رواية فصلية الشيخ مهاب الفصل السابع 7 - بقلم بـنـين آلـ شـمـر 𖣘

-أذا الگاك، اهْلهل فرحةهَ مال خباَل
و أعرضلك عراضةهّ شيخ، وارميلَك فشك جتال🏹🖤

﴿فصلية الشيخ مهاب ﴾

مهاب: ريان
ريان: نعم
مهاب: باچر اقاربنه عازمنه ؏ـلى عرسه واريدج ترحيين وياي ماعندج مشكله مو؟
ريان: لا ماعندي شي عادي باچر اروح وياگم
مهاب: تمام حضري روحج واذا حتاجيتي شي تصلي علي اخلي مجتبى ياخذج للسوق
ريان: انشالله بس ممحتاجه شي
مهاب: براحتج ، يلا تصبحين على خير
ريان: وانت بخير
نمنه وكعدت الصبح لكيت مهاب حاضني ونايم حاولت اسحب روحي ماكدرت ضليت صافنه على ملامحه شلون حلوة وحادة اول مرة ادقق بتفاصيله بعدني صافنه
مهاب: اعرف حلو نزلي عيونج لا تحسديني
ريان: عزا طلع كاعد ، انت من يمته كاعد
مهاب: من حاولتي تسحبين روحجي مني
ريان: فد خجلت ونحرجت سحبت روحي بسرعه وطفرت للحمام اسمع ضحكته ترست الغرفه ،هههههه ضحكت على ضحكته ماعرف منين اجتني الجرئه طلعت راسي من الحمام وكتله
ضحكتك حلوة نصبها لا تنحسد عيني
بسرعه دخلت وقفلت الباب
مهاب: داضحك عليها وسمعتها كالت ضحكتك حلوة ههههه صدك فرحت رحت اركض عليها بس للأسف قافله الباب ههههه تطلعين لو تبقين تاليتج طالعه
ريان: ننننننن
مهاب: ردي السانج لا اجيج متخلصين مني بعدين
ريان: عزا فد خجلت ، اخذت شاور وردت اطلع بس المصيبه اني اجيت بسرعه للحمام ونسيت اخذ ملابس يربي شنو هل الحض
اخاف اطلع بالبرنص والكا موجود صحت
ريان: مهااااب مهااااب
مهاب: عرفتها تريد ملابس وتريد تتئكد موجود بالغرفه لو لا 😂
محجيت شي خليتها تطمن وطلعت وحضنتها من ورا
ريان: عاااااا منو انت
مهاب: حطيت ايدي على حلكها سكتي ولج فضحتينه هذا اني
ريان: والله خوفتني هى هى
مهاب: ههههههه ليش تبجين خلص آسف ، بعدين شنو هل الجمال عيني
ريان: عزا نسيت روحي اني بالبرنص ، مهاااب اطلع
مهاب: غرفتي وحر بيها
ريان: مهاب الساعه بالـ 8 تأخرت 😯
مهاب: شنو وراح يركض للحمام
ريان: چذبت علي حتى يتركني وهوا صدك اصلاً الساعه بالـ 7 😹😹 رحت طلعت الي ملابس مال بيت ومشطت وسشورت شعري وحطيت ميك آب بسيط هوا طلع حاط المنشفه على خصره ستحيت ودرت وجهي وهوا كال
مهاب: باوعت على الساعه شفتها بالـ7:18 ريان شو الساعه بالـ 7 مو بالـ 8
ريان: ههههييي ضحكت عليك وانت صدكت
مهاب: ريااان ورحت اركض عليها بس ملحكت بيها
ريان: اجه يركض بتجاهي بسرعه طلعت من الغرفه واني اضحك 😹
مهاب: انه اعلمج وين ترحين مني هيه سوتلي نننن ، هههههه طفله بدلت لبست هيج 👇🏻

وربطت شعري وكلشي عطرت ونزلت
مهاب: صباح الخير
الكل: صباح النور
الشيخه: يمه صلاوات على محمد وآل محمد شطالع تجنن يمه دير بالك لا تنحسد
مهاب: فدوة لكلبج يمه حبيبتي
ريان: نزل يخبل عين البارده علي حبيبي، يا ريان شبيج تسودنتي
مهاب: ريان صبيلي اكل اريد اروح
ريان: ووكك ، صبيتله اكل وكمل وراح لدوامه كملت كل شغلي وسوينه الغدة نضفنه البيت وكلشي وكعدنه ننتضر مهاب يجي حتى نصب
مهاب: السلام عليكم
الكل: وعليكم السلام هلا
مهاب: هلا بيكم صبولي غدة ميت من الجوع
ريان: تتدلل مهاب اصعد غسل وبدل اني حضرتلك ملابسك ، صعد مهاب يبدل ونزل واحنه صبينه الغدة وكملنه تغدينه
اني ونورهان غسلنه المواعيين ورحنه حتى نبدل
مهاب: ريان محتاجه شي اجيبه الج
ريان: لا مهاب سلامتك كلشي موجود عندي روح نام ورتاح
مهاب: خير انشاءلله بويه بالـ 4 كعديني
ريان: تمام عيني
راح مهاب نام واني اخذت مكياجي وملابسي والسشوار ورحت يم نورهان حتى نبدل براحتنه بغرفتها احنه نلبس محجب لان القاعه مختلط لذالك لازم لبس مستور اني لبست هيج

ممكياجي 👇🏻

حذائي 👇🏻

حجابي 👇🏻

نورهان هيج لبست 👇🏻

حذائها 👇🏻

الحجاب

مكياجهه 👇🏻

احنه قررنه نلبس نفس الشي حتى نطلع سيت 😂😂
كملنه لبسنه كله صارت الساعه بالـ 4:12
ريان: يا نسيت اروح اكعد مهاب
نورهان: روحي انتي اني اروح الملم الغرفه صارت هوسه
ريان: تمام حبيبي
رحت لغرفة مهاب يعمري شكد حلو وهوا نايم ، تقربت منه وضليت صافنه عليه بعدين صحيت على روحي وبديت اكعد بي مهاب مهاب مهاب مهاب مهاب مهاب مهاب مهاب مهاب مهاب مهاب
مهاب: ادري دتسجليين غياب كاعد والله كاعد فتحت عيون وريت ما فاتحهن شطالعه كمر قليل بحقها اروحلج فدوة يبنت كلبي طالعه تجننن ضليت صافن عليها شحلاتها
ريان: ههههههه اكعد يلا
مهاب: لج حركتي جدي بهاي ضحكتج شطالعه اليوم
ريان: خجلتني تسلم يلا اكعد بدل
مهاب: يي يي كايم ، واني صافن عليها
ريان: مهااب يلا كوم تأخرت
مهاب: تمام كمت حروح اخذ شاور انتي طلعيلي ملابس على ذوققج
ريان: تمام بس تريد رسمي لو خليجي
مهاب: لا هيه القاعه مختلطه وهواي ناس لذالك طلعيلي رسمي
ريان: تمام تتددلل
هوا راح واني وبديت اختار طلعتله بنطلون وقميص اسود وستره رصاصي ونضارات شمسي اطارهن فضي وشوز رسمي اسود هوا طلع
مهاب: ها ريون طلعتيهن
ريان: يي طلعتهن هذن راح اطلع حتى تبدل براحتك
مهاب: تمام براحتج يسلمو
ريان: ولو تتدلل ، طلعت وخليته يبدل ضليت واكفه يم الغرفه الى ان صاحلي كلي دخلي ، دخلت ويمه طالع شحلاته يربي صبرني على جماله طالع يخبل مباشرتاً صليت على محمد
هيج لابس 👇🏻

ريان: واو طالع كلش حلو
مهاب: مو بجمالج عيني حتنحسدين
ريان: ههههه فدوة ، هوا بده يسشور شعره واني اخذ صور بجهازي كمل تسشور واجه بصفي
مهاب: اخذيلي صورة وياج
ريان: هههه تمام بدينه ناخذ صور اخذنه هوواااي صور بوضعياة مختلفه وهوا شوية وضعياته الي يكلي بيهن جريئة بس شسوي اخذنه صور جريئة وعاديه 😂 وكملنه كال يلا ننزل نزلنه اني وهوا ولازمين ايدين بعض
الشيخه: اللهم صلي على محمد وآل محمد عين الله تحرسكم
مهاب+ريان: فدوة الكلبج يوم
نورهان: هلو اني اجيت
الكل: هلا والله شنو هذا الجمال
نورهان: يي فديتني من يوم يومي حلوة
مجتبى(وهوا ينزل من الدرج): منيلج جمال نعم الله على المكياج الي لابخته العتوي
نورهان: مهااااب صيح بي
الشيخ: ولك مجتبى لا تحجي على بنيتي
نورهان: فديتك بابا حبيبي
عذاب: اكلج نورهان ليش لابسه مثل ريان؟!
نورهان: احنه قررنه نلبس هيج حتى نطلع سيت كامل
مجتبى: سيت مال كلاصات 😂😂
نورهان: انچب
مهاب: مكافي عرك بوية نروح
الشيخ: يي بوية يلا امشي
ابوي راح هوا وامي بسيارتهم
ومجتبى راح وحدة لان يمر بـ إلياس ويلحكنه للقاعه
ونورهان وعذاب بسيارة عذاب
واني وريان بسيارتي
رحنه والطريق كله حاط اغاني غزل وهيثم يوسف وهيه فرحانه وطالعه تجنن يربي ، وصلنه للقاعه واني ومهاب نزلنه واحد لازم ايد الثاني واجو ورانه عذاب ونورهان وماما وبابا
ودخلنه للقاعه ستقبلونه الناس وشي تباوعلي بستغراب وشي بحقد لان فصلية وشي حابتني المهم اني ماهتميت لان واكفه بصف زوجي دخلنه سلمنه وكعدنه على الطاولة نتبهت اكو واحد يباوعلي بطريقة مو حلوة ومركز علي هواي مر وقت هواي مهاب راح يسلم على كم شخص من اقاربه
ريان: ماما اني حروح اشوف مهاب وين واحاجي نورهان لان راحت ويا اقاربهه تحجي وياهن بنات
الشيخه: براحتج يمه بس لا تتأخرين
ريان: لا ماما ما اتأخر شويه واجي ، رحت ادور على نورهان ملكيتها سئلت بنيه واكفه چانت وياها وبصفها ديم
ريان: العفو حبيبتي نورهان وين
ديم: نورهان راحت للحديقه الي ورا القاعه
ريان: وكك تسلمين
ديم: ولو
ريان: ستغربت من طريقة ديم اللطيفه بس كلت يجوز البنت تغيرت، رحت للحديقه الي ورا القاعه ما لكيت احد داريد ارجع وشفت اللولد الي جان يباوعلي واكف وراي ردت اتجنبه واروح لزم ايدي
ريان: انت شاون تجرء تلزم ايدي عوفني
فاضل: شبيك يا حلو انطينه بوسه وروح شدعوة عليك
ريان: احترم نفسك حقير اريد اسحب روخي منه ماكدر حضني الحقير وايمه صوت من وراي

مهاب: عفتهم كاعديين ورحت اسلم على العريس واقاربنه من رجعت شفت ريان مموجودة ، يوم ريان وين
الشيخه: والله يمه كالت حروح اشوف مهاب واحاجي نورهان واجي ولهسه مابينت
مهاب: ماموجودة ما اجتني وين نورهان صحت لنورهان اجت هيه وديم
نورهان: ها حبيبي شتريد
مهاب: ريان اجت حجت وياج
نورهان: لا والله ما شفتها
ديم: اني سفتها رايحه بتجاه الحديقه الي ورا القاعه سئلتها وين رايحه كلتلي انتي معليج خليج بشغلج اني هم سكتت عنها
مهاب: ريان شتسي بالحديقه خلي اشوفها رحت وراها للحديقة وكلبي ممرتاح ، وصلت وشفت شي ما متوقعه من ريان شفتها ويا ولد والولد حاضنها صحت بصوت ، رياااااااااااان
ريان: مهاب ابوس ايدك تعال خلصني منه ، توقعت حيجي ويساعدني ويخلصني من هذا الحقير بس للأسف صار العكس
مهاب: اخلصج منه مو لج كـ... حقيرا تالي عمري تجي مرا تخوني اني اعلمج صفكتها راجديات وهيه بس تبچي وتتوسل
اجه عذاب يركض يريد يخلصها مني
مهاب: عذاب عوفني خلي اخلص منها هل الحقيرا السافـ...
عذاب: لا مهاب فتهم منها ريان مستحيل تسوي هيج روح للبيت وفتهم منها انت شيخ ومنا الناس تضل تحجي لزمت هذا الحقير
مهاب: لك عذاب شفتها بعيوني بس صح كلامك اني شيخ حاخذها واروح دير بالك هذا الكلب يفلت من ايدك اني اعلمهم
رحت سحلتها للسيارة واخذتها للبيت والطريق كله هيه تبچي وتنكر الي صار
مهاب: لج ثقيت بيج وما اذيتج وسويتج ملكه وانتي اصلج فصلية يا حقيرا هذا جزائي بس اني راح اعيد تربيتج خلي اوصل وشوفي
ريان: وداعتك ما سويت شي هوا اجه وبدة يتهجم علي والله
مهاب: سككككتتتتتي يا نكسه تخلفين بيه لج انتي منو كلج خلك فصلية
ريان: شكد اذاني ودمرني بس من كلي فصلية متتت الف موته صحيح اني فصلية بس هوا مچان يحسسني بهل الشي وهسه موتني من كلي هيج بس سككتتت
مهاب: وصلنه للبيت وسحلتها سحل للغرفه انه مو طبعي امد ايدي على مره بس الي صار كدامي فقدني اعصابي وما خله عقل براسي دخلتها للغرفه وقفلت الباب رحت عليها ولزمتها من شعرها وحجابها طاح لج اني تخونيني اني لج شقصرت وياج بس اني اربيج اليوم طاحت عليها كتل وماكتفيت نزعت الحزام وهيه صرخت
ريان: مهاااااااب كااااااافي بداعت عععززيز ككلللبك كاااافييي
والله مااالللييي ذذذننبب ودااعععتتت الله ماالللييي ذذذنبب هاي ديم وهوا متفقييننن علليي والله ماالللي ذننببب والله بريئه يععنني اني وانتتت بالغررفه ما سويييتلك شي وانت تسسسواهم تريدني سويي للغريببب لك فكر بيههااا اني شفت مني شي غلط والله بريئة بريئة اني بريئة واغمه علي
مهاب: فكرت بكلامها صدك هيه وياي وما سوت شي ليش تسويي للغريب ومن كالت ديم غسلت ايدي صدكت هيه ما الها ذنب دتحجي بصوت عالي وتصرخ واغمى عليها اني تسودنت من شفتها هيج بسرعه ركضت عليها وشلتها ونزلت للسيارة اخذها للمسشتفى الطريق كله اني ادعي مابيها شي وكرهت روحي لان ما صدكت بيها وهيه شريفه وماعدها شي وصلنه المستشفى وركضت اخذت سديه ودخلنه صحت للأطباء اصدقائي گتلهم حضرولي غرفه الها خاصه دخلت وفحصتها وكملت شفت صاير عدها انهيار عصبي وجسمها كله مورم وينزف شفت شلون مئذيها وهيه مثل الوردة وترفه ما تتحمل شوكة شلون تحملت كل هذا الضرب وكلت دكتورات خاصه انو يعالجن جسمها وانطيتها علاجات خاصه للأنهيار، شفت حالتها تبچي الصخر يربي اني شسويت اجت امي ونورهان ومجتبى وابوي امي اجت تحجي علي
الشيخه: لك شسويت يا مهجوم ليش هيج ماصدكت هاي مريتك تصدك ممكن تخونك لك والله عيب عليك بعد لا اعرفك ولا تعرفني انت مو ابني مهاب
الشيخ: مع الأسف يا شيخ هذا تفكيرك
مهاب: والله ماكدرت اسيطر على روحي من شفتها بهل المنضر عقل ما ضل براسي
نورهان: انت شاطر بس تتعصب وتكتل ماعرفت تسئلها ليش هيج سوت وشجابها هنا هاا؟! ولكامل معلوماتك ديم ورا كل الي صار وابوي سئل اللولد وكله هيه ما قبلت حاولت تخلص روحها بس اني حضنتها غصب وعذاب اخذ اللولد مدري وين ويكتل بي وديم اجه يزن اخذها للبيت وراح تاكل المقسوم وريان؟ ريان نكتلت على شي هيه ممسويته نضلمت ومن منو من زوجها المصون الي لازم يثق بيها ويوكف وياها والي وعد اهلها انو حيكون الها سند مهاب انت خسرت ريان
مهاب: اني اسمع نورهان هيج تحجي وميت قهر وندم على الي سويته صاحت الدكتور عليه ودخلت اني واهلي نركض
ريان: والله اانننييي ممسووييةةة شي وداعتتتككك مهااااب اانننييي مضللووممةةة
مهاب: حالتها تبجي الصخر نطيتها ابرة مهدء ثانيه وامي تبجي وتدعيلها وتقرا عليها آيات
ونورهان تبچي
اني طلعت برا ما تحملت الي صار اني ضلمتها
الشيخ: هاا مهاب عاجبك الي يصير بوية
مهاب: بوية والله مو قصدي بس ماتحكمت بعصابي ومن شفتها هيج عقل ما ضل براسي ادري بروحي غلطان والله
الشيخ: الله كريم بوية
اجه الشيخ ابو خالد وابو محمد ومحمد وامها يركضون بتجاهنه
خالد: ها مهاب شبيها بنيتي شنو صار وياها فدوة كلي وينها هيه
الشيخ ابو مهاب: اهدء ابو محمد بنتك مابيها شي انشالله حالياً هيه هنا بهاي الغرفه
دخلت ام محمد تركض للغرفه وتبجي
الشيخ ابو خالد: ابو مهاب شبيها بنيتنه شنو صار وياها؟
ابو مهاب: خوية .... وسولفتله السالفه كلها
محمد(وهوا لازم مهاب من قميصه): لك مهااااب خليت يمك روحي من الدنيا تجي تسوي بيها هيج ليييش ولك ما سئلتها ماتعرف ريان متسوي هيج
مهاب: حقكم عليه واني غلطان واعتذر منكم بس حطو روحكم بمكاني شنو راح يصير بيكم
ابو محمد كعد على الكرسي ويبچي على حالتة بنته
ومحمد ضل يفتر وميت من الخوف والعصبيه ويندعولها
فجئه سمعت صوت ام ريان تصرخ دخلنه كلنه نركض للغرفه وشفنه ريان....

انتهى البارت اتمنى يكون عجبكم
وآسفه على التأخير بس چنت مريضه وكوة كتبته
عوضتكم بـ 2000 كلمه ، اذا تردون اسويلكم بارتين باليوم بس قصيرات كلولي بالتعليقات وانطوني رئيگم

لا تنسون تصوتون

عذروني على السحك 😂🔪

باي واني كلش احبگم 😍🥀♥

#للكاتبه_بنين_آلـ_شمر🥀♥
#للكاتبه_رسل_السيلاوي🥀♥