رواية جعلتني عاشقاً (حقيقه مكتمله) 🔞 الفصل السابع والثلاثون 37 - بقلم Sosa.K. Ali

ام كيان : ماما اني لاز اروح توفة زوج بنت خالج سامر وابوج هناك وكلها تعبانه

اسيل : يااررربي شسالفه بعده بعز شبابه كولش صغير شلون هيج اطفاله حيل صغار شلون راح يتيتمون ومرته اويلي الله يساعدها رحت للدوام اني جنت كاعده يم جماعتي واسولف ردت اكوم اجيب جهازي فجئه حسيت الدنيا فترة بيه ومادري شصار بعد محسيت غير فوكايا الدنيا مكلوبه ناس تذب مي وناس تضرب خدي ونلس تشممني عطر كالولي وين فونج كتلهم بالجنطه راحت جابته صديقتي وفتحت البصمه ونطيته الهم متصلين على اسر

اسر : جنت بالدوام اجاني اتصال من حبيبتي رديت كتلها هلا بحبيبة كلبي بس كلبي نغزني من ردت عليه وحده من صديقاتها مو هيه وكفت لحيلي ركلت اسيل وين بيها شي ليش مو هيه تحجي ليش سكتو ردي منو انتي اسيلللللل وين

فاطمه : تكون كرايب اسر وصديقة اسيل بدوام ردت عليه كلتله اصبر اسر مو هيج اسيل داخت وكعت وهسه هيه فتحت عيونها بس تعبانه تعال اخذها اذا تكدر

اسر : شنو داخت شنو وكعت ليش ياربي اكيد اني السبب لان مدا اخليها تنام زين اووف اخذ سياره ابوها ورحت عليها للدوام طلعوها الي الوجهه اصفر والعيون ذبلانه وسانديها ثنين لان ماكدر حتى توكف وحدها اخذتها للمستوصف قاسو ضغطها جان هواي نازل كالو راح نخليها مغذي وفعلاً كعدت يمها رفعو ملابسها وطلعو ايدها وبدو يخلون الكانونه بيها اويلي حسيت نغزوها بكلبي مو بيدها ضغطت على ايدي حيل يعني دا تتوجع حجه الممرض وياها كللها خلص ياحلوه كملنه كتله  بعصبيه مدا تشوفها مريضه وكاعد تتغزل شنو مو بعينك احنه لو مننشاف مرد عليه شي كمل وكال خليها ترتاح الى ان يخلص المغذي كتله لا ترتاح بيتنه اني اوديها اهنا شلتها وهو ساعدني شال المغذي وياي صعدتها بالسياره ورجعت الكورسي ليوره حتى ترتاح ورحت ويدتها الاهلها وصيت اختها عليها وطلعت لان عدنه حالة وفاه شوي وخابرتني اختها انو هيه تريد تشيل الكانونه وتروح لهنا كتلها فتحي السبيكر خلي احجي وياها كالت فتحت وداتسمعك هيه هيه كتلها باعي وروح ابويه اذا سويتي شي او اذيتي روحج او طلعتي باب البيت راح احرك الدنيا على راسج وشي ثاني حتى دوام ماكو اسيل خليني ساكت واحبج لا تخليني اشوفج وجهي الثاني

اسيل : اني تعبانه بس خفت على ماما وع الكل ومادري ليش ردت اروح يمكن لان جانت علاقتنه بيهم قويه جداً سمعت كلامه للنهايه كتله اي اي بعد استاذ شتريد تسوي مثلاً تضرب لو تكسر لو تطلك خاف تعودت كل فتره لازم تجدد معقوله مليت هل المره عذرك وياك صار فوك السنه وانته ماعدك طفل يله جدد منو تريد كولي خلي اخطبلك استاذ اسر

اسر : لا هاي تخبلت رسمي كتلها باعي وحق كل خرف بالقران اذا حجيتي كلمه بعد مراح يصير خير اكعدي بمكانج واني راح اجي واشوفج اسر منو وشلون تحجين ويا الضاهو نطيتج عين زياده مو مال دلال ابد وسديت الخط واني العن واسب ولو هيه كبالي حالياً جان جنزته يمكن حمدت ربي وشكرته لان هيه مو يمي حتى لا اتهور

اسيل : صح حجيت هواي بس مااسمح لا هو ولا غيره يحجي وياي هيج والله يالله منو حاسب نفسه يتحكم بيه يريد كمت بدلت لبست اسود ومسحت مكياجي ومددت لان دايخه وتعبانه حيل مددت ومادري شوكت غفيت حسيت على ايد فوك راسي وتمسح شعري باوعت 🙄🙄

اسر : رحنه للمغيسل وراها اخذو الولد البيت اهله وبده العياط والصراخ راحو للنجف اني مرحت وياهم هواي راحو رجعت البيت عمي فتت سالت عليها كالو نايمه ضليت فوك النص ساعه فوك راسها ولعب بشعرها بس محست عليه مو عوايدها هيج ( راح امشي الاحداث منا ياخوان )

اسيل : جنت يوميه اروح وارجع ياما ادوخ ياما تلعب روحي واني ملتهيه بهل الفتره ماما سوت حادث ولتهيت وياها وره شهرين تقريباً جان محرم كمت اموت ع التمن وقيمه 🤤🤤اريد وكلها تكولي اسيل شبيج كتلهم مادري ومن جابولي اكلت منها لكمه ذبيت من راسي كالت ماما لا هلص حالتج مينسكت عنها صار فتره اي شي تاكلي تذبي باجر اكول الاسر واخذج للدكتوره هزيت راسي ثاني يوم رحت للدكتوره العصر فحصتني وسوتلي تحاليل وكالت شوكت اخر مره اجتج كتلها ها مادري ناسيه كالت حسب وضعج اني حالياً بشهر الثالث ضلينه صافنين اني وماما ثالث شنو كتلها شنو يعني كالت ماما انتي حامل من 3 اشهر ومتدرين وين جنتي وشلون محسيتي على روحج مادري افرح مادري شسوي اشوف ماما ممصدكة كالت اني حالياً صارلج فتره بشهر الثالث راح اطيج موعد ترحين تسوين سونار بس ع الشهر الجاي مو هسه كتلها تمام ونطتني فلوك وعلاجات وكالت الماما خلي ترتاح رجعنه للبيت وماما كالت كولي الرجلج كتلهااريد اصدمه كعدت افكر اجه من الشغل واني جانت الكانونه بيدي اجه ركض عليه شبيج حبيبي ليش كانونه شكالولج برطمت شفتي وكتله اني مريضه وبعد مراح تحبني انته راح تتزوج عليه مو اباوع ماما تخزر بيه رد عليه هو

اسر : يعني شلون منو صخم وجهج وكلج اريد ازوج عليج منو كلج اعوفج لو شيصير اني احبج وماعوفج لو مو مرض داتفهمين لو لا

اسيل : مممم يعني راح تبقى تحبني اذا اجه احد شاركني بيك

اسر : انتي يا تخبلتي يا العلاج مدوخج شداتمسلتين بابا احجي عدل

اسيل : جريت ايده وكتله دا احجي عدل بس معقوله اذا جبتلك نونو مراح تقبل يشاركك بيه

اسر : ها ياب نونو شنو مدا افهم لحضه لحضه وحده وحده شرحيلي ( لا يا طوط( شنو لي مدا تفهمه يعني اكو شي صعب )

اسيل : حبيببي تتذكر صار شكد اني ادوخ وكلها تكول هبوط ومغذيات وكذا

اسر : اي اتذكر صار 3 اشهر معيشتني برعب من شهر التاسع وهسه احنه نهاية ال١٢ بس ليش تسالين

اسيل : تخيل من ذاك اليوم واني حامل ومادري يعني ابنه هسه عمره 3 اشهر ونطتني موعد بشهر الوابع اسوي سونار حتى اعرف صحت الطفل

اسر : خليت ايدي على بطنها ومسحت عليها وبستها وكتلها الله يخليكم الي يبعد روحي

اسيل : ويخليك النه طبعاً حبالتي جانت عباره عن نوم واكل نوم واكل واسر ميخلي شي مجيبه الي يوميه شكل فواكة واكلات وكولشي اجه يوم المفروض اروح اسوي سونار بي كلت الاسر وراحت ويايه ماما ورحنه للدكتوره كتبت ورقه ودزتنه على ام السونار اجه دوري وفتت للغرفه خلت الجل وبدت تحرك الجهاز على كل اتجاه بطني اني من غبائي سالتها ولد لو بنيه ردت عليه اول شي ميبين الطفل اله بنهاية الرابع او نص بالخامس هزيت راسي وكالتلي ممكن تطلعين بره شويه اريد احجي ويه ماما كمت مسحت بطني وعدلت ملابسي وطلعت بره كعدت انتضر ماما شويه واجت بس شنو وجهه نوميه من الصفار وماذري شبيها شكد ردت احجي وياها مترد رجعنه للدكتوره وشافت السونار كتبت علاج ونطته الماما وراحت تجيبه واني مثل الاطرش بزفه جابت ماما العلاج واجة الدكتوره كاعده تشرح ع العلاج بس من ضمنها جان اكو تحاميل كتلها دكتوره معقوله اخلي هل السوالف اني ادري مو زين ع الحوامل كالت هيه ماما تفهمج

ام كيان : كل هذا واني ماكدر احجي شي بالطريق خابرت اسر كتله عمه اني رايحه للبيت هسه كملنه من يك الدكتوره اريدك بالبيت قبلنه هناك

اسيل : اباوع على ماما ومدا افهم منا شي وصلنه للبيت ولكينه بابا واسر ولكل هناك حتى بيبي انقبض كلبي ذبت عباتي وفتحت شالي ماما كالتلهم اسمعو اريد احجي وياكم كلكم واولكم اسر

اسيل : اني واسر  كاعدين نسمع بس

ام كيان : احنه من فتنه على ام السونار كالت الاسيل اطلعي لان هيه صغيره وخافت عليها لايصير بيها

اسر : ليش شنو السبب شبيها

ام كيان : خلي اكمل اسيل فاتت بشهر الرابع من كم يوم بس حالياً الطفل ميت بطنها ولازم ينزل اذا بقه بطنها يتسمم رحمها ويصير عدي مشكله بالحمل بعد

اسيل : كل هل الحجي واني مصدومه معقوله هم مات الطفل لا ليش يربي كمت بهدوه همه ويتناقشون وفتت للغرفه وقفلت الباب عليه

اسر : درت وجهي حتى احجي وياها ماكو ختفت رحت لغرفة البنات حتى افتح الباب بس مقفوله دكيت الباب وصحت اسيل فتحي الباب بس مردت اسمع صراخها وبجيها وتضرب وتكسر

اسيل : ليششش اني ممكتوبلي اصير ام ليش هيج ليش يربي ملخت شعري وجهي وشمرت العلاجات مالتي

اسر : صرخت بيها اسيل فتحي الباب راح اكسرها ترى لاتسوين هيج اني واهلج خايفين عليج لاترحكين كلوبنه فتحي الباب

اسيل : فتحت قفل الباب وكعدت ع الجربايه وخليت راسي بين رجلي كلها فاتت يمي بابا يحجي وبيبي تحجي وماما واسر رفعت راسي كتلهم مستحيل انزل هذا الطفل مينزل لو شيصير ماانزله داتسمعوني

اسر : رفعت راسها وياريت مرافعتها خدودها مجرحه و عيونها حمر دم كانما هل الطفل نهاية العالم كورت ايدي وحجيت وياها وكتلها باعي باجر اخذج البغداد نروح على احسن دكتوره هناك واذا كالت نفس الحجي تنزلي ورجلج فوك راسج داتفهمين ولا عبالج راح اسمحلج تاذين نفسج لا اسيل مجرد تفكير امحيج من ع الدنيا واذا ع الاطفال اني ماريد اطفال وراح احرمج منهم طول عمرج اذا سويتي هيج وكولي اسر ابن الشيخ كال تمام

اسيل : خفت منه يحجي وعيونه تجدج نار واعصاب كمل كلامه وطلع طلعت الكل ورا ونمت واني حاضنه بنطني حسيت على ماما تكعد بيه حتى تنطيني علاج اخذته ونمت

اسر : بليل اتفقت ويه امها وحجزنه يم دكتوره خاصه بالاطفال والولاده بالوزيريه ( دكتوره بتهاج الالوسي) اكيد هواي يعرفوها كالت ماششي اتفقت ويه سايق وكولشي ب6 الصبح نطلع كل هذا وهيه نايمه حتى اكل مرادت بس اخذت العلاج

اسيل : جنت نايمه حسيت على اسر يكعد بيه كتله مممم عوفني نعسانه كال

اسر : اسيل كومي راح نطلع البغداد بعد شوي كومي اكليلج شي وبدلي يله

اسيل : كمت بدون مارد عليه واني كاني جثه بس اتحرك بدون احساس كمت لبست مانتو وبنطرون ولفيت شالي ورحت كتلهم كملت شوكت نروح

اسر : هاي شنو هيج حترحين 🤨🤨🤨

اسيل : اي ليش شبي لبسي

اسر : مابي شي ياب بس فوكا عبايه متطلعين بدون عبايه

اسيل : لا مستحيل احنه رايحين بغداد ميحتاج عبايه وثاني شي لبسي طويل ومستور

اسر : باعي روحي لبسي عبايه احسن ترى مالي خلك اناقش يله

اسيل : عفت ورحت جبت عبايه بدون مارد والفون بيدي وشويه وكال اجه السايق طبعاً ابن خالي هو سايق يودي البغداد لهذا هو كايله صعدت للسياره هو كعد ليكدام واني وماما وره الطريق كله مغمضه عيوني اسمعهم يسولفون ويضحكون واني مو يمهم حتى شوي وكالو وصلنه نزلنه من السياره الدكتوره تجي ب١٢ احنه ب٨ هناك حجزنا وحجت ماما وياها وكالت الها احنه البارحه متصلين بيكم وحاجزين اكدت الحجز ونطت الفلوس وكعدنه لبين متجي الدكتوره شوي واجه اسر جايب عصير

اسر : رحت الها واخذت كيكة وعصير لان ميصير تضل بدون اكل تعب لا توكع هيه النوب رحت بس هيه مردت عليه احجي وياها ومترد خليت العصير والكيكه يمها ورحت على عمتي كتلها عمه اكيد جوعانه بعد هواي يله تجي الدكتوره اخذتها وريكتها واسيل مقبلت تكوم ضلت بالعياده اجت دكتوره وفاتت عليها

اسيل : اول مفتت نطتها السونار والتحايل شمرتها كلها وكالت باعي هاي كلها مااعترف بيها تروحين هسه تسوين كلها ممن جديد كتبت كولشي ورحت سويت تحايل وسونار وراها كم ساعه كملت كولشي ورحت وكالت حيبتي الطفل ميت وصاير قطع حتو مو قطعه وحده لهذا احنه لازم نسوي كورداش واذا وافقتو جيبي بطل دم و5 مليون ودخولية المستشفى واريد ولي امرج باوعت على ماما واسر

اسر : انشالله دكتوره احنه نرجع ونسوي لي كلتي علي ونجيج

اسيل : من كل عقلك انته اني مارجع بعد

ام كيان : ماما مشوفتيني محجيت اسر مراد يكولها الها لا واحنه بعيد عن هنا لهذا كلها هيج ثاني شي اذا سويتي عمليه هنا وين ترحين ويمنه اهم اكو دكتورات هواي بس هو راد ياكدلج انو نفس الكلام راح يكلون وهسه خلي نرجع للبيت وباجر اخذج على دكتوه ونشوف شنو

اسيل : رجعت الطريق كله نايمه ثاني يوم اخذوني الدكتوره يمنه بس مو دكتوره ورده مال الله شايله طيبه وحنان مو طبيعي تخبلت من كتلها على كلام دكتورة بغداد وطلعو دارسين سوا نفس الكليه كالت راح نضربج ابر ثنين ولليل انشالله ينزل الطفل وراها ترجعين تعالجين واوعدج 5 اشهر وتجيني وانتي حامل تمام يس لا تعاندين وسوي لي اكولج عليه كتلها تمام لليل فعلاً جنت نايمه يم اسر كعدت اصرخ بطني تموت بيه عود هو كام وخله وصله دافيه على بطني النوب زاد الوجع كتله تريد تموتني وتخلص مني مو

اسر : شحجي وياها هاي هسه كمت رحت كعدت عمتي واجة عليها عمتي كالت ناخذها للمستشفى كمت شغلت السياره ورحنه للمستشفى وهناك كالو راح ندخلها هسه ونذب الطفل لان عدها نزف رادو بنج طلعت دورت ردت صيديله مفتحه ماكو كلها معزله جانت ساعه ب3 الفجر هيج رجعت وكتلهم ماكو كالو راح نضطر نسوي كورداش بدون بنج منكدر بعد اكثر من هيج مو زين عليها

اسيل : اجة دكتوره تحجي ويايه وكالت هاي ايدي كل متاذيتي عضيها وكل مااغمض عيون احس بيها تضربني على خدودي وتصحيني متت احس بلاعيمي تكطعت من الصراخ مالتي كامشيني اكثر من وحده واني ادفعهم كلهم متت ومن كملو ورادو ينزلوني من ع السديه دايبدلولي وكعت من ع السديه وصار النزف يبوووو ماحجليكم ( الله لا يخلي احد بهل الموقف) بعدها اجه اسر شالني واخذوني للبيت من وصلنه اجه يفتح الباب وهو وكعت اجه ركض عليه كال

اسر : ليش هيج حبيبي وينها القوه مالتج ليش هيج تهدين حيلي ليش هيج تعبيني وياج خليج قويه الخاطري اسر رخت بين ايدي شلتها وفتت جوه نومتها وكعدت يمها للصبح واني منايم كل شوي اشوف المغدي وشكلها الذبلان واحقد على روحي خليت راسي يمها وغفيت

اسيل : كعدت وشفت شكله التعبان ومهدود حيله قررت بس تعدي هل لكم يوم ارجع اقوه من قبل هو مو ذنبه باصار واذا شافني هيج راح يمنعني من الاطفال طول عمري مثل مكال خليت ايدي على لحيته لي طويلانه لان تعبان وماعده مجال يزينها حس عليها كمش ايدي وباسها وكال

اسر : مصدكت من شفته تلعب بلحيتي باوعت عليها وكتلها حبيبتي يروح اسر انتي لاتسوين هيج والله اسويلج درزن بس كومي وكم طفل تردين واني حاضر 😉 ( شكو عليكم والله ياالله )

اسيل : خجلت من كلام وهزيت راسي كتله وين ماما اريد اروح للحمام كال هستوها راحت على عمو

اسر : كومي اني اوديج

اسيل : انته من كل عقلك مستحيل

اسر : شلتها وفوتتها للحمام وكتله اني واكف بالباب بس دكي الباب اجي اشيلج ورجعج بفراشج

اسيل : هزيت راسي طلع وعافيني غسلت وبدلت ملابسي لي جانن مدمره دكيت الباب مثل مكال اجه شالني واخذني يم اهلي للمطبخ نومني ع المندر كال

اسر : راح اعوفج هنا غيري جو شويه لا تضلين وحدج

اسيل : هزيت راسي وكتله تمام

مرت كم يوم واني حالتي صارت احس بيوم ماما جان عدها قرايه للامام الحسين عليه السلام واني بدلت وعدلت نفسي حتى ميبين عليه المرض واجانت ساعه ب٨ بليل اجو الناس وجنت اوزع شغلات بسم عبدالله الرضيع هواي سالوني شلون صرت واني اجاوب بخير عايشه بدة الملايه تقره وبدت قره قصيده للماعده طفل

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

( هاي القصيده انشالله يرزق كل محرومه)

هنا اني بديت اشهك ومادري بروح نتهيت حسيت الدنيا تفتر بيه كمت ردت اروح الغير مكان لان اختنكت اول مطلعت من باب الاستقبال حسيت الدنيا ضلمة بعيوني ومادري بشي بعد

اسر : بيت عمي جان عدهم قرايه وصيتها متاذي روحها وافقت جنت طالع يم جماعتي تصلت عليه عمتي اسر الحك اسيل اسيل مدا ترد علينه اسر صار الها فوك النص ساعه ماىخليت شي مسويته الله يخليك الحك سديت الخط وصعدت ماطوري ورحت مادري شلون وصلت بهل السرعه فتت ولكيت خواتي وعماتها وخالاتها والدنيا  فوك راسها كتلهم وخروووووووو عنها اني جيت رشيت عطر علو ايدي وخليتها على خشمها و ضريت خدها لي شفته صاير ازرك من الضرب مفاد كتلها حبيبي هذا وعدج الي لي مو كلتي اضل وياك طول العمر مو كلتي اصير ام جهالك وينهم جهالي مو كتيلي اني وياك الاخر نفس ماكو مترد عليه كتلهم جيبولي شي طويل اببدل الها ردت اذب هدومها مكدرت كمشته من يم الصدر شكيته ولبسته دشداشه طويله وشال وشلتها للسياره ورحنه اني وامها واختي وخالتها فتنه للمستشفى اخذوها مني وراحو ضلو ساعه حتى ملابسها جابوها ونطوها الامها وهيه ماكو اي خبر عنها اي احد يفوت من يمي اساله يكول بعده الدكتور مطلع شوي واجه الدكتور وكال المريضه مدا تستجيب النه حتى ضربات قلب سوينالها هاي اخر محاوله راح نسوي وياها وانشالله خير ادعولها

اسر .............

هاي كايز مشتاقين موت وعلي عذروني ضروفي زفت + تعبانه عيوني من الكتابه لازم اريحها فتره هاذا البارت ٣٠٠٠ كلمه حتى يكون تعويض عن الراح اللقصه مضل بيها شي وتنتهي بعد ٤ بارت بس اما الباقي

ليالي ذياب ليال مشغوله وعدها مشكله مدا تكدر تدزلي احداث

انما بنتي واميرتي اماني ادعولها تكوم بسلام لان سوت حادث وخسرت الطفل

ويالنهايه سروش تموت عليكم يروحها وعمرها

علكوها يله