في قصر القناوي
فريده بكره : ايوه عملت كده عشان هي غلطت فيه
الكل انصدم
فارس : اظن انا عملت اللي عليا... عن اذنكم...
ومشي وهو حزين من صاحبه
اسد ضرب فريده بقلم ومسكها من شعرها وقال : انتي يا حي**** تعملي كدا في بنات الناس.... اومال سبتي ايه لبنات الشوارع وبنات الليل..... فعلا زي ما قال فارس انتي واحدة ماشافتش تربية
فريده بألم : ااااه يا اسد سيب شعري
حياه بتحاول تبعد اسد عن بنتها وقالت بصوت عالي : اسد ابعد عن بنتي
احمد : لا.... خليها تتربى
حمزه : اسد خلاص ابعد عنها
سميحه : سيبوه يربيها .....اللي ماشي على حل شعرها دي
سناء: عيب يا سميحه
سميحه : وهي يا اختي كانت عرفت العيب
الحاج مصطفى بصوت عالي : خلاااااااص مش عايز اسمع صوت...... الكل سكت.... ثم اكمل اسد سيبها خلاص
سابها اسد وهي جريت على امها بتبكي
الحاج مصطفى : بعد يومين كتب كتاب اسد ودلال...... وفريده و حمزة......... ومصطفى وحلا.. ودا آخر كلام عندي
وسابهم ومشي وخلفه اخوه
فريده لأمها : انا مش موافقه على الكلام ده يا ماما
سميحه : ده بدل ما تحمدي ربنا ان حد رضي يتجوزك بعد اللي عملتيه
فريده لسميحه : انت مالك بيا.... خليكي في حالك ؟
اسد بصوت عالي : ما اسمعش صوتك واللي قالوا جدي هيتنفذ... ويلا على فوق مش عايزه اشوف وشك قدامي
جريت على اوضتها وهي تبكي لأنها خسرت اسد وهتتجوز حمزه
حياة و صفية طلعوا وراها ومعهم الحاجة فاطمة
احمد لحريمه : يلا اطلعوا على فوق
طلعوا
د. مصطفى قال لابوه بهمس: عايزك بره
طلعوا فى الحديقه
اسد لحمزة : انا عارف ان انت بتحبها...... خلي بالك منها وربيها كويس
حمزة بحزن: بس هي بتحبك انت
اسد : انا بحبها زي اختي.... وعلى فكره هي مابتحبنيش...... هي عايزة تتجوزني عشان تتمنظر مع أصحابها لأنها اتجوزتني.... انت بذكائك تقدر تخليها تحبك
حمزة بحزن : ما افتكرش
اسد : هي هتبقى سهله لما تبقى في ايديك ومراتك
حمزه بدعاء : يا رب
عند د. مصطفى وابوه
احمد : فيه ايه؟
د.مصطفى انا مش موافج على الجواز بطريجة دي
احمد: هتعارض كلام الكبار
د. مصطفى : دا مش عربيه بتجولي اشتريها ولا شجة دي جواز يابوي
احمد : كلام جدك هينفذ انت فاهم
د. مصطفى : لا يابوي مش فاهم... ومش هتجواز بطريجة دي.... سلام
وسابه ومشي خارج القصر
احمد : اباي عليك يا ولدي ده انا جلت كده احسن...حلا دكتورة زيك وبنت مؤدبه.. و هتوافق عليها بسرعه عكس فريدة.... اومال لو كنت عارف اني كنت هجوزك فريده كنت عملت ايه؟
عند الحاج محمد و الحاج مصطفى
الحاج مصطفى بحزن : انا مش عارف البت دي طلع كدا لمين؟........ دا ابوها كان رجل محترم و امها اهي عمرها ما حد سمع عنها حاجه وحشه... تاجي دي وتنزل راسي في تراب وتجيبلي العار
الحاج محمد : لسه ماتخلقش اللي يجيبلك العار يا اخوي....وانت عملت الصح؟
الحاج مصطفى : سامحني يا اخوي كنت مفروض اتكلم معاك جبليها.... بس انت شفت اللي حصل
الحاج محمد : حصل خير..... وانا موافج على اللي جلته
وسمعوا صرخ طلعوا جري
في الصاله
الحاج محمد : مين اللي بيصرخ؟
اسد : مش عارف بس الصوت جاي من فوق
الكل نزل في الصاله
احمد : مين اللي كان عمال يصرخ؟
سمعوا صوت صراخ تاني
اسد : دا صوت امي
نزلت صفية وهي بتصرخ بصوت العالي وقالت: الحقني يا ولدي
اسد جري عليها : في ايه يا أمي؟
صفيه بدموع : ابوك يا ولدي
الحاج مصطفى بقلق : ماله ولدي؟
صفيه : كنت بتصل عليه عشان جلجانه لانه اتأخر..... واحد رد عليا وجالي صاحب التليفون عمل حادثه وفي المستشفى
الحاج مصطفى داخ: ولدي
سنده واخوه
الحاج محمد : اهدى يا اخوي خير ان شاء الله.....احمد يلا بسرعة جهز العربيه
احمد جري : حاضر يابوي
والكل ركب في السيارات وطلعوا على المستشفى
.................................................................
في ألمانيا
غرفة مازن
صحي من النوم وقال : فيروز كانت بتنادي عليا ليه في الحلم اكيد حصلها حاجه..... بص على السماء وقال : يارب خليك معها
.................................................................
في فيلا فيروز
طرق الباب بصوت عالي
الداده فاطمة طلعت من اوضتها : يارب استر
فتحت الباب
الداده فتح الباب : خير يا ولدي حصل حاجة؟
.............. / فين فيروز؟
الداده : نايمه في اوضتها
.........../ معلش يا دادة اتاكدي انها كويسه؟
الداده : ليه حصل حاجة؟
.......... / كانت بتكلمني صوتها مش طبيعي
الداده بقلق :حاضر
وذهبت الي غرفة فيروز اللي تحت بس ما لقيتهاش راحت أوضة المكتب عشان تشوفها لأنها دا اخر مكان شافته فيها قبل ما تنام لقيت فيروز مغمى عليها في الارض
الداده جريت على باب المكتب وقلت بصوت العالي: الحقني يا ولدي فيروز مغمى عليها
جري عليها وشاف نبضها وكان ضعيف شالها وجري بيها على العربيه وراه الداده و راحوا على المستشفى
..................................................................
في المستشفى
في ريسبشن
حمزه : لو سمحتي في واحد اسمه قاسم مصطفى القناوي جه عندكم في حادثه؟
الموظف : اه يا فندم ....في الدور التاني في العمليات
حمزه : شكرا
ذهب إلى عيلته
الحاج محمد : فين يا ولدي؟
حمزه : في الدور التاني
احمد : يلا بينا
طلعوا بالاسانسير
احمد شاف ممرضه فسالها : لو سمحتي فين العمليات؟
الممرضة : علي ايدك اليمين اخر الطرقه
احمد : شكرا
وذهبوا الي غرفة العمليات وقعدوا مستنيين بره
ضابط شرطه جه عليهم وقال : انتوا تباع حالة قاسم مصطفى القناوي
اسد :ايوه يا فندم
ضابط الشرطه : اتفضلوا ده التليفون بتاعه.... انا اللي كلمتكم
اسد اخذ التليفون : شكرا ليك
الحاج مصطفى لضابط : هو كانت حالته ايه لما جه المستشفى؟
ضابط الشرطه باسف: هو كانت حالته صعب جدا... والدكتور اكيد اول ما يخلص العمليات هيبلغكم
احمد لسناء : كلمتي والدك يا سناء؟
سناء : ايوه جاي في الطريج..... اهو جه
راح عليهم
د. مصطفى بقلق : حصل ايه؟
الحاج محمد : معرفش يا ولدي هو في غرفة العمليات
د. مصطفى : طب عن اذنكم هشوف مدير المستشفى؟
الحاج مصطفى : اذنك معك يا ولدي طمنا اول ما تعرف حاجة
د. مصطفى : حاضر
وذهب
على الجانب الاخر وصلت فيروز على المستشفى في قسم الاسعافات
الداده : يارب خير..... دي امانه في رقبتي من الدكتور محمد
....... / متقلقيش يا داده ان شاء الله خير
الداده : يارب ياولدي.... هو انت اسمك ايه؟
........ / انا فهد
الداده : هو انت فهد اللي دايما فيروز تحكي عنك؟
فهد : ايوه انا بعينه.... كانت بتقولك عني ايه؟
الداده : كل خير يا ولدي
طلعت الدكتوره من عندها
فهد : خير يا دكتورة.... فيروز عندها ايه؟
الدكتورة : الدكتورة فيروز عندها انهيار عصبي حاد.... والحمدلله جبتوها في الوقت المناسب
الداده و فهد : الحمد لله
فهد : طب دلوقتي هيحصل ايه؟
الدكتورة : دلوقتي هننقلها غرفه تحت الملاحظة لحد بكره....... وهي مش هتصحى لحد الصبح
فهد : تمام..... بس ممكن طلب؟
الدكتورة : اتفضل
فهد : ممكن ماحدش يعرف ان الدكتورة فيروز هنا.... انت عارفه التلفزيون و السوشيال ميديل بيزودوا في الحقيقة.... وانتي عارفه ان الكل عايز يعرف حياتها
الدكتورة : تمام..... هو محدش يعرفها غيري لأني حضرت مؤتمر الطبي هي كانت متحدثه فيه.... وماتقلقش انا مش هقول لحد
فهد : شكرا ليكي يا دكتورة
الدكتورة : الشكر لله
وتم نقل فيروز إلى غرفة عادي تحت الملاحظة وطلعوا ليها فهد و الداده
فهد : الحمد لله يا داده متقلقيش هي بقت كويسه؟
الداده : الحمد لله ان هي جات على كده.... بس هي حصلها كدا ازاي؟
فهد : معرفش هي سالتني على واحد وعيلته..... وان عنده عيال ولا ايه..... وقالتها عنده بنت وبعده قفلت وحصلها كدا
الداده : اسمه ايه؟
فهد : مصطفى محمد القناوي
الداده بصدمه : هو عنده بنت؟
فهد: اه
الداده : يالهوي عليكي يا بنتي مبتلحقيش ترتاحي من مصيبه تجيليك غيرها
فهد : من دا يا داده؟
الداده : ابوها
فهد بصدمه : مصطفى القناوي ابوها
الداده : ايوه يابني..... لسه عارفه من يومين ان هو كان متجوز على امها....ودلوقتي عرفت ان عنده بنت
فهد : فيروز كانت متعلقه باباها اوي..... دا اكيد صعب عليها اللي بيحصل
الداده : ايوه ياولدي.... دي لحد دلوقتي يا بنتي مش قادره تصدق ان هو مات
فهد : إن شاء الله كل حاجه هتعدي واحنا جنبها
الداده : إن شاء الله
فهد :تعالي هوصلك للفيلا
الداده : واسيب فيروز لحالها... لا مش هيحصل
فهد : يا داده افهميني فيروز اكيد محتاجه هدوم اول ما تصحى.... وازاي ما سمعتي من الدكتوره هي مش هتصحى الا الصبح .... انا هوصلك الفيلا تجيبي الهدوم ليكم وهستناكي ونرجع تاني
الداده : عندك حق يا ولدي يلا بينا
وذهبوا وتركوا فيروز
.....................................................................
تحياتي كوكي بهجوري
انتهى الفصل ( التصويت لو سمحتوا)
ياترى ايه هيحصل لفيروز؟
قاسم هيموت ولا هيفضل عايش؟
انتظروا كل جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!