رواية فصليه لأجل والدي الفصل العشرون 20 - بقلم Teaaba Abass

تصويت +متابعه😚❤

زيد يكول جمان:

شنو حضرت جنابك عود زعلان
هاي اعض اصبع وندمان اعتذر
توبه ماضايك احساس الينكسر
ماتكاتلنه على كيفك يلعزيز
عازتك عن الهوى حدود شبر
ومن كون بيه عيوب فصلني تفصال
تكتل ضهرنه نوب زعلاتك ثكال
ــــــــــــــــــــــــــــــــــــــــــــــــــــــــــــــ

جميله: شنو رايج نسوي كيك

جمان: يي وآلله فكره حلوه خل نسوي كيك هم ناكل وهم نتوتس من نسوي
طلعنه المواد وجاي اخلط بلكيكه واجه زيد للمطبخ جرني من ايدي وخذاني للغرفه

جمان: زيد شكووو شبيكك

زيد: جمان اني اعتذر منج سامحيني ع كلشي سويته وياج

جمان: اول محجه هيج نزلت دموعي عرفت زيد عرف الحقيقه ورب العالمين شكد ماطول الشي المضموم حيجي يوم ورب العالمين راح يضهر الحق وينتصر على كل فعل باطل

زيد: جماني ماعرف شلون اعتذر منج والله وكلشي دكولين حقج وحته حقج تكرهيني اني ماعرف شصارلي بذيج الحظه عصبت حيل بس انتي تدرين انه ليش عصبت لج انه احبنج يابعد كل شرايين كلبي وداعت عيونج احبج وشتغلت على الحقيقه وبقيت ادور مردت اضلمج

جمان: هههه ضحكتني زيد متريد تضلمني كلت!
ليش هو انته ماضلمتني بس كلمت انتي خاينه والمحادثات الي ماجرأ واحجي هيج وياه ولد غريب تهمتني بيهاا ومافكرت انوو جمان الي دتكول هسه انته تحبها ماسوي هيج

خل اكلك شغله زيد تره الشخص قبل ميحب يثق بلشخص اليحبه اله ذيج ساعه يفكر بمشاعره وحبه تجاهاا وقبل كل المشاعر وثقه الاحترام يازيد بس انته للاسف ماخليت بيناتنه كل حترام

زيد: حكج بويه وعلي حكج ومالومج انه بس ساعه شيطانيه وصار كل الي صار وصدكي لو ماحبج انه ماسويت هيج

جمان: المهم زيد الحمدلله انته عرفت الحقيقه وجانت هاي كعدتي يمك موو لان انه ماعندي كرامه وكاعده لا يازيد بس جنت متأكده حتنكشف لحقيقه لان رب العالمين ميتيه عبده وماردت اطلع من هذا البيت وني متهمه بشي موو صاير اصلاً فاا الحمدلله نكشفت الحقيقه وكلشي صار واضح فازيد راح اطلب من عندك طلب واتمنى ماتردني

زيد: اطلبي ياروح روحي واخو زينب عيوني الج

جمان: باوعت بعيونه المدمعات الي ندم واضح عليهن وطلبت من عنده الانفصال واروح لاهلي وكمل دراستي

زيد: لا جمان موو هيج كلناهاا ولج انه شلون اتحمل بدونج كوليلي شلون

جمان: مثل ماتحملت هذا الشهر الي صار عندك وجودي وعدمه نفس شي وماهتميتلي ابد راح تتعود على بتعادي عنك صح انه يمك فصليه ومالي حق اطلب منك الابتعاد بس يازيد اترجاك اذا تحبني فعلاً مثل مجاي ادكول خل اروح لاهلي

زيد: هاهيه بويه اخذج لاهلج بس جمان مال نفصال وغيره من سابع المستحيلات لوتنطبك السماء على الارض مستحيل ننفصل

جمان:(بتعب) خل اروح لاهلي وفكر بلموضوع

زيد: فكريي يبعد شريان كلبي فكري على راحتج وعتذر مره ثانيه منج وصدكي الي سوه هيج بينه ماراح يخلص من عندي وداعت عيونج

جمان:  تقرب من عندي باسني بكصتي وهمس من بين شفافه احبجج شريان كلبي انتي
طلع واني بقيت بلغرفه نزلن دموعيي وبقيت اشهك من البجي حسيت كلبي راد يوكف

-لييشش ياربي كل ماتعلق بشخص واحس بالامان يمه ابتعد عنه

جنت متعلقه حيل باهلي واخوي واختي

بتعدت عنهم واحد وراه الاخ
وهسه بعد ماتعلقت بزيد راح ابتعد عنه

شويه واجت جميله شافتني ابجي

جميله: يمه اسم الله رحمن ليشش تبحين مسات جنتي يمي شحلاتج شنوو زيد سمعج كلام موحلو كوليلي

جمان: لالج ذول دموع الفرح لانو راح اروح لاهلي بعد غباب

جميله: لا جمان ولج وعلي تعودت على وجودج شلون ترحين وتعوفيني بس ولو ذول اهلج حكج لازم ترحين شوفيهم

جمان: ههه لا نشالله ماطول

جميله: هم عوزج دادا طولين نجي اني وزيد لاهلج ونسحلج ونجيبج يمنه ههههه

جمان:ههههه شصار بلكيكه

جميله: خيه طلعتها من الفرن وخليت فوكاها كرريمه وخليتها بثلاجه كلت اني وياج نكصكصها وننطيهم

جمان: ههههه لعد انتي منتضرتني

جميله: يي چا خيه شلون شعندي غير اختي انه

جمان: بعد عمري انتي اخيتي الغاليه
رحنه اني وجميله نكصكص الكيك
حضرنه كلشي ونطيناهم هم اني كلت شويه وخلبت زيد ابد ماشتهي اكل بعد كل الي صار

جميله: اشو ماكلتي جمونه

جمان: كلت عمري الحمدلله شبعت

جميله: الف عافيه

جمان: على كلبج حبيبتي

فيصل: عاشت ايدج بويه الكيكه كلش طيبه

جمان: الف عافيه عمو
التفتت العمتي تاكل وتعيب بحلكها من يوم يومها معاجبها الوضع

رحت طلعت ملابس وحضرت جنطتي احضر بلملابس ودموعي تجري

ها انه الفتاة التي لم ترتاح في حياتها سوى اول سنتين من عمرها لانها كانت بداية عمري لم يكن هناك هم يلامس قلبي وعندما كبرت واصبحت في الخامسه من عمري ازداد حبي تجاه الحياة وتجاه ابي الذي لم اكن اراه الحب الا في عيناه احاطني الامان وانا بقربه اصبحت في التاسعه من عمري بدأ الهم والحزن يحيط بقلبي بعد وفاة والدتي التي انجبتني وعلمتني لم اعلم اني من هذا العمر سوف يبقه قلبي بحزنه ولن يزول الهم عني أبداً بدأت انضج وارى ابي يصارع الفقر اصبحت لوالدي اماً وكنت اخاف عليه من كل شيء
اصبحت في الثانية عشر من عمري واجتزت مراحل من دراستي  وكنت اراه الفخر بعين ابي لكن لااعلم لماذا الحزن لم يختفي بعد اصبحت في الثامنة عشر من عمري وبدأت الهموم تتسع بقلبي والحزن سيطر على ملامحي ومن هذا العمر اصبحت فصليه لاجل والدي

زيد:  دخلت عليها للغرفه لكيتها جاي تلم بغراضها هنه حسيت بندم مجنت رايد بتعادها عني بس مادام هذا الشي يسعدها عادي كلشي يهون الخاطر عيونهاا ونشالله بمرور الوقت ارجعهاا الحضني والقربي اكيد

جمان: باوعتله ومسحت عيوني وبقيت الم بغراضي

زيد: ها بويه مالهاا خط رجعه

جمان: هزيتله براسي ورجعت ارتب بغراضي

زيد: وووف على راحتج يبعد راحتي محتاجه شي يروحي اجي اساعدج

جمان: لا شكراً بس عادي اسئلك سؤال
كتله وهوو اخذ نفس وزفره بتعب وصدره رتفع من كد ماخذ النفس بتعب

زيد: سئلي شريان كلبي

جمان: شلون عرفت الحقيقه

زيد: طول هالاشهر المر شوفيني شلون مخبوص واطب واطلع علمود بس اعرف الحقيقه جنت اريد اعرف منو هذا الحيوان الي مدعي نفسه يحاحيج

جمان: يي وبعدين

زيد: جان عندي صديق بالاستخبارات نطيته رقمه وبقينه نبحث عنه طول هالشهر المر الحد ماجه اليوم الي وصلتله ورحتله لكيته يشتغل بكافتريه رحتله جريته من ياخته وكدام ناس موته تموت ماخليت شي بجسمه صاحي كسرته تكسر بعدين خابرت صديقي الي كتلج يشتغل بالاستخبارات اجوو اخذو علمود يحققون وياه

زيد: اخذووووو هلكلب منه احسن من ماكتله خلاصصص واني ماريد اوسخ اديه بيه وراه هواي تحقيقاات لازم اعرفهن

فارس:(صديق زيد) عوفه هلحيوان علينه نعرف شلون نسجوبه بطريقتنه

زيد: اخذو للمركز وبدوو يحققون وياه وعترف على نرجس ورحت جبت مكينه ودخلت زينته صفر لان بسببه دمرت شعرج وراه كل هذا الي صار اجيت اعتذرت منج وتمنى سامحيني
ولاعبالج مراح اعاقب نرجس وداعت عيونج راح يجيج الخبر شراح اسوي بس اتمنى منج لتيلين حقد بكلبج تجاهي

جمان: مو اني الاشيل حقد بكلبي واحقد ع شخص

زيد: ادري بكلبج طيب يروحي

جمان: صار المغرب ورحنه صلينه وبعدها كلنه كعدنه على سفره تعشينه ورحت غسلت ماعين ودخلت سبحت ونمت

زيد: طلعت بره وراه العشة اشتم هوى وكعدت يم اصدقائي صح كاعد يمهم بس فكري كله يم جمان رجعت للبيت لكيتها نايمه بستها بكصتها ومسدت شعرهاا ونمت

جمان: كعدت صبح صليتت وبدلت وحضرت جنطتي

كعد زيد ب8 ونص

زيد: هاا بويه شكوو

جمان: اول شي صباح الخير ويله كوم تريك وخذني لاهلي

زيد: شمالج بويه من صبح مستعجله

جمان: ساعه ب8ونص مشبعت نوم

زيد: يي كايم اسبح

جمان: تمام
راح زيد يسبح واني رحت جميله بوستهاا ودعتها وجعت للغرفه لكيته مخلص وديمشط بشعره

زيد: يله مشينه

جمان: شنوو ماتتريك

زيد: ماشتهي

جمان: براحتك
طلعنه من الغرفه راح كال لاهله
محجوو شيي خلينه وطلعنه

طول طريق احنه ساكتين الحد ماكال هوو

زيد: دير بالج على نفسج وراجعي قرارج زين واي شي تحتاجي تصلي عليه طلع تلفون من جيبه ونطانياه

هذا تلفون خليتلج بي خط ورقمي اي شي تحتاجي خابريني

جمان: شكراً ماحتاجه

زيد:( بحده وعصبيبه) اخذيي جمان

جمان: خذته من عنده بدون ماكول شي
الحد ماوصلنه شارعنه
هلشارع مليان ذكريات هنه ربيت هنه لعبت هنه مشيت وياه ليليان للمدرسه لاارادي نزلن دموعي

زيد: يله وصلنه نزلي

جمان: نزلت وثكلن خطواتي صح طول هلفتره محد سأل عليه بس يبقون اهلي ومستحيل استغني عنهم

دك الباب زيد طلعتله خالتي رهام

رهام: ياهلا والله ياهلا شلونكم تفضلوو

جمان: شلونج يمه

رهام: هلا حبيبتي شلونج مشتاقين

جمان: تفاجأت بتصرفها  حتمال لان زيد موجود

رهام: شلونك خاله زيودي

زيد: الحمدلله بخير ونعمه

رهام: تفضلوو جوه هسه يجي ابوضرغام

جمان: تنوعت البيتنه نفسيته ماكوو شي متغير بي

اجه بابا وعيوني حضنته قبل اديه
تنوعتله وجهه ذبلان وشيب ماكل رأسه ولحيته كمت حضنته وبقيت ابجي

جمان: لييشش بابا طول هلفتره ماسئلت عليهه ليش مودكول انته حبيبتي لعد هيج سوي بحيبتك انته
شتاقيتلك والله هواي

أحمد:( بدموع) حقج عليه بنيتي بس ماكدرت اجي اني يبعد ابوج

جمان: وخرت عن حضنه ومسحت دموعي وبسته من راسه
راح يسلم على زيد واني كعدت يمهم

أحمد: شلونك بويه زيودي

زيد: الحمدلله عمي بخير انته شلونها صحتك

أحمد: الحمدلله على كل حال

جمان: جابت خالتي رهام جاي وشرب زيد وصاني مره ثانيه وكلي نتبهي نفسج وراجعي قرارج وراح

مدري ليشش ماردته يروح ومن راح كلبي نقبض بس هذا احسن حل سويته خل يحس شويه مكانتي

أحمد: يي بويه حجيلي شلونهم عيالج وياج خوو ممأذينج

جمان: بويه اني أريد انفصل عن زيد

أحمد: شنوو شمالج بويه تخبلتي

جمان: بابا تعبت والله تعبت ماريد بعد

أحمد: بويه انتي فصليه عدهم شلون تنفصلين

جمان: عمي حباب اكيد راح يتفهم الوضع اني وزيد ماتفاهمنه سوه

احمد: بويه اخذيلج جم يوم وراجعي قرارج وردي البيت رجلج

جمان: افكر عود

أحمد: بنيتي هدي برحمن ورجعي البيت رجلج

جمان: بابا ماروح بعد كل الي سوه بيه تريدني ارجعله

أحمد: ميخالف بويه خل كلبج جبيرر تحملي لصيرين مدري شلونج وتتعفلكين على رجال

جمان: يابه ماروح فدوه العينك

حجيتها وكمت

رهام: شمالج ولج وين تلكين مثل زيد

جمان: يمه فدوه لزوديها عليه
صدك وين ملوكه

رهام: مموجوده بلمدرسه

جمان: رحت الغرفتي فتحت الباب مر شريط كل ذكرى حلوه ومحلوه بهلغرفه ذكرت ليليان من جانت تجيني ونكعد ندرس سوه

فتحت كنتوري وعزلت ملابسي
وجان اشوف دفتر من دفاتري مال مدرسه وياه كتبي فتحت الدفتر وجان اشوف رقم مسجل يمه ليليان
عرفته رقم ليليان

طلعت تلفون من جنطتي ودكيت رقم

جمان: يارب ممغيرته وتطلعلي

رن مرتين وياه رنه ثالثه اجاني صوت ليليان

يتبع....

#فصليه لاجل والدي

بقلم الكاتبه/طيبه عباس

لهنه يكون خلص البارت اتمنى تعجبكم الاحداث

احبكم كلكم شريان كلبي🥺😅❤