رواية فصليه لأجل والدي الفصل الخامس والعشرون 25 - بقلم Teaaba Abass

تصويت+متابعه😘💖

يكول
لمن فقدت الامل
جتلي محبتك الي
تعويض رباني
يل تستحق العمر
ايامي كٌلها الك
واحد وراه الثاني

زيد: يي كمل ليش سكتت

فارس: موو بس هيه مشتركه وياه بعد اخوك حته اختك وكال اسمها غفران

زيد: شنووو شتحجي انته فارس

فارس: وداعتك اخوي قابل اجذب عليك انه واذا تريد تعال وياي نروح لهذا العار وشوف شيكلك

زيد: امشي نروحله اريد أطلع بروحه وحك علي

فارس: امشي يخوي وتهدا برحمان عوف العصبيه مجيب نتيجه

زيد: صعدت بسيارتي اجه وياي فارس

فارس: خويه جيب انه اسوق شوف حالك شلونه كوه تمشي وشرايين وجهك طافحه

زيد: عوفنييي فارس اليوم اطلع بروحه وحك الحسين
مشيت بسياره بكل سرعتي معاول اوصل اله هلكلب

فارس: اهدئ زيد شجاك طاحظ ذيج ساعه سوده الحجيتلك بيهاا
لك زيد اناه تريد تنتحر والله انه شاب مضلوم بعدني بعز شبابي حته مامعرس ولاشايف المره يخوي بعد وكت اموت هسه
طاحظك زيد وحظ اليجي وياك

زيد: فارس اسكتت روحي طالعه

فارس: سكتته عمي سكتنه اعصابك

زيد: بقيت امشي كل سرعتي الحد ماوصلت للمركز

جمان: بقيت انضف بلبيت وعزلت ملابسي اريد الوقت يمشي لان اتصل على زيد ميجاوبني الخوف عندي بقه يقرا الف لان مو من عوايده هيج ميتصل وميرد على اتصالي متت خوف ياللهي شسويي هسه اني بالي يمه

رهام: اشبيج ولج لون وجهج مخطوف

جمان: ماكو شي يمه بس زيد مجاي يرد على تصالي

رهام: يي بدت رحمة الله بعدكم بلبدايه وبدت مشاكلكك شسويتي للرجال وزعلتي ميرد على تصالج

جمان: حجتهاا وعوجت حلكها
يمه شسالفتج يعني انتي عرفتي السالفه وهيج حكمتي عليه ممزاعلين بس مادري وين طالع مجاي يرد على تصالي

رهام: وسمم ولج اشوو صيحين ومعاجبج الوضع شسوينه عيني غير علمود مصلحتج كبر موو صوجج

احمد: شكو شسالفه عليمن هلصياح شبيج رهام

رهام: اسئل بنتك عيني طلعت عينها مدري شمالهاا

أحمد: جمان اشبيج بويه

جمان: بابا محجيت شي بس اني متوتره حيل لان اتصل على زيد ميجاوب تلفونه مغلق

أحمد: وعلى هلسالفه صياح واصل سابع جار
اني اخابره بويه بلكي يرد

جمان: بابا احنه مومزاعلين بس ماعرف مجاي يفتح خط

أحمد: يجوز تلفونه مابي شحن لو مخلي صامت

جمان:(بدموع) بابا خايفه عليه مو من عوايده ميتصل بيه او ميفتح خط

أحمد: عليمن البواجي بويه اني هسه اخابر ابو ونشوفه وين

جمان:(بدموع) يي بابا الله يخليك خابر ابو وسئله كله زيد طالع لشغل لوبلبيت

رهام: اووييي تبجي الخاتونه على حبيب الكلب والله يالله جيل هلوكت

أحمد: رهام اكرمينه بسكوتج وال يرحم والديك تره روحي زهكانه

جمان: بابا لاصيح فدوه لاتروح توكع
بس اتصل على عمو ابو زيد

أحمد: يي بابا راح اتصل

الوو شلونك ابو زيد.. الله يعزك.. والله الحمدلله.. انته شلونك.. الله يسلمك.. والله سلامتك.. بس شنو زيد موجود بشغل لو بلبيت.. لا ماكو شي بس حرمته تتصل علي ماكوو مغلق.. هاا الله يسلمك.. ثيمالا.. هلا.. هلا بيك

جمان: هاا بابا شكلك ابو زيد

أحمد: بويه يكول رجال مادري طلعت من البيت لشغل وعفت زيد نايم

جمان:(بدموع) ياربي لعد ليش مجاي يرد عليه

زيد: وصلت للمركز وبوجهي الهذا الحقير

-فارس بساع افتحلي الباب اريد يحجيلي كلشي احس الدم صعد راسي

فارس: اعصابك اخوي اهم شي صحتك اني معديتها اله كضيت بي توبه

زيد:(بصياح وعصبيه) فارررسسس افتحح الباابببببب

فارس: يي يي شبيك نهديت بصياح هاي فتحته

زيد: فتح فارس الباب واول مدخلته ركعته دفره بكل ماعندي قوه من كد ماامعصب وروحي طالعه

لك حيواننننن احجيلي كلشي لاوحك علي ابو الحسنين اطلع بروحك هسه ومايرفلي جفن

عقيل: شنووو شحجيلك العندي حجيته الك وخلصص

زيد: دخيلك يابو فاضل اخرر مره اعيد وكلككككك احجيييي كلشي تحجي تعرفه تريد تموت اليووومم انته حيوان جاوبنيي

فارس: اهده يخوي شني سالفتك كول يالله
ونته لك كلب اججي كلشي اكوو وياكم وحده غير نرجس متورطه مثل مسولفتلي سولفله يله بساع

عقيل:(بخووف) هاا يي يي راح احجي بس الله يخليك لتضربني

زيد: وويي عيني خاف ابن السكط احجييي بساع تره وصلت حدها وياك

عقيل: يي راح احجي
شوف انه موو بس نرجس تورطت وياي لا حته غفران
كالت تريد تنتقم منك ولان هيه هم من اول مادخلت الكم جمان مطايقتها

زيد:(بصياح وعصبيه) لاتلفظظظ اسممم حرمتي على لسان يااقذررررر كمل بدون ذكر اسمهاا لاوحك علي ادفنك هنه

عقيل:(بخوف) يي يي ماذكر اسمهاا بس لاصيح وتضرب

زيد: كمل حيوان

عقيل: يي فاا اختك حبت تنتقم من عندك بحرمتك ونطتني هيه فلوس ونرجس فلوس اني جنت بوقتها محتاج هيج مبلغ فاامارفضت ابد وبقيت ومن خابرت طلعت اني وصار الي صار

زيد: ضربته راجدي ونيمته بلكاع وطحتله دفرات الحد مطلع دم من خشمه وحلكه

فارس: كافيييي عوفه شوف شصار بحالك

زيد: لك فارس عوفني خل اطلع بروحه هذا الحيوان

فارس: اكعد هنه خل اجيبلج ماي شوف شصار بحالك

زيد: يي كمل شكد نطوك مبلغ الميخافون الله

عقيل: مليون من اختك 500 ومن نرجس500

زيد: كمت عليه مره ثانيه طلعت بروحه
لك تحجيهاا برووود ياحيوان بسببكم عاقبتها بدون ذنب ولسه ضميري يأنبني كلببببب حقيررر

فارس: لكك زيد كافييي شوف شصار بحالك

زيد: ماحس اله وكعت على الكرسي صعبه من شخص منك وبيك يخونك ولامنووو اختي اختي الي هيه بنت شيوخ وناس يحلفون بشرفهم انه دوم مامقصر بشي وياهن واخاف عليهن من كلشي وخيالهن محد يشوفه

فارس: كووم خل اخذك للمستشفى يقيسون ضغطك كافي كوم والله لو ادري محاجيلك

زيد: ماروح عوفني ارد اروح للبيت

فارس: وحك الحسين ماخليك تروح امشي اخذك للمستشفى لاتروح لاسامح الله صيبك جلطه

زيد: عوفني فارس مبيه شي

فارس: مو هيه بكيفك دكوم امشي

زيد: فااررسسسس

فارس: لافارس ولانعال كوم امشي وياي

زيد: أصر عليه فارس اله اروح للمستشفى
طلعت من المكان واني احس شرايين راسي طافحه روحي طلعت بهل يوم

وصلنه للمستشفى قاسوو ضغطي طلع معلك

دكتور: بيك بخت والله لوباقيه شويه لاسامح الله صارت عندك جلطه بس بيك بخت

فارس: شكتلك يخوي همزين جبتك

زيد: سجل دكتور ادويه شتريتهن من صيدليه راد قارس يدفع بس مخليته

فارس: اني اوصلك للبيت ماخليك تروح وحدك وين تكدر سوق

زيد: لا ولك اكدر لتعب نفسك

فارس: ايبااخ لشوو جنت تكعدني من صبح مدكول خطيه يتعب ههههههه
عضيدي انته شعندي غيرك ولك

زيد: حجه هيج فارس حته يلطف جووو ميدري انه ماعاول اوصل للييت اطلع القهررر كله

فارس: وهاي وصلنه
دير بالك على نفسك اخوي وهذا علاجك كال دكتور وراه الاكل اله تاخذه

زيد: هاهيه حبيبي

فارس: يله محتاج شي

زيد: سلامتك عيناي

راح فارس واني دخلت للبيت اول مدخلت صحت بصوت رج البيت رجج

زيد: غفرررراااننننننن

جمان: بقيت كاعده وابجي بالي يمهه وين راح ولاعندي رقم جميله علمود اخابرهاا واستفسر من عندها بقيت الوب بروحي اروح وارد عسى ولعل يتصل عليه صارت ب12 رحت توضيت وفرشت سجادتي وتوجهت رب العالمين الي دائماً من ادعي من كل كلبي ميردني خايبه ابد

بقيت ادعي وابجي الحد مراسي بقه يوجعني
لميت سجاده وخالتي رهام سوت غده بس ماكلت نفسي مسدوه من الاكل

أحمد: تعاي اكلي بابا

جمان: ماشتهي بابا
حجيتهاا ورحت للغرفه نمت ع سرير وبقيت ابجي وذكر كل سوالفه الحلوه

وينك حبيبي وينك شتاقيتلك يروح جمان انته متعوده عليك تتصل ليش مجاي تتصل وترد عليه

طبعاً تعلقي بزيد كللششش صار حيل تعلقتت بي وحبيته من كل كلبي هوو اول شخص يدخل كلبي واسلمه حبي ومشاعري

ساعه ابجي وساعه اصفن اذكر كلامه الحلوو الحد مصارت ساعه ب 5 وهوو ماكووو

زيد: وصلتت للبيت اجووو اهلي يركضون عبالهم شوشصاير

فيصل: اشبيك بويه اكو واحد هيج يصيح

زهره: اسم الله الرحمن شصاير

زيد: انتيييي مووو امهااا موو امهاااا ماتدرين بنتج شسوييي من عمايلل

فيصل: ولكك شبيك صيح فهمنه شمسويهه اختك

زيد: بويه عود هاي احنه عشاير وملتمزين وهيج جاي تعبر علينه سوالف

غفران:(بخوف) شنوو شنووو ش شمسويه ان انيي ي

زيد: اني اكلج شمسويه
جريتها من شعرها وكضيت بيها توبه يشيلوها يشيلوني

زهره: ولك كافي يمه اختك ماتت حدرك

فيصل: هوو اخوها عووفييي خل يأدبها هاي الحقيره يوميه سالفه

زهره: انته فهمت شنوو سالفه وحكمت

فيصل: هوو اخوها مستحيل يسوي هيج بدون دليل وتاكيد من عنده

جميله: عوفها زيد الله يخليك

زيد: بويه شوف حل البنتك ياهيه بلبيت ياانيي وخلص لعبت نفسي

خليت ورحت الغرفتي حسيت شرااييني يردن يطلعن من العصبيه دمي فارر حيللل نتبهت تلفوني مبي شحن
-وففف شلون سالفه هاي اكيد هسه جمان متصله عليه

شكلته بشاحنه وفتحت تلفون 90 مكالمه من جمان و 100مراسله
كبل تصلت عليهاا فتحت خط جاوبتني مختنكه وتبجي

جمان: بقيت كاعده واتنوع للساعه وابجي وتلفوني بصفي سوي وسمعت تلفون يرن اول مشفت اسمه بقيت ابجي بزايد وفتحت خط

زيد: الوو جماني حبيبي كافي بواجي ولج ولله تعبان لازيديها عليه ماتحمل كلشي ولادموعج

جمان:(بموع) وو وين ج جنتت ههاا حاجيني وين كلبي راح يوكف عليك شكد تصلت عليك من صبح الحد الان اني اتصل ااخخ كلبي تعبت زييدد

زيد: روح وعمر زيد انتي اسم الله عليج من تعب يبعد كل شريان بيه كافيي تبجين يروحي كافيي
يرحون فدوه الوجهج الحلووو شكوو واحد يكرهج

جمان:(بدموع) متصور شلون خفت عليك ولله خفت عبالي لاسامح الله بيك شي ساعتها اموت وراك

زيد: اشش كافي لاجيبين سيرة موت على لسانج كافي يروح زيد مسحي دموعج خل احجيلج شصار اليوم

جمان: يي احجي اسمعك

زيد: حجيت كلشي جمان من اول ماطلعت الحد الان

جمان: بقيت مصدومه معقوله الحقد والكراهيه هيج سوييي

زيد: وسوي اكثرر

جمان: ميهمني كلشي المهم انته ويايي
حجيلي شلون صرت ليش سوي هيج بنفسك

زيد: موو بيدي حبيبي والله موبيدي
كل ماذكر اذيتج انقهر واضوج

جمان: لضوج حبيبي كافي

زيد: هههههه عيديهاا

جمان: شنيه الاعيدهاا

زيد: لضوج وكملي هههه

جمان:(بكلبهاا) عززززااا شسويت والله استحي

زيد: ههههه شوو صفنتي

جمان: محجيت شيي لتبقه تتهم وجذب

زيد: هههههه وففف عطشان عليج ولج يمته اجيبج يمي ماطلع سبوع هذا يمته يخلص

جمان: هههه صدك نسست اكلك باجر روح لسوك محتاجه كم شغله للعرس

زيد: باجر اجيج نروح سوه

جمان: ماشي انتضرك

زيد: يله حبيبي رايح اخذ علاج ورتاح شويه تعبان

جمان: تمام نام دير بالك على نفسك

زيد: تمام حبيبي ونتي كذالك

جمان: سده مني ونام
واني هم تعبانه سديته من عنده ونمت

زيد: نمت ماكعدت اله ب١٠ ونص بلبيل
خارىني فارس ورحتله

فارس: ياهلا بضلع والله

زيد: هلا بيك يابه

فارس: شلونك شلون صرت

زيد: الحمدلله احسن صرت على العلاج

فارس: الحمدلله
لك زيد اليوم بتحقيق وربك جننن وبدقيقتين خليته يعترف لييشش ماترجع شغلك وترجع تكمل بجيش

يتبع.....

#فصليه لاجل والدي

بقلم الگاتبه/طيبه عباس

عمري جميلين شكراً على ال10k 
احبكم حييل😍❤❤
لتنسون تصويت وياريت الممصوت للبارت الاول يرجع يصوت😘💗