رواية فصلية ل راهب الفصل الثاني والعشرون 22 - بقلم zena ali

هلوو حبايب كلبي حلقوماتي شلونكم مشتاقتلكم كوومة وربي
يسلمو على تعليقاتكم المشجعة وعلى اهتمامكم ومتابعتكم

😍😍😍😍😍😍😍😍😍احبكم

حسن
خلصت كم شغلة وبالي كلة يم جوري ردت اتصل بيهة بس ماحبيت احرجهة خاف اهلهة يمهة دزيت رسالة (اذا صارلج مجال اتصلي بية)
وجاي ارجع للبيت دك تلفوني شفتهة جوري

حسن:هلا وغلا بجوريتي

جوري:هههه هلو بيك
امم حسن اني عندي درس بعد  ساعة اذا تحب ممكن اشوفك بهالوقت

حسن:اي ماشي دقايق ويمج اني

جوري:ماشي انتظرك

رحت للمكان الي كالت انتظرهة بيه بس ماكو اخذت تلفوني اتصل عليهة شفتهة اجت تتمشى
شوف بت الكلب شلون تمشي وشني هاذة لبسهة ( لابسة بنطرون قماش احمر كمر عالي وعليه قميص ربع ردان ابيض مبين ايدهة الينكرطن والشعر رافعته ولازمة كتبهة بايدهة ) يابة لو الي سلطة عليج الا اكسر عظامج

جوري وهية تكعد بالسيارة:مرحبا

حسن:هلا

جوري:شبيك حسن شو ضايج

حسن:ماعندج غير هاللبس

جوري:لويش شبيه محلو

حسن:مشكلتة حلو وحلو هواي هم

جوري:هههه ماطول حلو علية هاهية

حسن :شني هاهية هالبس مايلبس مرة ثانية فاهمة

جوري:لا ما فاهمة اني هاذة لبسي ماغيرة واني محد يتحكم بية

حسن:جوري سدي حلكج راح تتاذين

جوري:يعني شلون اتاذة بلة

بسرعة حسن داس بريك وجرهة من شعرهة عليه باس شفتهة بكل عنف وانتقام خمس دقايق وهوة يعذب شفايفهة بسنونة وخر عنهة شفتهة مورمة ومجروحة وعيونهة حمر من البجي

حسن:شفتي شلون اذيتج لا تجبريني اعاقبج هيج مرة ثانية

جوري:ا..ا..ان..انته حقير ما احبك اكرهك رجعني للبت هسة

حسن:فدوة للزعلان بس انتي السبب شلون تحجين هيج

جوري:محجيت شي غلط بعدني تصلا موافقت وانته هيج تعاملني وتتحكم بية

حسن وهوة تنهد: مو بيدي احبج ماكدر اسيطر على اعصابي  بس اخخ يابة شلون شفايف ينكرطن وربي اكلهن اكل

جوري وهية مبوزةوبعدهة زعلانه: وشلون اكل اذا تاكلهن يا متوحش

حسن:اذا تبقين مبوزة هسة أذيج أكثر ترة وانتي منا رقيقة ما تتحملينة ترة

جوري:عزززة شنو هالحجي حسن

حسن:ههههههه يلا وصلنه انزلي

نزلنه بمطعم عائلي بس هادى وحلو طلبت جوري بس عصير واني اخذت جاي

جوري: مع اني زعلانه عالسويتة بس حابة اعرف شنو تريد تحجي وياي

حسن:وليش زعلانه بلة

جوري:يعني متعرف ليش

حسن:حبيبي زعلتي من بوسة لعد من نصير وحدنه واتوكح شتسوين

جوري وخدوهة صارن حمر:حسسسن عييب شبيك اليوم

حسن:شني العيب غير مرتي

جوري:هههههه يلا زوجي احجي شنو المواضيع المهمة

بديت احجيلهة عن حياتي وعن مرتي وحجيتلهة عن إعجابي بيهة والي صار بعدين حب فجأة دك تلفوني

حسن:هلا خوية شلونك

راهب:حسن هسة تجي للبيت افتهمت لولا

حسن:شكو راهب

راهب:جاي اكلك هسة تجي

حسن:انشاء الله جاي بالطريق

جوري :شبيه راهب

حسن:ماعرف بس مبين اكو شي صاير لازم اروح

جوري:ماشي عيني من توصل كلمني طمني

حسن:شلون شلون عيدي

جوري:من توصل كلمني

حسن:الي قبلها

جوري: عيني!!

حسن: يا الله بدت تندي

جوري:ههههه

حسن:ااخ يابة ابنك راح يوكف كلبة

جوري: حسن لا تحجي هيج اسم الله

وصلتها للمعهد  واني طلعت للبيت ووصيتهة تراسلني من تكمل درسهة

..................

راهب
خلصت دوامي اليوم من وكت كلت ارجع لترفتي اشتاقيتلهة
دخلت البيت هادئ ماكو صوت دخلت الصالة محد موجود صعدت ليفوك (هاي سعاد شعدهة بباب غرفتي )

سعاد تحجي من ورة الباب:يمعود يلا فضنه هية جم صورة اخذهن واطلع راح يجون

هاي شجاي تحجي

راهب وهوة يلزمهة من شعرهة:شجاي تحجين ولج

احجي وياهة وسمعت ترف عاطت

ترف بصياح:راااااهب الحكني

عفت سعاد وضربت الباب كل قوتي  شفت شي بحياتي مراح انساه ترف عالكاع فوكاهة واحد يجر ملابسهة يريد يتقرب منهة حسيت عقل ما ضل برأسي لزمت هاذة الحيوان كسرتة تكسر كل ما سامع شهكاتهة احس النار تشتعل بكلبي طلعت مسدسي ردت اضربة ودخل ابوية وامي وغدير
امي وغدير راحن لترف وابوية لازمني

الشيخ حاكم:يا ابني لا تضيع نفسك

راهب:يابة صدك تحجي انته هاذة الجلب داس حرمه بيتي واتعدة على حرمتي اليوم اطلع روحة بايدي

الشيخة فضة:ولك يمة الحك مرتك مدري شبيهة

عفت كلشي ورحتلهة وجهة اصفر وشفتهة مضروبة

راهب:لبسيهة شي يمة يابة هاي بت الكلب وينهة

الشيخ حاكم:ياهية

راهب:سعاد

غدير:شفتهة دخلت عرفتهة

راهب:يابة اذا اجيت وما لكيت ذول الاثنين احرك الدنيا حرك

الشيخ حاكم:لا يضل بالك روح اطمن على حرمتك

رحنه للمستشفى اني وامي وترف كالو عدهة هبوط من الصدمه لليل تكدر نطلعهة
خابرت حسن حتة يجي اجاني قاسم للمستشفى كتلة الي صار خليت امي بالمستشفى وخليت محمد يمهن
رجعت للبيت لكيت ابوية كاعد وعمامي ابو قاسم وأبو محمد وحسن واصل كاعد على اعصابة

حسن:راهب شلون صارت ترف

راهب:الحمد لله اكعد حسن اريد احجي بموضوع ماطول كلكم كاعدين

ابو محمد:كول عمي شني الموضوع

راهب:...حجة الي سمعة من سعاد حاجت امهة بس ما حجة رغبة سعاد بيه وحجة الي صار اليوم

راح حسن وابوقاسم للغرفة ما ينسمع بس صوت الصياح والتكسر

راهب :شيخ وين النذل

الشيخ حاكم:بالمخزن ودزيت على اهلة انشاء الله محلول الموضوع

راهب:يابة شتحجي هاذة موتة على أيدي وحك علي

طلع حسن من الغرفة للمطبخ وطلع شايل بايدة سجينة
ركضت عليه اني وابوية

راهب:اهدى يا خوي شوي السالفة عوفهة لاهلهة

حسن بصياح:ولك راااااااهب اني زلمه مشورب مرة تضحك علية اني تضحك علية تكلي العيب بيك ما تخلف والعيب بيهة وعلي اليوم ادفنهة

الشيخ حاكم:اهدى حسن اهدى يا ابني

راهب وهو يلزم ايدة: احلفك بالخوة اهدا يخوي ماتسوة والله تضيع روحك من وراهة

حسن: عمي بنتك طالك ورقتهة باجر يمهة وخلي تحمد ربهة ما موتتهة

ابو قاسم :مادري شلون اعتذر منك يخوي انته وحسن وراهب حته بت الناس الغرب والله بنص هدومي من سوالفهة شكول
قاسم جيب اختك وتعال

راحو واني رجعت للمستشفى لكيت ترف كاعدة وبس تبجي وامي تبجي وياهة

راهب:شبيهة ترفتي تبجي منو مزعل الحلو

ترف كامت تبجي ازيد و ازيد

راهب وهوة يحضنهة:اخذتلج حقج منهم لا تبجين يرويحتي

الشيخة فضة:يمة شسويت

راهب:حجة كلشي صار لامة وضام ترف بحضنة
حبيبتي شتريدين عشة

ترف:راهب اريد اطلع منا

راهب:لا ماكو هسة ارتاحي هسة

ترف: الله عليك خلي نطلع

راهب:ماشي حبيبي اشوف الدكتور واجي

كتب الدكتور خروج اخذتهن ورجعنه للبيت تلكتنة غدير وابوية غدير اخذت ترف للغرفة وبقينة نحجي اني وابوية وحسن ابوي يقنعني ماكتل هاذة الحيوان كتلهم ماكو حل لو اكتلة لو اسجنةوعفتهم
صعدت لغرفتي شفت ترف نايمة ودموعهة على خدهة كعدت يمهة العب بشعرها ابوس بخدودهة مادري شلون نمت فزيت على اصابيع تلعب بشفتي

راهب:اذا تبقين تلعبين هيج ترة ما ننزل منا لأسبوع

ترف:هههه لويش حبيبي

راهب: اااخ الله هاي الترافة كلهة وتكليلي ليش تعاي اكلج ليش

.
.
.
.
.
.
.
.باجر اكمل انحراف😍😍
احبكم حلقوماتي