تصويت+متابعه❤
يكلها..
يلوموني واحسك تكبر بࢪوحي
ويلوموني..
وانا بلاشوفتك شينفعن عيوني
يشوكي ورجوتي ودنياي
دنياتي ولوني وعذابي وبسمتي
وشكواي وضنوني..
يخيعونك عليه وبيك خيعوني
مرت الايام عاديه وبقيت 20 يوم يم اهلي تغيرت وضعفت حيل على فراك زيد وبليل مانام اله ودموع بعيوني ويوم من الايام كاعدين العصر ندك الباب وجان يجون ناس وشيوخ وياهم زيد تنوعتله من شباك يضحك وصافح ابوي وعلامات الفرح مبينه على وجهه وكاشخ ولابس دشداشه مخصره علي تخصر وطالع يجننننن
رهام: عزااا ولج هاي زلم بره مكلوبه كلاب
جمان: احس كلبي يدك سريع حسيت بشعور اول مره بحياتي احسه مشاعر ممزوجه فرح وحزن مااعرف شلون اوصفه بس شعور كلش غريب
رهام: ولج جمان تعرفين شنو الي ديصير
جمان: يمه علمي علمج كلشي ماعرف
رهام: اممم معقوله
جمان: يمه والله ماعرف
شوي واجه بابا بساع كمت اسئله على الي ديصير
أحمد: جمان بساع سوو جاي
جمان: بابا شنوو شديصير
أحمد: يابه اصبري خل افتهم انه بالاول سالفه وبعدين افهمج يله جايچ بساع
جمان: رحت اسوي جاي وكوه صابره الفضول راح يكتلني ارد اعرف شديصير بره
زيد: بعد ماطلعت من بيت خالتي افراح رحت البيتنه تمددت ونمت لان تعبان بوقتها كلشش
كعدت من النوم لكيت تلفون محترك حرك بالاتصالات من ابو نرجس
اني كبل شلته خابرته
اول ماتصلت فتح خط اجاني صوته
محمد: لك انته ماتستحيي موو عيب عليك شلون هيج اسويي لك شخليت لابن شوارع عود انته ابن شيوخ
زيد: اول شي صوتك لا تعلي وثاني شي عرفت سالفه انته وجيتني تركض شتكلك افراح سمعاً وطاعه المهم
بنتك متفقه وياه ولد وخريت علاقتي بمرتي والولد لزمنه وبس يذكر اسم بنتك بلمحكمه تجرجرون بلمحاكم وصيرون علج لناس بس انه من باب انسانيتي مخليت يحجي شي غير بس الي لان عندي عرف المهم عيني كل الصار وياه بنتك قليل
محمد:(بخوف) انته شجاي تحجي
زيد: مثل مسمعت حضرتك واذا مشكك بلموضوع شوي واجيك ونروح للولد المتفقه وياه بنتك وخل يفهمك سوالف بنتك المسويتهاا
محمد: هاهيه بويه حكك امسحها بوجهي
زيد: لاجل عيناك انه سكتت عنهاا
محمد: الله يوفقك ويحفضك ثيمالا
زيد: الله وياك
بدلت وسبحت ورحت لابوي لان انه ماضم علي
رحتله وسولفتله كل الي صار
فيصل: ولك بويه چا انته شلون سوي هيج بنت ناس موثوبنه هذا يزيد وامك اذا درت شك هدومها
زيد: چا بويه هنه فركني عن مرتي وسولفتلك السويته بمرتي والله هنه يستاهلن اضعاف من الي صار
فيصل: بس مو هيج بعد ابوك
زيد: بويه سويتلها جرت اذن علمود متتعلم وسوي شي ازيد من الشي الصار قبل فتره
فيصل: هاهيه بويه انه ادري بيك شي تسوي صح بعد ابوك
زيد: بست راسه وطلعت
رحت صديقي وكعدنه وسولفنه
مرة الايام وصار على فراك جماني 20يوم
بيوم من الايام كاعد وياه صديقي فارس على شط وجاي ندخن
فارس: يي خويه شصار بسالفة مرتك
زيد: خذت نفس وزفرته خويه قافله المره ماترضه ترجع واني كوه متحمل فراكهاا وحك علي
فارس: لعد شمنتضر انته يحضي تريدهاا ترجعلك وحدها وانته كاعد وساكت ولامحرك لارجل ولاايد
زيد: خايب شسوويي ماي عيوني انطي الها وربك
فارس: عوف ماي عيونك يخوي انه عندي فكره خوش فكره من هاي الفكرة زينه
زيد: هههههه الله ويدك بعد اخوك شني فكرتك
فارس: ليش ماتروح تخطب جمان من ابوها مره ثانيه؟
زيد: ولك شلون غير هيه حرمتي ومزوجهه
فارس: ولك زيد فهمني انته اول مازوجتها طلعت من بيت اهلهاا كلبها مكسور وفصليه ونتم مو طلبتوها من اهلها انتم خذتوها فصليه يعني شي مو بارادتهاا
زيد: انته هيج تشوف معقوله راح تقبل ترجعلي
فارس: ترجع وداعتك وكول فارس كال بس انته اخذ شيوخ ولم عليهم دنيه كلها وفاتح ابوك بلموضوع وابوك رجال خير اكيد يقبل
زيد: چاا اليوم راح افاتحه بلموضوع
طاحضك فارس خل اروح بساع احاجي
فارس: ههههههه الله يطيح حضك چا بعد المعروف سويته الي دكلي طاحضك
زيد: اهوو بقه يتمنن عليه يله عوظ اردها الك بعرسك من تزوج ومرتك تزعل انطيك فكره من عندي
فارس: ههههه طاحضك شمتفاولي
زيد: ههههه يله خياي رايح وداعتك بعد ماصبر لازم اكول لاهلي وباجر نروحلهم العصر
فارس: روح بعد اخوك فوت بزودك
زيد: هههههه يله ثيمالا
فارس: هلا بيك
زيد: رحت من يم فارس صعدت بسياره ونطلقت والفرحه تارسه وجهي ممصدك راح ارجع جماني يمي
وصلت البيتنه نزلت من سياره توجهت للمضيف الكاعد بي ابوي
زيد: سلام عليكم شلونك يابه
فيصل: هلا يبه شلونك
زيد: الحمدلله بخير
بويه انه جايك بسالفه واتمنه ماتردني
فيصل: كول بويه ماعاش اليردك
زيد: الله يسلمك
فيصل: يي بويه احجي
زيد: يابه انه ارد ارجع جمان
فيصل: يي بويه من زينات هاي ترجعهاا للبيت هيه خوش بنيه وطول ماهيه كاعده يمنه ماشفنه شي عليها موزين بنيه كلش حبابه
زيد: يي بس بويه انه اريد اخذلهاا مشيه وشيوخ علمود ارجعها وسوي عرس انه لان تدري يابه خذناها فصليه وكلشي ماشفت من زواجي
فيصل: هاي هيه بويه التريده يجرالك
زيد: كمت بسته من راسه
الله يحفضك النه ويخليك خيمه على راسنه
فيصل: تدلل بويه
زيد: باجر روحلهم العصر خابر معارفنه خل يجون
فيصل: نشالله بويه انه اخابرهم
زيد: رحت الغرفتي والابتسامه تارسه وجهي
نمت كعدت ثاني يوم خابرت فارس علمود نروح انه وياه لسوك نشتري ملابس
زيد: الو فروسي بعد كلبي تعال نشتري انه وياك ملابس ومشتراتك على حسابي لان جبتلي فكره من هاي الفكره الخوش فكره على كولتك هههههه
فارس: العببب صارت بيهاا ملابس على حسابك خوش بعد اخوك مسافة طريق واصير يمك
زيد: ههه منتضرك
سديته من فارس وفعلاً ربع ساعه وصار يمي رحنه لسوك ختاريت دشداشه لونها نيلي وهوو هم اخذ دشداشه لونها بيجي شتريت تحضيرات الازمه للخطبه ورجعت للبيت
فارس اجه شغل مهم من مهمته واني دخلت للبيت تلكتني امي
زهره: شعندك يمه مسوي خطبه وعرس چاا انته غير مزوجهاا وخلص بعد عليمن هذا الي جاي تسوي
زيد: ليش يمه انه سويتلها العرس الي كل بنيه تحلم بهيج يوم اشوو خذتهاا فصليه حته صفكه ماكوو المهم اليوم المشيه وخلص
زهره: والله تالي وكت زيد تمشي برايك
زيد: يمه انه موصغير والشي صح اعرفه واسوي
رحت الغرفتي سبحت وطلعت
اجتني جميله
جميله: يمهه اخوي راح يعرسس كلللوووشششش
زيد: هههههههه يي اله اسوي عرس اخلي الوادم كلهاا سولف بي
جميله: يمه اخيي تعال خل احبنك وعلي جمان تستاهل ماكو مثل بطيبتك كلبهاا ومحنتهاا
زيد: وين اكوو مثل جماني
جميله: يمهه الحب تارس عيونك
زيد: ههههههه شعندي غيرها انه
ونتي يله امشي سوي غده لطني اليوع
جميله: صلي وتعال اتغده
زيد: ماشي
صليت ورحت تغديت وكلت لابوي خابرت الناس الي راح يجون كال يي خابرتهم
نمت وكعدت سبحت واجت كل شيوخ جتمعت بيتنه ورحنه على بيت جمان
زيد يكلهاا..
اليوم امشي عليج الم كل العكل
المايروح وياي لاهلج ينمطل
كوه مو كوه اريدج بلحلال
خوش زلمه وخير واصل وفصل
قبل لنروح بلغت ابو جمان بس كتله لايكوللها اريد اسويلها كلشي مفاجأه
توجهنه البيتهم طلعنه ابوجمان صافحته والابتسامه تارسه وجهي كعدنه بلستقبال وكتله شتريد انه حاضر
أحمد: بويه اريد سلامتك اني
زيد: عمي اني صح اخذت جمان فصليه وماسويتلها العرس الي هيه تحلم بي هسه انه لازم اسوي عرس وحاصر وغايب وملجه وكلشي يخص زواج
أحمد: من زينات هاهيه بعد عمك
فيصل: انه جاي على سنة الله ورسوله وكدام ذوله الشيوخ اطلب ايد بنتك جمان لابني زيد
أحمد: بنتي بنتكم ابوزيد
فيصل: رحم اللهوالديك نقراا الفاتحه؟
أحمد: يي نقرا الفاتحه ليش لا
واحد من الشيوخ: اللهم صلِّ على محمد وآل محمد
زيد: قرينه الفاتحه وتم كلشي على خير وتفقنه على باجر الملجه
جمان: سويت جاي ونطيته بيد بابا
وكاعده وكلبي يدك سريع شوي وسمعت صوت صلوات بلستقبال كلبي بقه يدك سريع وبتسمت لاارادي يمههه معقوله الشي البالي راح يصير
زيد: طلعنه من عدهم وشعور الفرح متملكني سلموو عليه عمامي وابوي وراحوو
اني هم رحت ماردت ابقه ردت كلشي يتم بلشكل صحيح بقه يمي بس صديقي فارس
فارس: هاا ولك شلونهاا فكرتي
زيد: موو فكره ضيم ماراح انسالك وكفتك هاي بعد اخوك
فارس: عضيدي شعندي غيرك
زيد: دمشي خل اعشيك على حسابي
جمان: كاعده وماعاول يرحون علمود افتهم سالفه من بابا
أحمد: الف مبروك بنيتي
جمان: شنوو بابا عليمن مبروك ومنو ذول وشعنده زيد جاي
أحمد: يابه الولد اجه يخطبج حسب العادات وتقاليد وحضري روحج باجر الملجه
رهام: والله خوش ناس ومعدلين
جمان: شكد ماكول فرحت بلحضه ماكدر اوصف معقوله هلكد اني احب زيد رحت من يمهم ركضت الغرفتي تصلت على ليليان اشاركهاا بفرحتي
ليليان: هلو جمونه شلونج
جمان: لججج عزااا ليلياننن ولج متصورين شكد فرحانه بهلحضه
ليليان: يمه طاحضج فرحيني وياج
جمان: ولج زيد اجه خطبني من اهلي
ليليان: شلون خطبج غير انتوو مزوجين
جمان: لججج لا خطبه حسب العادات وتقاليد لج جاب كومههه ناس وباجر الملجه وكلشي ممحضره تعاليلي باجر صبح نروح لسوك نحضرر
ليليان: يمهههه يروووحيييي الف مبرووك متصورين شكد فرحتلج باجررر من صبح اجيب امي واجيج
جمان: تمام هلا بيجن
سديته من ليليان وبقيت اطفر من الفرح واخيراً فرحت شويه بحياتي بعد كل تعب المر عليه
رحت انضف البيت لان باجر عدنه كومه شغل ولازم من هسه انضفه
بقيت انضف الحد ماهلكت من تنضيف اذن الاذان رحت سويت عشه وخالتي رهام سوت عشه تعشينه وكملنه وغسلت الاماعين ورحت الغرفتي
ياربي احس شتاقيتله اخابره؟
لا ماخابره خلي هوو يخابرني
بقيت بل10 دقايق صافنه على تلفون شوي وتصل هوو
كبل فتحت خط وجاوبته بدلع
جمان: الووو شلونك زيد
زيد: اووففف لجج شنوو انتي شلونج يابعد كل شريان بيه شسويتي بيه خايبه
جمان: ههههه شلونك
زيد: اروح فدوه ونذر انه للضحكه بخير دامج بخير بعد عيني
جمان: امممم عساك دوم
زيد: احمم عجبتج المفاجأه
جمان:(بدلع) لعد انته لييشش ماكتلي هاا
زيد: هههههه ولكك غير انته زعلان ومتقبل تحاجيني وتدلع عليه
جمان: يمته مدلعه عليك
زيد: ههههه لابويه انه ادلع
جمان: بعدين حسيت على نفسي شلون احجي وياه بدلع طاححضج جمان
زيد: احمم وين صفن الحلوو
صدك حبيبي باجر ملجتنه ادزلج فلوس صبح وشتري اليعجبج
جمان: لازيد ماريد لادز فلوس هيه غير ملجه حسب العادات فالازم اني اشتري ثوب من فلوسي لادز انته
زيد: ماشي يروحي بكيفج اي شي تحتاجي خابريني
صدك باجر انتي ترحين لسوك؟
جمان: يي اني لعد منو يروح
زيد: لابويه ماكوو روحه لسوك انتي مطلعين خلي امج تروح جيبلج
جمان: زيد لا لازم اروح اني غير اشتري على ذوقي
زيد: لج بابا اغار عليج شلون اخليج ترحين
جمان:(بدلع) حباب زيد خل اروح انيي راح اروح اني وصديقتي ليليان وامهاا حباب زيد اريد اشتري فستان على ذوقي
زيد: ماشي بويه بس ابد مطوليننن خوش
جمان: لا ماطول ابد
زيد: عفيه
جمان: زيدد
زيد: عيون زيد
جمان: أريد انام نعست
زيد: نامي يابعد زيد واهلهه
جمان: تصبح على خير
زيد: ونتي بخير بويه
جمان: سديته من زيد ونمت
كعدت ثاني يوم اجتني ليليان من صبح رحنه لسوك شتريت فستان وشغلات الازمه للملجه ورجعنه
تغدينه ورحت لام صالون حفت وجهي ومكيجتني ولبست فستاني ورجعت للبيت انتضر يمته يجي زيد واهله علمود نملج
يتبع......
#فصليه لاجل والدي
بقلم الگاتبه/طيبه عباس
احبكم حيل لتنسون تصويت والمتابعه😘💗
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!