فستان احمر
" النهاية "
خصلات شعري تتراقص مع الهوى، وكأن يداك ليس ذلك الهواء .
الوان المساحيق اظهرتُ بها بعمر العشرين عندما كانت قلوبنا ترقص رقصة الحُب، انت تغضب
وانا اتقرب اليك بشفاه كرزية ذات لون الاحمر لتقفز عليَّ
قفزة قرش بحر تلقى سمكته التازة ، تأكل شفاهي وصولا لرقبتي تبتعد وتتنهد ثم تنطق" هسه رضيت"
نادوني اليوم بأم العريس وتسائل عنك بين البهجة اجابتهم عيناي بأشارة الى السماء، اتمنى لم ترعبك تلك نظراتي كما كنت تخبرني بأن نظرات عيناي تصيبك الرعب ثم السقوط على الارض!
حنظل وسلطان امامي واحد يأخذ باب الجنة والاخر يأخد الجنة . تمنيتك تقف بجانبي وترى هذا الحب الذي تفوق علينا!
سرتُ بين المركبات وانا اهتف لك بصوت بطيئ
تعالَ يامحبوبي صفق معي بحرارة
تعال واشهد على ماتبقى منكَ
تعال ياحبيبي لنعيدهم الى ماكانوا
ونولدهم مجددا ..
_________________
مرت ايام علية والحلقة ذهبها يلمع بأصبعي اخلّي راسي على المخدة وايدي مرفوعة اعاين الها بعيون كلها حب ومرات اخلعها من مكانها واقرب اسمه المنحوت عليها يم شفايفي واطبع بوسة دافية عليه .
سُلطان يامحلاك ومحلى كلبك وماينذكر طاريه الا ويكون موجود، رن موبايلي ورفعت الخط،
اجاني صوته الي يشبه تغريدة طير الكناري، مليان "ها يالكلهن شلونج يروحي"
جاوبته: سُلطان
سلطان: حبيبي وياك
صعدت كتفي لركبتي ودفيت روحي، مشاعر واحساس حلو: لا تحجي هيج وياي تعذبني تره
همس بصوت مليان خشونة وتهيأ اليه كاعد يدخن: اها هو شني انتي التتعذبين جا غير انا منتهي
جاوبته بصوت انوثي ناعم: حبيبي حبيبي
سحب نفس وكال بغضب كاتم: ربي لا يحرمني منها تدرين ياسة شي؟
ياسمين: شدري؟
سلطان: من تكوليها احس العيد قرب عليّ
ضحكت بصوت ناصي وجاوبته: فدوووة
سلطان: اضيف خبل ووكح ويمج الحساب بعد
ياسمين: معقولة توكح وياية ترضاها بله!
سلطان: كملي سالفتج ويصير خير
ياسمين: شسمه مادري اكول نستعجل بسالفة عقد المحكمة شتكول انت؟
سلطان: يلا بدلي هسه نروح
ضحكت وجاوبته: لاوين هي غير دنيا ليل هسه
سلطان: عمري والله امنيتي نعقد اليوم قبل باجر بس اريد حنظل يكمل امورة علمود نصير سوه
ياسمين: و اي عيني يرجع يسألني عليك القاضي واجاوبه لا ماريدة
جاوبني بغيض: ها ماترديني؟
ضحكت وجاوبته: وين، لعد هي هيج؟
سلطان:لا مو ماتريديني هالله مو هي بكيفج
جاوبته بعناد:لعد بكيف منو؟
سلطان: انت شني فهميني مخلوقة من طينة بس تضوجيني شبيج بابا شبيج
ياسمين: يا شبيك هو انا شكايلة اوي متتحمل شقه
سلطان: هذا الشقه اسمه ادوس ببطنك واطلع كبل
ياسمين: ماعيدها شجاك
سلطان:هيو احبج
ياسمين: هو الخبال شلون يصير شو دوخر عني
سلطان: اها متاكدة اروح؟
ياسمين: لا
سلطان: اي ليش ياسة افندي؟
ياسمين: لان مشتاقتلك عندك اعتراض عيوني سلطان؟
سلطان: واضح وكلش بس سكتي
ياسمين: سلطانوا لك سلطانوا يحوبي
سلطان: يحوبج مو؟
ضحكت وكتله: اروح فدوة للضايج وزعلان ومدري شنو بعد
سلطان: ياسة احبج وماكو ثانية من حياتي تمر عليه وانتي مابيها لاتحرميني من وجودج ابد
ياسمين: احبك حبيبي
سلطان: فدوة حبيبتي جاهزة لزواجنا؟ شو سمعت كله بالسوك
ياسمين: لعد غير اكعدك على الحديدة ياحبيبي
ضحك وكال: انا وفلوسي وكلشي كلنا فدوة الج
ياسمين: سلطان سلطان اشتريت ذهب يجنن
سلطان: هو انتي جوهرة الذهب شتسوين بي!
ياسمين: كااافي لتخجلني وتعاا اصورلك ششتريت
سلطان: صوري ليش لا
نزلت الموبايل رتبت علبة الذهب صورتها ودزيتها اله
رجعت على الخط وجاوبته: ها عمري شفتهم
جاوبني: اكلج شني ولد على المحل واكف
ياسمين : ها اي
سلطان: حلو ومنو وياج راح؟
ياسمين: ثرية ليش شنو ماعجبك
سلطان: لا حلو بس اكول
ياسمين: كول عيني كول
سلطان; بعد من تطلعين وياج واضح؟
ياسمين: كاعده احس اكو كبريت كاعد يشتعل
سحب هوى وذبه بالسماعة، وخرت الموبايل عن اذني ضجت من الصوت كال: ياسة
ياسمين: ماي عيونها يعمري كول!
سلطان: عينج بالكاع ماوصيج بعد
خليت ايدي جوه حنجي وعدلت شعري، جاوبته: اكولك شي؟
سلطان: كولي يعمري
ياسمين: كل زلم الدنيا اشوفهم انت وبس، لا تفكر عيوني تشوف غيرك فاهم؟
سلطان: لجج احبججج
ياسمين: يا فدوة
ضحكنا سويه وهو يتغزل بضحكتي ساعة يشبها بفرحة امه وساعة يكول الكمر من يضوي
الى ان اخذ الجدية وكال: ياسة ياستي ياسة حياتي
ياسمين: ساقها واوراقها لياستك كول
سلطان: تدرين البارحة حلمت بيج؟
ياسمين: شنو حلمت بله،وها لحظة وانا اكول ليش نومتي بارحة مريحة طلعت هاي يمك
سلطان: حلمت عليج ثوب ابيض وورد الاوركيد مزين شعرج ، باوعتلج ونعقد لساني ومن يومها صار لقبي عند الكل ابو عگدة
ضحكت من كل كلبي وانا اكله: لا لا خلاص بموت سلطان شهالحلم
سلطان: فدوة ، جا شلون ادخل بحلمي جا خليج هيج مية هلا شفايدلي ينعكد الساني عليج
ياسمين: شو اسكت زائد تعال ننام؟ ماتعبت اليوم؟
سلطان: الي يسمع صوتج يبقى بي تعب عود؟
ياسمين: وف من سوالفك الماخذة عمري
سلطان: حبيبي نام زين وتغطه ماشي؟
ياسمين: انت هم نام من وكت مو منا ومنا وتغطه زين ولا تاكل هسه تره تسمن
سلطان: لا تخافين عليه خافي على نفسج لايصعد وزنج والبدلة ماتجي عليج وتنذب
ياسمين: وحتى ان سمنت ابقه حلوة واميرة سلطانو
سلطان: اتفق وداعت وجناتج
يلا اروح
تغازلنا وضحكنا على كم موقف وختمناها بأمنيات المنام من خير ومودة!
نمت وانا فرحانة ومرتاحة بعد كل ايام العسر، كعدت الصبح غسلت ونزلت يمهم على السفرة
منجمعين كلنا بشكل دائري يتوسطها عمو كريم، بوسة ايده ومثل عادته يسحبها
ويكول: لا بنتي استغفرلله، الله يفتحها بوجهج
وياخذ اكل بيد ترجف وساعد مو قوي وكأنه الموت بده يتقدم عليه بالعمر
وكلته بيدي يدفع بيدي ويكول" لكمة الج ولكمة الي "
كملنا اكل وهو يدك على ظهري علكيف باوعتله كال: بدلي بنتي، خطيبج يجي ياخذج للسوك
جاوبته وانا متحمسة: يا ماكال البارحة مو صاعدين اتصال الليل كله
ميادة صاحت: ياسمين هها ها
غميت روحي وسحبت نفسي للغرفة وانا خجلانة من عمو كريم، وعلى السرعة بدلت ملابسي ورشيت
عطر، وصرت على اخر انقتي، فتحت الكنتور وفكرت افرحة، اخذت حجابي ولبسته امام المرايا
حبيت افرحة بتلبية طلبة لاگتني ثرية على الدرج: لاتطوخين كلش
جاوبتها وانا اضحك: وداعت ملوكة اخيتج فقيرة وهو افقر منه ماكو تخيلي اطلب منه بوسه يكتبها كتابه من كثر مافقير
ثرية بضحكة وسالفة: لج عليه ياسة كلها فقرة الا انتي
ضربتها على كف ايدها وانا اكلها: ششفتيني ولج اكلج طالعة حلوة لو لا؟
ثرية: روحي توكلي طالعة فلعة كمر
بوستها ونزلت الدرج الى ان اشرت ميادة باتجاه الصالة بمعنى هناك كاعدين، اخذت صينية الكهوة
دخلت وضيفتهم هو والعمو، بدون اي خجل وكف وباسني بجبيني وهو يسأل عن احوالي اذا مرتاحة
استرخص من عدنا عمو كريم وهو تقزب مني وكال: نطلع لو بعدج حييبي؟
جاوبته: غير تبلغني البارحة
مد ايده ولزم ايدي، همس بصوت ناصي: شسوي قابل بيدي كعدت الصبح لكيت كلبي يريدج
بابتسامه ودلع: فدوة هوايه لكلبك الّي اني بي ..
سلطان: صدك حبيبي جيب وياك جنطة جبيرة ماشي؟
جاوبته باستغراب: شلك بيها مبيه حيل
سلطان: مفاجأة ماتحبين المفاجات
ياسمين: هو المشكلة احبهم بس ماحب انتظر فضولية
سلطان:وانا مثلج
خليت ايدي على صدري وسألته:صدك متريك انت؟
اسويلك لكمة عمري؟
سلطان: تعاي تقربي شوية شبيج شاردة لهناك
تقدمت سحبني من خصري غمزلي وقرب راسه اخذ نفس من ركبتي وبعدني عنه، حرك شفايفه
سلطان: هسه شبعت هذا ريوكي نفس منج كافي
تدلعت عليه وانا اكله: اوي وجعتني
حك لحيته وهو يضحك:اشتعلت صفحة امج يياسة
ضحكت بوسته بوجناته ورحت كملت تحضير
جنطتي والى اخره من امور الطلعة المعدلة. رحت للصالة اخذني من ايدي وطلعنا، فتحلي باب السيارة وهو يكول: مدام ياسة تفضلي
صعدنا بالسيارة، وقبل لا نطلع لزم ايدي : احبج وتعاي احزري وين نروح؟
عقجت حواجبي وجاوبته: غير للسوك؟
سلطان: لا نروح لكوفي ثقافي شتكولين نشرب كهوة؟
ياسمين: معندي اشكال بس شلون ادخل كوفي
جاوبني وهو يحرك السيارة: لا حبيبتي هذا عائلي جا شني تخبلت واوديج كوفي كوفي
ياسمين: سلطان تدري مابيه حيل للزواج
سلطان: بيج يعمري هو شنو راح تسوين غير تلبسين البدلة وبس؟
ياسمين:شلون وراية هوسة التحضير وهواي امور متعرفها انت
سلطان: لاتسويلي شي نوري غرفتي بهذا جمالج وطيبة كلبج وحبج اليه وبس!
تحركت بينا السيارة بين مطبات الشارع الارضية وبين جمال الناس بملابس الشتوية
لازمين ايادي بعض يدفون روحهم ويمشون! وصلنا الكوفي دخلنا جناح عائلي وطلبنا القهوة السادة
نفخ مالته بردها واخذ اصبعي كتله باستغراب: شدسوي شبيك
سلطان: احليها بأصبعج يسُكر
ابتسمت ونصيت عيوني على الفنجان مستحية من طريقة كلامة ،عدل كعدته وصفن على جهة
باوعت وين ماصافن لكيته على طفل، اخذت بايده وكتله: ابنا احلى يطلع
ضحك وجاوبني: انا اريد بنوته تشبهج
ياسمين: شتسميها وبعدين ماكو شبيهه اليه وكي؟
ابتسم : اسميها على لقبج ياسة وبعدين اكو وحدة تغار من بنتها؟
ضربته بجبينه: والله عاد بكيفي واي عيني هم تتغزل بيها مو
سلطان: انتي وخلاص
ياسمين:عبالي شحدك بله هالله
سلطان: زين من يجينا ولد عود شتسمي؟
ياسمين: سين ياء
ضحكنا وكال: شنو معناه هذا صدك تحجين
جاوبته وانا مخلية ايدي جوه حنجي: اول حرف من اسمك واسمي سين ياء عود صدك سلطان شنو معنى اسمك
جاوبني وهو يضحك: اول حرف من اسمي سين ويمج الحساب يعني سعادة يعني فرح
وينفخ على اكتافه بشكل المغرور، ضحكنا بعلو صوتنا متناسين كل الي داير مدايرنه !
دفعنا المبلغ وطلعنا متوجهين لاحد المولات الحديثة . جربنا انواع الملابس
وعلى گولته: لبسي وطكي بيها صورة ورجعي بمكانة ..
وعلى هاي الرنة اخذنا هواي ملابس وبغرفة التبديل نلبس ونطك صور وننزع واحنا ميتين ضحك
ياسمين: ها حلو علية؟
سلطان: لاتشترين حبيبتي لبسي طكي صورة رجعي لمكانه تره يسوي مرض اووواااا
ضحكنة بأقوة قوة عدنا وهو يكلي اسم الله لاتشركين
وانا اجاوبة:بقيت اسم الله بقيت دنيا
طلعنا من المول وهو حامل بيده كل الملابس الي لبستهم وعجبني . صعدنا بالسيارة وخابر عمو كريم علمود ارجع
وفعلا من اي جدال بلغته ورجعنا للبيت شكد حلو سلطان ويايه مثل طير لونه ابيض
محلق باعالي السماء ، يومين مرن عليه بغزلة وكلامة الي مايخله من الغيرة والخشونة
وبكل اتصال ويا يزيد عنادي وعصبيتي اكثر! يوم العقد الجوكليت مطعم بالشوكلاته
ومزين بدوائر ملونة يهل على راسي اشبه بقطرات المطر الغاضب .
زيجات وصفكات ثرية اخذت صدى بكل اركان قاعة المحكمة ونظرات مازن الضايجة تتوعد الها
بمصير مليان غيرة حُب
ضحكة ودموع ميادة رادت تموتني موتت محب بعد رحيل محبوبته!
واكفات وحدة جنب الثانية بسير المحكمة و القاضي امامي مرتدي زي العمل القضائي
والابتسامة تشرق على وجهه، سحب نظاراته واخذت مكانها على عيونه وايديه راحت تقلب اوراق حبنا
انا ومعشوقي سُلطان ، سألني بالموافقة وصديقات العمر شبكني من الخصر
وعيوني تقابلت بعيونه الرجولية ، رأيت نفسي بها وكأنها مرايا حياتي وطريقي الابدي .
ها انا ارى بعيونه كيف ترتجف يداي، وجسدي يعزف بحركاته كل معاني القلق منه .
همس عمو كريم بصوت ناصي" نبضات كلبج عالية.
اخذي نفس وارتاحي بنتي لا تترددين ..
عطس بتعب وكال " حزام ظهرج مانكطع بعده موجود "
دموعي نزلت والقاضي كرر عليه طلب الموافقة و انا اكتفيت بنظراتي اله
الكل فز من ضربت القاضي على الميز الا انا وهو استمرينا بتبادل الحُب وسط كل الحضور
مادري منو سألني لكن كان مصدر الصوت من الهيئة القضائية، تحبي؟
وانا اباوعله جاوبت بصوت عالي كُله فخر وفرح
" هه بس احبه؟ اموت عليه!
ضحك الكل وانا ويا مبتسمين "كولي موافقة شنو ماتردين تكونين زوجته؟
الكل يشجعني تركت الكل وتوجهت عليه باسرع خطواتي حضنته وصرخت بأعلى صوتي موافقة ..
ودمعت دموع الفرح وهو همس بصوت رجولي خشن" احبج بروحي"
صفكو بفرح ونعاد السؤال على سلطان، ضحك وهو يحملني على صدرة ودار بيه دورة صغيرة بوسط هيبة القضاء وصرخ اعلى مني موافق ..
تباوسنه من الوجنات و احنا ناسين كلشي
صوت قوي مع ضربة اقوى الصدى تعالى ، وصولا لبائع السكائر في باب المحكمة، اعلنكما زوج وزوجة .
سعادة لاتوصف توقفنا عن الحركة باركنا بعض بجنون!
تبادلنا الحضن ويا الجميع وبعد ساعات التمينا على سفرة يتوسطها نوع من التمور وراشي حلاوته بحلاوة وجناته
واحد يغمس للثاني تمرايه ويخليها بفم الثاني، كلهم راحو بيتهم بسرعة الا هو اخذ بوسة سماها طاقة اليوم .
اجتمعنا انا والبنات كلنا بالغرفة وثرية مافادت وياها عصبية مازن كعدت تصنف عليه" اوي لج شفتيهم شلون يباوعون لبعض؟
ميادة: اي اي ونفس طبعها عود تخجل راحت وذبت روحها على الولد وذاك ماقصر
ثرية: وامه سمعتيها شكالت ، سكتت وضحكن
جاوبتها: شكالت؟
ثرية: لزمت عبايتها وكالت يا البت خفيفة ماتفيد جا هيج!
ضحكنا وكملت: جا يمه يبو بالمحكمة كدام الوادم وحضن جا بالغرفة شتسوي يمه دخيلك ربي وليدي يمك!
طكتها ميادة ضحكة واحنا ضحكنا من كل كلبنا ، ليلة من العمر ماتتعوض ابد ...
غنينا وركصنا . استبدلت هزت الجتف بهزة الشعر طلعت احلى ..
بدلنا انا وثرية الهجع " اهوب اهوب اهوب يمين اهوب " ونردح ردحات شعبية ويامحلاها ..
بدلة العرس يازينتها الحلوة عطر الحُب يفوح منها مثل قوري جاي يفوح منه ريحة الهيل
لبستها وانا احاول اصعد بيها اخفي اكتافي الانثوية الناعمة ، ميادة لبستني الكلادة الملمعة بفضة
ودارتني عليها همست" مليار مبروك اختي وصديقتي ورفيقتي ياسة"
ردت ابوسها بعدتني عنها" لا لا مكياجج يخرب عوفي محنة المباوس
" وضحكنا جتي ثرية مشلها ارداناتها " خايبة دوخري الالوان تخرب جا شني مابوس اخيتي"
ولزمت خدي شلعت ام الباودر، حضنا بعض وتمنينا يتوقف الزمن هنا وخلاص .
كعدني على الكرسي البس حذائي والا ثرية تاخده مني وتكعد تكتب اسمها جواه تكتب
وتحجي" عسى ولعل حنطاوي اسمراني اشكراني، شيخ، ضابط، دكتور "
ضحكنا كلنا وميادة تجاوبها" جا اخوية شنو؟
ثرية: انا اريد واحد ميحجي ويا اي وحدة غيري النوبة يولد بيهن؟ خلاص انتحر علمود
جاوبتها: ثرية تطردين عيون عيونكم فاضحتكم هه، وخرت شعرها لخلف كتفها
" اوي ناشف بس يباوع ويصيح "
ميادة هزت ايدها وانا رجعت حذائي برجلي ونهضت بمساعدتهن وبين ماتجي الزفة تعلمت امشي بكعب عالي
وبكل مرة اوكع يلزمني ويسندني عليهن، هواي احبهن! ومانحس الا ام سُلطان تحتل البيت وتهلهل وتهوس فرحانة بأبنها الكبير
وشكد حلوة فرحة زواج الابن الاكبر! صوت الدك يرن بالشارع بعلو اكثر والصفكات كلها عليه
هوااي تمنيت يايمه ان مسويتي السويتي وزوجتيني بيدج ووكفتي وركصتي بعرسي ...!
معقولة القدر له رأي ثاني! دخل علية بين كل النسوان بكشخته وبدلته النيلي وقميصة الابيض
شعره مرفوع ليفوك على اخر احدث قصة شعر اوربية، عطرة ذوبني قبل وصوله اليه!
باقة ورد بيدة ملونة بورد الجوري نوعية السلطاني، ولما تقرب عليه طبع قُبلته على جبيني وقدمها اليه ،همس بأذني" حبيبتي شنو هذا الكيك
جاوبته " انا الكيك لو انت ، اصلا شنو هيج كاشخ
" امه صاحته ودار وجهه وبيدي رجعته عليه بعصبية: شبيج عمري؟
جاوبته: ما عينك خليها عليه وبس تمام؟
نفخ وبأصبعة مسح وجناتي " شنو تغارين؟ وغمزلي، نصيت راسي ررفعته " اي اغار عندك شكال؟
سلطان: على شنو تغارين غير انتي تارسه عيوني؟
ياسمين: حتى لو الحذر واجب هه
سلطان: اموت بيج
لزمت ايده وجاوبته: خايفة سُلطان!
سلطان: من شنو يعمري؟ فرحي وعيشي هاي اللحظات كلها ، مره وحدة ماتتكرر ثقي!
ياسمين: مادري قلق وخوف، كله من وراك تخوفني
سلطان: ما عاش الي يخوفج حبيبتي غير انتي الروح والريا انا اشاقة وياج من اكلج اكل خصرج بيوم ليلتنا
باوعتله وغمزلي وهو مبتسم، غمازته برزت اكثر وانا عضيت شفايفي وضربته بخفه .
سحبني من ايدي وطلعنا بأتجاه السيارة وعمو كريم على عوجيته لزمني من ايدي وكال: انطيتك وردة اسكيها كل يوم بحبك ابني .
قبلت ايده وجبينه وهو وعده بالمودة طيلة فترة زواجنه!
ركبنا السيارة وبدت الاغاني تعلى اكثر واكثر الى ان طلع من الجامه وهو يركص بكل حيلة فرحان
بيه .
وصلنا الفندق ومن كثر تعبنا أجلنا التصوير لسبعة العرس، فتحلي باب السويت وشالني على ظهري والجرباية تلكتني بدفوها
قفل الباب وتقرب عليه، وويا كل خطوة منه ارجع بجسمي ليورة الى ان نام يمي
وهمس" أحبج ياحبيبة كلبي الاولى والاخيرة"
باوعتله بعيون ذبلانه و اصبعة الابهم يمشي على شفايفي وبكل هدوء اكل شفايفي اشبه بطفل ياكل تفاحة تازة .
تصارعنا بالاحضان وتعاندنا بالنظرات
" سُلطان اريد هوى
وهو يجاوبني بتنفس قبلة الحياة، اطفئ الانارة وتعانقنا كعناق نبات الملفوف . ..
_________________
نتعارك ويصالحني بوكتها، يدعي على نفسه بالموت اذا زعلني وما صالحني بنفس اليوم
يومي مايحلى اذا مو هو موجود . صباح الكيك يكيكتي
جاوبته وانا خجلانه" صباح كريمتي يحلو "
بوسه بالهوى ولوح بأيده بمعنى رايح ياخذ دوش . وانا بملابس سهرة البارحة، فستان قصير ابيض خفيف افتر بي بالمطبخ
ومن شدة البرد اخذت بلوزته ولبستها، زيتون وجبن عرب وشمعة توسطة سفرة الريوك
طلع من الحمام، طك ركبته وصاح خخ ظهري يابوية، همستله " ميته كون ولا اسمع ونين المك يروحي "
ركضتله بحُب ورميت روحي على حضنه الرطب، احبك! جاوبني وهو يتنفس بشعري
"آه ياريحة درابين اهلنا القديمة "
"آه ياطين الله شطيبك وشحلاتك"
باوعتله وضحكت جاوبني بكرصة على خدودي " تره ستوني سابح كعدي راحة" وغمزلي!
وكأنها تحذير عن تصرفاته القادمة ." اووي يعني مايصير اضحك بوجه حبيبي وزوجي"
وانا الوي ايديه على ركبته، بلع ريكه وتحركت تفاحته جاوبني " اها تدلعين عليه ؟
بللت شفايفي بحركة بطيئة وجاوبته بصوت انوثي ناعم " شعندي غيرك، غير انت روحي"
جاوبني" ملو"
ها؟ كال" وتاليها وياج ها؟
سحبني من خصري وعلى الدرج، رفع ركبتي وتنفس بيها بحرارة .
وانا ذبت ويا وصدري نرفع من كثر مانفسه اخذ روحي! بهمس ناعم: آه ، وخر حقير .
بتمتمه جاوبني: حقير ؟شو باوعيلي، وبكل خشونه هجم على شفايفي ووجناتي وايديه تلااوت ويا
ايدي
يعصر بجلد صدري وخاصرتي وايديه لا اراديا تلاعبت ويا روب الحمام مالته وفتحة عقدة الشدة !
على ميز الطعام دفعني من دون ان نقطع القُبل ، وخر مواعين الزيتون ونومني عليه
شعره ينقط مي على جبيني و زيتونه بحلكي خليت وصرنا نلاعبها بيني وبينه بالافواه ..
اكل منها ورجعه اليه بنفخة اكلت منها ورجعتها بدفعة، ومابقى الا البذرة سحبها وذبهه بالصحن ورجع اكلني!
ومافزينا وابتعدنا الا من انكسر الماعون، وخرته عني بهدوء علمود مايضوج ويحسها بمثابة الرفض
همسة"شوية حبيبي! الكزاز تطشر .
ابتعد وفرك شعره، شد الروب ومسح الدم بشفايفي
ملاك: صاير وكح هواي! هه وماتنطي مجال
زياد: عمري يكولون من حبك لاشاك صدك جذب، ضحكة وجاوبته:بلا هسه انت تبوس تتعارك ويا المواعين، تدري هذا الماعون شكد عندة معزة عندي؟
وخر شعره لليمنى وجاوبني بغرور: فدوة اليه هه
ملاك: لابلة الله ينطيني ربع الثقة الي عندك، يعني هسه شجاك ها
زياد: سامع من ينكسر شي يكولون الشر راح، وجوز لصالحج
جاوبته بأستغراب: هو انا شنو يجيني شر بله!
جاوبني وهو ياكل زيتون: وره البوسة شنو يصير؟
كتله: شنو؟
جاوبني: شر،وغمزلي،
دار وجهه وراح للغرفة ...
وانا صحت وراه بين العصبية وبين الضحكة: يابمه شكد لوتي!
جاوبني بصوت عالي: فقير والله فقير
وبسرعة جددت الماعون وناديته على السفرة، يوكلني ويضل يباوعلي ولما اسأله: ليش تباوعلي استحي!
يكول بصوت مليان حنية: اتاكد اللكمة نزلت لو بعدها !
عفصت تفاصيل وجهي وصحت بصوت اقرب للعلو: احبك لك احبك لك احبك
زياد: هه بس تحبيني؟ باوعتله صفح استغل نظراتي وكال: شرأيج اكمل الشر؟
جاوبته: وداعت اختي هاي المرة اكسر مواعين المطبخ كلها!
ضحكنا وكال:شنو رأيج نطلع نروح نتمشى لو اخذج تسجلين بمعهد الموسيقى؟
جاوبته بفرحة: لا لا معقولة صدك تاخذني تسجلني!
جاوبني بأبتسامه: لعد ليش ياعمري انتي مو ردتي تسجلين بالمعهد؟
نهضت من مكاني وانا اسويله" اوي اوي يمه فديتك فديتك اخخخ" وحضنته من ضهره وراسي على راسه
وهو يباوعلي ويكول" بس اوي لا تكوليها اذوب ،اتكهرب!
ضربته بخفه وكتله" عابت، يلا يلا نروح، وفعلا تركنا كلشي وبدلنا
سبقني للسيارة وفتحلي بابها " تفضلي يكوين كلبي"
جاوبته وانا افتح الجامه: اصعد يفارس احلامي"
ضحك وكال: فارس مهلس بدون حصان " ضحكنا وانطلقنا بكل جنون، شغل كاظم الساهر
علمني حبك أن أحزن ..
وأنا محتاج منذ عصور
لامرأة تجعلني أحزن
لامرأة أبكي فوق ذراعيها .
مثل العصفور
قطعت سلسلة غنائه ويا الاغنية: كلها عصافير الا انت
زياد: اها ليش؟ شني ماكل عشاج؟
خليت ايدي على خصري وجاوبته: جا والماعون منو كسرة قبل شوية عصفور لو .. اوف ياحلكي
زياد: وفوفوف كل هذا علمود ماعون لك انا اصيرلج ماعون بعد تطلبيني شي؟
ملاك: زياد زياد
جاوبني وهو يسوق يدور التقاطع: كلب زياد
ملاك: دايمة نبضاته بس اريد اكُلك شي!
باوعلي وكال: غردي عمري، شنو سوك تردين؟
فركت ايديه وجاوبته: احبك . خفف سرعته وصاح: اشتعلو هلي جعل محد يحبني غيرج
جاوبته وانا رافعة ايدي للسماء " ربي اجعله بعين غيري ابليس من الطراز الاول،
باوعلي صفح كتله: كول امين سمعني امين يلا يلا، ابتسم وكال: امين عمي امين
وبعد جدال طويل عن مواضيعنا وصلنا وسجلت بالمعهد ويافرحتي شكبرها
اتذكر انا وصغيرة حلمي اعزف على كيتار ومن قساوة الاهل بتحقيق هذا الحلم ماكعدت وسكتت
ننتظرهم يطلعون وانا وثرية نلزم جدر الباكلة، الفافون الرصاصي المفضل عند امي لان كبير وعميق
وبخاشوكة چاي مذهبة بأصفر و اغمض عيوني واضرب الجدر ضربة خفيفة متخيلته هو الكيتار
واحاول بكل جهد احصل على النوته الموسيقية للكيتار. ..
اباوع على حايط المعهد مرسوم ومطبوع عليه نوتات موسيقية ونجوم بشكل دوائر بلون اسود وأبيض
وفوك كل آلة موسيقية لوحة معينة، هيكل انسان او انسان يتقطر عليه المي!
الى ان دخل المدرب وبدأنا باول جلسة وتعلمت اساسيات الكيتار، لزم الكمان واخذ يعزفنا
مقطوعة من كوكب الشرق ام كلثوم و زياد انتهز الفرصة ولزم ايدي وركصنا واحنا نباوع بعيون بعض
ونبتسم ونردد كلماتها "ياحبيبي انا،
يجاوبني:ياحياتي انا، وبعدها كلنا "كلنا كلنا في الحب سوه "
وأثنى ضهري على عِگس ايده بمثابة السند الية وتكون مشهد من مسلسل تلفزوني رومانسي!
حنحن الاستاذ وسمح النا ان نتجول بالمعهد ونتعرف على باقي الطلبة .
دخلنا قاعات كثيرة الا قاعة وحده جذبتنا ، ولد صغير وكاعد على بيانو ومثل المسند مال المغذي
بطل مي وينقط على راسه ومندمج بهدوء تام يعزف من دون اي تأثير، لما سألنا شنو فائدة المي؟
جاوبنا: لما تكونين مجنونه بالشي راح تبدعين، فلذلك هذا اسمه جنون العزف!
جاوبه زياد: زين ماتمرض الله يخليك؟
جاوبنا: شلون امرض؟ هي الموسيقى علاج لكل مرض صدك تحجي؟
هسه انت امرض أي مرض ولتراجع دكتور، اسمع مقطوعة واسكر بيها واريد اشوف هم تشكي من مرض بساعتها؟
باوعت لزياد وجاوبته: ليش يسكر بيها؟ بمعنى ثاني تقصد غذاء روحي من دون مانحس بيها؟
كال: اكيد مانحس بيها الا واحنا مندمجين ونأشر بأصابعنا ونتخيل العود او الكيتار او الكمان بيدنا ونعزف!
عرض النا مقاطع صغيرة المدة من يصعد المسرح ويعزف والكل تسلطن ويا، بساعتها غمضت عيوني ومن كل كلبي تمنيت يجي يومي واعزف مثلة من دون اي خوف!
ودعنا ورحنا طلعنا من المعهد
زياد: ما جوعانة شوية؟
وخرت شعري لبعد أذني وجاوبته بصوت ناعم: ها انت اذا جوعان اني اي اكيد
زياد: نروح نشرب كهوة لو تاكلين
خليت ايدي على حلكي وسويتله مممم، ابتسم وتقرب مني وبصوت ناصي" لاتكولين هيج ، تره تخسرين"
ايد بأيد ومشينا للمطعم ومثل كل مرة لطافته ساحرتني سحر اخذ الكرسي عليه وفتحلي مجال اكعد وبعدها قدمني على الطاولة اكثر
طلبت عصير برتقال، فرك شواربه وكال: هو اكو برتقال يشرب برتقال، وفوفوفف.
ابتسمت بوجهه وانا اكُله: عمري كافي اخجل، ولويت ركبتي على كتفي "
ماتحمل كلامك، قرب اصابعة وكرص خدودي " اخخ الله فدوة للنازك!
كعد يمي يشربني العصير ويسألني بين رشفة والثانية مو طيب؟ ماحبيتي؟ نبدل المكان!
وانا اجاوبة " عمري اذا بيدك كاعد تشربه اليه اكيد طيب"
وعلى اثر شفتي بالكوب طبع بوسة، ضحكنا وفجأة من اي مقدمات حسيت بدوخة قوية!
لزمت راسي وونيت وكأنه تجرعت جرعة كاملة من السم، والا هو رجع راسي ليورة وفركه اليه ويقرأ عليه ايات من مختلف السور
طلب مني ياخذني للدكتورة ورفضت والا الالم يزداد اكثر واكثر، استسلمت لطلبة ووافقت
قاد السيارة بسرعة اشبه بسرعة غزال! ولما وصلنا حملني على ظهره وفتح باب عيادة الدكتور
وبصوت خشن عالي" فدوة راسها الدكتورة كليلها عليها زياد "
باوعتلها مسكت التلفون علمود تنطي علم الا هو صاح بيها" ركضي يمعودة تتصلين عليها شنو"
ومن خوفها للبنيه راحت ركض لغرفة الدكتورة ودخلتني ورحبت بيه!
راسي وخدي يرجف من خوف او قلق ما اعرف! نومتني على السدية وهي تسألني وتحضر قياس الضغط "
وين الالم ماما بالضبط" بصوت كله خوف " راسي دكتورة راسي " كملت قياس الضغط وابتسمت"
كلشي تمام ماعتقد متعرضة لشي قوي بس صبريلي شوية اهدي وتنفسي لتخافين انا يمج "
وزياد من وراها كمل" ملوكة عمري اريدج سالمة ، يمج لا تخافين!
هدأت وطلبت مني ارفع البلوز استغربنا من طلبها ومن بين الالم رفعته الها مشت السونار ( تاكد منه)
شويه وباوعتلنا كالت: ماعرف شلون اكلكم
زياد جر كرسي وانا نسيت كل الالم وسلطنة وياها" خير دكتورة؟
مسحت دموعي والابتسامة طلعت على وجهه اشبه بطلعة الكمر ! وكالت بصوت مليان بفرحة: مبروك مبروك طفلكم على الطريق! والدوخة طبيعية من البرد
زياد بدهشة: دكتورة ها؟ طفل؟ انا اب؟
ضحكت وصاح: لا يالله واخيرا واخيرا، وكمز عليه ناسي وجود الدكتورة وشبكني بكل قوة وعيونه تدمع من الفرحة!
وانا من فرحتي مصدومة! تركتنا الدكتورة وحيدنا وطلعت والا هو اخذ وجهي مقابيلة وتخالطت دموعنا سويه .
وبين الدموع التقت الالسن كلقاء الانهر وراحت تعزف بهجتها كفرحة اليتامى بحلوى وكعكة مطرزة بالشوكلاته ..
خنكتني " كلمة كلتها وماوكف اعطاني جرعة هوى ورجع بلسانه على فك حلكي حسيته كتب " احبج .
ابتعد عني ونزل على بطني وبصوت خافت هتف" حبيبي بابا، باباتي " وطبع بوسه عليها!
وايديه تمسد شعره وابتسامتي موردة
حركتها ونطقت " أحبكم"
_______________________
ميادة ..
ارجوك سامحني بالغلط نطق الساني بذكر الماضي! راجعت رسالتي مرة ثانية وثالثة وبعدها ارسلتها لك
تمنيت ان احصل على رد منك لأن بُعدك من اخر موقف شلْ كل احوالي!
ما اعطيتني اي اهمية و انا مامليت معقولة العاشك يمل اكيد لا!
وعدت ارسال رسالتي لكن هالمرة نهيتهه بطريقة مختلفة "حبيبي حنظل جاوبني!
ثرية وياسمين ومازن يبتسمون فرحانين بعرسنة وانا كلبي يرجف على بعد حنظل ..
شلون قضيت كل هاي الايام بساعاتهه وثوانيها من دون ماتذكرني!
آخ ياحنظل كلبي مشتاقتلك ، ثرية انتهبت اليه وسألتني " شبيج شو وجهج متعوب صاير شي؟
" ردت اجاوبها وابلغها عنك ردت حل منها يبرد كلبي الصار نار على فركاك
بس ماجاوبت غير سلامتج! باوعتلي بطرف عين وبمعنى احجي! جاوبتها بعصبية" حنظل ماهو ثريه ماهو زعلان عليه"
ابتسمت وتقربت وحضنتني وكالت" حبيبتي حقه تره مو هين يشوف حبيبته تفكر بغيرة بس ولا يهمج وربج يرجع لعد اسألج سؤال هو قابل مرتاح على فركاج"!
دخلت ياسمين وباوعتنا كالت وهي مستغربة: اذا اجتمعن الحبايب خلاص الدنيا خربت"
ثرية اشرتلها بمعنى تكعد يمنا، كعدت وكالت:شنو شبيكم صاير شي؟
بلغتها ثرية ومجرد ماكملت كلامها صفكت ايدها ووجهت وجهي عليها: وحق الي خلقج يرجع وهسه اريد اشوف ياسة شلون ماترجعة، جا هي لعبة شني"
اخذت تلفونها وبكل تهجم حجت ويا زوجها:اسمعني سُلطان تخلي حنظل يرجع لميادة ولا داعتك متشوفني بعد!
وبقوه غلقت الخط بوجهه وعلى وجهه تبدو علامات الانتصار، ضحكنا كلنا على شكلها
اجتمعنا وسدينا الباب وكل وحدة راحت تشارك الثانية بهموهما ، وياسة هزت ايدها وطكت علجها
بقوة وكأنه تهديد لسلطان بوعد جهنمي والا ثرية بين ضحكة وهداوة تحجيلنا بطريقة التسعينات
او الثمانينات هذا الجيل الطيب اليذكرنه بريحة التراب من يتنكع العصرونية !
مشاكسات مازن وياها تزيدها حب وغيرة اكثر، ضايجة من العطر الي يخلي لأن يفوح منه بكل مكان
وانتي شنو شعليج واذا مخلي عطر! جاوبتني; مو عندي حساسية واخاف على روحي
ضحكنا وجاوبتها ياسة: حساسية مو، وغمزتلها
ياسة تبقى رغم كلشي هي الاخت والصديقة الي تعرف كلشي بينا قبل مانحجي!
اندكت الباب وكلنا توجهنا الها اشبه بقطار توم جيري، توم تركض وجيري وراها
فتحت الباب ياسة وصار كدامنه حنظل، آخ حنظل كلبي! من الشوك شهكت وويا شهكتي تعالى صدري وأنخفض وبصوت مليان بركان عصبية"
بسرعة كدامي للسيارة" اباوعله بعيون كلها نظرات حب ، جبينه يصب منه العرك واصابعة تحضن
جكارة من نهايتهه والتعب مبين على تفاصيل وجهه وجسمه جاوبته وين زين انتظرني "
درت وجهي راجعة للبيت ابدل ملابسي بطلعة تليق لمكان عام ومن دون ماحس بسرعة البرق لزمني من ايدي وصاح بنتر:كلت كدامي للسيارة يالسلام
وياسة كالت:يا يا هو هيج شبيك!
وبطبع الامبالاة اخذني للسيارة وركب بمكانه وقاد السيارة بسرعة طائر النوارس!
حاجيته وانا شفايفي يرجفن: حنظل بس اهدأ شكو
ضرب الستيرن وصاح: هسه اهدأ هسه شكو هسه
تسألين مو،
من ضربتيني سجينة بضهري ترددين اسم غيري على السانج، نزلت دمعتي على عصبيته وطريقة كلامه
جاويته: حنظل وداعت حبنا بالغلط سهوا مني طلعت!
صاح رأسا"شش ولا كلمة تحملت بما فيه الكفايه منج ومن الزمن الاغبر " جاوبته
" ومنو كلك انا مرتاحة منو كلك فرحانة ليش تسوي هيج!
سكت عني وكمل الطريق وصلنا للشط ونزلني بعصبية جاوبته:تره كاعد توجعني وخر شو شو .
طبك الباب ودفعني عليه، وبأيده عصر وجناتي وعيوني تراقب حركاته وايدي تدفع بصدره
طبع قبلة فموية من دون رحمة ابدا! بعد عني وهمس باذني شكد تحبيني؟
دمعتي محصورة ببياض عيوني غمضت عيني وتركت الها مجال تنزل بكل راحة، جاوبته: حنظل
جاوبني: عيونه لحنظل
ميادة: كم غيمة بالسماء؟ باوعلهن وكال: خير من الله هواي ليش؟
ميادة: بكد عدد الغيوم الي ماتنتهي احبك!
ايدينا تشابكت ويا بعض ومشينا على حافة الشط، كعدنا ومدينا رجلينا بالمي ونحركهن للشمال والجنوب متناسين كلشي!
والغيوم متجمعة على روسنا ، لزم وجهي وكال: باوعي بعيوني وخلينا ننسى
يوم الحنة ، فستان احمر بارز اعضاء جسمي ومنطيني مظهر انيق وتسريحة شعر بيها كل معاني الانوثة
اسود يخط جفن العين بأيد ياسة . كعدوني على الكرسي وام حنظل كدامي تهلهل وتصفك بحرارة
وياسة تدبج بالنص تهوس "حنوها حنوها ويلا حنوها " وثرية تكرصني من وجناتي وتغني
" شعلومه هذا الحلو من يومه" وبابا كريم فرحان بفرحة اشبه بلقاء يعقوب بأبنه!
عجينة حمرة تفوح منها ريحة طيبة تميل لريحة الاوراق الزكية،
حنو ايديه وغلقوها وشعلوا شموع لون ابيض الا شمعة يميل لونها للبنفسجي وثرية كدامي تهوس وتغني ونسوان المنطقة تصفك وفرحانة .
سهرنا قبل ليلة العرس وودعنا العزوبية ويا ثرية بضحكة وسالفة حلوة مثلها
بليلتها حضنه بعض ونمنى وكل وحدة تمنت للثانية خير اشبه بجمالية اوتار عود السنباطي!
بدلة العرس لون ابيض مطرزة بورد فضي وتاج فضي ملمع بأبيض على راسي .
دخل عليه بأناقة القيصر على احد المسارح العربية ، عطره و مشيته ورزانة رجولته
كُلها زي العسل! مسكني من ايدي وطلعنا نتهامس طول الطريق كلمات الحُب ومن طول البدلة
وراية ثرية اختي وصديقتي وحبيبتي شايلتها وتهلهل!
وبعد مسافة الطريق وصلنا غرفة الفندق وانفتحت ابوابها كدامي مُعطرة بعطر وردة الكاثلين
قفل الباب ومن سرعة شوقنا لبعض واحنا نمشي للسرير تبادلنا القُبل
ومن حرارته وهدوءة وكعت على السرير اشبه بقمر يختفي وينادي الشمس للطلوع!
تقرب عليه تعاركنا وعنادنا بعض واحنا نضحك على كل حلو وُمر مَر علينا!
كعد على بطني ودفن راسه بين ركبتي وصدري همس " آه أحبج يروح الدنيا كُلها "
ابتسمت وبديت اغني حناوي ويا حركاته
" أنا بعشقك أنا، قاطعني وطبع قبلة، ترك لي مجال وكملت انا بعشقك
أنا كُلي لك .. أنا بعشقك ..
نزل على خصري واخذ نفس منه ، صحت آه أنا بعشقك انا انا انا انا بعشقك
ورجع راسه بركبتي واتنفس بي بكل هداوة، وانا اتاوه ويا، يا يامن ملك روحي بهواه
الأمر لك طول الحياة
الماضي لك وبكرة لك و بعده لك
ومن كثر ألم الحب صرخت متناسية كل شيئ!
أنا في سهادي وفي منامي
بندهك وبأسالك
أنا أنا بعشقك ..!
انتهت .
امنيات السلامة ابعثها لقلوب تلك العائلة، اما انتم احبتي القراء التقيكم في رواية جديدة بكل خير قبلاتي على جبينكم .
تحسين لقمان
التوقيع: جسد في بابل
٥ مايو، كورونا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!