كانت دخله الشقة بالفستان ووراها اهلها..أول ما فتحت الباب لاقت تلت بنات قاعدين في الشقه.
زينب باستغراب: اي دا انتو مين وبتعملوا اي في شقتي مين دول يا عصام ؟
عصام بجمود: دول مرتاتي اللي قبلك يا زينب ادخلي هعرفك عليهم.
ام زينب بصدمة: اييي ً مراتات مين اي يعصام مش وقت هزارك ده
واحده منهم بسخرية: هزار اي يأم العروسه هو انتي محدش قالك انه متجوز قبل السنيورة بنتك تلاته ؟
زينب بعدم تصديق: عصام قولي انك بتعمل فيا مقلب وانه كل دا كدب في كدب انت بتحبني صح انت وعدتني متزعلنيش ولا تكسرني ف اكيد مش هتيجي في احلى يوم في عمري وتدمر فرحتي ؟
عصام بهدؤء: بصي يا زينب انا مكدبتش عليكي ..انا قولتلك كل حاجه عني وعن حياتي وعن اهلي ..انا بس نسيت اقولك اني متجوز عليكي مش اكتر وبعدين دا شرع ربنا يا حبيبتي
زينب بصريخ: نااااسي اييي هيا دي حاجه تتنسي انت شيطان حرام عليك عملت فيك اي عشان تدبحني بالشكل داا.
ام زينب بقلق علي بنتها: اهدي يا بنتي متعمليش في نفسك كدا عشان واحد ميستهلش زي دا ما تتكلم يا يحيي شوف جوز بنتك.
يحيي بجمود: هو معملش حاجة غلط دا حقه ويلا عشان نسيب العرسان لوحدهم والصبح نبقا نيجي ليها ان شاءلله.
ام زينب بغضب: اي الكلام دا يا راجل انت واعي للي بتقوله دا يلا يا زينب.
يحيي بغضب: انتي مسمعتيش قولت اي يا اعتماد يلا وايلا اقسم بالله هرمي عليكي اليمين.
اعتماد بصت لبنتها بدموع..
زينب حست الدنيا بتلف بيها وقعت مغمي عليها…
عصام بخضة: زينب..
جري شالها بخوف…
بعد شويه…
صحيت زينب لاقت ضرايرها حولين منها…
زينب بتعب: هي امي وابويا راحو فين.
نعيمة بجمود: مشيوا ياختي كنتي مستنيه يباتوا معاكي في ليلة فرحك دي تبقا عيبه في حقكم حتي.
سهير بسخرية: وماله يا نعيمه اهو تبقا تريند العروسة اللي اهلها باتوا معاها ليلة فرحها.
زينب بتعب: انتو عاوزين مني اي انا مش ناقصة نقورة حد منكم فين عصام.
نعيمه بخبث: اصل النهارده ليلة صفا هو اه دخلتك وكل حاجه بس بردو احنا بنحب النظام اوي.
زينب قامت بغضب: ما تحترمي نفسك انا ساكتة لك من بدري اوعا تكوني فكراني لقمة طريه لا يا روحي دا انا اقوم بيكي و ببلدك.
نعيمه بسخرية: بت يا سهير انتي سامعاه اللي انا سمعاه المحروسة بتعلي صوتها عليا و بتهددني كمان.
سهير بخبث: معلش يا نعومة اصلها لسه جديدة ومتعرفش النظام حقك عليا انا يا ست الستات.
زينب بصت ليهم بقرف و خرجت..
زينب بصوت عالي: عصاام انت فيين تعالي لي هنا كون راجل وتعال يا كداب هو انت فاكر بنات الناس لعبة.
عصام خرج من الاوضة بغضب: انتي بتزعقي كدا لي يا بت انتي.
زينب بغضب: طلقني انا مش عاوزة اقعد معاك ولا طايقه اشوف وشك دا.
عصام بجمود: خلصتي طلاق يا حلوة انا مش بطلق ولو عاوزة تعيشي والناس متتكلمش عليكي تكتمي خالص و نعيمه هتوريكي اوضتك وهبقا اشوف لك يوم.
زينب ببرود: خلصت خيالك دا مريض اوي ولو فاكر انك كدا تبقا راجل وهتسجني او هخاف منك تبقا غلطان انا هخلعك وهخلي فضحتك بجلاجل.
عصام مسكها من شعرها: جرا اي يا روح امك هو سكتنا له دخل بحماره ولا اي انا مكنتش عاوز امد ايدي عليكي بس طلما هتزيدي فيها يبقا تتربي تعالي..
جرها علي الاوضة وهي بتصوت: ابعدد ايدك عني يا نااس حد يلحقنيي.
سهير بخبث: يلا بالشفاء يا عروسة كان نفسي اوجب معاك انا كمان بس مكسلة.
صفا بخوف: يا جماعة حرام كدا هي معزورة مينفعش اللي بيحصل دا.
نعيمه بسخرية: يا عيني يامو قلب حنين انتي بقولك يا صفصف خاليكي في حالك عشان تحافظي علي بيتك يا حبيبتي.
في الاوضه..
عصام قلع حزامه ونزل فوقها: بقا بتهزقيني و بتقولي عني انا مش راجلل هاا انا هوريكي هعمل فيكي اييي اما كسحتك ومخلتكيش تعرفي تبصي حتي في المرايا مبقاش عصام.
زينب بدموع والم : والله العظيم انا هسجنك علي اللي بتعمله ااه دراعي حسبي الله ونعم الوكيل فيك.
صفا دخلت جري و وقفت قدامه؛ عشان خاطري سيبها هي حقها تعمل كل دا مكنتش تعرف قلبها مكسور ودي ولية بردو.
عصام رمي الحزام بقرف: هعديها المرة دي بمزاجي لكن تعرفيها النظام ولو قلت ادبها بلاش اقول هعمل فيها اي خاليها مفاجأة.
زينب بدموع وماسكه دراعها: هكلم اهلي وهقولهم هخليهم يتصرفوا معاك.
عصام بسخرية اهل مين يامو اهل ابوكي عارف كل حاجه من الاول ياختي ولو مش مصدقه اساليه قال اهلي دا انتي ابوكي ريل علي الفلوس كدا لما عرف مهرك يابت العيلة الرخيصه.
سابها و خرج وهي دموعها نازلة…
صفا بحنان: اهدي انا مش هعملك حاجه والله تعالي معايا.
زينب بانهيار: وسعي انتي عاوزة مني اي انتي كمان ارحموني انا مأذتش حد فيكم عشان تعملوا فيا كل دا.
صفا جابت ليها مياه: قولي كل اللي يريحك انا معاكي وهسمعك مش عاوزاكي تعتبريني ضرتك اعتبريني صحبتك.
زينب حضنتها و صفا دموعها نزلت: معلش يا حبيبتي معلش حسبي الله ونعم الوكيل في اللي كسر فرحتك و خلي فستانك سبب عذابك.
زينب بكسرة: هو اكيد بيكدب اكيد ابويا مش عارف هو عاوز يوقعني فيهم.
صفا بهدؤء: كل حاجه هتعرفيها تعالي احط لك مرهم هيسكن تعبك خالص انا مجرباه.
زينب باستغراب: هو بيمد ايده عليكي وعليهم ولا اي.
صفا بسخرية حزينه: عادي مش فارقة كتيرة قومي كدا عشان ترتاحي.
سندتها وقامت…
بعد شويه..
صفا كانت بتاكلها بحنان: خدي يلا دي عشان تنامي لك شويه.
دخلت سهير بسخرية: اي دا انتي بتاكليها بنفسك كمان ياعيني يا بنتي يلا اهو لاقيتي اللي يسلي وقتك بدل مانتي متقمصه دور الزعلانه طول الوقت.
صفا بهدؤء: تشكري ممكن بقا تروحي اوضتك وتسبينا في حالنا اكيد عصام راح اوضة نعيمه ماهي ما بتصدق.
سهير بخبث: اه ياختي راح اوضتها اومال هيفضل مستني جنابك وانتي مع السنيورة.
زينب بجمود: اطلعي برا وايلا اقسم بالله هقوم اطلعي قهري كله فيكي.
سهير ببرود: لا والله طب انا عاوزه اشوف غلك دا هيطلع عليا ازاي يلا قومي ووريني.
زينب كانت هتقوم تمسكها صفا بخوف: لا سبيها يا زينب متعمليش عقلك ب عقلها هي متغاظه منك انك احلى منها.
سهير بغيظ: مين دي اللي احلى مني دي كلها صناعي يصفصف ههه اتلم المتعوس علي خايب الرجا.
مشيت ببرود..
زينب بهدؤء: انتي لي بتعملي معايا كدا المفروض تكوني كارهني.
صفا بطيبه: اكرهك لي الكره
من الشيطان وانا مبكرهش حد وبعدين انا بعمل كده عشان انا عشت كل اللي انتي عايشاه دا من سنه تقريبا .
زينب باستغراب: يعني اي انا مش فاهمه حاجه.
صفا بهدؤء: انا كنت يتيمة الام و ابويا جاب لي مرات اب ما صدقت حد يطلبني من ابويا وافقت علي طول بس الفرق بينا اني كنت عارفة موضوع جوازه دا و رموني له ومن وقتها ابدء سجني وعذابي من كل ناحية وخدي بالك سهير و نعيمه دول راس واحدة يعني نعيمه تخطط و سهير تنفذ وفيهم كمية اذى مقولكيش عشان كدا منعتك تقفي في وشها انتي مش قدها يا زينب دول شياطين ماشيين علي الارض.
زينب بهدؤء: لا انا اقدر علي اي حاجه انتي لسه متعرفنيش المهم هو فين عيالكم.
صفا بهدؤء: نعيمه مخلفه بنت ورميها عند امها و سهير مخلفة تؤام بنتين و دول في اخر اوضة جنب المطبخ وانا لسه ربنا مكرمنيش حملت مرة وسقطت بصي من الاخر عصام خلفته كلها بنات و مستني اللي تجيب له الولد.
زينب بجمود: تمم روحي انتي يا صفا و متشكره علي اللي عملتيه معايا.
صفا بطيبه: مفيش شكر بس خدي بالك من نفسك وبلاش تردي لو عاوزة تعيشي.
زينب ببرود: مين قالك اني عاوزة اعيش اصلا انا الصبح ييجي بس و هغور علي بيت اهلي و اشوف حل.
صفا بهدؤء: منصحكيش بس اللي يريحك اعمليه.
مشيت و زينب خدت نفسها و راحت تغير…
مسكت الفستان وجابت مقص وقعدت تقص فيه قطعته حتت ورمته علي الارض…… د
تاني يوم…
زينب كانت قاعده صاحيه مقدرتش تنام طول الليل..
لاقت باب الاوضة حد بيحاول يفتحه..
قامت فتحت ببرود: خير عاوزة اي علي الصبح وليه بتفتحي كدا مش في حاجه اسمها انك تخبطي.
نعيمه بسخرية: دا بيتي يا حبيبتي اعمل فيه اللي انا عاوزاه يلا عشان تحضر لنا الفطار.
زينب بسخرية: ليه الحلوة علي ايدها نقش الحنة ولا انشلت حتي لو انشلتي متخصنيش.
دخلت ورزعت الباب في وشها.
نعيمه بصدمة: يابنت الكلب بقا بتقفلي في وشي انا الباب وحياة امي لوريكي صبرك عليا.
مشيت بغيظ..
بعد شوي الباب خبط..
دخلت اعتماد و يحيي: السلام عليكم يا بنتي هو زينب فين لسه العرسان مصحيوش.
صفا بابتسامة: صحيوا من ساعتين اتفضلو هناديها حالا.
زينب اول ما سمعت صوتهم خرجت جري: ماما الحقيني يا ماما بصي عمل فيا اييي انا جهزت شنطتي و هاجي معاكم.
يحيي بهدؤء: انتي مش هتيجي معانا دا خلاص بقا بيتك اي عاوزة تيجيبلنا العار.
زينب بصدمة: اجيب ليكم العار دا هايني يا بابا دا بات عند ضرتي وسابني و ضربني كمان للدرجة دي انا مش في دماغك.
اعتماد بحزن: حقك عليا يا بنتي غصب عني بس حافظي علي بيتك الناس مبترحمش الست المطلقة.
زينب سكتت بدموع: تمم بس انا من النهارده مليش اهل لانه الاهل اللي يكسروا بنتهم مينفعش يتقال عنهم انهم اهل اصلا.
يحيي بغضب: انتي قليلة الادب وانا معرفتش اربيكي.
وقفت قدامه: ربيني وقولي يعني اي اب يرمي بنته بالشكل ده علشان شويه فلوس وقولي يعني اي اب يشوف بنته متهانه و مضروبة و مكسورة في يوم فرحها وقولي يعني اي اب اصلا.
كف قوي نزل علي وشها من ابوها: اخرسيييي لولا انك ملزومة من راجل كان زماني واكلك نفس العلقة واكتر وأكسرلك ضلع يا اتنين.
زينب بزعيق: برا اطلع برا ومشوفكش هنا تاني.
يحيي اتصدم و بص ل اعتماد: اعتبري بنتك ماتت و ملناش بنات من النهارده يا اعتماد يلا.
اعتماد بجمود: انا مش همشي معاك انا هروح بيت اهلي .
يحيي بغضب: عاوزة تروحي بيتك اهلك؟ هو انتي ليكي اهل اصلا.
اعتماد ببرود: اه ليا وقطع لسان اللي يجيب سيرتهم صحيح انا لغيت التوكيل اللي عملته ليك و رجعت فلوسي لحسابي وبالمره بقي انا عايزة اتطلق وابعتلي ورقتي علي بيت اهلي
يحيي بصدمة: اييييييي
