ساره * رجعت للبيت أحس نفسي تعبانه مابيه اشيل نفسي
امير* سارة حبيبتي راح اجيبلج علاج وإجي
ساره* لا أمير لاتروح خليك يمي .... أحس كلبي يوجعني شعور غريب أحس حيصير شي
أمير * لا رايح هسه اجي ... رحت للصيدليه أجيب علاج لساره ماحس إلا نضربت بسيارتي حيل
ليث* بعد ماضربت مريم طلعت بسيارتي ناااار صاير مشيت بكول سرعتي بالي يم ساره ماحس إلا ونضربت ب سياره اني منه صاير ناااار نزلت
لك حقييير متشوف شكو تسوق سياره جاهل انته منو انطاك سياره وكلك سوق ماحس إلا وبوكسي ع وجهي خشمي يذب دم كااام
أمير * نزلت سيارتي كايمه نصها أشو نزل غلط عليه صرت دمممم من العصبيه انطيته بوكسي طشرت وجها اجه رجعه عليه وكعت بل الكاع كمت انطيته بوكسي لخ لزمني من قميصي دك بوكسيات اني هم مقصرة وياه فلشت وجهه ثنينه تمالخنه
الناس التمت علينه يردون يوخرونه اني ويا واحد يضرب الخ
ليث* لك خسيس بيك خير خابرت الدوريات كوني ضابط اني فاكدر اسجنه اجتي سياره اخذو لهل الحيوان
امير* لك ادبسززز احترم نفسك بيك خير انته الغلط اني الصح
ليث* دم ع وجهي ضحكت حسابك عسير ياافندري ولله الاخيسك بل السجن اهجم بيتك
امير* اجتي سياره أخذتني خابرت بابا كوتله سويت حادث تعالو ليه الدوريات أخذتني
ليث* اخذو للولد أحس نفسي شايفه بس وين مادري متت بدمي حجزت سيارته ورحت وراه للمركز طبيت لمكتبي مسحت الدم وطلعت اشوف أبو ساره آي هو اجه يحجي وي الشرطي يريد الضابط رجعت لمكتبي معقوله اخو ساره ضحكت ههههههه اتوقع راح ابدي لعبتي وياهم كعدت ع كرسي درت وجهي للحايط خليت كتاب بأيدي عود يابه سويت نفسي اقرى وكذا😂😂
ساره * راح أمير أحس حيصير شي وي ماطلع ربع ساعه خابر أمير لبابا صار وجهي اصفر ذب الجهاز وصاح عباس رائد ورأى أمير مسوي حادث هسه بل السجن اني هنا نتهيت كمت ابجي بحركه مروه تبجي وماما تبجي بقيت ابجي بحركه كوله بسببي اخوي راح بقيت ادك ع نفسي اتهسترت جنت حاسه اكو شي متت بدمي بقيت ابجي فقدت مروه تبجي ولازمتني
أم ساره* بجي سوده عليه وليدي راح يمه ابني خاف تائذه دك ولطم سوده عليه يمه ابني راح اكيد صاير شي الها
ساره* مخليه راسي بي رجليه ابجي بحركه ليش هيج ربي ليش كولشي إلا اخوتي
ليث* جنت كاعد اندك الباب ... تفضل
أبو سارة اني وعباس ورائد * طبينه للضابط. ..السلام عليكم
ليث* وعليكم السلام تفضلو
أبو ساره * حضرت للضابط ابني يمكم احنه مستعدين لئي شي
ليث* طفرت بصياح رج المركز رج !!! الائي شي مستعدين ابنكم تعده عليه ضربني اني ب هيبته والكل ترجف مني يجي ابنك يضربني ماراح اعديها اني الضابط ليث اسئله الدنيا عليه يله تجي وتكولي ابني انته تعرفني اني منو تعرفني لو لا ابنك سجن مؤبد طلعه ماكو اخيسه بل السجن اضافه إلى كعدت عشائر راح تصير
أبو ساره * هدي حضرت الضابط حقك علينه انته وياك حق ابنه غلطان بس طلعه والي تريده يصير اوعدك بهذا الشي رجال وكد كلمتي
؟؟؟؟؟؟ ليث* ابنك ميطلع لمن كعدت عشائر والي أريد يصير بيدي يله ابنك يطلع
رائد وعباس* شنو الي أريد كول هسه
لليث* بضحكه شر ليش مستعجلين راح تعرفون بس اصبر منا لباجر
أبو ساره * قطع الحديث الي تريد يصير بس ابنه يطلع
ليث* اخذ الاريد يله يطلع ابنك تعده ع ضابط مو زعطوط راح ادفعكم الثمن غالي ... هسه انتو ليش مستعجلين مابقى شي لباجر
أبو ساره * انشالله البي خير الك يله نترخص
ليث* مرخوص. ..... طلعو وكعدت ع كرسي ضحكت ضحكه من كلبي ... رحت يم اخو ساره طبيت لكيته كاعد هجم عليه انطيته بوكسي رجعه عليه ضحكت شوف ع هل الراجدي شراح أخذ منك وخليك مثل الكلب تتوسل بيه ونشوف تاليتهم يااااا أمير أفندي
ساره * رجع بابا للبيت وكلنه ع حجي الضابط وبإجر كعد عشائر بقيت ابجي بابا يعني أمير راح يبات بل السجن خاف يضربو
أبو ساره * لا بنتي انشالله البي خير يصير... كولمن راح لغرفته بقيت للليل كوله اتكلب مانمت بالي يم أمير اوووف كوله بسببي لو ماريح يجيب علاج انشالله اموت وهل العملة السوده بقيت ابجي بحركه اباوع لجهال أمير يبجون يردون ابوهم
ليث * رجعت للبيت روحي طالعه حجيت الأبوي كولش بقه يصيح جمعت عمامي ولد عمي شيخ عشيرتنه صار الصبح رحت للمركز شفت اخو ساره خازرني درت وجهي ورحت صار العصر رجعت للبيت
ساره * كاعده بل الطارمه بل المرجوحه سمعت سيارات صحت بابا
ساره* بابا سياره يم بابنه
ابوساره* طلعت وشوف 5 سيارات عرفت المشيه اني موصي ع ولد عمامي وخوتي وشيخ عشيرتنه اجو طببتهم للستقبال
ليث* رحنه يمهم اجه أبو ساره أخوتها طببونه للستقبال
ساره * سوينه جاي ودزينه ومي
ليث* جابونه جاي شربنه بد شيخ عشيرتنه يحجي وي شيخ عشيرتهم طبعن الرئي الي اني شيخهم كال نفصلكم ب فلوس فرت دم بصياح
ليث* شنووووو فلوس اني ضابط بهيبتي وشخصيتي يجي ابنك يضربني الدنيا احركها اخيسه بل السجن ماطلعه انتو تعرفون منو ضابط ليث روح اسئلو ورب الكعبة أفرغ مسدس برأسه ومارحمه
ساره* سمعت حجيهم متت بجي مروه تدك ع وجها سامه صوتها لهاذ اليصيح
ليث* اني الي تعرضت للضرب من ابنك اني الي رئي أريد فصليه
أبو ساره عباس رائد *😲😲 شنو فصليه
الكول *😲😲😲😲😲😲😲 صفنو ع ليث ع قساوسة وغروره
عباس * لك انته شنو كمت عليه لزمته من يأخذه ردت اضربها التمت علينه عمامي وخروني منه
ليث* هاي المره الثانيه اتعرض لهانه أريد فصليه لو ابنكم إعدام
أبو ليث* متعجب بطلب ليث... بابا راجع قرارك الفصليه مادخلها بهاي السالفة كولها
ليث* يابه أخذت قراري فصليه يعني فصليه لو ابنكم إعدام الكم فرصه منا لباجر اذا وافقتو من صبح ابنك يمك
شيخ عشيرة ليث* هذهو القرار ليث فصليه انتهى كولشي
شيخ عشيرة أمير * اسمعونه غيب هل الحجي ماعده فصليه ماعده بنات ماعدنه نهايئه فلوس نفصلكم ونصفي كولشي احنه أهل وحبايب ماكو داعي الفصليه لن الفصليه اذا كان هدر دم الحمدلله الضابط مابي شي
ليث* اوكي بأجر تحضرون ع إعدام أمير يله نترخص
أبو ساره * اوكف ابني مو هيج خليك متفاهم ابني اني ماعندي بنات للفصل منين أجيب
ليث* لا لا لا أفه عمي عليك شلون بشيباتك وكدام ناس تجذب وتكول ماعندي بنات
عباس ورائد * لك انته شمعرفك عدنه بنات فصليه ماعدنا فلوس كولشي ينتهي
ليث* أي هذهو حضرو كبر لبنكم بأجر حتى تجون تاخذون جثته
الكول *😰😰😰😰😟😟😟😱😱😱😲😲😲
يله نترخص طلعنه كولنه ورحنه
أبو ساره * كعدت ع قنفه بقيت ابجي بنتي عزيزتي شلون انطيها أجاني ابن أمير جدو بابا وين زاد نحيبي ونكساري أفقد ابني ايتم ولده لو انطي بنتي الاثنين صعبه
ساره * طبيت ها بابا شكالولك اشوف بابا يبجي أوامره اشوف انكسار بعيونه مهضوم أجيت يمه بابا شكو خوفتيني أمير بي شي اباوع لعباس دمعته بعينه ورائد مخلي أدي ع جه كاعد ع قنفه
بابا شكو شصاير اجتي مروه تبجي
عمو شكو شكالولك أمير بيه شي جهالي يجرجرون بيه بابا وبابا عمو احجي أم ساره طبيت اشوف الكول بجي كلبي نغزني يمه وليدي احجو شكو شصاير
أبو ساره * مسحت دموعي ساره حاضنتني لو يعدم أمير لو ساره فصليه هنا كبت العيطه ساره اسمع لبابا جنت حاضنته وخرت منها صفنت بوجها كمت ابجي بابا أمير شنو يعدمو بابا جهاله يتيتمون بابا كولشي ولا أمير بابا اخوي لا مستحيل أي شي انطي بابا اني خل يعدموني بمكانه فدو بابا اباوع لجهال يبجون يصيحون بابا ماما تبجي وتلطم ع وجها يمه ابني وبتي راحو سوده بوجهي انتبهت انو كالو فصليه
فصليه يعني اني اروح ماكو غيري بجي بابا فدو كوم جيب لمير اني اروح اضحي بحياتي لمير بابا فدو كوم جيبه
أبو ساره* اباوع لساره دموعها تجري مستحيل ترحين انتي بنتي الوحيده شلون هيج اضحي بيج
بابا ابوس ايدك بابا أمير عنده جهال وزجته فدو ولله اني اروح بابا أمير خاف يأذووو كولها بجت ع بجيي
أبو ساره* ماكو غير هذا الحل هذهو راح أخابر الناس
أم ساره * شلون تخابر بتنه هاي
أبو ساره * اباوع لساره فدو بابا شوف جهال أمير يبجون خطيه بابا خابر هم موافقين بكولشي بس خل يطلع أمير
عباس * لا محد يخابر اني اروح بدأل أمير
أبو ساره * لو الولد يقبل اني الي اروح بس هو يريد فصليه
الكول* بحالت صدمه ونهيار حايرين شيسون
و.....
البارت الجاي راح نعرف شنو مصير لساره من راح تعرف ليث الي يريدها فصليه شنو ردت فعله أمير شراح يسوي من يعرف ساره تروح وليث شحيسوي لساره. .. راح تعرفون بل البارت الجاي
بقلمي * رسل الموسوي
تصبحون على خير البارت الجاي راح يكون حمااااس