تحميل رواية «فصليه لأجل والدي» PDF

الساعه 6 ونص يوم الاحد كعدت ع صوت العصافير وجوو المغيم وقطرات المطرر كعدت ابدل وامشط شعري علمود اروح للمدرسه الحماس عندي يقراا الف لان بداية عام دراسي جديد.

اعرفكم اسمي جمان طالبة سادس اعدادي كلهاا دكول سادس صعب ومراح طلعين المعدل تردينهه وانتم حالتكم ضعيفة وتحتاجين مدرسين خصوصين ومعاهد الى اخره.... اني من النوع الاحب ادرس واتعب ع نفسي واحب اكون دكتورة ومن افضل الدكاتره الي بلعراق فااحب اني كوني بنيه اقدم شي البلدي

مواصفاتي عمري 18 لون بشرتي حنطاوي عيوني كبار لونهم عسلي طولي 155 صح قزمه بس هذا طول المثالي ههههه شعري طويل يوصل الحد ظهري اخواني ضرغام وملاك طبعاً ضرغام من امي وابويه بس ملاك من ابويه طبعاً كلش احبهاا وماعدنه اي تفرقه اخوي ضرغام عمره 21 اربعه وعشرين ساعه طالع وابد ميشتغل ويصرف على البيت عندي ابويه متوسط العمر عمره65 كلش حنون بنسبه الي يسوه كل دنيه زوج واني عمري 10 سنين طبعاً بعد وفاة امي بسنه لان بوقتها احنه صغار منو يعتني بينه بس لالسف من يوم يومهاا خالتي رهام الي زوجهاا ماتحبنه وماطايقتنه

رهام: يله جمان تأخرتي ع دوام تعالي تريكي

جمان: ماريد يمه ماتريك عود اكل شي بلمدرسه

احمد:بابا ميصير اكليلج لكمه وروحي لازم تتريكين علمود صيرلج طاقه للدراسه

رهام:  عوفهاا احمد شنو قابل طفله ونجبرهاا خليهاا بكيفهاا من يوم يومهاا متسمع الكلمه

جمان:  بكلبهاا.. قابل اني شحجيت وهيج ضلت تحجي.. طبعاً اني امي ميته من اني طفله بابا زوج علمودنه اني واخوي لان صغار ومنو يعتني بينه بس لالسف خاله رهام عبالك احنه اعدائهاا مااعرف سبب حتمال لان موو جهالهاا بس مهماا يكون تبقه طيبة بلكلب بس للاسف بهذا مجتمعنه حته طيبه بلكلب مبقت ولارحمه الحمدلله على كل حال حتلوو هيه متحبنه المهم بابا يسوه الدنياا عندي هيه  ماتحبنه ههههه بس كدام بابا تحجي بلطافه ومن يروح تبديي بخباثتهاا وكلامهاا المثل السم ومع كل هذا احترمهاا وابد ميطلع مني تصرف محلو وتنضيف البيت كله ذابته عليه

احمد:هاج بابا هذا الف اخذي وهناك اشتري شي واكلي

جمان:لابابا ماريد خلي عادي من ارجع اكل

احمد: لابابا مايصير اخذي هناك جوعين

جمان: خذت الالف بس بداخلي ماريد لان اعرف بابا ماعنده والالف والالفين يحتاجهن

جاي امشي بشارع مريت على صديقتي ليليان ونطلقنه للمدرسه

ليليان: لج جمان شلون بينه خايفه من سادس لج كلهاا دتكول صعب لج يمه بنيتج ليونه حتبركس بسادس ادريي بنفسي اني اله بدفرات اله اطلع وياريت يفيد عقلي رافض فكرة دراسه الله يطيح حظه

جمان: هههههههه يمعوده عليمن الخوف اذا عندج اصرار وعزيمه ع تحقيق حلمج عليش الخوف وهوو سادس حاله حال اي مرحله دراسيه بس انتي ركعي راسج بلحايط علمود عقلج ينفتح للدراسه

ليليان: هههههه يي والله خوش تحفيز هسه اركع راسي بلكاع موو بلحايط

جمان:  هههههه يمعوده لايصير شي بعقلج تتخبلين علينه وين نوديج نوب ههههههههههه

طبعاً ليليان صديقتي من ايام الابتدائيه وكلش احبهاا ماعندي صديقه غيرهاا بلمدرسه

وصلنه للمدرسه سلمنه ع طالبات وكعدنه اني وليليان عالمصطبه

ليليان:اكول جمان شدكولين هلسنه نطلع منهاا لو نبقه نايمين

جمان: هههههه يبووليليان شكد متشائمه لج خل ندرس بلاول وبعدين قريي وثانيا تره سادس مو فد شغله عضيمه نشالله نطلعه من اول سنه وبمعدلات عاليه

ليليان: يي انتي سجاجه شنوو عليج

جمان:  قل اعوذ برب الفلق هههههه

ليليان: قابل مجذبه ههههههه

دك جرس وقسمونه ع صفوف دخلنه للصف واخذنه اول درس عربي جانت المدرسه لطيفه وحبابه وحبينه درس وياهاا بدت الحصص تتواله حصه وراه حصه الحد ماهلكت من تعب بس كلشي يهون مقابيل حلميي الي راسمته بالي واني صغيره

نتهاا دوام وطلعنه اني وليليان دخلت للبيت رحت غسلت وصليت وحطيت سفره وياه خالتي رهام

رهام: اكلي وغسلي ماعين من صبح لهسه شغل عليه

جمان: تمام يمه تدللين

احمد: شسالفه رهام خلي البنيه ترتاح.. اكول بابا جمان شلونه اول يوم

جمان: الحمدلله زين اكوو مدرسات لطيفات وحبابات واكوو ههه لاوالله من وجهن مبينات خبيثات

احمد: معليج بيهن بنيتي ركززي ع دراستج اريد طلعين معدل عالي واشوفج احله دكتوره بروح ابوج انتي

جمان: كلشش تاثرت بكلام بابا ونشالله احقق حلمي وارفع راسه واشوفه مفتخرر بيه

شكد حلوو من البنيه اذا راسمه هدف بالهاا وتحققه وتبقه ع اصرارهاا وعزيمتها الحد متحققه وشوف نفسهاا مقدمه شيي لاهلهاا وللمجتمع وهذا وقتنه مجتمع ذكوري البنيه مالهاا سلطه بيه بس من تحقق حلمهاا وتكون شهادتهاا بيدهاا الي هيه بنفس الوقت سلاحهاا اكبر رجال ميهزهاا وكلشش راح تفتخر بنفسهاا واني هذاا كل الاتمنى انوو احقق حلمي وافتخر بنفسي... كاعدين ودنتغده واثناء كلامنه حجت خالتي رهام

رهام: احمد محتاجه هواي شغلات للبيت اريد كم فلس اروح بيهن للسوك

احمد:ماعندي رهام خليهاا غير مره من الله يرزقني وانطيج

رهام:كل ماكلك على شغله دكول ماعندي مليت من هلعيشه يمته اكلك ع شيي ودكلي تدللين حتلو عندك دكول ماعندي

احمد: عليش صياح بويه باجر ادايلنج من صديقي ابو حاتم وانطيج ومن استلم راتب انطيهياه

ضرغام: يابه فشله من رجال كلساع مداين منه صارن هواي فشله من يمه

احمد: چا اذا ماعاجبك الوضع ماتطلع تشتغل كاضيهاا طربكه وياه الولد السفليه لاشغله ولاعمله كاضيهاا اكل ونوم وطلعات

ضرغام: شسالفه يابه هوو بس انام يمته طالع(بضحك)

احمد: اياا هتلي ياسافل خاب كوم منه لابارك الله بيك

ضرغام: يابه خل اكل وين متريد تكطفني اكطفني اهم شي كروشي

احمد: استغفرالله ربي مدري اضحك مدري اكضه بلخيزران وحمس ع ضهره

ضرغام: لايابه كلشي اله هاي وداعتك ماتحمل اشخ جواك

جمان: يمه من كال ضرغام هيج متت ضحك مدريي شبي هلولد يحرك بكلب بابا

احمد: هسه من اكضك صدك اخليك شخ جواي

ضرغام: خل اسكت اليوم ابويه الحنون ناويي صدك يسويهاا ويخليني اشخ ع روحي

جمان: متت ضحك على سوالف ضرغام وبنفس الوقت نقهرت على بابا واني اكثر واحد بلبيت اعرف وضعه وادريي بيه ماعنده بس خالتي رهام اذا رادت شغل تبقه تلح عليهاا وابد ماتقدر ضرفه اذا جان ماعنده وهيه تدري اذا عنده كلنه مايخلينه بنقص

ملاك: جمان حبيبتي تقريني

جمان: يي يعمري هسه خنكمل غده واقريج.. طبعاً ملاك اختي الصغيره الي من مرة بابا بس ابد ماعدنه تفرقه وكلش احبهاا عمرهاا9 سنين برابع

كملنه الاكل وشلت الاماعين غسلتهن ورحت اقري بملاك..

جمان: ملوكه اريدج نادره وتفهمين عليه واذا لا اهفج براجدي اطير جبهتج ههههههه

ملاك: هههههه ادري بيج ماتضربيني مجرد تهديد هذا

جمان: هههههه حافضتني

ملاك:  لعد شعبالج هههه

بديت اقري ملاك وكملت كل دروسهاا الحلو بيهاا ابد ماتعب وبسرعه تستوعب مني

ملاك: شكراً حبيبتي هاج بوسهه امحح

جمان: هههه يعمري شعندي غيرج

بعد ماكملت دراسه ملوكه رحت للغرفه طلعت تحاضير وبلشت ادرس كملت ساعه بـ4 رحت نظفت ماريد خاله رهام تحجي كملت بعد مانكسر ضهري رحت كعدت اتفرج تلفزيون وجان اسمع اصوات عاليه بره

يتبع...

فصليه لأجل والدي

بقلم/طيبه عباس

عمريي الاتمنى منجن تنشرنهاا بكل مكان وتوصلنهاا هوايي مشاهدات ادريي بيجن كفوو احبجنن هوايي🙈♥

كاعده اتفرج على تلفزيون وجان اسمع اصوات عاليه بره طلعت وجان اشوف بابا لازم اخوي ضرغام ويضرب بيه اجيتهم اركض وميته رعب وخوف اول مره اشوف بابا بهل عصبيه

جمان: بابا كافي عوفه عليك الله راح يموت بديك احجي ودموعي تجريي وغصه بصدري اشبيه بابا ليش هيج معصب يضرب بضرغام وعيونه صايره دم بابا گافي عوفه حباب بابا كافي حيموت بديك بااابااااا

احمد: عوفيني خل اربي الهلحيوان الي مايعرف يتصرف اني عرفته يجيبلي مكسوره بسس اخخ ماتوقعت هلشيي قتلل ابني يقتل! مجاي استوعب

جمان: هنه اني فصلة عن دنيه العبره خنكتني شون وشلون ضرغام يقتل ومنوو دخيلك ياربي اخوي يقتل منوو الي قتله  وبابا منين يجيب فلوس الفصل وحنه حالتنه ضعيفه ويادوب بابا شايل مصروف البيت

صحيت من تفكيري ع صوت صياح خالتي رهام وهيه دكول البابا ميفيد ضرب احنه دمرنه نهجم بيتنه

اتنوع البابا طاح من طوله بلكاع على وجهه هنه اني نهاريت رحتله اركض والطم على وجهي دخيلك يارب العالمين كلشي اله بابا ماعدنه غيره بدنيه

جمان: بابا عليك الله كوم بابا فدوه ولك

ضرغااااااامممممم الله لاينطيك ولايوفقك شوف شصار بابا لكك تعال خناخذه للمستشفى

نهاريت من البجي والطم ماعرف احير بابا لو بسالفة اخوي وشلون بينه وشراح يطلعنه من هلسالفه

ضرغاام: الوو اسعاف اي بمكان ـــــــــــ شارع ــــــــ تمام استعجلوا فدوه حاله طارئه

جمان: لك بابا كوم فدوه لاتعوفني وحدي بهلدنياا مالي غيرك لاتروح وتعوفني منوو عندي غيرك يابه كوم لاتعوفني مثل ماعافتني امي وراحتت باااباااااا نهاريت الدرجه متنوصف تعلقي بابا كلشش قوي ويومي ميكمل اذا ماشوفف وجهه واسمع كلامه الحلوو اذا راح بابا كلشي ينطفي بحياتي...

دقايق واجت الاسعاف اخذوا بابا طبعاً كلنه رحنه وراه للمستشفى حته اختي ملاك

رهام: اخخ يمه حبيبه شلون بيه اذا رحت يااحمد

جمان: اسم الله على كلبه يمه نشالله مابيه شي لاتحجين هيج اكيد ابويه قوي هسه يكوم وميعوفنه

رهام: انتي انجبي وسكتي انتي واخوج كلساع سالفه ولاعبالكم ابوكم مريض وتنتبهون صحته

ضرغام: ست رهام وقته هلحجي بس ولوو انتي من يوم يومج كارهتينه

رهام: يي احجي هسه براحتك كم يوم واتعفن بلحبس شكد قابل راح تبقه شارد

ضرغام: لججح انتيي.......

هنه اني قاطعتهم

جمان: كافيي بسسس ماريد اسمععع اصواتكم هسه احنه بيه حال وانتم جايين تتناقشون على هلموضوع

لحظات وصلنهه للمستشفى دخلوا بابا لالنعاش

بالي كله يمه وكل جسمي يرجف مابيدي شي غير بس دعاء اكوو دعاء يدل على عجز الانسان وتضرعه لله سبحانه وتعالى دعاء هوو(بسم الله الرحمن الرحيم اللهي انا عاجز في كل شي وانته القادر ع كل شيء ارحم عني واقضي حاجتي برحمتك ياارحم الراحمين)

رددته الحد 72 مره.. كملتت الدعاء لحظات واجه دكتور وجهه ابد مايفسر بخير

ضرغام: دكتور بشرنه شلونه الوالد

رهام: وفف وفف هسه صار الوالد وكل الصارله من جوه راسك اربعه وعشرين ساعه دايح لاشغله ولاعمله الحد ماسويتلنه هلمكسوره وشوف وين وصلنه

ضرغام: رهام بسج تره وصلت حدهاا خنرجع للبيت ويصير خير على هذا كلامج

رهام: هههههه والله ياالله وعلى اساس انته راح تبقه لاتتأمل كم يوم وصير بسجن

ضؤغام: انتي شنوو...

قاطعهم دكتور

دكتور: عفواً نقاشكم خلوا البعدين المريض جاوز مرحلة الخطرر بسس لوتكررت هلحاله راح صير عنده ذبحه قلبيه وبعد منكدر نسيطر عالوضع

جمان: اسمع الكلام دكتور وابجي حاشاك ربي ترد عبدك خائب الحمدلله اهم شي عندي بابا حته نقاش خالتي رهام واخوي ضرغام مهتميتله تفكيري كله يم بابا

زين دكتور يمته نطلعه

الدكتور: بس يستقر وضعه تكدرون طلعوا علماا يصحه المريض

ضرعام: شكراً دكتور

دكتور: من رخصتكم

مرت ساعات وبابا مصاحي هنه اني كلشش خفتت صار وقت اذان المغرب رحت توضيت وصليت بغرفة الممرضات.. ادعيي ربي ودموعي تتسابق ع وجناتي يارب بابا يكوم بصحه وعافيه ومابيه شي ماعدنه غيره بهلدنيه يارب

دقايق وسمعت الدكتور يحجي وياه اخوي يكله والدكم صحهه

دموعي نزلن وشكرت رب العالمين ولميت سجاده وطلعت

جمان:بابا صحه يعني راح يرجع ويانه للبيت الف الحمدلله وشكر يارب

دقايق وطلعوا بابا ع العربانه مكعديي ركضتله ابجي وابوس بدي بابا حبيبي طمني عنك شلونك احجي وياه وابجي الحمدلله وشكر طلعتنه بخير وعافيه الحمدلله على سلامتك

احجي وياه واحس بابا باله موو يمي يخزر بضرغام

احمد: ربي يعافيج بنيتي لاتخافين مبيه شي

حجاهاا والعبره خانكته ادري شي صعب اخوي قاتل ومنوو الانسان البريء القتله وبيه ذنب وشلون حال اهله هسه واني كلش زين ادري فقد العزيز مو شي سهل.. زين بابا منين راح يجيب فلوس الفصل تفكير اكل راسي طلعنه من المستشفى ونطلقنه للبيت نزلنه بابا ودخلنه للغرفه مديناله فراش ونومنه

رهام: اوف يمه اوف شيطلعنه من هلسالفه الكشره الجاباهاا النه هذا المايخاف ربه

ضرغام:وعساس هسه انتي تخافين الله لو تخافينه جان ماعاملتينه معاملة الحيوانات طول هلسنين وبعدين عبالج اني نسيت كلامج اليم دكتور انتي هلفتره طولان لسانج

رهام: والك عين تحجي بعد كل الي سويته ادبسسزز

ضرغام: اياججج تغلطين انتبهي للسانج ماعندي مانع ارتكب بيج جريمه هسه

رهام: عزااا بعينك صايره عندك جرائم شغله كلش عاديه يمته متريد تقتل بس هوو العار يبقه دوم عار ماعليه عتب

ضرغام: يي اني عار وماعندي مانع ارتكب بيج جريمه

جمان: ولكم بس شلون بله ابقه اتفرج الحجيكم بابا طلع من الموت ونتم تتناكرون باثناء هلحجي ضرغام خله وطلع

راحت خالتي رهام يم بابا واني رحت اسويله شوربه ياكلها خطيه بلااكل وعنده علاج قوي اسوي بشوربه ودموعي تنزل تفكيري يم بابا منين يجيب فلوس لو احير بتفكيري بااخوي الي ماعرف حينعدم على هاي عملته لوينسجن مؤبد صحيت من تفكيري على صوت خالتي رهام

رهام: وين صارت شوربه يمعوده

جمان: يي يمه كملت بس خل اصبهاا واجيبهاا

اخذت شوربه البابا وحالته تكسر الكلب من اشوفه هيج ضايع ومابيده شي ينمرد كلبي

جاي ياكل بابا بشوربه وجان نسمع صوت شرطه وكومه ناس هنه اني نقبض كلبي

يتبع....

#فصليه لأجل والدي

بقلم/الگاتبه طيبه عباس

جميلاتي اتمنى عجبجن البارت ونتضروا البارتات القادمه مليانه حماس كلعاده الاتمنى منجن تنشرنهاا بكل مكان خل نوصلهاا هوايي مشاهدات جميلاتي احبجن نتضرن البارت القادم بيه احداث كلش حلوه🙈😍♥+لاتنسن تعليق حلوو مثلجن وتصويت ومتابعه للحساب احبجن😻💕

جبت شوربه البابا وحالته تكسر الكلب من اشوفه هيج ضايع ومابيده شي ينمرد كلبي

جاي ياكل بابا بشوربه وجان نسمع صوت شرطه وكومه ناس هنه اني نقبض كلبي

طلع بابا يشوف شكوو وجان نشوف شرطه وناس كبار مبينين من شكلهم شيوخ ياربي دخيلك معقوله البالي راح يصير معقوله راح يسجنون اخوي

احمد: تفضلوا سيدي تفضلوا ادخلوا جوه

الضابط: انته ابو المتهم ضرغام احمد علي

احمد: يي نعم سيدي اني

الضابط: عدنه مذكرة اعتقال بحق ابنك المتهم بقتل حسين فيصل

احمد:ابني موو هنه سيدي

فيصل: شنوو ابنك موو هنه هاا شنوو لك ابنك القاتل المايخاف الله گتل ابني تعرف شنو يعني گتل ابني راح واحد من ضناي ماراح اخلي هلشي يعدي سلامات لو على جثتي.. سيدي ضابط فتشوا البيت اكيد ضام ابنه شوو وين وهسه جاي يكلك والله ابني ماهوو بلبيت

الضابط: ادخلوا فتشوا البيت

احمد: شلون تفتشون البيت وعدنه نسوان جوه نتضروا عالاقل خل اكلهن يلبسن عبي

الضابط: الك دقيقه وحده لااكثر

احمد: تمام حضرة الضابط

جمان: كاعده وايدي ترجف ياترى شديصير بره وابويه وحده ديواجه كل هلناس اوف يمه محتاجتج تعاي احجي ودموعي تجري اكيد بعد هلشي حياتنه راح تخرب وكلشي مراح يرجع المكانه بين تفكير والبواجي دخلنه بابا رحتله اركض

ها بابا شصاير شكوو بره

احمد: اجت شرطه يردون ياخذون اخوج البسن عبيجن راح يدخلون يفتشون البيت

حجاهاا والخنكه تارسه صوته اوف شبيدي عليك يابه بسس لوو احس عمري يضيع هم راح اساعدك

لحضات ودخلت شرطه تفتش بلبيت ماخلوا مكان ماافتشوا اخر شي الحد ماتأكدوا وملوا من تفتيش راحوا أوف ياربي شجاي يصير وشراح يصير بالايام الجايه بس لااعتراض على حكمك يارب

الضابط: وين قابل راح يشرد منه اول وتالي راح يرجع وانته اسمع اذا اجانه خبر ابنك جاي للبيت ومامخبرنه عنه كلكم راح تتعاقبون واگيد احنه راح نبقه ندور عليه وين راح يروح قابل

احمد:حاضر سيدي اذا اجه للبيت اتواصل وياكم

فيصل: اواعدكم راح اخذ ثار ابني منكم اضعاف

دقايق واجه بابا للبيت وجهه تعبان ومبين عليه مكسور مجرد ماشوفه هوو بهلحاله احس سجينه وتنغرس بكلبي

رهام: شدعي عليك ضرغام شدعي جبتلنه هلمكسوره يالماتخاف الله منين نجيب فلوس الفصل الهل ناس العشاير

احمد: كافييييي بسسسس سديي حلكج ونلصمي ماريد اسمعع صوت بيه حال اني وانتي جاي زوديها عليه بكلامج وهامج بس فلوس الفصل ابني راح يروح لسجن وماعرف شيصير بحاله ونتي تفكريليي بلفوس بسسس ماريد اسمع صوتج لا والخلقج ادفنج هنه

جمان: بابا اهدأ فدوه العينك لاتعصب مو زين عليك

احمد: شلون اهدإ بنتي شلون وطركاعه وطاحت على راسي ونتي ماسمعتي كلام ابو الولد شيكول لج يكول اخد اضعاف ثار ابني منكم بس حقه يي حقه قطعه من كلبه نكتل

ليشش ضرغام هيج سودت وجهي لك كل عمري ماقصرت وياك بشي ماعندي واروح اداينلكم علمود البسكم واوكلكم واصير بنضركم الاب المثالي وتالي متالي تجي هيج تكسرني لك يي معصب منك اني بس مجرد مافكر انته تنسجن لوتموت تطلع روحي ليش هيج بويه ليش

بابا يحجي واني ابجي بحركه كل كلامه صح ولامره خلانه محتاجين وهوو ماعنده شنريد يوفرلنه علمود مانزعل لونضوج لونحس احنه فقره وماعدنه صح الفقر موعيب بس من جنه اطفال شغله نشوفهاا نبقه مصرين اله نشتريهاا عود بعد ماكبرنه عرفنه احنه شنو حالنه بس ابد بابا محسسانه بهلشي يشتريلنه ويطلعنه صح الام متتعوض بس بابا عوضنه صارلنه اب ام سند حياة كلشي بس لالسف اخوي ضرغام محه كلشي وجاب النه مصيبه ماعرف شلون نطلع منهاا خاصتاً هوو متورط وياه ناس شيوخ

بقينه على كعدتنه الحد لـ1بليل طبعاً الحد هلوقت ضرغام ماجه للبيت ولاتصل ومنعرف عنه اي شي وبابا خطيه طول ماهوو كاعد كلساع يرتفع ضغطه وعيونه صارن دم من العصبيه ياربي سترك الله يعلم بالي جاي كل ماتنوع المنظر الي هوو بيه شلون هوو كاعد ومابيده شي الغصه تترس صدري منه اخوي الي ماعرف شراح يصير بحاله معقوله راح يعدموا لو سجن مؤبد اوف ماريد اخلي هالافكار سوده بالي اخلي كلشي وراه رب العالمين وحاشاه يرد عبده خائب

بقينه على كعدتنه الحد 5صبح ولاواحد نام بينه حته اختي ملاك اذن الاذان رحنه صلينه رحت توضيت وجبت سجاده وكعدت ادعي وابجي كملت صلاة لفيت سجاده ورجعتهاا المكانهاا نوب ملاك خطيه بقت تبجي الليل كله منايمته باقيه كاعده ويانه

جمان: ليش حبيبتي ليش تبجين

ملاك: اريد انام تعبت كلش

تحجي وتبجي وذوله شرطه يردون ياخذون ضرغام ليش اخويه شمسويي

جمان: تعالي يروحي لاتبجين تعالي انومج من يمته احرمصلج اكلج نامي تعاندين وبعدين ضرغام يرجع للبيت لاتخافين

ملاك متعلقه باخوي ضرغام كلش وتحبه لان يطلعهاا وياه مرات ويشتريلهاا ولان سوالفه ضحك هم تحبه

ملاك: غير انتوا كلكم كاعدين لعد بس اني انام وخايفه ع ضرغام اني

جمان: ديله تعالي انومج وعوفي الخوف على صفحه

وديتهاا للغرفه كوه تمشي خطيه ميته نعاس مديتلهاا فراش وغطيتهاا لان جوو كلش بارد

بعد مانومت ملاك رحت يم بابا

شويه وتلفونه رن

بابا صافن ماسمعه وحقه لو صفن تفكير اكل راسه خطيه ماغمض عينه ولالحظه

جمان: بابا تلفونك يرن

احمد: هاا يي ماسمعته روحي جيبي

جمان: هاك بابا هذا رقم ماعليه اسم

احمد:  هلا بيك ابو محمد تمام تمام شويه واجي ماشي اوك لانشالله خير خل اجي ونشوف شصاير هلا بيك الله يستر عليك ثيمالا

رهام: هاا بشر مالكواا

احمد: رهام رجاء ممكن تسكتين روحي طالعه معايز اسمع هيج حجي

رهام: على كيفك ابو ضرغام شحجينه

جمان:(بكلبهاا)  شنوو لزومت هلحجي بس ولوو هيه اكثر بشر تكرهاا ضرغام طبعاً من بعدي

رحت وراه بابا علمود اسأله منوو خابره

جمان: بابا شصاير منوو خابرك

احمد: صديقي عنده محل يم المركز شاف اخوج جايبي للمركز

جمان: يمهههه عزززااا يعني لكوا وهسه اخويه بلمركز نزلن دموعي واني احجي بس ماريد اضعف كدام بابا هو البي مكفي

احمد: نشالله خير يله بويه اني طالع

جمان: الله وياك بابا

اول مطلع بابا من البيت كعدت ابجي بهستريه اوف ياربي شراح يصير باخويه معقوله راح ينعدم على عملته لو ينسجن مؤبد صح اخويه السوه مايستوعبه العقل ليشش كتل ومنو كتل وشحال اهل الولد المكتول هسه بس هوو يبقه اخويه كعدت ابجي والطم حته للدوام مارحت واني سادس يعني لازم ادرس ومااكدر اغيب ولايوم بس شسويي بكل هلضروف ماكدر اروح وحتلوو اروح بالي مايبقه يم درس

رهام: جمان تعالي سويي جاي راسي كلش ديأذيني من وراه عملت اخوج صاقط

جمان: يمه مو وقته هلحجي فدوه

رهام: اويي عيني ماقبلت على اخوهاا تره هاي حقيقه ولازم تستوعبيها اخوج فد واحد قاتل قتل شخص بدم بارد بدون مايدير بال النه وهوو كلش زين يدري بحالتنه ابوج يادوب مطلع مسواك البيت منين يجيب فلوس الفصل

جمان: كل الي حجته خالتي رهام صحيح وماكدر انكر هلشي بابا منين يجيب فلوس الفصل اوف ياربي راح اترك كلشي وراه رب العالمين لان كلشي يصير بحياتنه من صالحنه رب العالمين مستحيل يضر عبده بشي وكل ابتلاء من عنده يختبر مدى صبرنه وتحملنه

رحت اسويي جاي وبالي كله يم اهلي

خدر جاي ورحت صبيت  وعدنه اجبان بثلاجه طلعته كعدت ملاك علمود تتريك اني بس شربت جاي ابد مالي واهس اكل لان ادري بنفسي اذا ماشرب جاي يبقه راسي يوجعني كملت جاي ورحت انضف بلبيت ودموعي تنزل كملت تنضيف وخالتي رهام مدري شعجب هيه طبخت للغده بس منو اله نفس ياكل بعد كل الي صار اذن الاذان رحت توضيت وفرشت سجاده علمود اصلي كملت فرض صلاة الضهر وكعدت ادعي وابجي واردد بدعاء

(دعاء قضاء الحاجة.. ... لا إله إلا الله، الحليم الكريم، سبحان الله رب العرش العظيم، الحمد لله رب العالمين، أسألك موجبات رحمتك، وعزائم مغفرتك والغنيمة من كل بر والسلامة من كل اثم، اللهم لا تدع لي ذنبا إلا غفرته، ولا هما إلا فرجته ولا حاجة هي لك رضا إلا قضيتها يا أرحم الراحمين")

كملت صلاة رحت اكلت شويه لان كمت ارجف اكلت على كد جوعتي مالي نفس بس كمت ارجف لان صارلي يومين مماكله

شويه وسمعت الباب ندك طلعت اركض وجان اشوف...

يتبع..

#فصليه لاجل والدي

بقلم الگاتبه/طيبه عباس

جميلاتي اتمنى عجبجن البارت لاتنسن متابعه للحساب وتصويت+ شكراً التعليقاتجن الحلوه احبجن😍❤

مشآعرَ حزٍيَنٌِه تملأ قلَبيَٖ تٌشعرنِي بآَلضعفُٓ والآلَم فـلَاآحدٍْ يَعٌَلم بمًقدآر‌‌ٌ هذِا الحزنُِ آلـَه الَشُخِصّ نِفُسهّ

يَتٌألَم قُلَبًيَ بشدهّ وٌآجّفانِيَ لَمً تغمض لَحًظُهّ من آلَخِوٌفُ وٌآلَبًکْاء هّآقُد طِرقُ آلحزن بآبنِهّ هاقُد عم الَخِوف فيَ قُلَوٌبنهّ

نِعٌمً هّذِهّ آلحيَآة لَاشيَء يَبقه عٌلَى مآهّوو عٌلَيَهّ آلحيَاةّ تٌخِدٍعٌکْ دآئماً بًعٌض آلَاحيَآنِ ترهّ آنِهآ جّميَلَهّ

وٌبًعٌض آلَآحيآنِ تسِلَب منِکْ کْلَ شُيَء جّميلَ

کْنِ مًسِتٌعدٍ لَهّا لَآتعٌرف متىٰ تگون معكَ ومتىٰ تکوٌن ضدك واجهّ آلَحيَاة بآبتسِامتٌك مهماا غُلَب آلحزن عٌليَك.. 💔

كملت صلاة رحت اكلت شويه لان كمت ارجف اكلت على كد جوعتي مالي نفس بس كمت ارجف لان صارلي يومين مماكله

شويه وسمعت الباب ندك طلعت اركض وجان اشوف

بابا وياه هوايي ناس ياربي دخيلك خير شصاير

احمد: جمان خدري جاي بساع

جمان: بابا خير شصايررر شنوو هاي الهوسه وناس وعمامي من شوكت يحبونه واجووو

طبعاً عنديي 3 اعمام علاقتنه بيهم ابد موقويه وهمه حالتهم زينه مافد يوم ساعدوا بابا بشي بسيط

احمد: جمان خدريي جاي وسكتي مالي خلكك للحجي

جمان: تمام بابا هسه دقايق

رهام: شحجه وياج ولج ابوج عدهم خبر عن هلدايح اخوج

جمان: يمه ماكدرت اسئله معصب

رهام: يي لهسبب اجيتج سئلتج شفته معصب مالي خلكه يبقه يصيح

جمان: استغفر الله ربيي

رهام: شبيج ولجج طولان لسانجج

جمان: يمه شحجيت..!

اشويه واجه بابا خذه جاي ماسمع غير بس اصوات عاليه بره هففف ياربي شديصير

شويه وتصلت عليه صديقتي

ليليان: هلاوو جمونه شلونج شخبارج

جمان: هلا يعمريي هففف شحجيلج لحته احجيلج يختي المهم الحمدلله على كل حال

ليليان: يمه اسم الله خوفتيني ولج شصاير وليشش مداداومين تدرين دينطونه تحاضير كومه كلت خل اسئل اطمئن عليهاا ليش مداداوم حته المدرسات سئلن عليج وسجلوج غياب

جمان: لجج صارت سالفه ماعرف شلون نطلع منهاا

ليليان: احجي ولج خوفتيني شصاير

جمان:حجيت كلشي ليليان لان هيه صديقتي واكثر من اخت الي الهلسبب حجيتلهاا كلشي

ليليان: يمه صخام صخمني شلون هيج وليش اخوج كتل الولد

جمان: لج مادريي والله عقلي حيطك بس من تفكير ولاشوفين حالتي شلونهاا

ليليان: اسم الله عليج بعد كلبي اليوم اجيج ونحجي لاتخافين يروحي الله كريم خليها وراه رب العالمين وهوو يحلهاا لااعتراض على حكم الله

جمان: حبيبتي ليونه ونعم بالله

ليليان: يله يروحي اني رايحه نشالله بليل اني يمج تمام

جمان: يعمري ليونه ماتقصرين

ليليان: شعندي غيرج يله بيباي

جمان: بايي

سديت الاتصال من ليليان وكعدت افكرر ياتره شراح يصير باخوي الوحيد شراح يصير البابا الي يادوب يطلعنه لكمة اكل ناكلهاا ياربي دخيلك ماعندي غيرك اشكيله قلة حيلتي رحت بقيت انضف بلبيت شعور الي دامرر بي كلش صعب من شخص عزيز على كلبك تفقده ومتدري شنوو مصيره رحت اباع البابا كاعد وبيده جكاره ويدخن طبعاً ابويه تارك التدخين من زمان بس هسه رجعله وف ياربي شراح يصير بينه بعد كملت تنضيف وكلت خل اروح اقراا قرأن علمود شويه يرتاح گلبي وكلام رب العالمين راحه نفسيه

رحت توضيت وطلعت القرأن وكعدت اقراا

اثناء قرأتي طلعت ايه كلش ريحت گلبي

قال الله تعالى: {وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155 - 157].

قريت الايه ونزلت دموعي وحمدت رب العالمين على كلشي حسيت براحه من قريت القران بسته ورجعته المكانه

نوب سمعت خالتي رهام صيحلي

جمان: هاا يمه شكوو سمعتج صيحين جنت اقراا قرأن

رهام: ههههه دتقرين قرأن حته يطلع اخوج ميطلع ترى بعد روحي تره هوو متورط بكتل زلمه شكده موو كاتل طيرة دجاج

حسيت كلامهاا مثل سجينه ونغرست بنص گلبي

جمان: كااافييييييي فدوهههه كافيي ليششش هيج دتحجين لييشششششش شمسويلج احنه وهيج دتعاملينه قريت قرأن حته ارتاح اجيتي انتي وزودتيهاا عليههه كافييي تعبت بقيت اصيح وابجي

أحمد: اشبيج جمان ليش صيحين وتبجين

رهام: شنوو هاي يمهه عزاا بعينج شحجينه وهيج صيحين كبر الهلوجه

أحمد: رهام انتيييي متوبين من سوالفج لججج كافي الله ياخذني ويخلصني من هلعيشههه كااافيييي تعبت منكم

جمان: مخليه ايديي على حلكيي وابجي وبابا خله وطلع ودموعه تجريي ليش هيج ياربي اذا جان هذا ختبار ياللهي بشرني بشي يفرح كلبي مجاي اتحمل اشوف عائلتي بهلوضع ياللهيييي تعبت

رهام: ادبسسززز حقيره نفتك حلكج بصياح الله يطيح حظج امشي وليي قريي اختج باجرر عدهاا متحان حسابج بعدين

جمان: رحت الملاك الي شفتهاا خاتله بلزاويه وحاضنه نفسهاا وتبجيي

لايروحي ملوكه لاتبجين ماكوو شيي كافي اششش

ملاك: ليشش هيج صيحتي وبابا هم صيح وطلع شجاي يصير واخوي ضرغام وينه

تحجي وتبجي

جمان: تعالي يروحي اقريج هاي بطني بقت توجعني وبقيت ابجي وبابا طلع يجببلي علاج

ملاك: انتي جذبين عليه موو حته تسكتيني

جمان: انجبي ولج اني من يمته اجذب عليج دتعاي اقريج نوب احجيلج قصه حلوه

ملاك: هاا صدك

جمان: يي صدك مشينه يله

جمان: يله حبيبتي طلعي كتبج

ملاك: اكلج اشوو ضرغام مااجه للبيت تدرين جمونه اشتاقيتله هوايه.. وجهه هيج صار(🥺)

جمان: يروحي لاتخافين كم يوم ويجي

ملاك: لج جمان اني موصغيره وجذبين عليه ضرغام مدري شمسوي وبابا هوايه معصب منه

جمان: وتالي اني وياه تفكير ملوكه سلبي

طبعاً جهال مرات تحس عقليتهم كلش جبيره بس مع هذا ملازم نكللهم بكلشي يصير لان بعدهم صغار لان شغلات سلبيه تأثر على عقلهم الباطن وراح يبقون يطبعون بلاطباع سلبيه فااحنه شمهما يصير ملازم نخليهم يعرفون

گعدت اقري بملاك وهلمره ابد مستوعبت من عندي ادري بيهاا متأثره بغياب ضرغام  وصراحه مو بس هيه حتى اني گلش داشتاقله واحس البيت ماله طعم بدونه وبدون سوالفه التضحك

عوده للماضي

مره كاعده وكلش ضايجه..

ضرغام: اشبيه القرد صافن

جمان: خاب ولي عني ضيجانه كلشش ونته جاي صنف عليه اذا اني قرد انته شمبانزي

ضرغام: هههههههههه همزين عترفتي انتي قرد

جمان: ضرغامممممم ولي منه لان صدك ضايجه

ضرام: لايله خل نحجي جديات عليمن ضايجه

جمان: ضايجه من البيت

ضرغام: لادكي وركصي بعد كلبي وصيري فيفي عبدوو

جمان: اكلك ماتخلينه نسويهاا ونركص

ضرغام: افاا عليج والله لج اني رجال بكد المطي ترديني اركص وياج

جمان: لعد شنوو عيني رجال ميركص بله انتم رياجيل مسوين رواحكم كلش انتم ولاعنكم

ضرغام:امشي شغلي ديجي اليوم اخلي البجامه تخرط من رگص

جمان: هههههههههه يي كفوو والله

ضرغام: عليمن كفوو ماخذ جائزة اوسكار وجه سطل

جمان: خل اشغل ديجي واجي

شغلت ديجي وبابا ماهوو وعلكناهاا اني وضرغام

ضرغام: هزز يلقرد شعرر شعرر

جمان: اليوم عرس ضرغام العب جوله

ضرغام: شبيج خويه بقيتي تمضرطين ياعرس هذا وينهاا هيه المره يعمي لو يجيبولياهاا عوره هم اعرس طكت روحي يمههه اريد مره

جمان: لعد ماتزوج شكبرك صير بعد

ضرغام: الحد ماصير اكبر من المطي بسنه

جمان: هههههههههه متت الله يطيح حظك

ضرغام: وحظج على الواهس

ركصت ركص الحد ماهلكت وهوو هم ابد ماقصر بحيث نزع الفانيله وكام يركص مصلخ

رهام: منوو عرس ابوكم شدكول علينه جيران

ضرغام: هيج الله وصدك يزوج عليج الله اذبح صخله مريضه

جمان: هههههههههه شمعنه صخله مريضه

ضرغام: لان رخيصه  اذا صاحيه غاليه

جمان: هههههههههه عابت

رهام: الگبر الهشكولات خل يجي ابوكم اطلع معتبه اذا ماكله

ضرغام: خوش خل احضر روحي للخيزرانه ست رهومه راح دكول لابويه ويضربنيي اويي

جمان: نشكت بطني من ضحك ع سوالف ضرغام

اذكر بهلموقف وابجي واضحك جني مخبله

نوب شويه وندك الباب رحت فتحته طلع بابا حضنته وشبعت بجي بابا وين رحت مالي غيرك بقيت فتره بحضنه حاضنته وابجي نوب تنوعت لعيونه صايرات دم باس راسي ودخل جوه

رحت الخالتي رهام وكتلهاا

اكول خلنسوي عشه خطيه بابا مماكل ولاملوكه ماكله

رهام: ابوج كتله ميريد سويي عود بس النه

جمان: يمه سوي عشه اني راح اسبح صارلي يومين مسابحه

رهام: دنجبي سويي عشه وعود لاحكه على السبح

جمان: استغفرالله ربي تمام حسوي عشه واسبح بعدين وهم شويه  وراح تجي ليليان لهنه

رهام: خير نشالله شعدهاا جايه

جمان: هيج تريد تطمأن عليه

رهام: يي هلابيهاا

حجتهاا وعوجت حلكهاا وراحت

رحت اسوي عشه طلعت بتيته وبيذنجان كشرتهم وكليتهم بقيت اكليي وافكرر باهلي شراح يصيرلهم وشيطلعنه من هلورطه وباجر محاكمة اخوي يارب دخيلك انته عالم بكل شيي دخيلك ياالهيي ساعدنه ماعدنه غيرك

كملت عشه ورحت البابا حته اقنعه ياكل ادري بيه خطيه مماكل

جمان:  بابا كوم اكل ادري بيك مماكل الحد الان

أحمد: ماشتهي جمان مالي خلك اريد انام

جمان: باعيت البابا شكله يهد الحيل ومبين باجي الرجال ميبجي اله اذا مرر بانواع العذاب وفقد شخص عزيز وبابا ذني كلهن ديمر بيهن

رحت من يمه ادري اذا بقيت الح حيعصب ويبقه يصيح وماريد هلشي يصير

جمان: رحت اصب العشه ومن شفت بابا بهلحاله نسدت نفسي من الاكل اجت خالتي رهام وملاك اكلن وكملن ومدري شعجب خالتي كالت اني الم السفره لمت السفره ورحت اسبح

طلعت من الحمام على صوت خالتي رهام وهيه صيح ولكك احمددددد اكعدددد

يتبع.....

#فصليه لأجل والدي

بقلم الكاتبه/طيبه عباس

وهذا بارت مطول لعيونجن وبيه احداث قويه نتضروا الباتات القادمه مليانه حماس لاتنسن تصويت ومتابعه للحساب لافيوو🥺♥♥

تصويت+متابعه❤

ابـويَ المامخلينيِ بوجهْ زعلانْ

فدوهَ اندارلهٓ شڪد عندهٌ حنيهِ

ابوويهَ النفسَ هذاّ البيهٓ

رايحْ رادَ اذا ينگطعَ لحظه توُكف الريهِ

ابويهَ ؏ـگال خيرّ لسِتر منگول

ابويهَ بجتفهّ تكشخُ شگوٌ خاجيهَ

يتغيرَ لونٰ وجههّ وخلكه

حيلْ يضيكَ اذإ حَس العَسرّ

فديومُ مرَ بيهٌ يبووِ نية البيضهِ

الكطنُ دايخّ بيكِ ابويهّ وياهٓ

الگطنَ صارواّ فردَ نيهِ

عميِ البيـتَ خلافَ الوالدٓ

ديرهٰ ومهجورهَ

الشاعر: رائد ابو فتيان

طلعت من الحمام على صوت خالتي رهام وهيه صيح ولكك احمددددد اكعدددد

هنه اني اغمه عليه وماحسيت غير اني بلمستشفى وصديقتي ليليان فوك راسي

جمان: ولج ليليان ابويه وينننننن(بصياح)

ليليان: اهدي حبيبتي ابوج بخير لاتخافين

جمان: وينه اريد اروحله وخرررييييي عنييي اريد اروح الباباااا

ليليان: ولج جمان كافي فدوه ملختي روحج والله ابوج بخير لاتخافين

ام ليليان: سوده عليه بعدهاا طفله الي دتمر بيه اكبرر من عدهاا

ليليان: يمه صيحي الممرضه خل تجي تضربهاا ابرة مهدأ راح تموت البت (بجي)

ام ليليان: اي يمه هسه رايحه اصيحهاا

جان: اريد ابويه وينهه ارريييدددههه خل يجيييي ماعندي غيره بدنيه اذا راح اني اموت ليليان والله اموت فدوه خل يجي هوو موو يحبني ويخاف عليه كوليله خل يجيي بس اطمئن عليه والله مازعجه كوليلي وين هوو فدوهههه ليليااانننن

ليليان:(بدموع) لج والله مابيه شي اهدي يروحي

الممرضه: شوو عيني انطينه مجال خل نضربهاا ابرة مهدأ

جمان: وخرررييي عني اريد بابا اريد اشوفه ويننن هوووو صيحييي

الممرضه: اهدي كلبي بس خل نضربج هل ابره والدج بخير وصحه لاتخافين

جمان: زين صيحي الي خل يجيي حبابهه فدوه بس اطمئن عليه والله ماعندي غيره

ام ليليان: اوف يمه اهدي بعد كلبي سوده عليه

الممرضه: نطيناهاا هاي الابره هسه تهدإ عليها ابقوا يمهاا واحنه هم كلساع نجي نطمأن على وضعهاا

ليليان: زين فدوه وضعهاا شلونهه اول مره اشوفهاا هيج تبجي وتملخ بنفسهاا

الممرضه: صايره ضغوطات عليهاا وقلق وتوتر وحالياً هيه مرحلة صدمه بس لاتخافين نشالله صير احسن

ليليان: سوده بوجهي شدعيي عليك ضرغام سويت هيج باهلك

ام ليليان: اكلج يمه شمسوي اخوهاا

ليليان: يمه اخوهاا كتل ولد وهذا الولد ابن عشاير الله اليستر من جاي

ام ليليان: عزاا بعينه دخيلك ياعلي صاير الكتل هلفتره شي عاديي الله اليستتر من هل عالم

زين يمه همه مو فقره وحالتهم ماساعد منين يجيبون فلوس الفصل

ليليان: والله يمه مادري الله كريم

ام ليليان: ونعم بالله يمه

ليليان: صار صبح واحنه يمهاا باقين طبعاً حته بابا موجود يم ابوهاا خطيه لان همه اصدقاء من زمان وجمان نامت ساعه ب3 الفجر وهسه ساعه 6 صبح

الحد هلحظه ماغمضت عيوني وامي خطيه صلت ونامت

جمان: كعدت ومثل الغواش على عيوني ومسطوره سطر من الالم الي براسي

ليليان: اباع الجمان فزت مرعوبه وخايفه

هاا حبيبتي شلونج نشالله احسن

جمان: فدوه ليليان عليج الله بابا شلون وضعه

ليليان: والله الحمدلله وضعه استقرر سووله عمليه وهسه هوو بخير

جمان: شنووووووووووو!

ليليان: لاتخافين والله صار احسن

جمان: ولجججج ليليان ولج ابويه هذا لج عوضني عن الدنيا كلهاا ولج شلون بيه شلووننن وف يمهههه

تحجي وتبجي

ليليان:(بدموع) والله زين لج والله

جمان: فدوه خذيني اله اريد اشوفه بعد ماتحمل كلبي حيطك عليه فدوه ليليان فدوه

ليليان: يي والله هسه خل اصيح الممرضه علمود تاخذين علاجج ونروح سوه

جمان: فدوه لاتتأخرين

راحت ليليان صيح الممرضه واني بالي يم ابويه شنوو عمليه وشلون وضعه هسه

دخيلك ياالهي الطف بحالنه يالطيف دخيلك

الممرضه: كعدت الحلوه هاج ذول الحبايتين خذيهم وهاج هذا مي شربي علمود ترحين شوفين ابوج

جمان: خذت العلاج منهاا وشربت ميي ممصدكه حته اروح اشوف بابا كلبي طاك عليه احس صارلي سنه مشايفته معبالك يوم

ليليان: يله يروحي نزلي على كيفج

جمان: وف يايمه ولج ليليان حموت شلون بيه تعبت والله بس مدام هذا ختبار رب العالمين فااني صابره والحمدلله على كل حال

ليليان: فطرتي كلبي ولج نشالله خير يكلبي كل جاي من الله هلا بيه

جمان: ونعم بالله ليونه

وصلت للغرفه الي مخلين بيهاا بابا دخلت جوه وشفت بابا بحاله تكسرر الكلب رحتله وهوو نايم نمت على صدره وبوست اديي وابجي ميته قهرر

رهام: وخرري عنه خلي نايم كله بسببكم راح يموت الله لاينطيكم

جمان: يمه فدوه اروحلج اسكتي تعبت وآلله ماتحمل بعد اي شي يصير شنوو ذنبي اني بلي ديصير

رهام: انجبي ولاتعلين صوتج خووش

ليليان: خاله فدوه جمان توهاا طالعه من صدمتهاا فدوه لازوديهاا عليهاا

رهام: ونتي منوو حتى تدخلين

جمان: يمه بسسسس كافي نوب حته وياه صديقتي كافي والله تعبتتتت متحمله كل هلسنين اذا انتي عود ربينه وياج ودسوين بينه هيج شخليتي للغريب بعد

رهام: انجبي ولج طولان لسانج ادببسسزززز

الدكتور: عفواً شديصير هنه مجاي تشوفون حالت المريض ومصارله يوم من طالع من حالته الخطره ونتم ديصيحون فوك راسه رجاءً الكل يطلع بره

جمان: ماعوف بابا اريد يمه ماشبعت منه

بابا اكعد شوف شديصير بحال بنتك من بعدك تعبت بدونك لاتعوفني وتروح بابا فدوة مالي غيرككك

البنت بدون ابوهاا كلشي متسوه ولوو ملكة دنيا تحس اكوو فراغ بحياتهاا بدون ابوهاا

"الأب هوو الرجل الوحيد في العالم الذي يأخذ من نفسه ليعطيك قد لا يكون اعطاك كل ماتتمناه لكن تأكد انه اعطاك كل مايملك

طلعت بره بلحديقه مال مستشفى اني وليليان حضنت ليليان وبقبت ابجي الحد مااتعبت من البجيي كلشش وعيوني ورمت

ليليان: هاا يسجاجه هههههه رتاحيتي هسه شوفي وجهج شلون صار من البواجي

جمان: شسوي ليليان والله تعبت كل الي ديصير فوك طاقتي

ليليان خلي كلشي وراه رب العالمين ولاتخافين ربج كلشي يسوي النه بيه صالح

حروح اجيبلج ريوك شوفي صاير بحالج لااكل ولا شرب

جمان: ماريد ليليان ماشتهي

ليليان: انجبي شنوو هيه بكيفج

جمان: شكراً ليونه تعبتج هواي اني واسفه على كلام امي وياج

ليليان: انجبي جمان لاتحجين هذا الحجي احنه اخوات والاخوات مبيناتهم هيج شي خوش

جمان: حبيبتي فدوه الگلبج

ليليان: يله حروح اجيب لفات اني هم ميته من جوع

جمان: ماشي عمري

راحت ليليان جيب لفات بقيت كاعده على المسطبه وحدي وتفكير بوضع اهلي اكل راسي اكل مروا شباب من يمي واحد يتنوع لثاني ويضحكون

جمان:(بكلبها) گبر شبيهم ذول جنهم مشايفين

الشاب: اكول يحلوو شعندك كاعد وحدك هههههههه

الشاب الثاني: هههههههه امشينه نسألهاا

جمان: اشبيكم شهلنذاله وين يوصل تخلف بينه بعد يعني كاعده بامان الله انتوا شكوو لاعبالكم اني ضعيفه وتستغلوني بكلامكم لوو اخاف منكم بنت ابوي اني وفنه اليوصل صوبي

الشاب: اويلي يابه اموت على الوكح اني

جمان: تمشون منه لا الم عليكم العالم وحق نبي وخليكم فرجه لناس جايين ذبون بكلامكم خليكم زلم وحترموا المره موو مثل الكلاب اذا شفتوو بنيه وحدهاا تهجمون عليهاا عبالك هيه فريسه الكم

الشاب: ترى زودتيهاا حقيره شحجينه وياج

جمان: فوك كل هذا تغلط ياكلب

اجه تقرب يمي كلش يريد يضربني

جمان: لك انته شنوو شايف حالك شوف شراح اسوي

كمت على حيلي ورحت اركض اكوو شرطه شفتهم طلعوا من المستشفى ماصدكت رحتلهم اركض

الضابط: خير بنتي اشبيج

جمان: سيدي ذولاك الشباب جنت كاعده عالمسطبه واجوا يتحرشون بيه

نوب همه شافوا الشرطه اجوو وهمه واحد كام يردم ثاني وطلعوا يركضون

الضابط: امشواا جيبوهم الي بساع وذبوهم بلحبس خليهم يتأدبون ويعرفون بنات الناس موو لعبه عدهم ياهو الاجه وشاف بنيه وبقه يتحرش بيهاا يمته نخلص من هلتخلف مادري

جمان: شگرا سيدي ماقصرت

الضابط: واجبنه هذا بنيتي

ردت اروح من يمه وجان اسمع كلام خله دم ينشف بعروگي

يتبع........

فصليه لأجل والدي

بقلم الگاتبه/طيبه عباس

نتضروا البارت القادم دمار🤓😂❤+لاتنسون تنشروهاا بكل مكان وتصويت ومتابعه احبكم😔❤

ردت اروح من يمه وجان اسمع كلام خله دم ينشف بعروگي

الضابط: اليوم محاكمة ضرغام احمد

الشرطي: سيدي اعتقد اعدام لان الناس الي متورط وياهم عشائر وعدهم ضهر قوي بدوله

جمان: دموعي نزلن وگلبي نغزني معقوله اخوي حينعدم ويموت ياربي شراح يصير بينه بعد اكثر من الي ديصير ياالهي اختبارك صعب دخيلك ياالهي كلشي ولا اهلي الطف بحالنه دخيلك يارب

رحت من يمهم وامشي بلاوعي ماعرف شلون رجعت للمكان الي جنه كاعدين بيه اني وليليان

ليليان: شسالفه جمان وين رحتي صارلي ساعه ادور عليج

جمان: ليليان اخوي اليوم محاكمته وحيصدر الحكم عليه

ليليان: شنووووو

جمان: ليليان اخوي حيموت لججججج ليلياننننن اخويي حينعدمم لج اموت وراه والله ماتحمللللل

بجيت بجي الحد ماورمن عيوني وطك كلبي من البجي بحيث ياهو الرايح والراد يتنوع المنضري

ليليان: دخيلك ياللهي شكم صدمه بعد تتحملين اكثر من الي ديصير بيج اهديي يروحي اهدي لاتخافين نشالله خيرررر يجوز مؤبد موو اعدام ميموت اخوج لاتخافين

جمان: لججج ليليان سمعت شرطييي لج شرطي ديكول ضرغام احمد حتمال عدام لج ذول الي كاتل ابنهم عشايرررر ليليان عشاير أكيد يدفعون فلوس وكلشي يسوون في سبيل اخوي ينعدم والله يسترر بعد من جاي

ليليان تعبت حيلل خل ندخل جوه فدوه احس دخت

ليليان: تعالي يروحي وف شصاير بيج بس لاتخافين يعمري كلشي يتصلح بمرور الوقت اكيد هذا الوقت راح بمضي ويبقه ذكرى عابره يروحي لاتخافين

جمان: (بدموع) واذا مات اخوي شلون

ليليان: لج جمان انتي ام الايجابيه هيج تفكرين صدك جذب عوفي كلشي وراه رب العالمين وهوو يحلهاا

جمان: ونعم بالله شعدنه غير رب العالمين

دخلنه جوه اني وجمان وبالي وفكري كله يم اهلي بيوم وليله نكلبت حياتنه

ليليان: لج اجه دكتور تعالي خل نسأله على حالة ابوج

جمان: صدكك وينه

ليليان: هذا اجه كومينه

جمان: دگتور فدوه طمنه على وضع ابويه شلونه شلون صار

دگتور: الحمدلله احسن مااعرف شكلك بس ابوج

حجاهاا ودنك

جمان: احجي دكتور فدوه شبيه بابا

دگتور: هوو صح نجه من الجلطه الصابته بس ابوج نشل مع الاسف

جمان:(بدموع) لادگتور لادكولهااا لاااااااااا لييششش ديصيرررر هيججج بينههههه تعبت ياالهييييي تعبت ماكدر اعيش بدونه والله لييششششششش دكتوور سويي كلشي فدوه يعني ميكدر بعد يتحرك زينن شنوو الي نشللللل بيههه

ليليان:( بدموع) اهدي حبيبتي

دكتور: رجاءً بدون عياط مستشفى هذا وبيه هواي مرضى رجاءً تحكمي بعصابجح

جمان: هههه والله يالله يطلبون مني اهدئ لكك احجييي شنووو النشللل بيههه احجيي فهمني

دكتور: صار عنده شلل باديي بسبب الجلطه الي حدثتله ودائماً جلطه تخلف اشياء عند الانسان الي ينصاب بيهاا ولالسف ابوج خلفت عنده شلل بادي ودائماً احنه نكول شلل الادين ولاتعرض الدماغ المؤثرات والحمدلله ابوج مدخل غيبوبه

ومن اعراض شلل اليد

ضعف مفاجئ على جانب واحد من الوجه، مع ضعف في الذراع أو ضعف في الكلام - نوبة قلبية أو سكتة دماغية صغيرة. ضعف مفاجئ على جانب واحد من الوجه ، مع وجع الأذن أو وجع . شلل مؤقت عند الاستيقاظ أو النوم " شلل النوم". الشلل بعد حادث أو إصابة خطيرة في الرأس أو إصابة في الحبل الشوكي

بس لاتخافين اكوو امل كبيرر يرجع مثل قبل لان ابوج شلل نصفي وشلل النصفي بمرور الوقت يرجع

جمان: اسمع كلامه وابجيي ياالهيي تعبتتتت بيه ولابابويه كلشي ولاهووو اموت وراه

ليليان: جمونه حبيبتي تعالي اكلي شوفي شصار بحالج

جمان: ليليان صدكي ماشتهي العسل اكلي انتي الف عافيه تعبتج اني وياي اهلج وين اشوو ماهمه

ليليان: لا جمان عيب هلحجي احنه خوات مبيناتنه هيج اهلي مساع راحوا للبيت يسبحون وياكلون ويجون كالي بابا مانطول فد ساعه واحنه يمكم

جمان: عمري انتم ابد مانسه وكفتكم وياي

ليليان: عوفج من هلحجي وتعالي ناكل الخاطري اكليلج لكمه

جمان: يله تعالي ناكل

كعدنه اني وليليان ناكل كوه اكلت الخاطر ليليان لأن أبد مالي نفس مرت تقريباً ساعه واجوا خطيه اهل ليليان موقفهم كلش اثرر بيه طبعاً خالتي رهام راحت تسبح وتجي

ام ليليان: شلونج يمه بعد كلبي شلون صرتي

جمان: مالي لون خاله بس الحمدلله على كل حال

ام ليليان: بعد كل عسرر يسرر بنيتي جبتلجن اكل وياي احسن من المشتره كومن صلن يله بنياتي وذكرن الله

جمان: ونعم بالله خاله

رحنه اني وليليان نتوضه علمود نصلي كعدت وبجيتت من كل كلبي ياللهي دخيلك فرجهاا علينه واحفظ عائلتي بحفضك يارحمن يارحيم

كملت صلاة وكعدت استغفر وراه شويه اجتني ليليان

ليليان: لج جمان ابوج صحه يريد يشوفج كمي

جمان:(بدموع) عليج الله يمه كلبي ممصدكه يي يله مشينه حمدت رب العالمين ولفيت سجاده ورحنه نركض دخلت للغرفه البيهاا بابا رحتله الحضنه اركض

جمان:(بدموع) بابا حبيبي شلونك يبعد عروك گلبي خوفتني عليك شسويت بحالي يابه

احمد: الحمدلله بنيتي لايضل بالج شصاير بحالج بويه ممتعود اشوفج هيج ذبلانه يروح ابوج

ليليان: گلش تأثرت بهذا الموقف بحيث شبعت بجي

ابوليليان: اشبيج بنيتي كولي يالله عليش هلدموع

ليليان: بابا جمان متستاهل الي ديصير وياهاا

ابوليليان: حكم الله هذا بنيتي لا اعتراض على حكم رب العالمين

احمد: شلونك ابو ليليان مقصرت فدوه الوكفتك هاي وياي اخواني ومن دمي ولحمي مسوو السويته شكراً جزيلاً على هاي وكفتك وياي مقصرت

ابوليليان: صدك جذب ابوضرغام احنه اخوه وعشرة عمرر مبيناتنه هيج شي وجمونه حاسبهاا مثل بنيتي ليليان

جمان: شكراً عموو ماقصرت

أحمد: ونعم الاخ ابو ليليان ماقصرت

جمان: بقينه كاعدين والحزن مخيم على وجوهنه شويه واجه الدكتور

الدكتور: نشالله اليوم تكدرون طلعونه للمريض وضعه ستقرر

ابوليليان: رحم الله والديك دكتور

دكتور: الله يسلمك راح اوصفلكم علاح من طلعون اخذو من صيدليه

ابوليليان: ماشي عيني

دكتور: من رخصتكم

جمان: راح دكتور نوب وراه شويه اجت خالتي رهام

رهام: سلام عليكم

الكل: وعليكم سلام

رهام: يايمه احمد كعدت اروحلكم فدوه خوفتنه عليك ليش سوي هيج بينه اوف يمه حبيبه

احمد:(بخزره) رهام منه ابوليليان فشله

جمان: شلونج يمه

رهام:(بتصنع) هلا يمه هلا شلونج بعد كلبي

جمان: الحمدلله على الله

نوب خالتي رهام وام ليليان صبن الغده وكعدنه بابا كلاله شويه واني اكلت كلش قليل ماشتهيي كملنه غده نوب طلعنه من المستشفى وخذنه علاج من الصيدليه ومن شفت بابا على العربانه روحي طلعت بس امر الله هذا ملازم نعترض على حكمه

وابوليليان خطيه هو راد يدفع الفلوس العلاج بس بابا مقبل

طبعاً بابا بيه طبع روحه عزيزه لويحس ماعنده فلس مياخذ من شخص وحتلوو يداين فتره ويرجعهن

صعدنه بسياره ودعنه بيت ليليان لان همه راحوو البيتهم خطيه صارلهم يومين متعذبين ويانه

ليليان: نشالله باجرر صبح يمج بعد كلبي

جمان: يروحي ليونه متقصرين

ليليان: يله عمري بيباي

جمان: بوست ليليان وام ليليان وصعدنه بسياره ونطلقنه البيتنه

وصلنه البيتنه ونزلنه بابا وسايق خطيه ساعدنه وحالة بابا تكسرر الكلب كل ماشوف وضعه اموت قهرر

دخلنه البيتنه ومدينه البابا فراش واني كعدت يم بابا شويه

احمد: باجر محاكمة اخوج بنتي اني وضعي ميسمحلي اروح حيجون عمامج روحي وياهم ودعي اخوج

حجاهاا ودمعته نزلت

جمان: الغصه الي صارت بصدري مووطبيعيه متت قهرر حاولت ماابجي كدام بابا بس دموعي خذلني

رحت من يم بابا ودموعي تجري

رهام: وف تبجي الخاتونه ع اخيهاا طبه مرض منوو كله يروح ويكتل ابن ناس الله لايوفقه

جمان: يمه وربج اعصابي تلفانه معايزه هلكلام

رهام: وسم ولجج شو لسانج طولان

جمان: لا رد

رحت للغرفه ودموعي تجريي ماعندي غير بس القران من اقراا ارتاح رحت توضيت وكعدت اقرا قرأن

بقيت اقراا بيه بلساعه الحد اخر شي طلعت ايه كلش حلوه

قوله تعالى: {إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا} [١٢

فعلاً رب العالمين ويانه وشاهد على كلشي يمر علينه وبعد كل شغلات المتعبه الي تصيب الانسان بكل تأكيد راح يجي اليوم وينجبر خاطره بيه

كملت قراءة القران رحت نضف واجتني ملاك كلش مشتاقتلهاا طبعاً ملاك طول الفتره الي احنه بيهاا بلمستشفى هيه عد اخوالهاا

ملاك: شلونج جمونه مشتاقتلج

جمان: حضنتهاا وبوستهاا يعمريي ملوكتي الحمدلله انتي شلونج ولج مشتاقتلج طاك كلبي عليج

ملاك: وني هم مشتاقتلج ومشتاقه ضرغام كلش طول يمته يجيي

وف ياربي شجاوبهاا

جمان: حبيبتي ملوكه كم يوم ويجي

ملاك:(بصياح) وفف يوميه كم يوم ويجي يوميه خابريي خليجيي جمان فدوه والله مشتاقتله

جمان: متحملت بجيت (بكلبهاا) شجاوبهاا شكلهاا اخوانه راح يعدموا شريد اكلهاا

ملاك: اسفه جمونه موقصدي اصيح عليج انتي اكبر مني وانتي علمتيني لازم نحترم الاكبر منه ومنصيح عليه

جمان: حضنت ملوكه وهيه هم حضنتني بديهاا ناعمات

كملت تنضيف صار المغرب توضيت ورحت صليت وراه صلاة رحت سويت عشه وبالي يم اخوي بابا كال راح يجون اعمامي وشلون عاد همه يحبونه

سويت شوربه النه كلنا وصبيت البابا ورحت وكلته

جمان: اكل بابا صاير اكلك مدري شلونه

احمد: كافي جمان شبعت

جمان: شكلت بابا خذتلك خاشوكتين وكلت ماريد

احمد: جمان لاتلحين بنيتي شبعت الحمدلله

رحت من يمه واني ضايجه بابا صاير اكله زفت بس حقه الي ديصير كلش صعب واول مره نمر بهيج موقف

سويت عشه وتعشة خالتي رهام وملوكه نوب سمعت خالتي رهام تسولف وياه بابا عفتهم ورحت للغرفه

اتصلت ع ليليان رن شويه وجاوبت

ليليان: هلا حبيبتي جمونه والله هسه ردت اتصل عليج

جمان: بعد روحي ليونه شلونج

ليليان: الحمدلله خيه انتي شلونج

جمان: زوينه... باجر محاكمة ضرغام بابا ميروح كال روحي وياه عمامج ودعي

ليليان: وف يمه الله يساعد كلبج بس بجاه نبي كون موو اعدام مؤبد

جمان:(بدموع وكسرة كلب) بلحالتين بعد منشوفه

ليليان: خلي كلشي وراه رب العالمين ولاتخافين طمأني

جمان: ونعم بالله حبيبتي يله اني حروح انام تعبانه وباجر وراي كعده

ليليان: آلله وياج گلبي انتبهي النفسج

جمان: نشالله باي

سديته من ليليان ونمت لان ميته تعب

كعدت صبح ع صوت صياح وجان اسمع عمي يصيح

يتبع......

#فصليه لأجل والدي

بقلم الگاتبه /طيبه عباس

احبجن جميلاتي وهذا بارت مطول لعيونجن لاتنسن متابعه وتصويت وتعليق حلوو مثلجن🙊😚❤

تصويت+متابعه❤

سديته من ليليان ونمت لان ميته تعب

كعدت صبح ع صوت صياح وجان اسمع عمي يصيح

لججج جمان فضيهاا يله تأخرنه

جمان: گمت على حيلي وجان اشوف ساعه ب8

وف نايمه كل هلوقت ومادري بس لان تعبانه نمت نومه عميقه 

رحت بساع غسلت وفرشت اسناني نوب رحت بدلت لبسة عباتي وشالي وطلعت

جمان: صباح الخير

نزار: ياصباح هذا عمي هذا صباح المصايب من وراه اخوج سايب

جمان: تجاهلة كلامه ورحت البابا الي كاعد بكسرة خاطر والحزن مخيم على وجهه

شلونك بابا شلونك اليوم نشالله احسن

احمد:(بعبره وڪسرة خاطر) الحمدلله على كل حال بنيتي اذا سمحولج شوفين اخوج وتحاجي كليله ابوك يسلم عليك ويحبك هواي

جمان: ماتحملت كلام بابا شبعت بجي كل الي سوه اخوي وبعده بابا يحبه ومشايل بكلبه عليه چا الابوو شگد حنين

نزار: ديله فضيهاا تأخرنه

طبعاً نزار عمي وموو بس همه جاي عمامي تلاثتهم جايين بس هذا مادري شماكل من صبح بس يحجي  ويلح

رهام: يي يله تأخرتوا خاف يطلقون عليه الحكم وبعد متكدرون شوفوا

احمد: رهاااممممم گلش مزودتهاا هلفتره سدي حلكج

جمان: كلام خالتي رهام بخبث.. خنكتني العبره من كلامهاا بس ولوو هيه متحبنه وموو اول مره تحجي هيج كلام يسم البدن

نطلقنه للمحكمه اني وعمامي وميته خوف من الي راح يصير معقوله اعدام ياالهيي دخيلك حكم مؤبد ولاعدام دخيلك ياالهي الطف بحالنه ماعدنه غيرك ياالهيي بين تفكيري وسوالف عمامي وصلنه للمحكمه

نزلنه من سياره ودموعي نزلت وكلبي نقبض وف خويه وف هنه حكمك يبعد اختك هنه موتك يمه من عمري العمرك

جاسم عم جمان: يله امشي شكوو واكفه الله اليسترر من جاي من وراه اخوج سرسري

جمان: عموو حكم رب العالمين هذا لااعتراض على حكمه يعني شي موبيدنه

نزار: والله ياعمي رب العاليمن ما كايل لخوج روح كتل ابن ناس بس هوو سرسدي وساقط

متت من كلامهم ليش هلكد حاقدين علينه ماعرف مع انوو بابا فقير ومطالع منه شي موحلوو بس بهذا وكتنه الفقير مايعيش

دخلنه للمحكمه وصراحه اول مره بحياتي ادخللهاا كعدنه اني وعمامي نوب شويه اجه القاضي والكل وكفله

جمان: كاعده وكلبي طاك على شوفة ضرغام يمته يجيي واشوفه

لهناك واجوو شيوخ الفخامه شنوو البس شنوو بقيت صافنه عليهمم وعلى شخصيتهم بحيث من اجوو كلهاا كامت الهم وحته القاضي سلم عليهم

بقيت صافنه ولهناك ودخل ولد شاب بس شنووو جماله سبحان الله بحيث بقيت صافنه بوجهه اسمرر وملامحه حاده جنننن وعيونه بيهن لون عسلياات طوخ كلش لونهم بارز والحيه محدده تخبل شارب شثخنه شمهماا اوصفه مااوصل لجماله سبحان الخلقه طويل ومعضل يعني جسمه موو مخربط كلشش حلوو وشعره ثخين لابس دشداشه مصبوبه عليه صب

جمان:(بكلبهاا) شبيج جمان الكبرر فكيتي حلكج مشايفه حلوين يي هوو صح حلوو وشخصيه بس مو بجمالي

كعدوا كلهم واني صافنه على شخصيتهم نوب اجت عيني بعين الولد يايمه صار بيه متت خجل

جمان:(بكلبهاا) الله يطيح حظيي يبووو والله فشله هسه شيكولل عليه فاكه حلكي على الولد عابت

الكل صار حاضرر بلمحكمه شويه وكال القاضي

القاضي: جيبوو المتهم ضرغام احمد علي

جمان: وف ياربي دخيلك

شويه ودخل اخويه الوجه شحاله وذبلان كلشش وجهه اسود وعيونه مورمه وملبسينه الملابس الصفرر مال المجرمين من شفته دموعي نزلن تنوعلي بكسرة خاطرر ومن شافني عيونه نملن دموع

صعد للقفص الي يخلون بيه المجرمين وبدت محاكمته

طبعاً ضرغام خليناله محامي بس شلفايده والجريمه ثابته عليه بس المحامي خلينه عسى ولعل يخفف عقوبته شويه

القاضي: استناداً إلى أحكام المادة الخمسين من الدستور المؤقت وبناء على ما عرضه وزير العدل ووافق عليه مجلس الوزراء وأقره مجلس قيادة الثورة

اصدرت المحكمه بالحكم على المتهم ضرغام احمد علي بلسجن مؤبد حسب قانون مادة 111

جمان: وف ياربي من كال مؤبد مي بارد ونزل على گلبي وبنفس الوقت دموعي نزلن الف الحمدلله ياربي حكم مؤبد ولااعدام عالاقل مؤبد راح نعرفه عايش الحمدلله وشكرر ياالهيي

وجان اخوي ينزل من القفص يردون ياخذوا شرطه ورحتله اركض حضنته كل قوتي وابجي

جمان: وف ياخويه شسويت بحالنه ليش هيجي ضرغام ليش لكك تدري شصار بينه بعد عملتك تدري ملوكه يوميه تسئلني عليك لك تدري شصار بابا لك ضرغام بابا نشلل

اتنوع الوجه اخوي نصدم وبقه يبجي

ضرغام: شلونه هسهه كله بسببي اني حقيرر كتلت الولد علمود بنيه وياريت تسوه طلعت كح**** 

جمان: شنوووووو!!

شرطي: نتهى وقتكم لازم ناخذه

جمان:(بدموع)  ضرغام بابا يسلم عليكك هوايي

ضرغام:(بكسرة خاطر) الله يسلمه ويحفضه بوسيلي ملوكه ودير بالج على نفسج في امان الله

جمان: راح ضرغام واني وكعت من طولي ماحسيت اله واني بلمستشفى

الممرضه: الحمدلله على سلامه يحلوه هاي ثاني مره تجينه ههههه

جمان: الله يسلمج بس وين عمامي بلا زحمه عليج

الممرضه: ماكوو بس شخص واحد اعتقد عمج الباقين راحوو

جمان: نزلن دموعي شنوو من اعمام ذول عافوني واني من دمهم ولحمهم حسبي الله ونعم الوگيل

دخيلك ياربي لاتحرمني من بابا بعده موجود وهيج ديسسون شحال لوبابا راح

الممرضه: تكدرين دكومين حبيبتي

جمان: يي عمري اكدر خل اروح مابيه شي

لبست عباتي وطلعت لكيت عموو نزار

نزار: وتالي وياكم انتم شلون بله منخلص ساعه اخوج رحنه للمحاكم وتبهذلنه وهسه بهذال بلمستشفيات

جمان: على كيفك عموو قابل هسه شصار

نزار: دمشي امشي خل اخذج البيتكم واولي لاهلي

جمان:(بكلبهاا) هسه اليسمعه دفع من جيبه لوو بقه يوم كامل بلمستشفى وحته الحمدلله على سلامه بلجذب مكال والله يالله

وصلنه للبيت دخلت جوه وعموو نزار هم دخل حته يحجي وياه بابا على الصار

رهام:(بلهفه) هاا ولج بشري عدموا هذا اخوج الساقط

جمان: يمه كافي شهل حقد هذا كافي فدوه اروحلج شمسويلج احنه وهيج تحجين ويانه ليش تتمنين الموت لضرغام ليش فكري بحال ابويه شيصير بيه اذا مو همج احنه فكري بحال ملاك الي متعلمه على وجوده ويوميه اطلعلها جذبه حته اسكتهاا

رهام: لجج ادبسسززز.. رفعت ايدها عليه رادت تضربني وجان ابويه يجي

أحمد:(بصياح) رهامم اياج ترفعين ايدج عليهاا وضربيهاا وحك روح ابوي اذا شفتج مرة ثانيه رافعه ايدج عليهاا متلومين اله نفسج

رهام:(بتصنع ودموع) هاي اشبيك أحمد تريد طلع عينهاا عليه حتى لو اني مو امهاا ابقه مرتك لازم تحترمني كدام جهالك

أحمد: جوزي من جمان وحترمي نفسج ذيج ساعه بيج خيرر ودللي اني احترمج وخليج على راسي

جمان: بابا كافي ميخالف امي هاي اتحملهاا

بابا دار وجهه وراح وخالتي تنوعتلي بحقد وكره وراحت

جمان: رحت سبحت وبقيت افكرر بهذا الشاب الشفته خررب شكد حلوو الادبسسزز.. ركعت نفسي راجدي عابت اشبيج جمان مشايفه الله يطيح حظج يي والله

رحت اكلت شفت خالتي طابخه مركة بيذنجان وتمن صبيت واكلت نوب رحت توضيت وصليت شويه وسمعت بابا يصيحلي

أحمد: جمان

جمان: هاا بابا

أحمد: من باجر بلشي داومي صارلج هواي عايفه دراستج وتدرين بيه اهم شي عندي دراستج

جمان: حاضر بابا هسه اخابر ليليان اخذ منهاا تحاضير وباجر نشالله اداوم

خابرت ليليان رن مجاوبت دكيت عليهاا مره ثانيه فتحت خط

جمان: هلوو ليونه شلونج

ليليان: هلا عمري الحمدلله انتي شلونج كلش فرحة من كال بابا ضرغام طلق عليه الحكم مؤبد موو اعدام

جمان: الحمدلله بس احنه بلحالتين بعد منشوفه ابد

ليليان: يجي يوم ويطلع لاتخافين

جمان: الله كريم اكلج ليليان فدوه نطيني تحاضير باجر نشالله اداوم

ليليان: الف الحمدلله واخيراً راح ترجعين داومين يسسس

جمان: ههههههه ديله نطيني تحاضير

خذت تحاضير من ليليان وكعدت اقراا

كملت تحاضيري منطيهم كومه تحاضير نص قريته ونص عفته لان مالحك رحت نضفت البيت واجت ملوكه يمي

ملاك: جمونه ضرغام طول حيلل

جمان: حبيبي ملوكه نشالله غير يوم نروح ونشوفه

ملاك: ليش هوو وين

جمان: خذوا شرطة الاطفال ههههههه

ملاك: ليش هوو طفل وياخذوا

جمان: اويلي على العقل شايلته هههههه مو طفل بس هوو يشتغل هناك ويطول اله يجينه

ملاك: اهاا بس اني شتاقيتله

جمان: كم يوم ونروحله حبيبتي

ملاك: هففف ماشي

جمان: جم جذبه بعد اخترع الملاك وهيه متتقشمرر

كملت تنضيف وجان اسمع بابا يكول لكك انته شتحجي شنوو انطي بنتي فصليه

يتبع....

#فصليه لأجل والدي

بقلم الگاتبه/طيبه عباس

لاتنسون متابعه وتصويت احبجن😚💞

تصويت+متابعه❤

كملت تنضيف وجان اسمع بابا يكول لكك انته شتحجي شنوو انطي بنتي فصليه

هنه اني راحت ركض لبابا لان اخاف عليه من العصبيه وتوتر هوو مصارله فتره من طلع من المستشفى

أحمد: يابه شتحجي انته شلوونن انطي بنتي فصليهه يي واذا باجرر المشيه يابه بنتي شلون انطيهاا فصليه لا مستحيل جمان مانطيهاا فصليه يي نشالله يصير خير هلا ثيمالا

جمان: واكفه يم بابا وماعرف شديصير وشنوو فصليه بس الي فهمته باجر المشيه ويردون فصل من بابا دخيلك ياالهييي شديصيررر بعد اكثر من الي ديصير هسه

جمان: بابا شكوو شنوو ويامن تحجي

أحمد: شسووييي اني هسهه شسووييي منين اجيب الهلناس فلوس ويردون ياخذون بنتيي الهم فصليه

جمان: دموعي نزلت وبابا يدك على راسه رحت حضنته يابه اهدئ فدوه اروحلك موو زين عليك العصبيه فدوه بابا گول ياالله

رهام: يي احمد لعد مااكوو غير هلحل انوو جمان تروح فصليه

أحمد: لججج اسكتيي لا اسوي هسه مصيبه شلونن انطي بنتي ناس كلشي ماعرف عنهم لاوفوكاهاا ابني كاتل ابنهم

جمان: اسمع بكلام ابويه وابجييي اخير شيي كتله

بابا اذا هلشي يسد حلوك ناس ومياخذون منك فصل عادي اني اروحلهم فصليه يابه اني ماكدر اشوفك بهلحاله

أحمد: لا مستحيل ماخليج ترحين فصليه لو احس اگدي بشارع

جمان: سكتتت ودموعي تنزل رحتت للغرفه وابجي حضنت المخده وشبعت بجي

كل بنيه تحلم بشخص يسعدهاا وكل بنيه راسمه بالهاا فارس احلامهاا اني هسه راح اروح ناس ماعرف همه شنوو ورجال لامتعرفه عليه ولا عرفه ولايعرفني ياربي ساعدني

مادري بنفسي ونمت واني حاضنه المخده المغرب كعدت طلعت اغسل وجهي وجان اشوف عمامي گلهم ملتمين وبنات عمامي ونسوان اعمامي

رهام: صلوات كعدت العروس

جمان: مادري يمه خذتني نومه

رحت غسلت وجهي ودخلت للستقبال سلمت على الكل

زينب مرت جاسم: اكول جمونه شخبارج

جمان: بخير عمه انتي شلونج

زينب: الحمدلله يكولون باجر ترحين فصليه صدك

جمان:(بكسرة گلب) لا عمه نشالله موو اكيد الخبر ربج يحلهاا

نزار: ههههه بعد عمج وين سولفين انتي چا احنه اليوم المن لتمينه غير باجرر نودعج ههههههههه

أحمد: نزار شهل حجي كلام بنتي متروح فصليه

محمد عم جمان: چا خويه انته فهمني عندك فلوس تدفع للناس

أحمد: نطلب منهم مهله بلكي نجمع فلوس بلوقت الي ينطونيه

جاسم: خويه انته تضحك على روحك لو تضحك علينه ملينه احنه انطي بنتك فصليه للوادم وفض سالفه ماعندك غير هل حل مال ينطونك مهله وتجمع فلوس بيهاا جذب شكد تجمع ميه ميتين كتل هذا اذا كلش لازم فصل ب70مليون منيلك انته هل مبلغ

أحمد: الله گريم

جمان:(بدموع) يابه حجي اعمامي صحيح اني موافقه اروح فصليه

أحمد: بويه شلون انطيج الهل ناس الي اخوج كاتل ابنهم اعرف اني شراح يصير وياج

نزار: أحمد البنيه موافقه عليش بعد هل حجي هاهيه البنت وافقت ونشالله خير

جمان: گمت من يمهم ودموعي تجري صح اني بداخلي مقابله بس ميخالف كلشي يهون مقابل ابويه بس اني خايفه على دراستي يعني همه ناس عشاير اخاف مصير عدهم بنيه تدرس....  والله لو احس دنيه تنكلب هم ادرس صدك جذب اهم شي دراستي واحنه عدنه بهذا وكتنه ومجتمعنه اهم شي شهادة البنيه لان بدون شهادتهاا متسوه فلس

رهام: تعاي كطعي هاي الحمه خنسوي مرك تبسي وتمن

جمان: حاضر يمه

كعدت اكطع الحم واجن يمي بنات عمي طبعاً زينات موو مثل اهاليهن

مريم بنت محمد: اكول جمان بليل نحطج ونصلخج صلخ

رانيه بنت نزار: يمه اسم الله ليش ولج صلخيهاا شمسويه البنت

مريم: ولج يثوله يعني نجلف جسمهاا ونوخر شوأب الي بجسمهاا اكيد هسه جسمهاا متروس شعر صح هيه حليوه بس لازم نسويلهاا هلشي

جمان: لامريم ماريد خليني هيج

مريم: لابله شنوو هيه بكيفج

اسراء بنت جاسم: لا حبيبتي غصباً على راسج نسويلج رجال يكلبج يلكاج مثله كلج شعرر يافضيحتك ربي

البنات ماعده جمان: ههههههههه يي والله صدك

جمان:(بكلبها) شوف ذني وين يفكرن واني وين افكرر

بقينه بلطبخ نطبخ العشه واكثر شخص فرحان الهل خبر خالتي رهام حته معاملتهاا الي مو مثل كل مره بصياح ونرفزه بس اني كلش مقهوره ماريد اعوف اهلي واطلع من هلبيت بهل طريقه كل عمري احلم انو اصير دكتوره واعيش اهلي احسن عيشه بس حكم رب العالمين هذا مابيدي شي

اذن الاذان وكلهم راحوو يصلون واني هم رحت اصلي

رحت توضيت وفرشت سجاده

كعدت اصلي واشكي رب العالمين وادعي يوفقني لان مادري شراح يصير بالايام القادمه وصراحه كلش خايفه من الي راح يصير بس مدام هذا اختبار من رب العالمين فااني راح استقبل كلشي برحابة صدر بس ادعي ياالهيي دخيلك صبرر رحت طلعت قران وكعدت اقرا وقريت ايه بسورة البقره كلش حبيتهاا  وهي؛ {يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ} سديت القران وحمدت رب العالمين على كلشي ورحت اصب عشه

رهام: شسالفه تاخرتي يله تعاي صبي عشه وياي

زينب: احنه نساعدج اني والبنات رهام

رهام: لا هاي جمان موجوده

جمان: لا عمه روحوو اكعدو معدنه شي هسه نصب ونجيبه

مقبلن يرحن ساعدنه البنات الي تثرم زلاطه ولي تحضر سفره واني طلعت مواعين صبينه وكملنه شلنه المواعين على سفره مخلينه شي نقص بيهاا

كعدو كلهم وجان عموو نزار يكول

نزار:  حضري نفسج باجر الناس تجي

جمان: العبره خنكتني وعيوني نملن دموع ماريد اروح عن بيتنه ماريد اعوف بابا وحده وهوو بهلوضع بس بنفس الوقت لازم يصير هلشي لان اذا ماروح فصليه بابا منين يجيب فلوس الفصل

أحمد: نزار شسالفتك خلي نزقنب بدون هل موضوع

محمد: عليمن معصب هوو انته اول وتالي راح تنطي بنتك فصليه

رهام:(بخبث) ابو ضرغام ماعدنه غير هل حل هيه جمان وحدهاا الي تكدر تنقذنه من هل سالفه وناس المتورطين وياهم شيوخ ماوياهم حجي

أحمد:(بكسرة خاطر) بس ماكدر اني اضحي بجمان مااكدر يبشر فهموني

جاسم: خويه هوو انته اول وتالي راح تنطيهاا للبنيه قابل راح تبقه دوم يمك

جمان: كلش نقهرت ونكسر كلبي عفتهم ورحت للغرفه

مرام زوجة محمد: اكعدي جمونه خلصي اكلج وين رايحه

جمان: لا عمه شبعت الحمدلله رايحه اسوي جاي

رحت اسوي جاي والعبره خانكتني كلش ختنكت ياربي دخيلك معقوله اليوم اخرر يوم الي بهذا بيتنه احجي وياه نفسي ودموعي تجري

مريم: لاضوجين حبيبتي تقبلي الواقع زوجي يختي شعندج بلبيت هسه اني لو منج اضل ادك وركص

جمان: هههههه والله يامريم انتي دكولين هيج بس صدكي كلش صعبه

مريم: لاتخافين حبيبتي رب العالمين وياج ودائماً المؤمن مبتلي حته يختبر صبره

جمان: فدوه الكلبج مريومه اكيد ونعم بالله

خدر جاي ورحت صبيتلهم طبعاً اعمامي راح يباتون عدنه رحت الغرفتي وخابرت ليليان احس كلبي طاك عليهاا

تصلت عليهاا جاوبتني

جمان: هلوو ليونه شلونج

ليليان: هلا يروحي الحمدلله انتي شخبارج

جمان:(بدموع) ليليان اني راح اروح فصليه

ليليان: شنوووووووو!!

تحجين صدك

جمان:(بدموع) يي لج ناس يردون منه فصل وبابا منين يجيب فاراح اروح اني فصليه لجج ليليان والله كلش خايفه

ليليان:(بدموع) يمهه رويحتي سوده بوجهي

جمان: لج ليليان ذول ناس عشاير تدرين خايفه على مستقبلي وخايفه على اهلي راح اموت ليليان لججج والله تعبت بعدني بهذا عمريي وشفت كل هل مصايب ونبي تعبتت كلشششش

ليليان:(بدموع) اهدي يكلبي نشالله خير رب العالمين كلشي يسوي بيه النه صالح

جمان: ونعم بالله ليونه حبيبتي ديري بالج على نفسج خاف بعد ماشوفج

ليليان: انجبي جمان تحجين صدك باجر اجيج من صبح

جمان: بعد عمري هلا بيج يله اني رايحه اغسل مواعين فشله من بنات عمي خاف هنه يغسلنهاا

ليليان: تمام كلبي اخذي راحتج وكافي بواجي فاتحتلج دنكرر مال ميي هههه

جمان: ههههههه تمام يله باي

ليليان: باي

سديته من ليليان ورحت لكيت بنات عمي خطيه لامات سفره ويغسلن بلمواعين

جمان: ياصدك جذب اني اغسلهن روحن اكعدن

رانيه: لا حبي شنوو سالفه قابل احنه مغاسلين بيتنه وعادي هذا مثل بيتنه وانتي اختنه ونساعدج

جمان: بعد عمري ماتقصرن بقينه واكفين ونسولف على المدرسه وعن شغل البيت

اسراء: يله يبنيات حان الان وقت الهلس زين اذا لحكنه بس شواربهاا يرادلناا بيهن ساعه هههههههه

جمان: هههههه دنجبي منيلي شوارب

البنات كلهن: لا ابد ماكوووو ههههههه

خذني سحلل وجابن البكره وهلسن وجهي بيه هلس نووب جابن شيره واني كلشي ولاشيره اتخبل منهاا لان توجع وكعدن صلخن جسمي صلخ

جمان: ولجن والله الچن خلك ويني وين هيج سوالف اني

اسراء: حبيبتي باجرر يومج وغمزتلي

رانيه: صايره ادبسسزز اسراء

مريم: هههههه لعد انتي توج عرفتيهاا من زمان هيه هيج ههههههههه

جمان: فويسدات بنات عميي ههههه

البنات: هههههههه

جمان: طلعن روحي اله خلصن بحيث حتى بجي بجيت من الالم الي صار برجليه وباديه

اسراء: هسه الوجه الادين وارجلين كملناهن بعد ضهرج وباقي جسمج

جمان: ولن ماريد كافي راح اموتت ماريد حبابات كافيي

البنات:دتعاي هيه بكيفج

جمان: دخلني للحمام وصلخني صلخ بس شنوو طلع جسمي يجننن ومنه ابيض بحيث طلع يلمع لمع

رانيه: اللهم صل على محمد لج شنوو هذا جسمج ماشالله يجنن

مريم: يي والله كلش حلوو طلع جسمج وابيض

جمان: هوو اني جسمي ابيض بس ابد ماخذ شعر البي هاي اول مره

اسراء: يي مبين طلع ابيض يخبل

جمان: يله طلعن خل اسبح

اسراء: اسبحي بعد كلبي ولاتنسين الاماكن الخاصه وغمزتلي

جمان: ههههه ياا هاي شبيهاا البنت ملكوفه

سبحت وطلعت صح ضحكت على كلامهن بس بعدهاا الغصه تارسه صدري

طلعت من الحمام شفت خالتي مادتلهم فراشات ونايمين بس البنات كاعدات

هذا الحجي كله ساعه ب12

البنات: كللوووششش طلعت العروس

اسراء: اكلجن ماتخلنه نردحلهاا اشويه

جمان: دكعدي اسراء والله عليج سوالف

البناات: خوش فكره خل نركص

جمان: ياا تحجن صدك

خذني للغرفه وفلن شعرهن وشغلن اغنيه بس بصوت ناصي وكامن يهزن واني كاعده امشط بشعري وضحك عليهن

رانيه: كومي جمان خذيلج شويه

جمان: ولي مابيه حيل

اسراء: هاي بسحل اله دكوم

البنات: ههههه يي والله

جمان: كاعده امشط وذني اجن سحلني واله تركصين

ولجن مالي خلك والله

البنات: حبابه الخاطرنه

هزيتلي شويه وكعدت لان ابد مالي واهس

تعبن من ركص نوب كعدنه شويه سولفنه وصارت ساعه ب2 ونمنه

كعدت الفجر صليت ورجعت نمت وجريتهاا نومه لل8

رهام: جمان شسالفه دكومي اليوم عدنه كومه شغل

جمان: يي يمه كايمه

رحت غسلت وجهي وتريكنه اني والبنات طبعاً عمامي متريكين من وكت بس احنه البنات باقيين

كملنه ريوك ورحنه نظف

نظفنه البيت كله خلينه يلمع لمع

نوب شويه واجت ليليان خطيه كلش فرحت بيهاا اجت هيه وامهاا

جمان: رحت حضنت ليليان وبوستهاا شلونج ليونه حبيبتي

ليليان: بعد عمري مشتاقتلج

جمان: اني أكثر والله

نوب رحت سلمت على خالتي ام ليليان

كعدوا بلستقبال وبقينه كاعدين نسولف

ام ليليان: شلونج خاله شلون صرتي

جمان: الحمدلله خاله بخير انتوا شلونكم

ام ليليان: والله على الله بخير ونعمه

صدك خاله سمعته من ليليان

جمان: يي والله خاله شسوي الله كريم

ام ليليان: الحمدلله على كل حال بنيتي لاضوجين

ليليان: لج جمان وربي كلبي طاك عليج سجاجه

جمان: هههههه سجاجه هل سنه راح تترك

ليليان: عليج الله!!

جمان: يي لج وين الحك بعد وهذا سادس

ليليان: يي والله صعبب موتني من بدايته

بس حرامات تركين شلون اكدر اني بدونج

جمان: سنه تجي نشالله ارجع

بقينه كاعدين ونسولف بساعتين

اسراء: لج هاي صديقتج حلوه

رانيه: يبوو حتى البنيه ماسلمت منج تموتين على الحلوين ههههه

مريم: ليش هوو منوو الي مايحب الحلوين

جمان: ادبسززيااتت ههههه

كعدنه كلنه نسولف والبنات نطلقن وياه ليليان عبالك يعرفنهاا قبل عشر سنين

ام ليليان: يله يمه هسه احنه نترخص

جمان: وين خاله بعد وكت تغدوا وروحو

ام ليليان: لاخاله روح هسه يجي ابو ليليان خطيه من دوام هم لازم نسويله خبزه

جمان: زين خاله فدوه عوفي ليليان يمي

ام ليليان: هاا ليليان تبقين

ليليان: اذا انتي ماعندج مانع عادي ابقه

ام ليليان: تمام يمه ابقي وياه خيتج

جمان: رحت بوسة خالتي وحضنتهاا لان عافت ليليان يمي لان فعلاً احتاج وجودهاا وكلش احبهاا

راحت ام ليليان واحنه رحنه للمطبخ نسوي الغده ونسولف

اسراء: منوو بيجن تحب زواج

جمان: يمه يزواج المدمر اعصابج شصخمين بزواج

اسراء: اشبيه زواج غير يخبل وغمزتلي

جمان: عابت هلعيون شبيج من امس واليوم بس تغمزين هههه

البنات: معليج بيهاا هاي فويسده

كملنه الغده وكعدنه نصبب

ودينه الاكل للسفره كعدوا همه وحدهم ياكولون وحنه البنات خلينه اكلنه وحد

كملنه اكل وغسلنه المواعين وسوينه جاي كعدوا يشربون ويسولفون

واشويه واجه عموو يصيح جمان حضري نفسج راح تجي المشيه يجون الناس وشيخ يملجون عليج

يتبع.......

#فصليه لأجل والدي

بقلم الگاتبه/طيبه عباس

بارت مطول لعيونجن جميلاتي ونتضروا البارت القادم ضهور البطل🙈🤭❤

لاتنسن تصوتن للبارت ومتابعه للحساب💞💞

شويه واجه عموو يصيح جمان حضري نفسج راح تجي المشيه يجون الناس وشيخ يملجون عليج

جمان: هنه ماعرف شصار بيه على صدمه على خوف على رعب من الي راح يصير بحيث واني گاعده بقيت ارجف

طبعاً المشيه راح صير بره نصبوا جادر چبير علمود الزلم تکعد بي

ليليان: لاتخافين جمونه نشالله خيرر

جمان: لج ليليان راح اموت من الخوف والله كلش خايفه

ليليان: ؏ـليمن الخوف جمونه لاتخافين ربج يحل ڰلشي بس انتي عوفي الخوف على صفحه ولاتخافين

جمان: نشالله خير

طبعاً اني مو بس على نفسي خايفه خايفه على بابا وملاك شيصير بيهم اذا عفتهم ورحت خالتي رهام صح موجوده بس موو مثل خوفي وحرصي عليهم بذات بابا وهسه هوو مشلول وميكدر

رحنه نسوي جاي اني والبنات نوب شويه واجه ابن عمي جاسم اسمه حيدر

حيدر: لج شنوو ذوله المتورط وياهم اخوج شنوو الفخامه شنوو البس

اسراء: عينك خويه عينك لاتضرب الوادم ليزر وبعد وين ينطون وجوهم

البنات: ههههههههههه

حيدر: دنجبي ولج والله صدك فخامه ومرتبين وين عرف ابنهم هذا اخوج سرسري

جمان:(بنرفزه) حيدر جاي خدر راح اصبه وخذا للناس طبعاً كلش هواي سوينه جاي لان ناس كومه هلكنه كلنه الحد ماكملنه صب جاي

ليليان: جمان تعالي خل نخليلج مكياج شويه ولبسي ثوب حلوو

جمان: ليليان فدوه مالي خلك وروحي طالعه والله مالي واهس لكلشي

كل بنيه تحلم بهل يوم وتروح جهز غراضهاا وجيب ملابس وذهب وتدخل صالون وسوي افخم عرس بس اني كلشي صار عكس لا رحت شتريت ولاجهزت نفسي وكلشي مسويت

ليليان: لج والله مكياج خفيف ولبسي فستان بسيط

جمان: ليليان كافي عليج الله مو لعبانه نفسي

مريم: حبيبتي جمان ميخالف حتلوو مالج خلك على الاقل رتبي نفسج فشله شيكولون عليج

اسراء: خايبات شمالجن باقيات تحرمصلهاا اسحلنها ولبسنهاا هيه اله بسحل اله تجي

البنات: ههههههههه يي والله

جمان: ذني صدك سونهاا وسحلني خللي مكياج كلش خفيف

ليليان: جمونه عندج فستان ابيض لان البنيه بيوم عرسهاا لازم تلبس ابيض

جمان: يي عندي مره شتريت بعرس خالد ابن عمي نزار

ليليان: يي خوش طلعي وخل نلبسج

جمان: رحت طلعت الفستان جان طويل وبسيط بس نازك حلوو

اني اكثر لون احبه الابيض وحته بلعرس مال ابن عمي لبسته كلهم عبالي اني العروس بيهاا اني مجمعه من ينطيني بابا للمدرسه ماصرفهن اضمهن لان ادري بابا ماعنده فاني اجمعهن الوقت الحاجه ومن صادف عرس ابن عمي ماحتاريت رحت شتريت بسرعه

ليليان: ياي ولج يجننننن

رانيه: يخبل كلشي حلوو

اسراء: طلعت ذواقه العروس هههههه

جمان: هههه بس ولجن عيب باعن ايدي مبينه ومنه صدري طالع

ليليان: خاب شبيج اذا رحتي فصليه تبهذلين نفسج والله حلوه وماكو شي مبالغ

جمان:(بدموع) ولجنن ماردت ازوج بهيج طريقه والله كل عمري احلم اصير دكتوره واعين ابويه لييششش هيج صاار ليش هيج خويه ضرغام صح داضحك وياجن بس بداخلي نارررر ولجن اموت ولااروح الناس اخوي كاتل ابنهم بس تخيلن شلون راح يعاملونيي شلون

بثناء مااحجي دخل بابا للغرفه وعيونه مليانه دموع

أحمد: بويه جمونه والله ماردت يصير هيج ولحد الان اني معارض شلون انطيج ناس ماعرف عنهم شي ولافوكاها اخوج كاتل ابنهم يحجي ويمسد على راسي

جمان:(بدموع) يابه لوو احس انطيك عمري هم احس مقصره وياك عادي يابه حتلو فصليه اني بنتك وماعاش اليذلني ونشالله بمرور الوقت كلشي يتحسن

احمد:(بدموع) دير بالج على نفسج بنيتي ولاتركين دراستج اريد اشوفج دكتوره وارفع راسي بيج بعد مانزله اخوج اريدج انتي ترفعينه الي

جمان: عد عيناك اني ياابه وحضنته وبقيت ابجي

ليليان: موقف جمان وابوهاا گلش أثر بينه بحيث اني وبنات عمهاا شبعنه بجي

يارب يمتى ترتاح هاي البنيه كلش تأذت وشافت انواع المصايب وهسه المصيبه الاكبر راح تروح فصليه

جمان: حضنت بابا وبجيت الحد ماطك كلبي من البجي وابجي واناشغ نوب باسني بابا بكصتي وكالي حضري روحج راح يجي سيد

ليليان: رحت حضنتهاا وبجيت من كل كلبي واجن البنات هم حضننهاا وبوسنهاا

اسراء: ولج جمونه كافي بواجي نشالله خير ويارب زواج دهرر يعمري الكاتبه الله يصير

مريم: المكياج راح بعد كلبي ههههه

جمان: ويني وين المكياج اني

ليليان: يله يروحي كافي بواجي

جمان: بجيت بجي بحياتي مباجيته كلش نقهرت نوب البنات بقن يسكتن بيه واني ازيد بزايد وشويه وسمعنه عموو جاسم يكول الخالتي رهام جيبي البنيه

دخلت خالتي رهام وحضنتهاا رغم كلشي سوته بينه بس بعدني حاسبتهاا مثل امي

رهام:(بتصنع) سنة الحياة هاي يمه وانتي اول وتالي راح تزوحين وذوله خوش ناس مبينين وزناكيل عاد بلكي يفيدونه شويه وساعدين ابوج لان ماشالله مبينين طاكين

جمان:(بكلبهاا) لوين راح يوصل الجشع بعد عند الانسان اهم شي عنده الفلوس

خذتني خالتي رهام وكعدت وراه الباب والولد وناس كاعدين بلستقبال سوينه الطقوس الكامله الي تخص الملجه

نوب بدى السيد يكول الاشياء الي تخص كل ثنين يردون يرتبطون الحد ماوصل الدور للولد انوو يكول نعم انتي وكيلي واني لسه مشايفه وجهه

زيد: سمعت الشيخ يكلي هل تقبل بجمان أحمد علي زوجةٍ لك على سنة الله ورسوله

طبعاً قبل كلشي اعرفكم على نفسي اسمي زيد ابن شيخ فيصل اني الوسطاني بخواني عندي اربع خوان واني الثاني منهم شخصيتي كلش صعبه ممفهومه كلي غموض اخويه نچتل وهاي اول حالة چتل صير عدنه لأن احنه معروفين شيوخ واليوصل صوبنه ياويله احنه مسقط روسنه مثل ميكولون ناصريه والناصريه معروفه بزلمهاا الخشنه

زيد: الشيخ يرردد بهل تقبل بجمان أحمد علي زوجةٍ لك واني  بداخلي رافض فكرة زواج ولا منوو اخت الي اخوها چتل اخوي بعد تفكير وذكرت كلام اهلي الي انوو لازم ناخذهاا فصليه كلت نعم وانتي وكيلي

جمان: سمعت صوته يكول بكل خشونه وبحة صوته جنننن كال نعم وانتي وكيلي

وصل دور الي واني گلش خايفه ومتررده وشيخ يكول هل تقبلين جمان أحمد علي ان يكون زيد فيصل زوجاً لكِ على سنة الله ورسوله

نزلت دموعي بحركه وحسيت ايد طبطب على كتفي درت وجهي وشفت بابا دموع تارسه عينه ويهزز براسه

ماعرف شلون طلعت مني وكلت نعم انته وكيلي

زيد: كالت نعم انته وكيلي وذكرت حبيبتي الي واعدهاا بزواج الي راسم احلامي وياهاا الي واعدها مادخل بحياتي شخص غيرهاا ذكرت دموعهاا وهيه دكلي زيد لاتزوجهاا زيد اني احبك صحيت من تفكيري على صوت ابوي وهوو يكلي

فيصل: كوم بويه شوف حرمتك وخل ناخذهاا ونروح

زيد: حاضر بويه

أحمد: جمان بويه حضري روحج زلمتج راح يجي يشوفج وياخذج

جمان:(بكسرة خاطر) يي تمام بابا

زيد: كمت من الديوانيه (استقبال بس اهالي ناصريه يسموهاا ديوانيه) ورحت اشوفهاا وداخلي رافض هلشي رغم هيه صارت حرمتي

جمان: رحت الغرفتي واطكطك بصابعي وحسيت وجهيي صار دم وحروره كارثه ميته خجل

زيد: ياالله

جمان: يمه دخيلك ياعلي

وجان يدخل بهيبته وطوله وجماله

جمان:(بكلبهاا) ياا عزاا هذا نفسيته شفته بلمحكمه صدمه صارت واضحه على وجهي ماعرف صار شعور خوف على شعور حلوو

اجه كعد بصفي واني اطكطك خوف وكلش مصدوومه

زيد:( بخشونه) شلونج

جمان:( بكلبهاا) يمهه شجاوبه.. جمان شبيج ثوله كوليله الحمدلله لاتبقين تمسلتين

احم الحمدلله زينه ونته

زيد: بخير.. انتي من اليوم صرتي حرمتي والشي اليخصج يخصني والكلمه الاكولهاا ماصير ثنين خوش

جمان: واني هم عندي شروط مثل ماهسه انته كلت شروطك

زيد: احجي بويه شعندج

جمان: اني اريد اكمل دراستي

زيد:(بحده وعصبيه) احنه ماعدنه بناتتت تدرس تكعدين وسكتين بلبيت دراسه ماكووووو

جمان:(بكلبهاا) هلجمال والفخامه وتفكيره مثل تفكير قبل معقوله!!

بس اني أريد اكمل دراستي عندي حلم بالي راسمته وجهه هيج صاار(🥺)

زيد: تنوعتلي بنضرات بريئه موتت كلبي وهيه المنعوله حلوه

جمان: فدوه ماكدر اني اريد اكمل دراستي

زيد: يصير خير نشالله يله كومي خل نروح

جمان:(بصياح) مااروح الحد ماهسه دكلي راح تبقين درسين

زيد:(بحده وعصبيه) شنووو انتي تفرضين عليه رايج!

جمان: شتحسبهاا حسبهاا اهم شي حلمي ودراستي

ماحس عليه اله وهوو جرني وكعت بحضنه

صار وجهي قريب من وجهه نحرجت من الوضع وعيونه يجننن من اتنوعلهن ماملل اضيع بيهن

زيد: جريتهاا الحضني وجهه بريء يخبل لزمتهاا من حنجهاا اسمعي جمان احجايتي ماصير ثنين كتلج يصير خير ليش تلحين

جمان: بس ماريد اخسر حلمي الي منتضرته من سنين

زيد: نرجس لاتلحينن

جمان: شنوووووو نرجس منو!

يتبع.....

#فصليه لاجل والدي

بقلم الگاتبه/طيبه عباس

احبجن جميلاتي لاتنسن تصويت للبارت وتعليق حلوو مثلجن+متابعه للحساب😍❤

تصويت +متابعه❤

عن لسان جمان:

- أمثل نفسي لا أمثل مدينة ولا قبيلة ولا عائلة سأضع لي عادات وتقاليد أسير عليها فلا يلزمني مجتمعكم الغريب

زيد: نرجس لاتلحينن

جمان: شنوووووو نرجس منو!

زيد:(بكلبه) استغفرالله شلون ورطه هاي

ماكوو شي بويه بس نسيت اسمج وكلت نرجس

جمان: اني مو طفله كدامك وتضحك عليه اذا جان اكوو شخص بحياتك كلي من هسه

زيد: جمان خل نمشي وعود هناك نحجي

جمان: نزلت دموعي بكل حركه ياربي لوشكت ابقه هيج ليش اخلص من سالفه تطلعلي سالفه ليشش هيج ديصيررر تعبتتتتت بعد ماكدر اتحمل وفوك كل هذا رتبطت بشخص يفكرر بغير شخص ومزوجني غصب مثل مااني زوجته غصب الطف بحالي دخيلك ياالهي

زيد: طلعت من الغرفه وبداخلي بركان ويغلي شلونن تريد تكمللل دراستهاا وحنه ماعدنه بنات تدرسسس شلوون وفوك كل هذا الم كلبي على نرجس الي حبيتهاا من كل كلبي وبالي يمهاا

جمان: طلع زيد واجني البنات وليليان بوستهن ودعتهن بدموع وهنه خطيه شبعن بجي

طلعت شفت بابا واكف يم عمامي ودعته وبوسته بدوع

أحمد:(بكسره) بعد ماوصيج على نفسج وعلى دراستج بنيتي

جمان:(بدموع) نشالله يابه ونته هم دير بالك على نفسك ياتاج راسي

ودعت خالتي رهام وحضنت ملاك وشبعت بجي

ملاك:(بدموع) جمان موو طولين علينه هم تعالي البيت بدونكم انتي وضرغام كلش موو حلوو احبج اني جمان لاطولين علينه فدوه منوو بعد يدرسني واسولف وياج ونضحك البيت نطفه من دونكم انتي وضرغام جمان انتي موو اختي انتي اميي

اخذينيي ويااجججج ماريد هنه البيت نطفة بيه كلشي لا انتي ولاضرغام بيه ليش عفتونيي وحدي

جمان:( بدموع) اوف يمه شسوويي هسه ولج ملوكه هديتي حيلي ولج شحجيييي احسس دنيه ضلمت بعيوني يمه اخيتي

حضنتهاا وبقيت ابجي وثنينه دموع بعيونه وحده حاضنه ثانيه ونبجي

زيد: موقف جمان واختهاا گلش أثر بيه

بس خل ياخذون جزاء افعال اخوهم نذل الي چتل اخوي بدم بارد

جمان: طلعت من بيت اهلي منهاره ودموع على وجناتي تجري بكل حركه

صعدت بسياره واتنوع البيتنه..  هذا بيتنه الي ربيت بيه هذا بيتنه الي عانينه بيه.. هذا بيتنه الي ضحكنه بيه ورغم فقرنه جان مملوء بحنية بابا علينه

كلش صعبه من شخص متعود على اشخاص هوو يحبهم ويعوفهم واني هذا الي صار بيه حسيت كلبي يتكطع من جوه والم بكلبي صار كلش قوي

زيد: صعدنه بسياره واتنوع الهاا شلون تبجي بحركه وعيونهاا شلون مورمات

كافي بواجي بويه مسافت طريق ونوصل للبيت ماريد اشوف دموع بعيونج

جمان: الله يخليك زيد لاتنطيني كامل حقوقي كزوجه بس فدوه لاتحرمني من دراستي فدوه مو بس حلمي هذا حلم ابويه هم فدوه عليك الله

زيد: هم رجعنه نفس الكلام بويه خل نوصل للبيت ونشالله خيرر لاتبقين تلحين ترى الحد الان مراويج غير وجه لاتخليني اراويج شلون من اعصب وحك علي ابو الحسنين اذا شفتج نوب تلفضين سيرة دراسه على السانج مايصير خيررر خووش يبت ناس

جمان: گلش صار عصبي وجدي بكلامه بحيث يحجي وخازر وجهي خزر كلش خفت من نضرته الي فاسكتت بعد ماحاجيته

بقيت سياره تمشي الحد ماوكفت يم بيت ماشالله يجننن مو بيت عبالك قصررر وجان اكوو يمه ناس واكفه معكله

فيصل: بويه زيد خلي حرمتك تلف روحهاا لف بلعبايه منه زلم واچفه بلباب

زيد: يي بويه اكيد

انزلي ولفي روحج لف بلعبايه وجهج غطي بلبوشيه

جمان: همزين بابا جابلي بوشيه لان هوو يعرف بسوالف الفصليه وهيج شغلات لبست البوشيه وسويت مثل ماكال ونزلت من سياره

زيد: علكيفج بويه لزمت ايدهاا ودخلنه للبيت

جمان: دخلت البيتهم وشنوو من بيت ماشالله يجنن وطابقين عبالك قصرر

اجن تلاث بنات لابسات اسود بس وجهن ذبلان بس رغم ذبول وجهننن يجننننن كلشش حلوات

جميله: نورتي دادا رغم اخوج چاتل اخونه بس احنه اهل ناصريه معروفين بچرمنه

غفران:(بنرفزه) فوتي الغرفتج شتردين نردحلج

زيد:(بحده وعصبيه) غفران السانجججج

غفران: شگلت ياخويه يابعد عيني ماشوفهاا واكفه شتريد نركصلهاا وهيه اخت چتال اخونه

جمان: اسمعلهاا ودموعي تجري حقهاا اخوهاا الي نكتل وهاي الحقيقه ماكدر انكرها ابقه اني اخت المجرم الي كتل اخوهم

زيد: امشي بويه للغرفه لزمتهاا من ايدها وخذتها للغرفه.. وجهه بيء وهيه مالهاا بذنب الي سوه اخوها هفففف مادري ليش هلكد متعاطف وياهاا واني رغم قسوتي يسموني غثيث ههههه

جمان: دخلت للغرفه ومرتبيهاا ترتيب كلش حلوو وغرفه جبيره هم وداخلهاا حمام والوان الغرفه كلش حلوه وهادئه

ردت اروح اسبح بس متقيده لان هوو موجود بس اخر شي حس عليه

زيد: احمم اترخص اني اخذي راحتج وهذا الحمام هم موجود يمج

جمان: يي شكراً الك

طلع زيد من الغرفه وذكرت كلشي صار ودموعي نزلن

رحت سبحت دخلت للحمام كلشي مجهز بيه وجبير وكلش حلوو سبحت وعندي ملابس جبت قسم من ملابسي وياي لبست دشداشه مارونيه ومخصره عليه حلوه

نوب رحت توضيت وكعدت اصلي صلاة المغرب وثلاة العشاء

لكيت سجاده بغرفته واني جايبه جادر مال صلاة كعدت اصلي ومن كملت صلاة كعدت اصلي وابجي بكل حركه وادعي ربي يخفف عني الالم الي ديصير بكلبي ويوفقني بحياتي جديده الي وياه هاي العائله الي ماعرف عنهاا شي دعيت رب العالمين وبجيت من كل كلبي وكعدت اقراا هذا دعاء الي يريح القلب والنفس

وهوو(أللّهم يافارجَ الهمٓ ويا َ گاشفِ الغمَ يارحمنّ الدٓنيا والاخرهٌ ورحيّمهما نسألكَ رحمةً منكَ تغنينهٌ من رحمةً من سواكَ) رددته عشر مرات كملت ولميت سجاده وكعدت ابد مطلعت بره لان كلش مستحيه منهم

نوب راسي گلش أذاني بس من وراه البواجي رحت تمددت على جربايه ونمت

زيد: واكف بره يم شيوخ واجاني اخوي محسن

محسن: لك زيد هاي نرجس ملخه روحهه ؏ـليك ثبرتني ثبر گلساع وتصلت حاجيهاا انته وفهمه

زيد:شسوي محسن زوجت اني حته الله ميرضاهاا اخون بنت ناس هاهيه نقطعت علاقتي بعد بنرجس

محسن: يي خويه اتصل ؏ـليهاا وفهمهاا

زيد: يي هسه اتصل عليها

رحت من يم زلم الواكف يمهم وتصلت عليها اول مدكيت عليهاا فتحت خط

زيد:(بقهر) الوو نرجس

نرجس:(بدموع) هاا حبيبي زيودي لاتعوفني فدوه زيد احبك فدوه لاتعوفني والله اموت روحي زيد اني احبك فدوه زيد وآلله احبك لاتعوفني فدوه اروحلك

زيد: نرجس كافي بواجي وخل احجي

نرجس: احجي حبيبي بس لادكلي هاهيه نتها كلشي بيناتنه اموت بدونك زيد والله اموت تعرف شنوو اموت

زيد:(بحده وعصبيه) نرجسس لعد شترديني ابقه وياج واني مزوج شلون يصير هيج حجي بويه عبالج هينه عليه مثل مجاي تتاذين اني جاي اتاذه اضعاف

انسي كلشي نرجس وتركي حبنه مجرد ذكرى حلوه ونتهت

نرجس:(بدموع) لا زيد لا فدوه لادكلي هيج وآلله جاي اتاذه فدوه زيد وآلله احبك

زيد: في أمان الله بويه

سديت الخط من عدها وطلعت الخط وكسرته وبداخلي نار ومشتعله

رحت للبيت واني العصبيه صاعده عندي

جمان: نايمه وماحس غير باب نركع بصوت كلش قوي كعدت وجان اشوف زيد يشمر بلغراض ويكسر بيهاا ماخله شغله ماكسرهاا كلش خفت من منضره وهوو معصب

جمان: زيد اهدى شبيك ليشش هيج دتكسر بلغراض

حجيت هيج وهوو اجه تقدم يمي ولزمني من وجهي

زيد:(بصياح)  اشششششش صوتج ماريد اسمعه

جمان: زيد وخرر ايد.. 

بعدني ممكمله كلامي وجرني للكنتور بحيث ضهري نركع بلحافه مال كنتور

زيد: انيييي شكلتتتت مووو گلت صوتج ماسمعه ليشش تعاندين

جمان: بس سئلتك ليش هيج دتكسر بلغراض

زيد: ونتي منوو وتدخلين بلغراض بكيفي اكسر الغراض ماكسرهاا شي ميخصج وحك علي ابن ابي طالب اذا تدخلين بعد متلومين غير نفسج

جمان: هوو يحجي واني ابجي اخر شي بعد ماكسر الغراض طلع ملابسه ودخل للحمام

كعدت ابجي منهاره دخيلك ياربي يمته ارتاح تعبت ياالهي ارحمني اني عبدك ضعيف دخيلك ياربي

زيد: احس دم صعد راسي وضغطي علك دخلت سبحت وطلعت لكيتهاا تلملم بلغراض

عوفيهن ماكوو داعي

جمان: خل المهن لغرفه صارت هوسه

زيد:(بحده وصياح) انيييي شگلتتتت

جمان: عفتهن ورحت كعدت على جربايه وهوو هم اجه تغطه ونام

(بكلبهاا) اذا هوو ينام على جربايه اني وين انام بقيت كاعده على جربايه واطكطك بصابعي

وف ملل وين اروح شويه وسمعت تلفونه رن طبعاً جان يم راسه

شفته جان رقم مدري شلون تجرأت وفتحت خط اول مفتحت خط تجه صوت بنيه تبجي

نرجس: حبيبي زيد اني راح اموت نفسي ماتحمل انته يم غيري

ماحس اله وزين كعدد جرر تلفون منيي وبقه

زيد:(بصياح) يعني وتالي ويااجججج انتي منووو كلج تمدين ايدج تلفوني منوو سمحلجججج هااا ولججج احجييي لاطيح حظج

جمان:هاي حبيبتك موووو

زيد: ونتي شدخلج حبيبتي موو حبيبتي ميخصج دير بالج تجرأين وتدخلين بخصوصياتيي لاعبالج صرتي مرتي انطيج كامل الحقوق لاغلطانه وهذا تصرفج راح احسبه ماصار بس اذا عدتيهاا ماعديهاا الج على سلام خوووشششش

جمان:(بدموع) خووش

(بكلبها) كلشي كاله صحيح منوو اني ودخل بخصوصياته اني مجرد فصليه اجيتهم

زيد:هسه تصرفاتي اليوم تمادت وياها فامددرت وجهي وكتلهاا هاي بنيه ماعرفهاا يجوز مشتبهاا برقم 

جمان:(بكلبهاا) والله يالله عباله اني طفله ويضحك عليه

عن لسان جمار دكول:

طار وماكلت لناس عالطار

وشسولف عالجرح بالكلب عطار

جنت وياك شايل خلك عطار

طفل ماتشتري وتضحك عليه

بقلمي...

مانمت يمه على جربايه جان اكوو كرويتات ورحت نمت عليهم

كعدت صبح على صوت صياح وجان اسمع

يتبع....

#فصليه لاجل والدي

بقلم الگاتبه/طيبه عباس

هذا بارت مطول جميلاتي احبجن وكلعاده تصويت+متابعه😘❤