رواية جعلتني عاشقاً (حقيقه مكتمله) 🔞 الفصل الحادي عشر 11 - بقلم Sosa.K. Ali

اسمر واذوبن من يمر
ضحكاته والشارب سحر
يسطر سطر كلش خطر

اشبكني جلد بجلد
يبعدني ثوبك احس
يم العظم ادنه

اسيل : الله يسلمك عمررري انشالله ما انحرم منك ويخليك الي سند يروحي

اسر : يعمرررري الله يقدرني واسعدج يااول فزه بكلبي يالنفس والنبض

اسيل : اسر كافي من تحجي هيج ماعرف اجاوبك يله خلي اروح ولاتنسه باجر دوام اني وراح اصوم هم

اسر : شسالفه الصيام وياج شو يوميه

اسيل : اسررر شبيك هيج تحجي ترى اني كل سنه اصوم رجب وشعبان و رمضان كلها وانته هسه بالكوا تقبل شبيك

اسر : هههه يي همزين كتيلي هاي اخر سنه تصومين هيج بيها

اسيل : هاا

اسر: هيج حبيبي روحي نامي وصايم مقبول حب وادعيلي الله يخلصني وانجمع بيج

اسيل : تدلل تصبح ع خير

اسر : تصبحين على نور ينور عيني

اسيل : باي

اسر : احبج باي

اسيل : اووف منك يا اسر شداتسوي بيه مدا افهم لي دايصير بيه الله يستر منك يا اسر ومن الجاي اني هواي خايفه بس ماريد ابين كدامه خايفه من اهل مرته الاولى ومن اخوانها وخايفه لا ياذو وخايفه من هواي شغلات اوف ربي رحمتك والطف بي وبيه يارب احفضه الي يارب احمي ضليت افكر وادعي الاسر الى ان نمت وكعدت ماما تكعد بيه باوعت ع الفون اسر ممتصل واستغربت شبي بس كلت احتمال نام لان ضلينه نحجي الوقت متاخر كمت سبحت وبدلت وكملت وماما اتصلت بصديقتي وكالت الها اسيل راح تطلع يله واني خليت عطر كلمسه اخيره وطلعت رجعت الماما كتلها ماما اني صايمه مو تكلين مكتيلي مثل كل مره تعودو عليه اني احب اصوم هواي

ام كيان : اي حبيبتي الله يتقبل ويرزقج على كد نيتج حبيبتي انتي يله روحي راح تتاخرين

اسيل : رجعت بست ايدها وراسها وخدها ورحت طلعت امشي وتوقعت راح الكا كبالي ويمشي وياي بس هم ماكو رحت واني كلبي ناغزني  واكو شي بيه كلبي مقبوظ سترك يارب شفت صديقتي وسلمنه وحده ع الثانيه وكملنه الطريق وهيه حجت وياي لج اسيل شبيج ليش هيج صافنه شو مكلوبه خلقتج كتلها مادري يمكن تعبانه لان صايمه وبس يعني انتي صايمه الله يتقبل حب اشكرج قلب وهيج ضلينه نسولف الى ان وصلنه واني القلق يقره الف عدي باوعت الساعه 7:30 ترددت اتصل لو لاضليت اروح واجي اتصل لا اتصل لاوهيج الى ان قررت اتصل ولي يصير خلي يصير اتصلت بس دك   مو عوايده ميرد عليه حتى اذا نايم يرد لان نومه مو ثكيل اوووف اسر يعني ناقصني قلق وخوف اني معقوله صارله شي زين اني ماعرف احد ولا عدي رقم احد منهم ما بيدي غير انتضره شوكت يتصل وافهم منه كعدت ادعي وافتر منا ومنا مرت اكثر من ساعه وهو ماكو ب 10:40 دقيقه بضبط دك فوني باوعت اسمه مادري افرح مادري اعصب عليه اكول مارد وارجع اكول لازم اعرف وين جان فتحت خط

المكالمه 📱

اسر : صباح الخير متصله عليه مسمعت الفون جان صامت

اسيل : اي طبعاً صامت منو وراك انته مطلك لا مره ولا حبيبه ولا احد يخاف عليك مو اسر بيگ ماشي انته مابيك شي هاهيه روح الله وياك ماريد شي منك بس ضل بالي عليك

اسر : اويلي معصبه يابه شبيج مو صايمه شكو هل الاعصاب ممكن افهم ثاني شي مجاوبت جنت ازور

اسيل : تزور ؟ وين شو مادري وليش مكتلي البارحه

اسر : بس اصبري هسه افهمج كولشي اني حالياً بغداد وجنت ازور بالامام الكاظم (ع)

اسيل : شنووووو شوداك شنو هل الحجي شو انته متكول اكوله شبيك اسر ليش متفكر بس بروحك

اسر : اسيل بلا صراخ واسمعي زين هيه مو بالعصبيه انتي البارحه مو ردتي نعقد واني ماكدر اذا مااكمل امور طلاكي كلها وست الحسن متقبل رافضه الطلاق

اسيل : يعني تريد ترجعلك وانته راح ترجعها

اسر : قررت العب باعصابها شوي كتلها اي ع الاقل الخاطر بناتي خطيه شنو ذنبهم يعيشون لو يم امهم لو يم ابوهم

اسيل : واني شنو اني وين بحياتك لو اني جنت مجرد شي استمتعت وجربت وهاهيه بعد متريدني

اسر : و اني هيج نذل برئيج وماعدي كرامه ولا احترام للبيت واهلها وافوكاها اكسر كلبج باعي اني رحت البغداد حتى اطلك هناك وهم احسن واسرع وبالمناسبه كلامج عليه حساب قوي بس خلي ارجع اول

اسيل : عضيت شفتي وكتله لعد شتريد مني اسوي وانته جاي تكلي تريد ترجع وتعيش حياتك واني شنو ذنبي ها شنو اتصرف هذا لي اعرفه اني

اسر : ماشي ماشي اني وره الضهر ارجع ونتفاهم على كُلشي بالمناسبه اذا عاجبج شي كوليلي اجيبه وياي الج

اسر : مممم ماريد بس سلامتك اني عاجبني فطور لفات فلافل و ببسي وراح اخلي كيان يجيبلي من ارجع من الدوام

اسر : تمام ماشي اني اروح الولد ينتضروني

اسيل : ممممم تمام من ترجع تحجيلي كولشي بالتفصيل ماشي

اسر : انشالله يله مع السلامه

اسيل : الله وياك وتوصل بسلامه انشالله

اسر : الله يسلمج باي

اسيل : باي

سديته واني كلبي نار اوف ربي حتى بالطلاك مو مثل الناس مشلوع كلبه هيه متريده ليش متريد تتطلك اكيد اكو لغز بس شنو ليش اني مدا افهم شي اوف يربببببببببي

اسر : طبعاً كلكم راح تكلون ليش تطلك بغداد ليش وهو اي اسئله واني مردت احجي شي الاسيل ماريد اضوجها واحرك كلبها ( ع اساس هيج مدا تضوجها ) اسمعو يابه

اني  قبل لا اروح اخطب رفعت قضية الطلاك واساساً المفروض نتطلك كبل لان صار اكثر من شهر هيه يم اهلها بس بما انو اخوها محامي والخ ضابط والخ شرطي وعمها عميد وهمه مو همهم اني اكيد همهم الفلوس و البيت اني متاكد فرحت للمحكمه وكلت اكثر من محامي وهم القضيه متنقبل يا اما تتاجل هنا تعبت وكلت اروح اطلك سيد بغداد واجيب الورقه للقاضي وهو بس يصدقها واخلص واعقود على حبيبتي تعبت كلشي نسوي بالبوكة هيه مالتي ها اول حب الي اول مره اكلها احبج يررررربي ليش ممكتوبلي ارتاح طلعت الصبح وبدون مااكول الها ونسيت اخابر لان ضليت ملتهي من طلعت من الامام لكيت اتصال وصار الكلام ☝🏻☝🏻ميحتاج اعيد واتعب الكاتبه ( يححححح خايف عليه فطيط) كملت كولشي وقررنا نرجع ب1:30 فكتلهم خلي نتغده اول واخذتهم نتغده ولد اخويه وياي تغدينا ورجعنا نتمشه وبوكتها عجبني شال اخذتها و سيت عطر ومعطر وغسول جسم و كريم للبشره وياها دب وريحه هم اخذتها الها وخليتها بكيس هدايا احمر والولد يضكون ها عمو ها كمت تاخذ هدايا طبعاً شقه وميانه احنه ولا كانما عمهم لا اني صديقهم وضلو الطريق كله يصنفون عليه وصلت للبيت ب 4:30 كبل اتصلت عليها

المكالمه : 📱

اسر : هلا بعافيتي

اسيل : هلا بيك

اسر : حبيبي اني وصلت وحالياً بالبيت وبعد شوي راح اجي اجيبلج كم شغله وبليل انشالله نتشاوف لان هسه صايمه انتي

اسيل : ليش تجي مرتين خليها بس بليل

اسر : افهم من كلامج دا تطرديني متردين اجي

اسيل : لا والله مو هيج قصدي بس ماريد اتعبك وياي وانته هستوك راجع من طريق وتعب ومادري شصار وياك

اسر : تعبج راحه ولصار وياي بليل احجي الج مو هسه وهسه انتضريني دقيقتين واني يمج تمام ومااتاخر من الباب ترى

اسيل : غير ادري شنو لي مخليك تجي وانته تعبان ماشي راح انتضرك

سديت الخط واني جنت كاعده بالحديقه ولابسه ايزار (جادر الصلاه) وبحضني مفاتيح الجنان اقره بي واسوي اعمال وادعيه شوي وسمعت الباب اندك سديت الكتاب وخليته ع الكورسي ورحت للباب فتحت الباب شفت اسر وبس شافني هيج ابتسم وطب وسد الباب وكال

اسر : ولج يابه مااقبل انتي تطلعين ع الباب بهذا لبسج

اسيل : اصلاً لا بهذا ولا بغيره بابا ميقبل اطلع ع الباب بس لان اعرف انته فتحت ثاني شي شبي لبسي شو مستور وكلشي ممبين مني

اسر : حلاتج بسترج وبعباتج وثاني شي اني هسه اتراهن وياج انتي تنافسين الكمر لان انتي صايمه واضوا منه حبيبي ابوس ايدج متطلعين هيج بعد هاي انتي لا مكياج ولا غضب وهيج لعد بالمكياج شراح تسوين بيه

اسيل : يووو اسر هاي شنو شبيك

اسر : سكتنه والله سكتنه بس جبتلج ببسي الفلات لي عاجبتج وجبتلج كباب هم بس شوربه عليج 🥺😂 ( لا المفروض انته تجيبها عيب كمل جمليك للنهايه )

اسيل : ياااا ليش انته جبت خطيه تعبان جان دزيت كيان انته تعبان

اسر : ترى متعبان وحتى اذا اتعب تعبج راحه و هسه اني رايح وبليل وره الفطور اجي ماشي

اسيل : ماشي الله وياك

راح واخذت الاكل وديته الماما

ام كيان : هاي شنو ماما منو جابها

اسيل : ماما جنت بره اقره ادعيه اليوم تدرين بيه بس اتصل اسر 🙈وكال جاي ومن طلعت عليه نطاني ذني وراح

ام كيان : ليش مكتيله يضل يفطر وياج

اسيل : مادري استحي ماما يله انزع الايزار واجي اساعدج 

ام كيان : ماعدي شغل هواي خاف تعبانه

اسيل :  كتله لا بس عطشانه شوي واريد مي وعصاير ماريد اكل

ام كيان : سويتلج عصاير طبيعيه مشمش و رمان ورارنج واسر جايبلج ببسي بعد اكو شي بالج

اسيل : لا شكراً ماما راح انام ومن ياذن كعدوني

ام كيان : ماشي ماما روحي

اسيل : رحت للغرفه مددت وجريت فوني وكتبتله
📝اني راح انام من ياذن كعدني
💌تمام حبيبي بعيوني

اسيل نمت ومادري شلون وشوكت دك فوني

اسر : بس كال ان الله وملائكته يصلون على نبي جريت الفون واتصلت بيها وكتلها

المكالمه 📱

اسر : الووو حبيبي راح ياذن يله كومي كافي نوم

اسيل : هممم والله نعسانه ماريد اكوم خليني

اسر : حبيبي كومي يله حرام تضلين الهيج وكت نايمه

اسيل : ماشي كمت والله

اسر : يله حبيبي وره الفطور نحجي صيام مقبول

اسيل : منه ومنك صالح الاعمال عمري باي

سديت الخط وكمت توضيت اذن وكفت اصلي اني احب اصلي يله اكل حتى ميصير خمول بجسمي كملت ورحت اول موصلت محضرين سفره شكبرها بابا كال تعالي كعدي يمي ورحت يم بابا وماما محضرتلي كولشي احبه و العصاير والببسي بس اني مردت غير الفلافل 🙈🥺 اكلت لكمتين وراها العصاير وشبعت من العصاير لان هواي شربت واكلت شوربه اهم شي عدي كملت كمنه نلملم وماما تعزل واني اغسل على ايدها شوي ودك الجرس طلع كيان ورجع الضحكة شاكه حلكة وكال

كيان : اجه خطيبج عيني يله امشي بدلي ترى اذا شافج هيج يشرد وعلي

اسيل : اسمعي ماما تقبلين هيج يحجي وياي والله معليه شنو هيج يحجي

ام كيان : ولك لاتحجي هيج وياها شيخلصنه من اسر عيني ميتحمل زعلها

اسيل : حتى انتي ماما اروح ابدل احسلي وراح ادزلج تاره تكمل الشغل وياج

ام كيان : ماشي ماما

اسيل : ولج تاره كومي اجه اسر اني راح ابدل وانتي روحي ساعدي ماما بدالي حبابه

تاره : واني شكو من انخطبتي لي هسه مكمنه نشوفج لو تحجين ويا لو يمج شنو هاي عيني

اسيل : يووو تاره حبابه كافي هيج تحجين

تاره ماشي رايحه باي

اسيل : هههه احبه موبيدي صح عصبيه وام دميعه بس كلبها طيب الى ابعد الحدود كمت بدلت وكملت ورحت لكيت يمه كيان ويسولفون سلمت وكعدت وهو حجه

اسر : هلا والله شلونج عيني خو متعبانه مال صيام

اسيل : لا بالعكس اني متعوده اصوم هواي اصلا

اسر : خلي الله يتقبل يالعمر وهاي الج

اسيل : هاي شنو

اسر : ممم هاي هديه بسيطه عجبتني وجبتها الج روحي شوفيها اذا عجبتج لبسيها وتعالي

اسيل : يممه متت فشله شلبس خاف النوب شي مفضوح كتله ماشي

اسر : لبين مترحين صيحيلي عمه وياج

اسيل : خير صاير شي

اسر : ...........

لالا مااسمحلكم لا تكلون خبيثه ازعل ترى

زاحم حضني مثل ماتزاحم تفكيري

تعال ادفن خوفك بحضني انا امانك للابد

🤤🤤

طبعاً القصه مدا يصير بيها تفاعل زين لهذا اذا متعلوكوها اوقفها يله شوفني تفاعلكم علقو وصوتو