رواية فصيلتي يابانيه الفصل السادس 6 - بقلم تغيرت والزمن اذاني

البارت 6

مرت ايام على مينا وكامت تموت على محيسن بس بقت العجوز ماترضى يوميا مشكلة شكل وتكول الا اهججها ما اريدهن بالبيت
وخابرت على اختها مسعدة تجيب بدرية وتجي يمهم الجمعة
اجت العمه كالتلهه ولج نايمه للظهاري كومي نظفي عزلي البيت لو تريدين احنه نخدمج بنت السطل كلتلهه عمه انا متعوده اكعد ب 4 مساءا كل جمعه  كلتلهه جاا خوش كرت عيني ع هل جنه شوفي ولج لطكطكيهن عليه مساءا وصباحا وذهبت وانقلعت لو تجرين عدل لو اسويج وصلة مسح بالبيت اسويج مثل الهايشه كلتلهه شنو هايشه كلتلهه بقرة
اهااا البقرة التي يعبدوها في الهند
لج انهجم بيتج تعبدون البقر
لا الهند
همزين جا انتي مو هندية جان كابلتي زريبة بيت ام راضي
كومي هسة بلا لغوة ساعديني نسوي باجة
شنو هي باجة
باجة يا دادة رجلين الطلي وراسة
صدك ما يعبدون الطليان يمكم
لا اعرف عمة
دكومي عود يابانية وكلشي متعرف اكيد مغشوشة انتي
اوووو ماهزهي الرائحة
رائحتيش دادة هاي الباجة غير
اوووووووووو مستحيل تأكلون اقدامها هي تمشي حافية على الارض
لا تلبس شحاطة طبعا حافية
لا اكل منها مستحيل
دهر فرج جان صراصركم تلبس قنادر
امشي عيني ولا تتعقلين خل ننظفها ونسمطها
كومي افتحي لباب يمكن اجتي مسعدة بسرعة تفترين بالبردة مو انطيتج دشداشة كدري كطيعة ولا يسمعن جلام لا العراقية ولا اليابانية جا منين اجيب بعد جنة من المريخ
من في الباب
انة انة مسعدة افتحوا
يممة هاي منو يحجي ابيت خالتج هيج يا بدرية
شدراني يوووم
اهلا وسهلا بيكم
وتنحني وترجع وهم هم
تعالن دادة مسعدة تعالن انة بالمطبخ
هلة بأخيتي شلونج شخبارج

اوف وينج يبدريه خيه تعالي شوفي حالي جابولي وحده مااعرف كرعة ابوها منين
والله اجت بدريه طبت سلمت كالتله خيه ام محيسن منيلكم هاي الصينيه ام عيون دكم شو اول ما طبيت تنحتلي سبع مرات وكالت يبووو كلتلهه يخيه هاي الجابهه فريهيد عله ع كلبي فصليه داده
وفوكاها احنه النخدم بيهه مثل المطي كلشي ماتعرف تكوليلهه جيبي مي تجيبلج الصونده 
بله انتي شايفه كالتله خيه لعد انتو مو حجيتو وكلتو نريد بنتج لا ام محيسن تاخذين هاي الصوينيه وماتخذين بنت بدريه ...كالتله جا خيه انه لو بيدي مااخذنهه بس انجبرت شسوي كالتله خوش جاا انه بعد مااكدر انطي بنتي اخافن عليهه من هاي الصوينيه تروح تموت بنتي ام العيون الوسيعه
جان ام محيسن تكول بكلبهه جاا عليش هلجذب يبديريه هيه بنتج منو يباوع بجهرتهه زريكه وعيونهه جقل مو زين ابني رضه بيهه
دسكتي دادة وكومي صبيلنا غدة
شنو مسوين
باجة
كومي مينا سوينا ثريد
مريد شنو عمة
مريد المردج وخلصني منج
ثريد جيبي الخبز وخلي بالمواعين
نعم حاضر
هلة هلة منو منورنا اليوم
هلة بيك خالة محيسن شلونك
نحمد الله خالة
شو ماسلمت على بدرية
هلة بيج بدرية شلونج
الحمد الله
يمممممة دشوفها شلون عين وسعية مو مثل بعض عيون مجرورات
يمممة شبيج
مابي شي يمة على اتفاقنة تزوج بدرية اني ما اريد جهال من هاي ام بردة
يممة هاي مرتي وحبابة
جا انة اطلع من البيت وكعد انتة وياها اروح اكعد بالشارع ويصوروني العالم ويفشرون عليك واكلهم طردني من البيت من ورة مرتة الصينية
لج ابوس ايديج يمممة شتردين مني
تزوج بدرية
خوش يممة بعيني اتزوجها وبعد مامش وحدة هم لو بس بدرية
لا بس بدرية
ومينا واكفة تسمع
عمة مردت الخبز
وللحكاية بقية