في فيلا فيروز
ليالي : انا مسمحش بالكلام ده
فيروز راحت حضنت مالك و قالت لليالي : وانتي مين عشان تسمحي؟
ليالي بابتسامه : مراته
فيروز بعدت عن مالك و قالت بسخريه : تصدقي ضحكتيني
الكل منصدم
ملك لمالك بدموع : هي اللي بتقوله دا كدب مش كده؟
فيروز لملك : انتي هتصدقي الهبل دا... ثم وجهت الكلام لمالك وقالت : رد عليها يا بني البنت بتبكي
مالك نزل راسه بالأرض
على قام وقال بعصبيه : انا قولت من الاول انت متستحقش بنتي
فيروز : يا عمي حضرتك صدقت دا مقلب من مقالبه
مالك واخيرا رد : فيروز ليالي فعلا مراتي
فيروز نظرت اليه بصدمه
لمياء بفرح جريت على بنتها وحضنتها وقالت : الف مليون مبرووووك يا بنتي..... عقبال ماشوف عيالك
فيروز : مالك انت بتحب ملك.... ازاي اتجوازتها؟
علياء بعدت عن ليالي وقالت : اكيد على يد ماذون
مازن بسخرية : لا يا شيخة... اقطع يدي لو ماكنتوش عملتوا حاجة لمالك عشان يتجواز ليالي
فيروز : وحتى لو......نظرت إلي د. محمد وقالت: مش هتقول حاجة لابنك؟
د. محمد : مالك الكلام دا صح؟
علياء بعصبيه : وهو انت لسه هتسال يلا بينا من هنا
فيروز : و انتوا تطلعوا ليه؟..... دا بيتي.... نظرت إلى د. محمد و قالت : خليهم يمشوا من هنا
لمياء بغضب : انتي هتطردينا واحنا اللي ربناكي وعلمناك؟
فيروز : لا حضرتك لا ربتني ولا علمتني... اتفضلي من بيتي مش عايزة اشوف وشكم تاني..
وفجأه سمعوا صوت حاجه وقعت الكل بص
علياء جريت : بنتي
ملاك جريت على اختها : يلا بينا على المستشفى
على بغضب : اللي حصل لبنتي مش هيعدي بالسهل
فيروز راحت عليها و شافت النبض
مالك بقلق : فيروز هي كويسة؟
فيروز نظرت إلى مازن ف فهم و هز راسه
مازن راح على ابوه وقال بصوت واطي محدش يسمعوا غيره: ياريت تاخدهم ....وبعدين نتكلم انت شايفه الوضع
د. محمد هز راسه وقال بهمس : عندك حق..... بقى طمني
مازن : تمام
د. محمد عائلته : يلا بينا
مالك : بس استني......
قطعه الدكتور محمد وقال : مش وقت كلام دلوقتي يلا بينا
ومسك دراع ابنه و خرجوا و وراهم لمياء و ليالي فرحانين باللي حصل وليلى مشيت وراهم
علياء بدموع قالت لفيروز : بنتي كويسه مش كدا؟
فيروز : متقلقيش هتبقى كويسه صدقني
على : يلا نمشي من هنا.... احنا ملناش مكان هنا
فيروز : عمي علي دا بيتي انا... مش بيتهم... ثم دا بيتكم برضه.... انا مش هسيب ملك تطلع من هنا الا لما اطمن عليها بنفسي.... ثم وجهت الكلام الي الداده وقالت :جيبيلي ورقه وقلم
مازن : عن اذنكم هشيلها اوديها الاوضه
ملاك بعصبيه لمازن : انتوا مش هتقربوا من اختي تاني
فيروز : اهدي يا ملاك.....انا وانتي و سيرين هنشيلها مع بعض وندخلها الاوضه تمام كده
ملاك : تمام
فيروز : سيرين تعالي شيلي معانا
فعلا دخلوها أوضة فيروز اللي كانت بتنام فيها الاول
والداده جابت الورقه واديتها لفيروز و كتبت فيها الحاجات اللي محتاجاها وطلبت من مازن انه يجيبها من الصيدليه وفعلا جابها وفيروز ركبت المحاليل وبعدها طلبت منهم انهم يطلعوا بره وفعلا الكل طلع من الأوضة و سابه ملك لوحدها
بعد ما طلعوا
فيروز : هي مش هتصحي دلوقتي ممكن شوية ...عشان كدا افضلوا هنا انهاردة لحد ما نطمن عليها و بكرة ربنا يسهل
على : بس...
قطعته فيروز : حضرتك قلت قبل كدا انك بتعتبرني زي بناتك وده بيتي يعني بيتك
علياء بحزن و بدموع : انا هروح اقعد جنب بنتي
فيروز : تمام يا طنط بس..... ياريت لو صحيت متفتحيش معها اي كلام يضايقها
علياء : تمام
ودخلت الأوضة تاني
ملاك لمازن : اتفضل يا استاذ مش محتاجينك روح عند اخوك
مازن : مش همشي اللي لما اطمن على ملك
فيروز : يا داده خدي مازن يعقد في الاوضة اللي فوق
الداده راحت عن مازن وقالت :حاضر..... يلا يا بني تعال معايا
مازن : بس......
فيروز قطعته في الكلام و قالت : مش وقت كلام دلوقتي لما نطمن على ملك الأول
مازن هز راسه ومشي مع الدادة و طلعوا فوق
فيروز حضنت ملاك وقالت : هتبقى كويسه
ملاك بدموع : ليه عمل فيها كدا دا فاضل اقل من شهر على فرحهم
فيروز : هنعرف كل حاجه صدقني بس تقوم ملك بسلامه
ملاك حضنت فيروز جامد وقعدت تبكى جامد
على قلبه وجعه على بناته وقال بحزن : انا طلع اقعد في الجنينه
فيروز هزت راسها
ومشي على وهو حزين
فيروز في سرها قالت : يارب ان مش عارفه الاقيها من فين ولا من فين
ملاك بعدت عنها وقالت : شكرا جدا يا فيروز على وقفتك معانا..... وأكملت بسخرية.... رغم ان مالك اخوكي
فيروز بابتسامه : انتي و ملك كمان اخواتي.. والا يزعلكم يزعلني....و على فكره مازن كمان بيحب ملك واكيد زعلان من مالك هو ملهوش ذنب في اللي حصل
ملاك باسف : عندك حق انا غلطت معه وزودتها في الكلام.... بكره ابقى اتكلم معه
فيروز :تمام
ملاك : عن اذنكم هروح عند ماما و ملك
فيروز هزت راسها
بعد ما مشيت
فيروز لسيرين : روحي انتي على المستشفى عشان اكيد حلا لوحدها و لو قدرت هاجيلكم
سيرين : حسنا...اليوم من المفترض ان قاسم سوف يخرج من العنايه
فيروز : مش هيحصل حاجة لو قعد لبكره.. لازم انا بنفسي اتأكد أن كل حاجه تمام عشان يطلع من العناية وانتي شايفه اللي حصل مش هقدر اروح المستشفى اللي لما اطمن على ملك
سيرين : حسنا الي إلقاء
ومشيت الي المستشفى
فيروز طلعت على الحديقة عشان تتكلم مع المهندس علي
فيروز بهزار: ايه مش وحشتك ولا ايه يا باشمهندس والا انا مش بنتك التالت و أهم واحده فيهم وغمزته
على : ملك كويسه يا فيروز؟
فيروز :هتبقى كويسة طول ما احنا جنبها وهتنسي كل حاجه صدقني.... بس اللي حصل صعب جدا عليها وعلينا
على : عارفه انا ماكنتش موافق عليه... بس وافقت عشان انتي اللي قلتلي ان مش هلاقي حد يحبها قد مالك
فيروز : وانا عند كلمتي بس فيه حاجه حصلت انا متاكد..... مالك لو كان عايز ليالي كان اتجوزها من الاول ما هي كانت قدمه
على بعصبيه : مهما كان اللي حصل مش هيشوف ضفر بنتي تاني
فيروز بحزن : اكيد عندك حق
على : انتي كويسه؟
فيروز : الحمد لله.... احسن من غيري
على : نطمن على ملك.... وبعدها نعقد نتكلم مع بعض زي زمان تمام
فيروز بابتسامه : تمام
رن تليفون فيروز برقم زين
فيروز لعلي : عن اذنك عندي مكالمه
وبعدت عنه قليلا
زين : فينك يا أستاذة؟
فيروز : في ايه يا زين؟
زين ب استغراب : مالك.... انتي كويسه؟
فيروز : يعني
زين : اجيلك ؟
فيروز : لا مفيش داعي.... هي مجرد مشاكل عائليه
زين : طب ممكن نتقابل انهاردة عشان حاجه مهمه؟
فيروز : مش هينفع خليها بكره
زين : تمام.... لو محتاجة حاجة كلميني
فيروز : شكرا اوي يا زين... دايما تعبك معايا
زين : تعبك راحه يا فيروزتي
فيروز ابتسمت لأن الاسم دا دايما باباها كان بيناديها بيه: سلام دلوقتي كلامك بعدين
زين : تمام سلام
وقفلت معه
وفجأه سمعت صراخ
....................................................................
في مستشفى الشفاء
كل عيله القناوي موجودين مستنين الدكتور فيروز عشان قاسم يطلع من العناية
الحاج محمد : ليه الدكتورة اتاخرت كدا؟
حلا : هي كانت موجوده من إمبارح لحد الصبح ممكن تكون نامت شوية ولا في الطريق
سيرين جات عليهم : السلام عليكم
الكل : وعليكم السلام ورحمة الله وبركاته
حلا : فين الدكتورة فيروز؟
سيرين : هي في بيتها
زينة : بس هي المفروض تكون هنا مش دا شغلها ولا احنا هنشتغل بدلها
سيرين بغضب : دكتوره فيروز لا تتغيب عن مسؤوليتها
زينة بستهزاء : اومال دا ايه؟
سيرين : هي كفلتني بمتابعه الحاله في العناية اليوم
حلا : بس هو بقى كويس ممكن يخرج من العنايه دلوقتي
سيرين : لابد من الكشف عليه من قبل الدكتورة فيروز قبل يخرج من العنايه
زينة بسخريه : والدكتوره فيروز فين؟...... نايمه في البيت
سيرين بغضب : بل لديها حالة
زينة بستهزاء : والحاله التعبانه عندها في البيت؟
سيرين : نعم..... فهو احدى عائلتها
الحاج مصطفى : لا إله إلا الله..... ولدي يا مصطفى هو هيحصل حاجه لو عمك جاعد يوم كمان في العنايه
د. مصطفى : بعكس يا جدي دا احسن
الحاج مصطفى : خلاص مش هتحصل حاجة لو استنينا الدكتوره لبكره
حلا : هو مين اللي تعبانه عند الدكتوره؟
سيرين : خطيبة اخيها
حلا بحزن : خطبية اللي شوفته المهندس مازن
سيرين : لا..... هي لديها اخ اخر
حلا بفرح : اه.... وهي عندها ايه؟
زينة : تلاقيها شويه كحه والدكتورة فيروز بتتلكك عشان تقعد معاها؟
سيرين بعصبيه : لا... بل انهيار عصبي
الكل انصدم
حلا : ليه ايه اللي حصل؟
سيرين :ان.........
وقطعهم الممرضه : يا دكتورة سيرين... الدكتورة فيروز في للعمليات
حلا : ايه اللي حصل؟
الممرضه : بيقول ان مرات أو خطيبة اخوها انتحرت
سيرين بصدمه : ماذا؟
وجريت على العمليات و وراها حلا
الحاج محمد : لا اله الا الله.... معجول في ناس تعمل كدا في نفسيها
الكل حزن على البنت اللي انتحرت من غير ما يعرفوا اسمها
د.مصطفي : عن اذنكم عشان اروح اطمن على الدكتوره فيروز
اسد : مفروض احنا نروح معاك.. كفاية اللي عملته لابويا ولا ايه؟
الحاج مصطفى : عندك حج يلا بينا نعمل الواجب وبعدها نمشي وناجي الصبح
والكل راح على غرفة العمليات
الحاج محمد بصدمة : مش دا على صاحب مصطفى ولدي؟
الحاج مصطفى بصدمه : اه هو معجول الدكتورة فيروز تبجي بته
د.مصطفي: ازاي وهي اسمها فيروز مصطفي؟
الحاج محمد : انا هروح اسالهم؟
رحاب بخوف في سرها : فاضل ثواني ويعرفوا هي مين؟... لازم اعمل حاجة قبل ما يعرفوا فقالت بسرعة : بس دا مش وقته... انتوا مش شايفين حالتهم عمله ازاي؟
الحاج مصطفى : عنديكي حج انستنوا لما يطمنوا على البت
وفجأة باب العمليات فتح
وخرجت فيروز
علياء بدموع جريت عليها : بنتي عامله ايه؟
فيروز بتعب : هي كويسه..... الحمدلله... هننقلها الي أوضة عادية... بس ياريت محدش يسيبها لوحدها
علياء : الحمدلله.... متخافيش انا مش هاسبها ابدا
الحاج محمد : ازيك يا على حمدلله على السلامه؟
على بصدمه : الله يسلمك
الحاج محمد لعلياء : ازيك يا بنتي الف سلامه على بتك؟
علياء : الله يسلمك
حياه راحت وحضنت علياء : أن شاء الله بنتك تقوم بالسلامة
فيروز في سرها : يعني حتى هم عارفين ان بابا متجواز على ماما
سميحه : ايه اللي خلي بتك تنتحر؟
الحاج محمد بغضب لسميحه: مش وجته
الحاجة فاطمة : الف سلامه يا بنتي إن شاء الله بنتك هتجوم بالسلامة
علياء : إن شاء الله يا حاجة
الحاجة فاطمة : اومال الدكتورة فيروز جربتكم؟
علياء بكذب : اه
الحاجة فاطمة : تجربلكم ايه ؟
علياء بصت على رحاب
على : فيروز بتكون..................
.......................................................................
تحياتي كوكي بهجوري
انتهى الفصل ( التصويت لو سمحتوا)
هل حان الوقت انهم يعرفوا فيروز بتكون مين؟وايه هيكون رد فعلهم؟
ياتري أيه اللي حصل خلى مالك يتجوز ليالي؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!