قصر القناوي
في الصاله
قاسم بابتسامة مسك ايد غادة وقال: انا و غادة اتجوزنا
الكل ماعدا فيروز واحمد منصدمين
احمد بتمثيل: اوه اتجوزت علي اختي؟
صفيه بدموع : هانت عليك العشره يا ولد عمي؟
قاسم نزل راسه في الأرض
اسد قام ومشي اتجاه امه ونسي انه بيمثل ان رجله مكسورة وقال بعصبيه : يلا يا أمي روحي جيبي هدومك عشان نمشي من البيت ده
الحاج مصطفى بعصبيه : هو اللي يمشي يا ولدي
غاده : بس دا بيتي و بيت جوازي يا حمايا
فيروز ضحتك بصوت عالي والكل انصدم من رد فعلها
الحاجة فاطمة بعصبيه : انتي بتضحكي علي ايه ؟.... انتي مش جلتي هتوقف النصيبه دي
فيروز بابتسامه : كان ممكن اوقفها... بس محبتش افرق بين اتنين بيحبوا بعض
الكل انصدم
الحاج محمد بعصبيه لمراته : انتي كنتي تعرفي يا فاطنه؟
الحاجة فاطمة بحزن : فيروز هي اللي جلتلي...ان قاسم ناويه يتجوز
صفيه راحت عند فيروز وقالت بدموع : مكانتش اتوجع منك كده يا بنت اخوي
فيروز نزلت راسها في الأرض
اسد بص على فيروز وقال بعصبيه : يلا بينا يا أمي بيت ابنك مفتوح ليكي
وراح عند امه ومسك ايديها و هي لسه هتمشي معه
فيروز قالت بصوت عالي : بس عمتي مش هتمشي من البيت يا اسد
الكل بص على فيروز بصدمه
قربت فيروز من عمتها وقالت بابتسامه : بابا كان بيقولي دايما. ... انك الوحيدة اللي بتفهمي هو عايز ايه من غير ما يتكلم
صفيه بصتها
فيروز بابتسامه : يا ترى هتفهمي بنته؟
صفيه مسحت دموعها وقالت : ايوه يا بنت مصطفى
فيروز راحت حضنتها
الكل مش فاهم الا الحاج مصطفى فاهم ان فيروز بتخطط لحاجة
بعدت صفيه عن فيروز و قالت : انا هجعد في بيتي يا أسد
الحاج مصطفى ابتسم وقال في سره : شكلك هتجدري تعملي اللي معرفتش اعمله يا بنت مصطفى
اسد بعصبيه : انتي بقولي ايه يا أمي؟
فيروز بابتسامه راحت عند اسد وقالت : حماتي مش هتمشي من بيتها... أما انت لو عايز تمشي امشي... ثم اكملت بمكر وهي بص علي رجله :انا شايف انك ما شاء الله خفت من الصدمه
فارس بصوت عالي : اكتشفت يا حلو
وضحك
والكل فاهم انه كان بيمثل
اسد بصه بغضب... فسكت فارس
اسد بعصبيه : دا آخر كلام عندك يا أمي؟
فيروز بابتسامه : رد عليه يا حمااااااتي عشان يفهم انك مش همشي من بيتك.... اصل على رأي اللي قال البنت ملهاش غير بيت جوزها
اسد ابتسم وقال بمكر : البنت ملهاش غير بيت جوزها... مش كده؟
فيروز بابتسامه هزت راسها
اسد بابتسامه : حلو
فيروز ب استغراب : هو ايه اللي حلو؟
اسد بص لفارس... وفارس فهمه وطلع علي السيارة
اسد راح على فيروز وقال بمكر : وانتي مش في بيتك جوزك ليه؟
فيروز بابتسامه : ما انا في بيت جواز ولا انت شايف ايه؟
اسد بابتسامه : لا انتي مش في بيت جوزك
فيروز بسخريه : اومال اللي انا فيه ده بيت مين؟
اسد بقى قدام فيروز : ده بيت جدي بس مش بيتي..بس متخافيش انا هوديكي بنفسي بيت جوزك
فيروز اتصدمت من كلامه
اسد راح شال فيروز على كتفه بحيث راسها على ضهره
فيروز بصوت عالي وبتضربوا في ضهره : يا اسد نزلني وبطل جنان
اسد لامه : انتي عارفه بيتي لو عايزه تاجي تعالي
ومشي وهو شايل فيروز
حلا و حمزه و معاذ و د. مصطفى والحاجة فاطمه ضحكوا على شكل فيروز
حمزه بابتسامه : من حفر حفره لاخيه وقع فيها
حلا بضحك : عندك حق
دلال بعصبيه : مش هتعملوا حاجة؟
الحاج مصطفى : راجل ومراته هنعمل ايه؟
حياه بصدمه :يعني مش هتدخل وتبوظ الجواز النحس دي
الحاج مصطفى : لع.... انا مش هدخل بين اسد وفيروز... اللي عايزه اسد هيحصل حتى لو بجيت مراته... المهم انا عايز حفيد
الحاجة فاطمة شاورت على قاسم وغاده وقالت : والمصيبه دي مش هتحلها
الحاج مصطفى بغموض وهو ناوي على شئ : اللي ربطها يحلها
صفيه بحزن: انا طلعه اوضتي
غاده : لا مبقتش اوضتك
صفيه : جصدك ايه؟
غادة بابتسامه : دي بقيت اوضتي انا وجووووزي
قاسم : نقعد في اوضة تاني يا غاده
غادة : لا في الاوضة دي
قاسم : روحي نامي في اوضة تاني يا صفيه
صفيه بحزن : حاضر يا ولد عمي
وطلعت في جناح اسد و قعدت تبكي
رحاب بعصبيه : انتي جايه تخربي بيت واحده متجوزه يا غاده
غادة بسخريه : دا بدل ما تقولي لاختك الف مبروك
رحاب بعصبيه : مبروك علي ايه؟.....انتي مش شايفه عملتي ايه؟
غادة بابتسامه : خدت حقي
رحاب بسخريه :حق ايه ؟
غادة بعصبيه : حق العذاب اللي شافته وحق ابني اللي موته
رحاب بصدمه : ابنك؟
غادة بعصبيه : اه ابني اللي اتقتل وانا حامل فيه
وحكيت جوزها من قاسم وستات اللي أجرهم الحاج مصطفى عشان يموتها
الكل انصدم
حلا بصدمه : جدو انت عملت كده؟
الحاج مصطفى مردش عليها
غادة بسخريه : مش هيقدر ينكر
قاسم : يلا بينا يا غادة
غادة بابتسامه : يلا بينا على اوضتنا يا حبيبي
وطلعوا
الحاج مصطفى : خلي عينيكم على الست دي؟
حلا بسخريه : اكيد طبعا بعد اللي عملته جاية تنتقم منا مش كده؟
الحاج مصطفى مردش و دخل المكتب
.................................................................
عند اسد
وصل فيلا و نزل فيروز وشالها لحد اوضته و رمها على السرير و قرب منها
فيروز بخوف : قول لا إله إلا الله
اسد بغموض : لا اله الا الله
فيروز بخوف : صلى على النبي
اسد : عليه الصلاة والسلام
فيروز بابتسامه : زيد النبي صلاه
اسد: عليه افضل الصلاة والسلام
فيروز بابتسامه : اهدا بس... انا واحدة مجنونه ومعايا شهادة تعمل اطفال هتاخد على كلامي
اسد مسك نفسه عشان ما يضحكش وقال : انا عايز اجابه واضحه.... ليه عملت كده؟
فيروز بابتسامه : في ايه بالظبط؟
اسد بعصبيه : فيرووووووز
فيروز بابتسامه قامت و حطت ايديها على كتفه وقالت : هدي اعصابك بس ليطقلك عرق
بصها بغضب فخافت و بعدت عنه
فيروز : عيال وغلطت معلش امسحها فيا
اسد بعصبيه : تمام انتي اللي اخترتي كده
فيروز بخوف : والله ما اخترت حاجه
اسد شاور على أوضة : وقال ١٠ دقايق الاقي الاوضه نضيفه فاهم
بصت على اوضه بصدمه وقالت : انت بتكلم جد
اسد هز راسه وقال : فاضل ٩ دقائق
فيروز بابتسامه : يا بني انت مش شاف الأوضة انضف من الهدوم اللي لبسها
اسد مقدرش يمسك نفسه فابتسم وقال : ٨ دقايق ولو ما نضفتيش الاوضه هتبقي مراتي قدامي ربنا
فيروز : قول والله
اسد بابتسامه : والله
فيروز قعدت تجري في الاوضة وقالت : يا لهوي ابدا بالأرض لا بالسرير لا بالحمام لا بالهدوم لا بالتسريحه
اسد بابتسامه : ٧ دقايق
فيروز جابت أدوات التنظيف وقالت : منك لله يا ابن قاسم
اسد بابتسامه : عشان الكلمتين دول فاضل ٥ دقايق
فيروز في سرها : انتي قدها يا فيروز يلا انطلقي
وفعلا نضفت الاوضه
اسد بعد فتره : الوقت انتهى
فيروز رمت نفسها على السرير وقالت : انا اللي انتهيت.... خلصت كل حاجه في الاوضة
اسد بابتسامه : ١٠ دقايق و الاقي العشاء جاهز
فيروز قامت من على السرير وقالت : حاضر هروح اقول للداده في المطبخ
اسد بابتسامه : انا اديتهم اجازه
فيروز ب استغراب : اومال مين هيعملك اكل؟
اسد بابتسامة قرب منها وقال : انتي
فيروز : انت معندكش اخوات بنات؟
اسد بابتسامه : لا
فيروز بابتسامه : عايز تاكل ايه؟
اسد : مكرونة بالبشاميل في ١٠ دقايق ولا اتاخرتي انتي عارفة انا عمل ايه؟
فيروز بدموع : انت ليه بتكرهني؟
وقعدت تبكي على السرير
اسد استغراب و راح قعد جنبها وقال : بتبكي ليه؟
فيروز بدموع :بعرف اعمل كل حاجه في الاكل الا المكرونة بالبشاميل
اسد ضحك عليها و على طفولتها و تأكد انها حبيته
فيروز فرحت لما شافت اسد ضحك و بصت عليه
اسد بابتسامة : حلوه انا مش كده؟
فيروز بدون واعي هزت رأسها ب اه
اسد راح بأس راسها و مسح دموعها وقال : تعالي انا هعملك المكرونه
فيروز بفرح : بجد؟
اسد بابتسامة : بجد يا فيروزتي
فيروز ابتسمت و افتكرت لما كانوا صغيرين
اسد مسك ايديها و اخدها على المطبخ
اسد : تعالى ساعديني
فيروز بابتسامه : اشطا يلا
وقعدوا يشتغلوا مع بعض في المطبخ وفيروز عملت لاسد كيكه بالشكولاته لأنها عارفة ان هو بيحب اوي
بعد وقت
فيروز بابتسامه : خلصنا
اسد سرحانه فيها
فيروز راحت فتحت الفرن من غير ما تدخل بالها مسكت صينيه الكيكه بايديها فصرخت صوت عالي
اسد جري عليها ومسك ايديها و شافها و طلعها بره المطبخ و دخل الحمام يجيبلها مرهم الحروق
ورجع اقعد جنبها يدهنلها المرهم
فيروز سرحانه فيه وقالت في سرها : شكلي لسه بحبك يا أسد
اسد : انا خلصت لسه وجعاكي
فيروز هزت راسها بنفي
اسد بغضب : في حد يمسك صينيه من الفرن بيديه؟
فيروز بحزن : كنت عملها ليك و ما اخذتش بالي
اسد بابتسامه : ليا
فيروز بابتسامه : اه انا لسه فاكره انك بتحب الكيكه بالشوكولاته
اسد بابتسامه : وايه كمان؟
فيروز بغضب : وفاكره انك ماكنتش ترضى تديني حته مش من الكيكه
اسد ضحك وقال : انتي قلبك اسود
فيروز بابتسامه : لا يا شيخ
اسد حضن فيروز وقال : وحشتيني اوي يا فيروزتي
فيروز بتحاول تبعده وقالت : ابعد ياض
اسد بعد عنها بصدمه وقال : ياض
فيروز بابتسامه : ايه مش عجبك؟
اسد :بتجيبي الكلام ده من فين؟
فيروز بابتسامه : من بتاع الميلامين
اسد بابتسامه : روح انا اجيب الاكل عشان نتعشى مع بعض تمام
فيروز هزت راسها
وتعشوا مع بعض واسد وكل فيروز عشان ايديها
اسد بابتسامه : شبعتي ولا لسه؟
فيروز : لا الحمد لله
اسد بأس فيروز من خدها وقال : شاطرة يا بنوتي
فيروز ابتسمت وبعدين قالت بعصبيه : عيب تعمل كده انا بحذرك اهو ؟
اسد بمكر : الله مش مراتي... والست ملهاش غير جوزها و بيته.... وبعدين ايه يعني هتعملي ايه؟
وغمزها
فيروز بابتسامه : اعمل كتير خاف مني
اسد بمكر : عايزه اشوف حاجة
فيروز بابتسامه : انت اللي طلبت بنفسك
و مسكت تليفونها و اتصلت بسيرين وقالت بصراخة : الحقني يا شرطه جوزي بيضربني و عايزة يموتي.. عشان....
اخد منها اسد التليفون وقفله وقال بصدمه : عايزة تبلغي عني
فيروز بمكر : مش انت اللي طلبت؟
اسد بصدمه : اه يا بنت المجنونه
فيروز بابتسامه : عيب تغلط في حماتك يا محترم
اسد بابتسامه : انا اكتر واحد بيحب حماته في الدنيا عشان جبتلي فيروزتي
فيروز بجديه : اسد لازم نرجع نعيش في القصر دلوقتي
اسد بعصبيه : لا
فيروز بابتسامه : لو قولتك عشاني
اسد بابتسامه : و لو برضه لا
فيروز بابتسامه : يعني مفيش امل
اسد : لا فيه
فيروز بفرح : ايه؟
اسد شاور على دماغها وقال : تقوليلي علي اللي في دماغك
فيروز قالت بمكر : اللي في دماغي انت
اسد بابتسامه : لا يا شيخة
فيروز بابتسامه : اه والله بفكر ازاي اقنعك نرجع القصر
اسد بابتسامه : لا شاطرة
فيروز بابتسامه : شافت
اسد : اسأل بطريقة مباشر......ليه خليت ابويا يتجوز على امي؟
فيروز بابتسامه : لأسباب كتير
اسد : سبب
فيروز : عشان اغير امك اللي كل تفكيرها في الاكل
اسد : غيره
فيروز بابتسامه : انت قلت سبب
اسد بعصبيه : فيروووز
فيروز بابتسامه : عارفة اسمي مش محتاجه تقولي كتير
اسد بمكر : تمام انسى ان احنا نرجع القصر يا فيروز
فيروز بحزن : ليه بس..... مش قلتك السبب؟
اسد بعصبيه : عايز سبب مقنع
فيروز في سرها : لازم ارجع القصر دلوقتي ... اعمل ايه عشان أقنعه؟
اسد قام وقال : الظاهر مش عايزانا نرجع القصر.... تمام تصبحي على خير
فيروز بسرعة مسك فيه وقالت : لا لا هقول
اسد قعد : اتفضلي
فيروز : بصراحة انا شفت غاده قبل كده
اسد باهتمام : فين؟
فيروز : في المستشفى يوم عمليه ابوك دخلتي المكتب وكانت متنكره
اسد ب استغراب : ليه؟
فيروز : قالتي ان حادثه بابا مش قضاء وقدر...وان عمو قاسم قتل بابا
اسد بصدمه : انتي متأكده؟
فيروز : اه حتى خليتني اشوف فيديو ابوك بيعترفي فيه
اسد بصدمه : انتي عايزه تنتقمي من ابويا مش كده؟
فيروز : لا طبعا انتقام منه ليه؟
اسد بعصبيه : انتي مش بتقولي أن ابويا اتقتل خالي مصطفى
فيروز : انا اتأكدت ان كلامها كله كدب
اسد : وبعدين؟
فيروز بابتسامه : عمو قاسم قالي انه بيحب واحدة من زمان
اسد بحزن : عارف
فيروز : واكتشفت انها غادة ....وانها و عمو قاسم كانوا متفقين على الجواز... فصدمت وقتها وقالت ازاي هيتجوزوا وازاي كانت عايزه تخلص منه
اسد : وبعدين؟
فيروز بكذب : انا ساعتها قررت ادور وراها بس ما لقيتش حاجه.... فلازم نرجع القصر عشان هي ممكن تعمل حاجه في حد.... ممكن في عمتو مثلا او جدو
اسد قام : تمام يلا نرجع القصر
رجعوا القصر وكان البيت هادي و طلعوا اوضتهم وشافوا صفيه نايمة في اوضة
فيروز بهمس : هنعمل ايه؟
اسد بهمس : هروح اصحيها عشان ترجع اوضتها
ولسه هيروح فيروز مسكت ايديه وقالت : لا سيبها اكيد تعبانه بعد اللي حصل
اسد بهمس : اومال هنام فين؟
فيروز بسخريه : يعني القصر ده كله مفهوش أوضة فاضيه
اسد بهمس: لا فيه
فيروز بهمس : نروح ننام في اوضة تانيه وبكره ربنا يحلها
اسد بهمس : تمام
و راحوا أوضة وناموا
......................................................................
في صباح يوم جديد
( يوم الخطوبة)
قصر القناوي
الكل في غرفة الطعام ماعدا فيروز واسد
غادة بسخريه : حبيبي هو مفيش اكل صحي ابدا
فيروز دخلت وقالت : لا مفيش
فريده بصدمه : هو احنا مش خلصنا منك
فيروز : عيب تقولي لاختك كده يا محترمه
اسد دخل وقال : صباح الخير
صفيه : صباح النور يا ولدي.... اومال كنتوا نايمين فين؟
اسد : رجعنا امبارح ولقيناك نايمه في الاوضه ما رضيناش نصحيكي و روحنا نومنا في اوضه تانيه
صفيه : اه
فيروز بابتسامه : صح يا صفصف ليه كنت نايمه في اوضتنا؟
صفيه بتوتر : لا مفيش
اسد بعصبيه : امي في ايه؟
غاده بابتسامه : اصل انا اخدت الأوضة
اسد لسه هيتكلم فيروز مسكت ايديه وقالت : بجد؟
غادة بابتسامه : اه
فيروز بابتسامه : تعرفي احسن
الكل انصدم
غاده ب استغراب : ليه؟
فيروز بابتسامه: اصلها مش مقام حماتي
غادة بعصبيه : قصدك ايه؟
فيروز بابتسامه : المعنى اللي وصلك
وغمزتها
غاده بعصبيه : شايف يا قاسم بتقولي ايه؟
قاسم : فيروز
فيروز بابتسامه : نعم
قاسم : خليكي في اكلك
فيروز بابتسامه : حاضر
الحاج مصطفى قام : فيروز تعالي عايزك في المكتب
فيروز بابتسامه : و اخيرا رضيت عليا يا ابو مرات ابويا
مشي راح المكتب
فيروز لاسد : هروح يا حبيبي اشوف جدو عايزني في ايه؟
اسد بابتسامه : روحي يا مجنونة
مشيت فيروز علي المكتب طرقت و دخلت
فيروز بابتسامه : وحشتيني يا راجل ليا فتره مشفتكش
الحاج مصطفى : قعدي
فيروز قعدت وقالت : نعم عايزني في ايه؟
الحاج مصطفى : زي ما دخلت الحربايه اللي بره دي تطلعيها
فيروز بابتسامه : حاضر بس المقابل
الحاج مصطفى : اللي عايزه هديهلك
فيروز : انا ليا طلب عنك
الحاج مصطفى : ايه هو؟
فيروز بابتسامه : مصطفى ابن عمي بيحب دكتورة زميلته وعايز يتجوزها
الحاج مصطفي : هو خطيب حلا
فيروز : بس حلا مش عايزه... ولا هو كمان بيحبها
الحاج مصطفى : هي كويسه؟
فيروز بابتسامه : لا معرفش عنها حاجه
الحاج مصطفي : تمام... اعتبريه حصل انا شوف الموضوع
فيروز بابتسامه : اشطا اديني كل الصلاحيات في القصر عشان اتصرف
الحاج مصطفى : معاكي كل الصلاحيات
فيروز : تمام اقل من اسبوعين هتكون بره القصر
الحاج مصطفى : تمام
فيروز بابتسامه : عايزه حاجه تاني؟
الحاج مصطفى : اه... بس بعد ما تطلعيها ما بينا كلام
فيروز بابتسامه : اشطا... عن اذنك بقى عشان اقوم بالمهمه
الحاج مصطفى بابتسامه : اتفضلي
طلعت ليهم فيروز وقالت : جدو محمد
الحاج محمد : نعم
فيروز بابتسامه : جدو مصطفى عايزك انت و مصطفى عنده في المكتب
قام الحاج محمد و د. مصطفى إلى المكتب
فيروز بابتسامه : والباقين ياريت يكون في الصاله بعد خمس دقايق عشان فيه اجتماع عائلي
بعد خمس دقايق كان الكل في الصالة
الحاج مصطفى : اعملوا حسابكم هنروح نخطب لمصطفى بكره
احمد بصدمه : ازاي... هو مش خطيب حلا
الحاج مصطفى : لا ولدك رايد واحده وهي كويسة
احمد بعصبيه : لا طبعا مش هيحصل
الحاج محمد بعصبيه : بتعالي صوتك على عمك يا جليل الحيا يا خسارة تربيتي فيك
احمد بعصبيه : اسف يا ابويا... بس انا مش موافج علي كده
الحاج محمد : رايك مش مهم بدل ما عمك وولدك وافجوا..... يبجي خلاص
فيروز بابتسامه : بالظبط وعلى راي المثل العروسة للعريس والجري للمتاعيس
حلا فرحت عشان مش هتتجوز مصطفى
احمد بعصبيه : ليكي يد في الموضوع ده يا بنت مصطفى
فيروز بابتسامه : كل حاجه هتحصل دلوقتي او بعدين هيبقى ليا يد فيها
حياه : قصدك ايه؟
الحاج مصطفى : من انهارده فيروز مسؤوله عن كل حاجه في القصر
فيروز بابتسامه : بالظبط
حياة قامت بصدمه وقالت : ازاي الكلام ده يا بابا؟
فيروز بابتسامه : زي العسل في الشاي... انا مرات الكبير في القصر يعني كل حاجه هتحصل بأمري
فريده قامت وقالت بعصبيه : مستحيل اوفق على كده
الحاج مصطفى بعصبيه : الكل يجعد ويسمع الكلام
فريده وحياة اقعدوا
فيروز بابتسامه قامت وقالت بابتسامه : قوانين البيت هتتغير كلها
غاده بسخريه : ازاي بقى؟
فيروز بابتسامه : القانون الاول الفطار الساعة ٦ والغداء ٢ و العشاء ٨ اللي هيتاخر مالهوش اكل
غاده بعصبيه : ازاي انا بصحي متأخر؟
فيروز بابتسامه : القانون الثاني الفيزات كلها هتتقفل واللي محتاج حاجه او فلوس يقوليلي
فريده بعصبيه : لا كده كتير
فيروز بابتسامه : القانون الثالث اعمال البيت هتبقي متقسم علي جميع والخدم انا اديتلهم اجازه...والداده كبرت في السن مش هتقدر تشتغل يعني من انهاردة مش هتعمل حاجة غير الإشراف عليكم بس
حمزة بهمس : اموت واشوف شكل فريده بتطبخ ولا بتنضف
حلا بهمس : اهي جايت اللي هتربيهم
فيروز بابتسامه : القانون الرابع ستات البيت زي ما عليهم اعباء كمان رجاله البيت عليهم مسؤولية الحديقه و كمان يجيبوا طلبات البيت
حمزه : اشطا
فيروز بابتسامه : القانون الخامس ممنوع حد يتأخر بره البيت عن الساعة ٩ ولا هيتاخر مش هيدخل
الحاج مصطفى فرحنا بكلام فيروز
فيروز بابتسامه : القانون السادس ممنوع اي حد يطلع قبل ما ينفذ مهامه
حياه بسخريه : في حاجة تاني
فيروز بابتسامه : حاليا لا.... الجدول هيبدا من دلوقتي و كل واحد يشوف وراه ايه
صفيه : الجدول موجوده فين؟
فيروز : في المطبخ
حياه : انا مش هنفذ الكلام الهبل ده
فيروز بابتسامه : برتاحك بس مفيش عربيه و اشتراك نادي انا هلغيه
حياه بعصبيه : بابا انت ازاي ساكت انها تذلنا بالطريقه دي
الحاج مصطفى : هي مذلتش حد ...هي بتقولكم على اللي هتعملوا
غادة بابتسامه : الكلام طبعا مش ليا عشان لسه عروسه جديد
فيروز بابتسامه : لا ازاي انا فاكره اني عليكي انهاردة في الجدول غسيل المواعين
ضحك الكل ماعدا غاده و قاسم و حياة
صفيه بابتسامة : اروح انا اشوف ورايا ايه في الجدول
فيروز بابتسامه : لا انتي اجازة الاسبوع دا
غادة بعصبيه : ليه يعني؟
فيروز ابتسمت وقالت بمكر : عشان عمتو صفيه انهاردة هتبدا شغل
الكل انصدم
قاسم بصدمه : شغل ايه؟
فيروز بابتسامه : هتكون مسؤول عن مشروع مع شركة ألمانيا
غادة بسخريه : هي اصلا بتفهم في الشغل ولا بتعرف تتكلم ألمانيا
فيروز بابتسامه : اه بتعرف تتكلم ألمانيا مش كده يا صفصف؟
الكل انصدم حتي لاسد عشان محدش يعرف انها بتتكلم ألمانيا
صفيه: اه... بس انا مشتغلتش جبل كده
اسد : انتي بتعرفي من فين ألمانيا؟
فيروز بابتسامه : بابا الله يرحمه علمها وقالي انها كانت شاطره اوي في ألمانيا
اسد بابتسامه : مقلتليش قبل كده يا امي ليه ؟
صفيه بابتسامه : ما جاتش مناسب و بعدين انا نسيته من زمان
فيروز : متقلقش هفكرك بيه.... بس يلا اطلعي البسي عشان معانا ميعاد في الشركه بعد شويه
صفيه : حاضر
بعد ما مشيت
الحاج مصطفى بهمس : احنا ماتفقناش على كده
فيروز بهمس: انا هخلي ابنك هو اللي يجري ورا عمتي و هو بنفسه هيطلع غاده بره البيت
الحاج مصطفى ابتسم وقال بهمس : ماشي يا ينت مصطفى انا مستني... بس الشركة اللي هشتغل فيها بتاعت مين؟
فيروز بابتسامه قالت بهمس : بتاعتي
الحاج مصطفى بهمس : تمام كده اطمنت
قاسم بعصبيه قام وقال: انا مش موافق علي شغل صفيه
فيروز بابتسامه : ليه بس؟
قاسم : انا جوزها وانا اللي اقرر
فيروز بابتسامه : دا كان حقك قبل ما تتجوز عليها لكن دلوقتي الوضع يختلف
قاسم ب استغراب : ازاي؟
فيروز بابتسامه : حماتي طلب الطلاق و جدي مصطفى وافق بس قال بعد ما يتم خطوبة مصطفى
قاسم بعصبيه : انا مش هطلق
غادة بعصبيه : يعني ايه هتفضل متجوز عليا؟
قاسم : احنا لما اتجوزنا ماتفقناش اطلق صفيه وانا مش هطلقها
فيروز ابتسمت و غمزت للحاج مصطفى وهو عارف انه اختار الشخص صح اللي هتلم شامل للبيت
غادة بعصبيه :يا انا يا هي؟
فيروز بابتسامه : انا شايفه ان مفيش داعي عشان حماتي مصيره على الطلاق ولو عمو قاسم مطلقش هنرفع عليه قضيه خلع
نزلت صفيه وقالت : انا جاهزة
قاسم راح عليها وقال بعصبيه : عايز تخلعيني يا صفيه
صفيه بصت علي فيروز.... وفيروز هزت راسها ب اه
صفيه : ايوه يا ولد عمي.
لسه قاسم هيمد ايده عليها وقف اسد بينهم وقال : فكر بس تعمل كده
الحاج مصطفي قام بعصبيه وقال : عايز تضربها جدامي
قاسم بعصبيه : يعني انت مش شايف هي عايزه ايه؟
الحاج مصطفى بعصبيه : عايزة حجها... يلا يا فيروز روحوا شافوا وراكم ايه عشان الخطوبه بالليل والباقي يشوف شغله اللي جلت عليه فيروز
فيروز بابتسامه :تمام... يلا يا صفصف
ومشيت هي و صفيه
والكل غادر ماعدا الحاج مصطفى واخوه
الحاج محمد بابتسامه: شكل بنت مصطفى هتربيهم من اول وجديد
الحاج مصطفى بابتسامة : احسن يستاهلوا
الحاج محمد بابتسامه : شكلك فرحنا فيهم
الحاج مصطفى ضحك وقال : فيروز احسن واحدة تنفع تمشي البيت من بعدي و اكتر مني... انا دلوجتي لو موت هيجي مطمن عليهم
الحاج محمد : بعد شر يا خوي العمر كله ليك
الحاج مصطفى بابتسامه : هناخد زمان و زمان غيرنا
......................................................................
وصلت فيروز الي مول
ونزلوا
رعد : دكتورة فيروز لو سمحتي دقيقه
فيروز بابتسامه : معلش ادخلي انتي دلوقتي وانا هاجي وراكي
صفيه : تمام
مشيت
فيروز : خير يا رعد
رعد : الفيديو حقيقي فارس و ملك كانوا مع بعض في الملاهي الليالي
فيروز بابتسامه : تمام
رعد : وكمان في حاجة تاني
فيروز : ايه؟
رعد : انهارده خطوبة الانسه ملك كمان
فيروز : اه عارفه انكل علي قالي
رعد : عرف هتاخد مين؟
فيروز : حد اعرفه؟
رعد : مراد اللي كان مع مي
فيروز بصدمه : انت متأكد؟
رعد : ايوه
فيروز : تمام اسمعني هتعمل ايه؟
رعد : معاكي
وقالته فيروز علي خطتها
رعد : تمام بس..في ضرر علي مي
فيروز بابتسامه : هم يعرفوا مكانها؟
رعد : لا
فيروز : يبقى خلاص
ودخلت فيروز المول و اشترت هدوم كتير لصفيه
وبعده راحوا يقابلوه مازن ومالك و تكلم علي المشروع
....................................................................
في مكان بعيد عن الناس
.......... / طلبت تشوفني ليه؟... انت مش عارف ان ده خطر علينا
ياغيز : فيروز عرفت ان فريد اخوها لسه عايش
...............بصدمه : ازاي؟...... انا مش منبه عليك متقولهاش
ياغيز اديه ورق وقال : عرفت من دول؟ وطلبت مني اعرف مكانك يا فريد
فريد : فيروز لو عرفت الحقيقة كلها دلوقتي هبتقي خطر عليها لازم تعرف نصها بس يا ياغيز
ياغيز : تمام.... في حاجة كمان
فريد : ايه؟
ياغيز : عمك احمد طلع معهم
فريد بسخريه : كنت شكك فيه اصلا..... المهم خلي بالك من العائله وبذات فيروز لان الخطر كله عليها
ياغيز : تمام متقلقيش
فريد : همشي انا سلام
.....................................................................
جاء المساء
خطوبة ملاك و فارس....... ملك ومراد
ودخلوا القاعة
اسد : اومال فين فيروز يا امي؟
صفيه: قالت وراها حاجه مهمه وهتاجي
وفجأه النور قطع وظهرت فيروز والنور كان عليها
فيروز بابتسامه : احب اقول الف مبروك للعروسين وليهم عندي مفاجأه حلوه اوي
وقالت للعامل : شغل الشاشه
مجهول ٤ قاعده بعيد وقال : جميلة زي امك يا فيروز هتبقى ليا مهما حصل
مجهول ١ بعصبيه : ايه اللي جابك هنا؟
مجهول ٤ بابتسامه : اهلا اهلا وحشتيني يا راجل
مجهول ١ : بقولك بتعمل ايه؟
مجهول ٤ : ابني العريس
مجهول ١ بصدمه : اي واحد فيهم؟
سعد ( رئيس العصابه) : فارس ابني
.....................................................................
تحياتي كوكي بهجوري
انتهي الفصل ( التصويت لو سمحتوا)
بعد ما عرفنا رئيس العصابه ياتري هيقدر ينفذ اللي بيخطط ليه؟
فيروز هتعرض ايه على الشاشه؟
فريد هيقدر يحمي فيروز؟
انتظروا كل ما هو جديد
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!