تحميل رواية «جاذبية الحب» PDF
بقلم سلسبيل أحمد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
اقرأ جاذبية الحب بقلم سلسبيل أحمد.
رواية جاذبية الحب الفصل الأول 1 - بقلم سلسبيل أحمد
ايه يا حبيبي !! مصحيني الساعه 6 ليه !! هنبيع لبن؟؟
= لا هنبيع خفه ولطافه على الصبح
– خفه دم والدتك دي مش وقتها
= يابنتي انتي ليه مش بتعامليني على اني جوزك؟
اصحي اديني الـ Kiss morning اعمليلي فطار هببي اي حاجه ولا هو احنا متجوزين وخلاص
– سوري انا كنت فتاة مُدلـله مكدبتش عليك
= ايوه يعني ايه انا دلوقتي جعان!
– مش بعرف اطبخ للأسف..
= يعني اعمل ايه مين يأكلني
– ما تأكل نفسك انت هتقرفني؟ وبعدين متاخدش عليا وتصحيني من نومي تاني سامع؟
= فريده!! دي مش طريقه
– هتعمل ايه؟ طز فيك
= ايه !
– قلبظ بجنيه انا داخله انام يالا
” مكنش مصدق طريقتي معاه.. لكن انا حذرته.. افتكرت اخر مره جه قابل بابا فيها ”
فلاش باك #
– انا مش عارفه ازاي يسبوني اقعد مع بني ادم مريب زيك كده
= مريب ليه
– حد يجي يتقدم خمس مرات؟ تترفض اربع مرات وتيجي الخامسه؟؟ اييه!! انا انجلينا جولي؟؟
= العيال الى بتترفض وتفقد الأمل بسرعه دي العيال التوتو.. انا راجل
– طز فيك
= ايه؟
– قلبظ بجنيه انا مش موافقه بطل تيجي بقا كل شوية خلصت لنا السكر
= ده هما اربع معالق في شاي الى باخدهم!
– يأخي بقا يأخي
= قوليلي بس عيبي ايه؟
– إنك راجل! صنف الرجالة كلهم ابنـ..
قاطعني: بلاش غلط عيب انا في بيتكم
= بص يا
– عزيز يا فوفو
= ايه القر ف ده ؟؟
– القر ف ده عايده على عزيز ولا يا فوفو
= على يا فوفو طبعا
– الحمد لله يعني اسمي عاجبك طيب كويس بنتقدم اهو متقولي يا ستي انك معجبه
= انا مـ
– قولي ياستي انك واقعه من بدري
= يابني انا مش بـ
– قولي إنك
قاطعته بنرفزه: الله بقا سبني اتكلم !!
انا مش موافقة ومش عايزه اتجوز و لولا انك ابن صاحب ابويا الصدوق كان زمانه اتصرف معاك بطريقة تانيه لكن هو مشيلني انا الطين عشان ميحرجش صاحبه وابنه
– طب وليه كده يا اوستاذة
= اوستاذة؟
– هو يعني احنا جربانين؟
بصتله بجمود: عزيز.. انت عاوز تتجوزني ليه ممكن ترد بصراحه؟
= بحبك!! احنا اصدقاء طفولة
– احنا عمرنا ما كنا صحاب!! انت شايف نفسك و في دنيا تانيه احنا مفيش بينا اي حاجه مشتركه!!
= اديني فرصة يا فريده.. مش طالب غيرها
باك #
” كنت عارفه عنه كل حاجه.. بس اديته فرصة انا غامرت و اتجوزته.. عشان بحبه.. عملت كده وانا عارفه ومتأكده انوه مش بيحبني.. بس عندي أمل.. يمكن يحصل و يشوفني بجد.. ”
>>>>>>>>>>>>>>>>>>>>>>>>>>>>>>>>>>>
|| الساعة 6 مساءًا ||
” كنا في طريقنا لبيت والده و والدتة عشان معزومين على الغدا.. و بابا كمان كان معزوم.. ”
– ما تفردي وشك ده؟ الى يشوفك كده يقول بصبحك بعلقة و امسيكي بأتنين
بصتله بقلبة وش: اتكلم على قدك يا حلو
= الحلو بعد الكشري
– اتعلمتها لوحدك دي؟
= مستفزه
– تنح
= بارده
– متحْلف
= وصلنا
– رخم
= وصلنا بقول نتلم بقا
” طلعنا و بعد سلامات وترحيب روحنا نقعد علي السفرة وطنط كانت عامله اكل كتير وهو مش ساكت ”
– كان واحشني اكلك اوي يا ماما
“لقيت بابا بيتكلم و بص لعزيز”
– وفريده اخبار أكلها ايه؟ دوقتيه صنية البطاطس بتاعتك ولا لسه؟
“بلعت ريقي.. ليه يا ابي كده.. ما تاكل في صمت”
عزيز بصله بأستيعاب: اممم.. صنيه البطاطس؟؟
وقتها رد والده: اه انا كلتها عندهم مره انا و مجدي
عزيز ابتسم وبص لبابا: الحقيقة اكلها كله تحفه يا عمي بس لسه معملناش احنا يا دوبك يعني متجوزين من اسبوع واحد
ابتسمت وانا ببص لطنط ببراءة: انا ممكن اتعلم برضو اكلك يا هدهد عشان اعمله لعزيز حبيبي!!
“كان بيشرب فا شرق وكح وبصلي بأستنكار”
” وانا ضحكت ضحكه جانبيه بخباثة.. ”
مجدي: شوفتي يا هدي هانم بنتنا عملت الى عليها اهو
هدي ابتسمت بود: لو سمحت دي بنتي انا كمان ولا ايه يا فؤاد
ضحكت لعمي: لا ده كدا كدا
فؤاد ابتسم وبص لعزيز: شايف الزوق.. خسارة فيك..
“هدي ضحكت وفريده بصتله بحب”
– لا ده عزيز مفيش زيه..
عزيز بصلها بعدم تصديق و قرب ناحيه ودنها: والله؟
” ابتسمت بسماجه ”
>>>>>>>>>>>>>>>>>>>>>>>>>>>>>>>>>>
بقلمي سلسبيل_أحمد
|| في البيت ||
” رجعنا البيت واول لما دخلنا وقف قصادي ”
– استني عندك!! هو ايه اصلة ده؟
بصتله بتمثيل عدم الفهم: مش فاهمه فيه ايه؟
= انتي بتمثلي عليهم ليه!!
ضحكت: اممم وانت عاوزاني اطلع الزوجه الوحشه بقا؟ ده هدفك يعني
اتنهد بتعب وبصلي: وليه منبقاش كده بجد؟
– انا مش فايقه اتكلم يا عزيز
= هتدخلي تنامي لوحدك برضو؟
– اه.. هو فيه حاجه اتغيرت!
= طب يا فريده.. مش هتعمليلي صنيه بطاطس؟؟
” كنت عايزه اضحك.. و اقوله اني ممكن اعمله ميت صنيه بطاطس عشان خاطر عيونه.. ”
– لا.. قولتلك مش بعرف هو بابا بس بيحب يجامل..
= طب على فكره بقا.. يومين بالكتير و الوضع ده هيتغير اه.. وكلمتي هتمشي سامعه؟
” لقاها دخلت الاوضة و رزعت الباب فا كمل ”
= يعني سمعتي.. انا حذرت اهو
>>>>>>>>>>>>>>>>>>>>>>>>>>>>>>>>>>
بقلمي Slsbell Ahmed
|| الساعه ستة الصبح ||
– يابنتي بقا ردي عليا يا فريده
= أقسم بالله لو مسكتش هقوم افتح دماغك اطلع برا اوضتي ازاي اصلا تدخل عليا الاوضة يا قليل الادب انت
– طب قومي بس please
“قومت بصيت على الساعه ورجعت بصتله”
= اهه يابنالـ !!!!!! الساعه سته تاني؟؟ بتصحيني سته تاني ؟؟
” عزيز خرج من الأوضة وسابها وهي قامت وراه بتزعق ومتعصبه ”
– انت بقا عايز تتخانق انا هـ
” مكملتش كلامي و اتفاجئت بأكل على السفرة ”
– انا عملت فطار بصحيكي نفطر سوا لأني مش بحب اكل لوحدي
” بصتله وانا بفرك في يعني ومش قادره اتخانق قعدت واكلنا سوا.. كنت مستغرباه.. هو الي بيعمله ده ممكن يبقي بجد؟ ”
– انتي سرحانه في ايه كملي اكلك
= شبعت.. عايزه ادخل انام
– اوكيه تصبحي علي خير
” قام وانا رجعت أسرح تاني لكن قاطع حبل افكاري وهو بيقرب فجأة وباس خدي و بعدين جري..!! فضلت لحظات استوعب الى حصل..”
” لكن غصب عني ابتسمت وانا بلمس خدي! ”
>>>>>>>>>>>>>>>>>>>>>>>>>>>>>>>>>>
” صلي على محمد ”
|| في الشركة | مكتب مجدي ||
– منور يا مجدي بيه
= عزيز؟.. مش ناوي تاخد لك اجازه يعني!
– متنساش احنا بينا اتفاق..
= وانا مش ناسي يا سيدي
– طيب هتعمل ايه
= والله بقا انا جيتلك وفاضي شوف حضرتك حابب تحطني في position
– روح مع السكرتيرة زيك زي اي حد
ضحك: حلو اوي المعامله دي يا مجدي بيه
= كله رسمي ياحبيبي متنساش بينا إتفاق
– تمام بعد إذنك يا إدارة
>>>>>>>>>>>>>>>>>>>>>>>>>>>>>>>>>>>
|| الزمالك | في كافيه على الشارع ||
” بعد لما خلصت شغل روحت اقابل صحابي بسبب كتر زنهم عليا اننا ننزل سوا.. ”
– البوص وصل
= جرا ايه ياض انت وهو مش عارفين تعيشوا من غيري خلاص؟
– الجواز خدك مننا بدري كده؟!
= عبالكم يا نادر جربوا زي ما بتجربوا حاجات كتير
ابتسم: ولما ازهق منها؟
بصتله وانا عاقد حواجبي: ما
انت لو عندك مشاعر مش هتقول كده
“اتكلم بعدها علاء العاقل بتاعنا”
– سيبك منه يا عزيز.. قولي رنا حاولت تكلمك؟
= انا عاملها بلوك يعم دي اجننـ ـت
– أحسن ابعد عنها دي هربت منها فعلا من يوم فرحك
نادر بسخريه: بعد ما علقتها بيك.. سبتها هي و المصلحة مع بعض و انت بطبلة طبعا يا علاء
= اطبل ايه ما تكبر يابني.. ده واحد متجوز تكلمه ليه؟ وتبعتلنا نقوله يرد عليها؟ ايه جو المطارده ده
– وانت مسألتش صاحبك كان في علاقة معاها ليه؟
بصتله بنرفزه: يابني انت هتعوم على عومها !!! احنا كلنا كنا مجرد صحاب !! نانسي و آيه معملوش زيها ليه؟؟
= عشان مكنتش بتعاملهم زيها
علاء: ما تفكك بقا يا نادر!
نادر بتحدْير: اوعي تفتكر اني مش عايزك ترمي كل حاجه وراك.. وتفضل زي ما انت انا بس صعبان عليا انك مصدق المره دي لدرجه انك تروح تتجوز!! هيبقي ذنبها ايه لما تزهق وترجع لكل حاجه تاني
” هنا كنت فقدت كل ذرة هدوء واتعصبت وسط الناس”
– نادر اياك تفكر تجيب سيرتها فاهم ؟؟؟؟
علاء: عزيز اهدي!!!
” خدت مفاتيح عربيتي و الموبايل ”
– انا ماشي
” مقدرتش اكمل معاهم الحوارات دي و قومت عشان اروح البيت .. ”
>>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
” بمجرد ما دخلت ولاقيتها قاعده اتنهدت بهدوء.. و احساس الراحة رجعلي.. ”
– فريده..
“بصتلي بستغراب من شكلي ونبره صوتي”
= فيه ايه
– عايز اتكلم معاكي
” قعدت جمبها وطفيت التلفزيون فا بصتلي ”
– انت عارف اني مستنيا البطلة تدي البطل بالقلم بعد ما تكتشف حْيانته!!
= وانتي عرفتي منين انها هتديه قلم؟
– انا شوفته قبل كده
= وبتشوفيه تاني ليه؟
– مشهد القلم.. بيغسلني من جوا..
” ابتسمت بتعب واضح وهي بصتلي مره تانيه”
– مالك فيه ايه؟
= انا مخنوق
” لاحظت اهتمامها الى فاجئني ”
– من ايه .. ايه الى حصل
= عارفه احساس لما تسيبي حاجه بطلعان روحك و بصعوبة و خلاص ترتبي نفسك انك مش هترجعي.. بس الحاجه دي تبقي بتجري وراكي! فاهمه؟
” ابتسمت من جوايا على نفسي.. وانا فاهمه شعوره.. لأني كنت بجبر نفسي ابعد وانساه.. و مجرد ما يظهر.. كنت برجع نفس الدايرة ”
– يعني في حاجه مخوفاك.؟
= مينفعش تقولي لراجل كده
– مينفعش تحاول تجمل مشاعرك او تهرب منها.. قولي الموضوع ايه؟
= الموضوع اني معقد.. ممكن توعديني ان عمرك ما تبعدي؟
اتنهدت وبصتله: هو يعني ده الي هيريحك
– وتعمليلي صنيه بطاطس
= اوووه ده دخل على طمع
– وتخليني انام في الاوضة مش لازم كل واحد ينام في حتة يا فريده
= لا.. انسي!
” ابتسمتلها وانا بتأمل ملامحها بحب ”
– هو انا قولت اني بحبك قبل كده
” بصتله وانا بتجنب اقع اكتر من كده ”
= اه قولت كتير وفرها بقا
– مش مهم.. بحبك تاني..
” وقعت! هو الحب فعلا اقوي جاذبية على الأرض.. خصوصا لو الى بتحبه كان قريب منك.. و مش قادر تأقلم نفسك عن البعد عنه؟؟ قررت اديله فرصة! بس المره دي فرصة بجد..! ”
” قربنا من بعض.. بقيت احكي معاه وانا مبسوطه.. فات شهر كنت كل يوم بصحي على صوته المزعج.. الى حبيت اني اصحي عليه.. ”
” كنت بعمله اكل.. وكل مره يقع في غرامي من جديد انا و الأكله.. الى عملتها.. ”
” ومكانتش بسهوله.. بس قررت اعمله صنيه البطاطس و عزمت بابا و طنط هدي.. وعمو مجدي!”
>>>>>>>>>>>>>>>>>>>>>>>>>>>>>>>>>>>
|| قبل الأكل بساعه ||
– يا بني بقا اتقي الله!! قولتلك سبني انا هقطعه
= مانا كويس اهو عايزه ايه.. مكانتش بصلة
– كويس ايه انت عينيك بقت شبه الفامبير
= ركزي بس في صنيه البطاطس
– اممم ممكن متعجبكش على فكره
= متعجبنيش ايه انتي مش بتعملي حاجه وحشه يا فوفو
– يوووه بقا بلاش فوفو دي
ضحك: طيب خلاص
” بابا وصل.. و كمان طنط وعمو و كنا مخلصين وبدأنا نحط الاكل.. قضينا وقت لطيف جدا سوا!! بابا فضل يعبر عن امتنانه انوه شايفني فرحانه! و طنط كانت بتطمن عليا بكل حب.. وحتي عمو مجدي.. و عزيز عمل دور الصْحيه وقالهم محدش سأل عني..! ”
– ها اطمنت عليهم
= عيب عليكي في طريقهم قربوا يوصلوا خلاص
– طيب كويس.. انا هنام عشان مش قادره
= انا جي معاكي
– اثبت مكانك
بصلي ببراءة مرْيفه وراها نوايا خبيثة: بليييييز!!!
بصتله وضحكت: ماشي.. بس تحترم نفسك واوعي تكون بتعمل اصوات وانت نايم
– هتلاقيني فراشة نايمه..
” وفعلا دخلنا عشان ننام و هو كان فرحان وعمال يفرك من الفرحه ”
– عزيز! اياك تفكر تقرب اللزم مكانك ومتجيش ناحيتي
= عيب عليكي يا فريده عيب.. انا كلمتي سيف
>>>>>>>>>>>>>>>>>>>>>>>>>>>>>>>>>>>
” صحيت تاني الصبح وانا ببص علي شكلها.. كانت جميلة بشكل..! لدرجة اني مكنتش قد كلمتي و عديت الحدود و قربت لها وعملت كل حاجه قالت عليها لا.. ”
– فريده؟
ردت بنوم: اممم؟؟
= خليكي نايمه انا نازل
” قربت و بوست خدها بهدوء”
” سمعت صوتها وانا خارج ”
– هعجنك يا عزيز لما افوقلك
” ضحكت جامد وخرجت.. ”
>>>>>>>>>>>>>>>>>>>>>>>>>>>>>>>>>>>
” صحيت من نومي واكتشفت عملته المهببه فا رنيت عليه ”
– بقا بتضحك عليا انا يا ابن هدي !!
= صباح الخير يا فوفو
– والله لاوريك لما تيجي
= هخليكي توريني ونعجن بعض حاضر بس عندي ميتينج دلوقتي سلام
” قفلت معاه وسمعت جرس الباب بيرن.. ”
” استغربت مين جي دلوقتي.. لبست الاسدال و روحت عشان افتح.. لقيتها بنت شكلها حلوة موت! ”
– مين حضرتك
= انا رنا..
– رنا مين
بصتلي وضحكت: معقول عزيز محكاش عني !
بصتلها وانا ببلع ريقي: عزيز!؟