الفصل الرابع والعشرون

رواية في قلب القريه الجزء الرابع والعشرون 24 بقلم نوسة حمد في قلب القريهرواية في قلب القريه الحلقة الرابعة والعشرون

مشينا البيت وطقينا الباب فتحت الباب امي لمن شافتني لمن قربت تقع ثبتها وحضنتني عليها وبقت تبكي وتوصف اخواني جو من جوه مخلوعين واحمد اخوي ما ياهو احمد شكلو مبهدل كانو مجنون قلبي اكلني عليهو ودموعي م دايره تقيف ما سلم علي دخل شكلو اضايق لمن شاف ابراهيم معاي صهيب سلم عليهو ورحب بيهو امي سلمت عليهو سلام شديد وبقت تسال فيهو من امو قال ليها امي والله من مشيتي تعبت شديد لمن رقدناها مستشفي ولو ما نسيبه دي ما كان عارفين عملنا

شنو صهيب عاين لي وحمر لي مرتو جات حضنتني وكانت شايله اولادها حلات الدنيا عليهم فرحت بيهم شديد وصهيب كانو قتلت ليهو روح طلع وطلعت وراهو قلت ليهو صهيب ممكن تسمعني انا هدي جنبك شايف علي حاجه سكت م ردا ودموعي جرت قال لي نوسه انتي مفتكراني انا مرتاح انا تالت يوم لحقتك في المصحه عشان اطلعك وعرفت هناك انك هربتي معاك بت وعشنا اصعب ايام عمرنا قلت ليهو صهيب انا كويسه والله انا بس عاوزه مصلحه احمد اخوي وانت براك عارف احمد كلمتو

سيف وشخصيتو قويه ما نفسي مهاد تكسرو قال لي نوسه والله احمد مافاهم عنو اي شي وما قاعد اتكلم ولو قلت ليك حاجه ح تزعلي شديد عليهو احمد اخوي بقا يسكر انا لمن قلبي وجعني قلت ليهو يسكر كيف يا صهيب وليه تخلوهو والعامله مرتو دي وين قال لي نزلت جامعه بتجي كل اسبوعين وهسي مفترض تجي ليها يومين م جات والمصيبه محمد متعلق بيها كانو طفل امي تشيل وتقرا في القران قالت لي ولدي مكتوب وغلبنا فيهو حيله وهي تشيل وتحرش فيهو وانا والله ندمت

اني وقفت قصادك عشانا وزي ما قلتي وصلتني في روحي وبدت تألف قصص في مرتي ومرتي ما اخيرها عنك والله زوله محترمه وشايلاني وشايله امي في راسها بس نعمل شنو ليها قلت ليهو ربنا كريم انا جيت عشان اكشف لي احمد حقيقتا وعلي فكره اتخيل ابراهيم طلع ببقا لي منو ولد خاله محمد وهو مره شاف مهاد داخله علينا مفتكرها صحبتي جا كتر خيرو يحزرني منها عارف ليه لانها قبضوها في بيت ومعاها بنات مشبوهات وما كده معاها الولد المبارياهو الحكيت ليك

بيهو وعشان تصدقوني وما تقولو مجنونه ارح معانا السجن شوفوها بي عينكم صهيب قال لي والله انا بقيت افتش لي ثقره فيها واسمعيني احمد اطرش عديل في سيرتا لو قلتي ليهو الكلام دا ما ح يصدقك نحنا نألف لينا قصه ونسوقو قوه رجاله عشان يطلقها ونرتاح من الهم دا واحمد يرجع طبيعي ويرجع احمد بي هيبتو واخلاقو والتزامو قلت ليهو ما عارفه بس انا اتوقعت يحصل ليهو كده انا خايفه اكون شايف عليها شي وساكت تكون كاسره عينو قال لي م بعيد عشان كده

نمشي اشوفا ويكسر عينا ويرمي عليها يمين الطلاق هناك قلت ليهو بس دي مهمتك انا مسافه اقعد مع امي ومرتك وابل شوقي انت اقنع احمد قال لي ما تهمي هسي انا بمشي عليهو ماشي اجيب لي بارد للضيف دا قلت ليهو الضيف ما عايز منكم اكراميه شارب بس اختصر الزمن ارح قبل الشيطانه دي امها ما تطلعها من السجن قال لي تمام مشيت لقيت ابراهيم اظنو مشا لي احمد وامي كانت مشتاقه لي قلت ليها امي ما شفتي الكنا خايفين منو طلع صاح قالت لي شنو مهاد قلت

ليها مهاد خليها نهايتا قربت بس بقصد ليك خالتو سعاد عارفاها طلعت اخت منو قالت لي اخت منو قلت ليها اخت نسيبتي قعدت تضحك حسيتا ما اتفاجأت قالت لي عارفه انا قلت ليها يمه كيف ما توريني قالت لي نسيتي انتي لمن جينا جداد قالبه ليها وش لمن خجلتيني اوريك الحقيقه عشان المسكينه دي تكرهيها قلت ليها يمه خالتو سعاد عارفه قالت لي عارفه ونبزت لي اختها نبز وقالت لي بتك ما بتستاهلن نهاي قلت ليها معناتا ابراهيم كان عارف قالت لي ابراهيم

ما بعرفو بس امو وريتا انا وعرفتها بالصدفه وابيت اكلمك وقلت ليها بتي بتكرهم ما تقولي ليها انك اخت نسيبتا قالت لي وتعالي هنا انتي نسيتي الطلقك منو ما ابراهيم اكيد عرف قلت ليها حسب معلومتي محمد وكل محامي وابراهيم ما طول في الجلسات طلقني منو وقبيل لمن بحكي لي م حسسني انو عارف قالت لي احتمال يكون ما متوقع قلت ليها اتخيلي يمه مفهمنهم شنو مفهمنهم انو مرت محمد مجنونه وقتلت بتها في بطنها قالت لي حسبي الله ونعم الوكيل اموت هو

وحقك يظهر فيهو كمان يكذبو فيك وبقيت احكي ليها بي بت محمد المات وسبب الموت قالت لي سمعتا ضربتا كهرباء وريتا بالحقيقه وقالا لي وليد اخو الولد الاغتصب قالت لي بركه ي بتي الاطلقتي الطلاق الوحيد العاجبني وساري بالي قلت ليها الحمد لله وحكيت ليها انو صاحبت لي بت طيبه ومسكينه وقاعدين سوا امي قالت لي يمين مابقعد هنا ولا دقيقه انتي مسؤوليتي وقامت تلم في ملابسها صهيب جا لقاها لابسه قال ليها وين يا حاجه قالت ليهو ماشه مع بتي ما

بخليها براها صهيب قال ليها يمه اسمعيني انا ماشي مع نسيبه الخرطوم واحمد اخوي زاتو ماشي معانا عندها اجراءات في الجامعه عاوزين نتمها ليها انتي اقعدي مع اولادي واول ما نجي والله وعد ااجر عربيه ووصلك ليها ونحنا زاتو ما بنرضا انو اختنا تقعد براها قالت لي كان كده خلاص ودعتنا حدي الباب وسلمت علي احمد قلت ليهو اعفي لي م قصدي ما ردا علي ابراهيم دور العربيه ومشينا احمد طول الطريق ساكت وصهيب وابراهيم شبعانين ونسه وعرفهم انو ولد

خاله محمد وانو والله لاقانا صدفه بتاع الدكان وصفنا ليهو صهيب قال ليهو محمد ولد خالتك ما راجل والله ونحنا اختنا ما تستاهل زول زيو بس القسمه وقعتها قال ليهم لخير وصلنا الخرطوم قريب المغرب ومشينا طوالي القسم احمد قال ليهم جايين هنا لشنو طوالي صهيب قال ليهو في زول هنا في السجن عاوزين نزورو قال لينا خلاص بنتظركم هنا ف العربيه حسيتو مكسور صهيب قال ليهو لا الزول بخصك انت قال ليهو بخصني دا منو قال ليهو ح تعرف بعد تدخل

ابراهيم دخل قدامنا وانا قلبي في يدي متوقعه يجي يقول لينا طلعت بس الحمد لله من بعيد ابراهيم غمز لي قربت اسجد سجده شكر وجا ساقنا دخلنا قدامنا العسكري وجاب لينا مهاد مهاد لمن شافتنا لمن انخلعت واحمد اخوي بقا يرجف وحيلو كلو مات لمن صهيب مسكو ابراهيم قال ليهو احب اقدم ليك زوجتك بت بلدي مقبوضه في قضيه ما بتشرف مهاد شغاله ليهو كذابين واختك عاوزه تلبسني تهمه قلت ليها البسك تهمه انا مالي اجرت ليكم شقه ولا جبت ليكم فيها اولاد

لسه مصره تكذبي عليهو احمد كان معصب وجراها من شعرها وقال ستين يمين يقتلها وانا بقيت اكورك فيهو وابراهيم وصهيب مسكوهو منها الضابط جا ومسك احمد اخوي وقال ستين يمين يسجنو طوالي ابراهيم قال ليهو دا زوجها قال ليهو لا السجينه دي حسب ما ورد عندنا زوجها عمار احمد اخوي لمن انخلع ومسك الضابط من بدلتو بقدره قادر مسكوهو وهجروهو في الكرسي الضابط طلع ولد حلال ما اتعامل معاهو بي اسلوب كعب لانو ابراهيم حكا ليهو القصه قال ليهو معاي

نسخه من القسيمه بتاعتا ابراهيم شال القسيمه ودقق فيها طوالي قال ليهو القسيمه دي مزوره الاسم مزور بدل اسم احمد مكتوب عمار معناتا حصل لعب في الاسماء الضابط مسك القسيمه ودقق فيها قال ليهو طيب انا ح اتحقق من الموضوع دا ولو القسيمه دي مزوره هي وهو ما ح يطلعو منها بالساهل ابراهيم قال ليهو م مشكله اتاكد من كلامي دا ورغم انها ظاهره ما دايره ليها تاكيد بس عشان ما نظلم اتاكد ونشتغل معاها بالقانون قال ليهو تمام واحمد كانت حالتو

سيئه شديد قطع قلبي قطع وطلع صهيب لحقو ومسكو ودخلو العربيه وبقا يتكلم معاهو كلام حار ويشاكل فيهو ويقول ليهو لا اول بت لا اخر بت بكره تعرس غيرها اربعه لو داير حسيت انو احمد اخوي حباها شديد وابدا ما كان مكتوب الحب اعمي عماهو من حقايق كتيره كانت واضحه قدامو وصهيب يتكلم وابراهيم يتكلم لغايه ما حسيتو هدا وانا كنت قاعده جنبو وماسكاهو من يدو حاسه بيهو متوتر انا غلبني البقولو احمد ليهو حق ينهار كده خبرين كانن سواد عليهو وصلنا

البيت ونزلنا من العربيه احمد قال لي صهيب م داخل انا لازم اشرب صهيب قال ليهو انت عاوز تدمر نفسك وبقو يتناقشو لمن ابراهيم فتح ليهم الباب وجرا جاب المفتاح وقال لي نوسه ادخلي ثبتي امي اشتياق جات مخلوعه وهي حنينه شديد قلت ليها خليك معاهم ودخلت ثبتا خالتو سعاد وبقيت الخم فيها وصوت اخواني كان عالي ابراهيم جا وقال لي نوسه تعالي مشيت معاهو قال لي احمد حالتو صعبه وشايف انو السكر حل بس الشراب عمرو ما كان حل انا اقترحت نوديهو

لطبيب نفسي اتزكرت المصحه البمسكو فيها الناس قلت ليهو لا لا المصحه لا قال لي بسم الله مصحه شنو في طبيب نفسي انا بعرفو نمشي ليهو قلت ليهو طيب كلمت صهيب قال لي تمام وقوه مسكناهو وسوقناهو واشتياق قالت لو في كرعيني تقعد ما بتخلينا برانا قلت ليهم امشو نحنا بنلحقكم خليتا دخلت ولبست عبايتا ولحقناهم ومشينا العياده لقيتهم قاعدين بره واحمد مع الدكتور طمنا وكتب لينا حبوب قال لينا لازم ياخدهم الصدمه حاره عليهو ومشينا صرفنا الحبوب

وغشينا مطعم شيلنا اكل غصبناهو واكلنا في خشمو عديل وبعديها ادينا الحبه ارتاح ونام حسيت نفسي في ضغط نفسي شديد وراسي ح ينفجر اشتياق قالت لي فشنو يا نوسه حكيت ليها قلبها انقطع قالت لي اخوك ما يستاهل

الليل كلو افكر اخوي قطع قلبي م يستاهل وادعي في الله مهاد تثبت عليها التهمه هي والولد وياخدو جزاتهم من القانون ما لاقاني زول بقوه عينهم دي الليل كلو افكر الصباح صحيت مشيت عشان اصبح علي احمد حسيتو هادي وسرحان شكلو بفكر وشكلو حباها شديد حسبي الله ونعم الوكيل فيها قلت ليهو اصبحت كيف قال لي الحمد لله كويس وبالو م معاي نهاي قلت ليهو احمد عليك الله م تفكر ولا تشغل بالك والله ربنا ح يعوضك بالاحسن منها قال لي لخير انا الكنت

اعمي وما شايف الحقايق وياريتني لو موتا ولا جاني احساس اني كنت راجل ديوث قلت ليهو احمد ما تقول علي نفسك كده تكون ديوث في حاله انك تكون شايف افعالها وساكت قال لي في نظر الولد انا كده قلت ليهو لا والله حاشاك قال لي نادي لي ابراهيم قلت ليهو كويس وقال لي صحي صهيب يرجع البلد امي ومرتو براهم انا الاخليني هنا عاوز ارتاح شويه ما عاوز ارجع عشان ارجع للسكر قلت ليهو والله احسن شي زاتو تتقلنا قال لي صحيهو صحيت صهيب قام مخلوع

وشفقان علي احمد قال لي بخلعه احمد مالو احمد قال ليهو انا كويس قوم امش الحله مرتك وامي براهم قال لي ستين يمين ما بمش انا مالم احمد انتهي من كابوس مهاد دا ما بمشي حسيت صهيب خايف احمد يتراجع ويسامحها قال ليهو ابشرك انا خلاص قنعت وعاوز ابراهيم يسلمها ورقتا قلت ليهو والله دا احسن قرار جريت جري ناديت ابراهيم احمد وكلو انو يطلق مهاد ويسلمها ورقتا في السجن قال ليهو وما عايز اعرف عنها اي شي تاني وماعندها حاجه عندي شنطه ملابس

وصهيب بمش يجدعا لي اهلا والحمد لله انو ربنا ما رزقني منها بي طفل صهيب حسيتو مرتاح وقال لي ابراهيم في اقرب وقت تسلما ورقتا قال ليهو م عليك امرو مقضي وعملت ليهم شاي شربو وطلع ووصاني شديد علي احمد قال لي بقول لي امي احمد في شغل هناك قلت ليهو شوفو بدل السكر الكان فيهو وامي ح تفرح قلت ليهو تمام اشتياق جات صبحت علي ابراهيم ولبست مشت الشغل قال لي نوسه دي منو قلت ليهو دي واحده مظلومه كانت زيي في المصحه قال لي شكلا بت ناس

ومحترمه قلت ليهو شديد بس حظها وقعا في راجل اكل حقها بس ربنا كريم ح يرجع ان شاءالله قال لي خسران هو والله بعد كلهم فاتو بقيت اونس في احمد واحكي ليهو حسيت بالو م معاي قلت لازم اطلعو من الهو فيهو واستاذنت من الشغل

نهايه اليوم ابراهيم جا وقال لينا الشرطه قبضت علي الولد وفعلا كلامي صحيح القسيمه مزوره للاسف بس الولد دا واسطاتو كتيره ياعالم القانون ح ياخد مجراهو ولا بالواسطه ح يطلعو منها تتوقعو شنو …………