في صباح يوم جديد
في ألمانيا
في منزل خالة حلا
على الطعام
حلا: خالتوووووو
خالتها : في ايه يا حلا؟
حلا: بكلمك من الصبح مش بترد
خالتها : معلش اصلا تعبانه شويه
حلا : ليه الف سلامه عليكي
خالتها : شكلي اخدت برد
حلا : انا معايا دواء كويس خالص.... ثواني هروح اجيبه من الشنطه
ولسه هتقوم مسكتها خالتها وقالت: لا يا حبيبتي مش عايزه انا هروح ارتاح شويه وانام هبقى كويسه
حلا : بس انا كنت عايزكي في موضوع من إمبارح بس كنتي نايمه
خالتها بقلق : خير يابنتي فيه حاجة؟
حلا بفرح : لا اصل ابيه حمزه كلمني امبارح.... وقال إن كتب كتاب ابيه اسد اول الاسبوع الجاي
خالتها بفرح : الف مليون مبرووووك يا حبيبتي..... ويا ترى اللي هياخدها حد نعرفه
حلا : حمزه قال انها حفيده اخت جدو
خالتها : دلال؟!
حلا وهي بتاكل :اه...... انتي تعرفيها؟
خالتها : اه.... شوفتها قبل كدا
حلا : وهي حلوه؟
خالتها : معرفش انا لما شوفتها كانت صغيره
حلا : امممممممم
خالتها : دلوقتى لازم ننزل مصر مش كدا؟
حلا : حمزه قال جدو قال انه لازم ننزل لأن الفرح هيعملوه بعدها على طول
خالتها : طب وشغلك؟
حلا : لا ......دا امره سهل
خالتها : ازاي؟
حلا : الدكتورة هتسافر مصر فتره واحنا معها
خالتها : وليه هتسافروا مصر؟
حلا : بصي الدكاترة المشهورين بيسافروا العالم عشان يدربوا الدكاتره اللي لسه متخرجين
خالتها : دا شكل الدكتوره اللي هتدربك مشهورة أوي
حلا : اه أوى
خالتها : طب هنسافر أمتي؟
حلا : في طياره بكره...... وانا هروح انهارده المستشفى اتكلم معهم على اني هسافر قبلهم
خالتها : تمام يا بنتي
حلا في سرها : الحمد لله خالتو وافقت من غير ما تتعبني معها انا اصلا مستغرب انها وافقت على طول
........................................................................
في منزل د. محمد المهدي
في غرفه الطعام
الكل على الطعام ماعدا مازن
د.محمد : فين مازن؟
ليلي : قال مش هياكل يا بابا
د. محمد : وانتي مش هتروحي الحضانة؟
ليلي : لا..... امبارح كان اخر يوم.... دلوقتي احنا في اجازة
د. محمد : تمام يا حبيبتي
نزل مازن من على السلم
مازن : ليالي انتوا أمتا مسافرين مصر؟
ليالي : انهارده في اجتماع مع الدكتور ياغيز عشان يقولنا اليوم اللي هنسافر فيه ......بس غالبا اول الاسبوع
مازن : طب ايه المستشفى اللي هتدربوا فيها؟
ليالي : معرفش
مازن : طب ممكن تعرفي عشان نوصل لفيروز؟
ليالي : حاضر.... بس اكيد سيرين تعرف مكانها لأن فيروز مش بتخبي عليها حاجه
مازن : صح ازاي راحت عن بالي
د.محمد : انا هتكلم معاها لانها مش هتقول حاجه لحد.
ليالي : فعلا...... احنا لما سالناها فيروز فين ؟.... مارضيتش تقولنا على رغم من اني كنت حاسه ان هي تعرف انها في مصر
د. محمد : فيروز و سيرين سرهم مع بعض من وهما صغيرين
مازن متجاهل ابوه: تمام يا ليالي لو عرفتي حاجه قولي؟
ليالي : اوكيه
مازن للمياء : انا مسافر بكره وهاخد ليلى معايا
ليلي فرحت
لمياء : بس.......
ولسه هتكمل الدكتور محمد قال: تمام
مشي مازن الي الشركة عشان يخلص شغله قبل ما يسافر
لمياء بانفعال : ازاي توافق؟
د. محمد : اخته وعايز ياخدها معاه.
لمياء : بس انا مش موافق
حزنت ليلي وقالت : بس انا عايزه اسافر
لمياء : بت انا قلت لا يعني لا
د. محمد : ليه مش موافقه؟
لمياء : لاني عارفه هو عايز ياخدها ليه....عشان يعرف مكان فيروز ....ودا غير انها هتقعد عند علياء..... دي ممكن تعمل حاجه في بنتي
د. محمد : اولا فيروز اختها ومفيش حد بيحب ليلي قدها..... ثانيا علياء مستحيل تعمل حاجه في ليلي..... ثالثا هخلي مازن ينزل في بيتي عشان ترتاحي .... خلاص كده
لمياء : لا مش خلاص
د.محمد: ليلى هتسافر مع مازن وده اخر كلام عندي
ومشي وهو زعلان لانه خسر ابنه مازن وبنته فيروز
ليالي : يلا يا ليلى اطلعي حضري حاجتك عشان تسافري بكره مع مازن
ليلي بفرح : حاضر
وطلعت الي غرفتها
لمياء : هو انتي موافقه؟
ليالي : ماما لازم توافقي مش وقته دلوقتي تعاندي مع انكل محمد وانت شايفه اللي حصل...... بالعكس لازم توقفي معاه في محنته دي و الا هتخسري اوي
لمياء : انا ما صدقت خلصت من فيروز اقوم ادور عليها و اجيبها تاني في بيتي .....لا شكلك اتجنيتي
ليالي : لما يكون انكل محمد هو اللي زعلان من فيروز حاجه .....ولما تكون فيروز زعلانه من انكل حاجه تاني
لمياء : مش فاهمه
ليالي : بصي يا ماما عايز تخلص من فيروز يبقى لازم انكل هو اللي يكون زعلان منها...... وفي حاجه كبيره كمان....... لكن دلوقتي فيروز هي اللي زعلانه وانكل هيموت يعرف هي فين عشان يصالحها ..... فدلوقتي وقتك تثبتي حسن نيتك مع انكل.... وانك حزينه على اللي حصل مع فيروز وتكسبي عنده بوينت.... وينسى موضوع الطلاق اللي كل شويه يفتحه
لمياء بمكر : ههههههههههه عندك حق
ليالي : انا مشي سلام
..................................................................
في فيلا اسد القناوي
في غرفة النوم
ما زال نائم يحلم و استيقظ فجاه
اسد : عايزه مينى ايه؟.... هو انتي مش موتي عايزاني في ايه؟....... وليه مش سيباني في حالي
يا فيروز؟
.....................................................................
في قصر القناوي بمصر
في غرفة الطعام
جلس الكل ماعد اسد
الحاج مصطفى : اخوي هيوصل انهارده هو و عايلته
صفيه بفرح : هيوصل اميتا يا عمي؟
الحاج مصطفى : اخوي و دلال و معاذ هيركبوا الطياره بعد الضهر يعني هيوصلوا على العصر
اما الباجيين هيجوا بالعربيه يعني هيوصلوا بالليل..... عايزكم تجهزوا كل حاجة
حياه وصفيه : حاضر ياعمي..... حاضر يا بابا
الحاج مصطفى : حمزه اعمل حسابك هتروح تسجبلهم في المطار
حمزه : حاضر يا جدي
فريده في سرها : مستعجلين على كتب كتاب اللي مش هيحصل وانا موجوده هههههههههههههههههه
..................................................................
في مصر
في احد المستشفيات
الممرضه بتصحي اللي نايم علي الكرسي : يااستاذ .....يا حضره
هو بعد أن استيقظ : ايه في ايه؟........ هي كويسه؟
الممرضة : اه..... بس الدكتورة عايزك.
هو : هي فين الدكتورة؟
الممرضه :في مكتبها.... أول اوضه على ايدك الشمال
هو : حاضر
وراح الي الدكتورة ليفهم ما حدث
طرق الباب و دخل
هو : السلام عليكم
الدكتورة : وعليكم السلام ورحمة الله وبركاته... ايوه حضرتك مين؟
هو: انا فارس البشيري تبع حاله ملك
الدكتورة : ايه علاقتك بيها؟
فارس بتفكير : انا خطيبها هو في ايه؟
الدكتورة : أهلها فين؟
فارس بعصبيه : ما تقولي في ايه عمال تسالي تسالي
الدكتورة : لازم اتواصل مع اهلها عشان ابلغ الشرطه
فارس بصدمه: 🙃
...................................................................
في ألمانيا
في شركة M. F. M
مكتب مالك
قاعد بيشتغل حزين وعايز يخلص شغل بسرعه عشان ينزل مصر يدور على فيروز
فتح تليفونه وبيشوف الوتساب ممكن تكون فيروز بعتله رساله بس اكتشف اني ملك بعتاله فيديو من إمبارح ولسه هيفتح الفيديو دخل مازن
مازن : دا ورق المشروع اللي كنت شغال عليه خلصته في حاجه تانيه قبل ما امشي
مالك : طب حتى مفيش صباح الخير ولا ازيك؟
مازن بجديه :شكلك مش عايز حاجه سلام
مالك : استنى
مازن : في ايه؟
مالك : عرفتوا حاجه عن فيروز...... او هي فين في مصر؟
مازن بحزن : لا
مالك : مازن احنا كنا خايفين عليها...... انت ما تعرفش اهلها وحشين جدا .... ده ابوها كان خايف عليها من اهله احنا مش هنخاف عليها؟
مازن : كان مفروض تقولها وتسيبوها هي تقرر مش تكدبوا عليها
مالك قام من على الكرسي : احنا مش كدبنا عليها احنا خبينا الحقيقه بس..... وكل دا عشانها
مازن باستهزاء : حقيقه موت امها اللي كنتم مفهمينها انها ماتت بسببها........ بس...... ثم كمل بانهيار وحزن على أخته........ حقيقه جواز ابوها من ست غير امها........ بس...... حقيقة ان ابوها سبب موت امها........بس........ حقيقه ان عندها اخت من ابوها........وياتري مين اللي مخبي عليها ابوها والراجل اللي في مقام ابوها واخوها...... انتوا عملتوا اكتر من الكدب..... انا لو كنت مكانها عمري ما كنت هسامحكم ابدا
وغادر وجلس مالك على الكرسي حزين بعد ما قاله مازن وقال : هو عنده حق فيروز عمرها ما هتسامحنا
ثم بكى على حبيبته واخته وصاحبته فيروز اللي دايما كانت واقف معاه....ولانه هو أيضا سبب في حزنها
ثم هدي قليلا وتذكر الامر الفيديو
وماسك هاتفه بصدمه من اللي شافه في الفيديو
....................................................................
تحياتي كوكي بهجوري
انتهى الفصل ( الإعجاب على الفصل لو سمحتوا)
يا ترى مالك شاف ايه؟
ملك ايه اللي حصلها؟ وليه الدكتوره هتطلب الشرطه؟
فريده ناويه على ايه؟
مين فيروز اللي بيحلم بيها اسد هل جدته ولا فيروز مرات مصطفى ولا فيروز بطله الرواية ولا واحدة تاني؟
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!