رواية فصلية الشيخ مهاب الفصل السادس عشر 16 - بقلم بـنـين آلـ شـمـر 𖣘

سأتمسـك بـك مهمــا حصـل بيينـا سأضعك بين عيـنـاي
للأبـد ولـن أتركك فـ أنَـت لـي🤍✨

﴿ فصلية الشيخ مهاب ﴾

ريان: حبيبي كوم يلا ساعه بـ 6 يلا يروحي حتتأخر
مهاب: ممم حياتي نامي شعدج كاعده من الصبح
ريان: مهاب يا صبح ساعه بـ 6 هسه شوية ويجون الطباخين والترتيبات كوما يلا كوم مهاب يلا مهاااااب مهااااب مهاااي شيخي
مهاب: يا طركاعة مهاب الماتخلص كمت ولج كمت
ريان: كام عليه راد يهجم شردت للحمام اسمع صوت ضحكته تردلي العافيه 😫🤍
سبحت كملت طلعت لابسه برنص شفت مهاب كاعده ع الڪرسي بس بالبجامه وكيمونه وكفشته ع عيونه وجكارته بيدة ويتصفح بالفون
ريان: يلا حبيبي كوم اسبح هم يلا حنتأخر
مهاب: يي عمري كايم ، رينو حبيبي طلعيلي ملابسي
ريان: تمام كلبي ، بدلت لبست قفطان ابيض وشال ذهبي وحطيت مكياج خفيف وعطرت وطلعت لحبيبي دشداشه بيضه مطرزة وغترة ابيض واسود ومحابسه ع الميز وسبحته الذهبيه ونضارة طلع حبيبي
مهاب: ها عمري طلعتيهن
ريان: يي حبيبي هذن البسهن واني نازله
مهاب: لا وحط ايديه ع خصري وشدني اله ، لا حياتي تنتظرين زوجچ يكمل وتنزلين ويا
ريان: وك يروحي انتظرك كمل
مهاب: تقربت منها اخذت شفايفها بين شفايفي ورتويت بيهن
وخرت منها واني اباوعلها بحنيه واشتياق احس كلبي ميشبع منها هاي بنتي واميرتي وحبيبتي اريد كل عمري ابقى وياها اريد اعيشها اميره
كملنه ونزلنه سوا
مجتبى: ككككلللوووششش عرسان الله يحفظكم ولا يكول صار شهرين متزوجين
الشيخ مهاب: وسم لهل الصوت ، وانت شعليك واذا عرسان
مجتبى: يي عمي شكلنه الك الله يالفقير كدرتكم عليه
الشيخ: دنچب هسه وكوم شوف الطباخين وصلو لو لا
مجتبى: والله ما اكوم اذا ما اكل شي ، ولج روينه سويلي ريوك فدوا
الشيخ: روينه هاز كاروكها كوم انت سوي
ريان: خوش رايحه لا تخبصنه ابو لسان ، حبيبي حروح اسوي ريوك اكعد ، رحت سويت بيض سلك مهاب معتني بجسمه كُـلش فـ يحب البيض سلك وماما هم لان سكرها وكليت بيض الي ولنورهان ومجتبى وعذاب وطلعت جبن ومربى وزيتون وعسل وسويت چاي عمو طالع يم اصدقائه راح يعزمهم اليوم الشيخ مسوي عزيمه للشيوخ والعمام لان عمو حيسلم المشيخه لمهاب لان هوا تعب ومهاب ابن الچبير
(ملاحظه: مهاب چان متكفل بكل امور الشيخ والمشاكل والطلايب وكلها تهابه وتخاف منه بس مچانو عالنين هالشي رسمياً فـ عمي قرر يعلن هالشي اليوم وسوو وليمه) كملت الريوك رحنه تريكنه كلنه كاعدين وخابرو مهاب وصلو الطباخين
مهاب: مجتبى كوم وصلو خابر ياسين ورافد ولد خالي سعيد وميرزا اني اخابره وخابر حيدر ومهند ولد خالي ياسر وانه اخابر علي يلا لك
مجتبى: صلاوات منو كلك اني شركة آسياسيل ، لا كمت خلص حخابرهم تأمر شيخ
مهاب: ردت اهجم علي اني وين وهوا وين يحشش ، عفته وطلعت خابرت علي وميرزا هذول مثلي ومثل عذاب ويوسف علي وميرزا ضباط علي برتبة رائد وميرزا مقدم يشتغلون نفس مركز يوسف المهم حيجون بعد شوية
مجتبى: هسه اني راح اصير سكرتير واخابرهم واحد واحد ويخلص الرصيد لو يموتون سويت اتصال جماعي ع الواتس
ياسين: ها ولك العار شلونك
مجتبى: عار ماغيرك الخايس شخبارك
رافد: ولك هاي مجيتو شلونك
ياسين: ها خويه مشتاكين وينك
رافد: نچب انه بالغرفه الي بصفك
ياسين: يا نسيت خويه
مجتبى: رويفد سد حلكك لا اجيك چم مره كتلك لا تكول مجيتو ابن الحلو شهاللقب الزفت
مهند وحيدر: ولكم هلا عارات
حيدر: شني تجمع عائلي مسوين
مجتبى: نچبو وباوعو الشيخ عازمنه قصدي عازمكم اليوم على الوليمه يكول تعالو وهوا حيعزم اخوانكم علي وميرزا
اللولد: تمام متفقين
مهند: عزا بعينچ تيسير
مجتبى: ها خيه شمالچ
مهند: يعني راح ننكرب اليوم
مجتبى: بكل تأكيد يا احبائي يلا ولكم لتمسلتون هواي كدامي تعالو بسرعه
اللولد: خوش باي
مجتبى: باي
اجو اللولد وخابرت الياس هم اجه وبده الكراب يمحمد تعبت تعبت بعد مابيه يابوفااضللللل
الشيخ: وسم شبيك تصيح
ميرزا: ها ولكم شلونكم
مجتبى: خويه تعبت متتت ، لك هلا ميرو شخبارك مشتاكين وشبكته"
ميرزا: ميرو بعينك المصخم طارت الهيبه ، بخير انت شلونك
مجتبى: ديلا خويه شسالفه شدعوة عليك هوا لقب هلا هلا هلا اجه عليش
علي: يسطرك العباس انه راجع
الشيخ: ههه وين
علي: شيخ اذا ابقى هنا هذا يطير عقلي هوا من نضرب بالسيارة يحشش على محمد تريد هسه اخلص منه
الشيخ: ههههه حققكك والله
مجتبى: ديلا عاد هسه انت شلونك مو زين وسلمت عليك طكيتها ركضه ركض وراي ابن الحلوة لكفني
علي: ولك انت زين منك سلمت علي اذا احطك هنا العب بيك شناو
مجتبى: مو يمك خويه على هذا المصخم حويدر
حيدر: اننههه شعععللييههه
مجتبى: وحمس اسكت ، عافونه ودخلو للديوان واحنه كملنه صعدنه لبسنه دشاديش وغتر بما انُ شيوخ وهيج كمنه نزلنه جوا واحد يعدلل للثاني غترته ستقبلنه ابوي..

ــــــــــــــــ
بارت قصير (تصبيرة الكم) جايتكم ببارتات تجنننن انتظروني 😍😂
بنات جد أســـــٌــــفهہ عذرني ونبي مريظه ورمضان وملتهيه + مالي واهس اكتب بس لخاطر كلامچن الحلو داستمر دعمني بتصويتات احبچن فراشاتي 😍🦋♥
بيباي
#الكاتبه_بنين_آل_شمر 🥀♥
py.n17 انستا للتواصل 🥀♥