رواية فصليه لأجل والدي الفصل الرابع وثلاثون 34 - بقلم Teaaba Abass

تصويت +متابعه🥺❤

يكلها..

- وَعيناكُ أعمِقّ مَن بحُارْ الدَنيُا وَأجمُل مِا فيُ السَماءُ وَالأرضُ..

وبالاخير يكلها

ناسَ كلٌهآ تَهاْب مْن تشٌوفنَي بسٌ ياهِيبه التَضل كدٌام لوّنٓ عيوَنجُ

بقلمي...
*****************************************

البيت نخبص لان ايد نرجس شوي وهيه ماصدكت اجتها فرصه بقت تتنعوص على زيد عوزها بس شويه وذب نفسها بحضنه
وهاي بكفه وهمه كلهم بكفه ثانيه

افراح: غضب الله على راسج حقيره ليش هيج ذبين طاسة تشريب عليها

زهره: مسمومه ليش هيج ذبين سمج على البنيه

زيد: كافيي بس ماريد اسمع حسكم
ونتِ نرجس عقمي ايدج ومابيها شي

جمان: فاجأني كلامه ياهذا اشبيه ديتهمني وهوو ساكتت
اخر شي عطت بيهم كلهم ماتحملت

-موو معناها خذتوني فصليه أنه ضاله مكفخ الكم فهمتوو الحمدلله عندي اهل ماجايتكم من شارع
اصلاً...

زيد: كافي نصي صوتج ودخلي جوه

جمان: مادخلل جوه فهمتتتت اني مباقيه الهن مكفخ وكلساع وحده ترزل وتغلط ماعاش اليذلني واني بنت ابوي واجهت كلشي بحياتي وقاومت وحاربت وبلتالي رب العالمين جبر كلبي بيك
بس هسه انت وياهن زيدد وياهننن انتتتتتت ديهينن بيه كدامك وساكت
اني مامطره اوضحلهن شيفهمن خيفهمن
كافييي جذبب كافيي تعبت اني من هل عيشه
ميته ع زيد اخذي وخلصيني كاافيييي تعبتتا ارحموو بحالي

نهاريت وكعت بلكاع بقيت ابجي بهستريه
كلهم بقوو واكفين يتفرجون بس زيد وجميله اجوو الي لان بقيت اضرب ع وجهي وابجي

زيد: كافي كومي

جمان: ليش هيج دسوي وياي شمسويتلكم اني

زيد: كومي بابا بعدين افهمج

كومني من الكاع ماحس اله غفران اجتني تريد تمعشني من شعري اول ماوصلت يمي زيد فرر وجهه براجدي بحيث من يمي خدي كام يوجعني
اني ابد ماحب احقد على بشر بس هنه كلشش تستاهل لان زودنها وياي وطلعنها من ماعونها

زيد: عيديها مرة الاخرة وشوفي شيجرالج

زهره: بله انت دومك صاف وياها مدري ساحرتك مدري شمصخمه بيك هاي الماتخاف الله

زيد: كافي بس

جمان: راد زيد يوديني للغرفه لان نهاريت مكدرت امشي وحدي بشكل طبيعي
مانحس اله نرجس تكومت بلكاع
ركضلهاا امها وزهره يدكن ويلطمن

ماصدرت اي حركه من زيد بس كال جميله تجيب عربانه عدهم مال ذول المعوقين ويخلنها بيها

اعرف هاي تمثيليه منها تريد زيد يشيلها ويبقه وياها بلمستشفى
برد كلبي من كال جميله هيج
امه بقت صيح علي هو وخالته هو مهتم وخذاني للغرفه يدري بيها جذابه كلش زين بس مادري ليش هيج سوه

بقيت ابجي من كل كلبي مادري ليش ماتدوملي سعاده عود فرحت راح ارجع لدوام اووفف ياربي

زيد: باعيلي باباتي

جمان: شتريد زيد
وديني لاهلي خل ارتاح يمهم من يبدي دوام اجي لهنه

زيد: اششششش

جمان: اجه تقرب يمي مسح دموعي وخله شعري وراه اذني
وجاوب بكلامه ولهجته تسحل كلبي سحل

انه عايش لاجل هلعيون الحلوه بويه اذا رحتي زلمتج شلون يعيش وجج مكموعة كلبي شلون بيج شلون اريد اضمج بكلبي عنهم وعلي اخاف عليج انه بعد ابوج اريد احطج بنص كلبي اخاف عليج من هلعالم انه وللعلم بعد روحي شجاعت اليوم تخبل بعد روحي ثبتيلي انو انتِ تكدرين تحاربين جيش من زلم اموت عليج ولج قزومتي

جمان: عيوني ذبلت وكلبي بقه يدك سريع واني اسمع الكلامه جاوبته واني رايحه بغير عالم
ليشش چا سويت هيج ومدافعت عني

زيد: چا وشحلات چا من حلكج بعد طولي

انه ماريدن اخليج تعتمدين عليه عبن الدنيه تاخذ غفل وماندري ياساعه نرحل عن هاي دنيه اريدج قويه بعد ابوج انتِ لبوه وحدج مو شرط اله الاسد وياج

جمان: زيد كلبي وجعني اسم الله عليك حبيبي لتحجي هيج
حضنته وبقيت ابجي لتعوفني اضيع بدونك

زيد: افيششش يريحتج افيش

جمان: اعرف اكو شي بالك لان مو عبث انت صرفت هيج تصرف

زيد: انتضري باباتي وشوفي الراح يجرالهن
ههههههه بس تركيني اصرف وشوفي شنوو راح يصير بس باعي عندي خطه اريدج تنفذيها بحذافيرها خوش

جمان: زيد اني ماحب شخص يتأذه بسببي خلص عوفهن

زيد: بويه انه مو قصة أذيهن بس انتِ مرتاحه وهنه يجن يضايكنج انه لو ماامي جان اسحلهن سحل واذبهن بشارع بس امي مو وياي واكفه وياهن

جمان: اممم تمام بله احجي شنو خطتك سيدي

زيد: ههههههه فدوه اروحلج انه
يي اسمعي....

جمان: بقه يحجيلي واني فاكه حلكي عليه ومبحلقه عيوني مجاي استوعب شيحجي

لا زيد لا ماريد هيج فدوه

زيد: حبيبي عوفيها عليه هسه انتِ شمالج هيج بساع نطيتي دخل اكمل

جمان: بقه زيد يحجيلي ويفهممي وملازم اغلط بشي

زيد: ههههههه راويني عضلاتج باباتي

جمان: ههههههه خايفه شوي

زيد: تعاي خل اوخر الخوف عنج

جمان: جراني من ايدي وكعني عليه
صارت ايدي ع صدره والايد ثانيه امسد بلحيته

زيد: مشتاقلج بعد روحي

جمان: امممم كلشش مبين

زيد: شنوو مبين ولججج تستهزئين بويه

جمان: ههههههه ماشاقه حبيب الكلب انتَ

زيد: هههههههههه لوتيه صايره يبعدي

جمان: زيد خسئلج سؤال

زيد: سئلي بويه

جمان: انت موو ضابط جنت واجتك ترقيه وصرت محقق

زيد: ييي

جمان: زيد لاتفهمني غلط
بس اغلب ضباط يعني يكضون وقتهم يسولفون وياه بنات وهيج يعني

زيد: ونتِ شمدريج بيهم

جمان: جانت ويانه بنيه بلمدرسه صديقتي هيه بس مو كلش مقربه بس جانت دائماً سولف زوجهه ضابط
اكبر منهاا ب9 سنين جانت دائماً تشكيلنه وتبجي ودكول زوجي من يروح يلتحق يبقه يخابر بنات وحته يروحلهن ودكول اني عندي طفل هاملنه اني وابني ودكول اخابره يطلعلي حجج ياايريد يروح بمهمه ياعنده شغل ودكول الغزل بيناتنه حرام ابد ميغازلني معاملني مثل الخدامه عنده وينطي كل اهتمامه وحبه صاحباته واني هاملني ممهتملي ابد

زيد: حبيبتي الخيانه مرض وصيب شخص الماعنده شخصيه ولارجوله لأن مو رجال اليخون مرته ويباوع ع غيرها وصوج موو كله ع رجال تره نسوان مومعصومات هم يخونن وغالبا اكو نسوان تهمل نفسهاا ومتعتني بنضافتها ومداري زوجها اكيد هذا يمل يروح يدور غيرها

جمان: زين اذا يحسهاا هاملته وممدللته ليش ميصارحها ويكولها تره انت هيج وهيج علمود تنتبه ع نفسهاا وداري رجلها

زيد: اكو حتلو يصارحون زوجاتهم يبقن مثل ماهنه
جان واحد ويانه بجيش دائماً يخابر نسوان ويسده من وحده يروح ع الاخره ومرته تخابرها يبقه يصيح عليها ويسده بوجهه دائماً نحاجي ونكله ليش هيج كو هاي زوجتك ام اطفالك والها حق عليك ولازم سمعها كلمه حلوه جان جوابه ختولي هاي الخايسه ارجع من البيت الكاها بطرك دشداشه وكلشي ممسويه رجال مهما كان عمره يحتاج الاهتمام من مرته

جمان: حبيبي بس خطيه يخونها

زيد: ههههههه شسويلهم بويه الله يصلح كل ثنين
وتعاي اكلج اشو هلفتره لابوسه لامعطه شني سالفه بويه شهلفكريات

جمان: اممم ههههههه وخر نعسانه ارد انام

زيد: نامي بحضني بعد روحي

جمان: لزمني من خصري وشالني نومني عليه
احبك

زيد: اموت عليج

جمان: كعدت صبح ماردت اطلع وحدي مالي خلك للمشاكل فاكعدت زيد وياي

-زيد اكعد لكك زيد شوو اكعد تدري اليوم عندك واجببب يوولووو راح تتأخر
يمهه هذا شبي رجال دكعد

زيد: دخيلك ياعليي يي والله دخيلك شمالج بويه

جمان: يي غير داكعدك يله بله راح تتأخر تدري لولا

زيد: ناس صبح بصباح الخير اني جمان بصياح شوو وخري خل اكوم اغسل ويهي وخريي وخريي

جمان: يااا هذا شبي ضاج مو زين ماكعده

زيد: كعدت صبح سبحت لان لازم اروح للمركز ولازم اليوم انفذ خطتي وخلص منهن
يي مابقه شي وتوكعن بيدي بعد روحي

جمان: دخل زيد للحمام حتلو بعز البرد هم من يكعد من توم يسبح ميبطلها هلحاله بقيت منتضرته ماردت اطلع واشوفهن وصير عركه من صبح

زيد: طلعت من الحمام لكيتها كاعده بمجانها

ها شني ماطلعتي سويتي ريوك بس خبصتيني خبص بلكعده

جمان(بكلبها): يبوو ع حضج جمان يبوو

آسفه حبيبي بس نتضرتك تطلع من الحمام ونطلع سوه نتريك

زيد: تنوعتلها صفح ورحت امشط شعري عبن ارد اروح لدوام

جمان: ادري بي ضاج مني بس شلون اصالحه

زيودي حبيبي

زيد: نعم

جمان: بيبي

زيد: وين البيبي بويه شني تخبلتي لو حامل وانه مادري بيج

جمان: ههههههههههااااااييييي اخخخ يمه كلبي

زيد: وهرش صوتج
چا شني بيبي فسريلياها بعد ابوج

جمان: هههههههههههههه انت البيبي حبيبي أنت هههههههههه

زيد: شني بويه ممتي بحلكي ودكولين بيبي

جمان: اهووو حتى خربت رومنسيه

زيد: اكلان خ*** هاي بويه من صبح موو رومانسيه
دمشي جدامي سويلي ريوك

جمان: مااا زيد

زيد: شبيج بويه تخبلتي يله ارد اولي شلون رايج

جمان: ضجت حيل شدعوه هلكد كبرها
محجيت شي طلعت اسويله ريوك
ولاكتني عمتي

زهره: لاصبح عليج صباح منين اجيتي انتِ الله ياخذج ونرتاح من خلقتج زفره

جمان: غلست عنها دخلت للمطبخ شفت جميله واكفه تسوي ريوك

جميله: هلا دادا نور المطبخ

جمان: بعد كلبي انتِ صباح الخير

جميله: صباح العافيه

جمان: وكفت اسوي ريوك طلعت بيض وطماطه سويتله لان يحبها

جميله: اكلج زيد مايعزم فارس ع سلامته عيب لازم نعزمه

جمان: ههههههه احم عيني احم
بعده الكلب هاوي

جميله: يي وعيونج
ههههههههههههه

جمان: ههههههه
خطيه شكد تحبه ربي يجمعهم بلحلال ويجمع كل ثنين يحبون بعض

شوي ودخل زيد للمطبخ

زيد: ستعجلي ارد اولي

جمان: يي دقايق
ستوت بساع حطيتها كدامه ماكلت لان ماحب اكل كلش من وقت

زهره: شوفلنه حل المرتك زيد

جمان: اسم الله هاي شبيها اليوم الله يستر من بداية اليوم الوضع وياهم ميبشر بخير

زيد: خير امي شكوو

زهره: كرت عيني يي والله بزر بطني صار عليه اوف يمه حبيبه اوففف

جمان: هاي المره ولاتبطل من مشاكلهاا نتهيتتت اني والله يوميه مشكله

زهره: تاخذ مرتك وتطلع بره خوش ولك

زيد: لا حول ولاقوة الا بالله
اشبيها وياج احجيلي يمه ارد اعرف الحرمه شنو المكصرته

زهره: مرتك المصكوعه الهايشه لسه متعرف تحلبها وكل ماتجي خالتك افراح سوي وياها مشكله
وذاك اليوم شفت شلون ذبت تشريب عمدتاً عالبت عبن ماتريدهن يجن تريد البيت بس الها

جمان: احس دم صعد راسي شهالاتهامات ماتحملت عطت بزيد

-كافيي زيد تره بعد ماحمل والله يجن خالاتك يسون عركه وياي ويتهمني وهسه امك هم

زهره: شوف مرتك العياره

جمان:زيددد ماريدككك انيي ماريدككك تعبتتت من معاملة خالاتك الي يجن يذبن سمهن ويرحنننن
وهسه امك هم دتتهمني بشي ممسويته

زيد: جمان صوتج لاتعلينه ومن شوكت خالاتي ضايگنج شوو بله حجيلي

جمان: لك زيد قابل اتبله عليهن والله تعبت بذات من نرجس بت خالتك افراح تعبتت من عدهاا كلساع وجتني زيد يحبني وراح يرجعلي ونتي راح طلعين بره حياتنه

زيد: يي بويه ونتي شلج غرض بكلامهاا

جمان: زيد فدوه قدر مشاعري والله كلش تعبت

غفران: منين تعبتي بله ارد اشوفنج اشو حته تنظيف ماتنظفين خلف الله عليه وع جميله

جمان: استغفر الله بابا انتِ منووو يمج ارد افهم

غفران: وحك الخلقج احطج هنه العب بخلقتج لعب صمي حلكج ونجبي

جمان: ماحس اله كاملها زيد سطرها راجدي سطر

زهره: بله انت كدرتك بس ع خواتك هاي الفالح بيهاااا مووو ولكك

جمان: شويه اجه عمي ابو زيد مانحس اله صاح بصوت رج البيت رج

فيصل: شنييي ارد اشوف انه هنه طنطل محد محترم شني بويه ارد اشوفنك

زهره: تعال يفيصل تعال الحك شوف ابنك كرة عينك صاف وياه حرمته علينه شوف

فيصل: صمي حلكج واسكتي يزهره عابن انه ادري الراح اكولنه ماراح تتقبلينه خليني لازم اعصابي كوه لاطلع سواديني عليج

زهره: هيج صار الحجي يفيصل

فيصل: وازود بعد

زهره: افاا عليك والله

جمان: دارت وجهه عمتي وراحت وغفران راحت وراه امها تبجي الوضع صار متكهرب بلبيت

زيد: رايح اولي لدوام

جمان: زيد لحظه

زيد: أجلي حجايتج جمان تأخرت ارد اولي

جمان: شفته معصب وعيونه دم حمر سكتت عنه بعد محجيت

رحت نضفت غرفتي وحته نفسي نسدت من ريوك
شوي واجتني جميله

جميله: هاا دادا تسمحيلي ادخل

جمان: هلا حبيبتي ادخلي ههه شسالفه يولو

جميله: عبالي هم ضايجه مني عبن انه ادري امي واختي أذنج هواي

جمان: حبيبتي انتِ مالج غرض بكلشي ديصير ياريت لو اختج مثلج ومثل طيبة كلبج

جميله: فدوه اروحلج انه بعد عمري

زيد: اكو بالي خطه ونشالله انفذها بحذافيرها وكشف المضلوم من المو مضلوم عبن مارد اضلم الوادم

وصلت للمركزز بديت اشتغل والجرايم جريمه تجر جريمة وتحقيق وتعب موت

شوي وندك الباب مال مكتبي
طلع فارس جاي فرحت لان كام على حيله وتشافه ورجع شغله

فارس: شلونك خياي

زيد: تحت رحمة الله انت شلونك

فارس: شني ولك شو وجهك مايبشر بخير

زيد: تعبان فارس وعلي من كلشي

فارس: خيرك شني اشبيك احجيلي

زيد: خلها سكته خويه عبن مارد اضوجك وياي

فارس: لاه لاه لاه مامرجيه منك خويه بس ولو هلمره امشيها الك نوب اكطع البسطال ع ضهرك

زيد: هههههههههههههههههههه ايااسرسري

فارس: هههههههههه دحجيلي خايب

زيد: حجيت كلشي الفارس لأن اكثر واحد بدنيه هو أمن بي

فارس: هاهيه بعد اخوك فوت بزودك ونشالله تنجح خطتك بس انه اعتبرها هاي مخاطره

زيد: هههههههههه احنه نحب المخاطرات بعد اخوك

فارس: هههههههههه

زيد: بقينه نسولف انه وزيد
شويه ورن تلفوني تنوعت للرقم رقم غريب مكاتب عليه اسم فتحت خط صحت الووو سمعت صوت بنيه تناشغ

الووو منووو وياي

-الوو خويه هاي اني ليليان صديقة جمان

زيد: هلا خويه شكوو ليش تبجين

ليليان: خويه الحك عفيه ابو جمان طاح ونقلوو للمستشفى

زيد: دخيلك ياعليي
يي يي هسه جاي

ليليان: جيب جمان وياك فدوه

زيد: سديت الاتصال وكمت

فارس: شني خويه شكو شبيك ياستار

زيد: ابو جمان طايح وناقلي للمستشفى

فارس: چا خل اروح وياك

زيد: لا خويه ابقه هنه بلمركز وين تكدر انت

فارس: شسالفه زيودي

زيد: ابقه هنه حبيبي نشالله ماكو شي اذا لاسامح الله صار شي انه اخابرك

فارس: ماشي
اي شي تحتاجه خابرني

زيد: ماتقصر
كلتها وطلعت كبل صعدت بسياره ومشيت سريع

جمان: كاعده داتفرج على تلفزيون وجان يجي زيد وجهه ميبشر بخيرر

خيرر زيد شكوو شبيه وجهكك هيج ماله لون

زيد: جمان البسي عباتج بساع ابوج بلمستشفى

جمان: شنووووووووو!

زيد: بساع جمان

جمان: لا زيد انت دتشاقه وياي مابي شي بابا ادري مابي شيييي كول كول داشاقههه حباب

زيد: نهارت جمان بقت تضرب بصدري وصيح مبي شي
الحد ماعطت بيهاا لان فقدت اصيح بيها مجاوب من عطتت صاحت

جمان: هااا زيدد هااااا حموتتتت شبي بابا اشبيييي

زيد: مبي شي يرويحتي بس دلبسي عباتج خنروح نشوفه بساع

جمان: اموت اذا صار شي البابا اموت

بقيت ادور على عباتي مثل المخبله
وشالي لفيته شلون مجان وطلعنه حته زيد بملابسه العسكريه

طلعنه نركض من البيت لاكتنه جميله

جميله: خير اسم الله ياستار شبيها وجوهكم صفرر ومهبوطين!

جمان: بقيت اصيح بابا ولججح بابا

ماسمعت شكالت جميله طلعنه نركض معاول اوصل لسياره

وصلنه للسياره من صدمه ردت اصعد وجان اعثر ع وجهي

زيد: اسم الله بابا اسم الله شوو دكومي اني صوجي كتلج والله

جمان: زيد بابا زيد معندي غيره بهلدنيه حبابببب بساع تحرك يله

زيد: جمان صارت حالتها بضيم شفايفها صارن بيض من الهبطه وجهه اصفر خفت لايروح يصير بيها شي لاسامح الله مشينه مسافه وشفت محل سفطت يمه

جمان: زيد شكو نازل فدوه الله يخليك امشي

زيد:بابا وجهج اصفر شوفي حالج شصار بي خل انزل اجيبلك ميس

جمان:نزل زيد واني احس كلبي يريد يطلع من مكانه من الخوف
ماطول شوي واجه جايب بطل مي الي وجكاير اله

شربت منه شوي ونطلقنه للمستشفى

اول م صلته نزلنه اني وزيد خابرته ليليان كالت بالانعاش

جمان:بقيت الطم ع وجهي ودموع تجري ع خدودي بحركه

زيد(بحده) :كافيييي مابي شي ليششش هيج متقاربه امشينه يله كافي بجي

جمان:رحنه كبد للنعاش شفنه خالتي رهام وابو ليليان واحد رجال وياهم ماعرفه
نكسر كلبي رجال غريب وياه وعماني ماهمه

تلكتنه خالتي رهام
دك وتلطم وصيح راح يمهه

اني هنه تخبلت رحت اركض الها
اشبيه بابا اشبيييي

زيد:سلمت ع ابو زيد وكمان حالتها حاله ودي اشيلها اضمها بين ضلوعي شبعت كلبي بجيها

تعالي بابا يمي مابي شي ابوج

ابو ليليان:مابي شي نشالله عمو لتخافين ابوج اقوه من كلشيي

زيد:كافي عيني ام جمان عليشش هلبواجي نشالله مابي شي

جمان:كعدنه ع الكراسي ودي ادخل الغرفه بسس ميقبلون
بقيته ساعه كامله احنه منتضرين واني ماخليت دعاء وأيه ماقريتها شويي وطلع دكتور من الغرفه
رحنه كلنه نسئله ملهوفين

زيد:دكتور طمنه نشالله مابي شي

جمان(بدموع) :دكتور فدوه طمنه ع حالة بابا

الدكتور:المريض كلششش كلبه تعبان مو مال جهد ويشتغل اله فقط راحه لازم يكعد ويسكت اذا ومع مره ثانيه ماضمنلكم تعدي سلامات وهلشي يم الله سبحانه وتعالى بس هوو لازم يرتاح وميشتغل

جمان:أسمع لدكتور وعيوني تجري الحمدلله وشكر همزين عدت سلامات

رهام:يمههه سوده بوجهي
اذا مايشتغل منين ناكل منين نجيب لناس تطلبنه

جمان:ماتحملت عطت بيها

بابا بين الحياة والموت وانتِ دتفكرين بالاكل
وناس تطلبج

رهام: جا منو يصرف علينه انتِ
وهاي اختج بلمدسه منين نجيب

جمان:يي اني اصرف عليكم
المهم بابا بخير

اعرف اني مزوجه وعيب اخلي زيد يصرف ع اهلي بس اني كل شي راح يدفعه اني راح اعوضه ومن اصير دكتوره واتعين نشالله ارجع كلشي الزيد

زيد:باوعتلها وابتسمت احب شجاعتها وجرئتها وخجلها وكلشي بيها سبحان زرع حبها بكلبي

رهام:ونتِ من وين دفعين وصرفين اذا انتِ مره مزوجه

جمان:يي بس...
ردت احجي جاوبها زيد

زيد:ماعليج انتِ ام جمان كلشي يجيج صافي المهم ابو جمان بخير وانه قبل لاكون زوجهه انه سندها من بعد الله وابوها ومو عيب الرجال يصرف ع مريته ويدللهاا

جمان:دمعت من كلام زيد
ياربي شكدد كلامه رزن وحلو أحله عوض من ربي زيد

مر اليوم واحنا يم بابا رجعنه بليل من تعب كبل نمنه خذاني زيد ثاني يوم اله وحالته ستقرت الحمدلله وطلعنه للبيت بقيت يمهم حته زيد كال ضلي يم ابية يحتاج لية

بليل سويت عشه وعشيت بابا وغسلت ماعين ورت اروح انام قبل لانام بشوي خابرني زيد

جمان:هلو حبيبي شلونك

زيد:هلا بويه شني اشو اليوم عايفتني بعد ابوج

جمان(بدلع) : اسفه حبيبي اعرف اليوم محاجيتك بس ملحكت

زيد:عادي يأبه المهم انتِ بخير
شلون صار الوالد

جمان:الحمدلله احسن

زيد:الحمدلله وشكر

جمان:زيد

زيد:هاا جماني هاا يبعد الهاا واهلهاا

جمان:ههههههههه
زيد اني كلت الخالتي رهام اني راح اصرف عليهم
زيد اوعدك اني من أحقق حلمي كلهن راح ارجعهم الك

زيد:اشش بويه عيب هلحجي والله بابا دير بالج دكولي بعد ابوج شني بويه انتِ ماخذه من رجال غريب اكيد لاله حرمته واصرف عليج وع اهلج وانه الممنون لاتفتحين هالموضوع دوم خوش

جمان:حبيبي أنت احبك هواي وألله احبكك

زيد:موش بكثري بعد روحي

جمان:سديته من يمه واني مبتسمه
نمت كعدت ثاني يوم مر اليوم عادي
اجتني ليليان هيه وامها سلمت عليهم وكعدت يمهم

ليليان:صايره تخبلين ولج فدوه

جمان:ههههههه صايره تتغزلين وكذا

ليليان :موزين ماغازلج ادبسزز

جمان:هههههههه شنو شعورك ونتِ خلصتي سادس

ليليان:شعور يجنن خيه الحمدلله كدرت اطلع 97 وهو هذا المعدل الاريده

جمان:الحمدلله وشكر نوب نجي نحلل يمج

ليليان:هههههههه هلا بيج
يمته داومين بالمعهد

جمان:جمعه نشالله

ليليان:نشالله خير

جمان:بقينه نسولف وخذت رقمها عمود نتواصل
بقت شويه وراحة هيه وامها

وراهن بشوي اجاني زيد
بوست بابا وسلمت عليهم وطلعت

زيد:شلونج حبيبتي

جمان:الحمدلله حبيبي وانت

زيد:زين بشوفة عيونج

جمان:بقينه نسولف شوي بسياره
بعدها وصلنه للبيت
الحمدلله لكيت عمتي ماهيه لان اذا الكاها تستلمني اكس مربع

رحت لغرفتي ردت انضفها لكيتها تلمعع

يا عزا هاي منو منضفها

زيد:انه بويه شني مو بعينج

جمان:رحت الحضنه اركض مشتاقتله هوايي

زيد:افيش مشتاكلج ولج

جمان :وني بعد حبيبي

زيد:وفف ولج أموت عليج

جمان:ضمني صدره حيل وحضني جعصني جعص نمت بحضنه والعب بلحيته

زيد:هههههههه ولج اكعدي

جمان:ماا ماا حبيبي

زيد:عيونه

جمان:هههههههه احبك
عضني من خدي حيل
ضربته ع صدره وبعدها نمنه

كعدنه العصر رحت سبحت وهو سبح وراي وطلع
رحت انضف بلبيت مر اليوم عادي مثل روتين
واليوم ثاني هم وكذلك تفاجأت بسكوت خالتي شعجب ماحاجتني لان ضليت عند اهلي

جمان:رحت يم جميله نسولف اني وياها شوي وصاحني زيد

زيد:جمان

جمان: هاا عمري

زيد:اول مادخلت جمان سحبتها من ايدها وكعدتها بحضني عبن ارد اسولفلها وافهمها بكلشي

جمان: كاعده بحضن زيد وهوو يلعبب بشعري ويتغزل بيه

زيد: ولجج شنوو هذا شعرج اغدي فدوه لطوله

جمان:(بدلع) حبيبي مضايقني ماريده اريدن اكصه

زيد: دكصي وشوفي حته اكصج وراه خاف انتي طويله اكصجج ههههههههه

جمان:(بدلع) وخرر زيد زعلت

زيد: ههههههههه دنجبي تزعل ام حلك

جمان: بعدني اريد اوخر عنه وجان نسمع صوت هزز البيت هززز

ام زيد: ولكككك زيدددد الحككك

زيد:شكو ياستار استر

جمان:خل نطلع نشوف
ركضنه اني وزيد وجان نشوف نرجس وخالته افراح

زيد:ها يمه خير شني

زهره:شوف بنيت خالتك شصاير بيها من وراه هاي مرتك

جمان:اتنوع النرجس حالتها يرثه لها وتبجي وجهه شاحب وصايره شحالها

زيد:خير شمسويه جمان

افراح:دمرت بنتي الله ليوفقها

زيد(بحده) :خل نفهمم الموضوع وليرحم والديج

جمان:لاحول ولاقوة الا بالله العلي العظيم ماطلعت عيشه هاي يوميه مطلعيلي سالفه

زيد :صوتججججج جَماننن

زهره:صوتج كصري لاكصه الج فوك شينة كوة عينج

زيد(بحده) :جماننننننن تعالي وراي

جمان:ياا هذا اشبي أسم الله

جميله:اول مراحو زيد وجمان
خالتي ونرجس بقن يضحكن ومكيفات وامي صافه وياهن عجيب ذني شمالهن يردن يهجمن علاقة اخوي بمرته

جمان:رحت وراه واني روحي طالعه ودي اكضها الهنرجس أكلها بسنوني

زيد:سحبتها من ايدها وكعدتها
شوفي بويه انه كتلج قبل فتره بالبالي بس ماكلته الج كليته سمعيني كلش زين وشي الاكلج بي طبقي بلحرف الواحد خوش

جمان:بقيت اسمعله واني فاكه حلكي

زيد:ها بويه فهمتي سوي الاكلج بي وماعليج

جمان:هزيت راسي
وباسني وقبل ليطلع كلالي كلمه خله كلبي يركص من الفرح

-لو صير نرجس من ذهب ما يدها انه ولج شريان كلبي روحي متعلمه ع عيونج يبعد عيوني انتِ

كالها وطلع واني الابتسامه شكت حلكي ههههه

قبل لايطلع نفش شعره وكف رداناته وصاح بلشي بعد ابوج

جمان:بقيت اصيح وابجي جذب كلبت دنيه بصياح وهوو واكف يتنوعلي وميت ضحك بحيث عيونه دمعت واني صوتي راح من صياح
قبل لايطلع سؤالي هاي الحركه بيده وطلع(👍)

نفشت شعري وخربطت نفسي عساس عود ضربني وكذاا

جميله:كاعدين بصاله ونرجس وامها يطكن اصبع
شوي وسمعنه صوت جمان صيح وتبجي لزمت كلبي بيدي يمه صخام بوجهي بس لاضربها

ردت اروح يمها وجان هو يجي

جميله:شمالكم خويه ليش جمان صيح

زيد:اشش مالكم غرض إنه ادبتها واعرف شصرف وياها ولحد يدنه صوبها خوش

نرجس:اويييي زيودي عرفتك مراح تنطي بيه وراح طلع حقيي فدوه اروحلك اني

زيد:دوم وياه الحك اني ونشالله اخذ حكج يبت خالتي

جميله:صخام بوجه جميله هاهيه ضربن الولد بسحر ثلاثي الأبعاد سوده عليه يجمان

جمان:تعبت من صياح نوب سكتت بقيت الوب بالغرفه بقيت نص ساعه افترر شويه واجه زيد

زيد:ننتقل لجزء ثاني بعد ابوج
بس قبلها دتعاي نطيني حبه خوش تمثلين باباتي ههههههههههههههههههههه

جمان:تربيتك سيدي

زيد:نطيني ولججج

جمان:باس شفتي وكال انتضريني شويه واجي

زيد:رحت يم نرجس كعدت وكتلها

نرجس عندي سالفه وياج

نرجس(بلهفه) :يي زيودي احجي

زيد:لا اريد لوحيدتنه عبن سالفه تخصنه انه وياج

نرجس:يي يي صار مشينه الغرفه نسولف

زيد:رحت للغرفه وهيه بساع اجت وراي

نرجس: يي زيودي سولف

زيد:شوفي نرجس انه لسه احبج وبعدج متعلكه براسي وسمج محفور ع كلبي

نرجس:اووويي حبيبي عرفتتت انت تحبني وماتبدلني بهاي جمان الحقيره

زيد:دسمعيني خل اكمل سالفتي

نرجس:يي يروحي سولف

زيد: انه عرفت بجمان عدها واحد تحبه مدري منين عبن انه اردن اعاقبها قبل لاطلكها ووديها لاهلهاا

نرجس: يي حبيبي اصلاً انه من زمان ادري بيها حيه هاي الكلبه

زيد: يي وانه كتلج هسه علمود يكون عندج علم وراه طلاكي منها نزوج خوش

نرجس:يمههه حبيبي ممصدكه

زيد:الكلته الج ماريد بشر يعرفه غيرنه

نرجس:خلي نفضحها كدام الكل حبيبي عليشش ماتريد اسولف

زيد:الاكلج بي نفذي نرجس

نرجس:صار يروح نرجس

جميله:كعدين بصاله وحته ابوي كاعد بس ماحجه شي يدري بزيد تصرفاته رزنه لذلك منطي كامل الحريه

شويه واجت نرجس من الغرفه الابتسامه شاكه حلكها
وماعرف ع شنو ناوي زيد

جمان:صار دنيا ليل واني بغرفتي كلشي ماعرف عن الي ديصير بره وزيد ماقبل واحد يدخل عليه علمود لايشكون بشي

زيد:مابقه شي وتقرب نهايتجن كلبات

صعدت الجمان خذتلها عشه بدون مايشوفوني

زيد:تعاي رويحتي

جمان(بدلع) :زيد متتتت جوع

زيد: سوده بوجه نرجس وامها تعاي شريان كلبي تعاي تعشي

جمان:كعدنه ناكل سوه
واني ميته جوع اكلت بشهيه

زيد:جماني

جمان :هاا

زيد:تنوعيلي بويه

جمان:زيد جوعانه هاا شتريد

زيد:يله بله اليشوف كاض اديناتج تنسين امج وابوج من تشوفين الاكل

جمان:جوعانه يولوو جوعانه

زيد:عافيه ع كليبج ام كرش

جمان:مثل كرشك

زيد:ههههههه منيلي كرش ولج

جمان:خلف الله ع الحديد

زيد:هههههههه دتنوعيلي ارد احاجيج

جمان:هاا حبي

زيد: من تكملين اريدج هم تصيحين خوش

جمان:هاا نفذ الخطه ثانيه موو

زيد:عفيه اريدج سباعيه خوش

جمان:لاتخاف حبيبي
كملنه اكل وشلت المواعين وبعدها هم صيحت عساس زيد ديضرب بيه هههههههه ميدرن زيد شضاملهن

نرجس:الفرحه مسايعتني صوت صياح جمان مثل العسل ع كلبي

طلع زيد من الغرفه أعصاب وجمان صيح وتبجي
فدوه الطوله شكد حلوو وهوو معصب

رحت يم غرفتهم اريد اتلذذ بصوتها وهيه تبجي

شويه وسمعتها خابرت صديقتها
دكلها راح انتحر وخلص

يليان: ولججججج جمان شتحجينن شنوووو تنتحريننن ولجججج جمان انتي ام الطاقه الايجابيه صدكك تحجين

جمان: ولجججج ليليان تعبتتتتتت تعرفين شنووو تعبيت كلشي ديصير اكبرررر من طاقتي لججج زيد كارهني مطايق وجودييي ولجججح ليليانننن تعبتتت والله تعبتتتت طاقتيي نفذت كلشي ولازيد هيج يعاملني لج والله ممسويه شي

ليليان: اهدي يروحي هسه اني اخابرر زيد وافهمه سالفه فدوه لاسوين شي فدوه اروح الكلبج جمونه حبيبتي

جمان:(بدموع) فدوه ليليان حاجيي وآلله اني بريئه ممسويه شيي

ليليان: خابرت زيد وجان يصدمني من يكلي

زيد:لا تخافين بعد أخوج جزء من الخطه هاي

ليليان:عقلي ضل يفتر شنو خطه وهاي جاي دكلي راح انتحرر مجاي افهم سالفه

نرجس:سمعتها تريد تنتحر يي وأخيراً راح نخلص من جهرتج رحت لامي وخالتي اطك اصبع وهنه هم فرحن وياي

افراح:واخيراً راح نخلص من هاي المسمومه

زهره:هاي اذا نتحرت بيتنه جيبنه داهيه

أفراح :ياا خيه عليمن خايفه لا تنسين ابنج بالشرطه ويعرف بهسوالف

جميله:اشوفهن يتهامسن ياربي شكوو راح اموت
وفوك كل هذا زيد مانعنه انو ندخل ع جمان

جمان :سويت مثل ماكل بضبط وتصلت ع ليليان خفت عليها خطيه لان كتلها راح انتحر بس زيد كال انتِ سوي الكتلج بي واني اصرف

زيد:باجر نشالله راح تنتهي العبه وينتهي كلشي وكل وحده تتحاسب نتيجة فعلهاا

-نرجسس

نرجس:نعم زيودي

زيد:نرجس اليوم روحوو وباجر تعالن

نرجس:اكلك سمعت جمان تريد تنتحر نتحرت لو بعدها

زيد:لا شني تنتحر لحكت عليها مالج غرض

نرجس:ليششش مخليتها تنتحر ونخلص منها

زيد:مالج غرض بويه يجيج صافي هسه اخذي ميمتج وباجر عودن انه اتصل عليج واكلج تعاي

نرجس:ماشي

زيد:راحت هيه وامهاا
وقررت اضل سهران اليله عبن ارد اراقب غفران انه ادب بيها موش خليه ومشتركه بكل فعل وياهن

جمان:طول اليوم اني محبوسه بالغرفه حته طلعت روحي بس شسوي لازم اخلص من شرهن لايروحن يسولي مصيبه اكبر

دخل زيد عليه
لكاني متمدده ع جربايه

زيد:شلونه الحليوو مالتي

جمان(بدلع) :مو زين.

زيد:تروحلج فدوه نرجس وأفراح

جمان :هههههههه
بعز ضوجتي ضحكني

زيد:يي بويه اضحكي مايلوك لخديداتج غير ضحك

جمان:حبيبي

زيد:ها يروحهه

جمان:تعبت اليوم حيل تعال نومني

زيد:ههههههههه اروح فدوه انه التعبان
تعاي يروحي تعاي

جمان:تمدد وفتح دياته
خليت راسي ع صدره وهوو ضمني صدره حيل وبقه يبوس بيه ويشم بشعري

-حبيبي

زيد:عيونه

جمان:انت هواي لطيف

زيد:هههه يي بويه ادري من زمان مو من هسه انه لطيف

جمان:هههههههه لاصير مغرور

زيد:يله بله هههههههه غير ولج انتِ الكلتي لطيف

جمان:هههههههه
حبيبي عكبه دوامي لازم سالفه تخلص باجر

زيد:نامي بويه عوفيها عليه باجر تخلص نشالله

جمان:نمت واني بحضنه لان حيل تعبانه

زيد:اول منامت جمان صارت ساعه تقريباً 1ونص
طلعت من الغرفه مشيت الغرفة غفران جان الكل نايم والبيت صنته بقيت اتسمع عليها لأن الباب جان مو كلش مسدود مطمأنه عبالها كلنه نايمين

غفران:هاا كبد لك لو تدري شصار اليوم اخوي عذب جمان وطيح حضها يي حبيبي اكيد نرجس فرحت خطتنه جاي تمشي مثل مانريد

يي اكلك انت كلت بس تخلص سالفة زيد ونرجس نزوج هههههههههااييي لك اي صوتها راح طبها مرض تستاهل يي جاي تمشي الخطه حسب مانريد يي نرجس مساع خابرتني مكيفه ومطلعه ردح تردح ههههههههه يي مال هسه حفله ونركص انه وياك
ههههههههه اروحلك فدوه حبيبي انت

زيد:يي خويه اركصي ليشش لا

غفران:احس دم يبس بجسمي من سمعت صوت زيد

زيد:نطيني تلفون

غفران:زييد ش شوف م موو ا ننييي والله.. وآلله هايي نرجسي خ خطتهاا

زيد:تحجي وترجف الكلمه كوه تطلع من عدها
سطرتها راجدي نومتها بلكاع

اشششش صوتج

رجعت تصلت بهذا الكلب ميرد اخذت رقمه نقلته تلفوني وكسرت الموبايل براسها وخليتها جنازه بقت
اخر شي سحلتهاا للصاله وصحت بصوت عالي خليتهم كلهم يفزون

جمان:نايمه نومه عميقه وكل ضني اني بحضن زيد فزيت ع صوت كلش قوي
ركزت بصوت هذا صوت زيد تنوعت لساعه ب2 وربع سترك ربي لبست حجابي وطلعت بره

نصدمت بمضهر غفران صايره جنازه بدين زيد وأهلها كاعدين وزيد كالب دنيه

زيد:ماشفت هيجج صلافه ماشفت كتلج توبي توبييي تركي هالسوالف حته سالفتج وياه على عديتها الجج
أكووو وحده هيج سوييي بخوهااا ولججح تردين تهجمين بيتي انتِ وذنيج المصلفاتتتت احجيي

غفران(بخفوت) :بسببهنن هنه الي جبرني اشترك بخطتهن

فيصل:ليشش مارفضتي حجايتهن بساع صفيتي وياهن ليششش بويه

غفران:هددني يجتلني بويه

زيد:انه ماراح اصرف وياها بويه
أريدك انت تصرف

فيصل:ماكو حل غير نزوجهاا ونخلص من شوفتها الكشره

غفران(بتوسل) :لا بويه فدوه اغديلك ماريدن ازوج

فيصل:اششش ولا حرف كلبه

صارت ساعه بلخمسه والكل منايم وزيد راح سبح ولبس ملابسه العسكريه

غفران:الكل محاوطيني
الحد ماكتلهم رايحه اغسللل وجهيي كوه قنعوو اطلع اغسل
رحت للحمام البره الي بكفه المضيف رحت اركض للمضيف شفت موبايل ابوي انه حافظه رقم هشام كبل تصلت بي علمود انطي علم يشرد لان ادري بخوي او يجتله لو يحبسه وكتله ينطي علم النرجس وامها علمود يشردن
كتله وسديته بساع رحت اركض لصاله
تنوعت زيد خله وطلع

زيد:رحت البيت أفراح عبن ارد اسحلهن سحل واعرف شصرف وياهن

رحت للبيت دكيت الباب ماكو تصلت عليها يطلعلي مغلق هنا تخبلتتتت اتصل يطلعلي مغلق تصلت بهذا الحقير صاحبهن ماكوو اخر شي كسرت الباب وطبيت لكيت البيت مابي احد

رحت الفارس نطيته علم خليت دوريه كلها دور عليهم بس ماكو فص ملح وذاب لليل واني ادور باستمرار حته مطار بغداد رحناله بس ماكو

جمان:صار ليل وزيد ماكوو وفوك كل هذا المشاكل صارت وياه دوامي لل11 زيد طب تعبان والوجه شحاله

زيد: اشش جمان مارد اسمع صوت

جمان:سكتت ماسئلته ضل يشتغل ع أوراق واللابتوب كدامه ولاسلكي مالته لحظه ماسكتت

صار صبح وعندي دوام قررتت ماروح بس فاجأني من كلي
زيد: جهزي نفسج آخذج لدوام

جمان:مداوم اليوم زيد ماشوف وضعنه شلونه

زيد:اشش مو بكيفج جهزي نفسج يله بساع

جمان:سكتت رحت جهزت جنطتي وملابسي بس ماحس اكوو لهفه عكس ذيج سنه من اول مادامت
كملت تبديل رحت سويت ريوك تريكنه وطلعنه للمعد

وصلنه نطاني مصرف وصاني ع نفسي ومالي وكت الحله مالتكم دكي عليه

رحت للمعهد
وبدت الحصه الاولى دخل علينه ابو العربي
حفزنه ونطانه نصائح وبدينه ندرس وبعدها توالت الحصص

الحد مصار وكت طلعتي دكيت ع زيد جهازه مغلق
ياا هسه شلون بله
بقيت بربع ساعه وزيد ماكو البنات كلها طلعت بقيت بس اني اخر شي مليت طلعت بره عود انتضره يجي وهم ماكو شويه واجت سياره سوده جبيره تمشي سريع طبكت بصفي كلشش جروني للسياره ومشوو

زيد:بديت اتوصل الموقع هشام الحد ملكينه
خذت مجموعه من شرطه وياي فارس
وقبضنه علي
دخلت اني أحقق وياه ضربته بكل مكان وكل ماسئله ع مكان نرجس وامها يجاوبني بلماعرف

زيد:جا شلونن عرفنننن انه بسالفه وعرفت انه جايهن وشردن

هاشم:اختك خابرتني اختكك وهيه الي كلتلي اشرد ونطي علم النرجس عبن زيد كشفنه ومالها مهرب بعد

زيد:لا اله الا الله شلون بيه بهاي البنت شلون دفرته وطلعت بقينه ندور ونبحث اريد بس شي يوصلني نرجس وامهااا
شويه واجه فارس جايب غده
كتله ماشتهي
لهناك وذكرت جمان لايألله شلون نسيتها

تلفون مادري صاير مغلق فتحت ساعه ب12ونص لكيتها هواي متصله
ركضت لسياره نطلقت للمعهد

جمان:صعدونه كوه بقيت اصيح اجه المدير يركض بس وهو وكم مدرس بقوا لان كلها طلعت بس للأسف ملحكو بيه بقيت اصيح بسياره ضربوني ابرة مخدر وبعدها مادريت بشي

زيد:وصلت للمعهد لكيت دنيه مكلوبه

شافوني لابس ملابس شرطه كالو سيدي صارت حالة خطف وبقر يحجولي تفاصيل الحد مكتلهم شسم الي خطفوها كال المدير جمان احمد
هنه مثل شخص ضربني ع راسي

ولكمممم حرمتييي هااييي انتتت موو مديررر وين التزاماتك شلوننن طالبه عدكم تنخطفففف شلوونننن

المدير :سيدي انت تأخرت عليهاا ماجيت ع الوقت المحدد ومرتك مابقت داخل المعهد طلعت بره

زيد:استغفر الله ربيييي ويمن راح الكاهاااا
محاولت تشوف رقم سياره

المدير:تعالوو نشوفه بلكامراتت

زيد:دخلت اركض وحيلي كله رايح

شفنه سياره وجان بيها رقم بس سياره سريعه كلش حولنه الكاميرات للبطيئ شفنه رقم بس مواضح قربنه عليه والحمدلله كدرت اشوفه بلغت شرطه وضباط يسددون كل طرق وميعبرون اي سياره

جمان:مكان رطب ريحه مقرفه مكان اضلم ماسمعت غير بس صوت ومو غريب عليه هذا صوت يي مو غريب هاي نرجس

-فتحيي عيوني حقيرهه الله لا يوفقج ليشش هيج دسوين بيه

نرجس: هههههه شوفي حبيبتي جمونه شصار بيج

جمان:عبالج شنوو زيد مراح يلكاني لاحبيبتي غلطانه بس خل يجي وشوفي شراح يجرالج كلبه

نرجس: لججج حقيره خذتي زيد مني بعد ماجان يحبني نشوف شلون تنفذين من عدنه

يمهههه جيبييي صيخخخخ

افراح: يي يبعد امج جاهزز

جمان: لجججج حقيره هاي شدسوين ماحسيت غير بس صيخ حار خلته على صدري شاغت روحيي ودموعي نزلن بحركه

نرجس: ههههههه هاا حبي يوجع هذا الالم الي جاي تحسي ميوصل ذرت الالم البكلبي من زوجاج زيد

جمان:(بدموع) الله ياخذج وياخذ امثالج ياا كلبه شوفي شراح يصير بيج ومن اطلع وزيد يدري وحق نبي ماسلمين منهاا نرجسسسس

اخخخ يمه صدري الم موتني

نرجس: هههههه نشوف عود اذا طلعتي عايشه منه

جمان: راحتت نرجس واني دموعي تجري مدري شلون غمضت عيني و نمت لان رعب المكان المهجور والالم كافي حته ميخلي شخص يرتاح

بعدها كعدتت وجان اشوف نفسي انزف
لايربي موو وكتج موو وكتج منه ألم بطني ونزف الاخذني ومنه ألم صدري ورعب المكان المهجور
أوفف حبيبي زيد وينك

زيد:لليل واني ادور ماخليت مكان يعتب عليه وكل طرق سددناهاا ومانخلي اي شخص يعبر بدون تفتيش

فارس:تلكاها حبيبي لتخاف مرتك قويه نشالله

زيد:راح اتخبل فارس والله شلونها هسه خاف أذوها الميخافون الله

فارس:لتتفاول هيج حبيبي

زيد:ستمريت ادور لصبح ع فرد جره الحد مالمحت سياره نفس رقم يي هاي نفسها الصوره شغلت سياره ولحكتهاا

جمان:صار صبح واني بهذا المكان المهجور وبس صوت الكلاب ينسمع
شكد ماريد اوصف شي الحسيته ماكدر

نرجس:اييعععع يمه ههههههه جايتها شهريه سوده عليه تعذبي كلبه تعذبي تستاهلين

جمان:الله ليوفقج حقيره
كلتها وماحس اله أفراح لطمتني ع حلكي

جمان:بجيت بحركه ودعيت رب العالمين يخلصني من ذني الوحوش
وينك زيد وينكككك

زيد:تابعته الحد ماشفته وصل المكان مهجور
يي لكفتككككك هنه جمان هنه حبيبة كلبي

افراح:خابرتي***** علمود يجي يجيبلنه ريوك

نرجس:يي يمه خابرته
هاا هذا هل اجه

جمان:اتنوع هذا واحد حقير وياهن جابلهن سم يسممننن احس بطني أذتني حيل من الألم منه جوع وعطش ومنه الام شهريه والم الحرك الموتني

نرجس:ههههههههههه خنشوف منووور يجييي يخلصج من عدنه حيوانه

زيد:محد غيري يخلصها يبت أفراح سكط ضحكي ع رويحتج لان ماتدرين براح يجرالج

جمان:عيوني نملن دموع من شفت حبيبي كبال عيوني عرفته راح يلكاني عرفته

اجاني يركض نزع سترته مال الشرطه وذباها عليه بقه بس بفانيلته سوده وبنطرونه

حضنته حيل وابجي بشهكه

-اشش باباتي اششش

شوي ودخلوو ضباط مسلحين وشرطه

اتنوع نرجس وامها وجوهن صوفرن لان مالهن مهرب بعد والحمدلله عتقلوهن وذبوهن بلحبس

جمان:حبيبي حموتتت خوف

زيد:اشش يرويحتي انه يمج
خل آخذج للمستشفى صاير عندج نزف وحرك صدرج هواي

جمان:لا حبيبي ماروح شوف حالتي شصاير بيها
عوفك مني خوو ابوي ماعرف

زيد:لا تخافين  ماعرف

جمان:اخذني للبيت تعبانه

زيد:بس بابا حركج قوي

جمان:حباب تعبانه

زيد:اووفففف اله اخليهن يبجن دم وحك ربج

جمان:وصلنه للبيت الكل تلكانه شكوو وشبيها
مجاوبهم بس كال لابو
بويه الحرمه تعبانه بعدين اسولفلك

رحت اركض للحمام سبحت وكملت وطلعت

لكيت زيد كاعد ع جربايه

-يله امشينه للمستشفى

جمان:زيد ارد انام

زيد:اششش بساع يله

رحمه للمستشفى داوو حركي وجروحي ورجعنه

جرني الحضنه زيد ونومني بحضنه

جمان:كعدت ب7بليل هواي نايمه ومادري بنفسي

اجه زيد بيده اكل ونزلني من جربايه كعدني بحضنه وبه يوكل بيه

-شسويتلهن زيد

-الي يستحقنه
نحكمن 20 سنه لان مو بس انتِ مسويات وياج هيج
نص الاوادم ماسالمه من شرهن

جمان:شمسويات

زيد:اشش لا دوخين رويحتج بيهن يله اكلي

جمان :سكتت ماريد اجيب سيرتهن الحمد الله خلصت منهن اكلت هواي لان جوعانه حته المواعين هو شالها خطيه
رحت توضيت وصليت وقريت قرآن بعدها رجعت ارد انام

زيد:هووببب هوبب شكوو بويه ماشبعتي نوم تعاليلي مشتاكلج

جمان:زيد حباب تعبانه
حجيتها وبجيت

زيد:اشش ياروحي دوم اشوفج جماني القويه الاتباهه بيج ممنوع ضعف خوش

جمان:تعبانه حيل

زيد:شسولج باباتي

جمان:ضربني وجابن صيخ خلنه ع صدري والمكان مرعب حبيبي يخوف

زيد:شوو وينه مكان الحرك

جمان:هذا وأشرتله ع صدري
ماحس اله دنك باسه بخفه
كزبر جلدي من شواربه

زيد:هسه يطيب باباتي

جمان:هههههه البوسه تخلي يطيب

زيد:يي بويه جا شعبالج البوسه بيهاا هواي فوائد

جمان:هههههههه احبك

زيد:اموتن عليج شريان كلبي

جمان:ماتخطيت الشي صار بسرعه وكل ماذكره ابجي بس دعم زيد الي هو الخلاني اقوه ورجع جمان مثل قبل واحسن
مر شهر ع الحادثه
بعدها زيد كال كافي رجعي دوامج فاتنجن هواي دروس
رجعت لدوام صح فايتني هواي بس همه عرفو بحالتي وكلهن عادوهن الي وبديت ادرس بكل تركيز وزيد وياي بكل خطوه
غفران نالت عقابها وزوجوها من واحد قاسي حيل ومن أهل عرب وكلش حاكمها وأهلها مالهم دخل بيها امها عمتي مو مثل قبل نوعاً ما تغيرت وكاَمت مالها دخل بيه

اما جميله الحمد لله رب العالمين عوضها عن صبرهاا
وسبحان صدفه فارس خطبها من زيد

زيد وافق وأهلها وافقو لان وين يلكون مثل فارس
وهيه كامت تبجي من الفرح وبعدها تمت خطوبتهم
الحمدلله

بعد مرور سنه..

جميله:سوده بوجهي ولج بعد وين الحك

جمان:يبوو عليج جميله شجاج تلحكين

ليليان:جميله شبيج خوافه بعد روحي صيري نجره

جميله:هههههههه والله يليليان

جمان :اليوم عرس جميله ومخبوصين خبص وهيه ماخلتنه نشوف دربنه لان مراحت لصالون ع الموعد زيد ماجانه من وقت تصلت علي كال هسه راح اجي اخذجن

جميله :هاا وين صار

جمان:بطريق جاي

اجه زيد ورحنه انه وياها وليليان وأم ليليان

وصلنه لصالون اشتغلتها ام صالون والحمدلله لحكت
طلعت ايه من جمال ماشالله عليها

واني هم تمكيجت عد ام صالون بس مكياج خفيف ماحب طوخ ولبست فستاني جان ماروني بي فتحه من ضهر وقصير كلش مرتب

خابرت زيد اجانه
وطلعنه جميله
وخوو زيد علمها بسياره وليليان تهوس وفرحانه هههههههه عبالك عرسها وزيد طول طريق عيونه عليه ماشالها ابد هههههههه

وصلنه للبيت جانو كرايبهم هواي طبعاً عرسهم صار هو حنه هو زفه بس علكناها الها خوو اني ذبيتلها لحم وليليان ماقصرت وكومناها تركص بعدها كالت تعبت وكهدناهاا

رحت الغرفتي لان عايفه تلفوني هناك ردت اجيبه اخذ جميله صور ماحس اله زيد صفطني ع الحايط وبقه يبوس بيه

جمان:يبااووو خللل اطلععع زويدد ارد اخذ جميله صور لاتجي زفه

زيد:اشش شطالعه ولج مكموعه

جمان:يي ادري اخبل وخررر

زيد:امعطججج انييي

جمان:يمهههه

زيد:ههههههه

جمان:موتني بلعض والتكرص والبوس كوه فلتت نفسي من عنده رحت اركض طكيتلها صور وخذنه انه وياها صور

بعدها اجت زفه ودخل فارس عليها
جان الارتباك واضح عليها
اجه ابوها وزيد سلموها اله وبقوا يوصون عليهاا

فيصل:تراها بنيتي عزيزه يفارس امانه بركبتك

فارس:بطن عيني عمي لاتخاف

جمان :نفجرت جميله بلبجي وحضنت ابوها وبقت تبجي وحضنت زيد وهم بقت تبجي
وامها هم بجت عليهاا

سلمت عليها وبوستها ودموعي تجري أقرب وحده الكلبي هيه فرحتها هواي لان هواي حبت فارس
وسبحان الله القاسمه الك ربك مايضيع

خذوهاا للفندق احنه مارحنه بقينه بلبيت بس امها وعمتها اخت ابوها راحت وياهم

نضفنه البيت اني وليليان خطيه نكسر ضهرنه بتنضيفه رادن يرحن زيد جلب بيهن هنه وامي تعشن وصلهن زيد

رحت اقرا لان باجر اخر يوم الي بلمدرسه واودعها وتبدي فترة مراجعتي والحمدلله قريت بتركيز واحس ضبطت المواد بس اكيد خوف محاوطني وخايفه من المتحانات

اجه زيد نمت بحضنه ومن تعب كبل نمت كعدت صبح
وهوو هم كعد بدلنه وتريكنه وصلني المدرستي وراح لدوام طبعاً جدولي صار تلاث ايام معهد والباقي مدرسه وخلصت المواد بالمعهد قبل المدرسه

بدينه ندرس وختمنه كلشي بعدها البنات بقن يتوادعن ويبجن اني صداقتي سطحيه وياه الكل فا متأثرت هواي هههه

اجه زيد خذاني من المدرسه

زيد:شلونه اخر يوم

جمان :نفس كليوم هههه

زيد:خير نشالله

جمان:وصلنه للبيت صليت وسبحت ونزلت لكيت عمتي تطبخ ساعدتها بالأكل وكعدنه كلنه ناكل

فيصل:اليوم اخر يوم الج بنيتي

جمان:يي عمو والحمدلله تم ع خير

فيصل:الحمد لله وشكر شدي حيلج نريد خوش معدل حته هديتج توصل ليج

جمان:نشالله عموو

كملنه اكل ورحت شلت المواعين غسلتهن ورحت تمددت نمت

اليوم ستراحه ماقريت عود باجر ابلش رحت سويت كيك ونطيتهم

زيد:اكوو كيك يسوي كيك

جمان:ههههههههه
أخجل تره

اكلنه اني وياه
وبعدها مر اليوم عادي

مرت الشهرين جانت مراجعتي فقط شهرين متحنت وماأجلت ولا متحان والحمد الله كلهم متأكده منهن بس هم بقيت خايفه وجان كلام زيد يطمني يكلي انتِ تعبتي وربج مايضيع تعب بني ادم

اليوم موعد نتائج وزيد لازم تلفون منتضرين الرابط ينزل احس كلبي راح يوكف من الخوف
شويه وصاح زيدد يي نزلوو الرابط

طبعاً اهلي كلهم موجودين ابوي وخالتي رهام وعمي فيصل وجميله وفارس وليليان هم كلساع تراسلني

دخل زيد ع رابط بقه يكلب بالاسماء وأهلي كلهم منتضرين هاي الحظه انو يصيح زيد معدلج عالي

شوي وكال زيد يالله هذا اسمجج بقيت ابجي من الخوف وابوي يطمن بيه

جان يصيح زيد
لا جمان توقعت اعله

الكل نصدم
بقيت ابجي بصوت عالي واصيح والله مجاوبه

اخر شي ضحك وكال توقعت ميه ليش مطلعه99.87 بقيت اضحك ع دموع شعور شكد ماحجي ما وصفه
امي وجميله بقن يهلهلن وابوي بقه يبجي وحضني
لحضات تخبل مااكدر اوصفها شوي واجه عمي فيصل بيده جيس كلش جبير بقه يطش ويصيح كفوو بنيتي

اجاني زيد باسني بكصتي كدامهم وكال جمله لسه مانساها

زيد:رفعتي راسي بعد روحي

حتفلنه والفرحه نرسمت ع وجوه الكل بعد ماجنه محتاجيهاا كملت فرحتنه من عرفنه جميله حامل بيومها عمي فيصل ذبح طلي وسوينه عشه وماحسيت بتعب من الفرح

الحمدلله نقبلت طبيه ومعدلي صار وياه الاضافه100.6 نقبلت طب عام وحقتت حلمي الحمدلله وشكرر

اذا عندكم هدف اسعواا حته تحققواا ولاتيأسون ابد
رغم كل تعرقلات الي صير بطريقكم اسعوا حته توصلون للتردوو وذكروو هاي الآيه ((۝ وَأَنْ لَيْسَ لِلإِنسَانِ إِلَّا مَا سَعَى))

علَيك أن تُصدق أن أهدَافك قابلِة التحقيق فعِندمّا تؤمن بذلك، فإن عقلَك يبحَث عن وسائِل تجعلهَا تتحقق، لا تجعل التّردد يهزِمك

النهايه❤️❤️

تمت..
2022/10/5
ياربيييييي شوصفلكم شعوررررر الحمدلله وشكرررر تم ختم اول روايه الي شعوررر حزن ع فرح ع ماعرف شوصفلكمممم ربي يحقق احلامكم كلكم نشالله
احبكممم حيل ومراح انساكم ابد راح تبقون بكلبي وشكراً هوايي ع تفاعلكم الطيف واسفه ع تأخير بس وربي تعبت بلبارت 6435 كلمه

لاتنسون⭐

اريد تفاعلكم بهذا البارت وشكد متكدرون نشروو
وقدروو تعبي وصوتوو ع كل البارتات احبكم هواي
اختكم طيبه عباس❤️❤️

#فصليه لأجل والدي

اليحب يتابعني انستا
هذا حسابي
L_2iom