فصلية ل راهب الفصل الخامس وثلاثون 35 - بقلم zena ali

بسم الله نبدي البارت....

.

.

.

.

.

.

.

جوري

دخلت على ترف لكيتهة واكعة بالكاع و وجهة صاير اصفر ماحسيت بروحي الا واني اصرخ واركض عليهة حاولت اكعدهة اضرب على وجهة ماتكعد وسمعت حسن يصيح علية من ورة الباب

حسن: شبيج جوري ليش تصيحين اكو شي ترف بيهة شي?

جوري ببجي: حسن ترف مادري شبيهة ماتكعد حباب تعال شوفهة

حسن: مستورة ?

كمت خليت عليهة حجابهة جان عالجرباية وصحتهة يدخل

دخل وبيدة بطل مي خله على ايدة من البطل ورش وجهة

حسن: ترف ..ترف خوية تسمعيني ...جوري جربي اكرصي ايدهة من جهة زندهة

سويت مثل ماكال وسمعتة يكول الحمد لله

جوري:ها حسن

حسن:مابيهة شي ماطول حست بالوجع رتبيهة خلي ناخذهة للمستشفى نعرف سبب الاغماء ولا تكولين شي لامي

جوري: صار ثواني واكمل

طلع حسن خطية بعدة حتى ما نازع ملابس الدوام

بية مابية وية ترف لبستهة صاية و لفيت حجابهة زين وخليت حذاء برجليهة واني هم مبدلة الكاتبة زينه علي بس خليت حجابي كعدت بصف ترف امسح على خدودهة وراسهة بس احس ضهري يريد يطگ من الوجع

شوية ودخل حسن

حسن: ها جوري جاهزين اني كلت لابوية وراح يلهي امي عنة

جوري: اي عيني جاهزين بس ترف ابد مافتحت ولا حركت روحهة

حسن: ميخالف بوية كومي عنهة خلي اشيلهة ...بسم الله

حسن شال ترف ونزلنة جوة لكينة عمي واكف وخطية وجهة مخطوف وايدة ترجف مناك غدير وهسة ترف و هي حامل

جوري وهي تبوس ايد الشيخ حاكم: لا تخاف عمي مابيهة شي ان شاء الله يجوز من الخوف انهبطت

الشيخ حاكم: ان شاء الله بنيتي الله وياكم طمنوني بالتلفون عليهة

طلعنة من البيت واني كعدت وية ترف ليورة

ماطولنة و وصلنة للمستشفى ونزل حسن ترف ركضو عليه الممرضين لان شافوه بالزي الكاتبة زينه علي مالتة خلوهة عالسدية ودخلو بيهة للطوارئ وماقبلو ندخل وياهة

وكف حسن بصفي ولزم ايدي : لا يضل بالج مابيهة شي ان شاء الله

جوري: ان شاء الله

فوك النص ساعةيلا طلع الطبيب

حسن: ها دكتور بشر خوماكو شي

الدكتور: لا الحمد لله البنية بخير والجنين هم بخير ...صاير وياهة شي البنية متعرضة لضغط او شي ?!

حسن: اي دكتور صار عدنة حادث والضاهر انهبطت بسببة

الدكتور: اي للاسف هذا السبب الي خلاهة تنصاب بسكر الحمل بالاضافة لكينه الجنين نازل عن وضعة وانطيناهة ابر تثبيت

.

.

.

.

.

.

.

.

راهب

اتأخر هواي حسن واتصل عليه ميجاوبني ولا ابوية يجاوبني حتى ترف ضل بالي عليهم وماكدر اعوف المستشفى راح يصير ساعة ومحد رجع اتصل بية كاعد وبيدي تلفوني ودخل علية عميد

راهب: الله جابك عميد بيهة مجال تبقى هنا شغلة نص ساعه بس اروح للبيت الكاتبة زينه علي اشوف شكو اتصل عليهم كلهم محد يجاوبني وضل بالي حيل

عميد: ادلل يخوي صدك جذب روح وخلي گلبك بارد

راهب: رحمة الله والديك ادري بيك ماتقصر ما اتأخر عليك ان شاء الله

عميد: الله وياك

عفتة ونزلت عالسريع صعدت سيارتي واحس طرت بيهة للبيت كدما امشي سريع

ربع ساعة و وصلت طبيت البيت هادي كلش صعدت لغرفتي فارغة والجرباية مخربطة رحت لغرفة حسن دكيت عليه الباب محد جاوب نزلت جوة لكيت ابوية طلع من غرفتة

راهب: يابة وية ترف شصاير ليش محد بالبيت

الشيخ حاكم: اهدى بوية ماكو شي ان شاء الله بس ترف شوية تعبت واخوك وداهة للمستشفى هو ومرتة

من كال هيج كبل ركضت للسيارة وايدي راحت للتلفون اتصل بحسن صارن فوك العشر مكالمات يلا جاوبني

راهب: احتركت عشيرتك انتو بيا مستشفى

حسن: اهدى راهب مرتك مابيهة شي كاعدة كبالي احنة بمستشفى ....... بالطابق الثاني

سديت التلفون بوجهة ودقايق اني يمهم صعدت للطابق الثاني وسألت عليهم دلوني عالغرفة دكيت الباب وفتحة حسن

حسن: راهب قبل ماتدخل تعال وياي

حجي حسن خوفني كبل بالي راح ان الطفل صار عليه شي شلون شكل لترف وشلون اواسيهة اذا صدك شلون اواسي روحي

حسن: راهب ترف مابيهة شي الدكتور طمنة منطيهة ابر تثبت الحمل وانطوهة علاج لان صاير عدهة سكر حمل بسبب الضغط والهبطة الي صارلتهة

راهب: اريد اشوفهة حسن

حسن: هسة احاجي الطبيب حتى تفوتلهة كول يا الله

راهب:ثنين بيوم واحد ياربي ثنينهن

حسن: يمعود صلى على محمد مابيهن شي وداعتك اني هسة رايح لغدير وانتة ابقة هنا وجوري هم باقية يمكم

راح حسن وانب دكيت الباب سمعت جوري تكول اتفضل

جوري: هلا راهب اتفضل

راهب: زاد فضلج طمنيني جوري ترف شلونهة

جوري: مابيهة شي الحمد لله بس تدري بيهة بسرعة تنهبط

بقيت اباوع عليهة بنيتي شلون تعبانة و وجهة اصفر كعدت بصفهة

راهب: ما كال الطبيب شوكت نكدر نطلعهة

جوري: كال عادي تطلع اول ما تكعد بس لازم ترتاح وتهتم بتغذيتهة وكتبلهة فيتامينات

انتظرناهة اني وجوري ساعة وبدت تصحى انطيتهة مي تشرب وتجيتهة خلت راسهة على جتفي

ترف بصوت مبحوح: راهب شلون صارت غدير

راهب وهو يبوس راسهة: بخير بنيتي انتي ديري بالج على صحتج لا توكعين كلبي عليج هيج

ترف: موبيدي مادري شصارلي دخت كلت اصعد اسبح بلكي اصحصح اول مادخلت الغرفة احس راسي كام يون وماحسيت بشي بعد

راهب : اسم الله عليج بنيتي

ترف: الطفل صار عليه شي ?!

راهب: لا بنيتي اطمني الحمد لله ثنينكم بخير بس يراد تديرين بالج على صحتج الطبيب الكاتبة زينه علي كتبلج ادوية بسيطة لان كال صاير عندج ارتفاع سكر بس لا تخافين ان شاء الله خير

بقيت كاعد يمهة اطبطب على شعرهة لحدما غفت مرة ثانية انداريت لجوري خطية شكلهة هم تعبانة

راهب: جوري بيج شي وجهج اصفر اذا تعبانة خوية خلي حسن من يجي يرجعج وياه للبيت واني هنا وية ترف

جوري: لا كلشي مابية بس من انهبطت مرتين احس طاقتي راحت

راهب: الله يساعدج خوية زين اكعدي ارتاحي راح اجيبلج شي حلو اكيد سكرج نازل

جوري: مالة داعي والله اني بس ارتاح شوية اصير احسن

راهب: لا يابة على شنو ارتاحي بينما اجي

نزلت للكافتريا اخذت نستلة وكيك وعصاير و اتصلت ب عميد سألتة على غدير وكال نفس الشي ماكو جديد

رجعت للغرفة لكيت جوري مخلية راسهة عالتخم ومغمضة عيونهة

خليت الغراض عالطبلة ورحت اكعدهة

راهب بصوت ناصي: جوري...جوري ..جوري اكعدي اشربي شي مو زين عليج

فزت وباوعتلي: ها راهب ترف بيهة شي

راهب: لا بوية مابيهة شي هاج اكلي شي شبيج جوري شكلج كلش تعبان?

جوري: مابية شي بس تعبت شوية وماحسيت بروحي من غفيت

راهب: اصيح الممرضة لو الدكتور

جوري: لا مو مستاهلة هسة اكل شي واصير احسن

راهب: يايابة ماطولنة هنا نروح نجيك وضعج اكلي وخلي نروح قبل ماتكعد ترف

اكلت شوية ومالحيت عليهة نزلنة للطوارئ وسألتهم على طبيبة نسائية ودلوني على مكتبهة رحنة واني انتظرت برا شوية وطلعت جوري وبيدهة ورقة تحاليل لازم تسويهة رحنة للمختبر وسويناهن الكاتبة زينه علي انتظرنة نص ساعه وصاحو اسم جوري اخذنة التحاليل ورجعنة للدكتورة انتظرت جم دقيقة وطلعت جوري تبجي و وجهة احمر وكع كلبي

لا ياربي مابينة حيل سالفة ثانية

راهب بخوف: شبيج جوري شكالت الدكتورة ?

جوري وهي تبجي:........

راهب: ولج يابة احجي شكالت الدكتورة

جوري: كالت .......

.

.

.

.

.

عميد

راح راهب واني بقيت انتظر مقابيل الغرفة الي بيهة غدير مادري شلون و ليش ومافكرت بشي ماحسيت بروحي الا واني بالغرفة وصافن عليهة تعبانة وماحاسة بالدنيا

وكفت شوية وردت اطلع بس رجعني صوت منهة التفتت الهة لكيتهة تحاول تفتح عيونهة وتون بسرعة طلعت صحت الممرضة اجت شافتهة وراحت صاحت الدكتور انتظرتهم برا شوية وطلع الدكتور

الدكتور: الحمد لله هي حاليا بخير بس..صحيح الجلطة ماوصلت للمخ وكدرنة نسيطر عليهة بس تبقى الهة اثار جانبية بالذات ان سببها حالة نفسية مو عضوية

عميد بلعت ريگي واني اسأل: وشنو الاثر الجانبي ?

الدكتور: شلل مؤقت باللسان والايد اليسرى بس ان شاء الله مع التمارين المستمرة كلشي يرجع لوضعة الطبيعي

عميد بتنهيدة: ان شاء الله دكتور شكرا جزيلا

راح الدكتور واني احتاريت شسوي قررت اتصل على راهب وابلغة يجي للمستشفى لان غدير صحت ومن يجي ابلغة بحجي الدكتور

اتصلت بيه ومن سديت التلفون كلت ادخل لغدير مادري شحجي بس راح ادخل وهاهية

دخلت ولكيتهة صافنة عيونهة ذبلانة وجهة كلة ذبلان عكس ماشفتهة اول مرة وهالذبول ما لايگلهة اتمنى اعرف شنو الي وصلهة لهيج مرحلة وياريت اكدر اشيل هالحزن الي بعيونهة الكاتبة زينه علي اني اتحمل هي وردة صغيرة ماتتحمل هسة اني شحجي شنو اكول

عميد: غدير

وية ماحجيت اندارتلي وعدلت حجابهة بتك ايد ويابة شكد انوجع گلبي من ماكدرت تحرك ايدهة الثانية يبت گلبي بعدج بعمر الورد وينج وين هالتعب

عميد:مابيج غير العافية اني اتصلت براهب وراح يجي هو جان هنا هو وحسن وزوجتة و الشيخ

ماردت علية بس هزت راسهة ودنكت مارفعت راسهة بعد اني هم حبيت اخليهة براحتهة طلعت انتظر راهب برا

.

.

.

.

.

.

.

حسن

من اجة راهب يم البنات اطمنت عليهم ورحت لغدير واني بالطريق خابرني ابوية

حسن: الوو هايابة

شيخ حاكم: تعال للبيت

حسن باستغراب: صاير شي يابة اني بالطريق رايح لغدير

شيخ حاكم بعصبية: تعال للبيت اكلك بسرعة غدير يمهة عميد وعميد منة وبينة

حسن: صار يابة جايك

ابوية قلقني ليش هيج عصبي شصاير

فريت السيارة ورحت للبيت توني دخلت من الباب وتلكاني ابوية واكف منتظرني

حسن: خير يابة شصاير

ماجاوبني بس مدلي ظرف اخذتة واني مستغرب فتحتة ونصدمت من الي بالظرف صور لغدير و ترف و جوري و حتى امي صور الهم بكل مكان حتى بحديقة بيتنا

حسن: شوكت وصلت هذا الظرف?

شيخ حاكم: كول وين لكيتهة

حسن باستغراب: وين لكيتهة يابة?!

شيخ حاكم: بالمطبخ على ميز الطعام

احس عيوني طلعت من وجهي

حسن: انتة شجاي تكول يابة يعني شلون لكيتة بالمطبخ

شيخ حاكم : يعني مثل ما اكلك لكيتة بالمطبخ

بقيت اكلب بالصور الوجوه مشخطبة والي مخوفني الاماكن الي ماخذين منهة الصور الكاميرا كلش قريبة منهم واكو لقطات من داخل البيت الكاتبة زينه علي من الحديقة من شباك المطبخ حتى من بلكونة راهب

وجوري صور الهة حتى بباب مدرستهة القديمة من جانت تمتحن

صور لغدير لحد اليوم من نقلهة عميد للمستشفى

ماحسيت على روحي الا واني كاعد بالكاع ماكدرت اوكف على حيلي بعد

شيخ حاكم وهو يطبطب على ضهر حسن: لا تخاف وانا ابوك كوم خلينة نفكر شنسوي

حسن: لازم اروح لراهب يابة ابقة بالبيت كلشي يصير اني ماراح اتأخر

عفتة وطلعت بسرعة للسيارة لازم نشوف حل بسرعة هالصور تهديد واضح وضوح الشمس

مادري شلون سقت وجم حادث عبرت يلا وصلت للمستشفى

دخلت لغرفة ترف لكيت راهب يم الشباك يخابر وترف نايمة وجوري كاعدة على صفحة صافنة حتى ماحست بية من فتحت الباب ودخلت اندار علية راهب بعدما سد الخط

راهب: ها حسن !?

حسن: محتاجك بكلمة لوحدنا

راهب: تعال وحتى نروح يم غدير خابرني عميد كال صحت

حسن: الحمد لله

طلع راهب وبقيت وية جوري اتقربت عليهة

حسن وهو يكعد مقابيلهة: جوريتي!? شبيج يبعد العمر

جوري وهي ترمش: حسن ??شوكت اجيت

حسن: قبل دقايق وانتي ولايمي شبيج شنو شاغل بالج

جوري: ماكو شي بس تدري بسبب هالوضع غدير و ترف وتعبانة شوية

حسن: مع اني ما مقتنع بس راح اسوي روحي اقتنعت ان شاء الله ترف تطلع اليوم

جوري باستغراب: مو المفروض تبقة كم يوم ترتاح

حسن: افهمج بعدين

عفتهة وطلعت لراهب لكيتة ينتظرني بالممر رحت يمة وخليت الظرف بأيدة وردة فعلة نفس ردة فعلي

راهب: شنو هاي حسن!?

حسن: الحجي لكاهة الصبح بالمطبخ

راهب بصوت عالي: انته صدك تحجي

حسن: نصي صوتك راهب منا العالم فكر هسة شنسوي ومنو الي هيج يسوي

راهب بقة ساكت ويگلب بالصور ومبين عليه يفكر

راهب: الي ببالي شي واحد الي دز الرسايل لترف و الي دزلي الرسايل والي دز هالظرف هو شخص واحد وياخوفي الموضوع يكبر

حسن: شنو قصدك بالرسايل يا رسايل!?

راهب: بعدين افهمك عليهن هسة لازم اروح للمقر وانتة ارجع للبيت افحص الكاميرات واسأل الحرس الي بالباب وين جانو من دخل شخص غريب للبيت واني راح اتصل بعميد يبقة يم غدير

حسن: ماشي بس خلي ببالك الوالد كال لازم نفرغ البيت اني رايح دير بالك على نفسك

راهب بس هز راسة واني مشيت

مالحكت احاجي جوري رجعت بسرعة للبيت حتى اتاكد من الكاميرات والحرس

الكاميرات ساعة 3الفجر وكفت والحرس سألتهم محد شاف احد والحرس ذول ثقة صارلهم وكت طويل ويانة اباوع لابوية اشوفة محتار باوعلي وكام على حيلة

الشيخ حاكم: خابر اخوك بلغة رايحين لبيت عمك اخلي امكم هناك واروح لغدير اطلعهة واخذهة لامكم ما أمن عليهة بالمستشفى وانتة الكاتبة زينه علي اخذ مرتك ومرة اخوك لبغداد اليوم اليوم حسن فاهمني

دخل جوة واني اتصلت براهب

حسن: الوو..ها راهب

راهب: ها حسن صار شي!?

حسن: لا بس الوالد راح ياخذ الحجية لبيت عمك ويروح ياخذ غدير يوديهة وية الحجية واني رايح لترف و جوري لازم اوديهن بغداد بينما نحل الموضوع

راهب: يا بيت عم !!?

حسن: بيت عمك ابو محمد

راهب: لا حسن لا تخليه ياخذ غدير ابد

حسن باستغراب: ليش

راهب: مثل ما كتلك حسن لا تخليه ياخذهة هناك اني راح اروحلهة

حسن: ماشي راح اتصل بيه هسة واكلة راهب راح يروح لغدير واني راح اجيب البنات للبيت ياخذن غراضهن واروح لبغداد

راهب: ماشي خوية الله وياك ودير بالك على ترف بعدهة تعبانة ولا تخليهن يقلقن كللهن عدنة شغل بالبيت واني طالع بشغل ماكدرت اجي

حسن: لا توصيني دير بالك على نفسك في امان الله

وصلت للمستشفى ودكيت الباب ودخلت

حسن: السلام عليكم

ترف و جوري: وعليكم السلام

جوري: صاير شي حسن ليش رجعت?!

حسن: ماصاير شي بس صارلنة شغل بالبيت و الحجي والحجية راحو لبيت عمي فكلت اخذكم لبغداد هم ترتاحون بينما نكمل شغلنة وهم تشوفون اهلكم

ترف باستغراب: و راهب وين لعد?!

حسن: راهب طلبوه بالمقر عندة شغل و وصاني اوصلكم

ترف: حسن صاير شي?!

حسن: لا خوية شصاير يلا جوري حضرو روحكم اخذكم للبيت تلمون غراضكم حتى الحك اوصلكم وارجع

عفتهن وطلعت ادري راح يبقن يسألن

.

.

.

.

.

.

.

.

.

راهب

ماجاي الحك اروح للمقر لازم اروح لغدير ولازم اعرف وين تبقة هالايام مادريت بروحي شوكت وصلت للمستشفى طبكت السيارة ونزلت خابرت عالولد بالمقر

راهب: الوو..بشرني وصلت لشي!?

: سيدي الرسايل الي وصلت للارقام الي انطيتهة الي من ارقام ما مسجلة يعني اي احد يكدر يشتريهة من الشارع وسيادتك تعرف حاليا هواي عالم تبيع ارقام بدون مستمسكات

راهب: استغفر الله ...زين والحساب

: الحساب انغلق بنفس اليوم الي ندزت بيه الرسايل وحاولت الكة ولو خيط بسيط ولكيت ان الحساب انفتح بيوم معين من مكان محدد بمنطقة.....شارع.... ساعة 2باليل

راهب: تمام ابقة ورة الارقام وحاول تلكة شي ثاني

سديتة من خابرت على زميل الي بالدوام بلغتة يحضر دورية بسرعة ويطلع على هذا العنوان يشوفة شنو و اي احد يلكاه هناك يجيبه

واني صعدت لغدير لكيت عميد واكف برا

راهب:السلام عليكم بسرني الطبيب شنو كال

عميد: الحمد لله بخير وربي يحفظهة الكم بس راهب انتة تدري الجلطة غالبا الهة اثار جانبية بس لا تخاف تروح وية الوقت وبالتمارين

راهب : شبيهة غدير عميد

عميد بتنهيدة: لسانهة وايدهة الطبيب كال يراد فترة راحة وعلاج يلة ترجع تحركهن

كعدت على الكرسي وخليت ادية على راسي وكعد يمي عميد

عميد وهو يدك على حتف راهب: كول يا الله فترة وتعدي وتصير بخير

راهب رفع راسة: مادري شسوي يخوي مادري

عميد باستغراب: صاير شي راهب اني ملاحظك مو على بعضك مو بس علمود اختك اكو شي ثاني?!

راهب اندارلة: الحجي هواي بس الاهم اهلي بخطر عميد

عميد: يعني شنو بخطر فهمني اكثر

راهب : اليوم واصل ظرف لبيتنة بيه صور الاهل بكل مكان حتى بالبيت وانته تعرف هذا شنو معناه غير الرسايل الي وصلتني الكاتبة زينه علي و الي وصلت مرتي لرقمهة ولحسابهة ولحسابي والمشاكل الي صارت

عميد: شناوي تسوي!?

راهب: مرتي واختهة راح يوديهن حسن لبغداد والحجية ببيت عمي بقت غدير وين اضمهة لحدما احل هالسالفة

عميد باستغراب: ليش متروح وية الوالدة?!

بقيت صافن بوجهة احتاريت شكلة

عميد: احجي راهب اني اخوك و روحي فدوة الك اذا اكدر اسوي شي وغلاة امي ما اتأخر عليك

راهب وهو يحضن عميد: ما تقصر بعد اخوك ماتقصر ادري بظهري زلم بس الموضوع جبير يا عميد ويخص غدير اختي بنتي مو بس اختي وانتة تعرف معزتهة

عميد باوع عليه وحجة ......

.

.

.

.

.

.

.

.

جوري

طلعنة وية حسن واني اتجي لترف صعدنة و وصلنة للبيت ما لكينة احد حتى عمتي ماكو وماسألت حسن حسيتة ميريد يحجي وشفتة شلون مبين عليه الزعل والهم

صعدت وية ترف بدلتلهة ملابسهة ورتبت حجابهة وكتلهة ترتاح بينما احضر جنطتهة وجنطتي واني هم ابدل ورة شوية كملت غراضهة وعفتهة الكاتبة زينه علي ترتاح وطلعت لغرفتي ما لكيت حسن كلت خاف جوة اكمل جنطتي وانزلة

كلت جنطتي وطلعتلي ملابس ونزلت لكيت حسن كاعد بالمطبخ صافن وجكارتة بيدة كعدت يمة وسحبت الجكارة منة طفيتهة وهو انتبهلي

جوري: حسن

حسن وهو يبوس ايد جوري: روح حسن

جوري بابتسامة: شبيك حبيبي ليش مو راضي تحجيلي

حسن: ماكو شي بس كتلج شغل والبيت راح يصير هوسة وترف وحتى انتي تعبانات

جوري: براحتك ماراح اضغط عليك ادري من تنحل تحجيلي

حسن: حضرتي جنتطج?

جوري: اي بس راح اسبح

حسن: ماشي انتظركم

صعدت سبحت وبدلت ورحت كعدت ترف ونزلنة صعدنة وراح حسن صعد الجنط وقفل البيت وطلعنة لبغداد خمس ساعات يلا وصلنة صارت الدنيا ليل ولكينة بابا منتظرنة خطية بالباب اتصل بيه الكاتبة زينه علي حسن وكلة احنة وصلنة اجة شال ترف ودخلهة للبيت وكل لحسن يدخل ماقبل كال لازم يرجع ضروري للعمارة رجع بابا دخل الجنط واني بقيت واكفة برا يم السيارة

علي: يلا بابا ادخلي

جوري: اي بابا لحظة بس اسلم على حسن

دخل بابا جوة وحسن اتقرب علية باس راسي و خدي

حسن وهو لازم ايد جوري: ديري بالج على نفسج بنيتي ولا تتعبين روحج بالتفكير ان شاء الله جم يوم واجي ماشي بنيتي

جوري: حسن

حسن: روح حسن

جوري: اني حامل

.

.

.

.

.

.

.

.
شلوني من احدث فجأة😁
قربنة من النهاية🙏

رأيكم بالاحداث ?!

شنو حتكون ردة فعل حسن?!