رواية جعلتني عاشقاً (حقيقه مكتمله) 🔞 الفصل الحادي والعشرون 21 - بقلم Sosa.K. Ali

اسر : الدنيا مسايعتني واني اخذ حبيبتي اشترينا الذهب و من اجة من بغداد ممصدك هاهيه صارت مالتي كلبي دايركص من الفرح والدنيا متتخيلون السعاده لي احس بيها كتلها تشتري بدله بيضه حتى متحير بعدين بيها ماخذه بيضه ولوني المفضل احمر بس شنو من نزاكة سبحان الله الذوق لي عدها عجيب مستحيل اكو انزك من هيج حتى بدلتها البيضه مو نفش رايدتها شي هادي  وحلوه ممصدك اليوم خلص راح تصير بسمي حتصير مرتي كعدت من الصبح مخبوص اكثر منها اروح منا واجي منا اجيب منا واحط هنا متت لما صارت ال8 ورحت اخذتها هيه وامها واختي وديتهم للصالون كتلهم من تكملون اتصلو بيه

اسيل : ماشي اني اتصل لو ماما اخليها تتصل بيك

اسر : ماشي حبيبتي اني رايح واي شي تردي اتصلي بيه تلكيني يمج وها لاتكصين شعرج لا اكص ركبتج عود

اسيل : هههه هو انته شمدريك شطول ( هاياب منو ميدري مو هو حفظ كل شامه بيج خليني ساكته (اسكتي لاتخجليها (يووو خايف على مشاعرها سكتنه عمي )

اسر : يله حبيبي وصلنه روحي اندرت على عمتي وكلتها عمه ديري بالج عليها ولاتخليهم يلعبون بيها هواي

ام كيان : لاتخاف عمه اني موجوده وميصير غير لي تريده انته

اسر : مشكوره عمه متقصرين

اسيل : نزلنه وفتت للصالون طبعاً ام الصالون صديقة ماما و من البارحه اتصلت بيها وكالت الها العقد مالتهم ب4:30 لهذا لازم نرجع من وكت وهمه متفاهمين اول شي بدت تحف وجههي لان اني محافه ولا لاعبه بي خو حاجبي معاكدات وثخان كلش كتلها باعي حاجبي لا تلعبين بيها هواي خليها حفيفه بناتيه لان هيه خطوبه كالت ماشي و كلتها ماما تصبغ شعرها كالت يالون تردين كتلها عسلي وفوكا خلصات قليله وهيه سوت مثل مردت اني واني سويت لي يريده اسر وره ساعه كمل شعري ورجعت خلت الخصل وهم ضلت فوك النص ساعه تشتغل بي واني متت تعب طبعاً كمت انعس ومماكله شي حتى ريوك ماكو ولو يدري اسر يذبحني بدت تسوي بالسريحه سويت باف من كدام والباقي برم وخلتلي مكياج هادء حيل بحيث لي يشوفني يعرف التغير بس عبالك مو عروسه شي حيل نازك ومرتب كملنه ساعه ب3 كالو يله نروح اجه تاره وبنات خالاتي للصالون طبعاً يدورون عليه واني كاعده كبالهم معرفوني ماما كلتلهم هاي شبيكم هياتها وضلت تحضن بيه تاره روحي من الدنيا حبيبتي كالو اسر هو لي جابنه وكال اذا كملو اخذهم كالتهم اي والله اني ميته تعب طبعاً جنت لابسه بنطرون زيتوني بوري وقميص مشمشي وفاتحه اول دكم ومن جو معكود على خطري خلو طرحه بيضه على راسي و لبست العبايه لفوني لف شكول عليك اسر مااكدر اتنفس وفوكاها حضرته مقبل ناخذ صور بالصالون كال اني جايب كامره ونصور بيتكم طلعنه من الصالون واني مااشوف شي كدامي وهو حاط السياره باب الصالون حتى محد يشوف خيالي لان الافندي يغار بجنون صعدت اخته يمه و اني صعدت ليوره اني وماما هو مشغل اغنيه بالسياره ويغني

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

ويغني وياها ويضحك واني اضحك على ضحكته اني حاسه بي وبفرحته ادري بي الدنيا مسايعته من الفرح

اسر : اتصلت بيه تاره 😂اني وياها ميانه كولش ( لو تدري هيه الوحيده لي مقبلت بيك اني مو خبيثه بس داوضحلك بعض الامور ) رحت اخذتها هيه وبت خالتها و من نزلت كتلها شوفي اسيل وغمزتلها هيه ضحكت وشويه و تصلت عمتي كالت راح نطلع اذا بعدك كتلها اي دانتضركم بالباب ولفوها زين ماريد يبين حتى خيالها وفعلاً طلعت وصعدت لي وره متت قهر ردتها تكعد يمي بس اختي كعدت ردت المرايه عليها كلتها اني واضحك ارفع الشال اريد اشوف شكلج متحمس هواي مدا اصدك من الصبح لي هسه افكر شلون راح تطلعين

ام كيان : ههههه اي تحمل منا للعقد ممنوع تشوف شي وانتي اسيل ديري بالج ترفعين الشال ميشوف منج حتى ضفرج

اسيل : هزيت راسي واني اباوعله بالمرايه مشال عينه عني واخر شي سويت روحي اختنكت وكمت اكح رفعت الشال شوي ونزلته بس الحقير ضحك ضحكه مال شماته وخلاهم يحجون عليه اني الك اسر افندي

اسر : من امها مقبلت متت قهر بس كلت يله مفاجئه بس هاي شو ختنكت واني اندرت ومهتميت للشارع واشوفها رافعه الشال عن وجهه بس لمحة شكلها نزلته واني مكدرت اكمش روحي خرب مكدرت تقهرني كسرت كلمتهم وشوفتني شكلها ههههههههههههههههه

ام كيان : اسر كافي ضحك انتبه للطريق راح نندعم شبيك بس تضحك

اسر : مابيه شي بس لحد هسه لا مزين ولا متحضر بس اروح منا ومنا وافكر بناس

ام كيان : اي ضل دايخ الى ان تتاخر ع العقد عود خلي يفيدك التفكير

اسر : ههه عمه صدك تحجين لو اعرف اجي بدون زيان مااتاخر مو بالله حبيبتي

اسيل : هههههه مادري اني معليه بيكم انته وعمتك اني مااتدخل بينكم

اسر : بعد دقايق وصلنه دكيت هورن رادو ينزلون كتلهم لا افوت السياره جو يله تنزل اجه اخوها كيان فتح الباب فوتت السياره واجيت من يمها فتحتلها الباب ومديت ايدي ونزلتها اجت امها كمشت ايدي واني صعدت بالسياره دا اطلع هيه رفعت الشال عن وجهه وندارت عليه سوتلي باي وفاتت جوا

اسيل : بعد مراح اسر فتت جوا وكبت الهلاهل والجوكلت من حيث لا اعلم البيت مخبوص خبص طبيت وكلتها تسلم وتبارت وتهلهل (يبووووو خرب المكياج) و اجة بت خال استلمتني هاي مثل اختي يمه اموت عليها اخذوني للغرفه رادو يبدلولي والبس البدله والذهب قبل لا ابدل دز عليه بابا وجدو ورادو يشوفوني رحت عليهم بالبنطرون والقميص بابا وجدو من شافوني وكفو وبابا كال بطلنه منزوج خابرو كولوله ماعدنه بنات وجدو يحاول يضم دموعه عني حتى ماابجي ويا اني بس اني شفته روحت حضنتهم ثنيهم وكتلهم الله يطول بعمركم ويخليكم سند الي يااغلى ناس انتو سبب سعادتي وسبب ضحكتني وكولشي الكم فضل بي

جد اسيل : جدو اني دزيت عليج حتى احجي وياج بموضوع مهم ومااكدر ااجله هم وبعد مضل بس نص ساعه للعقد باعي جدو اسر محجه وياج بشي

اسيل : لا بشنو يحجي لي هو ضام عني شي يعني

جد اسيل : باعي جدو ولا تخافين احنه موجودين اسر اليوم اجا تهديد لبيته ذابيله ضروف وبي طلقات وكاتبله مبروك الخطوبه واحنه خفنه عليكم لهذا راح نخليها هيه خطوبة وهيه حنه بدون محد يدري باجر الصبح تسافرون ومتجون اله بعد كم يوم وهذا احسن حل للطرفين

اسيل : شنوووو جدو شنو هل الحجي شلون خطوبه وشلون حنه اني مااقبل بهل الشي وين اسر شلون يوافق بدون ميسالوني جيبو فوني خلي اتصل بيه اجة بت خالي نطتني الفون كتله عشر دقايق وانته يمي واله انهي كولشي والعباس واذا متجي حتى للسيد اكله مموافقه وافضحكم

اسر : شبيج اسيل تخبلتي شصاير شنو هل الحجي والمن تفضحين راح اجيج ثواني واني يمج كتله للحلاق بسرعه عدي مشكله بس كمل طلعت صعدت بالسياره وشخطتها محسيت شلون وصلت دكيت الباب فوتوني للاستقبال شوي واجت لابسه جبه ومغطيه وجهه وكالتلي

اسيل : اسر انته شوكت اجاك التهديد وشوكت قررتو تسون الخطوبه حنه شو اني مثل الاطرش بالزفه

اسر : اولاً التهديد مردت احد يكلج عليه اما الخطوبه مردت اسويها حنه بس جدج هو لي اصر وثاني شي اني وياج ماعدنه مشكله  صارت شبيج حبيبي مو احنه ثنينه مكملين كولشي مو احنه منتضرين ننجمع بيت واحد ليش هيج داتسوين بيه ليش هيج داتحركين كلبي شتردين تخربين فرحتنا

اسيل : لا مو هيج قصدي بس انقهرت لان اني اخر من يعلم ليش هيج اسر

اسر : باعي حبيبي اني اتصلت بامج وابوج هم متصل وكالت ماعدنه مشكله واني عبالي كالولوج لهذا محجيت شي والتهديد اني مردتهم يكلولج وهسه اريد اروح اكمل شايفه عريس بعد مسابح اجيت من الحلاق كبل

اسيل : حتى لو مسابح تخبل حتى لو ممزين بس انته لي اخذت عيوني وكلبي انته حبيبي ورجلي وابو بيتي احبك اسري بس انته لي كدرت لي اسرت كلبي احبك بجنون

اسر : بعد هذا كلامج شنو اكدر ارد اني غير الله يقدرني واسعدج واخليج ملكة ع الكون كله

اسيل : اني ملكة بوجوك انته انته مو تكول اميرتي شايف اميره بدون ملك

اسر : هههه حبيبي اذا اكعد اغازل بيج سنين مااخلص اروح ومن اجي اسمعج غزل من نوع ثاني بس هل المره راح اغازل مريتي مو حبيبتي ماشي

اسيل : ماشي حبيبي الله وياك

اسر : طلعت بره و صحت اسيل اسيل هيه طلعت وكله طلع على صوتي العالي من شفت الكل واكف بره كلتها احبججججججججججج يروح اسر انتي احبجججججججج مريتي

اسيل : هههه الضاهر اسر تخبل قبل لا تنزوج فتت جوا وسديت الباب وهو راح وكلها تكلي اي عيني شمسويه للولد وهيج ميت عليج كتلهم حبينه بعض وبس ورحت للغرفه اجت بت خالي جايبه ماعون بي اكل اكلتني كم لكمه مكدرت اكل هواي حتى لابخرب المكياج واني ارجف لان مماكله كملت وجابت علبة الذهب ولبستني الذهب وكملت كولشي وكعدت وبدت الناس تجي والكل مخبوص بيه اجو بيت عمي لي همه اهل اسر وخواته تهلهل وتركص شوي وكالو حضرو العروس للعقد كامت بت خالي بدلتلي لبست ابيض وخلولي طرحه على راسي بيضه وكعدوني وره الباب ورجلي بالمي والياس  وبين اصابع ايدي الهل وبيدي حنه والقران اقره بده الشيخ ايردد الايات وحده فوك راسي تفتح وتسد بالقفل وبيبي كامشه الشمعه والهدء مو. طبيعي يسمعون حجي الشيخ كالولي لا تكلين من اول مره عود عيب وهيه واني بس سمعت الشيخ كال وانتي يا اسيل هل تقبلين باسر اذا موافقه قولي نعم وانته وكيلي اني كبل كتله نعم وانته وكيلي هههه كلها ضلت تضحك وبدت الهلاهل هو قبل لا يحجي السيد كله نعم وانته وكيلي على العقد وهنا بدت الهوسات هاي الرادها وهاي التمناها بت الشيخ لين الشيخ جبناها عيون الغزال عيون جنتنه وشحد الغريب يدوس عتبته طلعو الزلم وبدو يوزعون الكيك وهل السوالف شوي وكوموني ابدل لان راح يجي اسر لبست البدله الحمره و عطرر روحي وكملت ورحت كعدت بالاستقبال شوي وكالو العريس اجه خواته يصيحون اخونه خوش اخو يستاهل الهوسه والركص وهو يروكص وياهم واني ميته من الخجل وصل يمي باسني من كصتي وكعد يمي وكال

اسر : من وافقت بساع متت ضحك وحتى محد يحجي عليها قبل لا يحجي السيد اني وافقت واشوف الكل يسون هاهاها مستعجل طلعو الزلم و وكالو فوت لبسها الذهب اجو خواتي وفاتو يهوسون واني ماكدرت اسيطر كمت اركص من الفرح عود هاي اني ثكيل وهيج صار بيه وصلت يمها واني اباوع البدله مالته صدرها كله طالع والشعر واله المكياج يمممه ايه مال جمال طالع همست بذانها وكتلها شطالعه اليوم تدرين انتي اجمل مره شفتها بحياتي كلها محجت شي بس نزلت راسها بخجل جابو الذهب والحلقان مربوطه بشريط احمر لبسنه الحلقات وامها كصت الشريط بالمكص لبستها البتوت  الكلاده وراها كومونه ناخذ صور و نركص شوي وطلعت اول مطلعت دزيتها مسج اشوفج بليل ياحلوه ❤️

اسيل : بعد مراح اسر اشتغل الركص و الاغاني والهوسه لليل جابو العشه وبدو يوزعون ع الموجودين ب11 كالو اجه اسر يحنيها كمت بدلت ولبست بدله لون اسود الصدر ومن جوا رصاصي قصيره وحذاء كعب اسود طب واول مشافني صوفر وكال واو هاي شطالعه اليوم ناويه تموتيني

اسيل : لا سلامتك حبيبي بس همه لبسوني اني معليه

اسر : حنيتها وكعدت يمها وضلنه سوالف وضحك اني وياها الى ان طلعوني من يمها بالدفعات اخذها من هسه واروح مااتحمل للصبح ههه رحت للحنه مال الزلم وره مفض كلشي كلت اتصل بيها بس حجت بعصبيه مادري شبيها

المكالمه 📱

اسر : الو حبيبي

اسيل : هلا اسر شتريد

اسر : سلامتج بس شبيج هيج تحجين

اسيل : مابيه شي روح اسر بعدين نحجي

اسر : هههه فهمت شبيها كتلها ماشي اني رايح انام ولا تنسين ب5 اكعدج حتى نطلع

اسيل : اي شكو عليك نام اسر نام اني الك

اسر : ههه باي يروح اسر انتي

سديت الخط واني ميت ضحك عليها وعلى سوالفها

اسيل : كاعد يتصل ويريد اضحك ويا واني ميته من الوجع كملت وكمت سبحت واجو البنات جايبين الاندومي عود مسويلي حفله توديع العزوبيه بالاندومي

ادري الكل منتضره يوم العرس بس تعبت كتبت 2000 كلمه مو سهله انشالله باجر اكمل احبكم موت

يله علكو القصه اذا شفت تفاعل زين وقوي انزللكم هديه احبكم موت