رواية في احضان الذئاب الفصل الثامن والعشرون 28 - بقلم الكاتبة قمر الجنابي

لاتنسون التصويت فضلا وليس امرا حبايب كلبي⭐

وحـگ الـيوجعني بـكل هـلا متانيـك

حور♤♤

حور....لا ماعندي اهل اني ....وبعد محسيت ع روحي

اول ما فتحت عيوني اذكرت الصار متوقعت هيج راح يكول لقائي ويه اهلي هل كد بارد جنت اتمنى احطهم واضل اعتب عليهم دهر لان هل كد تركوني وحدي بس شيفيد العتب للماعنده احساس

ام ازهار....يمه حور هذول صدك هلج

حور....للاسف اي

ام ازهار....انتي شنو قصتج اشو غريبه عجيبه انتي مو عايشه ويه امج الله يرحمها ويغفرلها وبوج ميت بالحرب جا هذول مين طلعوا

حور.....هيج هذوله طلعوا بالغلط

زينب...يمه دعوفيها شكد فضوليه خطيه هسه هيه وينها وين هل حجي يله حبيبتي نامي وباجر الله يفرجها

كامت زينب فرشتي بالغرفه كبل حطيت راسي ونمت حتى ما سمحلت الروحي افكر بشي

ثاني يوم الصبح كعدت ع صوت زينب تكول....ولج كعدي كعدي مو كتلج باجر الله يفرجها

حور...والله اني غاسله ايدي مستحيل اكو شي راح يفرحني

زينب....باع هاي البطرانه دكومي عدلي كفشتج وشوفي ياهو واكفلج برى

حور....شنو ولج احجي بس لا هذوله رجعوا

كامت زينب جرت البطانيه وجرتني من ايدي وكالت...داكلج كووومي وتعرفين

كمت بسرعه اريد اعرف شكو ومنو هذه الشخص المهم رحت غسلت وجهي ع السريع وعدلت شعري طبعا جنت لابسه من ملابس زينب والمشكله الالوان حتى اسود معدها وكصاف عليه لان هيه ناعمه واني شوي خشنه

طلعت بسرعه اول ما فتحت الباب صار بوجهي ....محمد!!!!!!!

محمد...يروح محمد وكلبه وعمره وحياته

ردت اسد الباب بوجهه كبل حط رجله كتله واني ابجي....ولي ما احبك روووح شعدك اجيت بعد وكت لو باقي بعد لو ادري شلون انطاك كلبك هيج تبعد عني

محمد...ادري حور حقج يعمري اني كلش اسف بس انطيني فرصه اوضحلج كلشي

حور....ما اريد لتوضحلي اي شي لان ماكو شي راح يقنعني وما راح انسى انو انته عفتني وحدي بأصعب ايام بحياتي

محمد....ليش شكو

حور....يي حقك متدري

محمد....ولج شكو ترى كبل من المطار اجيت بوجهي الج حتى لا شفت احد ولا حجيت ويه احد وبعدين شعدج هنا

حور.....شحجيلك ومين ابدي وشيفيد الحجي يمحمد

محمد...بنيتي حبيببي حورايتي روحي لبسي جبه لان ملابسج كصيفه بعدين نتحاسب يله وتعاي وراي بسرعه

حور...فوكاها تتأمر

محمد....اتأمر وغصبا ما عليج شو عفتج جم يوم لسانج طول

بدون ما احجي شي سديت الباب وركضت جوه احس كلبي هيج يفرفر والله مثل الميت وتوه ردتله روحه اول ما طبيت استقبلتني زينب وامها بالف سؤال جوابت بالمختصر المضر

واخذت جبه من زينب وطلعت برى لكيته منتضرني

محمد....ولج لو تدرين شكد مشتاقلج

حور....لو تجمع اشتياقك كله متوصل ذره الي

محمد....يي هذه الحجي قنعي روحج بي هسه عوفينه من دراما وين تردين نروح حتى نكعد نسولف عدل

حور....بكيفك

محمد...امشي البيتكم حتى اسلم ع امج ونكعد نسولف براحتنه

بس كال هل كلمه كبل كمت ابجي

انصدم ومسح دموعي وكال....ليش تبجين كلت شي زعلج تعاي صعدي بسياره خلي نتفاهم اضاهر اكو حجي هواي ما اعرفه

رحت صعدت وهو هم صعد بصفي وحرك السياره وكل شوي يلتفت عليه ويرجع يدور وجهه بدون ميكول شي

حور....ليش محد كلك

محمد...شيكلولي غير افهم

حور....امي ماتت

محمد....شنووو تحجين صدك

حور......يي واني كلش زعلانه منك لان بقيت وحدي بوقت جان لازم انته تكون وياي تسندني وتساعدني

مسح وجهه بتوتر وكال.....الى رحمه الله معقوله اني اخر من يعلم زين شلون سويتوا فاتحه شلون دفنتوها منو ساعدج وين بقيتي كل هل ايام

حور....عمي اتكفل بكلشي وبقيت طول الوقت يم زينب

طبعا مكتله بقيت يم ازهار يومين لان يدري عدها اخوان وبالخص سيف الخبيث اكيد راح يعصب فا كلت اغلس

عصب وكال بنبره حاده....واهلي شنوووو ليش ترحين يم الغريب هذه بيتنه شكده شكبره ومرتي رايحه تفتر بالبيوت

حور....امك جانت ضايجه عليك خطيه ومشوف دربها ما ردت ازودهااا عليهم وبعدين تعال اكلك ترى المفروض اني الي ازعل مو انته

محمد.....ادري حور حقج بس اني هم تبهذلت هناك بالغربه موبايلي باكوا وسيارات طلعن مضروبات وخسرت بيهن خساره جبيره

حور....احجي الحقيقه ما اعتقد هاي الفتره كلها مكدرت تشتري موبايلي

جر حسره وكال....سالفه ممنوعات واحد من الي ميخافون الله حطها بوحده من سيارات الي فروض توصل للعراق وهناك الشرطه اجو عليه لان اني صاحبهن وجيبه ورده ونحكمت مؤبد لو ما ربج طلعني منها

حور.....ما ادري شكول الحمد الله ع كل حال

محمد....حضري نفسج خلال هل الاسبوع زواجنه

حور....شنو محمد يا زواج وامي بعدها كبرها ما نشف

محمد.....شبيج حووور لعد وين تبقين وحدددج لو يم زينب لو تجين يمنه وناس تاكل وجهنه نزوج ونفضها حتلو عرس بسيط ع كدنه

حور.....ها وما كتلك طلع عندي ابو واخت هم

محمد....هاي شنو شجاي تحجين مين طلعوا هذوله او وين جانوا

سولفتله كلشي من البدايه للنهايه هو ضل صافن حتى ما صدكني الا وره ما ضليت احلفله

محمد....معقوله هذه كله صار بغيابي زين شنو من بشر هذوله وين الرحمه عايفين بتهم يدولب بيها الوكت زين هستوهم شالتهم الغيره وجوا بعد ما صرتي مره وراح تزوجين

حور....ما ادري انسى ما احب احجي بهل موضوع

محمد....لا اني الي حديث وياهم لازم اروح وشوفه هذه ابوج وتفاهم وياه زلمه الزلمه

حور....سوي اليعجبك المهم لدخلني ولا اسولفلي

جر ايدي باسها وحطها ع صدره وكال....شوفي كلبي شلون يدكلج بس يشوفج يتخبل

ابتسمت وكتله....واني هم

كام جرني اله حط راسي ع جتفه وأيد حاضني والثانيه يسوق بيها كمت كتله....محمد عيب منا عالم

محمد....بابا دنجبي منو يشوف مضلله هاي وحتلو شافوا انعل ابو الناس غير مريتي شحده اليحجي ويوصلج

ضليت طول الطريق مبتسمه حسيت بأمان وشعور حلو اول مره احس بي شوي وصلنه يم بيتنه كبل كمت وكتله....ليش اجينه لهنا

محمد....اخذي ملابسج والاشياء المهمه التحتاجيها وخلي نروح للبيت

ضليت صافنه صاح بيه وكال...شبيج يله فضيها شتردين قابل اعوفج هنا لو ابيت زينب

سكتت ما حجيت شي نزل من السياره واني هم نزلت ردت اطب التفتتله لكيته منتجي ع السياره ويريد يشغل الجكاره بحلكه كتله بنبره حاده ....محمد

باوعلي ورفع حاجبه وكال ...ها

حور...تعال وياي اخاف وحدي

ابتسم وكال...من اكول طفله محد يصدكني

حور...اكولك اني مجايبه مفاتيح البيت معندك نسخه انته

محمد....يي عدي لحضه

فتح الباب ودخلنه جان البيت اضلم ومثل المهجور كلش يخوف صدك الام شمعة البيت من تروح ينطفي

صعد الدرج واني صعدت وراه احس كلبي انقبض ردت بس الم غراضي شلون مجان واطلع منا وفعلا لميت غراضي بجنطه جبيره وطلعت صار بوجهي محمد اخذ الجنطه مني وصلها للدرج ردت انزل كلي....لحضه

حور....ها

كبل جرني وطاوق خصري بأديه وكال....اريد اكلج

حور...شتاكلني شنو ماكو اكل

محمد...ولج خلي يكون عدج شوية رومانسيه

حور....ما عدي مشاعري معوقه تعذرني

ما حس غير تقرب ع ركبتي وباسني بوسه خفيفه كلبي ضل يدك احس بأنفاسه ع ركبتي ردت ادفعه بس مكدرت ضل مدري شيسوي بركبتي يبوسها مدري يعضها بس وجعني كتله...محمد اخ كافي حباب خلي نطلع

ابتعد عني وكال ....يله راح اعوفج تدلعين عليه هسه اصلا مابقه شي وصيرين كلج مالتي وسوي بيج اليعجبني

ابتسمت وكتله ...ديله امشي خنطلع

طلع واني هم طلعت وتوجهنه البيتهم من وصلنه

محمد نزل الجنطه مالتي وكمش ايدي تفاجئت من حركته بس ما حجيت شي ودخلنه سوه

محمد...حوريتي لتستحين هذه راح يصير بيتج ماشي واني هنا زوجج اريدج تاخذين راحتج ماشي اني هنا امج وابوج وخوج وصديقج وكلشي

حور....ادري او الله ليحرمني منك

دخلنه جوه لكينه اهله كلهم كاعدين حسيتهم تفاجئوا بوجودي بس رحبوا بيه ترحيب لا بأس به

محمد....خلي توديج ريتاج الغرفتها بدلي ورتاحي ونزلي عندي حجي اريد اكوله كدام الكل

اشرتله براسي وصعدت ويه ريتاج الغرفتها

ريتاج....اذا تحبين غيري ملابسج راح انتضرج بره

حور...ماشي

بدلت لبست تراك طويل وعريض لان استحي من اهله بعدني جديده

شويه ودخلت ريتاج باوعتلي وكالت....ولج شنو هذه الازرك بركبتج

رديت بتفاجئ....شنو شنو يا ازرك

ريتاج....روحي شوفي بالمرايه

رحت باوعت للمرايه ونصدمت شفت طكعه زركه بركبتي ضليت اكول بكلبي شنو هاي مين اجتي معقوله متعوره وما ادري بروحي

ريتاج ضحكت وكالت...هذه محمد مو

احس وجهي صار احمر من الخجل كتلها...ليش البوسه هيج اسوي

ريتاج....الله اليعلم يمكن اقوى من البوسه وغمزتلي

حور...عفيه اطيني شال فشله من اهلج

خذت شال منها ونزلنه جوه كعدت بصف ريتاج ومحمد ماكو ووواني مدنكه ومتوتره صدك مستحيه منهم شوي واجه محمد لابس فانيلا وشورت وينشف بشعره بالخاولي اني كبل استحيت ودنكت ولا يكلك راح يصير رجلي

فوكاها هو ضخم لان يلعب حديد واسمر اي بنيه ممكن توكع بحبه واني احس روحي كمت اغار

اجه كعد يمي اني كبل ادنيت باوعلي وهمس...شبيج منكرص ترى

حور...متستحي هيج طالع

ضحك وكال....لا ما استحي اهلي ما ربوني

حور...شنو ردت تكول

محمد...يي ذكرتيني يابه ما دام كلكم موجودين احب اكلكم ان شاء الله واذا الله خلانه طيبين يوم الخميس راح يكون زواجي

ابو محمد....يا خميس قصدك عكب باجر

محمد...يي يابه

الاب....انت تخبلت شنو عكب باجر شلحك نحضر نعزم الوادم

محمد....ميحتاج هو نسوي حفله ع كدنه وهاهيه انتوا تعرفون بضروف حور وامها هستوها متوفيه فا مريد هوسه

الاب....لا هذه كلامك ممقبول ابني الجبير وراح يزوج اريد الدنيا كلها تحجي بعرسه

محمد....يابه اني متهمني الشكليات نسوي عرس ع كدنه وهل نعرفهم ونفضها

ام محمد....يي اني ويه محمد مالنه خلك الهوسه هسه احنى شماخذين الاميره حتى الناس كلها تعرف

محمد.....يمه شنو هل حجي

ام محمد...يله هسه شكلنه لو من هسا تعوف امك وتدافعلها

محمد....يابه هسه صايرين

الاب....يي هاهيه لعد توكلوا ع الله انته التزوج وسوي اليعجبك

مر باقي اليوم بشكل طبيعي ولا شيء يذكر اني بغرفة ريتاج ومحمد طالع واهله من هسه كاموا يحضرون للعرس

لليل واجه محمد دك الباب ودخل باوعلي وكال....تعاي حور اريدج

كمت رحت وراه الغرفته هو دخل واني ضليت واكفه بالباب التفلتي وكال...مدخلين شبيج انسطرتي

حور....لا محمد هسه شيكولون علينه اهلك بعد متلحك

محمد....بابا شبيج اني خطيبج وراح اصير رجلج...اجه عليه جرني من ايدي وسد الباب

كعدني ع الجربايه ردت احجي سبقني وكال....رحت الاهلج

تفاجئت وكتله.....شنو رحت الاهلي وشلون اندليتهم

محمد....مو مهم هسه بس شفت ابوج وحجيت وياه ع حسب الاصور وعزمته ع عرسنه

حور....محمد شبيك شجاي تحجي هذوله مو اهلي لا اعرفهم ولا يعرفوني

محمد....انتي بعدج صغيره ومتعرفين هاي الامور

حور....شنو الماعرفله كلي بله علمني اذا اني ما اعرف

محمد....هذوله اهلج وسندج وشي الوحيد البقالج اني باجر عكبه اموت يصير بيه شي وين ترحين مرجعج بالاصل الهم ترى فا من هسه كسبيهم احسلج وابوج خوش رجال وطلعت اعرفه هم

حور...مين تعرفه

محمد....مراجع يمه وخوش رجال خلوق وطيب ومثقف

حور....ليش هو شيشتغل

محمد....دكتور

حور....هههه وتكلي اهلج سندج واني ابويه ماعرفه شيشتغل وبعدين ما اريدهم يجون العرسنه اوك

محمد....اششش هاي الاصول تكول هيج

ضجت كلش ردت اطلع جرني وكعت بحضنه باوع بعيوني ورجع باوع بشفايفي وكال....اريد اكلج شي ثاني هم

حور...كول

محمد....اريدج تلبسين حجاب منا ورايح ماكو اطلعين هيج

تارة♤♤

تفاجئت من شفت فهد كاتب (تمت بحمد الله خطوبتي من....)

كبل كمت ابجي احس الغيره مثل البركان ونتشعلت بداخلي صح هو كايلي بس متوقعت راح اصير بهل سرعه جان ع الاقل يكلي راح اخطب مو يختفي واعرف خطب من النت

ضليت ابجي حتى راسي كام يوجعني دخلت بتناقض ويه نفسي ساعه اكول ما اريده ساعه اكول احبه ساعه اكول اكرهه وساعه اكول خلي اعوفه وانهي كلشي

لهناك اذكرت من كلي زواجنه حيكون ع الورق وبس احس هل كلمه خففت عني شويه

شويه واجتي رساله من مرام مكتوب بيها...ولج صدك دكتور فهد خطب

قريت الرساله من الاشعارات حتى مالي خلك افتحها وسولف كبل غلقت موبايلي وتغطيت وضليت ابجي ما ادري مين اجيبها سوده مصخمه

للفجر وعيني ما غمضت قررت اليوم ما اداوم احس مزاجي كلش مخربط ومالي خلك دوام

مرت الايام مثل ما هيه وفهد لا يراسلني ولا يجي للجامعه وكم يوم وعرفت ازوج واني من وكتها كارهه روحي جان شعور اكبر مني بهواي واني اشوف الشخص الاحبه وموت عليه اليوم الدخله مالته ع وحده غيري

قررت ابقه قويه مثل ما عودت نفسي وحاول ما اهتم وما ابين ضعفي الاحد لان هو هذه الصح

كعدت الصبح بدلت ولبست احلا شي عندي وحطيت مكياج وكعدت ارسم ايلاينر كنوع من التغير صح طلع اعوج بس حلو

وصلني ابوي للجامعه ودخلت جوه تلكتني مرام سلمت عليها وكعدنه نفتر وبعدها رحنه للنادي لاحضت اكو شخص ما شال عينه عليه ونضراته كلش جريئه ابد ما ارتاحيت حتى مكدرت اكل

مرام...شبيج متاكلين

تارة....بس لدورين وجهج هذه واحد وراج جزعني بس يباوع

مرام...غير انتي اليوم طالعه تخبلين ما شاء الله عيني طلعتيني كسر

تاره...يي لعد شسوي جاي احاول انسي روحي

مرام...يمعوده انتي عليش ضايجه هو مو يحبج وكلج زواجنه ع الورق حتى ينفذ وصية امه

تارة....والله ما ادري احس كلبي ممطمن ابد

مرام...لا انشالله ماكو شي واكلي مالج غرض بهذه شنو اول مره واحد يباوعلج انتي متعوده

تارة...لاعفيه كومينه

مرام....يله اليوم راح اسايرج اكول خطيه

كمنه طلعنه من النادي طلع ورانه هذه الولد نفسه اني كبل مشيت سريع هو صار بوجهي وكال...بس لحضه ممكن

انصدمت من تصرفه كتله....يي تفضل

باوع المرام وكال....بس اريد احاجيج وحدج

مرام...يله تاره اني اروح للمحاصره

جريتها من ايدها همستلي...زحلكي ع طريقتج

باوعتله وكتله...تفضل عيني بسرعه احجي عدي محاضره

رد عليه....بصراحه اني معجب بيج

تارة...شوكت لحكت تنعجب بيه هستوك شفتني

تقرب عليه وكال...يي والله سحرتني نضراتج اذا ممكن تنطيني رقمج شي حتى نتواصل

تارة....لا عيني تعذرني ما اكدر

كام طلع موبايله من جيبه حطه بأيدي وكال...كتبي رقمج ونتفاهم بعدين

ضجت كلش منه رجعتله الموبايل ردت احجي سمعت صوت وراي يكول....تاااره

التفت شفته فهد ومبين عليه معصب