداد واخذ جهالي وياي بالكي يحنون على الجهال اخذتهم وهمة سئلو وين راح نروح كتلهم لبيت جدكم اهل امكم هما فرحو لان جانو دائما يسئلوني عنهم المهم وصلنة ونزلت ونزلت الجهال وياي دكيت الباب انفتح الباب ريتة مانفتح بوية هاي شصايرة هية خطية نصدمت من شافتني كتلة هسة رتاح كلبي من شفتج ابني كال بابا هاي تشبه ماما الي بصورة انشوفه جان كالت عشق اي لك فهد هلي نفسه هاي كلهة ونور مصدومة كتلة ماراح ترحبيت بجهالج هية رائسن بجت وخلت يدهة على وجهة 🙊😢 باوعت على جهال وكتلهم هاي امكم همة خطير راحو يركضون وشبكوهة هية هم شبكتهم وضلت تبجي بصوت وخرو منة وكالو الها

عشق : ماما لا تبجين انتي ما فرحانة بشوفتنة

فهد : اي صدك ماما مافرحانة

نور :😢😭 يروح امكم شلون مافرحانة 😭😢
اني اليوم اسعد وحدة بالدنيا وشبكتهم
التهيت وياهم ونسيت حسن اهلي من شافوني تاخرت طلع اخوية شافني وشاف حسن ماكدر يسوي شي لان اني اشرتلة اجة بابا وفوت حسن اني اخذت الجهال جوة وضليت ابوس بيهم جان يكلي فهد

فهد : ماما اكول انتي صدك جنتي مسافرة

نور : اي يروح امك ليش منو كلك اني مسافرة وصدك شلون عرفتوني اني امكم
( فهد صح عمرة 6 سنوات بس عقلة فاهم لان تعرفون تربة بيت شيوخ )

فهد : بابا كال انو انتي مسافرة وفترة وترجعين وجان دائما يشوفنة صورج

نور : هااا

عشق : ماما انتي راح ترجعين ويانة مو لان اني اريدج ترجعين ويانة حبابة

نور : يكلب امج ماكدر اجي بس انتو تكدرو تبقون يمي

الجهال : ليش ماتكدرين حبابة

نور : شبكتهم شوية واجة احمد كال الشيخ حسن يريد يحجي وياج كتلة ماريد راح اخوية وهم شوية واجة كال يكول لعد صيحو الجهال اريد اروح وراي طريق طويل كتلة كلة الجهال اليوم يبقون يمي راح ورجع كال يكول لا ماكدر بدون الجهال كتلة روح كلة جاي احجي..... جان احمد كال امشي ولي الخادم مالتكم صار ساعة اروح وارجع كومي انتي واني خليني العب ويا جهال اختي الحلوين كتلة لا صير خبيث وكوم ماقبل اخر شي استسلمت ورحت اني .......

🚧🚧🚧🚧🚧🚧🚧🚧🚧🚧🚧

هلو 😙❤
فديتكم شكد احبكم ❤
شلونكم انشالله زينين

يلة باي وتصبحون على خير ❤😙