رواية جعلتني عاشقاً (حقيقه مكتمله) 🔞 الفصل الثالث عشر 13 - بقلم Sosa.K. Ali

اسر : كمشت ايدي وندرنا لان رادت تروح بس من الصدمه هيه صارت وراي واني ماعرف شنو اسوي عماتها ثنينهم شافو لي صار وهيه خايفه لايحجون حجت وحده من عماتها وكال ها اسر شداتسون هنا كتلها منسوي شي دا اشوف خطيبتي

اسيل : الحمداالله لان جنت مخليه الشال على راسي ونازل طويل كول وهمه شافو كامش ايدي النوب اني صرت ورا من الفشله اسمعه يحجي وياهم واني ماكدر ارد بس خايفه لايسمعون اهلي هم عيب وهم اووف منك اسر ومن عنادك

اسر : وره محجت عمتها وراحت كتلها امشي فوتي حبيبي ومعليج بشي اني اتصرف ولاتخافين اني مو غريب خليها بالج انتي مالتي هسه او بعدين

اسيل : محجيت بس هزيت راسي ورحت جوا ومن سالت ماما وين رحتي كتلها جنت احجي بالفون ويه اسر بغرفة البنات ودتني نجلاء اخته الحمدالله قنعت وسكتت بس اني ممتعوده اضم عنها شي واكذب عليها كتلها يله نروح كالت يي كمت لبست شالي والعبايه وكمت ردنه نطلع اجه اسر وسلم على ماما وكللها من رخصتج عمه بس اريد اخذ اسيل هنا يسلمون عليها ولد اختي واجيبها

ام كيان : بس عمه لاتتاخرون لان نريد نروح

اسر : بعيوني عمه يله اسيل امشي

اسيل : مشيت ويا  وحجيت بصوت ناصي اسر انته شداتسوي فوك متفكر تحل المصيبه لي وكعنه بيها بسبب عنادك جاي تريد تعرفني على ولد خواتك اني ماعرفهم وخجلانه هم

اسر : اسيل كافي حجي وصلنه فوتي سلمي واني ماعوفج وهمه راح يعرفونج عن نفسهم واني اكمل الباقي ماشي

اسيل : امري الى الله امشي ونشوف تاليها وياك فتت شفتهم كلهم مجموعين كاعدين يباوعون طوبه وضحك وصراخ او مطبينه شتغل الصوفر والضحك والهلاهل خجلت ونزلت راسي طبعاً همه يصحوله خال

كلهم حجو بوكت واحد : ها خال ها هاي شنو ويصوفرون

اسر : ها ها شبيكم هاي مرتي ترى

ضلو يضحكون ويتشاقون وكل واحد عرفني عن روحه وهواي حبيتهم ورحنه اني واسر الماما تنتضرنا ودعته وكتله احنه حنروح كال اني اوصلكم وفعلاً مشينه وهو ويانا وصلنه وكتله فوت كال ها لا خاف تعبانه كتله لا بس فوت لبين ما ابدل واجي

اسر : ممم تمام انتضرج

اسيل : رحت لميت شعري كعكه ولبست ورحت يمه واني خايفه ومتوتره كعدت افرك بيدي واعض بشفتي

اسر : شبيج كليبي ليش هيج داتسوين والله ماكو شي لاتخافين اني موجود واي شي يصير معليج اني اتصرف كرهت

اسر : فعلا كرهت روحي من شفت خوفها وتوترها مو قصدي هيج يصير بس اني ماعدي حظ وله هو شطلع عماتها ويه طلعتنه احنه اووف ربي فززني من صفنتي ايد اسيل فوك ايدي

اسيل : اسفه حبيبي اذا اني هيج خايفه بس اذا سمع بابا ميقبل وهو ناطيني الثقه ترى ماكو اب يقبل تحجي ويه بنته وانتو ماكو بينكم شي رسمي اسر اني اريد اكلك شي

اسر : ضلينه نسولف ونحجي ترخصت ورحت للبيت وحتى بليل متصلت ضلينه ملتهين نكمل تحضيرات اختي وادري بيها عدها دوام باجر لهذا متصلت ب1 تقريباً كملنه وكعدنه كل احنه اخوه وخوات وسوالف وضحك ونحجي بالزفه مال باجر سالوني اذا تجي اسيل كتلهم لا مااعتقد لان عدها دوام وهيج محد حجه شي بعد كمت رحت انام وكعدت ثاني يوم سبحت ورتبت شعري ولبست دشداشه لون رصاصي ورحت الاهلي غده وترتيب للعصر اجه العريس وزفيناهم وراحو طبعاً مو بس اختي امي جانت هيه لي ربتني وهيه لي خلتني اشتري بيت كل مااشتغل اضم الفلوس يمها ومره من المرات كتله اريد اخذ بيت كالت يي اخذ بفلوسك اني انصدمت واني شكد عدي فلوس اصلاً راحت وره دقايق اجت وكال باوع اني الفلوس الضامها يمي عمري ممديت ايدي عليها وهسه هاي كدامك فلوسك كتلها وهيه شكد عود تسوا وشتكفي اشتري بيت بس صدمني جوابها كالت وتشتري ارقه بيت هم تدري شكد فلوسك كتلها شكد كالت 70 كتلها شنو شبيج كالت اي شبيك فلوسك لي يمي 70 مليون وعدك حصتك من ورث ابويه و ومن ذهب امي اجمعها واخذ بيت او قصر مجنت متوقع هلكد اني مجمع ولا شلون انجمعت بس فرحت ومصدكت خليت الفلوس يمها وكتلها بس الكة بيت اجي واخد الفلوس منج تمام وفعلاً لكيت بيت بس جان تعبان اخذت وهديته للكاع ورجعت بنيته من جديد بالتصميم لي اني اريده بالي ورتبته وكملت وهاي سبعين مليون مالتي وفلوس الورث لي من ابويه اما ذهب امي حبيت احتفظ بي ذكرى منها وهاي اختي لي تزوجت

اسيل : انتضرته بليل متصل مادري ليش حسيته ضايج مني او من تصرفاتي مادري نمت وكعدت رحت للدوام بس لي صدمني انو كل جماعتي لي بدوام من افوت من يمها يتهامسون ومادري ناس تضحك وناس تتهامس وكل ناس شكل اااه ربي رحمتك شصاير شبيهم محجيت شي وكعدت عادي تريكت وشربت جاي بس اجه وحده من جماعتي لي بدوام وكالت اكولج انتي واسر عاقدين كتله لا بس راح نعقد عن قريب مممم زين لي صار وياكم البارحه شنو لحضه هيه شمدريها شصار اوف ربي استر سكتت ومجاوبت شي كمل دوامي واني محاجيه ويه اسر ولا هو اتصل رجعت للبيت واول مطبيت حجت وياي ماما تعالي اريدج بموضوع مهم رحت ويه ماما وكبل كالت شصار البارحه وشنو الموقف لي شافوكم بي عماتج اني هنا حسيت احد ضربني على راسي وماعرف اجاوب شي محجيت شي بس كالت ابوج دره بالموضوع ومعصب منج ومن اسر لان مو كد الثقه هنا اني مادري شصار ومحسيت الى شي غير الكل فوك راسي حتى اسر شلون وشجابه مادري بس الكل خايف ومصدم واني كعدت اباوع بوجوهم واحس ماكدر احجي يحجون وياي واني ساكته جابولي مي شربت وحجه اسر

اسر : شبيج خير شصاير ليش هيج وجهج اصفر الضاهر مماكله شي انتي مو لو اكو شي مادري بي

اسيل : محجيت شي ماما جانت كاعده شوي وكامت ماما كتله اسر الكل دره بموضوع البارحه حتى بابا وماما واتخيل صديقاتي لي بدوام سوالوني ع لي صار اسر شنو هيج اني ماكدر هيج يصير بيه منا ورايح حتى مكالمات ماكو بينه ولا لقائات خلص اني قررت منا لما نعقد لا اني اعرفك ولا انته تعرفني وهذا اخر كلام عدي واذا ميعجبك انته حر

اسر : لحضه لحضه شدايصير من كل عقلها داتحجي تريد اعوفها لا مكالمات ولا لقائات ولا شي كتلها انتي ملاحضه لي دا تحجي يعني انتي تكدرين بلايه

اسيل : اذا هيج تحبني ومتكدر بلايه خلي شي رسمي بينه وهذا لي عدي ممستعده اسوي اي شي غلط بعد الضاهر انته ممستعد تسوي شي علمودي

اسر : لا مو هاي حبيبتي مو هاي لي حبيتها لي متعرف شي لامتحجي ولي متعاندني وهسه كاعده تحاربني متحملت كلامها وكمت حتى اطلع واعوف البيت بس ابوها دز عليه وحجينه وصيح عليه وانو لي سوينا غلط وهو مامن بيه واني مو كد واني واني وحجي وختم كلامه انو ماكو لقائات بينه بعد الموبايل كافي هزيت راسي ورحت للغرفه لي بيها اسيل كتلها هاي اخر مره تشوفيني بيها والفون مااتصل اذا ماانتي تتصلين مو انتي هيج ردتي تحملي نتيجت قراراتج واني راح انتضرج تحنين عليه وعلى كلبي مع السلامه درت وجهي حتى اطلع بس وكفني كلامها

اسيل : لحضه اسر اني اريد اكلك شي

اسر : كولي اسمعج

اسيل : اني احبك

اسر : شنو شكلتي عيدي

اسيل : اي اي احبك واموت عليك انته حبيبي وكلبي وعمري وحياتي ودنيتي

اسر............

💃🏻💃🏻

وهذا بارت هم كولو سروش تقصر

ثلثينك عطر يمكن خوالك ياس