تحميل رواية في قبضة الفهد عشق الابناء بقلم جنات pdf

رواية في قبضة الفهد الجزء الثاني(عشق الابناء)

الفصل الاول

بقلم جنات

•• اولاد فهد وتمارا ••

←زين

- ٢٨ سنه

ـ شخصيته جاده جدااا نفس شخصيه فهد والكل بيعمله الف حساب

ـ بيشتغل فى شركه الفهد

ـ بيحب والدته تمارا وبيسمع نصايحه جداا وقريب من اخته جدااا وبيحترم والده

°°°°°°°°°°°°°°°°°

←زينة

- ٢٦ سنه

- رقيقه وحساسه جداا عكس شخصيته تمارا

- درست طب زى والدتها تمارا وبتشتغل فى مستشفى الفهد بتاعه والده

- قريبه جداا من اسيل بنت خالها حسن وكمان بتحب جنه بنت كنان جدااااا

- مخطوبه لفريد وبتحبه جداا واتعرفت عليه لما والده تعب ودخل المستشفى عندهم

- هى حبيبه الفهد بيحبها جدااا وبيخاف عليها

★★★★★★★★★★★★★★★★★

•• اولاد حسن ومروة ••

←أسر

- ٢٨ سنه

- نفس عمر زين قريبين جدا من بعض وبيتشغلو سوا فى شركه الفهد

- جاد جداا وشخصيته قريبه من الفهد وزين اللى بيشوفهم بيفكره ابن فهد مش حسن

- بيحب زينه بنت فهد بس مش قادر يعترفلها لانها مخطوبه وبتحب خطيبها فريد

°°°°°°°°°°°°°°

←أسيل تؤام اسر

- ٢٨ سنه

- درست فى كليه تجارة وبتشتغل فى شركه الفهد

ـ شخصيتها زى عمتها تماارا قويه وشقيه جداا

- مخطوبه لادهم صديق زين واسر وبيشتغل معاهم فى الشركه

★★★★★★★★★★★★★★★★★

••اولاد كنان ومريم••

←جنة

- ٢٧ سنه

- درست طب وبتشتغل فى مستشفى الفهد مع زينه وقريبين جدا من بعض رغم ان جنه اكبر من زينه بسنتين

- شخصيتها هاديه من الاخر بسكوتايه فى نفسها

- بتحب زين ابن فهد بس محدش يعرف غير البنات

°°°°°°°°°°°°°°°°°

←جميله

- ٢٢ سنه

- فى كليه تجارة وبتدرب فى شركه الفهد

- شخصيتها مرحه جدااا وشقيه زى كنان والدها اللى هى قريبه منه جدااا

- لسانها متبرى منها مش بتعرف تسكت ابداااا

- بتحب ريان ابن راكان

★★★★★★★★★★★★★★★★★

•• اولاد راكان وشروق ••

←ريان

- ٢٦ سنه

- بيشتغل فى شركه الفهد وقريب من زين واسر اللى تقريبا مش بيسيبو بعض

- شخصيته مرحه جدااا بيحب الضحك والهزار

- بيحب جميله بنت كنان

★★★★★★★★★★★★★★★★★

←ادهم

- ٣٠ سنه

- صديق زين واسر وريان هما عاملين زى المربع اللى مينفعش يتخلى عن ضلع فيه

- رتبته رائد وشخصيته جاده جداااا

- وبيشتغل معاهم فى شركه الفهد فى الوقت اللى بيكون معندوش قضايا مهمه

- خطيب اسيل بنت حسن ومروة اتعرف عليها لما اشتغلت فى الشركه بيحبها جداا وبيغير عليها جدااا جداااا

★★★★★★★★★★★★★★★★★

←فريد

- ٣٠ سنه

- خطيب زينه بنت فهد

- عنده شركه للهندسه المعماريه

- اتعرف على زينه لما والده تعب ودخل المستشفى وهى كانت مسؤله عنه وهناك شافها واتعرفو على بعض واتقدمها ورغم اعتراض فهد عليه الا انه وافق لان زينه بتحبه

الفصل الاول

في قبضة الفهد

الأبناء ج2

جنات

1/2

روايه فى قبضة الفهد الجزء التانى

﴿عشق الابناء﴾

««الفصل الاول نتعرف اكتر على ابطالنا»»

بعد مرور اكتر من ٢٠ سنه على ابطالنا اللى كانو عايشين حياه سعيده جدااا تعالو نعرف سوااا ايه اللى حصل فى الوقت ده مع ابطالنا الحلوين

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←فهد وتمارا

- اللى كانو عايشين حياه مافيش اروع منها حياه طبيعيه زى اللى كانت بتتمناها تمارا اللى كانت بتحب اولادها جدااا وبتهتم بيهم جدااا

- فهد اللى كان مهتم جدا بشركته شركه الفهد وكبرها وبقي ليها اكتب من فرع جوا وبرا مصر

- تماارا اللى كانت بتشتغل فى المستشفى لحد مازينه كبرت ودخلت طب عشان تكمل مسيرة والدتها فى المستشفى قررت وقتها تماارا برغم النجاح اللى حققته فى شغلها الا انها فضلت تتفرغ للبيت والاولاد ومع مرور كل السنين دى لسه تماارا بنفس قوتها وشقاوتها مش بتتغير ابداا

- ورغم ان فهد مشغول فى شركته وتماارا فى المستشفى او البيت بس حبهم عمره ماقل بل بالعكس بيزيد اكتر واكتر

- زين بقي ابنهم الاول اللى نسخه مصغره من الفهد فى كل حاجه جاد جداا وعنده برود رهيب ومش من السهل انه يبين مشاعره مع اى حد طبعاا باستثناء تمارا اللى بيحبها وقريب جداا منهااا وبيسمع نصايحه وبيعمل بيها جدااا واخته زينه اللى بيخاف عليها من الهوااا

درس ادارة اعمال ومسك ادارة شركه الفهد وكان ليه فضل كبير جدااا فى نجاحها عالمياا

- اما بقي زينه دلوعه الفهد وزين قمه فى رقه والهدوء عكس والدتها تماارا الشقيه درست طب عشان تكون دكتورة ناجحه زى والدتهاا وكانت بتدرب فى المستشفى وهى بتدرس ولما اتخرجت اشتغلت فى مستشفى الفهد وبقت دكتورة جراحه ناجحه جداا في مجالها

اتعرفت على خطيبها فريد لما والده دخل المستشفى عندها وهى كانت مسؤله عن حالته اعجبت بيه وهو كمان اعترفلها بحبه واتقدملهاا والفهد كان معترض فى الاول بس مع اصرار زينه وافق عليه ومخطوبين بقالهم ٦ شهور

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←حسن ومروة

اللى حياتهم كانت ولا اروع من كدا حبهم بيزيد لبعض وحسن اللى ندم انه مختارش مروة من الاول بس بيحمد ربنا دايماا انه فى الاخر بقت من نصيبه

-فهد طلب من حسن يشتغل معاه فى الشركه وحسن وقتها كان رافض فاقترح عليه فهد امه يبيع بيتهم ومحله ويكون شريك فى الشركه بفلوسهم ووقتها تماارا ومروة اقنعو حسن وهو وافق وبقس شريك مع فهد فى الشركه واللى تقريبا بقي قريب جداا من فهد وكنان وراكان ورفقتهم حلوة جداا

-مروة اللى بعد وفاه والدتها فاطمه وزينب والده مريم وبقت تهتم بالبيت جداا لان تماارا ومريم وشروق كانو بيشتغلوو وقتهاا وفى الوقت الحالى بقو كلهم سواا بيهتمو بالبيت

نيجى بقي لتؤام ولادهم

- اسر اللى شخصيته قريبه جدا من فهد وزين لدرجه اللى بيشوفهم بيقول ان ابن الفهد درس ادارة اعمال مع زين ومسك معاه ادارة الشركه وكان ليه فضل مع زين فى نجاح الشركه وحسن وفهد كانو فخورين جداا بيهم

اسر بيحب زينه جدااا والشباب والفهد وحسن عارفين بس طبعاا هى بتحب خطيبهاا فريد

- اما بقي اسيل اللى نسخه من عمتها تماارا فى قوتها وشقاوتهااا درست تجارة زى والدتها مروة ولما اتخرجت اشتغلت محاسبه فى الشركه ونجحت جداا فى شغلها والفهد خلاها تتولى منصب مديرة الحسابات فى الشركه وفهد وحسن عندهم ثقه كبيرة جداا فيهاا

قريبه اوى من زينه وجنه

مخطوبه لادهم صديق زين واسر اتعرفت عليه لما اشتغلت فى الشركه وحبو بعض وادهم اتقدملها ولان طبعاا العيله كلها عرفان وحسن وافق وكان فرحان ان بنته هتتجوز راجل بمعنى الكلمه هيشيلها فى عيونه وقلبه لانه عارف حبه الكبير ليهااا

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←كنان ومريم

اللى علاقتهم كانت حلوة جدااا

- كنان بيشتغل مع الفهد وصداقتهم حلوة جدااا

- مريم اللى نجحت جداا فى شغلها فى المستشفى مع تماارا بس قررت تعمل زى تمارا وتتفرغ للبيت والاولاد وطبعاا صداقتها هى تماارا مش محتاجين نتكلم عنهااا

بناتهم بقي

- جنه بنتهم الكبيرة بسكوتايه فى نفسها جدااا زى مامتها مريم حبيبه ابوهااا ودلوعته درست طب من شده حبها لولادتها وانها عايزة تكون زيها فى كل حاجه حتى فى نجاحها فى شغلهاا

دكتورة جراحه مع زينه والاتنين اثبتو نفسهم فى شغلهم جداا وبقو من اهم الدكانرة الموجودين فى المستشفى

بتحب زين ابن الفهد بس محدش يعرف غير البنات

- جميلة بنتهم الصغيرة الشقيه ام لسان طويل زى مابيسميها الكل بتدرس فى كليه تجارة وبتدرب فى شركه الفهد مع اسيل

بتحب ريان ابن راكان وشروق

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←راكان وشروق

علاقتهم كانت حلوة جدااا وطبعاا مخلتيش من جنان وشقاوة شروق

- راكان طبعااا كان بيشتغل مع فهد وكنان وحسن وصداقتهم حلوة جدااا

- شروق اللى كانت نفسها تجيب اطفال كمان بعد ريان بس ربنا مارادش وكانت زعلانه جداا والموضوع ده كان مأثرة عليها وراكان طلب منها تنزل تشتغل فى الشركه وكانت سكرتيرة الخاصه لراكان ومع مرور الوقت نست شروق موضوع الخلفه وطبعاا كانت مجننه راكان بس هو بيعشق جنانهااا ده

- ريان ابنهم الوحيد شخصيته مرحه جدااا زى مامته وقريب جدا منها وبيحترم والده جدااا درس ادارة اعمال لان دى كانت رغبه والده عشان يشتغل فى الشركه مع الشباب وبالفعل نجح جداا واثبت نفسه فى وقت قصير انه يستاهل يكون من فريق ادارة الشركه

بيحب جميله من وهما صغيرين وطبعااا قال لمامته والده وعرف كنان ومريم عشان مايكونش بيعمل حاجه من وراهم

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←اما بقي ادهم خطيب اسيل

والده متوفى وعايشه مع والدته فى الفيلا بتاعتهم

درس فى كليه الشرطه واتخرج منها بجدارة وكان بيطلع مهمات صعبه وبيمسك قضايا مهمه ونجح جداا فى كل ده وفضل يترقى لحد مابقي سياده الرائد ادهم

اتعرف على زين واسر وريان من خلال احد القضايا كان احد المنافسي شركه الفهد رفع عليهم قضيه بانهم بيدخلو الممنوعات وادهم وقتها كان ماسك القضيه واتعرف على الشباب ومن وقتها وهما اصدقاء وكمان دخل بفلوس والده وفلوسه وبقي شريك معاهم فى شركه الفهد

وهناك اتعرف على اسيل واعجب بيها وبقوتها واعترفلها بحبه وهى كانت معجبه بيه بردو وراح اتقدملها وحسن واسر رحبو جدااا بيه لانهم عارفينه كويس ومخطوبين بقالهم سنه

وبيغير عليها جداا ومن كل حاجه حتى الهوا اللى حوليه

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

←فريد خطيب زينه

شخصيته جاده جدااا وغامض اوى

عايش مع والده والدته درس فى كليه هندسه ومسؤل عن شركه والده لهندسه المعماريه

واتعرف على زينه لما والده تعب ودخل المستشفى ووقتها كانت زينه هى اللى عملتله العمليه وكانت مسئوله عن حالته وقتها اعجب بيها وطلب منها انه يتقدملهاا وزينه فرحت جدااا لانها كانت معجبه بيه واتسنى لما والده خرج من المستشفى وراحو قصر الفهد واتقدملها ووقتها فهد كان معترض جدااا لانه كان شايف ان فريد شخصيه غامضه جداا والسبب الاهم انه كان نفسه زينه تكون من نصيب اسر لانه عارف هو بيحبها اد ايه بس مع اصرار زينه وتماارا اقنعته ان دى حياتها ومن حقها تختار شريك حياتها وقتها وافق على خطوبه بس ورفض طلب فريد انه يعمل خطوبه وكتب كتاب مع بعض

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

- الفهد وحسن وكنان وراكان رفقتهم وصداقتهم حلوة جدااا

- تمارا ومريم ومروة وشروق زى الاخوات وبهتمو بالقصر سواا

- اما بقي الشباب زين واسر وريان وادهم مع بعض جدااااا زى اضلاع المربع اللى مينفعش يتخلى عن ضلع فيهم

لكن محدش فيهم بيحب فريد

- البنات بقي جنه وزينه واسيل وجميله دول حلويات القصر وهما اللى عاملين ليه حس وطعم بشقاوتهم

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

فهد بعد الاولاد والبنات ماكبرو قرر يشترى قصر اكبر عشان يعيشو كلهم سوااا وطبعاا بلون الابيض زى ماتماراا بتحب وكان كبير جدااا وااسع وليها جنينه كبيرة وبحمام سباحه كبير

اول ماندخل من باب القصر بيكون فى مدخل كبييير وواسع والسلم اللى بيطلع على الدور التانى وتالت

الدور الاول بيكون فيه ريسبشن كبير مع سفره طويله وحواليها كراسي كتير عشان الكل بيتجمعو كل يوم على الاكل

وكمان فيه مطبخ كبير عشان الماميز يبدعو فى الوصفات والاكلات اللى الكل بيعشقهاا من ايديهم

وكمان فى غرفه مكتب كبيرة عشان يجتمع فيها الكبار والشباب لمناقشه شغلهم

وفى اوضه الخدم اللى بيساعدو الماميز فى امور القصر

نطلع بقي لدور التانى اللى فيه اوض فهد وحسن وكنان وراكان مع زوجاتهم

وكمان اوضه البنات اسيل وزينه وجنه وجميله

وبرغم ان كل واحده فيهم ليها اوضه لكن كلهم بيتجمعو فى اوضه واحده فى نفس الدور الاوضه دى كانت فاضيه البنات طلبو من الفهد اللى مش بيرفض ليهم طلب انهم ياخدو الاوضه دى ويصمموها زى ماهما عايزين والفهد طبعااا وافق والبنات عملوها اوضه للقراءه عملو فيها مكتبه كبيرة فيها روايات كتييير جدااا اللى هما بيحبو يقرؤها دايماااا مع بعض وفيها سرير صغير

نطلع بقي لدور التالت اللى خاص بالشباب فيه جناح لكل شاب منهم واسع جدااا وزين كان اخد اكبر جناح فيهم وكان جناحه فيه بلكونه كبيرة وكل جناح فيه اوضه النوم والحمام واوضه دريسنج روم (اوضه اللبس)

والدور التالت كمان فى جيم كبير لان الشباب بيحبو يلعبو رياضه كل يوم تقريبااا

اما بقي اخر دور وهو السطح البنات جهزوه على مزاجهم وبيقضو اكتر وقتهم فيه وخصوصاا المرجيحه الكبيرة اللى بيقعدو كلهم عليها مع بعض ووقتهم مش بيخلى من هزارهم وضحكهم وشقاوتهم

الجزء الثاني من هنا

اشرقت شمس يوم جديد على قصر ابطالنا

تمارا ومريم فى المطبخ بيحضرو الفطار زى كل يوم

مروة دخلت هى وشروق

مريم:كدا كل حاجه جاهزة الولاد صحو

مروة:انا صحيت اسر وهو هيصحى زين وريان

تمارا:طب البنات

شروق:روحت اصحى جميله عشان هى اللى هتعرف تصحيهم ماكنتش فى اوضتها نايمين فى اوضه الروايات

مريم:اكيد نامو فى اوضه الروايات

تمارا ضحكت:مع ان كل واحده عندها اوضتها بس بيحبو ينامو سوا

مروة:مش عارفه بينامو على السرير ده ازاى

تمارا:انا شوفتهم قبل كدا بينامو فى حضن بعض بيبقي شكلهم قمر

مريم:ربنا يبارك فيهم هما والشباب

الكل:يارب

تمارا نادت على الخدم يخرجو الاكل وبصت لبنات:هطلع اصحى فهد وانتو عرفوهم ان الفطار جاهز

الكل:حاضر

===========================

فى اوضه الفهد تمارا دخلت كان وافق قدام المرايه بصلها وابتسم وهى دخلت جوا حضنه

تمارا:صباح الخير

فهد باس راسها:صباح الجمال

تمارا بصلته:انا فكرتك لسه نايم

فهد:بدام انتى قومتى من جمبى مستحيل اعرف انام

تمارا:حتى بعد كل السنين اللى عدت علينا مش هتتغير ابدااا بردو

فهد:مقدرش انام بعيد عن حضنك ابدااا

تمارا:ربنا يخليك لينا ياحبيبي

فهد:ويباركلى فيكو

تمارا:طب يلا ننزل الفطار جاهز

فهد:يلا

===========================

فى اوضه حسن مروة دخلت ماكنش حسن موجود سمعت صوت فى اوضه اللبس دخلت كان حسن بيلبس الجاكت بتاعه

مروة:صباح الخير

حسن لف وشافها ابتسم:صباح الحلاوة

مروة قربت منه وحسن باس راسها:الفطار جاهز ياحبيبي

حسن:وانا خلاص خلصت اهو

مروة:طب يلا ننزل

مروة لسه هتمشي حسن شدها لحضنه ومروة ضحكت:زى كل يوم

حسن:لازم احضنك عشان احس انك معايا فى حياتى ياحياتى

مروة:انا بحمد ربنا انك معايا ياحسن ربنا يخليك لينا

حسن باس راسها:انا اللى بشكر ربنا كل يوم انه عوضنى بيكى

مروة ضحكت:طب ممكن ننزل بقي

حسن:يلا

=========================

فى اوضه كنان مريم دخلت وسمعت صوت ميا فى الحمام خبطت عليه:كنان يلا عشان الفطار

بعد شويا خرج كنان:صباح الخير ياقمرى

مريم:صباح النور ياحبيبي

كنان:الكل نزلو ولا ايه

مريم:لا لسه بس الفطار جهز

كنان:الحلويات بتاعتى لسه نايمين ولا ايه

مريم:شروق صحيتهم

كنان قرب منها وحضنها:انا ربنا رزقنى باحلى حلويات

مريم ضحكت:ماشي يابو الحلويات ممكن تلبس عشان منتاخرش عليهم

كنان:من عيونى ياام الحلويات

كنان لبس ونزل هو ومريم

============================

فى اوضه راكان دخلت شروق كان لسه نايم

شروق:ياراكان قوم بقي

راكان:شويا وهقوم روحى حضرى الفطار

شروق:الفطار جهز خلاص ياراكان قوم بقي

راكان:هقوم اهو

شروق:حااااضر انا هنزل بقي واقول للفهد انك لسه نايم او هقوله انك مش عايز تروح الشغل النهارده

راكان قام قعد بسرعه وشروق ضحكت عليها

راكان بصلها وابتسم:مش هتبطلى جنانك ده

شروق قعدت فى حضنه:صباح الخير ياحبيبي

راكان:صباح الجنان يامجنونتى

شروق:يلا قوم بقي خد شاور على السريع والبس عشان منتاخرش عليهم

راكان باسها من خدها:حاضر ياشوشو

راكان دخل الحمام وشروق حضرتله هدومه وخرج لبس ونزلو

===========================

فى اوضه الروايات البنات كانو صحوو

جميله:صباح الفل على عيون احلى حلويات

البنات ضحكو:صباح الجمال

اسيل:يلا نروح نلبس عشان منتاخرش على الفطار

زينه:انا نفسي انام كمان شويا

اسيل:احنا قولنا بلاش قراءة روايات غير فى الاجازة

جميله:على اساس انتى مقراتيش معانا

اسيل:بصراحه الروايات الجديده دى تحفه

زينه:هنكمل بليل

الكل:اكيييييييييييد

جميله: يلا عشان نلبس

البنات لبسو الاسدالات عشان يخرجوو وكل واحده راحت على اوضتها لبسو واتقابلو ونزلوو سواا

===========================

الكل كان متجمع حولين السفره ماعدا الشباب والبنات

فهد قاعد على راس السفره وعلى يمينه تمارا وجمبها حسن ومروة وشروق وراكان وعلى شماله كنان ومريم

فهد:اومال فين الشباب والبنات

البنات نازلين من على السلم:احنا جينااا صباح الحلويات

الكل ضحك عليهم:صباح الخير

والبنات قربو من الكل زى كل يوم باسو خدهم وكل واحده قعدت مكانها جمب بعض جمب مريم

حسن:هما الشباب لسه نايمين

مروة:انا قولت لاسر يصحيهم

اسر نازل من على السلم:وانا صحيتهم ياست الكل...صباح الخير

الكل:صباح الخير

اسر قعد مكانه جمب راكان وطبعا عينه جت على زينه اللى بيعشقها بس بعد نظره عنها تانى

ريان نزل:صباح الجمال والحلويات على احلى عيله فيكى يابلد

الكل:صباح الخير

راكان:يعنى هتجيب الجنان منين

شروق:نعم ياراكان بتقول حاجه

راكان:كل خير ياحبيبتى والله

ريان قعد مكانه جمب اسر:صعبت عليا والله ياحاج

راكان:اخرس خالص

تمارا:اسر هو زين لسه نايم

اسر:لا ياتوتا صحى وجهز كمان

زين نازل من على السلم بكل هيبته:صباح الخير

الكل:صباح الخير

زين باس راس تمارا:صباح الخير ياتوتا

تمارا:صباح الخير ياحبيبي

زين راح قعد مكانه جمب ريان

الكل بدأو يفطرو

زينه بتتاوب تمارا بصلتها وضحكت:مش عارفه انتو وراكو شغل مش بتنامو بدرى ليه

جميله:احنا قولنا هنقرا شويا ونروح ننام بس طولنا فى القراءة ونمنا مش حسينا بحاجه

مريم:احنا المفروض كنا عملنا ليكو اوضه فيها ٤ سراير بدل مانتو نايمين فوق بعض فى السرير الصغير ده

اسيل:يامريومه احنا عودنا فرنساوى اصلاا بنام جمب بعض مرتاحين متخافوش عليا

راكان:فرنساوى

جميله:اه ونبي ياعمو هو مش باين ولا ايه

ريان:والله مانا عارف انتو بتودو الاكل اللى بتاكلو ده فين

جميله:مين ده هو احنا بناكل اصلاا

ريان:لا ونبي اومال الصنيه اللى كانت جيالكو الاوضه ومليانه شيبسي وشوكلتات وفشار ومكسرات اييييه كل ده مش بتاكلو

اسيل بصت للبنات:الواد ده هبيقر علينا ولا ايه

جميله:شكلها كدا يااوختى ربنا يستر علينا

اسيل بصت لمروة:ونبي ياحاجه ابقي بخرينا يوم الخميس

مريم ضحكت:هى البت دى بنتك يامروة

مروة:والله مانا عارفه

كنان:اللى يشوف اسيل يفكرها بنت تمارا مش بنتك يامروة

اسيل بعتت بوسه فى الهوا لتماارا:حبيبتى ياتوتا

تمارا:قلب توتا من جوااا....دى قلب عمتهاا دى

راكان:انا من رايي تبدلى انتى ومروة

حسن:يبدلو ايه

راكان:تمارا تاخد اسيل ومروة تاخد زينه

حسن:انا اطول القمر دى تبقي بنتى

زينه:حبيبي ياخالو

اسيل:ايه هو ده وانا كيس جوافه حضرتك

اسر:استلم بقى ياحاج

حسن:دى انتى قلبي ياسولااا

اسيل:ايواا كدا

حسن:طب مانتو عندكو جميله مين يصدق انها بنت مريم

تماارا:بس بنت كنان

كنان:قصدك ايه بقي

تمارا:قصدى مجنونه زى ابوهااا عندك اعتراض

راكان:اعترض لو تقدر بقي

كنان:انا عندى جميله مجنونه وجنه مافيش فى رقتهاا وهاديه اهى قاعده تاكل ملهاش دعوة بالعيال دى

جميله:مين دى اللى هاديه حضرتك تعالى شوفها كدا وهى معانا اكتر واحده مجنونه فينا

زينه حضنت جنه:دى جنه دى قمرايه العيله

جنه:حبيبتى يازينوو

ريان بص لاسر وزين:مانت عندك اسر وزين ولا كانهم موجودين اصلااا معانا

راكان:طب حط لسانك جوا بوقك عشان ميحصلش فيك زى كل مرة

جميله:بيحصله ايه

ريان:انتى مابتصدقى عشان تشمتى فيا ولا ايه

جميله:وانا اقدر بردو

اسر:دانتى ملاك

تمارا:زينه وجنه وراكو شغل كتير النهارده

زينه:لا ياماما النهارده هنمر على الحالات مش اكتر

جنه:انا عندى عمليه ياتوتا

فهد:حسن خد معاك كنان وراكان واحضرو الاجتماع

حسن:انت مش هتحضر ولا ايه

فهد:لا خلصو انتو كل حاجه عندى مشوار مهم

كنان:تمام

زين:احنا لازم نمشي بردوو

الشباب قامو

اسيل:خدنى معاك يااسر

ريان:هتيجى معانا ياجميله

جميله:عندى محاضرة هحضرها واجى الشركه

ريان:ابقي كلمينى اجى اخدك

جميله:حاضر

الكل خرجوو على شغلهم والماميز دخلو المطبخ عشان يحضرو الغدااا

===========================

فى الشركه ادهم راح على مكتب زين وسال السكرتيرة وعرف ان لسه محدش منهم وصل

وقالها لما اسيل توصل تقولها تروحله المكتب وراح على مكتبه

بعد شويا كلهم وصلوو والسكرتيرة قالت لاسيل اللى فرحت لما عرفت ان ادهم موجود لانه كان فى مهمه بقاله اسبوع مش بتشوفه وراحت على مكتبه وخبطت

ادهم:اتفضل

اسيل:حمدلله على السلامه ياسياده الرائد مش تقولنا انك جاى كنا فرشنا الشركه ورد

ادهم ضحك:اوعدك لما اطلع المهمه الجايه هابقي اقولك قبل مااجى عشان تفرشيها ورد

اسيل قعدت على الكرسي قدام المكتب:اخبارك ايه

ادهم:كويس جدااا

اسيل:مانا عارفه

ادهم:عارفه ازاى يعنى

اسيل:لازم تكون كويس عشان انا معاك

ادهم:ايه التواضع ده كله

اسيل:طبعااا يابنى اومال ايه

ادهم:مش هتعقلى ابدااا

اسيل:لا انا ميت فل وعشرة كداا

ادهم:بقولك ايه

اسيل:ايه

ادهم:انا هاجى اتكلم مع عمى حسن عشان نكتب الكتاب ونعمل الفرح بقي

اسيل:كتاب وفرح مرة واحده

ادهم:مش عايزانا نتجوز ولا ايه

اسيل:لا عايزة طبعااا

ادهم:انا نفسي ارجع من اى مهمه بروحها وارجع البيت الاقى مراتى حبيبتى مستنيانى واخدها فى حضنى وقتها هنسي كل التعب

اسيل:انت قليل الادب على فكرة

ادهم باستغراب:قليل الادب

اسيل:ايه اخدها فى حضنى

ادهم:امشي اسيل روحى مكتبك يخربيت ابو اللى يقولك كلام حلو امشي

اسيل:ماشيه ياعم متزقش كدا

اسيل خرجت وادهم هيتجنن منها:ياعم ومتزقش ايه البت دى

ريان فتح الباب ودخل وكان معاه زين واسر وشافوه بيكلم نفسه

اسر:انت بتكلم نفسك ياسياده الرائد

ادهم:كله من اختك اللى هتجننى

اسر:فى دى معاك حق والله

ريان:هى بنات العيله كلها مجنونه مافيش غير البت زينه دى حته قشطايه كدا فى نفسها

اسر ضربه على قفاه:ماتلم نفسك ياحيوان

ريان:ياعم ده خطيبها التلاجه مش بيغير عليها كدا

ريان بص لادهم:وعندنا كمان البت جنه دى بسكوتايه ونبي تتاكل اكل كدا

اسر:طب لم الدور بدل مانت اللى هتتاكل الوقت

ريان بص لزين اللى بيبصله اوى:اسف ياكبير والله

ادهم ضحك:طب وجميله الجميلات بقي

ريان:لا دى حته من خطيبتك الاتنين هبل

اسر:سيبكو من كل ده ورانا اجتماع مهم والفهد مش هيحضر واحنا اللى هنقوم بليله ولازم نشرفه

زين:وده العادى بتاعنا

ادهم:ايواا بقي

ريان:والله انا بحس انى ظلمت نفسي لما اشتغلت معاكوو

اسر:ليه بقي

ريان:اذا كان انت ولا زين ولا ادهم جد اوى وانا ياعم تافه ماليش فى كل ده

ادهم:اللى يشوفك وانت بتهزر وتضحك مايشوفكش وانت جوا الاجتماع او وانت بتتعامل مع عميل الواد كانه بيتحول والله

زين:وده اكتر حاجه عجبانى فى ريان انه بيعرف يفصل بين وقت الجد ووقت الهزار

ريان:الله يجبر بخاطركو والله

اسر:طب يلا على الاجتماع ياحلوين

===========================

فى المستشفى

زينه قاعده فى مكتبها فونها رن وكان فريد خطيبها:حبيبي انت فين

فريد:اسف ياروحى كان عندى شغل كتير اوى النهارده عامله ايه

زينه:بخير الحمدلله

فريد:انتى لسه فى المستشفى

زينه:بستنى جنه عشان نمشي سوا

فريد:طب قولى لعمى فهد انى جاى عندكو النهارده

زينه بفرحه:بجد يافريد

فريد:هتكلم مع عمى عشان نحدد معاد الفرح

زينه :بتتكلم جد يافريد

فريد:اه ياروح فريد هقفل معاكى الوقت واشوفك بليل ياقمرى

زينه:باااى

زينه قفلت وكانت فرحانه جدااا الباب خبط ودخلت جنه وقعدت على الكرسي بتعب:الحمدلله العمليه نجحت

زينه:مبروك يا جوجو وانتى كمان باركيلى

جنه بصلتها:على ايه

زينه:فريد هيجى يتكلم مع بابا عشان يحددو معاد الفرح

جنه:مبروك يازينووو

زينه:طب يلا نمشي عشان الحق اقولهم واجهز

جنه:يلا......

الجزء الثاني من هنا

رواية في قبضة الفهد الجزء الثاني(عشق الابناء) الفصل الخامس عشر15بقلم جنات

عدى اسبوع والكل كان مشغول فى تجهيزات الخطوبه اللى هتتعمل فى جنينه قصر الفهد

عند البنات اللى متجمعين وبيلبسو فى اوضه جنه ومعاهم البنات اللى بتساعدهم جنه وجميله لبسو فساتين شبه بعض بلون الفضي ضيق مع بعض الكسرات من فوق وورده على الكتف وعلى منطقه الخصر وواسع من تحت باكمام واسعه وطرحه وشوز بنفس اللون مع ميكب هادى كانو قمرات من الاخر



اما زينه واسيل قررو يلبسو شبه بعض بردوو لبسو دريس بلون البينك ضيق من فوق وبعض لمسات من منطقه الخصر وواسع من تحت واكمام واسعه وطرحه وشوز بنفس اللون وميكب هادى كانو قمه فى الرقه والجمال



اما الشباب زين وريان لبسو بدل بلون الاسود وادخم بدله بلون الرمادى واسر بدله بلون الكحلى وكانو قمه فى الوسامه

اما ابطالنا الكبار الماميز لبسو كلهم دريسات بلون بيج مع طرح وشوز بنفس اللون والوحوش لبسو بدل بلون الاسود

=============

فى اوضه الشباب اللى مقضينها ضحك وهزار

تمارا وشروق خبطو ودخلوو

تمارا حضنت زين:مبروك ياحبيب قلبي

زين باس ايدها وراسها:الله يبارك فيك ياتوتا

تمارا:اخيرااا شوفتك احلى عريس يازيزو

زين بغمزة:سيبك منى ايه الجمال والحلاوة دى

تمارا:يارب دايما تكون مبسوط كدا ياحبيبي

شروق قربت من ريان وحضنته:انت احلى فرحه فى حياتى ياحبيبي ربنا يفرحك دايماا

ريان:حبيبتى ياست الكل

شروق:مبروك ياحبيبي

ريان:الله يبارك فيكى ياشوشو

تمارا:هنروح نشوف البنات ويلا انزلوو كلكو

الشباب:حاضر

=============

الماميز دخلو اوضه البنات واتفاجو بجمالهم ورقتهم ومريم حضنت بناتها وعيطت:مبروك ياحبايب قلبي

جنه وجميله:الله يبارك فيك يامريومه

شروق:يابنتى احمدى ربك انهم مش هيبعدو عنك

مروة حضنت اسيل:حتى لو بعدو عننا بس كفايه انها مع راجل هيكون سند وضهر ليها وقلبي هيكون مطمن عليها

اسيل:حبيبتى يامرمر

زينه حضنت تمارا:وانتى ياتوتااا قلبك مطمن عليا ولا

تمارا:لو انتى مرتاحه وفرحانه اكيد هيكون قلبي مطمن عليكى يازينو لكن لو العكس هكون شايله همك ياحبيبتى

زينه سرحت فى كلام تمارا اوى ومش عارفه ترد تقول ايه

الباب خبط ودخل كنان اللى انبهر بجمال بناته

والبنات جرو على حضنه

كنان:انا مغلطتش لما قولت انى عندى ٣ حلويات والله

جميله:ومين ال٣ يابوب

جنه خبطتها على راسها:مريومه ياهبله

الكل ضحكووو

كنان:يلا عشان اسلمكوو لعرسانكوو

البنتين مسكو كل واحده فى ايد كنان ونزلوو واسيل وزينه والماميز بيرمو عليهم ورد

وكان زين وريان واقفين فى اخر السلم

كنان حط ايد جنه فى ايد زين:بسلمك حته من قلبي يازين

زين:جوا عينى وقلبي ياعمى

كنان حط ايد جميله فى ايد ريان:عارف انت انتو الاتنين اهبل من بعض وربنا يستر بقي

الكل ضحكو علي كلامه

ريان:متقلقش ياكبير حط فى بطنك بطيخه صيفى

راكان:يابنى دانا ابوك ومرعوب ربنا يستر بقي

كلهم ضحكو

فهد:يلا عشان نخرج الناس كلهم وصلووو

كل واحد مسك ايد حبيبته وخرجو وزينه خرجت واسر عينه عليها

الكل خرجو الجنينه اللى كانت متزينه بورد وكانت خيال

زين وريان قعدو ف الاماكن اللى مخصصه ليهم وكل واحد ماسك ايد حبيبته

===============

ادهم ماسك ايد اسيل وماشين رايحين على التربيزة اللى قاعده عليها سهام ام ادهم

ادهم:ايه الجمال والحلاوة دى

اسيل:انت كمان حلو اوى

اسيل سابت ايد ادهم وحضنت سهام:سوسو حبيبتى

سهام:ماشاء الله ياسولا ايه الجمال ده

اسيل قعدت جمبها:عيونك اللى حلوة ياسوسو

ادهم قعد جمب اسيل وقعدو يتكلموو

=============

زينه واقفه لوحدهااا وعينها على العرسان جه اسر ووقف جمبها:مالك يازينو

زينه:مافيش شكلهم حلو اوى

اسر بص على العرسان بدون وعى:صح عقبالنا

زينه بصتله:هااا

اسر:قصدى عقبالى يعنى

زينه:اهاااا

زينه لفت لما سمعت صوت فريد واسر اتعصب

زينه باستغراب:فريد

فريد قرب منها:رجعت من السفر وعرفت ان خطوبه زين وريان النهارده قولت لازم اكون موجود

زينه:اهاا اكيد

فريد:ازيك يااسر

اسر:كويس

اسر رد عليه ومشى وزينه استغربت رد فعله لما شاف فريد

فريد:ايه الجمال ده

زينه:شكراا

فريد:عارف انى قولتلك مش هكلمك ولا هجيلك بس مينفعش محضرش الخطوبه مش كدا

زينه:امممم

فريد:صح بابا وماما هنا تعالى سلمى عليهم

زينه:حاضر

فريد مسك ايدها وراح على التربيرة اللى قاعد عليها اهله

زينه:ازيك ياطنط

صفاء ام فريد:الحمدلله ياحبيبتى عامله ايه

زينه:كويسه الحمدلله ازيك ياعمو

حسين ابو فريد:بخير يابنتى

صفاء:فينك يا زينه محدش بيشوفك

زينه:معلش كنت مشغوله فى الشغل وسافرت مع اهلى

حسين:ربنا يخليكو لبعض يابنتى

زينه:تسلم ياعمو عن اذنكو هروح لازم اكون مع البنات

صفاء:اتفضلى يابنتى

زينه مشت وحسين بص لفريد:هنمشي امته

فريد:شويا كدا وامشو مهمتكو خلصت

صفاء:حاضر والفلوس

فريد:هتوصلكوو

(تفتكرو ايه معنى كلامهم ده)

==================

زينه واسيل كل واحده مسكت علبه شبكه

زينه جمب اخوهااا اللى بدا يلبس جنه واسيل جمب ريان اللى بدا يلبس جميله وبعد ماخلصوو البنات اتفاجو بالماذون داخل مع حسن وراكان

فهد:يلا يازين

زين مسك ايد جنه وقعدو على التربيزة وبدا الماذون يكتب الكتاب بعد ماخلصو زين حضن جنه اللى كانت مكسوفه جدااا:مبروك ياجنتى

جنه ابتسمت:الله يبارك فيك

فهد:يلا ياادهم

ادهم مسك ايد اسيل:يلا

اسيل:بجد

حسن:نرجع فى كلامنا يعنى

ادهم:يلا ابوس ايدك انا ماصدقت

كتبو الكتاب بعد ماخلصو ادهم شال اسيل ولف بيهاا:مبروك ياقلبي

اسيل بهمس:الله يبارك فيك يادومى

ريان:يلا بقي انا استنيت كتير

كلهم ضحكو وبدا كتب الكتاب وبعد ماخلص حضنها ولف بيهاا:مبروك ياجميلتى

جميله:الله يبارك فيك ياحبيبي

الكل بدأ يبارك ليهم كل عريس مسك ايد عروسته ورقصو سلووو سوااا وزينه واقفه تبص عليهم واسر عينه عليهاا وزينه اتفاجت بفريد بيشدها من دراعها واخدها بعيد عن الناس واسر اتعصب وراح وراهم

============

عند زين وجنه بيرقصو سلو سواا وزينه وشها احمر من الكسوف

زين:جنه

جنه بصلته اوى

زين:ايوا كدا عايز دايما اشوف عيونك الحلوين

جنه نزلت وشها تانى

زين:تؤ تؤ كدا هتحرمينى منهم تانى

جنه ابتسمت وبصتله

زين:تعرفى انك زى القمر النهارده

جنه:وانت كمان

زين:انا كمان ايه

جنه:شكلك حلو

زين:تعرفى انى اسعد واحد ف الدنيا النهارده

جنه بفرحه:بجد

زين:جد الجد كمان والجميل ايه نظامه فرحانه

جنه:جدااا

زين:واخيراا بقيتى ليا ومكتوبه على اسمى ... تعرفى نفسى اعمل ايه

جنه:ايه

زين شالها ولف بيهم وجنه كانت طايرة من الفرحه نزلها وباس راسهاااا

===========

عند ادهم واسيل

اسيل:ليه مقولتليش ياادهم

ادهم:حبيت اعملهالك مفاجاه

اسيل:بجد مفاجاه حلوة جداا وانا فرحانه جدا جدا

ادهم:يارب دايما اكون سبب فرحتلك ياقلبي

اسيل:انا بحبك اوى ياادهم

ادهم:وانا بعشقك ياقلب ادهم

=============

عند ريان وجميله

جميله:ايه رايك فيا

ريان:تقولى للقمر قوم وانا اقعد مكانك

جميله:لا والله

ريان:اه والله

جميله:وانت قمر اوى بالبدله

ريان:واخيراا بقيتى مراتى ياجميلتى

جميله:بس مفاجاه حلوة اوى بجد

ريان:اومال ايه يابنتى بس تعرفى حاجه

جميله:ايه

ريان:بحبك ياجميله الجميلات

جميله ضحكت:وانا كمان يازوجى العزيز

ريان ضحك وكملو رقص

============

فريد شادد زينه من دراعها لحد مابعدو عن الناس وبقو فى مكان لوحدهم

زينه زقت ايده:ايه اللى بتعمله ده انت اتجننت

فريد بعصبيه:اه اتجننت عشان انتى وعيلتك كلها بتشتغلونى وانا ورحمه ابويا مش هسكت

زينه:لا دانت اتجننت على الاخر

فريد:انا لما جيت وطلبت من ابوكى اكتب الكتاب امك قالتلى انا نفسي اجوز ولادى سوا صح والوقت اتفاجأ انكو بتكتبو كتاب الكل الا انا يبقي بتشتغلونى ولا لأ

زينه:وانت مالك حاجه متخصكش

فريد مسك ايدها:طب يلا هنكتب الكتاب زيهم

زينه زقته بقوة:مين قالك انى موافقه اصلا

فريد قرب منها:يعنى ايه الكلام ده

زينه قلعت خاتم الخطوبه ورميته فى وشه:يعنى انا فكرت ومش هديك اى فرص يافريد باشا لانك متستاهلهاش اساساا

زينه لسه هتمشي شدها فريد ومسكها من دراعها بقوة:انتى بتاعتى انا انتى فاهمه ومش هسمحلك تبعدى عنى

زينه بوجع:انت مش طبيعى ابعد عنى يافريد

فريد كان بيقرب منها اوى ولسه هيتكلم اتفاجأ ببوكس قوى فى وشه من قوته وقع على الارض

(اسر كان واقف بعيد وبيتابع اللى بيحصل ولما شاف فريد بيقرب من زينه ادخل بسرعه)

اسر نزل على ركبته ومسك فريد من ياقه قميصه:ازاى تسمح لنفسك تمد ايدك عليها هاااا

اسر بقي يضربه بقوة

{لكل الناس اللى مش بتحب فريد اسر اخدلكو حقكو منه اهوو}

زينه شايفه اسر متعصب قربت منه:اسر خلاص سيبه اســــــــر

اسر بصلها وبعد عنه:انتى كويسه

زينه هزت راسها باه

فريد بتعب:زينه

زينه بصت لفريد:انا مش عايزة اعرفك تانى وياريت لماتيجى تتكلم عن اهلى تتكلم باسلوب احسن من كدا

اسر مسك ايدهاا ومشووو وراحو عند العيله

زينه سابته وراحت لجنه وللبنات اللى كانو بيرقصو سوااا والماميز حوليهم واسر راح لشباب زين لما شافه لاحظ عصبيته وشك ان فى حاجه قرب منه:انت كويس

اسر:بخير ياصاحبي

اسر رقص مع زين والكل كانو فرحانين وبيرقصو وبعد وقت طويل خلصت الحفله والكل كانو حرفيااا تعبانين وكل واحد راح على اوضته ونامو.....

🌹🌹🌹🌹🌹🌹

روايه فى قبضة الفهد الجزء التانى

﴿عشق الابناء﴾

««الفصل ١٦ »»

الكل روح من الحفله كانو تعبانين وطلعو اوضهم عشان يرتاحووو

فى اوضه اسر كان هيتجنن من كتر التفكير يعنى لو ماكنش شاف فريد وهو بيشد زينه كان هيعمل معاها ايه وازاى يقرب منها كدااا فاق من تفكيره على الباب اللى بيخبط راح يفتح كان الفهد

اسر:خير ياعمى فى حاجه

فهد دخل وقعد على الكنبه:احكى

اسر:احكى ايه مش فاهم

فهد:اللى حصل فى الحفله بينك وبين فريد وزينه

اسر:حضرتك عرفت منين

فهد بصله برفعه حاجب

اسر:اسف نسيت ان حضرتك بتعرف كل حاجه

فهد:لا متنساش تانى انا سامعك اهو

اسر بدأ يحكيله كل حاجه وفهد اتعصب

فهد:فريد منزلش تانى مع الست اللى فى عمارة الزمالك

اسر:لا من يوم مااخدها عند دكتور ورجعو مخرجتش تانى ولما واحد من رجالتنا سال البواب قاله انها قريبه الباشمهندس فريد وبيجى عندها كل فترة

فهد:الواد ده لازم نعرف اخره ايه

اسر:حضرتك عرفت مين عمل كدا مع زين

فهد:لا بس ادهم هيفرغ كاميرات اللى على الطريق وهيعرف منها مين الناس دى

اسر:ادهم كمان كان قالى انه هيجيب كل المعلومات عن فريد بطريقته

فهد:تمام

فهد خرج من الاوضه واسر نام على السرير

====================

عند فريد وصل الشقه اللى فى الزمالك ورن الجرس فتحتله الست واتصدمت لما شافته:ياحبيبي يابنى مالك فى ايه مين اللى عمل فيك كدا

فريد دخل وقعد على اقرب كنبه:عملها ابن حسن

الست:اسر طب ليه يضربك

فريد حكلها على اللى حصل

الست:ياحبيبى يابنى طب استنى اكلمك دكتور

فريد:لا ياست الكل انا كويس

الست:طب استنى هجيب عليه الاسعافات واعقملك الجروح دى

الست بدات تعقم الجروح وتحط عليهم لزق طبي

فريد:مش هسيبه مفكر انى عيل ومش عارف انه بيعشقهاا الوقت اكيد فرحان مفكر ان كدا هيفوز بيها بس بيحلم مش هياخدهااا منى

الست:اهدى ياحبيبي وادخل نام يلاا عشان ترتاح شويا

فريد:حاضر

====================

صباح يوم جديد فى قصر الفهد

الماميز والكبار قاعدين على السفره

فهد:فين الشباب والبنات

تمارا:صحيو وبيلبسو ونازلين

ريان نازل على السلم وماسك ايد جميله

ريان وجميله:صباح الفل

الكل:صباح الخير

ريان:انا هاخد جميله وهنخرج نفطر سواا

كنان:هتاخدها وتخرج من غير ماتستاذن منى حتى

شروق:مراته ياكنان الله

راكان:اتكلم بقي لو جدع

كنان:فوضت امرى لله

مريم ضحكت:روحو ياحبايبى

ريان وجميله خرجووو

================

اسر نازل على السلم قابل زينه وهى خارجه من اوضه الروايات:صباح الخير يازينه

زينه:صباح الخير

اسر:انتى مش راحه المستشفى ولا ايه

زينه:لا مش عندى حاجه وكلمتهم واخدت اجازة

اسر:انتى كويسه يازينه

زينه:كويسه يااسر عن اذنك

زينه دخلت اوضتها واسر نزل:صباح الخير

الكل:صباح الخير

مروة:يلا ياحبيبي عشان تفطر

اسر:لا ياست الكل ماليش نفس عن اذنكووو

حسن بص لفهد وفهم ان فى حاجه

زين نزل وبيدور على جنه

تمارا:صباح الخير ياحبيبي

زين:صباح الخير ياتوتااا

جنه نازله بسرعه من على السلم

مريم:مالك ياحبيبتى

جنه:صباح الخير

الكل:صباح الخير

جنه متوترة بسبب نظرات زين:عندى عمليه واتاخرت جداا عليهاا

زين:تعالى انا هوصلك

فهد:زينه مش هتيجى معاكى ياجنه

جنه:لا ياعمو بتقول اخدت اجازة

تمارا:طب روحو انتو ياحبايبى

زين وجنه خرجووو

الكل خلصو فطار وراحو على الشركه واسيل معاهم

====================

فى عربيه زين وجنه طول الطريق بتكلم الممرضين يعملو ايه على ماتوصلو وقفلت معاهم

زين:اخيراا خلصتى

جنه:انا اسفه بس عشان لما اوصل يكون كل حاجه جاهزة

زين:انا لازم استحمل هعمل ايه مانا اللى اتجوزت دكتورة

جنه ابتسمت:مانتو كمان بيكونو وراكو شغل كتير واجتماعات مش الدكاترة بس

زين بصلها وهى اتكسفت:ونبي ياجنه بطلى تتكسفى بقي انا الوقت جوزك ماشي

جنه:حاضر

زين:وصلنا ياستى اهو

جنه:شكرااا

جنه لسه هتنزل زين شد دراعها وقربها منه وباسها من خدها وجنه اتصدمت من اللى عمله

جنه بعفويه:نهارك اسود انت عملت ايه

زين بصدمه:نهارى اسود

جنه حطت ايدها على بوقها:اسفه والله مش قصدى

زين:انزلى ياجنه لان شكلك انتى اللى نهارك هيبقي اسود يلا انزلى ولما تخلصى كلمينى وانا هاجى اخدلك

جنه ضحكت:حاضر باى

زين:باى

جنه نزلت وزين فضل واقف لحد مادخلت واختفت من قدامه وراح على الشركه

=============

زينه قاعده فى اوضتها وبتفتكر كلام الكل على فريد وان الكل كان معترض عليه وهى الوحيده اللى شيفاه كويس الباب خبط وفتحت تمارا ودخلت:روح قلبي قاعده لوحدها ليه

زينه:ولا حاجه ياتوتا

تمارا قاعدت جمبها على السرير:مالك ياحبيبتى

زينه عينيها دمعت:انا طلعت غبيه اوى ياماما اوى

زينه عيطت جامد وتماارا اخدتها فى حضنها:اهدى ياحبيبه قلبي فهمينى بس فى ايه

زينه فضلت تعيط لحد ماهدت خالص وبدات تحكى كل حاجه لتمارا من وقت الحفله اللى فريد اخد زينه معاه لحد حفله الخطوبه

تمارا:ازاى يتجرأ يعمل معاكى كدا والله اسر جدع انه ضربه لو كنت موجوده كنت انا اللى قتلته والله ابن🐶 ده ..... لا وصحابه يقولولك مش شبهه الحمدلله ياحبيبتى انك مش شبه البرص ده ..... بس تعرفى البت اللى اسمها شيرى دى فكرتنى بواحده كدا ملزقه كانت بتحب فهد لما كنا فى ايطاليا اللى يحرقهاا بقي

زينه غصبن عنها ضحكت على طريقه مامتها

تمارا:اه كدا اضحكى ولا تفكرى فيه ولا يهمك ياقلبي دانا اجوزك سيد سيده

زينه:انا بحبك اوى بحبكو كلكوو

تمارا حضنتها:ياروحى انتى

زينه بعدت عن حضنها:وبابا

تمارا:ماله

زينه:هيزعل ولا عادى

تماارا بسرعه:ده هيفرح اوى

زينه ضحكت اوى

تمارا:معلش بقي ماهو اللى كان رخم وبصراحه ماكنش فى حد بيطيقه كنا بنجامله عشانك انتى بس

زينه:كنت حاسه على فكرة

تمارا:طب يلا تعالى ساعدينا فى المطبخ بدل مانتى قاعده كدا

زينه:هغير واجى

تمارا:حاضر ياجميل

تمارا نزلت وزينه غيرت ونزلت هى كمان ودخلت المطبخ وحضرو كلهم الاكل سوااا

====================

فى الشركه الكل متجمعين فى مكتب الفهد

حسن:يعنى الوقت خلاص علاقتهم انتهت

اسر:هى قلعت الخاتم ورميته فى وشه خلاص

فهد:انا لسه متكلمتش مع زينه عشان ارد عليه

زين:تتكلم فى ايه بابا الموضوع انتهى خلاص ولازم يتعاقب على اللى عمله معاها

كنان:اهدى يازين لازم نفكر كويس

راكان:كنان معاه حق لان منعرفش رده فعله هتكون ازاى ودى حاجه تخص سمعه زينه

اسر بعصبيه:يبقي حد يتكلم عليها نص كلمه وانا وقتها اللى هتصرف

ريان:المواضيع متتاخدش كدا يااسر اهدى عشان نفكر

فهد:ادهم عمل ايه جاب معلومات عنه ولا لأ

الباب اتفتح ودخل ادهم:قلبي حس انكو بتجيبو سيرتى

كلهم ضحكو عليه

فهد:خلصت موضوع فريد

ادهم:خلصته وكله تمام مافيش عليه اى غبار بس الغريب انه كان عايش لوحده ومافيش معاه حد وفجاه ظهر ابوه وامه محدش عارف كانو فين ولا عايشين بعيد عنه ليه والغريب كمان ان علاقتهم بيهم مش قويه يعنى هما عايشين فى الفيلا بس اغلب الاوقات مش بيبقو موجودين فيهااا

اسر:طب والست اللى فى شقه الزمالك

ادهم:عرفت ان الست دى قريبه اوى منه وبيعتبرها زى امه وبيعزها جدااا

فهد:تعرف اسمها ايه

ادهم:لا حتى الناس اللى فى العمارة والبواب محدش يعرف اسمهاا

حسن:طول عمرى بقول انه غامض جدااا

كنان:طب احنا استفادنا ايه من المعلومات دى كلها تقريبا عرفنها

راكان:بس احنا شوفنا علاقته باهله كويسه جدااا

ادهم:ده اللى مستغربه الصراحه

زين:اكيد فى لغز فى حياته بس ايه هو

فهد:لازم نعرفه

ريان:ازاى

فهد:زين خلى ناس تابعنا يراقبو امه وابوه كويس جداا

زين:اعتبره حصل

فهد:يلا ياشباب روحو عشان الاجتماع واسيل هتحضره معاكوو

الشباب خرجو

كنان:حاسس اننا هنرجع لشغل المافيا من تانى

راكان بحده:اخرس مليون مرة قولنا بلاش نتكلم فى الموضوع ده الولاد ميعرفوش عنه حاجه

حسن:ومش لازم يعرفوه خالص

فهد:سيبكو من الكلام ده خلونا نركز فى الشغل احسن

الكل:تمام

=====================

فى مطعم قاعد ريان وجميله

ريان:واخيرااا هنخرج وندخل براحتنا

جميله:ده على اساس اننا مكناش بنخرج سواا قبل كدا

ريان:بس كنا بنهرب من وراهم الوقت هاخدك ونخرج قدامهم وقدام الكل

جميله:انا فرحانه اوى ياحبيبي ومش مصدقه ان كتب كتابنا كان امبارح

ريان:انتى بتقولى فيها انا ذات نفسي صحابي بعتولى الصور عمال اتفرج عليهم طول الليل ومش مصدق

جميله:صحابى بعتولى صور كتير كنا حولين اوى بجد

ريان:طبعااا يابنتى هو احنا قليلين ولا ايه

جميله:طب ايه مش المفروض جايين نفطر انا جعانه

ريان:تصدقى وانا كمان جعان استنى نطلب

ريان نادى على الجرسون وطلبو الاكل وفطرو سواااا وبعد كدا راحو على الشركه وكل واحد راح على مكتبه

================

ادهم خرج من اوضه الاجتماعات شاف اسيل واقفه تتكلم مع موظف معاهم فى الشركه وكان حاضر معاهم الاجتماع وبتضحك قرب منهم واتكلم بحده:انتو بتعملو ايه هنا مش المفروض وراكم شغل

اسيل حست بغضب ادهم لانها عرفاه مش بيحبها تتكلم مع حد وقررت تهرب من قدامه احسن:انا راحه مكتبي اهو

ادهم:اتفضل على مكتبك ياحمزة

حمزة:حاضر يافندم

ادهم راح على مكتب اسيل وفتح الباب وقفله بقوة اسيل قامت وقفت بخوف:فى ايه ياادهم

ادهم:ممكن افهم الهانم كانت واقفه تتضحك فى نص الشركه ليه

اسيل:انا كنت باخد منه الملفات مش اكتر والله

ادهم بعصبيه:ولما حضرتك بتاخدى منه الملفات ليه كل الضحك ده ياهانم يامحترمه

اسيل:لا بقي انا محترمه غصبن عن اى حد وانا عارفه حدودى كويس

ادهم:والحد ده يبقي انا صح

اسيل:مش قصدى ياادهم

ادهم:قصدك بقي مش قصدك هى كلمه طلعت منك وخلاص

ادهم خرج واسيل بتنادى عليه:ياادهم لو سمحت

ادهم خرج من الشركه واسيل مبقاتش عارفه تشتغل فى اى حاجه ولمت حاجاتها ومشت ورجعت على القصر........

&&&&&&&

روايه فى قبضة الفهد الجزء التانى

﴿عشق الابناء﴾

««الفصل ١٧ »»

فى المستشفى عند جنه قاعده فى مكتبها بعد ماخلصت العمليه فجاه الباب اتفتح ودخل دكتور احمد

جنه قامت وقفت:انت اتجننت ازاى تدخل كدا

احمد:الوقت اتخطبتى واتجوزتى صح مش كنتى مش بتفكرى فى الموضوع ده الوقت ولا عينك كانت على حبيب القلب مش كدا

جنه:اظن حاجه متخصكش

احمد قرب من جنه ومسك ايدها بقوة واتكلم بعصبيه:انتى عارفه انى بحبك وكنت ناوى اتقدملك وانتى اللى قولتى مش بتفكرى فى الموضوع الوقت وانا قررت استناكى وفى الاخر اتفاجأ انتى اتكتب كتابك

جنه بتحاول تبعد ايده بس مش عارفه وكانت مرعوبه منه:ابعد انت اتجننت انت عارف لو بابا او عمو فهد او زين عرفو باللى انتى بتعمله هيعملو معاك ايه

احمد:ولا يهمنى كل اللى يهمنى انتى وبس

جنه بوجع:سيب ايدى بقي والله هنادى على الامن يرموك برا المستشفى كلها

احمد ساب ايدها وبعد:صدقينى هتندمى على اللى عملتيه معايا ياجنه

جنه:اطلع برا يلااااا

احمد خرج وجنه قعدت على الكرسي وحطت ايدها على قلبها من الخوف وعيطت جامد فونها رن وكان زين مسحت دموعها بسرعه وحاولت تتكلم طبيعى عشان ميحسش بحاجه:الو

زين:خلصتى ياجنه

جنه:اه خلصت

زين:طب انزلى انا تحت ولا تحبي اطلعلك

جنه بسرعه خوفا من انه يقابل احمد:لا انا نازله اهو

زين باستغراب:حاضر

جنه دخلت غسلت وشهاا واخدت شنطتها ونزلت كان زين واقف ساند على العربيه ولابس نضارة وماسك فونه

جنه كانت بتبصله بعشق واد ايه حبيبها حلو اوى ووسيم وسمعت صوت ضحك بنات بصت عليهم كانو ممرضات واقفين بيبصو على زين وبيضحكو بصوت عالى عشان يلفتو انتباهه بس هو مركز فى فونه اوى جنه اضايقت جداا منهم وقربت منهم وهما خافو:انتو سايبين شغلكو وواقفين هنا تعملو ايه

واحده منهم:ده وقت الراحه يادكتورة جنه

جنه بحده:وقت الراحه بيكون فى الكافتيريا مش برا المستشفى اتفضلو جوا بلاش قله ادب

الممرضات دخلو بسرعه وجنه لفت كان زين بيبص عليها ومبتسم جنه قربت منه:اتاخرت عليك

زين فتح باب العربيه:لا يلا اركبي

جنه ركبت وزين لف ركب مكانه وبص على جنه وشايف عينيها الحمرة:مالك ياجنه

جنه بتوتر:مافيش مالى انا كويسه اهو

زين:عينيكى حمرة انتى كنتى بتعيطى

جنه:لالا انا بس مصدعه العمليه كانت صعبه اوى

زين بدون تصديق:تمام

زين اتحرك بالعربيه وبعد شويا وصلو القصر

والكل اتعشو سوااا وكل واحد طلع على اوضته

==================

فى قصر الفهد بليل

زينه قاعده فى اوضتها الباب خبط ودخلت جنه:ممكن نيجى

زينه:دانتو تنورو تعالو

البنات دخلوو وقعدو وجنه بصت لزينه:هاااا ارغى احنا كلنا اذان صاغيه

زينه ابتسمت بحزن وبدات تحكلها اللى حصل يوم الخطوبه

جنه:ده مجنون ازاى يعمل كدا

اسيل:الحمدلله ان اسر كان موجود

زينه:مش عارفه كنت هعمل ايه بجد

جميله:الحمدلله يعنى كدا خلاص قطعتى علاقتك بيه

زينه هزت راسها باه

جنه:تعرفى انى مش زعلانه بالعكس انا فرحانه اوى عشانك

زينه:تعرفو ان انا شخصيااا مش زعلانه شكل توتا معاها حق اللى بينى وبين فريد مكانش حب خالص وانا اتاكدت لانى مش فارق معايا ان انا وهو سبنا بعض

جنه:هو محاولش يكلمك

زينه:لا

جميله بصت لاسيل:مالك انتى كمان

اسيل:النهارده شديت انا وادهم فى الشركه

جنه:وايه السبب

اسيل حكتلهم

زينه:انتى عارفه انه بغير عليكى يااسيل

جنه:مكنش لازم تردى عليه كدا يااسيل

اسيل:عارفه انى غلطت وبرن عليه من وقتها مش بيرد وبعدين قفل فونه ولما كلمت مامته قالتلى انه رجع من زمان وقاعد فى اوضته ومتعرفش ماله

جميله:لو فضل كدا مش بيرد عليكى روحيله بيته

اسيل:بجد

زينه:ده جوزك يابنتى ولازم تصالحيه

جنه:انا رايي من رايهم

اسيل:يبقي بكرة هروحله باذن الله ..هروح انام بقي

جميله:خدينى معاكى

اسيل وجميله خرجوو

جنه بصت لزينه واتنهدت :انا كنت جايه اتكلم معاكى

زينه:مالك فى ايه

جنه حكتلها اللى حصل من دكتور احمد

زينه:نهاره اسود ده اتهبل ده ولا ايه

جنه:مش عارفه اعمل ايه

زينه:لازم تقولى لبابا او زين مش لازم تسكتى خالص

جنه:لالا زين ممكن يقتله لو عرف انتى عرفاه عصبي ازاى

زينه:طب قولى لعمو كنان

جنه سكت شويا:بصى انا هستنى اشوف يمكن يخاف وميعملش حاجه ولو عمل حاجه هقول لبابا

زينه:انتى شايفه كدا

جنه:اه يمكن يخاف لما قولته انى هقول لعمو فهد او زين اكيد هيخاف على مهنته

زينه:معتقدتش ياجنه

جنه:ربنا يستر انا هروح اوضتى عشان انام تصبحي على خير

زينه:وانتى من اهل الخير ياجوجو

جنه خرجت ودخلت اوضتها جت تشرب ملاقتش ميا:اوووف نسيت اجيب وانا تحت

جنه نزلت ودخلت المطبخ وفتحت التلاجه جابت ازاة ميا ومسكت كوبايه وكبت فيها مياا وشربت وبتلف عشان تخرج لاقت زين واقف وراكن على باب المطبخ جنه اتخضت لما شافته وزين ضحك عليها

زين:شوفتى شبح ولا ايه

جنه:انت جيت امته محستش بيك ابدااا

زين:خلاص اهدى انا كنت فى المكتب وشوفتك وانتى داخله المطبخ وجيت وراكى

جنه:حتى فى البيت بتشتغل

زين:كنت ببعت ايميل ضروري بس

جنه:تمام

زين قرب منها ولاحظ لبسها واتكلم بحده:انتى ازاى تنزلى كدا افرضي حد من الشباب شافك

جنه بصت على نفسها كانت لابسه بجامه نص كم لونها اسود وعامله شعرها كحكه:انا كنت عند زينه واوضتى جمبها وبعدين انا عارفه ان الكل هيبقو نايمين فى الوقت ده

زين قرب منها:بس انا صاحى

جنه بعفويه:بس انت جوزى فعادى صح

زين ابتسم على عفويتها:صح

زين مسك ايدها وخرج من المطبخ وطلع السلم وعدى الدور اللى فيه اوضه جنه وطلع الدور التالت

جنه:احنا هنروح فين

زين:اطلعى السطح هجيب حاجه من اوضتى واجيلك

جنه:بس الوقت متاخر اوى

زين:يلا ياجنه اطلعى مش هتاخر عليكى

جنه:حاضر

جنه طلعت وزين دخل اوضته جاب حاجه وطلع وراها كانت قاعده على المرجيحه زين جه وقعد جمبهاا:اتفضلى

جنه بصلته كان مادد ايده بشنطه هدايا صغيرة:ايه ده

زين:انتى شيفاها ايه

جنه:هديه بس بمناسبه ايه

زين:هو لازم يكون فى مناسبه عشان اجيب هديه لمراتى

جنه ابتسمت وهزت راسها بلا

زين:مش هتفتحيها

جنه اخدت الشنطه وفتحت وطلعت علبه وفتحتها كان فون جديد اخر اصدار وبصت لزين

زين:ايه رايك

جنه:بس ليه انا فونى لسه جديد تقريباا

زين:مش انا وقعته من على السلم لما خبطت فيكى وقولت هصلحه

جنه:بس انا قولتلك انها مش غلطتلك انا اللى ماكنتش مركزة

زين بغمزة:صح لانك لما بتمشي بتركزى فى حاجه تانيه

جنه:حاجه تانيه ازاى يعنى

زين:صورى مثلا

جنه برقت ووشها احمر من الكسوف وزين ضحك:بلاش تتكسفى انا زى جوزك بردو ياجنتى

جنه بصلته:جنتك

زين قرب منها وهمس:جنتى وقلبي واحلى حاجه فى حياتى

جنه ماكنتش مصدقه ان اللى بيتكلم ده زين

زين ضحك:مستغربه صح

جنه هزت راسها باه

زين مسك ايدها:جنه احنا سكتنا كتير وضيعنا وقت كبير كنا المفروض نكون فيه سوا صح

جنه هزت راسها باه

زين:يبقي جه الوقت اللى المفروض نقول كل اللى فى قلوبنا ياجنه تبداى انتى ولا ابدا انا

جنه نزلت وشهااا

زين:خلاص ابدأ انااا .... انا حبيتك من وانتى طفله صغيرة بضفاير كنتى بتكبرى قدام عينى وكل ماتكبرى اتشد ليكى اكتر لحد ماكبرتى وبقيتى الدكتورة جنه ووقتها اتاكدت انى بعشقك مش بس بحبك كنت كل مااجى اتكلم معاكى تتكسفى وتوترى وتوترك ده بيخلينى مش عارف اتكلم كنت بسكت وكنت بشوف نظراتك ليا من بعيد لبعيد كان نفسي اتاكد انك بتحبينى زى مابحبك لحد ماسمعتك بتتكلمى مع زينه وانتو قاعدين فى نفس المكان على المرجيحه ان انا تلاجه وبارد مش كدا

جنه:والله قلبي كان حاسس انك سمعتنا

زين:ووقتها فرحت جداا بس بردو مكنتش عارف ابدا منين ....انا خلصت ده مش كل اللى فى قلبي على فكرة ده اختصار .... انا سامعك يلا اتكلمى

جنه بكسوف:مش عارفه اقول ايه

زين:بتحبينى زى مابحبك ياجنه

جنه بصلته وهزت راسها باه زين قام وقف وشدها لحضنه حضنها بقوة وجنه كانت فرحانه ان زين اعترفلها بحبه

زين بعد عنها وباس راسهااا:بعشقك ياجنتى

جنه بلعت ريقها واتكلمت بكسوف:انا كمان بحبك اوى يازين

زين ابتسم على كسوفها

جنه:صح نسيت اقولك شكرااا على الفون حلو جدااا

زين:مافيش واحده بتقول لجوزها شكراا صح

جنه ضحكت:صح ... انا لازم انزل عشان انام لازم اصحى بدرى تصبح على خير

زين:وانتى من اهلى ياجنتى...واياكى تنزلى تانى كدا من غير اسدال فاهمه

جنه:حاضر

جنه نزلت ووبعد شويا زين نزل هو كمان عشان ينام......

الفصل السادس عشر من هنا

الجزء الثاني من هنا

فى الشركه جميله وصلت وراحت على مكتب ريان ودخلت من غير ماتخبط:ادخل

ريان:مانتى دخلتى خلاص ياجميله تعالى

جميله دخلت وقعدت:انا زهقانه مش عايزة ادرب ولو روحت لاسيل هتنفخنى شغل

ريان:اومال عايزة ايه بقي

جميله:ماتيجى نخلع

ريان:ااااه اخلع معاكى وبعدها زين يخلع راسي من جسمى

جميله ضحكت:طب انا زهقانه موت

ريان:بقولك ايه انا جعان ماتيجى نطلب اكل

جميله:يلا بقي

ريان:بموت فى جنانك

جميله:يلا اطلب بقي

===========================

زينه وجنه رجعو القصر ودخلو المطبخ:احلى مسا عليكم ياقمرات

الماميز ضحكو

تمارا:هى اسيل وجميله بهتو عليكو ولا ايه

زينه:الظاهر كدا بابا جه ولا لسه

تمارا:لسه ياحبيبتى

زينه:فريد جاى النهارده يتعشي معانا ياتوتااا

تمارا:ينور ياحبيبتى اطلعو غيرو يلا

البنات خرجوو

تمارا:اوووف مش عارفه زينه بتحب الواد ده على ايه

مريم:بصراحه رخم اوى

شروق:مش بطيقه

مروة:ولا انا

بصو لبعض وضحكو جامد وكملو تجهيز الاكل

==========================

بليل الكل رجعو على القصر

فهد قاعد فى اوضه المكتب دخلت تمارا:مالك ياحبيبي

فهد:انا كويس

تمارا:انا عارفه انك مش بتحب فريد بس بنتك بتحبه وهى اللى اختارته يافهد

فهد:كان نفسي تكون من نصيب اسر

تمارا:والله وانا لان اسر بيعشقها بس نعمل ايه قلبها اللى اختار مش مهم الوقت شويا كدا وهيوصل ولازم نكون كويسين معاه عشان خاطر زينه

فهد:حاضر ياتمارا هخلص شويا شغل وهاجى

تمارا:حاضر

تمارا خرجت وفهد كمل شغل

===========================

فى اوضه زينه كانت بتجهز لبست سوت بلون البينك وطرحه بلون اوف وايت وميكب خفيف الباب خبط ودخل البنات

جنه:ايه الجمال ده يا زينو

زينه:بجد حلوة

اسيل:حلوة بس دانتى مزة المزز

اسيل كملت بهمس:خسارة فى البارد اللى اسمه فريد

جميله:احم قمر يا زينووو

فون زينه رن وكان فريد

زينه:فريد وصل انا نازله

زينه خرجت تجرى وهى نازله خبطت فى اسر :سورى يااسر

اسر:بتجرى ليه كدا

زين:مالك يازينه

البنات خرجو من الاوضه

اسيل:اصل فريد بيه البارد وصل تحت

زينه:اسيييل

جميله:يووووه يازينه مانتى عارفه اننا مش بنحبه

زينه بصتلهم بحزن ونزلت

جنه ضربت جميله على راسها:مش هتبطلى طريقتك دى ابدااا

اسيل:هى مغلطتش احنا مش بنحبه هو الحب بالعافيه

جنه:ومحدش طلب منكو تحبوه ده خطيبها وعيب لما تغلطو فيه كدا انتى ترضي حد يغلط فى ادهم

اسيل:انتى بتقارنى ادهم بالرخم ده

جنه:عيب كدا يااسيل انا متعودناش نغلط فى حد حتى لو مش بنحبه

زين عينه على جنه وهى بتتكلم

جميله:خلاص بقي ياجنه مش وقت محاضراتك

جنه بعصبيه:لما تردى على اختك اللى اكبر منك كدا تبقي قليله الادب

جميله:انا اسفه ياجنه انا بهزر معاكى

اسيل:جنه احنا بنقول راينا بصراحه مش بنذوق الكلام

جنه:يووووه انتو محدش يعرف يتكلم معاكو ابداااا انا نازله

جنه مشت واسر بص لاخته:اللى بتعمليه غلط يااسيل

اسيل:لا مش غلط هو انا لازم احبه بالعافيه يعنى

ريان:محدش قال حبيه ياستى بس بلاش تزعلى زينه

اسيل:حاضر يلا ننزل

===========================

زينه نزلت وخرجت قابلت فريد:حبيبي حمدلله على سلامتك

فريد:الله يسلمك يازينو عامله ايه ياحبيبتى

زينه:انا كويسه جدااا تعالى ادخل يلا

فريد مسك ايد زينه ودخلو وسلم على الكل وقعدو يتكلمو كتير

تمارا:العشا جاهز اتفضل يافريد يلا

الكل قامو وقعدو على السفره واسر عينه على زينه وهى قاعده جمب فريد وبيهمس ليه بكلام وهى بتبتسم بحب

الكل خلصو اكل وقامو قعدو فى الريسبشن سوااا والماميز كانو بيقدمو الضيافه

فريد:عمى انا كنت جاى وعايز اطلب من حضرتك نحدد معاد الفرح

فهد:بس لسه بدرى شويا يافريد على موضوع الفرح ده انتو لسه مخطوبين

فريد:انا وزينه اتعرفنا على بعض وبقالنا ٦ شهور مخطوبين وانا اتكلمت مع زينه قبل مااتكلم مع حضرتك

تماارا:بصراحه يافريد انا حابه انى اجوز ولادى الاتنين فى يوم واحد ودى امنينى من زمان جداا وانت شايف زين ليه مخطبتش

فريد:بس اللى فهمته ان زين شايل الموضوع من راسه

تمارا:لا ان شاء الله مش هيطول وهتعملو الفرح فى يوم واحد

فريد اضايق بس مابينش وزينه بصلته:تمام هستاذن انا

فريد قام وزنيه قامت معاه:متزعلش منهم يافريد بس دى امنيه ماما ودايما بتقولنا كدا

فريد:عادى يازينوو انا همشي اصبحى على خير ياحبيبتى

زينه:وانت من اهل الخير

فريد مشي وفهد دخل المكتب الباب خبط ودخلت زينه:ممكن اتكلم مع حضرتك شويا

فهد قفل اللاب:تعالى يازينه

فهد قام وقعد عى الكنبه وزينه قعدت جمبه وبصلته اوى

فهد:حبيبتى مالها

زينه:هو ليه محدش فيكو بيحب فريد

فهد:مين قال كدا ياحبيبتى

زينه عيطت:البنات والشباب دايما بيقولو فى وشى انهم مش بيطقوه وانه رخم وبارد وكلام كتير اوى حتى حضرتك بتتعامل معاه برسميه جداا وكل الموجودين بردو

فهد:حبيبتى لان فريد شخص جديد على العيله ولازم بناخد وقت على مانتعود عليه

زينه:فريد شخص كويس جدا يابابا وبتعامل معايا بكل احترام وبيحبنى جداا

فهد:انتى زعلانه عشان رفضت احدد معاد الفرح

زينه:لا طبعاا انا اصلا مش عايزة اسيبكو ابداا

فهد:حبيبتى لسه بدرى انتى صغيرة وقدامك مستقبلك

زينه:عارفه بس انا محبتش ازعل فريد لما اتكلم معايا

فهد:هو قالك انه مضايق

زينه:لا خالص

فهد:متزعليش نفسك يازينوو ويلا روحى نامى عشان تصحى بدرى لشغلك

زينه باسته من خده وفهد حضنها:تصبح على خير ياقلب زينو

فهد:وانتى من اهل الخير ياقلب الفهد

تمارا دخلت وسمعته:خيااانه بقي بنتك قلبك وانا ايه

فهد حضن تمارا وزينه:انتى نبض الفهد ياحبيبتى

تمارا:ربنا يخليك لينا يافهد

زينه:يلا اصبحو على خير

تمارا:وانتى بخير ياحبيبتى

زينه خرجت وتمارا بصت لفهد:مالها

فهد:ولا حاجه كانت بتتكلم معايا عادى

تمارا:طب ممكن ننام بقي لانى تعبت اوى النهارده

فهد:انتو اللى رافضين اننا نجيب خدم يساعدوكو

تمارا:احنا بنحب نعمل كل حاجه بايدينا

فهد:طب يلا نطلع

تمارا:يلا

===========================

زينه طلعت اوضتها وغيرت لبست ترنج الباب خبط ودخلت جنه:زينو قلبي بتعملى ايه

زينه:لسه طالعه من تحت

جنه:متزعليش منهم يا زينو انتى عرفاهم يعنى

زينه:مش زعلانه ياجوجو

جنه:على جوجو بردو

زينه:انا زهقانه ماتيجى نطلع على السطح

جنه:الوقت

زينه:وفيها ايه يلا

جنه:طب نلبس اسدالات عشان الشباب

زينه:الترنجات واسعه ونلبس الزعبوط على شعرنا يلا

جنه:طب ننادى للبنات

زينه:لا خلينا احنا الاتنين بس

جنه:طب يلا

البنات طلعو وقعدو على المرجيحه اللى بيحبوها وفضلو يرغو ويضحكو كتير

=========================

زين فى اوضته قاعد فى البلكونه سمع صوت جاى من فوق طلع يشوف مين اللى فوق فى الوقت ده لان الساعه كانت ٢ بليل

=========================

جنة:انتى زعلانه من اسيل وجميله صح

زينه:مش بحبهم يغلطو فى فريد ياجنه ده مهما كان خطيبي بردو وهيبقي جوزى

جنه:انتى بجد عايزة تتجوزى وتبعدى عننا

زينه:لما فريد قالى زعلت بصراحه انى هسيبكو وامشي بس الحمدلله بابا وماما اجلو الموضوع

جنه:انتى بتحبي فريد يازينه

زينه:اكيد

جنه:بس انتى المفروض كنتى تزعلى ان عمو فهد اجل موضوع الجواز اللى بيبحب حد بيبقي نفسه يفضل قريب منه مش بعيد

زين طلع وشافهم قاعدين يتكلمو ولسه هيقرب منهم وقف لما سمع كلامهم

زينه:لا انا بحبه بس مش عايزة اسيبكوو

جنه:ماااشي

زينه:تعرفى انى بحبك اوى

جنه:مانا عارفه

زينه:نفسي تكونى مرات اخويا

جنه بصلتها اوى:انتى بتقولى ايه ياهبله

زينه بغمزة:ما دى الحقيقه مش انتى بتحبيه بردو بس هو اللى بارد

جنه:اخوكى ده تلاجه يابنتى

زينه بصوت عالى:والله لاقوله

جنه:الله يخربيتك اسكتى خالص

زينه:حاضر يامرات اخويا مستقبلاااا

جنه فضلت تضرب فى زينه والاتنين بيضحكو

وزين واقف متابع كل الكلام واتكلم ببرود:بتعملو ايه هنا فى الوقت ده

زينه وجنه اتخضو وجنه بقت تدخل شعرها جوا الزعبوط بسرعه

زينه:كنا زهقانين قولنا نطلع نشم شويا هواا

زين:طب يلا كل واحده على اوضتها

زينه:بت ياجوجو بقولك ايه ماتيجى تنامى معايا

جنه:يلا

البنات نزلو وزين ابتسم ونزل هو كمان

===========================

البنات دخلو اوضه زينه

جنه:تفتكرى سمعنا

زينه:لا معتقدش

جنه:ربنا يستر

زينه:ليه يعنى خليه يسمع ويتحرك شوياا

جنه:لالا ونبي بلاش يسمعنى هيقول عليا ايه يارب مايكونش سمع يارب

زينه:يلا ننام ياجبانه

جنه:يلا

==========================

زين نزل وراح خبط على اوضه اسر اللى فتحله:انت لسه صاحى

زين:مش جايلى نوم

اسر:ومين سمعك تعالى تعالى

زين قعد على الكنبه واسر جمبه:جنه وزينه كانو على السطح

اسر بصله:وفيها ايه

زين حكاله اللى سمعه

اسر:المفروض تكون مبسوط انها بتحبك

زين:مش عارف

اسر:مش عارف ايه يازين يعنى انت كل مايتقدملها عريس تطفشه من برا ومحدش بيعرف يعنى هتفضل مخلل البت جمبك لا بتتجوزها ولا هتخلى حد يتقدملها

زين:والمفروض اعمل ايه

اسر:بلاش تضيعها من ايدك ياصاحبي انا كنت غبي وضيعتها بلاش تعمل زيي

زين:مش عارف ليه مش مرتاح لفريد ده

اسر:هو شخص جد جداا وغامض اوى

الباب اتفتح وكان فهد والاتنين قامو وقفو

فهد:انتو الاتنين مافيش اغبي منكو

اسر وزين بصوله باستغراب

فهد بص لاسر:انت واحد غبي ضيعت اللى بتحبها من ايدك وسبتها لغيرك وانت اغبي منه عشان مفكر انك لما تطفش العرسان اللى بيجولها كدا هتفضل بتاعتك مثلاا

زين:هو حضرتك عرفت ازاى

فهد بصله برفعه حاجب واسر ضحك

فهد بص لاسر:ولو عايز ترجعها ليك لازم تعمل المستحيل عشان تكون ليك

اسر:والمفروض اعمل ايه

فهد:فريد شخص غامض جدااا انا اه دورت وراه ولقيته تمام بس بردو مش مطمنله عايزك تعرفلى عنه كل حاجه من اول ماتولد لحد اللحظه دى

ااسر:حتى لو طلع وراه حاجه هى بتحبه ومش هتنساه بسهوله وتحبينى يعنى

فهد:لو عايز توصل لحاجه حارب عشانها بلاش تستسلم

فهد بص لابنه:كنان لو عرف بموضوع العرسان مش هيسكت فاهم

زين:تمام

فهد خرج من الاوضه واسر بص لزين:ياعم ابوك ده مافيش حاجه مش بيعرفهاا ابدااا

زين:لانه الفهد ...يلا انا رايح انام

اسر:اوكى.......

الجزء الثاني من هنا

صباح يوم جديد فى قصر الفهد

اسيل راحت اوضه جنه ماكنتش موجوده

قابلت جميله:فين جنه

جميله:يمكن فى اوضه الروايات

اسيل:لا مش هناك

جميله:يبقي اكيد مع زينه فى اوضتها

اسيل وجميله راحو اوضه زينه وخبطو وجنه فتحتلهم:تعالو

اسيل دخلت:صباح الحلويات

اسيل قعدت جمب زينه:زينو اوعى تكونى لسه زعلانه مننا

زينه:لا مش زعلانه يااسيل

جميله قعدت جمبهم:بت يازينوو احنا منقدرش نزعل من بعض صح

زينه ضحكت:صح

اسيل:صدقينى مش هتكرر تانى احنا اسفين

جنه:صافى يالبن

البنات:حليب ياقشطه

زينه:ايه رايكو نعمل حاجه مجنونه

اسيل:اموت فى الجنان ايه بقي

زينه:نتسابق لحد تحت يلا

جميله:يلا بينااااا

جنه:استنى ياهبله منك ليها

البنات خرجو جرى وجنه لسه فى الاوضه وزينه بتجرى كانت هتقع من السلم لكن اسر شدها لحضنه وبصلها بعشق وزينه كمان سرحت فى عينيه وبعدت بسرعه:اسفه يااسر

اسر:ولا يهمك

جنه خرجت من الاوضه وماشيه تبص فى فونهاا فجاه خبطت فى حد رفعت عينيها كان زين الفون كان هيقع من ايدهاا وزين مسكه بسرعه

جنه اخدته وخبيته بسرعه :شكراا يازين

زين:ماشيه سرحانه فى ايه

جنه:لا ولا حاجه انا نازله

جنه جرت من قدامه وزين ابتسم لانه شاف صورته على الشاشه لما مسك الفون

==========================

تحت الكل اتجمع على السفره عشان الفطار

جميله:عمو فهد

فهد:نعم

جميله:انا لسالى شهر واخلص امتحاناتى هتسفرنا فين المرة دى بقي

ريان:مش لما تخلصى امتحاناتك وتنجحى

اسيل:اطلع منها انت هتسفرنا فين ياعمو بقي

فهد:شوفو عايزين تروحو فين

البنات بصو لبعض واتكلمو سواا:عايزين نروح الفيلا اللى فى الشرم

ريان:انا اللى قولت هتختارو بلد برا مصر

جميله:البلد دى احسن من غيرها يابنى

فهد:خلصى انتى امتحاناتك واحنا هنخلص الشغل اللى عندنا عشان نسافر سوا كلناا

جنه:بس احنا صعب ناخد اجازة ياعمو

فهد:انا صاحب المستشفى وهديكوو اجازة

زينه:حبيبي يااحلى بابا

تمارا:طب بطلو كلام بقي وافطرو يلا

الكل خلصو فطار وكل واحد راح على شغله

========================

فى الشركه زين قاعد فى مكتبه واسر معاه

اسر:خليت ناس تبعى تراقب فريد ويراقبو اهله بس تقريبا مش بيروح فى حته من البيت لشركه ومن شركه لبيت بس

زين:مصيره يقع خليك وراه

اسر:لما نشوف

زين:الاجتماع هيبدا امته

اسر:كمان ساعه

الباب خبط ودخل ادهم:جاهزين للاجتماع

زين:اكيد

ادهم:انا بقي جالى مكالمه من المقر ولازم امشي

اسر:مهمه جديده ولا ايه

ادهم:شكلها كدا هروح اشوف عايزين ايه

زين:ماشي ياصاحبي

عدى الوقت بسرعه والشباب حضرو الاجتماع وكالعاده تفوقو واخدو الصفقه واليوم خلص والكل رجع على القصر

========================

الكل متجمعين فى الريسبشن والشباب والبنات رجعو من شغلهم

البنات قاعدين جمب بعض وزهقانين لان الشباب والكبار بيتكلمو فى الشغل

اسيل وقفت:لا كدا كتير الصراحه

اسر:هو حد جه جمبك يابت

اسيل:احنا الوقت فى البيت يعنى ننسي الشغل شويا

جميله:صح كدا خلونا نقضى وقت حلو سوا هو كله شغل شغل

كنان:يعنى عايزين ايه

زينه:بكرة الجمعه اجازة مش كدا

جنه:صح يبقي تعالو نطلع على السطح نسهر كلنا سوا

تمارا:والله فكرة حلوة

مروة:انا هروح اعمل فشار ونجيب شويا حاجات تسالى

اسيل:ايوا بقي ياست الكل ياقمر

شروق:استنى هاجى معاكى يامروة

مريم:وانا كمان استنونى

جنه:يلا بقي نطلع احنا

حسن:معانا يافهد ولا ايه

فهد:هما معاهم حق لازم نفصل بين الشغل ووقت العيله

زينه:ايوا كدا يابابا ياقمر

راكان:طب يلا نطلع

فهد بص لشباب:يلا تعالو معانا

الكل طلعوو وقعدو يهزرو ويضحكوو

ومروة جت ومعاها صنيه عليها اطباق فشار وشروق صنيه عليها كوبايات عصير ومريم جابت شوكلت وشيبسي وشويا تسالى

زينه:ايوا بقي القاعده كدا هتحلووو

اسيل:طب ماتيجو نلعب كلنا سواا

حسن:اهو ده اللى ناقص كمان

جميله:ياعمو والله هنتسلى

تمارا:هتلعبو ايه بقي

زينه بصت للبنات وبداو يفكرو سوااا

جنه:لعبه الازازة ايه رايكوو

اسيل:حلوة جداا يلا هاتو ازازة

جميله:لحظه هروح اجيبها.....اتفضلو اهى

الكل قعدو على الكنبه حولين الترابيزه كل واحد جمب مراته والشباب جمب بعض والبنات جمب بعض

زينه بصت لفهد:يلا ياكبير ابدا انت

فهد:اعمل ايه

تمارا:لف الازازة يافهد

فهد لف الازازه وجت على اسيل وحسن

اسيل:انا اللى هسال

حسن:ربنا يستر

اسيل:لا تقلق...اوصف ماما بجمله

حسن بص لمروة:احلى نعمه من ربنا

اسيل:اوووووووه ياابو على ياجامد

مروة اتكسفت وحسن باس راسهاا

اسيل لفت الازازة وجت على تمارا وجنه

اسيل:اسالى ياجوجو يلا

جنه:بصراحه علاقه حضرتك انتى وعمو فهد حلوة جدااا فانا نفسي اعرف اتعرفتو على بعض ازاى

تمارا بصت لفهد:كانت صدفه واحلى صدفه بجد

زينه:طب احكلينا ياتوتا لوسمحتى

حسن:استنو انا هحيلكوو .....انا كنت عايز اجوز تماارا لواحد وهى كانت شخصيتها قويه جدااا ومحدش يقدر يجبرها على حاجه فهربت يوم خطوبتها وسافرت شرم عشان تحضر مؤتمر خاص بكليتها وهناك اتعرفت على فهد وسافرت ايطاليا وبعدها رجعت واستقرو هنا

جميله:وااااو يعنى لو مكنتيش هربتى مكنتيش هتقابلى عمو فهد

تمارا:عشان كدا بقولك احلى صدفه حصلت فى حياتى

فهد حضن تمارا

زين:انتو سافرتو ايطاليا ليه

فهد:شغلى كان هناك

زين:ازاى شغلك كان هناك واحنا اول فرع نفتتحه برا مصر كان فى دبي

فهد:انا صفيت كل شغلى اللى فى ايطاليا قبل مانت تتولد اصلا

تمارا:سيبكو من الكلام ده وتعالو نكمل اللعبه

جنه:بابا لو سمحت قولنا انت كمان اتعرفت على ماما ازاى

جميله:اه ونبي يابابا

كنان:بردو كانت صدفه لان مريم كانت صاحبه تمارا يعنى لو مكنتش تمارا هربت وقابلت فهد انا مكنتش هشوف مريم

ريان:وانت ياحاج كمان نفس الصدفه

راكان:مش صاحبهم يبقي نفس الصدفه

اسر:يعنى انتو كلكو كنتو صحاب من زمان

حسن:هما كانو صحاب وانا دخلت الدايرة بعد كدا

جميله:وانتو كمان كنتو صحاب

شروق:تمارا ومريم كانو صحاب جداا وانا ومروة كنا جيران تمارا فى نفس العمارة

مروة:بجد ايام عمارة اسكندريه دى كانت حلوة اوى

تمارا:جدااا نفسي ترجع تانى

مريم:ياريييييت

زينه:احلى حاجه انكو كلكو اخدين بعض عن حب

تمارا:ويارب ياحبيبتى كل واحد فيكوو يكون من نصيب اللى سكن قلبه او قلبها

جميله بصت لريان اللى غمزلها واسيل افتكرت ادهم وابتسمت وجنه عينها جت على زين اللى بصلها وهى نزلت وشها الارض بسرعه وزينه بتفكر فى فريد واسر عينه عليها

الكل قضو وقت جميل كله ضحك وهزار سوا وبعد كدا كل واحد راح على اوضته

=========================

صباح يوم جديد فى اوضه زينه بتكلم فريد

زينه:صباح الخير ياحبيبي

فريد:صباح الحلاوة ياقمر اخبارك ايه

زينه:الحمدلله

فريد:ايه رايك اعزمك النهارده على الغدا

زينه:فريد انا اسفه بس النهارده الجمعه وبنقضيه كلنا سوا محدش هيوافق انى اخرج معاك خليها مرة تانيه

فريد بضيق:تمام يازينه انا لازم اقفل باى

زينه:فريد لحظه ... فريد .... اوف شكله زعل بس هو عارف ان الجمعه ممنوع حد يخرج اعمل ايه

زينه فضلت ترن عليه بس مردش عليهاا قامت غيرت ونزلت كان الكل متجمع على السفره

زينه:صباح الخير

الكل:صباح النور

قعدت مكانها وكان شكلها زعلان والكل لاحظ ده

جنه بهمس:مالك

زينه:مافيش

الكل فطرو والماميز قامو يحضرو الغدا ومعاهم البنات والكبار والشباب قعدو فى الجنينه

اسر:زينه كان شكلها زعلانه من حاجه لما نزلت

ريان:تلاقيها متخانقه مع فريد ولا حاجه

اسر:ممكن

زين طبطب على كتفه واسر بصله وابتسم

==========================

فى المطبخ كان الكل بيساعدو فى تحضير الغدا

جنه وزينه قاعدين على التربيزة بيقطعو السلطه

جنه:مالك يازينو

زينه حكتلها على اللى حصل

جنه:بس هو عارف ان محدش بيخرج يوم الجمعه ازاى يطلب منك تخرجى معاه مايام ربنا كتير يعنى

زينه:مش عارفه وعماله ارن عليه مش بيرد

جنه:متزعليش منى يازينه هو اللى غلطان مش انتى المرة دى

زينه بصتلها وهزت راسها وكملو تقطيع الخضار

بعد شويا وقت كانو خلصو الاكل

تمارا:جنه روحى قوليلهم هياكلو برا ولا جواا

جنه:حاضر ياتوتا

جنه خارجه تجرى خبطت فى زين

جنه:اوبس انا اسفه

زين:بتجرى كدا ليه

جنه:مافيش خارجه اسالكو هتاكلو برا فى الجنينه ولا جوا القصر

زين:هناكل برا

جنه:حاضر هعرف توتااا

جنه دخلت المطبخ وزين عينه عليهاا وخرج من القصر وبدا البنات يخرجو الاكل برا واكلو فى جوا جميل وزينه كانت طول الوقت سرحانه وتمارا ملاحظه ده

==========================

بعد الغدا زينه طلعت اوضتها والباب خبط كانت تمارا:ممكن نتكلم شويا

زينه:طبعا ياماما تعالى

تمارا قعدت جمبها على السرير:قمرايه قلبي مالها

زينه:مالى انا كويسه اهو

تمارا:بتضحكى على توتا يازينوو

زينه اتنهدت:بصراحه اللى حصل

زينه بدات تحكيلها على اللى حصل بينها وبين فريد

تمارا:بس انتى مش غلطانه يازينه هو عارف اننا كبار وصغيرين ممنوع حد يخرج يوم الاجازة وبنقضيه سواا

زينه:انا قولته بس هو زعل وقفل ومش بيرد عليا

تمارا:سيبه لما يهدى ياحبيبتى واكيد هيكلمك او هيرد عليكى وتعالى يلا اسهرى معاناا

زينه:حاضر هاجى وراكى اهو ياتوتا

تمارا:حاضر ياروح قلب توتا

زينه حضنتها:انا بحبك اوى ياماما

تمارا:وانا بعشقك ياروح ماما

تمارا خرجت وزينه رنت تانى على فريد وبردو مردش عليها سابت الفون ونزلت تسهر معاهم تحت وقضو باقى اليوم لعب وهزار زى ماهما متعودين كل يوم جمعه وخلص اليوم والكل طلع ينام

زينه طلعت اوضتها مسكت فونها لقت فريد رن عليها كتير رنت عليه تانى مردش عليها سابت الفون ونامت......

الجزء الثاني من هنا

صباح يوم جديد الكل متجمعين على الفطار وتقريبا الكل خلصو اكل

دخل الحارس:فهد باشا الباشمهندس فريد برا

زينه:فريد

فهد:خليه يدخل

الكل قامو وراحو الريسبشن عشان يستقبلو فريد اللى دخل وسلم على الكل وقعد معاهم

فريد:انا اسف انى جيت من غير معاد ياعمى

فهد:ده بيتك تيجى فى اى وقت يافريد

فريد:تسلم ياعمى انا كنت جاى عشان اطلب منك النهارده عندى حفله شغل وكنت حابب زينه تحضرها معايا لو حضرتك سمحت

فهد بص لزينه:انا عن نفسي موافق بس شوف رأى زينه بردو

فريد:تحبي تحضري معايا الحفله يازينه

زينه:اكيد

فريد:خلاص ياعمى النهارده باذن الله الساعه ٦ هاجى اخدها

فهد:تمام

اسر كان متعصب جداا من فكرة انها هتخرج معاه:انا خارج عن اذنكوو

زين:استنى يااسر هاجى معاك عن اذنك يافريد

فريد:اتفضلوو انا كمان هروح الشركه

تمارا لانها عارفه انهم كانو زعلانين من بعض وباين على زينه التوتر:فريد ممكن توصل زينه فى طريقك هى كدا كدا راحه المستشفى

فريد:اكيد لو عمى سمح

فهد:اتفضلو

زينه:هتيجى معانا ياجنه

جنه:لا انا هروح مع بابا وجميله

كنان:يلا ياحبايبى اوصلكو

الكل خرجوو لشغلهم

مريم قعدت جمب تماارا:مالك

تمارا:حاسه علاقه فريد وزينه غريبه وفيها توتر غريب

مروة:يمكن التوتر ده بسبب الفرق الكبير اللى بينهم

تمارا:فرق فى ايه بقي

شروق:شخصيتهم مختلفه جدا ياتمارا يعنى زينه بنت رقيقه وجميله وعفويه جداا لكن هو غريب وغامض جدااا

تمارا:ده نفس كلام فهد على فكرة بس متنسوش ان هى اللى اختارته محدش اجبرها عليه

مروة:بصى ياتوتا احنا منقدرش نعمل حاجه لان هما من نصيب بعض

تماارا:ان شاء الله خير بس تعرفو كان نفسي جداا تكون من نصيب اسر

مروة:انتى بتقولى فيها انا اكتر واحده نفسي فى كدا بس يكون باختيارها مش غصبن عنها

مريم:طبعااا

شروق:الايام هى اللى هتبين ايه اللى هيحصل باذن الله

تمارا:يلا نشوف هنعمل ايه على الغداا

شروق:يلا

قامو كلهم دخلو المطبخ عشان يجهز الاكل

=======================

فى عربيه فريد اللى بيسوق فى صمت من وقت ماركبوو

زينه:انت لسه زعلان يافريد انت عارف ان اليوم ده محدش بيخرج من البيت وده امر من بابا

فريد بجمود:عادى يازينه

زينه:لا مش عادى انت عارف انى مش بحب انك تزعل منى

فريد وقف العربيه وبصلها بصه غريبه كلها برود وزينه كانت مستغرباه وخافت من نظرته:انتى اهم حاجه عندك عيلتك لكن انا مش مهم

زينه:مش صح

فريد بعصبيه وصوت عالى:لا صح كل حاجه ماما وبابا وزين وجنه لكن انا فين من كل ده

زينه خافت منه اول مرة تشوفه متعصب كدا وهى مش متعوده حد يتعصب عليها كدا لان كل اللى حوليها بيعمولها بحب زينه عيطت:فريد لو سمحت

فريد حاول يهدى نفسه وشغل العربيه وبعد شويا وصل عند المستشفى:انزلى والساعه ٦ هكون عندك وهابعتلك فستان ياريت تلبسيه لو بتحبينى بجد

زينه:حاضر

زينه نزلت وفريد كان بيبصلها وهو مضايق جداا ومشي بالعربيه

=========================

زينه طلعت وودخلت مكتب جنه وعينيها كلها دموع وجنه خافت لما شافتها:مالك يازينه

زينه حضنتها وعيطت

جنه:فى ايه يازينه مالك

زينه قعدت ولما هدت بدات تحكى لجنه على اللى حصل

جنه:ازاى اصلا يكلمك بطريقه دى ومحصلش حاجه عشان يتعصب عليكى كدا

زينه:انا اول مرة اخاف منه كدا ياجنه نظرته كانت غريبه اوى مش فريد اللى انا بحبه ابداا

جنه:طب اهدى ياحبيبتى احنا النهارده مش عندنا حاجه مهمه تيجى نروح

زينه:لو روحت كدا ماما هتحس ان فى حاجه خلينا شويا كدا

جنه:طب هتلبسي ايه وانتى راحه الحفله

زينه:قالى هيبعتلى فستان

جنه:طب كويس

===========================

بعد وقت كبير جنه وزينه رجعو على القصر

تمارا:زينو ياحبيبتى فريد بعتلك فستان طلعته اوضتك

زينه:حلو ياماما

تمارا:مفتحتوش ياحبيبتى ...انتى كويسه يازينو

زينه:اه ياحبيبتى الحمدلله .... تعالى معايا ياجوجو نشوف الفستان

جنه:يلا

البنات طلعو الاوضه وزينه فتحت الكافر واتصدمت لما شافت الفستان اللى كان بلون العنابي ساك وساده مافيش غير ورده على الكتف

جنه:ايه ده يازينه

زينه:ممكن يكون اتبعت بالغلط فريد عارف انى مش بلبس كدا وبعدين ده ضيق جداا

جنه:طب كلميه واساليه

زينه رنت على فريد اللى رد عليها ببرود:نعم

زينه:فريد هو الفستان اللى انت بعته شكله ليه

فريد:ماهو قدامك وانتى شايفه شكله

زينه:بس ده ضيق جدا يافريد انت عارف انى مش بلبس كدا

فريد:وانتى خارجه معايا وعايزك تلبسي ده يازينه باى

فريد قفل فى وشها وزينه بصت لجنه اللى كانت سامعه المكالمه اصلاا

جنه:هو ماله ده

زينه:مش عارفه

جنه:هتعملى ايه لسه ساعه بس ويجى ياخدك

زينه:هو قالى الصبح لو بتحبينى البسيه

جنه:وهتلبسيه يازينه انتى عارفه لو عمو فهد ولا زين شافوكى ايه اللى هيحصل

زينه:طب اعمل ايه

جنه:تعملى اللى انتى عايزاه ومرتاحه فيه مش اللى هو عايزه يازينو

زينو قامت فتحت الدولاب وخرجت دريس شيك لونه موف ضيق من فوق ونازل واسع هادى ورقيق جداا:انا هلبس ده

جنه ابتسمت:هتبقي احلى واحده فى الحفله يازينو

زينه راحت تلبس وعملت ميكب بسيط وكانت قمرايه

جنه:وااااو قمر يازينو ربنا يحميكى ياقلبي

فون زينه رن وكان فريد:ده فريد

زينه:الو...حاضر نازله اهو

جنه:يلا روحى

زينه نزلت وقابلت اسر على السلم اللى انبهر بجمالها

زينه بتلقائيه:ايه رايك يااسر

اسر:زى القمر يازينوو

زينه:مرسيي انا هنزل لان فريد تحت

اسر ملامح وشه اتغيرت واتعصب:تمام

زينه استغربته ونزلت تحت كان فريد واقف مع تمارا وفهد ولما شافها بان عليه انه اضايق انها ملبستش الفستان وزينه لاحظت ده وفهد عينه على فريد ومتابع كل نظراته لزينه وباين كدا انه متعصب من حاجه

تمارا:ماشاء الله زى القمر ياحبيبه قلبي ربنا يحميكى

زينه حضنت تمارا وقربت من فهد:ايه رايك يابابا

فهد:جميله كالعاده ياحبيبتى روحى مع خطيبك

فهد بص لفريد واتكلم بحده:حطها فى عينيك يافريد دى قلب الفهد واللى يزعلها الدنيا كلها تزعل عليه

فريد استغرب نبره صوته اول مرة يكلمه كدا:زينه فى عيونى ياعمى

فريد مد ايده لزينه اللى مسكت ايده وخرجت معاه وتمارا قربت من فهد:مالك يافهد اول مرة تتكلم كده مع فريد

فهد:ولا حاجه ياحبيبتى انا عندى شويا شغل هخلصه واجيلك

تمارا:تمام

=========================

زينه خرجت من فريد اللى ضغط على ايدها جامده وهى اتوجعت:فريد ايدى

فريد قربها منه:ملبستيش الفستان ليه

زينه بوجع من ضغطه على ايدها:لانه ضيق يافريد انت عارف انى مش بلبس كدا ولا بابا وزين يسمحولى البس كدا

فريد:وانا هابقي جوزك المفروض تلبسي اللى انا بحبه مش اللى ابوكى واخوكى بيحبوه

زينه استغربت طريقته:فى ايه يافريد انت اول مرة تتكلم معايا باسلوب ده

فريد ساب ايدها وفتحلها بابا العربيه:اركبي

ولف يركب مكانه زينه ركبت وقفلت الباب وفريد مشي بالعربيه

اسر كان وافق فى بلكونه اوضته وشايفهم وحاسس ان فى حاجه بينهم بس مش عارفه ولا سامع كلامهم وكان متعصب جداا

========================

اسيل وجميله وجنه قاعدين فى اوضه الروايات

اسيل:بس زعلت انها مشت من غير مانشوفها

جنه:انتو اتاخرت وفريد كان وصل

جميله:هنشوفها وهى راجعه يعنى هى هتروح فين يعنى

اسيل:على رايك

جنه كانت سرحانه وخايفه فريد يزعل زينه لانها ملبستش الفستان

اسيل:جنه...ياجوجووو

جنه:هااا .. نعم

اسيل:دانتى مش معانا اصلا مالك

جنه:مافيش بس زهقانه ومش عايزة اقرأ النهارده

جميله:انتى كويسه ياجنه اول مرة ترفضى تقرأى معانا

جنه:النهارده بس تعبنا فى المستشفى هروح ارتاح فى اوضتى شويا

اسيل:ماشي ياحبيبتى

جنه خرجت وهى ماشيه سرحانه عايزة تتصل على زينه تتطمن عليها ومش عارفه تعمل ايه زين كان طالع بسرعه خبط فيهاا وفونها وقع على السلم

جنه:انا اسفه ماخدتش بالى

زين ملاحظ انها متوترة:انتى كويسه

جنه:اه الحمدلله

زين نزل جاب الفون اللى شاشته اتكسرت وطلع وقف قدام جنه وبص للفون وبص لجنه

جنه اخدته منه:مش مشكله هابقي اصلحه اصبح على خير

زين شد الفون منها:انا اللى وقعته يبقي انا اللى هصلحه

جنه:لا مش غلطتك انا كنت سرحانه شويا

زين:سرحانه فى ايه

جنه بعفويه:فى زينه وفريد

زين باستغراب:ليه مالهم زينه وفريد

جنه اتوترت وزين لاحظ ده:لا ابداا اصلهم خرجو سواا وكان شكلهم حلو ربنا يسعدهم عن اذنك

جنه جرت بسرعه نزلت تحت وزين واقف مستغرب وطلع وقابل اسر وكان باين عليه انه متعصب جدااا

زين:مالك متعصب ليه

اسر:ولا حاجه

زين:اكيد عشان زينه خرجت معاه مش كدا...تعالى نتكلم شويا

زين واسر طلعو على السطح

زين قعد فى مكانه المفضل على السور:انت شوفتهم وهما خارجين

اسر:اه

زين:كانو كويسين

اسر:شوفتهم من شباك اوضتى الظاهر فى حاجه بينهم كان فى توتر اول مرة اشوفه بس مسمعتش بيقولو ايه

زين:يبقي فى حاجه

اسر:ليه

زين:جنه كانت ماشيه سرحانه ولما سالتها سرحانه فى ايه قالتلى فى زينه وفريد ولما سالتها ليه اتوترت ماكنتش عارفه ترد

اسر:معقول يكون فى حاجه بينهم

زين:مش عارف

اسر:طب هنعرف ازاى

زين:اسال اسيل اختك

اسر:اسيل وجميله لسه جايين بعد ماهو اخدها ومشوو جنه اللى كانت معاها

زين:يبقي نعرف من جنه

اسر:ازاى يافالح

زين:رن على اختك كدا

اسر رن على اسيل من غير مايسال عن السبب

اسيل:يعنى فى نفس البيت مش هاين عليك تيجى تخبط على باب اوضتى

اسر:بطلى رغى كتير

زين:اسيل

اسيل:ده زين صح

زين:صح يااسيل بصى هاتى جنه وجميله وتعالو عشان السطح

اسيل بفرحه:هنسهر ولا ايه بس البت زينه مش هنا

اسر:بت اعملى اللى قولنا عليه وخلاص

زين:بس بلاش جنه تعرف اننا فوق فهميها انكو طالعين تسهرو انتو سوا

اسيل:حاضر

===========================

اسيل وجميله خبطو على جنه اللى فتحتلهم:مالكو

اسيل:البسى بسرعه

جنه:ليه

اسيل:تعالى نطلع على السطح نستنى البت زينه

جنه:لا مش عايزة اسهر اطلعو انتو

جميله:بطلى رخامه بقي وتعالى نطلع عايزة اشوف زينه وفريد سوا وهما جايين ونصورهم فيديو حلو ونعمله مفاجاه لزينو ايه رايك

جنه حبت الفكرة:حاضر هلبس الاسدال واجى معاكو

==================

جنه واسيل وجميله طلعوو السطح وجنه اتفاجت بزين واسر قاعدين على السور

جنه بصت لاسيل وجميله

اسر:تعالو يابنات

اسيل:انتو بتعملو ايه هنا

اسر:عادى كنا زهقانين وزين مخنوق ومضايق قولنا نطلع نشم شويا هوا

جنه بصت لزين اوى ولما هو بصلها بعدت نظرها عنه بسرعه

جميله:اومال ريان فين

اسر:عنده عشا عمل مع عميل مهم هيخلص الاجتماع ويجى

اسيل:وانت بقي مخنوق ليه يازين

اسر:عشان زينه اصلها كلمته من شويا

جنه:زينه مالها هى كويسه

زين بصلها واسر كمل كلامه:كلمته وجايه فى الطريق وبتعيط وشكلها مخنوقه من حاجه

جنه بسرعه:اكيد فريد اللى زعلانها انا متاكد

زين نزل من على السور وقرب من جنه اللى اتوترت ورجعت لورا

زين:وهيزعلها ليه

جنه:معرفش

زين بحده:جنه انتى قولتى انك متاكده انه مزعلها

اسر:فى حاجه حصلت بينهم ياجنه اتكلمى

جنه حكتلهم على اللى حصل:بس ده اللى حصل مش اكتر

زين:وهو هيزعلها عشان فستان

جنه:لا اصل زينه قالت انه متغير معاها من امبارح لما طلب منها تخرج معاه وهى قالتله ان عمو وانت مش هتوافقو انها تخرج يوم الجمعه

زين:ده بس اللى حصل

جنه:اه والله

اسر:يبقي نستنى لما تيجى ونشوف عمل معاها ايه

جنه:مش انت بتقول انها بتعيط

اسر:احم احنا اسفين ياجنه زينه مكلمتش زين ولا حاجه احنا كنا عايزين نعرف ايه اللى حصل بينهم

زين:احنا عملنا كدا عشان مصلحه زينه ياجنه وانتى اكيد عايزة مصلحتها صح

جنه:اكيد

اسيل:وهنعمل ايه الوقت

اسر:نستنى لما تيجى ونشوف اتعامل معاها ازاى.......

الجزء الثاني من هنا

رواية في قبضة الفهد الجزء الثاني(عشق الابناء) الفصل السادس6

بقلم جنات

عند زينه وصلت المكان اللى فيه الحفله وكانت فيلا فريد مسك ايدها ودخلو وفريد كان ماشي بيسلم كل اللى بيقابله وكان متجاهل زينه ومش بيعرفها على حد وزينه كانت محروجه جدااا

فريد شاف مجموعه شباب وبنات راح ناحيتهم وزينه معاه كل الشباب بداو يقربو من فريد ويسلمو عليه والبنات كمان بداو يسلمو على فريد وقربو وحضنوه وزينه كانت مضايقه جداا وخصوصا ان فريد بيبادلهم الحضن وبيهزر ويضحك معاها ولا كانها موجوده

بنت منهم اسمها شيرى:مين دى يافريد

فريد:دى زينه خطيبتى

واحد من الشباب:اخيرااا خليتنا نشوف خطيبتك

شيرى قربت من فريد وهى بتبص لزينه:مكنتش متخيله اه هى ديه خطيبتك يافريد

زينه اضايقت منها:ليه يعنى

شيرى:اصلك بصراحه مش استايل فريد خالص

زينه بصت لفريد اللى بيبصلها ببرود وفى حد شاورله

فريد:هروح اشوف عميل عندى وراجعلك تانى

بنت تانيه اتكلمت:كلنا كنا دايما نقول شيرى لفريد وفريد لشيرى اصلها شبهه جداا الصراحه

بنت تالته:انتى ماشاء الله حلوة بس استايلك مش شبه فريد ولا شبهه شلتنا خالص

شاب منهم:مش عارف هو اختارلك انتى وساب شيرى ازاى

شاب تانى:هو فى حد عاقل يبعد عن الصاروخ شيرى

زينه اضايقت منهم ومن كلامهم وماسكه دموعها بالعافيه:اصل انا عندى اللى مش عند شيرى هانم ولا عندكو كلكو

شيرى:وايه هو بقي

زينه:الاخلاق والاحترام اللى انتو متعرفوش عنه حاجه اصلاا عشان كدا كان لازم فريد يسيبك ويختارنى انا عن اذنكوو ....وااااه ... انا متشرفتش بمعرفتكو خالص

زينه سابتهم ومشت وبصت على فريد اللى واقف بيتكلم وخرجت من الحفله وهو شافها وجرى وراهاا

فريد:زينه...زينه

فريد شد زينه من دراعها:انتى راحه فين مش انا بنادى عليكى مش سمعانى

زينه زقت ايده واتكلمت بصوت عالى:لا مش سمعاك ولا عايز اسمعك اصلا ولا اشوفك

فريد اتعصب:صوتك ميعلاش انتى فاهمه وبعدين انتى راحه فين مش احنا جايين سوا

زينه:بجد احنا جايين سوا تصدق مخدش بالى يمكن لان حضرتك سيبنى ومش سال فيا وسايب صحابك العرر دول يغلطو فيا

فريد:غلطو فيكى ازاى

زينه:ابقي روح اسالهم قالو ايه عنى بس انا ميهمنيش اى حاجه قالوها انا زينه بنت الفهد وتمارا انت فاهم

زينه وقفت تاكسي وركبت بسرعه وفريد كان هينفجر من العصبيه

==========================

الشباب والبنات كانو لسه على السطح

ريان:هما اتاخرو ولا ايه

جميله:انت لحق تزهق انت لسه جاى من برا احنا بقالنا ساعه قاعدين

جنه واقفه بعيد عنهم عند السور وعينها على بوابه القصر وزين قرب منها:هتبقي كويسه متخافيش

جنه بصلته:يارب

جنه شافت تاكسي وقف قدام القصر ونزلت منه زينه:زينه جت

كلهم قامو يبصو عليها وشايفنها وهى بتمسح دموعه البنات نزلو جرى بسرعه وزينه اول ماشافتهم حضنتهم وعيطت جامد اوى

اسيل:مالك يا زينو بتعيطى ليه

زينه:خلينا نطلع عشان محدش يحس بحاجه

جنه:تعالى

البنات طلعو اوضه زينه اللى كانت منهارة والبنات كانو بيحاول يهدوها وزينه حكتلهم كل اللى حصل

جميله:مين الحيوانه دى عشان تكلمك بالاسلوب ده

اسيل:انا لو مكانك كنت جبتها من شعرها اللى فرحانه بيه ده

جنه:زينو حبيبتى انتى رديتى عليهم وعليه الرد صح ومغلطتش ياقلبي وبلاش تزعلى نفسك يلا غيرى ونامى انتى اكيد تعبانه

زينه:اوى

اسيل:طب تحبي ننام معاكى

زينه:ياريت

جميله:طب يلا غيرى وانتى قمر كده

زينه دخلت تغير واسيل خرجت عشان تقول لشباب اللى مستنين على السطح

========================

على السطح اسر كان متعصب جدا لما شاف دموعها وعمال رايح جاى

ريان:ماتتهد بقي خيلتنا

زين:اهدى يااسر بقي

اسيل دخلت واسر جرى عليها:ايه اللى حصل

اسيل حكتلهم الكلام اللى قالته زينه:انا هنزل عشان لازم اكون معاها

اسيل نزلت

ريان:معقول يكون قاصد يعمل معاها كدا او متفق مع صحابه

زين:معتقدش ولو صح يبقي هو اللى حكم على نفسه بالعذاب اسر خلى رجالتنا تكون وراه فى كل مكان انت سامع

اسر:ده اللى هما بيعملوه يازين

زين:خلينا وراه لما نشوف اخره ايه

==========================

زينه غيرت وخرجت من الحمام ونامت على السرير والبنات جمبها

اسيل:انتى ناويه على ايه يازينو

زينه:مش عارفه

جميله:هتكملى معاه بعد اللى عمله

جنه:بلاش كلام فى الموضوع ده خلوها ترتاح شويا...زينه

زينه:نعم

جنه:نامى ياحبيبتى شويا وبلاش تفكرى كتير

زينه غمضت عينيها ونامت على طول والبنات كمان نامووو

========================

فى اوضه حسن ومروة قاعدين جمب بعض على السرير

مروة:شوفت اسر النهارده وحالته لما شاف زينه خارجه مع خطيبها

حسن:شوفتها ومش عارف هو بيعذب نفسه كدا ليه

مروة بصتله:تعرف اسر بيفكرنى بنفسي جداا لما انت اتجوزت سماح وانا كنت دايما اشوفكوو كنت بحس بنار جوايا

حسن ضمها لحضنه:وفى الاخر بقيتى من نصيبى ياقلبي

مروة:تفتكر ممكن زينه تكون من نصيب اسر

حسن:ياريت انا اتمنى والله ودى امنيه فهد وتمارا

مروة:عارفه بس انا خايفه عليه قلبه يتكسر لما زينه تتجوز فريد

حسن:ابنك راجل يامروة واللى عايزه ربنا هيكون باذن الله

مروة:باذن الله

حسن:يلا عشان ننام ياحبيبتى

مروة طفت النور ونامت فى حضن حسن

=========================

فى اوضه كنان اللى قاعد وفى حضنه مريم

مريم:كنان

كنان:عيونه

مريم:شروق كانت بتتكلم معايا فى موضوع ريان وجميله

كنان:امممم

مريم:انت مش موافق ولا ايه

كنان:لا طبعاا ريان جدع وراجل وكفايه انه بيحب جميله بس لسه شويا على الموضوع ده وكمان مستحيل جميله تتخطب قبل اختها الكبيرة

مريم:انت عارف اللى فى قلب جنه

كنان:عارف ونفسي تحصل بجد

مريم:تمارا بتقولى ان زين زى فهد جداا مش بيبين مشاعره بسهوله

كنان ضحك:على مايبينها هتكون البت عجزت

مريم ضحكت:طب يلا عشان ننام

كنان:يلا ياقمرى

===========================

فى اوضه راكان وشروق نايمين على السرير

شروق:انا اتكلمت مع مريم فى موضوع ريان وجميله وهما مرحبين جدااا

راكان:انا عارف انهم اكيد هيوافقو بس قولتك لسه بدرى

شروق:لسه بدرى

راكان:لسه الشباب اللى اكبر منه محدش فيهم خطب ولا اتجوز

شروق:قصدك زين واسر طب اسر واحنا عارفين ليه مش هيخطب لكن زين شكله مش ناوى اصلاا

راكان:جميله كمان لسه بتدرس ياشروق

شروق:دى اخر سنه ليها ياراكان

راكان:طب يلا ننام ونشوف المواضيع دى بعدين

شروق:يلا

==========================

فى اوضه فهد وتمارا

فهد قاعد على السرير وتمارا قاعده فى حضنه

تمارا:فهد

فهد:اممم

تمارا:اتكلمت مع زين ولا لسه

فهد:لسه

تمارا:يوووه يافهد مش قولتلك كلمه بقي وخليه يتقدم لجنه

فهد:انا عايزه هو اللى يطلبها بنفسه مش باذن منى

تماارا:يبقي هيخللو هما الاتنين ابنك شبههك مش هيتحرك ولا هيعترف بحبه ليها

فهد:شبههى

تمارا:جدااا

فهد:شوفتى زينه لما جت

تمارا:لا بس سالت اسيل وقالتلى انها جت وهينامو كلهم سواا

فهد:انا بتمنى انها تنهى خطوبتها بفريد

تمارا:وتكون من نصيب اسر

فهد:ياريت

تمارا:طب يلا ننام بقي

فهد:يلا يانبض الفهد

========================

عدى اكتر من شهر على ابطالنا

زينه اللى بقت متجاهله فريد وهو مضايق جدااا وبيحاول يتكلم معاها ويصالحها وهى رافضه تكلمه او تقابله

جميله خلصت امتحاناتها ونجحت كمان

اسر وزين لسه بيراقبو فريد بس بردو كله طبيعى من بيته لشغله والعكس واسر هيتجنن بس فرحان ان زينه بترفض تقابله كل مايجى القصر عشان يشوفهاا

البنات طلبو من فهد انهم يسافرو عشان يغيرو جوااا وهو وافق وخلص شغله هو والشباب عشان يقدرو يسافرو معاهم وزينه وجنه خلصو كل شغلهم فى المستشفى واخدو اجازة والكل كان بيجهز لسفر

لكن اسيل كانت زعلانه وخايفه على ادهم لانه فى مهمه فى سينا وتقريبا مش بيكلمها كتير ومتعرفش عنه حاجه لكن الفهد طمنها انه بخير واقنعها تسافر معاهم ........

اشرقت شمس يوم جديد على قصر الفهد والكل كان متحمس عشان السفر البنات نزلو والشباب كانو بينزلو الشنط

ريان:اموت واعرف حاطين فى الشنط ايه

جميله:احنا اخدين الحاجات المهمه بس

زين:ماشاء الله المهمه بس

اسر:دانتو لو حاطين طوب مش هتبقي تقيله كدا

اسيل:احنا البنات كدا حاجاتنا المهمه كتير

الماميز نزلو وكل زوج شايل شنطته وشنطه مراته

ريان لما شافهم ضحك:ياعينى على البهوات لما تبهدلهم الايام

راكان:عدى يوم احسنلك عندى استعداد اسافر واسيبك

ريان:تسبنى فين

كنان:فى المستشفى ان شاء الله لو مسكتش

ريان:سكت اهو

زين:طب ماتسكت من الاول بدل مانت جايب التهزيق لنفسك

فهد:سيبو الشنط هنا والحرس هيدخلو ياخدوهم

كنان:الله يصلح حالك يافهد ياخويا والله

تمارا:اللى يسمعكو يقول شايلين حديد

راكان:انيل وحياتك

شروق:كل واحده اخده شنطه واحده الله

مريم:اومال بقي لو كنا زودنا

كنان:ماتاخدو القصر وانتو رايحين احسن

حسن:طب اسكتو وعدى يومكو بقي احنا عايزين سفريه حلوه ولذيذه من غير نكد وحياتكو

مروة:قصدك ايه بقي ياحسن اننا نكد يعنى

راكان:البس يامعلم مش هنخلص النهارده

فهد:هتبطلو رغى ونمشي ولا نلغيها خالص

البنات:لالالا نلغى مين احنا خرجنا خلاص

البنات جرو على برا وفجاه صوتووو

والكل سابو الشنط وخرجو واتفاجو بباص كبير بدورين والدور التانى مفتوح والبنات كانو فرحانين وجرو على فهد وكلهم حضنوه

زينه:حبيبنا يااحلى بابا

جنه:ربنا يخليك لينا ياعمو

اسيل:مين اللى مدلعنا مين

البنات:الفهد الفهد الفهد

راكان:ماشاء الله ده ايه ده بقي

فهد:البنات عايزين يسافرو فى باص مش عربيات

كنان:بس الشمس صعبه

زينه:اقعد فى الدور اللى تحت واحنا هنقعد فوق

اسر:انسو احنا اللى هنقعد فوق

جنه:عمو فهد احنا اللى طلبنا من حضرتك الباص صح يبقي احنا اللى نقعد فوق

زين:عادى اقعدو فوق واحنا كمان هنقعد فوق

اسيل:ازاى يعنى احنا بنات وعايزين نقعد براحتك

اسر:ده باص ومفتوح هتقعدو براحتو ازاى يعنى

ريان:يلا بينا ياشباب

الشباب طلعو والبنات كانو متضايقين

فهد:اطلعو يلا انا كدا هابقي مطمن عليكو

البنات طلعو ولسه اسيل هتدخل الباص شافت عربيه ادهم داخله القصر راحت بسرعه عليه

اسيل بفرحه:ادهم

ادهم نزل من العربيه:عيون وقلب ادهم

اسيل:حمدلله على السلامه ياحبيبى عامل ايه

ادهم:بقيت كويس لما شوفتك

ادهم قرب منهم وسلم عليهم كلهم

فهد:يلا ياوحش اطلع

اسيل:انت جاى معانا

ادهم:الفهد الله يصلح حاله قالى اجى اغير جو انا كمان

فهد:يلا اطلع الشباب فوق

اسيل قربت من فهد:حبيبي ياعمو

فهد:اطلعى ياقلب عمك يلا

الكل طلعو وكل واحد قعد جمب مراته فى الدور اللى تحت والبنات والشباب فوق

ادهم طلع هو واسيل سابته وراحت للبنات

اللى كانو قاعدين فى مقدمه الباص وادهم راح لشباب فى نهايه الباص والباص بدا يتحرك

ادهم:اهلا بناس الواطيه

زين:حمدلله على السلامه ياصاحبي

ادهم:الله يسلمك

اسر:والله جدع انك جيت معانا

ريان:كدا السفريه هتحلو اوى

ادهم:عشان انا موجود طبعاااا

اسيل راحت للبنات وكانت فرحانه

زينه:ايوا كدا اضحكى بقي

جنه:ده على اساس انها كانت زعلانه يعنى

اسيل:قصدك ايه ياجوجو

جميله:قصدها كل خير ياقلبي انك مثلا مكنتيش زعلانه ان خطيبك فى مهمه وكنتى هتسافرى وتتبسطى كمان

جنه:ايه ياشعله مالك

زينه ضحكت:مش هتتغيرى ابداا

اسيل:هنعمل ايه بقي

جنه:مش عارفه

جميله:كنا مخططين لحاجات كتير بس البشوات جم قعدو معانا

زينه:طب ايه بقي عايزين اغانى

جميله:انزلى تحت شغلى

اسيل:لا احنا نقول لعمتو وهى هتظبط كل حاجه واحنا قاعدين هنا عشان الوحوش اللى ورا دول

جنه:فكرة يلا كلميها

اسيل كلمت تمارا:عمتو

تمارا:قلب عمتو

اسيل:عايزين اغانى ظبطى الدنيا بقي

تمارا:طب ماتنزلو ظبطو انتو الدنيا

اسيل:عشان الوحوش اللى معانا تاكلنا

تمارا ضحكت: تحبو اشغلكو ايه

اسيل:هنبعتلك على الواتس قشطااا

تمارا:قشطااا

تمارا قفلت والبنات بداو يبعتولها اسماء الاغانى

فهد:بتعملى ايه

تمارا:البنات عايزين يشغلو اغانى

فهد:طب ماينزلو

تمارا ضحكت:خايفين الوحوش اللى معاهم تاكلهم

فهد ضحك:طب شغليلهم يلا

تمارا طلعت قدام ووصلت فونها بسماعات وبدات تشغل

=========================

البنات قاعدين يستنو تمارا تشغل وفجاه اشتغلت الاغنيه اللى بيحبوها عذرااا قد حضر العو البنات فرحو والشباب اتفاجو بالاغانى

ريان:ايوا بقي يلا بينا

رياان وادنم قامو وبداو يرقصو وشدو زين واسر

اسيل:احنا كنا خايفين منهم دول فرحانين اكتر مننا

جميله:عايزة ارقص انا كمان

جنه:انتى اتجننتى ترقصى فين الدور مفتوح وكمان الشباب معانا

زينه:طب ايه هنعمل ايه

اسيل:تعالو نتصور

جنه:يلا

البنات وفقو وبداو يتصورو صور كتير

ادهم عينه على اسيل:انا رايح اتصور مع خطيبتى ياجدعان

اسر:اه ياعم انت الوحيد اللى رسمى ليك حق

ادهم:قر بقي قر

ادهم قرب منهم:اسيل

اسيل بصتله:نعم

ادهم:تعالى عايزك

ادهم اخدها وقعدو فى نص الباص بعيد عن البنات والشباب:يعنى بقالى شهر بعيد عنك وسيبانى كدا

اسيل:مانت قاعد مع الشباب

ادهم:طب ايه

اسيل بصتله اوى:كنت خايفه عليك اوى ياادهم

ادهم:ياحبيبتى هى اول مهمه يعنى لازم تتعودى بقي

اسيل:طب ماتسيب شغلك ده وخليك مع بابا وعمو

ادهم:مقدرش يااسيل انتى عارفه انى بحب شغلى جداا

اسيل:عارفه بس بخاف عليك اعمل ايه

ادهم:متخافيش ياحبيبتى حبيبك وحش

اسيل:احلى وحش

ادهم:طب يلا نتصور

اسيل:يلا

ادهم مسك الفون وبدا ياخد صور كتير ليهم

عند الشباب

ريان:يابن المحظوظه ياادهم

اسر:اه والله انا بقر عليه

زين:الواد هيولع وهو قاعد اقسم بالله

اسر وريان ضحكووو

ريان:بقولكو ايه انا هروح اتصور مع جميله ماكل عارف انى بحبها

اسر:لا جدع ياض

ريان راح ونادى على جميله اللى راحتله وقعدو سوا

جميله:نعم عايز ايه

ريان:يعنى جايبك عشان نقعد سوا تقوليلى عايز ايه

جميله:طب افرض بابا ولا حد طلع

ريان:الكل عارف انى بحبك وانتى بتحبينى صح

جميله ضحكت:صح...ماتيجى نتصور

ريان:عز الطلب يلا

اسر بص لزين:هنفضل قاعدين كدا

زين:هنعمل ايه يعنى

اسر:روح خد المزة بتاعتك من ايدها واعمل زيهم

زين بصله برفعه حاجب:انت عبيط يااسر

اسر:اه نسيت انك بارد مش هتتحرك

زين:طب ماتتحرك انت

اسر:انت عارف اللى مانعنى ياصاحبي

زين:عارف

اسر:الظاهر كدا احنا غلط وهو اللى صح

زين:شكلها ياصاحبي

عند جنه وزينه

زينه:جوجو

جنه:نعم

زينه:ماتعملى زيهم كدا

جنه:زى مين

زينه:جميله واسيل

جنه بصتلها:اعمل ايه بردو

زينه:روحى شدى اخويا البارد ده واتصورو سوا واحكو سوا

جنه:انتى سخنه يازينه ايه الكلام الاهبل ده

زينه:اى حاجه رومانسيه وخلاص

جنه:يعنى كان نفسك فريد يبقي معاكى

زينه بدون تفكير:لا

جنه بصلتها:مش عايزاه يازينو

زينه:تصدقى بعد اللى حصل اخر مرة بينا وانا مش طايقه اشوفه اصلا

جنه:طب هتعملى ايه

زينه:مش عارفه تصدقى خايفه اقول لبابا انى مش عايز اكمل معاه

جنه:ليه خايفه

زينه:لان انا اللى صممت انى عايزاه رغم انه كان رافض

جنه:بس عمو مش هيجبرك على حاجه وانتى عارفه وبجد لو شايفه ان دى نهايه حكايتكو وانك مش مستريحه انهيها احسن

زينه:انتى شايفه كدا

جنه:لا انتى اللى تشوفى مش انا ولا غيرى ولا حتى فريد فكرى مع نفسك وشوف انتى عايزة ايه وصدقينى هتلاقى اللى يستاهلك

زينه:اكيد ...انا هنزل اقولهم نقف نجيب حاجه ناكلها

جنه:حاضر

زينه نزلت لفهد وقالته وهو طلب من السواق يقف عند اى سوبر ماركت وقالها تشوف البنات ينزلو يجيبو اللى هما عايزينه

زينه طلعت:شباب بنات

الكل باصلها زينه كملت كلامها:الباص هيقف عند سوبر ماركت كل واحد ينزل يشوف عايز ايه ده امر من الفهد

جنه:زينو هاتيلى شبهك انا هستناكى هنا

والباص وقف والكل نزلو ماعدا زين وجنه

جنه كانت قاعده لوحدها قامت وقفت تتفرج على الطريق وزين شايفها كانت ضهرها ليه قام وقرب منها والسواق اتحرك بالغلط وجنه كانت هتقع لولا ايدين زين اللى لحقها وكانت فى حضنه

جنه بعدت بسرعه:انا اسفه

زين:متتاسفيش انتى كنتى هتقعى وانا لحقتك

جنه:شكرااا

زين:منزلتيش ليه معاهم

جنه:قولت لزينه تجبلى معاها وانت

زين:الشباب هيجبولى معاهم اكيد

جنه كانت متوترة ومكسوفه من وجودهم سوا وزين ملاحظ ده:جنه

جنه بصتله:نعم

زين:انا...

قطعه الشباب والبنات لما طلعووو وزين رجع مكانه وجنه كمان قعدت بسرعه وزينه قعدت جمبها:ايه

جنه:ايه

اسيل:زين كان بيقولك ايه

جنه:مقالش حاجه والله

جميله:عينى فى عينك كدا

جنه:بطلو بقي جبتولى ايه

البنات طلعو الحاجه وكانو جايين شوكلت كتير وشيبسي وحاجات تانيه كتير

والشباب كذلك والكل قعدو ياكلو ويضحكو ويهزروو

=====================

فى الدور الاول كل واحد جمبه مراته وبيتسلو فى الحاجات اللى جبوهااا

بعد وقت طويل وصلو عند فيلا اللى فى شرم الشيخ وده المكان المفضل اللى بيحبو يقضو فيه اجازة الصيف دايمااا وهى فيلا كلها بلون الابيض وكانت على البحر

الكل دخلو وكانو تعبانين من الطريق

فهد:اطلعو ارتاحو شويا على ماالمطعم يجيب الاكل

تمارا:انت طلبت اكل ليه يافهد كنا هنعمل احنا الاكل

فهد:انتو تعبانين من الطريق خلونا طول الاجازة نجيب اكل جاهز احسن عشان نقضي اكتر الوقت سوا اى رايكوو

حسن:حلو جدااا وممنوع اعتراض

تمارا:انتو عارفين اننا بنحب نعمل كل حاجه بنفسنا

كنان:اعتبرو نفسكو فى اجازة من المطبخ حلو كدا

راكان:متفقين

الماميز:متفقين

الكل طلعو الاوض البنات فى اوضه والشباب فى اوضه والكبار كل واحد ومراته فى اوضه بعد شويا الكل نزلو وكان الاكل وصل وقعدو اكلو فى جو عائلى رائع وبعد ماخلصو كلهم طلعو الاوض عشان يرتاحوو ويصحو تانى يوم من بدرى .......

الجزء الثاني من هنا

صباح يوم جديد الكل صحو ونزلو وقعدو يفطرو

اسيل:احنا عايزين ننزل البحر بعد الفطار

مروة:بلاش بدرى كدا عشان الشمس

زينه:احنا جايين نصيف يامرمر

حسن:مرمر

زينه:عندك اعتراض ياسي خالو

اسر:وهو يقدر بردو

ريان:ومين هيشهد للعروسه

راكان:طب اكتم عشان ميتعلمش عليك

شروق:حد يقدر يقرب من حبيب قلبي

ريان:حبيبتى ياشوشو ياقمر انتى

كنان:ياكسفتك ياراكان

فهد:خلصو فطار ياشباب وظبطتو القاعده اللى على البحر

الشباب:تمام

الشباب خلصو فطار وراحو على البحر ظبطتو القاعده والبنات طلعو لبسو بوركينى (مايوه الاسلامى) بالوان البحر وسليبر وطاقيه بحر بلون الاوف وايت ونزلو

الكبار والماميز اللى كانو لابسين كمان بوركينى بلون الاسود طويل وواسع خرجو وقعدو فى القاعده اللى ظبطتها الشباب والبنات نزلو البحر ولعبو وكانو مبسوطين والشباب قلعو التيشيرتات ونزلو ودخلو لجوا جداا وكانو بيتسابقو

تمارا:فهد

فهد بصلها:نعم

تمارا:تعالى ننزل البحر

فهد مسك ايدها: يلا

حسن بص لمروة:مش عايزة تنزلى

مروة:عايزه طبعاا

حسن:يلا بينا انتو هتنزلو ولا

راكان:جايين معاكو يلا ياشوشو

شروق:يلا

كنان:هااا هتنزلى

مريم:طبعااا

الكل نزلو وكانو مبسوطين

====

فهد حاضن تمارا من ضهرها وهى سانده راسها على صدره:فهد

فهد:قلبه

تمارا لفت وهى لسه فى حضنه:تعرف انى بحبك اوى

فهد:عارف

تمارا:رغم كل السنين اللى عدت علينا وحبنا بيزيد مش بيقل

فهد باسها من راسها:هيفضل يزيد طول ما قلبى بينبض

تمارا حضنته:ربنا يخليك ليا

====

حسن ماسك ايد مروة وبيدخل لجواا

مروة:حسن مش بعرف اعوم خلينا هنا ونبي

حسن:انتى خايفه وانا معاكى والله عيبه فى حقى

مروة:عمرى ماخاف وانت معايا ياابوعلى

حسن حضنها:عيون ابو على وقلبه

====

كنان شايل مريم بحيث تكون نايمه على الميااا

مريم:احساس حلو اوى ياكنان

كنان:ايه هو بقي

مريم نزلت ووقفت قدامه:مبسوطه انى معاك وفى اكتر مكان بحبه وهو البحر

كنان باس خدها:يارب دايما تكونى مبسوطه ياقمرى

مريم:وجودك معايا اكتر حاجه بتفرحنى ياكنان

====

شروق بتعوم وراكان جمبهااا

شروق:تيجى نتسابق

راكان:ادعيلى انا اللى علمتك العوم

شروق قربت منه:انت حبيب قلبي

راكان باسها من خدها:قلبي بقولك ايه ماتيجى نطلع اوضتنا وملناش دعوة بناس دى

شروق:عيب ياراكان يقولو ايه علينا

راكان:هيقولو ايه يعنى واحد مراته وحشاه عادى يعنى

شروق زقته فى الميا وعامت بعيد عنه:انسي

راكان:انا عارف انى متجوز مجنونه خدى يابت هنا

وراح وراهاااا

===============

عند الشباب بيتسابقو وزين واسر وادهم اللى بيكسبو

ريان:والله حرام سبونى اكسب مرة من نفسي شكلى بقي وحش قدام المزة

ادهم:تصدق صعبت عليا يارورو

اسر ضحك اوى:رورو

ريان راح لادهم وبدا ينزل راسه فى الميااا:عشان تبقي تقولى رورو

زين:ياعم سيب الواد

ادهم:طب ورحمه ابويا مانا سيباك ياروورووو

كلهم ضحكووو

ادهم:انا هروح اتمشي مع مزتى سلام

اسر:ماتلم نفسك ياحيوان دى اختى

ادهم:وخطيبتى

ريان:يعنى انت احسن منى ونبي هروح اخدها انا كمان واتمشي معاها

ادهم:الواد ده غيور اوى

اسر بس لزين:ياعينى علينا والله

زين:دول عيال تافهه ياعم

ادهم:طب عينى فى عينك كدا مش نفسك تاخد المزة وتتمشي معاها

زين:لا نفسي اعمل حاجه تانيه

زين مسك ادهم ونزله فى ميا وبعد شويا سابه

ادهم:الله يخربيتك كنت هموت

زين:عشان تبقي تقل ادبك مرة تانيه

ريان:الواد زين ده عنيف اوى

اسر:بعد الواد زين انا من رايي تهرب عشان تلحق تتمشي مع المزة

ريان عام بسرعه:انا بقول كدا بردو

ادهم:جبان يلا سلام

اسر:وبعدين هنفضل كدا كتير

زين:هنعمل ايه

اسر:تعالى نطلع ونتسابق لحد برا

زين:يلا

==============

عند البنات ماكنوش داخلين اوى لانهم مش بيعرفو يعوموو وكانو بيلعبو ويرشو على بعض ميا وبيتصورو كتيييير

ادهم وريان قربو منهم ونادو على البنات واسيل وجميله راحولهم وكل واحد اخد حبيبته وراحو يتمشو وجنه وزينه خرجو من الميا وقعدو على الرمله على طرف الميا

============

الكبار طلعو من الميا وشايفين زين واسر وهما بيتسابقو

تمارا:يلا يا زيزوووو

فهد بصلها وضحك

تمارا:بشجع ابنى الله

حسن:وانتى مش هتشجعى انتى كمان

مروة:هشجع طبعااا يلا يااااااسرر

الشباب وصلو للبر ووصلو سوا لاتنين

كنان:الاتنين وصلو سوا عشان محدش يزعل

جنه عينها على زين وهو طالع ولما بصلها نزلت وشها بسرعه وهو ابتسم واسر عينه على زينه اللى بتبصله وبتضحك وهو كمان ابتسملها

زينه فاقت لما فونها رن برقم فريد:اوووف

جنه:ردى عليه يازينه ده بيرن عليكى من امبارح

زينه:مش عايزة ارد

جنه شايفه زينه عينها على اسر:زينوو

زينه بصتلها:نعم

جنه:ايه مالك

زينه:مافيش هروح ارد عليه

جنه:اوكى

=================

ادهم ماسك ايد اسيل وبيتمشوو

اسيل:تعرف نفسي فى ايه

ادهم:اؤمرى

اسيل:نفسي لما نتجوز نقضي شهر العسل فى مكان كله بحر وتعلمى العوم

ادهم:غالى والطلب رخيص بس احنا نتجوز بقي

اسيل:ان شاء الله

ادهم وقف ووقف اسيل قدامه:اسيل انا هكلم عمى حسن ونحدد الفرح بقي كفايه كدا عايزك معايا فى كل ثانيه تكون جمبي وفى حضنى اكلمه

اسيل اتكسفت وهزت راسها باه

ادهم:ايواا بقي

==========

جميله وريان ماشين وبيتصورو سوا

ريان:انا زهقت ياجميله عايز نتجوز بقي

جميله:نتجوز مرة واحده طب قول خطوبه مثلا

ريان:خلاص اول مانرجع من السفر هكلم عمى كنان

جميله ابتسمت:حاضر

==========

زينه ردت على فريد:الو

فريد بعصبيه:انتى فين يازينه من امبارح برن عليكى وجتلكو القصر مافيش حد

زينه:احنا مسافرين

فريد:مسافرين فين يازينه وازاى تسافرى من غير ماتعرفينى

زينه:مسافرين اجازة الصيف وبالنسبه ازاى اسافر من غير ماعرفك فانا مسافره مع بابا وعيلتى وانت خطيبى

فريد:قصدك ايه

زينه:قصدى اكيد مش هاخد رايك عشان اسافر مع اهلى

فريد:فى ايه يازينه مالك انتى متغيرة اوى

زينه:انا اللى متغيرة بردو وانا اللى سبت صحابي يغلطو فيك من غير مادافع عنك مش كدا

فريد:انا اعتذرت منك كتير يازينه خلاص بقي

زينه:لا مش خلاص باى

زينه قفلت وقفلت الفون خالص وكانت مضايقه قرب منها اسر اللى كان واقف وراها من اول مااتكلمت

اسر:زينه

زينه لفت وشافته واسر وقف جمبها:مالك

زينه:مافيش

اسر:انتى متخانقه مع فريد

زينه:يعنى حاجه زى كدا

اسر ابتسم وخفى فرحته بسرعه:هو زعلك فى حاجه

زينه:موضوع مش مهم يااسر صدقنى انا كويسه هروح لجنه

اسر مسك ايدها وهى بصتله اوى:زينه انتى كويسه بجد ليه حاسك تايهه ومش عارفه انتى عايزة ايه

زينه بصتله وبتفكر ازاى فهمها كدا وعارف انها تايهه ومش عارفه عايزه ايه:انا كويسه يااسر عن اذنك

اسر:تمام

اسر قعد على الرمل ومروة جت وقعدت جمبه:تعرف انك بتفكرنى بنفسى جداا

اسر بصلها:ازاى ياست الكل

مروة حكتله حكايتها مع حسن من اول ماحبيتها لحد مااتجوزها

اسر:بعد يعنى بابا كان متجوز قبل حضرتك

مروة:ايوا وانا فضلت عايشه على حبه لحد ماربنا جعله من نصيبى

اسر:تفتكرى ممكن فى يوم تبقي من نصيبى

مروة:بدعيلك من قلبي ياحبيبي يريح قلبك ويفرحك

اسر حضنها:يارب يامرمر يارب

اسيل جت عليهم:خيااااااانه

اسر:فى ايه يابت مالك

اسيل:بتحبو بعض من غيرى اخص والله اخص

مروة:تعالى ياسولا

اسيل قعدت جمب مروة اللى حضنتهم هما الاتنين:ربنا يخليكو ليا

حسن من وراهم:وانا ايه نظامى

اسر:تعالى ياحاج اقعد معانا

حسن قعد جمب اسيل وحضنها:انا ربنا عوضنى باحلى زوجه واولاد فى الدنيا والله ربنا يديم جمعتنا سواا

كلهم:امين يارب

==================

زينه راحت قعدت جمب جنه على الرمل

جنه:كلمتيه

زينه:امم

جنه:وصلتو لايه

زينه:ولا حاجه

جميله جت عليهم ومعاها مسدسات فيه الوان:يلا نلعب

جنه:لا مش بحبها ابعدى عنى ياجميله احسنلك

زينه:ليه انا بحب العب بالالوان يلا ياجوجو بقي

جنه:مش بحبهم لا مش هلعب

زينه قامت واخدت مسدس من جميله وبصو لبعض وضحكو بشر:يلا

جنه قامت بسرعه وجرت على الفيلا وهى بتجرى بتبص وراها على البنات خبطت فى زين وكانت هتقع وهو صدهاا وكانت فى حضنه والبنات جم ورشو عليهم الوان جنه حطت ايدها على وشهاا والبنات بيضحكو عليها

جميله:كدا المهمه تمت

زينه برقت:احييييه زين

جميله:نهار اسود احنا اسفين والله يلا بينا

البنات جروو بسرعه قبل زين مايتكلم وجنه شالت ايدها من على وشهاا وبصت على زين اللى وشه وجسمه كله الوان بعدت عنه وزين اخد مناديل من على التربيزة ومد ايده لجنه

جنه:شكرااا

جنه بدات تمسح وشهاا من الالوان وزين اخد فوطه ومسح جسمه لانه ماكنش لابس تيشيرت ومسح وشه

جنه بصتله:فى الوان على خدك

زين:فين

جنه اخدو منديل وقربت ومسحتله خده:خلاص كدا

زين:شكرااا

جنه:العفو

زين:مش عايزة تنتقمى

جنه باستغراب:انتقم

زين:تاخدى حقك منهم

جنه:قصدك زينه وجميله يعنى

زين:اممممم

جنه:هنعمل فيهم ايه يعنى

جنه كل ده بتتكلم وهى وشها فى الارض

زين:طب بصيلى عشان اقولك

جنه:لا البس التيشيرت بتاعك الاول

زين ابتسم واخد تيشيرت بتاعه اللى كان على الكرسي ولبسه:اهو لبست التيشيرت بصيلى بقي

جنه رفعت وشها وبصيتله وبعدت نظرها عنها بسرعه

زين:خليكى هنا ثوانى وراجع وهاقولك هنعمل ايه

جنه:حاضر

زين راح الحمام وجاب جردلين كبار وملاهم ميا وحط جواهم لون احمر وخرج لجنه

جنه:انت هتعمل ايه

زين:هنغرقهم كلهم

جنه:كلهم مين

زين شاورلها برا كان البنات والشباب كلهم قاعدين سوااا

جنه:نهار اسود لالا روح لوحدك ماليش دعوة انا مش قدهم واكيد اسر وادهم مش هيعدوها كدا

زين:طول مانتى معايا محدش هيقدر يقرب منك يلا امسكى يلا

جنه اخدت منه جردل:ربنا يستر

زين خرج وقرب من البنات والشباب وجنه وراه وشاور لجنه وكبو الميا فى نفس اللحظه

على البنات والشباب اللى اتفاجأو

اسر:ايه الجنان ده يازين

ادهم:ياعم انت فى حد يعمل كدا

زين:بناخد حقنا

اسيل:هو حد جه جمبكووو

زين بص لزينه وجميله:اساليهم

اسيل:الله يخربيتكو انتو عملتو ايه

جنه:رشو علينا الوان بالمسدسات

ريان:طب دول مسدسات يعنى رشه رشتين لكن انت غرقتنا ياعم

زين:انا باخد حقى ضعف

زينه:احنا كنا بنهزر مع جنه معرفش انت جيت منين الله

زين:ما ده حق جنه

اسر:قول كدا بقي

ادهم مسك مسدس وحدف لاسر وريان كل واحد مسدس:بس احنا مش هنسكت وهنرد على اللى انت عملته ده

جنه بصت لزين:انا قولتلك مش هيسكتو

زين مسك ايدها وشدها وراه:الجدع اللى فيكو يرش بس رشه ويشوف هيحصل فيه ايه

ريان رمى المسدس على الارض:انا شايف ان المسامح كريم وان الله حليم ستار ياشباب

ادهم:ياجبان

جميله:بصراحه معاه حق انا ماشيه

زينه:خدينى معاكى ياجميله

اسر:شوف الاندال اللى اتبهدلنا بسببهم

اسيل:تعيشو وتاخدو غيرها

ادهم:انتى كمان هتمشي

اسيل:هو انا قد القطر عشان اقف فى وشه انا طالعه

اسر:تصدق البت دى صح

ادهم:انا بقول كدا بردو يلا بينا

كلهم مشو وجنه ضحكت اوى:شوفت هربو ازاى بس الصراحه معاهم حق

زين ربع ايديه:حق فى ايه بقي

جنه:هو فى حد عاقل يقف فى وش القطر بردو

زين قرب عليها:انا القطر مش كدا

جنه اتوترت:تصبح على خير

جنه جرت بسرعه وزين ضحك عليها وحس بايد على كتفه كانت تمارا:تعرف انى بحب ضحكتك اوى ونفسي دايما تضحك كدا

زين:ايه ياتوتا الفهد سايب نبض قلبه لوحده ليه

تمارا:حلوة مش كدا

زين:مين دى

تمارا:عليا ياواد جنه طبعاا

زين:مانتى عارفه اللى فيها ياتوتا من الاول

تمارا:وهتتحرك امته ياحبيب توتا

زين:سيبها بظروفها

تمارا:ظروف ايه ياحبيبى البت قربت تخلل جمبك

زين ضحك:طب اعمل ايه

تمارا:انت مفكر انها ممكن تيجى تقولك انا بحبك

زين:اكيد لأ دى بتتكسف من خيالها وكسوفها بيتوترنى

تمارا:لا متتوترش ياحبيبي واتحرك البت هتضيع من ايدك فكها شويا ياحبيبي بلاش تبقي شبه ابوك فى كل حاجه يعنى

فهد من وراهم:وماله ابوه

تمارا:ابوه ده حبيبي

فهد ضمها ليه:الواد ده مزعلك ولا ايه

تمارا:لا بقوله يتحرك البت هتضيع من ايده

زين:متقلقيش ياتوتا دى ملكيه خاصه ملك زين الفهد

تمارا بصت لفهد:شوف هيقولى زين الفهد مش

بقولك حته من ابوك كنت كل ماكلمه يقولى انا الفهد انا الفهد

فهد:وماله الفهد يانبض الفهد

تمارا:روح نبض الفهد

زين:ياجماعه نحن هنا

زينه جت عليهم بعد ماغيرت هدومها اللى اتبهدلت الوان:بتتكلمو فى ايه من غيرى

تمارا:ولا حاجه ياحبيبتى بنصح اخوكى البارد ده

زينه ضحكت

زين:عجبتك اوى

زينه حضنت اخوها:احلى بارد ده ولا ايه

فهد:انتى كويسه يازينه

زينه:الحمدلله يابابا

تمارا:يلا عشان تتعشو وتنامو

الكل اتجمعو على السفرة اتعشوو وطلعوو عشان يناموو.....

الجزء الثاني من هنا

اشرقت شمس يوم جديد والكل صحيوو وفطرو وقاعدين فى جنينه الفيلا بيهزرو ويضحكو ودخلت واحده من الخدم:فهد باشا

فريد بيه برا

زينه اتفاجت واسر اتعصب

فهد:خليه يتفضل

فريد دخل:صباح الخير

الكل:صباح الخير

فريد:ازيك ياعمى

فهد:بخير

فريد:اسف انى جيت فجاه بس انا كنت فى شغل قريب منكو ولما زينو قالتلى انكو هنا قولت اجى اسلم عليكم

تمارا:انت تنور فى اى وقت يافريد

فريد:شكرااا ياتوتااا

فريد عينه على زينه وراح قعد جمبهاا:ازيك يازينو

زينه:بخير وانت

فريد:بقيت كويس ياحبيبتى لما شوفتك

اسر عينه عليهم ومضايق منه

زين بهمس:اهدى شويا

فريد:عن اذنك ياعمى ممكن اتمشي انا وزينه شويا

فهد بص لزينه وحاسس انها مضايقه من حاجه:اتفضل

اسر جاب اخره قام وقف والكل بصله:انا طالع فوق

==================

فريد وزينه بيتمشو على البحر فريد جه يمسك ايدها زينه بعدت عنه:معلش يافريد

فريد:انتى لسه زعلانه يازينه

زينه:لا عادى

فريد:انتى ازاى تسافرى من غير ماتعرفينى

زينه:اظن انا رديت علي سؤالك ده وانا بكلمك انا مسافرة مع اهلى فاهم

فريد اتعصب وشدها من دراعها جامد وزينه اتصدمت من حركته دى:كل حاجه اهلى اهلى هو فى ايه ... انتى فى ايه مالك متغيرة ليه كدا

زينه زقته جامد:انت اتجننت ازاى تعمل كدا اصلاا واه هفضل اقول اهلى اهلى انت مفكر انى ممكن افضلك عن اهلى انت بتحلم

فريد قرب منها وكان متعصب وزينه خافت ورجعت لورا واتكلم بحده:زيـــــنه انا مش هفضل اسايس فيكى كتير فاهمه

زينه:محدش طلب منك تسايس فيا انا اصلا كنت هتكلم معاك لما نرجع من السفر

فريد:تتكلمى فى ايه

زينه:انا وانت مش هينفع نكمل مع بعض

فريد بعصبيه وصوت عالى:انتى اكيد اتجننتى

زينه:لا متجننتش لما الانسان اللى اختارته يكون شريك حياتى يطلب منى البس فستان مفسر كل حته فى جسمى وكمان يتجاهلنى وانا معاه عشان خاطر اصحابه وسايبهم يغلطو فياا ويسبنى ويمشى وكمان شايفه كل الكره اللى في عينك لاهلى بدون سبب المفروض اكمل معاك ازاى قولى كدا

فريد:المفروض كنت اعمل ايه اضربهم وابوظ الحفله ومين قالك انى بكره اهلك ده هما اللى بيكرهونى

زينه:لا متبوظ الحفله بس عادى تسيبهم يغلطو فيا مش كدا واهلى مين اللى بيكرهوك انا اهلى بيعملوك بكل احترام عمرك شوفت حاجه وحشه منهم من يوم مادخلت بيتنا

فريد....

زينه:مافيش عندك رد صح بس انا عندى ... انا اهلى بالنسبه ليا كل حياتى انت فاهم

فريد:انا اسف يازينه بصى فكرى براحتك وخدى وقتك وخلينا ندى لنفسنا فرصه

زينه:حتى لو فكرت مافيش حاجه هتتغير يافريد

فريد:عشان خاطرى لما ترجعى من سفرك نشوف ايه اللى هيحصل

زينه:ماشي عن اذنك

زينه مشت وفريد اتعصب جدااا ومسك فونه وكلم حد:كل حاجه باظت....تمام لما اجيلك ونشوف هنعمل ايه .... سلام

(تفتكرو فريد بيكلم مين وايه هو مخططه)

===================

زينه رجعت للعيله وكان شكلها مضايق

تمارا:مالك ياحبيبتى وفين فريد

زينه:مافيش انا كويسه ياماما وفريد جاله شغله ومشي

جنه:ماتيجى نتمشي شويا انا زهقانه اوى

اسيل:يلا

البنات قامو يتمشو على البحر

=================

اسر قاعد فى الاوضه حاسس انه هينفجر من كتر العصبيه

زين:ممكن تهدى شويا بقي

ريان دخل الاوضه:استاذ بارد مشي

ادهم:قصدك فريد

ريان:فى غيره بارد

زين:كان جاى ليه من الاول

ريان:زينه رجعت وكان شكلها مضايقه ولما توتا سالتها قالتلها عنده شغل

اسر:اكيد هو السبب اكيد ضايقهاا

ادهم:ياعم اهدى شويا بقي وخلينا نفكر

زين:انت الرجاله قالولك ايه عليه

اسر:اخر حاجه انه فى شرم وعنده شغل بس مافيش جديد

ادهم:بص الواد ده من برتاحله ابدااا لما نرجع انا بنفسي هجبلك كل حاجه عنه من اول مااتولد

ريان:طب كويس كداا

زين:الفهد دور وراه كتير ومافيش اى حاجه عليه

ادهم:اهو زياده تاكيد يازين

اسر:تمام اوى

ريان:يلا ننزل بقي

=======================

عدى اليوم والساعه بقت ٢ بليل البنات قاعدين فى اوضتهم فون جنه رن وكان اتصال من المستشفى

جنه:الووو......حالتها ايه الوقت ......لا انا هاجى واعملها العمليه وجهزو كل حاجه واعملو التحاليل لحد مااجى ....باى

زينه:فى ايه ياجنه

جنه:فاكرة نور اللى عندها ٥ سنين جابوها المستشفى وحالتها صعبه ولازم تعمل العمليه الاولى

اسيل:انتى هترجعى الاسكندريه

جنه:لازم انا هنزل اقول لبابا ويارب يوافق

=================

الكل قاعدين فى الريسبشن

فهد خرج من اوضه المكتب:زين

زين:نعم

فهد لسه هيرد عليه البنات نزلو

جنه:بابا

كنان:نعم ياجوجو

جنه:بابا فى حاله جت المستشفى وحالتها صعبه ولازم تعمل عمليه فى اسرع وقت

مريم:اى حد يعمل العمليه ياحبيبتى لازم انتى

جنه:للاسف انا اللى بعمل العمليات دى

تمارا:المفروض تسافرى امته

جنه:الوقت عشان اعمل العمليه الصبح بدرى

فهد:يبقي كلنا نرجع سواا

جنه:لا ياعمو انا هسافر اعمل العمليه وهرجعلكو على طول مش هقعد هناك خاولنا نكمل الاجازة دى مش بتتكرر كتير

حسن:جنه معاها حق

كنان:طب اجهزى ياحبيبتى وانا هاجى معاكى

جنه:حاضر يابابا

جنه طلعت والبنات معاها

فهد:كنان خليك انت وزين يروح معاها

كنان:ليه

فهد:انا عايز زين يروح يمضي شويا ورق فى الشركه احمد لسه مكلمنى الوقت زين هيمضيهم وجنه تعمل العمليه ويرجعوو سواا...زين روح جهز نفسك

زين:حاضر

زين والشباب طلعوو

كنان بص لفهد:عايز تبعتهم سوا عرفنى من غير لف ودروان

فهد برفعه حاجب:انا بلف وادور

راكان:الله يرحمك ياكنان كنت طيب والله

حسن:كنان مش قصده اكيد يافهد

راكان:لا ده كنان العاقل اللى فينا وعارف كل كلمه بتخرج من بوقه كويس

كنان:الله يخربيتك ياشيخ

مريم ضحكت:بطلو هزار بقي

تمارا:كان لازم يروح زين معاها يمكن لما يبقو لوحدهم يتحركو

شروق:جنه عمرها ما هتاخد الخطوة الاولى

مروة:الطبيعى ان زين اللى ياخد اول خطوة

فهد:خلصتو كلام انا كنت خارج من المكتب وبنادى على زين عشان يروح الشركه

حسن:يعنى بجد

فهد:اه احمد كلمنى وفى ورق مهم لازم يتمضي

تمارا:سبحان الله عشان يكونو سواا يارب تتحرك يازين بقي

مريم:يارب عايزه افرح ببنتى بقي

شروق:هتفرحى قريب بجميله ان شاء الله

مروة:نفرح باى حد بس الفرحه تدخل بيتنا بقي

الكل:يارب

بعد شويا البنات نزلوو

جنه:انا جاهزة يابابا

فهد:زين اللى هيوصلك ياجنه لانه عنده شغل فى الشركه بردو

جنه اتوترت:حاضر

تمارا بهمس لمريم:توتر بنتك وكسوفها دول هيودوها فى داهيه

مريم:جنه بسكوتايه فى نفسها اوى ياتمارا ويابخته زين بيها بجد

تمارا:يابختى انا بيها مرات ابنى القمر

شروق بهمس:مش لما ابنك يتحرك بقي

تمارا:انتى معانا على الخط

مروة:وحياتك وانا كمان معاكوو

الماميز ضحكو اوى والكل بصولهم

راكان:مالكو ماتضحكونا معاكو

مريم:شروق قالت نكته وضحكنا كلنا

كنان:الله يهديكو والله

زين نزل:يلا

فهد:خدو بالكو من نفسكو

مريم:استنو لحظه

مريم دخلت المطبخ ورجعت بعد شويا بشنطه:جوجو الشنطه دى فيها اكل وشويا تسالى عشان لو جوعتو فى الطريق

جنه:حاضر يامريومه

زين:هو احنا طالعين رحله

تمارا:اكيد هتجوعو فى الطريق يازين

زين:يلا هستناكى برا

جنه:حاضر

زين خرج وجنه سلمت على الكل وخرجت وكانت متونرة ومكسوفه اول مرة تبقي معاه لوحدهم لفترة طويله جنه ركبت وحطت شنطتها وشنطه الاكل على الكرسي اللى ورا

وزين اتحرك بالعربيه

====================

فى فيلا شرم

اسيل وادهم قاعدين فى الجنينه

ادهم:انا اتكلمت مع عمى حسن وموافق اننا نعمل كتب الكتاب والفرح كمان شهر ايه رايك

اسيل:بجد بابا وافق

ادهم:اه ياحبيبتى وافق

اسيل:بس تعرف انا زعلانه عشان هابعد عن القصر وعن البنات وعنهم كلهم

ادهم مسك ايدها:بس هتبقي جمب حبيبك اللى هينسيكى كل العالم

اسيل:اممممم بقي كدا

ادهم:وابو كدا كمان

اسيل:تعال نتمشي على البحر

ادهم:يلا بس عرفى باباكى الاول

اسيل:هدخل اقوله واجى بسرعه

اسيل دخلت قالت لباباها وخرجت تانى لادهم وراحو يتمشو على البحر وهما ماشيين كان فى شويا شباب قاعدين

واحد منهم:ياحلاوتك بالاحمر يافراولايه

اسيل بصت لادهم اللى وقف وملامح وشه اتغيرت:ادهم خلينا نمشي

ادهم بعصبيه مكتومه:انتى مش سامعه بيقول ايه

اسيل:يمكن بيكلم حد تانى خلينا نمشي عشان خاطرى

ادهم مسك ايدها ولسه هيمشو واحد من الشباب اتكلم:نار نار جسمى ولع نار من جمالك يااحمر

ادهم ساب ايدها:ارجعى على الفيلا

اسيل:ادهم عشان خاطرى ونبي ادهـــــــم

ادهم راح عندهم:بتقول ايه ياحيلتها انت وهو

واحد منهم:بنتامل الجمال الربانى ده

واحد تانى:شكلك جاى لقضاءك اهو حلو نخلص عليك وناخد القمر تسلينا طول الليل

الشباب ضحكو جامد

ادهم جاب اخره وضرب واحد فيهم بالبوكس بكل قوته وقع فى الارض معتش قام وباقى الشباب بصو على صاحبه وهجمو على ادهم اللى كان بيتفادى ضربهم باحترافيه وضربهم بطريقه مكناش قادرين يردو الضرب وكلهم وقعو فى الارض مش قادرين يتحركو

ادهم:انتو اللى جيتو لقضاكو ياروح امك منك ليه

ادهم لف لاسيل اللى واقف بتتفرج عليه:يلا ياختى امشي بالاحمر اللى لبساه ده

اسيل:وانا مالى وانا قولتهم يعكسونى مثلاا وبعدين ايه الجمدان ده ياادهومه دانت طلعت خطير كومتهم على الارض فى ثانيه دانا لازم اخاف منك والله

ادهم:لو كانت بنت تانيه مكانك كانت زمانها اغمى عليها من مناظرهم وانتى بتتفرجى كانه فيلم اكشن صبرنى يارب

اسيل ضحكت ومسكت ايده:مش بشجع حبيبى الله

ادهم:طب امشي ياقلب حبيبك

======================

فى العربيه عند زين وجنه طال الصمت ومحدش بيتكلم زين سايق وجنه عينها على الشباك وسرحانه وفاقت على صوت زين

زين:ساكته ليه

جنه:هاا

زين:انتى مش معايا اصلا

جنه:لا كنت سرحانه بس كنت بتقول ايه

زين:بقولك ساكته ليه مبتتكلميش يعنى

جنه:هتكلم اقول ايه

زين:نتكلم سوا نتسلى فى الطريق ولا مش عايزة تتكلمى معايا

جنه:لا ابداا بس شيفاك مركز فى الطريق اوى بصراحه انا جوعت تيجى ناكل اى حاجه

زين:حاضر

زين وقف وجاب الشنطه من على الكرسي اللى واداها لجنه اللى فتحتها:تحب تاكل ايه

زين:اى حاجه

جنه:مريومه حاطلنا كريب بشوكلت تاكل منه

زين:مافيش حاجه تانيه

جنه:فى كتير شوف عايز تاكل ايه

زين بص فى الشنطه اخد سندوتش وجنه اخدت كريب بشوكلت وزين اتحرك بالعربيه وبدوا ياكلو وجنه بتاكل فجاه الشوكلت خرجت من الكريب وايدها اتبهدلت

جنه:اوبس

زين:استنى هجبلك مناديل

جنه لسه هترد عليه قطعها رنه فونها

جنه:زين لو سمحت رد وافتح اسبيكر

زين عمل زى ماطلبت

جنه:الوو

الممرضه:دكتورة جنه حضرتك هتيجى امته

جنه:انتو عملتو كل التحاليل اللى طلبتها

الممرضه:ايوا كل حاجه جاهزة بس دكتور احمد عايز يعمل هو العمليه

جنه:لا محدش هيعملها غيرى مفهوم انا جايه فى الطريق والعمليه هتتعمل فى معادها ان شاء الله طمنى اهلها

الممرضه:توصلى بسلامه بس هو طلب نجهز اوضه العمليات

جنه:وانا قولت محدش هيعملها غيرى هو فين دكتور احمد خلينى اكلمه بسرعه

الممرضه:طيب لحظه

دكتور احمد:الو

جنه:دكتور احمد انا اللى مسؤله عن حاله نور وانا اللى هعملها العمليه

دكتور احمد:بس حضرتك مش موجوده يادكتورة

جنه:انا جايه فى الطريق اهو وحضرتك ممنوع تدخل اوضه العمليات

دكتور احمد:انتى عشان صاحب المستشفى عمك بتتحكمى فينا مش كدا

جنه:ايه الاسلوب ده فى المستشفى كل واحد مسؤل عن حالاته ونور انا اللى مسؤله عنها يادكتور

دكتور احمد:بس انا حابب اعمل العمليه وده بطلب من اهلها لما عرفو ان الدكتورة المحترمه راحت تصيف وسابت بنتهم

زين شاور لجنه وقفل فى وشه وهى استغربت وزين مسك فونه وكلم حد فى المستشفى وطلب ان محدش يعمل العمليه غير لما الدكتورة جنه توصل

زين قفل وبص لجنه:متقلقيش هنوصل على المعاد

جنه:شكرااا

زين:العفو....مين الدكتور ده وليه بيكلمك كدا

جنه اتوترت:لا عادى هو عشان خايف على الحاله مش اكتر

زين بصلها اوى ومش مصدق كلامها:تمام امسحى ايديكى دى بقي

جنه اخدت مناديل مسحت ايدها وكلمت اكلها وزين بردو......

الجزء الثاني من هنا