رواية فصلية ل راهب الفصل الثامن عشر 18 - بقلم zena ali

هلووو دلبوشاتي شلونكم انشاء الله بخير
احبكم 😍
يلا مااطول عليكم
.................

ترف
كالت الشيخة راح يجون خطار اليوم نظفت غدير واني سويت الغدة حتاريت شسوي سويت دجاج بالفرن وتمن وتبسي وعمتي كالت راح تخابر على حسن يجيب سمج شوي الكاتبة زينه علي  وزلايط ولبن خلصنه تحضير كلشي وسعاد اجت من خلصنه كالت اني اسوي الكهوة والجاي

سعاد:شلون صرتي ترف

ترف:الحمد لله بخير

سعاد:اهاا انشاء الله دوم يعني ما بيج شي

ترف:اشكرج حبيبتي لا مبية شي الحمد لله

غدير:ترف ماما تكول راهب يريد يحجي وياج بالتلفون

ترف:اي اجيت

سعاد:علكيفج يابة لا توكعين

غدير:تحبة ويحبهة شني المضوجج

سعاد:وليش اضوج الله يهنيهم

غدير:من كلبج؟؟

سعاد:شني قصدج

غدير:ما قصدي شي بس انتي ما تتمنين الخير لأحد

سعاد:اكوم لغرفتي احسلي بينما يجون اهلي

ترف:الوو
ها راهب

راهب: هلا ترف الصبح نسيت احجي وياج من ارجع اريدج بموضوع

ترف:موضوع شنو راهب شصاير

راهب:من ارجع انشاء الله
اسمعي راح يجون بيت عمي ابو قاسم وأبو محمد ترف لبس طويل وعريض الحجاب اذا شفت شعرة طالعة اكطعة الج ترة وتبقين الكاتبة زينه علي وية غدير لو بصف امي ما تتحركين انتي مريضة وصلت

ترف:علكيفك علكيفك راهب شنو السالفة

راهب: اشش اسمعي الكلام كتكوتي

ترف: راااهب

راهب:ههههههه شسوي غير انتي ناعمه

ترف: انته ضخم اني شعلية

راهب:ههههه يلا روحي وما تنسين الي كتلج عليه

ترف:انشاء الله الله وياك

شكد فرحانه باهتمامه وكلامه ولا عبالك راهب الي من اجيت بس يصيح علية ويمد ايدة فدوة شكد احبة يارب تدوم فرحتي

ترف:اتفضلي عمة

الشيخة فضة:اكعدي يمي بنيتي

ترف:كولي عمة

الشيخة فضة:ما ناوية تحنين على ابني

ترف:ما فهمت عمة

الشيخة فضة:انتي مثل بنتي الله شاهد واريدلج كل خير كليلي انتي تحبين راهب؟

ترف:...(شهالاحراج)

الشيخة فضة:احجي ولج لا تستحين
من الي صار الج شفت ابني شلون خايف عليج وتروح روحه من يسمع صوتج لو يشوف الكاتبة زينه علي  اثر ضرب عليج
نزلت دموعة الج
ترف تحبي؟

ترف: اي عمه احبة بس خايفة

الشيخة فضة:من شني خايفة

ترف: خايفة ميحبني أو مجرد صفحة بحياته يريد يجاملني
واهلي ودراستي خاف ميخليني اشوف اهلي او اكلمهم ميخليني ارجع لدراستي

الشيخة فضة: لا بنيتي خوفج هاذة مالة داعي راهب ابني واعرفة راهب يحبج احنه ولدنه زلم ما يعرفون الجذب وهاي السوالف اذا كلج الكاتبة زينه علي  كلمه يعني طالعة من كلبة وعقلة واذا على اهلج صارو اهلة والله شاهد شكد حبيناهم امج والنعم منهة مرة معدلة واختج حالهة من حالج انتي الكاتبة زينه علي وغدير وابوج ينشد بيه الضهر ودراستج انتي وشطارتج المرة بيدهة تخلي رجلهة محبس باصبعهة جلمه حلوة لبس زين فهمتي كصدي

ترف: والله عمه همة هم حبوكم هواي
اي عمه فهمت قصدج بس مستحية وما جايبة هيج شغلات وياي

الشيخة فضة:لا يمه تستحين شني غير رجلج هوة واذا عالملابس وسوالفجن مال بنات هالوكت اني اوديج انتي وغدير للسوك جيبي الي تريديه

ترف: هههه عمه شبينه بنات هالوكت

الشيخة فضة: والله عدجن سوالف ما نعرفهة لا كبل ولا هسة
هسة شكلتي

ترف:انشاء الله عمة تدللين بس خاف راهب ما يريد هسة

الشيخة فضة:خايبة انتي شمالج فاهية وفطيرة اكو زلمه يشوف مرتة متعدلة ومرتبة ومنتظرتة وما ياخذ حقة مربع

ترف:يبووو عمه لا تحجين هيج
زين شلون خاف ميقبل اطلع وياكم

الشيخة فضة:لا مالج غرض اني احاجيه
وغدير هسة جاي تنظف غرفتج وترتبهة من تخلص روحي بدلي لان جاينه الكاتبة زينه علي  خطار وبالليل اني احاجي راهب حتة الصبح نروح

ترف:انشاء الله عمة شتكولين اني وياج
راح اروح  محتاجة شي

الشيخة فضة: لا يمه روحي

ياربي شكد خجلت من حجت وياي هيج بس يعني هم حقة خطية واني احبة ومتأكدة يحبني ليش ما اصير ملكه هفف خلي ابدل وانزل عيب راح يجون

رحت لغرفتي دكيت الباب

غدير: ها حياتي

ترف:عبالي خلصتي حته ابدل

غدير:اي خلصت فوتي شوفي شلون صارت حلوة

ترف:يروحي تعبتج وياي عاشت ايدج

غدير :تعبج راحة لا تحجين هيج انتي اختي

ترف:اخدمج يوم عرسج

غدير: اميييين يارب

ترف:اهاا شو طويلة ال امين شكو

غدير:لا ولاشي

ترف:اهاا ولا شي ماشي
شوكت متريدين تحجين اني موجودة

غدير:ماشي عيني بدلي ونزلي اني رايحة

نزلت غدير بقيت صافنه عالغرفة صح تعبت بيهة بس بكد التعب فرحت وطار كلبي من الحب طلعت ملابس دخلت سبحت وبدلت خليت الكاتبة زينه علي  شوي مكياج واكسسوار بسيط اول مرة يشوفوني خوما يشوفوني مبهذلة لبست حجاب ونزلت

نزلت لكيت الصالة بيهة عمتي وغدير وسعاد ونسوان كبار اثنين و3 بنات شابات

ترف:السلام عليكم

الكل رد السلام

الشيخة فضة:تعاي يمة ترف
هاي ترف مرة راهب

نور(ام محمد):هلا يمه ماشاء الله شني الجمال هاذة

ترف:اشكرج خالة من ذوقج

رحت باوست البنات

شهلاء بت نور 23 سنه مزوجة محامي وعدهة طفلة اسمهة ميس عمرهة ٥سنوات: هلا حبيبتي حمد لله على السلامة

ترف:الله يسلمج شكرا

ميساء بت نور الصغيرة 18 سنه مخطوبة والشهر الجاي ورة دورة السنه مال امير تزوج :حمد لله على سلامتج حبيبتي الكاتبة زينه علي  متشوفين شر

ترف:الله يسلمج حياتي اشكرج

ميعاد بت رغد أخت سعاد 26 سنه ما مزوجة : هلا حبيبتي مبيج غير العافية

ترف:تسلمين حبيبتي

رحت اسلم على ام سعاد ماسلمت بس اني دنكت باوستهة ومشيت الموضوع

الشيخة فضة:شبيج ام قاسم ماسلمتي عالبنية

رغد(ام قاسم): مابية اكوملهة هسة قابل الخاتون حضرتهة

ميعاد:يمة شهالحجي

ترف:عن اذنكم

عفتهم وطلعت للمطبخ احس نار صارت بكلبي ليش هيج سوت اني اول مرة اشوفهة ليش هالشكل تصرفت بديت احضر بالغدة اجن البنات وياي خطية واجة حسن من الدوام الكاتبة زينه علي جايب وياه السمج
كالو ناكل كلنه سوة فحضرنة سفرة جبيرة وصبينة وكملنه كولشي دخلو الزلم

عمار (ابو محمد): السلام عليكم
شلونج شيخة ام راهب

الشيخة فضة:الحمد لله اسال عليكم

موسى(ابو قاسم): شلونكم اخباركم انشاء الله بخير
هاي الحلوة منين

الشيخ حاكم:هاي مرة راهب ترف
تعالي سلمي على عمج

رحت سلمت وبست راسة لان رجال جبير وأبو محمد نفس الشي

عمار (ابو محمد): الله يرضى عليج بنتي

موسى (ابو قاسم ): ماشاء الله تبارك الرحمن الله يخليج انشاء الله

قاسم :شلونج ترف شخبارج

ترف : الحمد لله انته شلونك

قاسم :اني بخير الحمد لله
شلونج غدير

غدير:الحمد لله اسال عليك بشر شصار بموضوعك

قاسم:الحمد لله انشاء الله ورة زواج بت عمي ميساء

ميساء :انشاء الله الله يتمم بخير عليك
حبيبتي ترف ترة انتي معزومة ما يحتاج دعوة اريدج أول الحاضرين
عمي اذا ما بيهة زحمه خلي ترف وغدير يجن ويانة للسوك نكمل شغلاتي لان ماشاء الله ترف مبين  ذوقهة يجنن

الشيخ حاكم:تدلل بنيتي الحلوة بس الرأي رأي رجلهة

شهلاء:اي عمي بس انته هم تأثر عليه

غدير:اي بابا فدوة كل لراهب

عمار:ههههه التمن عليك بعد مالك مفر

الشيخ حاكم:ههههه يدللن شعندي غيرهن يجي راهب واحاجيه يلا اتفضلو

كعدنه نتغدة اني كعدتني عمتي بصفهة وكل شوي اكلي واكلي تريد تسويني بطة جاي ناكل ودخل راهب

راهب:السلام عليكم
شلونك عمي ابو محمد

ابو محمد:الحمد لله ابني انته شلونك

راهب:على الله
شلونك عمي ابو قاسم مشتاقين والله

ابو قاسم:ملعون لو مشتاقلي تجي تسلم تسال

راهب:هههه حكك علية بس شسوي الشغل ماخذ كل وكتي
شلونكم شباب

محمد:الحمد لله يخوي انته شلونك

ناصر(اخو محمد الجبير ): شلونك يخوي انشاء الله بخير

رائد(اخو قاسم  ) :شلونك واناخوك ماتبين

قاسم:شلونك راهب مشتاقين والله

راهب:الحمد لله انتو شلونكم

كعد عالقنفة مبين تعبان

شاورتني الشيخة فضة:خايبة كومي رجلج تعبان انطي مي كليلة كلمه حلوة كوومي

كمت جبتلة مي

ترف:الله يساعدك اتفضل

راهب ضحك:ويساعدج يالعافية زاد فضلج

يحجي بس عيونة تكول غير شي مبين عصبي يا ستار

ابو قاسم:ها ولك هاي شني

راهب:شني يعمي

ابو قاسم:العافية موو

راهب:جا غير مريتي

حجة ولزم ايدي عصرهة حييل

ناصر:جنة وكع و محد سمة عليه

قاسم:خلي يمعود ليش اكو احلى من الحب

عززة شكد خجلت كلهة كاعدة بقيت بنص هدومي

ترف:احضرلك الحمام

راهب:اي ياريت

رحت للغرفة طلعت ملابس الة ودخلت الحمام خليتلة منشفة وكاسرت المي طلعت لكيته نازع باقي بس بالبنطرون

ترف:ها حبيبي اجيت

راهب:اي اجيت

ترف:شبيك راهب شو مبين ضايج

راهب:اني شكتلج

ترف:اممم كتلي لبس طويل وحجاب

راهب:اي كتلج هيج ما كتلج البسي ضيك ومخصر والمن خالة مكياج وليش العطر هيج قوي

ترف:حبيبي بس اعصابك الكاتبة زينه علي  غير خطار وعيب لازم اترتب ولبسي مو ضيك بالعكس حلو

راهب: ترف حلاتج وترتيبج الي وبس فهمتي

ترف:فهمت بس نصي صوتك منا العالم

راهب:تعاي يمي

تقربت عليه

راهب:تقربي بعد

تقربت أكثر صارت انفاسة على وجهي باسني من شفتي بس مو بوسة احس روحي راحت من الوجع من كد ما تاذيت نزلت دموعي

راهب:حتة مرة ثانية ما تخلين هيج لون يبرز حلكج

ترف....

راهب:اذا بقيتي تبجين اخذ واحد ثاني ترة واذا اخذت الثاني ما اضمن نفسي يجوز اسوي غير شغلات

ترف: لالالا ما ابجي راح انزل جوة

راهب:وين رايحة تعاي اكعدي هنا اخلص وننزل سوة

سبح وطلع شعرة مبلل اباوع على طولة وشلون نشف ومشط شعرة وشلون يتعطر اروح فدوة شكد مرتب بس لو يخفف عصبيتة اوييلي منك راهب. كمل ونزلنه جوة شكد عيب مخلصين وشايلين السفرة والبنات ينضفن الكاتبة زينه علي بالمطبخ رحت يمهن لكيت ام قاسم  وام محمد بالغرفة وعمتي ماهية

ام قاسم:بعد وكت صار ساعة البنات بالمطبخ

ترف: اسفة خالة

ام قاسم :والله يا الله انگلبت الاية  الخطار ينظف ويشتغل والفصليات خاتلات بحضن الزلم  جنهن كحاب

بس كالت حجيهة نزلن دموعي بقيت واكفة مصدومة من حجيهة هاي شبيهة وياي شحال لوما مرة جبيرة

ميعاد:يمة شجاج شهالحجي

شهلاء:صدك جذب عمة عيب هالحجي هاذة ترة هوة رجلهة وهية مرتة مو غريب

ام قاسم:اسكتن ولجن تعلمني الحجي منو كال رجلهة هية كلهة خلك فصلية

عفتهن يحجن وطلعت رحت الحديقة كعدت عالمرجوحة اريد دموعي يوكفن اريد كلبي يهدة احس ناار بصدري أول مرة هيج الكاتبة زينه علي  احد يهيني وماكدر اردة يعني شحجي أكبر من امي وكلامهة صح اني خلك فصلية بقيت بالحديقة

كاعدين كلهم بالصالة يسولفون

الشيخة فضة:غدير وين ترف

غدير:......

راهب:غدير امي مو جاي تحجي وياج

شهلاء:ترف بالحديقة راهب

راهب:شتسوي ليش ما تجي يمنة

ام قاسم :يمكن مو كد المقام

الشيخ حاكم:شهالحجي ام قاسم

ام قاسم:اي جا ليش وحدهة صار ساعتين بالحديقة شعدهة

غدير:عمة كافي ترة مصختيهة خليني ساكته احسن

الشيخ حاكم:ولج غدير شلون تحاجين مرة عمج هيج

ميساء:عمي افتهم السالفة ترة ام قاسم حجت حجي ما يلبس عليه ثوب

شهلاء:اي والله عمي بس ترف بت اجاويد ولا ردت ولا حجت

سعاد:شبيجن علة امي علكيفجن يابة شسوتلجن ترف صار جم ساعة من عرفتنهة

ميعاد:سعاد انتي اسكتي لا تحجين

ابو قاسم:بس اسكتن وحدة نحجي شصاير

غدير :عمي ........ حجت كلشي صار

راهب عيونه صارن بكصتة لا يكدر يحجي ولا يسوي شي

ابو قاسم:يا عيبة العيبة ليش ولج شسوتلج البنية

الشيخ حاكم:اعصابك يخوي ماصار شي

الشيخة فضة:ابو قاسم هاي جبيرة ما عاش الي يهين بت الشيوخ

سعاد:ليش من شوكت صارت ترف بت شيوخ

حسن:سعاد تسدين حلكج لا اسدة الج

الشيخ حاكم: مرة راهب من طبت بيتي وابوهة امنهة عندي صارت بتي والي يذل بتي مالة دخلة لبيتي اسمع يخوي مرتك تجي اهلا وسهلا على روسنه بس تحترم البيت والي بيه من الكاتبة زينه علي  شوكت بيت الشيخ حاكم بيه مرة تحجي هالحجي

ابو قاسم :اني اعتذر منك يخوي واعتذر من ترف ومن راهب وبيتك ام قاسم هاي اخر مرة تطبلة
يلا كومن الله ياخذج فشلتيني

راحو كلهم وطلع الشيخ حاكم وياهم حسن طلع بسيارتة مخلصهة صفنات غدير وية امهة
راهب راح للحديقة يم ترف

راهب:ليش وحدج حبيبي

ترف:ولاشي بس ختنكت اجيت هنا

راهب: ترف صاير شي وياج

ترف:لا حبيبي بس كتلك اختنكت شوية

راهب: يعني ام قاسم ما حجت شي وياج

ترف دنكت:لا

راهب حضنهة:اني اسف حبيبتي ما تتكرر انشاء الله

ترف:لا تعتذر حبيبي اني الي اسفة سويت مشكلة الكم

راهب: لا تحجين هيج انتي مرة النقيب والشيخ راهب يعني شيخة الي ما يحترمج  اخليج تطيحين حظة

ترف:هههه مجنون

راهب:اي هيج واضحكي ونوري حياتي

ترف:ترة اخجل

راهب: رحت فدوة لليخجل شهالخدود هاي اريد اكلهن يصير

ترف:لا راهب فدوة لا تعض يبقة اثر بيهن

راهب: لا حبيبي ما اخلي اثر هنا اخلي بغير مكان

ترف: راااهب

راهب: عيونه

ترف:ههههه راهب باجر عمة تروح هية غدير للسوك اريد اروح وياهن

راهب:لا ماكو طلعة وحدج

ترف:بس اني حروح وية عمتي مو وحدي والبس عباية ما ابدل

راهب: لا هم عوزهة تبدلين انتي بالعباية و فرهدتي كلبي يالمفلوكة مو تبدلين
ماكو روحة سدي الموضوع تريدين شي كليلي اني اجيبة الج

ترف:بس اني اريد اطلع اني ضايجة واريد شغلات خاصة على ذوقي

راهب : ترف سدي الموضوع وكومي صبينلة غدة اني وياج

ترف:ماريد اني

راهب:انجبي تاكلين وغصبا عليج يلا روحي

ترف:ماشي راهب تدلل

.
.
.
.
.
.
.
.
.
.
.
.
.
.

بارت طويل ترة احبكم حلقوماتي واسفة اذا اكو اخطاء إملائية