رواية فصلية ل راهب الفصل الرابع 4 - بقلم zena ali

مساء الخير
المشاهدات جدا مبشرة بس عندي سؤال صغير ليش من تشوفون البارت ما تنطون تصويت او تعليق ترى كولش يفرح هالتعليق اللي حتكتبه حتى اذا كان سلبي

احبكم حلقوماتي 😍😍

+++++++++++++++++++++

ما أحقر ان تشعر بالعجز
العجز من مساعدة نفسك قبل الوقوع في الهاوية لكن يبقى املك "هل من الممكن أن تمتد يد لانتشالي من تلك الهاوية ام سابقى فيها للابد"

بعد هالكلمة عافتهم وهمة مصدومين ومكسورين لان ما بيدهم شي يسوونة وهمة يشوفون هالوردة الترفة رايحة للنار برجليهة وكدام عيونهم

ترف
كتلهم موافقة وركضت لغرفتي قبل ما يشوفون دموعي مع اني متأكدة حتلو شافو مراح يسوون شي مو لان ما يحبوني لا لان ماعدهم الكاتبة زينه علي خيارات لو الموت النة كلنة لو بس الي واني مستحيل اخليهم يمسون أهلي بشي

(يارب انت حسبي و وكيلي يارب ساعدني وقويني اغثني يا الله امنحني الصبر يا ربي انا عبدك الفقير الذليل)

ساعة7 مساءا بيت ترف
✊✊

ترف:اتفضل😢

علي:بابا ترف يا روح ابوج ليش هالضعف هاذة

ترف: بابا فراككم صعب علية مداكدر اتخيل حياتي بدونكم شلون بس كلي شلون اتحمل

علي حضن ترف: يا حبيبتي ادري لا تتصورين سهل علية لو على امج واختج فراكج
بس يا بابا فكري بعقلج وعوفي المشاعر شوي
فكري كم عائلة راح تنام وهية مامنة الكاتبة زينه علي على نفسهة وتدعيلج لان انتي خلصتيهم من الدم والثار وكل هاي المشاكل

ترف: حاضر بابا اللي تكول عليه امرك
شوكت اروح 💔

علي:باجر الصبح نتحرك
حضري ملابسج وغراضج لا تنسين شي واسمعيني زين يا بنتي هناك مو مثل هنا فرق جبير لازك تنتبهين لكلامج وتصرفاتج ملابسج
شيطلبون كولي حاضر لا تزعلين أحد منج واني ادري بيج ما تفشليني ولا تنزلين راسي مو صح يكلبي؟؟

ترف : ما عاش اللي ينزل راسك بابا هاهية تدلل

علي: 😙باسهة من راسهة
يلا حبيبتي كومي نطيت فلوس لماما تروحون تجيبون ملابس لان ادري ما عندج بس تراكات وميصير هناك تلبسين هيج

ترف:حاضر بابا
باست ايدة وراسة
شكرا الك بابا واسفة اذا يوم زعلتك مني بدون ما اقصد

علي:يا روح ابوج لا تحجين هيج انتي رفعة راسي يلا كومي ترة

ترف:هههه حاضر بابا ثواني ابدل

راحت ترف وامهة( وجوري ماتقبل تحاجي احد)  للمول يشترن كم قطعة ملابس وترف رادت تجيب الوان لان ما موجود منهة الا بمكان محدد ببغداد
ام ترف حاولت شكد متكدر تضم حزنهة ودموعهة جانت تتمنى مثل كل ام تشوف الكاتبة زينه علي  بتهة بفستان ابيض وتشوفهة فرحانة متشوف بعيونهة خوف وقلق وحزن بس شتسوي هاذة امر الله

رجعو للبيت بوقت متاخر كل واحد دخل غرفتة وبقت ترف تلم غراضهة وملابسهة وتتذكر حياتهة وية كل ذكرى تنزل غيمة من الدموع
لمت جنطتهة من غير نفس اخذت الدشاديش اللي جابتهن من السوك وكم تراك وكتبهة الشغلات الضرورية
وحضرت ملابسهة مال باجر وجنطة ايد بيهة فونهة وهيتفون وكم عطر ومكياج عادي لان متحب المكياج
كملت كولشي ونامت

***************************
في ميسان بيت الشيخ

كاعدين بالديوان راهب وحسن والشيخ وعمامهم و ولد عمامهم

الشيخ حاكم: وين خليتو الولد

راهب:لا تخاف يابة خليناه بالمخزن اللي بالمزرعة وعليه حراسة

الشيخ حاكم: انشاء الله خير ولو ما ردتهة هيج تصير

راهب: لا يابة لازم هيج تصير

حسن:اي يابة ما عاش اللي يكسر كلمتة ويانه

خلصو حجيهم ودخلو بيتهم

***********************Z

في بغداد7 صباحا

كعدت ترف وراحت تحاجي جوري من ورة بابهة حتة تودعهة صارلهة كم يوم متقبل تحجي وياهة ولا وية اي احد
حضرت نورس الريوك وخابر علي على اخوه وعمه شيخ عامر
جوري وية اختهة بس تبجي وصعدو علي ونورس بدل ميهدون الوضع بجو وياهن لحدما صاحو عليهم تأخرو يادوب
خلصو اكل و ترف كملت تبديل و ودعت اهلهة وطلعت

ترف
يارب سهل طريقي اني سويت الشي اللي حسيتة صح
نص الطريق ونامت لان الليل كلة ما نايمة

وصلو ميسان ساعة 2 ونص
تباوع حواليهة مكان حلو كلة خضار وطيور وشط يجنن عبالك جنة وبنص هاي الجنه قصر كولش جبير وكفت السيارة كبالة

علي:يلة بابا وصلنا انزلي

ترف:
*****************************

صباحا في بيت الشيخ قبل وصول ترف

راهب
اليوم توصل الفصلية مادري شلون راح اتصرف وياهة ماعرف اذا هسة خوش بنية لولا بس ابوهة خوش رجال وعمهة هم رجال والنعم الكاتبة زينه علي منه صح ابنه كتلة أخوية بس كلمة الحق تنكال
خلصت لبس ونزلت

"صبحهم الله بالخير" حجة راهب وهوة يبوس ايد امه ورأس ابوه
الشيخة فضة: الله يسعد صباحك يبني

الشيخ حاكم:صباح النور بوية اكعد

"صباح الخير" نزل حسن وسعاد وغدير
رد الكل صباح النور

سعاد: عمي اليوم تجي الفصلية؟

الشيخ حاكم: اي يسعاد اليوم تجي وهاي مرة راهب مو فصلية ومن هسة احذرج ماريد اي مشاكل

سعاد: علكيفك يا شيخ اني شحجيت

حسن: سعاد سدي حلكج كافي

خلصو الريوك وراح راهب وحسن للدوام والشيخ بالديوان

راهب
خلصت شغلي ورجعت للبيت اتغدينة وخابر الشيخ عامر على ابوي كلة وصلنة طلعنة نستقبلهم اني واخوي وابوي و ولد عمي
وصلو 2ونص تقريبا وكفت السيارة بيهة ابو البنية وعمهة حتة نسيت اسمهة

ترف
نزلت من السيارة شفت كلهة زلم واكفة دنكت راسي وابد ما رفعتة لان عيب
حجة واحد منهم رجال جبير مبين هوة الشيخ مالتهم

شيخ حاكم: هلا شيخ عامر زارتنة البركة تفضلو

دخلنة جوة حجة الشيخ كال البنية تدخل يم النسوان اني هنا احس كلبي وكف شلون اذا الكاتبة زينه علي حجو علية شلون اذا ما تقبلوني شلون وشلون تالي سميت باسم الله ودخلت
اول مدخلت شفت بنية تقريبا بكدي او اصغر مني
ترف: مرحبا 😊

غدير: مراحب اتفضلي؟

ترف: ا ا ..اني ترف

غدير فتهمت ماحبت تحرجهة أكثر: هلا وغلا اتفضلي منا

دخلت لصالة جبيرة بيهة مرة جبيرة و وحدة لا تطلع ثلاثينات عشرينات

ترف:السلام عليكم

الشيخة فضة: وعليكم السلام ورحمة الله وبركاته اتفضلي بنتي

سعاد بصوت ناصي: لا هلا ولا مرحبا 😑

خزرة من الشيخة سكتتهة
هدوء وصمت

ترف
الوجوه ثكيلة الله يستر ماريد مشاكل 😔

************************
راهب
نزلو الجماعة ونزلت البنية بصراحة ما توقعت هيج لبسهة مستور وما رفعت راسهة ابد لبس ترف

(بس بدون وردة)

دخلنة للديوان

الشيخ عامر: الله بالخير
الكل بصوت واحد "الله بالخير شيخ"
دخل السيد اللي راح يعقد لترف وراهب
صاح الشيخ بالشباب يطلعون حتة تجي البنية طلعو وصاح حسن على غدير حتة تجيب الفصلية💔

ترف
اجت هاي البنية كالت يردوني حتة يعقدون كمت وياهة وصلتني لباب الديوان وراحت دكيت الباب

شيخ حاكم: اتفضل

دخلت واحس قطرة دم ما بية رفعت راسي شفت بابا يباوع علية ومبتسم بس حسيت ابتسامتة مكسورة

شيخ حاكم: اتفضلي بنتي تعاي هنا يمي

ترف: حاضر عمو

كعدت بصف هاذة الرجال وكبالي اكو ولد مو شاب ولا جبير متوسط بقة صافن وعاكد الكاتبة زينه علي حواجبة اني كبل دنكت مبين عصبي وضايج

راهب
كاعدين نحجي اني والشيخ وية ابو البنية

علي: يا شيخ انته تعرف لا اني ولا بنتي النة ذنب باللي صار حتة ابن اخوي اللي صار قضاء وقدر
هاي بنتي المدللة مالتي رجاء اترجاك دير بالك عليهة

شيخ حاكم: افا عليك لا توصيني من اليوم صارت بنتي

راهب
ابوهة يحجي واني اشوف الحزن بداخل عيونة واحس بوجعة وية كل كلمة يحجيهة بس هاهية اللي صار صار بعد
نحجي وندك الباب ودخلت البنية الفصلية هم مدنكة حاجاهة ابوية كالت حاضر بس صوتهة كلش ناعم شكد عمرهة هاي؟؟
كعدت يم ابوية ورفعت راسهة الله واكبر حلوة حيل العيون كبار وتكول غابة والبياض الكاتبة زينه علي ماشاء الله لو الحلك عبالك كرز بس ابد ما بينت هية هم كبل دنكت وبقت تلعب بطرف عبايتهة

السيد: يلا نتوكل على الله

ترف
عقدنة وعرفت اسم زوجي طلع نفسة هاذة العصبي ياربي دخيلك كون ما يطلع صدك عصبي هيج
راح السيد وكام بابا باس راسي واني بست راسة كالي بوسي ايد عمج رحت بستهة
الشيخ حاكم: الله يبارك بيج يا بنتي وانشاء الله تكونين ونعم الزوجة للشيخ راهب

ترف :أشكرك عمو انشاء الله

شيخ عامر: يلا ابو ترف وابو احمد ورانة طريق
ترف عنكم الزحمه شيخ

شيخ حاكم: بعد وكت ابقو اليوم هنا

شيخ عامر:والله تعذرنة عدنة مشاغل

شيخ حاكم: معذور شيخ
طريق السلامة انشاء الله

ترف
همة يحجون واني عيوني تصب دمع بدون مادري اباوع على ابوية يباوع علية وعافني وطلع اجة عمي باسني وبقة بس يتعذر مني ويوصيني على نفسي وعلى زوجي واهلة واني بالي مو يمة
ترف: لا تخاف عمو اني راح الكاتبة زينه علي  اكون بخير بس فدوة دير بالك على بابا كلة لا يزعل نفسة ويدير باله على صحتة اني مالي غيرة هوة وماما

صادق: هيج ولج ترفة لعد اني وين رحت
حجة وهوة يكرص خدودهة
لا تخافين يكلب عمج انتي ديري بالج على نفسج

راحو وبقيت اني وحدي
( عند ذهاب أحبابك عنك تشعر بالوحدة والضياع ولو كنت في حفل صاخب يملؤه الناس)
Zena
دخلنة للبيت يم المرة الجبيرة والبنات

شيخ حاكم: تعالي بنتي ليش تبجين اني مثل ابوج ولا تصدكين أحد يضوجج واني موجود

ترف
شوي ارتاحيت لكلام الشيخ

ترف: شكرا عمو الله يديمك انشاء الله

شيخ حاكم: الله يستر عليج بنيتي

راهب
اباوع شلون تحجي وية ابوية مبينة مؤدبة وخوش بنية

شيخ حاكم: اسمعي ترف هاذة رجلج راهب تسمعين كلامة وما تعارضيه انتي هسة مرتة يعني مسؤؤل منج وانتي مسؤؤلة منة

ترف:انشاء الله عمو لا يظل بالك

شيخ حاكم:الله يخليج بنيتي وهاذة حماج حسن وهاية مرتة سعاد
وهاي الشيخة فضة عمتج ديري بالج عليهة اعتبريهة امج وانتي مبين عليج خوش بنية وتخافين ربج

ترف
عرفني على عمتي رحت بست ايدهة وراسهة ورجعت مكاني
ترف: بعيوني عمو لا تهتم

الشيخ حاكم:تسلم عيونج
وهاي آخر العنقود غدير اصغر منج بسنة
يلا غديرة اخذي البنية ترتاح بغرفتهة

غدير: صار بابا
يلا كومي وياي

ترف كمت وياهة للغرفة
غدير: اتفضلي هاي غرفتكم اذا تحتاجين شي صيحيني

ترف:شكرا ما تقصرين

غدير:العفو تدللين

ترف
طلعت غدير باوعت الغرفة أنيقة ومرتبة وعطرهة يجنن لكيت الجنطة مالتي موجودة استحيت ابدل لو اسال على مكان لملابس بس نزعت عباتي وكعدت الجرباية
صفنت وتذكرت أهلي
بابا
ماما
جوري
💔💔💔
************************
راهب
عرفهة الشيخ علينة عجبتني من عرفهة عل حسن ومارفعت عينة كلش احترمتهة من كامت باست ايد امي لان امي حيل غالية عندي الكاتبة زينه علي  ودتهة غدير للغرفة وحجة الشيخ

شيخ حاكم: راهب خلي مرتك ترتاح جم ساعة واصعد مو تنسى عوايدنة يا شيخ

راهب: شنو قصدك شي

شيخة فضة:ابو راهب قصدك زواجهم يتم اليوم

شيخ حاكم: اي يا فضة هاذة قصدي

راهب: يابة شتريد بالضبط

شيخ حاكم:فضة فهمي ابنج

عافهم وطلع وطلع حسن واخذ مرتة وياه

شيخة فضة:غدير روحي لغرفتج

غدير :حاضر

شيخة فضة:راهب ابوك قصدة اليوم نشوف.........

تحياتي الكم حلقوماتي
يا ترى شيريدون 🤔🤔